[anara85]

Келин жаман болбойт эч качан келген жери жаман деген соз бар,кыргыз элибизде,ошонун сынарындай барган жерида жакшы болсо жаман болуп барган келинда жакшы акыл эстуу болот. Кайын журту жакшы болуп келинди келин дебей кызындай корсо ошол келин кыздай эле болуп баарын сыйлаганга аракет кылат болуш керек. А бизде андай корунуштор аз наоборот душман деп билишет ана укпасын кокууй деп оздоруно оздору душман ашырышатта. Анан кайдагы сый кайдагы чыдам!

[Begimkyz]

Келин канчалык чыдамдуу, акылдуу болгон менен барган жери жаман болсо аны чунчутуп салышат. Баш которбой оту менен куйуп, кулу менен чыгып турсан деле жаман кайынжурт бир баляны таап чыгаары бышык. Ошондуктан жакшы келин эмес жакшы кайынэне болуу керек. Ошончолук эле тушунбогон келин болсо уяткарып, акырын озунун турмуш нугуна тушуруп койгон жакшы да. "Кет, жогол, атан, апан" деп асылып уу тилдебей. Ал деле бироонун кызы, кайынэне деле убагында жаш келин болгон. Уулуна мыкты тарбия берип остурсон, сага татыктуу келин алып келет!

[morther]

"Керкисинде да,кемигинде да бар"- деп коюшат.Беш кол тең эмес дегендей кээде келиндин барган жери жаман болсо,кээде келин жакшы чыкпай калат.Жакшы кайненен баласы менен келининин ынтымакта болушун,бактылуу болушун каалайт.Жакшы мамиле жасап,келинди көтөрмөлөсө аны көтөрө албаган келиндер да бар.Бирок мен бардык кыздарга чыдамдуу,сабырдуу көтөрүмдүү болсоңор жакшы келин болосуңар дегим келет.Чыдамдуулук, акылдуулук менен баарын жеңсе болот.Жакшы аял жаман эркекти жакшы кылат.Келиниң жаркылдап,кабагын бүркөбөй үй-бүлөнүн тирилигин кабагым-кашым дебей жасап,күйөөсүн, кайынжуртун сыйлап турса кайсы кайынэне жаман көрсүн.

[лунка]

morther (16 Июнь 2013 - 16:23) жазган:

"Керкисинде да,кемигинде да бар"- деп коюшат.Беш кол тең эмес дегендей кээде келиндин барган жери жаман болсо,кээде келин жакшы чыкпай калат.Жакшы кайненен баласы менен келининин ынтымакта болушун,бактылуу болушун каалайт.Жакшы мамиле жасап,келинди көтөрмөлөсө аны көтөрө албаган келиндер да бар.Бирок мен бардык кыздарга чыдамдуу,сабырдуу көтөрүмдүү болсоңор жакшы келин болосуңар дегим келет.Чыдамдуулук, акылдуулук менен баарын жеңсе болот.Жакшы аял жаман эркекти жакшы кылат.Келиниң жаркылдап,кабагын бүркөбөй үй-бүлөнүн тирилигин кабагым-кашым дебей жасап,күйөөсүн, кайынжуртун сыйлап турса кайсы кайынэне жаман көрсүн.

+10000000 кошулам.эн туура создор айтылган.

[morther]

Эгерде жакшы болсо аялзаты,
Ошондо аты чыгат эрдин дагы.

Чынында ой жүгүртүп көрсөң терең,
Бардык иш үй туткасы-- аял менен.

Андыктан келиним ук.кыздарым ук.
Уйрөнгүн улуулардан ыйбаа кылып.

Эгерде элге алымдуу болом десең
Талапты аткара бил колдон келген.

Ар дайым көңүл бургун тазалыкка,
Корооңо,үй-жайыңа бардык жакка.

Ар дайым сергектикке көңүл буруп,
Үйрөнгүн эркектерден эрте туруп.

Айылдап төркүнуңө барган кезде,
Сурданып күйөөңдөн эч бийик келбе.

Кайната-кайненеңди пириңдей тут,
Андайда даарып турат өзүңдү кут.

Турмушта өзүң тапкан таалай-олжо,
Аялдык асыл сапат мына ошондо. (Алимжан Токтосунов)

кыскыртылып берилди.

Билдирүүнү түзөткөн: morther: 16 Июнь 2013 - 16:52

[teltaeb]

Кыргыз келини такыба болсо о! Анда жошообуз онолотго

[Rinatik94]

Эң негизгиси ыймандуу болушу керек.Сарамжалдуу, мээнеткеч деги койчу бардык жакшы сапаттар болсо,кандай жакшы.

[uvay]

Чыдамкай болушу керек.

[konfetka_love]

Men kelin bolgondo anan aityp bereiin e

[shazi]

Келинге тиешелүү баары эле жазылыптыр, ошентсе да мен бир окуяны жазып кетейин бул да болсо келиндин кандай экенинен кабар берери анык. Көп жыл болду айылыбыздан бир келин шаардан келе жаткан,аны менен катар айылдын эки,үч кемпирлери чогуу машруткага чыгып калышат. Жолдо кемпирлер келинден " Кимдин келинисин" деп сурашат да. Анан келин " чоң көчөдөгү,бир ак эшиктин келинимин" деген. Кемпирлер аябай ыраазы болушкан ошо келинге, кайнатасы аябай көп ичкен алкаш болчу ошентседа сыйлап, тергеп айтканына. Билбейм менда көрбөгөнмүн мындайларды башка. Бирок угуп калам көбүнчө көчөгө чыканда кайнене, кайнаталарын жамандаган келиндерди, каршымын ушундай жамандагандарга.

[Mediziner]

Акылдуу жубай адашууга жол бербейт

1. Өзүңүздү байкап көрсөңүз, өмүрүңүздө жок эле дегенге курбуларыңыз менен бирге үй бүлө тууралуу сүйлөшүп жаткан учурда жолдошуңуздун айрым кемчиликтерин талкууга койгонсуз. Анын арты менен бардыгы жолдоштору жөнүндө же башкалардан уккан окуяларды кенен- кесир айтып башташат. Мындай кырдаалда кандай абал жаралышы мүмкүн? Албетте, туура акыл салууга кудуретиңиз жетпесе, анда сиз дагы ал "оюнга" кошулууга мажбур болосуз. Андан кийин үйгө келген соң, жолдошуңуздун астында өзүңүздү күнөөлүү жана ыңгайсыз сезип буйшайман болосуз. Себеби, аялзаттын мүнөзүнө ылайык, жолдошуңуздун кээ бир жоруктарына өн берип аша чаап айтып койгонсуз. Бул бир тарабы. Ал эми экинчи тарабысиз жолдошуңуздун энергиясын "уурдап" алып, аны жамаат менен алсыздандырып, күчүн кетирип колдонуп койдуңуз. Себеби, адатта жолдоштордун жаман сапаттары айтылган мезгилде айласыздан "бардык эркектер бирдей акылы жок болушат"- деген пикирлер сөзсүз айтылат эмеспи. Андыктан эгер сиз жолдошуңуздун жетишпеген сапаттарын талкуулагыңыз келсе, анда, чөйрөңүздөгү башка жакын кеңешчилериңиз менен сүйлөшкөнүңүз туура болот. Ал эми курбулар менен жолдошуңуздан башка талкуулай турганы кызыктуу темалар толтура эмеспи. Эсиңизде болсун, жолдошуңуздун кемчилигин башкаларга айтуу менен сиз өзүңүздүн туруксуздугуңузду далилдеген болосуз.



2. Түгөйлөр өз ара кайсы бир көйгөйдүн аркасы менен чырдаша кетсе, анда, жубайлар сөзсүз түрдө жолдошуна сөөмөй кезеп "сен"- деген сөздү көп колдонуп бардык ийгиликсиз нерселерге бир гана аны күнөөлөй берет. Бул анчейин деле туура эмес. Анткени акылдуу жубай өзүнүн сезимдерин гана айтат. Маселен, "мен сенден мындай же тигиндей мамилени, көңүл бурууну күттүм эле, а сен аны эсиңден чыгарып койдуң окшойт"- деп койгонуңуз туура болот. Айырмасын сездиңизби? Муну менен макул боло берсеңиз болот. Себеби, экинчи айтылган ыкманын жолу түз жана көйгөйдү чечүүгө оңой шарт түзүлөт.



3. Жолдошуңуз сиз менен өзүнүн жумуштагы көйгөйлөрү менен бөлүштү. Көпчүлүк айымдар мындай кырдаалда дароо эле көйгөйдөн кантип чыкса болот деген суроону мээлерине сиңирип алып, баш катырып башташат. Же болбосо, адатынча ачуу кыйкырык салат, "Мына, ушуну көрмөксүң. Мен сага эскертпедим беле?"- деген сыяктуу жагымсыз сөздөр айтылат. Ал эми акылдуу айымдар башкача мамиле жасайт. Ал баарын алгач сөзсүн бөлбөй угат. Андан кийин бул окуя үчүн өтө тынчсызданып жаткандыгын айтып, жолдошуна дем- күч берет. Маселен, мейли эми болоору болдуптур. Бирок сен менин акылдуумсуң да, сөзсүр түрдө жакшы бир идея таап бул кырдаалдан чыгып кетээриңе ишенем- деп пикир билдирет.



4. Жолдошун башкалар менен салыштыруу ал үчүн ийгилик алып келбейт. Айрыкча материалдык жактан башкаларлын жетишкендигине көз артып, анын колунан эмне үчүн мындай нерселер келбей тургандыгын айтып даттана баштайт. Бул дагы албетте туура эмес. Акылдуу жубай жолдошунун ийгиликке жетишин кааласа, анда, ийгиликке жетүү үчүн же кантип материалдык жактан көз карандысыз болуу үчүн атайын жазылган китептерди окуп чыгууну сунуштайт.



5. Дасторкон үстүндө жумуштагы көйгөйлөрүн айтат. Бул абдан жагымсыз крүнүш. Эң эле жакшысы жолдошуңузду жумуштан жагымдуу жылмайып тосуп алыңыз. Курсагын кампайтыңыз. Ал өзүн эс алгандай сезиши керек. Алаксытып ал жактырган темалар тууралуу баарлашыңыз. Анда нкийин гана көйгөйлөрдүн четин чыгарып айта баштайсыз.

[anya]

Кыргыз келини менин оюмча журогундо ыйманы бар, жолдошунун оорун колдон, женилин желден алган, кайын-журтун сыйлаган, кичи пейил, жонокой, иштерман болуш керек .

[maksimus]

Askaruli (31 Май 2013 - 17:27) жазган:

Кудайыман тилегеним,жалгыз апам менен карындашымы сыйлап,урматтай турган келин буйрушуну.
Анан лолу катындай сайрап турса бир десен эки деп......билбейм, ата энесине алып барып ыраазымын алтындай кызынарга деп таштап кете бериш керекко,дальше мусор болуп журо берет корунгону менен.

Өзүн кандай болдун экен? Сайратпай багып алыш өзүндүн колунда. Алаардан мурун сайрап, сайрабаганын билип туруп үйлөн. Анын жашоосун бузуп ажырашсан, сен да мусор болосун көрүнгөн менен жүрүп. Жашоо бумеранг

[Gulzat86]

Кыскасы жоокерлердей болушу керек баардык нерсеге так болупТушкон жери жарашса,кара катын ак болот дегени да бар.Демек келинди "токулган аттай"кылып тарбиялап алуу кайын эненин колунда.

[tynara81]

Септүү эмес, эптүү болуш керек. Анан ыймандуу, тил билги болуш керек, кыргыз келини.

[aiturgan2015]

Журогундо ыйман, дээринде билерман, таза, тыкан, жолдошу менен кайын журтунун ортосунан кара мышык откорбосо, барга копбой, жокко чокпосо дейм. Акемдин жубайы да ушундай муноздорго ээ болсо арманым жок эле... Анткени ата-энемди ошол инсанга тапшырам да. Мен да бироонун келинимин, ушундай сыпаттарга ээ болууга аракет кылам...

[Komrad]

Келиндердин койгойлуу маселеси жонундо, укугу тебеленип атканы жонундо ойлорунарга кошулам.

Келиндер, кыздарга мындай бир суроом бар: Жаш кезибизде айылдан баш кошуп шаарда жашаган жубайлардын аялы айылга келсе биринчи кайын журтуна келгенин корчубуз.

Азыркы заманда эркектер шаарда, борбордо же Россияда иштеп журушот. Аялын жанында алып жургону бар, убактылуу, бир нече айга, алып журо албаганы бар. Демек экоо бир нече айга (мисалы 4-5 айга) бирбирин корбойт. Ошол учурда, келин куйоосуно: кайнене кайнатамын уюно барбайм, себеби сен жоксун, сен болсон анан барам деп озунун торкунуно - ата энесинин уюно кетип калганы туурабы? Менин оюм кайын журтуна барбай оз уюно барса деле куйоосу жок да, наоборот ата энеси кабатыр болот кызым жалгыз журот деп. Кайын журтунда журсо куйоосун кутуу женилирээк болобу дейм да. Бул жерде таарынышкандар жонундо айткан жокмун, сагынышкандар жонундо кеп. Куйоосун сыйлайт, сагынат бирок кайын журтун сыйлабагандай болуп калып атат. Мындай ситуацияны коп жакындардан, туугандардан, достордон байкадым.

Дагы бир ушундай тенденция бар, уйлонгондон кийин келиндердин шаарга кетели дегени. Шаардан эмне жоготтунар кыздар, айылдан ким кубалап атат, айткылачы?

[argen.kg4]

Эн негизгиси намыстуу болуш керек.
Кыргыздын тукумун улантуучу экенин сезген,башка улуттар коргондо суктангыдай кол жеткис болуш керек.
Азыркы кээ бир намыссыздардай болуп акча учун,кумар учун"доступный" болбой.

[Nurmatova.]

Кыскасы болуш керек,болуш керек экенда))))

♡

Билдирүүнү түзөткөн: Nurmatova.: 11 Август 2016 - 15:21