[kaitpas]

Айылга келсем аттанып,
Көпчүлүк жүрөт даттанып...
Кимиң эле кимиң деп,
Келгендер баары мактанып...
Мен болсо чочуп бир четте
Туруп калдым сактанып...
Кой дедим шото атымды
Буруп калдым актанып.
Бир көрсөм экен айтышты деп
Көрөрман болуп шаттанып.
Кейжимен иним керилип,
Чакырыптыр Уссрды берилип.
Дыңгы-дың деп комузун
Чертиптир кылы терилип...

Аргымак атын чаптырып
Атаандаш издеп каткырып.
Келиптир кана ким бар деп
Саламын келсең жаткырып
Деп, жоктоп эле турганда...
Башыны артка бурганда
Хисторик келди аттанып
Мен бармын айтыш курганга...
Шашпай тур агам айтышам
Деди ал эрте сурданба....

Аңгыча тааныш үн чыкты,
Булуттар кетип күн чыкты...
Карасам асты жагымда
Ликви акем ырдан кымчытты..
Усср акеме ал дагы
Бир шиңгилден чымчытты...
Кейжимен менен очереттеп
Маанайын шото тынчытты../>


Анан мында бир эжем
Кайтпаска суроо салыптыр..
Тең курактуу иним десе,
Кайтпас айран-таң калыптыр.
Мүмкүн чоңдур билбедим,
Профилине кирбедим.
Сексен алтыны көрүп
Тең эле окшойткен дедим.
Ыйлабай эле жүрөт ко
Суп-сулуу Луичкам менин.
Айтканы дайым айткандай
Алып беремин кемин/>
Ыйлатпай эле калайын
Болгон соң өмүрлүк теңим.
Сиз эжем анда айтсаңыз
Таанышым эле окшойсуз менин.

Билдирүүнү түзөткөн: kaitpas: 21 Июль 2013 - 21:37

[USSR]

Айлыма келсем бастырып
Желип-жортуп жел жүрөт
Нары-бери чапкылап
Шаштысы кетип эл жүрөт,
Ликви менен Кейжимен
Кыйратамын деп жүрөт.
Жазгандарын окусам
Баары баатыр,баары шер
Жоо-жарагын шайланып
Бу инилерим баары эр!
Чоң сайышка түшчүдөй
Шымаланган инилер,
Эсесерди ээринен
Оодара жыкчу кимиңер?
Жаак этиңер түйүлүп
Кычырайт го тишиңер,
Ээн жерде эсирип
Толгонбу дейм шишиңер?
Чамындыңар чарпылып
Канат күүлөп учам деп,
Чамаңарды билбестен
Чайнабай эле жутам деп,
Тили узун ажаан катынча
Көбөйүптүр чырыңар,
Отрядындай ОБОНдун
Өңгүл-дөңгүл ырыңар,
Мен эле мен дейсиңер
Жарабайт го мунуңар?
Тилиңерди тарта туруп
Эми мени угуңар!?
Айтышам десең мен даяр
Жекелебей экөөң кел
Эки акын каптаса да
Эңилбеген Эсесер,
Чабышканга мен даяр
Экөөң түгүл жетөөң кел
Жети акын көптөсө да
Жеңилбеген Эсесер.
Карысам да калтырап
Сакалым өсүп самтырап
Бир койчолук алым бар
Кармаган жерден кан чыгат,
Анча-мынча "жаштарың"
Келтегимден жанчылат,
Кана анда эки акын
Атыңды темин камчылап,
Айтышканда тер аксын
Маңдайыңдан тамчылап.

Орозодон башта деп
Кайтпас иним айтты кеп,
Анын сөзүн укпастан
Баштадың экөөң мээни жеп!
Орозодо жакшы сөз
Баштасаңар болбойбу?
Оозачарда ортого
Таштасаңар оң ойду,
Ушу отуз күн ичинде
Оңдойлучу ниетти,
Орозо айы тууралуу
Айткылачы бир кепти?!

[Argymak007]

historic (21 Июль 2013 - 09:39) жазган:

Кыйын босоң ага,
Келе калчы кана,
Мен түшөйүн сага/>

Болду жетет.))))

[kgman92]

Ээй дынгы дынгы дынгы дыын!
Ассалоом алейкум калайык,
Адегенде,учурашып алайлык!
Амандыкты сурашып,
Анан айтышты баштайлык.
Ай акебай,акебай
Биздин айткан сөздөргө ,
Таарыныпсыз жапжаш баладай.
Сиздей алпка туш келип,
Сүйүнүп атсам,кудай ай,
Көрүпсүз го өзүмдү,
Басылбаган ажаан катындай!
Анча мынча сөздөрдү ылгабай,
Койсонуз болмок таарынбай!
Эркелеп айткан сөздөргө,
Жиндендиниз го,ач аюдай!
Ойноп айткан сөздөргө,
Асылдыныз го,жанды кыйчудай.
Анан дагы кызыгы,
Салыштырдыныз ОБОНдорго капырай.
Өңгүл дөңгүлгө теңетип,
Салыштырдыныз кокуй ай!
Жаман деген ой жок эле,
Мен деле келгем кече эле.
Эгер жериди десеңер,
Моюнга салып камчыны,
Кечирим сурайм тез эле!
Бир ачуунузду берииз,
Сиздин тяжелый вес экениңизди билебиз!
Ушу сиздей инсандан,
Сабак алып келебиз!

Эми теманы карасам,
Орозодон баштасам.
12 айдын алтыны,
Кубандырып жалпыны
Кирип келген Рамазан,
Күнөөсүн билген пендени,
Кечирим суратып ыйлаткан.
Жан дүйнөнү тазартып,
Ак барактай тазарткан!
Кара баскан жүрөктү,
Бир заматта агарткан!
Рамазанда жакшылык
Сурайлы бир кудайдан!
Сылык сыпаа мамиле
Айрылбайлы ыймандан!

Турмуш деген чоң сыноо,
Ал сыноодон өтпөсөң,
Сени кутот бир кыйноо!
Ошондуктан момундар,
Бул сыноодон сынбайлы,
Көңүл кирдетип,булгаган
Ыплас иштерден кылбайлы.
Анча мынча сыноого,
Талкаланбай чыдайлы!
Эээй дынгы дынгы дынгы дыын!

[Likvidator]

Сысыры акам сырактап,
Келиптир бир аз чычалап.
Ака, ака деп койсо,
Озунчо эле куч алат.
Эркелеген иниден
Эрегишип оч алат.

Карт бору сезсен озунду,
Озгону шер ойлогун.
Тайыздап кечпей ойлорду,
Теренинен бойлогун.
Карт бору болсон айылда,
Каалагандай жойлогун.
Карт бору бол, арстан бол
Жылан болуп сойлогун.
Озун ачкан айылда,
Омур бою тойлогун.
Озум ачкан айыл деп,
Осуп жаткан жаштарды
Буттан тартып койбогун.

Токтоп турбайт убакыт,
Кун артынан кун келет.
Жаркырай бербейт кунунуз
Кун артынан тун келет.
Алптарыбыз каарыса,
Алдуу кучтуу жаш келет.
Акылыныз аарыса,
Акылы тунук баш келет.

Алышам деп озун алп сезсен,
Айрылып калат жаагыныз.
Эсирген болсо Эсэс Эр
Кушсуз калат багыныз.
Ликвинин тийип жинине,
Бош калбасын тагыныз.

[Likvidator]

Орозону эске алган,
Эстуу акем Сысыры.
Акылдуу соз суйлогон,
Созунун жок мусуру.
Соз келгенде айтпасам,
Урбайбы создун кусуру.
Алпка да келет акыры,
Каарылыктын учуру.

Гулдун да болот бучуру,
Гулдочуу болот учуру.
Кулпуртпай туруп сындырсан,
Урбайбы анын кусуру?

Барчын кушту эл билет,
Канаттын куусун жел билет.
Буткут болгон кезинде,
Карт бооруну да илет.

Эсен ашуу жол журуп,
Кок жал болот болтурук.
Карт бору уйур кызганып
Койбосо эле олтуруп.

Алп болсон да Сысыры,
Тийишпегин КЖге.
Кучун ашып баратса,
Тийишип кор Э.Жге.

[patma.mahmud-kyzy]

Оо браво Ликви байке азаматсыз!

[tabyshmak]

Ага-ини ушул жазма айтыштарды ун менен айтышканда комуз менен мындан да сонун болмок...

[USSR]

Оо инилер,акындар
"А" деп койгон сөзү эле
Куюлган накта алтындай!
Кайра дагы келдиңерби
Ызычууңар басылбай?
Аюуга мени теңептир
Кейжимен деген жаш акын,
Не десең ошо болоюн
Анткени мен карт акын,
Орозонун күнүндө
Жакшы ырдан ырдайын
Кептин ушул учугун
Уруш жакка бурбайын,
Жаман айтуу күнөө дейт
Рамазандын айында,
Бул күндөрү ооз жабат
Кедейиң да байың да,
Кызматчың да ханың да,
Жакшы амалдар жасалып
Үй ичине кут конот
Жакшылык каалап мусулман
Карөзгөйлүк жок болот,
Ар бир кылган түз ишиң
Кемитилбей сооп болот.
Ушуну билген Кейжимен
Түзүк жигит окшойсуң
Тиги Ликвини тартып калбасаң
Ыймандуу адам болгойсуң.
Кейжимен иним бу жылы
Кармадыңбы орозо?
Кептин эмки учугун
Шул өңүттөн козгосоң?

[Narynbek]

Айылдап келсем айылга
Алптар жүрөт айтышып
Эки-экиден алышып
Не болгон деги силерге
Орозодо чабышып
Улууң кичүү дебесе
Кичүүң ызат билбесе
Орозо маалда жөн айтыш
Уят болот акындар
Андан көрө жарамазан айткыла
Сөз берметин чуурутуп
Ай он беши болуптур
Жарыгын чачып жаркырап
Орозода эртең тутсак
Он беши болуп калыптыр
жарамазан айтканы
Так маалы келиптир
Кана эмесе акындар
Баштайлы анда жарамазанды.

[Shekspir]

Narynbek (23 Июль 2013 - 00:54) жазган:

Айылдап келсем айылга
Алптар жүрөт айтышып
Эки-экиден алышып
Не болгон деги силерге
Орозодо чабышып
Улууң кичүү дебесе
Кичүүң ызат билбесе
Орозо маалда жөн айтыш
Уят болот акындар
Андан көрө жарамазан айткыла
Сөз берметин чуурутуп
Ай он беши болуптур
Жарыгын чачып жаркырап
Орозода эртең тутсак
Он беши болуп калыптыр
жарамазан айтканы
Так маалы келиптир
Кана эмесе акындар
Баштайлы анда жарамазанды.

Айтыш болсун айтыштай,
Айткан сөздөн кайтышпай.
Анда мунун неси айтыш?
Отуруп алсак айтышпай.
Орозону шылтоолоп
Жарамазан айт депсиң,
Жарамазан айткандар,
Кыдырып уйлөрду кетсин
Айтышкысы келбесе,
Тамаша куруп бербесе,
Атаандашын жеңбесе,
Жарамазан айтат да,
Айтышканды билбесе.
Анан кайра баштамай,
Бирин бири мактамай,
Сен да укмуш, мен укмуш,
Бири бирин даңктамай.
Айтыш андай болбогон,
Айтышка акын тойбогон
Мисалы Шекспир Нарынды,
Сөз менен жеңип, кордогон.
Кана кимиң айтышка,
Мени менен чыгасың?
Кайтпасыңбы, Шериңби?
Ликвидатор, Терминаторбу?
Кейжименби, Эриңби,
АКШ, ЭсЭсЭсериңби?)))

[kgman92]

Ээй дынгы дынгы дынгы дыын!
Айылды жүрсөм аралап,
Эс алайын деп жакшылап.
Ач айкырыктуу үн чыгат,
Көчүгү түшкөн аюдай,
Бакырат эле бакырат!
Ким экенин карасам,
Мен ушуга танданам!
Саламы жок түз эле,
-Жеп жутам эле,жеп жутам!
Деп өкүргөнү өкүргөн,
Элдин барысын үркүткөн!
Карап турсам Шекспир,
Кудайдан жөө качкан немедир!
Урунаарга жоо таппай
Бул айылга келгендир!
Баарыбызды атап кетиптир,
Өчу бардай жээриптир!
Кашаң аттай акырын,
Араң,араң желиптир!
Ай айланайын Шекспир көппөгүн,
Катуу тийди сөздөрүң!
Салам айтсаң биринчи,
Жаагың сынып өлбөйсүң!
Кордук көргөн чалдайсың,
Салам айтсаң ийилип,
Бүкүрөйүп калбайсың!
Сага атайылап сөз терем,
Салам айтсан жалпыга,
Уят болбойсуң сөз берем!
Уланта берсең жорукту,
Ликвиден көрөсүң кордукту!
Кынкыстасаң дагы ушундай,
СыСыРы авам жайлайт учурбай!
Айкыра берсен айтайын,
Хисти берет сазайың!
Мынте берсен ар дайым,
Кайтпаска барып айтайын!
Кыйкырткыс кылат ылайым!
Эгер кылсаң акаарат,
Ай ааламга айкайлап,
Нарынбек авамдан качасын,
Апакелеп апаалап!
Козундон жашың салаалап!
Ушинтсем гана Шекспир,
Эсине эми келеттир,
Ийилип жалпыга,
Аяган саламын береттир!
Катуу тийсе кечиргин,
Бирок ушуга озун жеткирдиң!
Кана эмесе кайра баштагын,
Алтын шиңгилиңден таштагын,
Адегенде айтылчу саламды,
Кайра унутуп салбагыыын эээй дынгы дынгы дынгы дыын!

[BORN.kg]

шекспир дафай шекиспир,
шерлердин шайын кетир бир:-)

[kaitpas]

Чакырып мында Шекспир
Аябай катуу кетиптир.
Саламы жок, алик жок
Ырыны тартуу этиптир.
Кыйкырганы башкача
Коңшу айылга жетиптир.
Уккандар баары таң калып
Эмне бул маспы? дешиптир....
Чындыгында Шекспир
Бурмалатып эшиптир,
Илхомдорду козготуп
Уюгун казып тешиптир.
Казыган болсоң коргоймун
Айылым алтын бешиктир.
Бузуп кирсең айылга
Билип кой Кайтпас эшиктир.
Качырбасам сендейди
Айтканым жалган кешиктир.

Тоотпой тууган ырдаптыр
Кайтпасыңбы шериңби....
Шер болбосом да тууган
Бычаксыз шылам териңди..
Ансыз да араң турамын
Чыгара албай черимди.
Сен кимсиң тууган тепсеген
Өнөрлүү айыл жеримди....

Кыргызча ысым жок бекен
Англис атын атаптыр.
Орозону айттырбас
Шекспир че то чатактыр.
Орозо тутмай ойдо жок
Орустардай жатактыр.

Айтышмак болсоң даярмын
Качырып канжар саярмын.
Каалаган тема тандагын
Кармап туруп кыярмын.
Оолуккан сенин оозуңду
Оолуктурбай тыярмын.
Адатым менин ушундай
Жинденсем дароо кыярмын

Капа болбо каралдым
Эмнеге мында жаралдың
Айтышкак болсоң да кыйын
Акыны жапайы аралдын.
Билип ал анда эй тууган,
Салам айтат кыргызда
А сен кайдан таралдың?

[USSR]

Тирилик деген тынчытпай
Колду байлап кыйнады,
Ликвиге арнап жаза албай
Ширин ширин ырларды.
Таңатпай кетип жумушка
Жуурулушуп турмушка,
Кыбырап кечке тынбаган
Мен ушундай "кумурска" .
Үйгө келсем кечинде
Үйбүлөм-кызым, аялым,
Интернетти казбастан
Кызымды мен да караймын.
Болбосо жүда бермекмин
Ликвинин таза сазайын,
Кеч болсо да ырына
Жообумду эми жазайын!
Орозонун күнүндө
Тынчсыңбы Ликви акыным?
Хам жердеш-ү,хам укам
Форумдан тапкан жакыным,
Кыз көрсө кеткен эсинен
Чертип тандап четинен,
Атжайлоодо айгырдай
Алчактаган, элирген,
"Карыдың эми,койгун" деп
Агасына секирген,
Алакачып ырларды
Акыным ай эсирген!
Өчүң бардай өкүрүп
Ырдаптырсың ырыңды,
Алып жүрбө агаңдан
Алты айлык чырымды?
Азил-азил деп коюп
Жазуудасың ырыңды,
Бир кудай,бир сен билеерсиң
Азилиңби,чыныңбы))
Хоп дейинчи бул ирет,
Не десең ошо болоюн,
Мактап -жактап бир сени
Купулуңа толоюн,
Миң жаман сөз айтсаң да
Жакшы сөз менен ороюн,
Жамандыкка жамандык
Кылаар иши наадандын,
Жамандыкка жакшылык
Иши экен жакшы адамдын,
Орозонун күнүндө
Мен ушул жолду кармандым,
Ликвини сөксөм итмин деп
Өзүмө-өзүм каргандым.
"Сен карысың,мен жаш" деп
Жетсе да башың булутка
Ортобузда эки жаш
Бар экенин унутпа! )

[Likvidator]

Тамашалуу соз учун,
Теригиптир Эсекем.
Оз акем ушинтип турганда,
Башкага жазып мен нетем?..
Чычалаган создордун,
Маанисине мен жетем.
Акем менен айтышпай,
Таарынышып кайтышпай
Эсим барда мен кетем.

Соз маанисин андаймын,
Жетчуу жерге соз жетти.
Жакшы айтыш болбосуна
Мына ушинтип коз жетти.
Конулго алып коп нерсе,
Кызарттыныз сиз бетти.
Тамашаны тушунбой,
Ачыттыныз го этти.

Эркелебейм Эсеке,
Аке сизге женилдим.
Катуу соз айтсам кечир деп,
Башты ийип энилдим.
Кечирер бекен акем деп,
Кулак туруп унулдум.
Акем азил тушунбосо,
Бул айтыштан тунулдум.

[Leila86]

Салам айтам калкыма
Рамазан бакубат айында
Кечиримдуу бол десе
Таарынып бири бирине
Чымчылашып, чырлашып
Неге мынча жаздынар?
Таарынып кетип Таласка
Ошко да жетип калдынар
Кайра кайтып келгиле
Кичи биздин айылга!

Сысыры байкем таарынып
Катуу созду баштаптыр
Ликвини сынга алыптыр
Эки жашка карымын деп
Озунун жашын айтыптыр

Ликвиге озу не болгон?
Тунулдум эле дей берет
Форумдагы элдерге
Улам бир тема ачса ле
Жабылып калат кашайып
Таарынсан баргын Таласка
Андан ары Ош жака
Форумдагы создорго
Маани бербе байкеси
Боло берет бу создор
Озгочо биздин форумда!

Кайтпас журот танкалып
Жашымды менин иликтеп
Айырмасы барбы озу
Улуу,кичуу деп болбой
Кээде сиз, сен дей берем
Ага анча тан калбан
Мумкун чындыр инимсин
Улам тойду жылдырып
Чачымдын алдын агартып
Куткон элем тойунду
Подарке алып эл менен
Тойунда жургом кубанып
Луи кызды сагынып
Ойлоп журом ар дайым
Бактылуу болсо экен деп
Тилеп келем кудайдан!

[USSR]

Аа Ликвибай карагым
Таарынычың, ызаңды
Шурудай гана санадың,
Тултуйган анау бетиңди
Бери бур,мени карагын.
"вирттууган" иним деп жүрсөм
Душманыңдай санадың,
Баштабай жатып айтышты
Кетүүнү сен кааладың,
Тормузду тепчү чыйк этип
Ушул беле абалың?))
Эстечи,мурда ким элең
Териси калың пил элең
Тонна-тонна жүктөсө да
Тартып кетчү ЗИЛ элең,
Күнү-түнү чарчабай
Сайрап турчу тил элең!
Айтыптырсың кетем деп
Эсесер менен айтышып
Не муратка жетем деп,
Кетемин деп илгери
Коркутчу эле катындар,))
Ликвибайым кайраным
Сенин жигит деген атың бар,
Эркекке гана таандык
Кулк-мүнөзүң, затың бар,
Айтыш бар жерде таарынып
Түңүлчү эмес акындар,
Сага жагып ырдайын,
Мага кандай шартың бар?
Тултуя бербей жарылчы
Деги кандай дартың бар?)))

[aijan]

Фьюууть! Ап-балли! Азаматтар!

[kaitpas]

Технический накаут,
Болуп калган сыягы.
Ликви агам не болду,
Айтыштан өзүн тыябы?
Бир-эки удар жегенде эле
Араңдан оозун жыябы....?