[belka.kg]

Таланттыныз оркундой берсин.сизге ийгилик каалайм.Ырларынызга соз жок супер.

[aruuzat88]

Дагы,дагы коп,коп жазып турунуз.Калеминиз курчуй берсин демекчимин.

[Kg.lady]

Basmachy111 (29 Май 2013 - 19:54) жазган:

Ушул акындын чачы, кудуровуй окшойт а?
Ырды кыйын жазат да дайым.

Пушкинге окшоп дейспи)))))

[ayildik_kiz]

Likvidator (26 Май 2013 - 19:51) жазган:

СУПЕР ЖАЙЫТ.

Ушундай мен катталган Супер-жайыт,
Соз менен алдым окшойт бир аз сайып.
Тушунбой кек сактаса кээ бироолор,
Кетемби дейм бул жайыттан болуп кайып.

качан толук вариантын окуйм деп жаттым эле , кошумчасы сонун жазылыптыр

[Likvidator]

Өзгөрүлдү бул дүйнө,
Жаңы заман, жаңы адам.
Келечекке умтулган,
Жаңы ой, жаңы кадам.

Тирүүлүктү каптаган,
Реал дүйнө, вирт дүйнө.
Убакытка уттурган,
Интернет деген ар үйдө.

Адамга жаңы жүз берген,
Интернет айдың, талаасы.
Реалдан алыстап барат,
Кызы дагы, баласы.

Сүйүп көңүл жайланган,
Виртуалдуу гүл берсе.
Кызгануу виртке айланган,
Таң калтырат бул нерсе.

Түшүнө албай бул "net`ти"
Ойлоно албай башым маң.
Вирт келечек көрүнбөйт,
Каптагандай бопбоз чаң.

Билдирүүнү түзөткөн: Gupa: 25 Июнь 2013 - 09:33

[Likvidator]

Угуп жатам, карап турам көз көрүп.
Неге, жаным, баратасың өзгөрүп?
Мени айыптап алыстоону айтасың,
Өз чачыңды өргөн сымал сөз өрүп.

Балким, өзүң байкабайсың өзүңдү.
Байкабайсың өзгөрүлгөн сөзүңдү.
Өзгөргөнүн бир гана мен байкадым,
Мен байкадым карап туруп көзүңдү.

Билдирүүнү түзөткөн: Gupa: 25 Июнь 2013 - 09:39

[Likvidator]

Айласыздан башкага жар болорсуң,
Бакыт кушум, башка туурга конорсуң.
Турмуш деген татаал тагдыр жолунда
Гүлдөй жайнап же гүлдөбөй соолорсуң.
Жок, соолуба... Сен гүл болуп жайнагын.
Музга айланба, күн нурундай кайнагын.
Гүлүн төккөн кез келет бул дүйнөдө,
Ошондо сен бала-мөмө байлагын.

Билдирүүнү түзөткөн: Gupa: 25 Июнь 2013 - 09:42

[Likvidator]

Көп ойлонуп чечтим бүгүн баарысын,
Сени эми коё берем, кармабайм.
Таарынбайм да, сагынбайм да мен эми
Жаман сөз да, жакшы сөз да арнабайм.

Сулуу бийкеч, бир болсо да көчөбүз,
Бет келишсек учурашпай өтөбүз.
Жүрөктөрдө сезимдердин жоктугун,
Сулуу бийкеч, түшүндүк да экөөбүз.

Билдирүүнү түзөткөн: Gupa: 25 Июнь 2013 - 09:45

[shazi]

Тема ачылып жаңы ырларыңызды окуп жатканыма кубанычтамын. Жазган ар бир ырыңыздын мааниси терең, жүрөкө жетет.Калемиңиз курчуй берсин.

[AtankulovaB]

Менде кубанычтамын, мындан аары дагы көөп ырларды жарата бериңиз. Талантыңызга таазим!

[tabyshmak]

«Ликвидатор менен Табышмак»



Биз экөөбүз эгиз өскөн өрүктөйбүз,

Бирин-бири таяп өскөн жөлөктөйбүз.

Тамырыбыз бирин-бири коё бербей,

Байланабыз, жибек чачтай өрүлөбүз.



Биз экөөбүз эгиз өскөн өрүктөйбүз,

Бутак жайсак кенен болор көлөкөбүз.

Аруу, таза сезим менен сыр түгөнбөй,

Күнү-түнү шыбыраша күбүрөйбүз.



Биз экөөбүз эгиз өскөн өрүктөйбүз,

Бирдей бүрдөп, бир мезгилде гүлдөйбүз.

Жалбырактар жашылданып өз кезинде

Бутагыбыз ийилгенче мөмөлөйбүз.

Билдирүүнү түзөткөн: Gupa: 27 Июнь 2013 - 10:21

[Likvidator]

Жылмайдым мен эстеп жаштык кезимди,
Өткөн күндү эске салды сүрөттөр.
Жалбырттатып өчүп калган сезимди,
Эске түштү бал татыган мүнөттөр.

Ак жүзүңдөн күн нурлары чачырап,
Жаркылдайсың, жаным, ушул сүрөттө.
Бул элестер түбөлүккө сакталган,
Жашайсың сен сүрөттө да, жүрөктө.

Билдирүүнү түзөткөн: Gupa: 28 Июнь 2013 - 15:08

[patma.mahmud-kyzy]

Байке дагы жаны ыр кутуп жатамын, калеминиз курчуй берсин, талантыныз оркундоп осо берсин. Ар дайым бар болунуз. Талантынызга таазим! ыр саптар.

Билдирүүнү түзөткөн: patma.mahmud-kyzy: 01 Июль 2013 - 17:59

[Likvidator]

Өмүр жолум эңкейишке бурулуп,
Чуркап барат арттан чаңы чуурулуп.
Жапжаш туруп ой сазына батканмын,
Алпурушам, чыгалбаймын суурулуп.

Билдирүүнү түзөткөн: Gupa: 03 Июль 2013 - 16:01

[Gupa]

Likvidator (03 Июль 2013 - 00:12) жазган:

Өмүр жолум эңкейишке бурулуп,
Чуркап барат арттан чаңы чуурулуп.
Жапжаш туруп ой сазына батканмын,
Алпурушам, чыгалбаймын суурулуп.

Жакты

[Likvidator]

Кантип жашайм мен өзүңдү сагынбай,
Жалындаган сезимиме багынбай?
Капысынан кездешүүгө чакырсаң,
Коё албаймын жолугууга камынбай.

Кантип жашайм сүйүү жытын жыттабай,
Алкымыңдан жыттап коюу - бул таалай.
Менден кетсең элесиңди таштай кет,
Элесиңсиз коёмун мен уктабай.

Кантип жашайм мен өзүңдү көрбөстөн,
Насибимди сени менен бөлбөстөн?
Махабатка жооп кылсаң "сүйөм" деп,
Кылымдарды жашап салам өлбөстөн.

Билдирүүнү түзөткөн: Gupa: 05 Июль 2013 - 15:35

[Likvidator]

Сысыры (USSR) акамдин стили жана колдоосу менен жаралган бир сап.




Көөдөндү көр тирилик ээлеп алып,
Кыялдар... Үмүттөрүм... Мен аларды ээрчибей...
Кайра алар мени ээрчиген көлөкөмдөй артта калып.
Турмуш мага өчөшкөнсүп улам-улам буттан чалып.
Мүдүрүлөм... Күч топтоп турамын да...
Өмүрүмдүн аягына жетүү үчүн жол улаймын башымды жерге салып.

Билдирүүнү түзөткөн: Gupa: 16 Июль 2013 - 10:44

[tabyshmak]

Колдо калем, ак баракка чиймелейм,

Жан эргиткен асыл создон термелейм.

Сен жонундо суйуу ырын жазбасам,

Кирпик кагып, бир да козум ирмебейм...

[Likvidator]

Ф о р у м д а г ы "сынчыларга" СЫН.

Элестет! Тигинин сын айтканын,

Башкасынын сынды кабыл алганын.

Жакшы созду жазып бири мактаса,

Экинчиси жакалуу тон жапканын.

Жаман созду жазып бири таштаса,

Экинчиси кабанаактай капканын.

Виртте дагы кошоматчы болушуп,

Кээ бирлери вирт чындыктан качканын.

[aruuzat88]

Жалгыздык деген ырыныз аябай жакты,талантыныз ташкындап аша берсин.