[dia-omur]

мен бойонбойм.себеби озумо жарашкан макияжды билбейм билбей туруп бойонуп алсан анда болбой калат.кочодо кыздарды коруп тан каласын жарашса деле жарашпаса деле бетине бар жоктун барын суйкоп алышат.

[Tomega]

Дайыма женил макияж жасайм.

[Askaruli]

Женил эле жасаган жакшыго дейм,анан тандоодода бир аз конул бурсаныздар. Тери менен сочитаться эте турган онунон тандап,а то баягында айтканымдай. ..бетин айдай ылдыйы------..
тушундунорда.

[suluukuz]

Мен женил тургай эчтеке кылбайм. Анда санда той кечелерге эле жасанбасам, женил эле макияж кылам. Мындай кундору лосьен менен тазалап эле кете берем жумушка.

[BeMku]

Баарына салам кыздар! Бетке Кантип туура макияж жасаш керек,менин көзүм (коричневый)коңур да,козду кантип жарашыктуу боёшун айтып коёсуздарбы, болбосо суротторун илип коюнуздарчы?

[mayoral]

Гууглга да кайрылып корчу.

[Mr.katagan]

Айран менен каймактан откон макияж жок болбосо койдун куйругу

[chuvaak22]

Бетине айран шыбап, коздорунду чесноктун сабагын куйгузуп алып чийсен тим эле брюнетка болуп чыга келесин...

[konfetka_love]

BeMku (24 Август 2013 - 07:30) жазган:

Баарына салам кыздар! Бетке Кантип туура макияж жасаш керек,менин көзүм (коричневый)коңур да,козду кантип жарашыктуу боёшун айтып коёсуздарбы, болбосо суротторун илип коюнуздарчы?

Көзүңүз тегерекпи же чоң тостокпу же чуңкурбу же кандай?

[konfetka_love]

Эгер көзүңүз тегерек болсо, анда ички түбүнөн сыртын көздөй ичке чийин менен түшүрүп, учун созо түшөсүз, ошондо көз кичине сүйрүрөөк көрүнөт. Кирпикти кара тушь менен боёп, көлөкөнү(тень) кабактын түп жагынан ичке түшүрүп, сырт жагын каштын учу багытка жызаланып кетет. Көлөкөнүн боёгу бозомтук, назик түстө болсо жакшы.

Билдирүүнү түзөткөн: konfetka_love: 24 Август 2013 - 19:12

[konfetka_love]

А эгер көзүңүз чоң, тосток болсо анда күңүртүрөөк боёкту үстүңкү кабактын бурчунан сыртын көздөй кеңейтип жазы, жука боёңуз. Ошол боёктун учу көздүн чекесине жеткенде алдыңкы кабакты жаба орогон сымал артка буруп коёсуз. Каштын сырткы учунун 1/3 бөлүгүнө ( астына) өңү ачык, жылтырак бет май сүртүп коюуңуз.

[konfetka_love]

Эгер көзүңүз чуңкур болсо, гримдин жардамы менен чоңойтуп, таасирдүүрөк көрсүтүүңүз керек. Көздүн учунан кашка чейин абдан ачык боёкту кабакка сүртөсүз. Кирпиктин түбүнүн сырткы уч жагын гана боёңуз. Анан кирпикке тушь абдан калың коюлат жана ошонун негизинде көз таасирдүү көрүнөт.

[konfetka_love]

Көздөрүңүздүн ортосу абдан жакын жайгашса, көлөкөнү үстүңкү кабакка көздүн орто ченинен баштап түшүрөсүз жана өйдө карай каштын учун карай жайылтып кетесиз. Эки көзүңүздүн ортосу менен бурчтарына абдан ачык түстөгү боёктон сүртөсүз да, кирпиктин түбүн күңүрт калем менен чиесиз.

[konfetka_love]

А эгер көзүңүздүн ортосу абдан алыс жайгашса анда боёкту көздүн бурчунан дароо жазы баштап каш тарапка кеткен учу ичке аласыз. Кирпиктин түбүн боёгондо ортосуна өткөрө баштайсыз, ортосунан ичкертип ал эми аяк жагына жеткирбей токтотосуз, каштын ортосунан жакындатып боёйсуз

[konfetka_love]

А бетке жаңы тартылган каймакты колдоном. Сиз да колдонсоңуз жакшы натыйжасын берет, башка бет майларга караганда жакшы

[Anarhistka]

Mr.katagan (24 Август 2013 - 16:05) жазган:

Айран менен каймактан откон макияж жок болбосо койдун куйругу

Койдун куйругун эмне кылааат ?

[admin_superstan]

"Кыздар айтып койгулачы сураныч!" темасы менен бириктирилди.

[Mediziner]

Макияжыңызды бир күн бою бузбай сактоону үйрөнүп алыңыз

Иш күнү аяктап бара жаткан учурда айымдар, эртең мененки жасаган макияждарынын өңү өчүп, баштагыдай жагымдуу көрүнбөй калгандай сезе башташат. Эң эле натыйжалуу ыкмасы, бир нече эрежени эске алып коюу керек. Ишенип коюңуздар, макияжыңыздар бир күн бою бузулбай сиздин сулуулугуңузду арттырып турат.

Таза тери

Косметикалык каражаттарды бетиңизге сүйкөөрдөн мурун, бет терисин абдан кылдат тазалап жууп алышыңыз зарыл. Муну мен сиз макияжыңыздын туруктуулугун камсыздайсыз. Ал үчүн бет териңиздин абалына жараша тазалоочу каражаттарды колдонуңуз. Маселен, бетиңиз майлуу болсо, анда сөзсүз түрдө майлуу бетке кашы каажат менен тазалаганыңыз оң. Антпесеңиз бетиңиз майланышып, макияжыңызды "ээритип" коёт.



Негиздерине көңүл буруңуз

Бетиңизге макияж жасоодон мурда анын өңүн бирдей кылып тоналдык бет майды жеңил сүртүп алганыңыз дурус. Бул макияжды көпкө сактайт жана беттеги кээ бир кемчиликтерди жабат. Күндөн сактайт жана сырткы чөйрөдөгү зыяндуу заттарды бет терисиндеги тешикчелер аркылуу кирүүгө бөгөт коёт.



Сууга туруштук берүүчү косметикалык каражат колдонуңуз

Кээ бир косметикалык каражаттар жакшы коюлганы менен бир нече саат өткөндөн кийин эле бузула баштайт. Маселен, кирпикке койгон туштар. Ал абдан жагымсыз көрсөтөт. Андыктан сууга туруктуу туштарды көлдонуңуз. Буга бир эле туш кирбейт. Көздүн сурмасын чийген калемдер да кирет. Бирок, кээ бир айымдар мында сууга туруштук берүүчү косметикалык каражаттарды кечинде өчүрүү кыйынчылыкка тураарын айтып даттанышат. Мунун жарасы жеңил. Сиз ошол косметиканы сатып алып жатканда, аны өчүрүүгө мүмкүн болгон каражатты кошо сатып алыңыз. Же болбосо, кечинде макияжы өчүрөөрдө кебезди зайтун майына малып, бир сыйра сүртүп чыгыңыз, эң сонун тазалайт.



Майсыз косметикалык каражаттарды гана колдонуңуз

Макияж жасаганга чейин тоналдык бет майдан алдың колдонгон кремдин курамында майы жогун тандап алыңыз. Майсыз кремдер бет терисин кургак кармайт.



Сурманы ичке чийиңиз

Көзгө калың чийилген сурмалар бир аз убакыт өткөндөн кийин ээрип, баштапкы абалынан бузула баштайт. Андыктан сурманы сууга туруктуу келген жана ичке чийиңиз.



Даана эриндер

Кээ бир айымдардын эриндерине коюлган помадалар четине чыгып калат. Мунун алдын алуу үчүн эриндердин айланасын түссүз калем менен дааналап чийип коюңуз. Ал эми помада койгонго чейин бир аз тоналдык бет май сүйкөп койсоңуз да жакшы болот.



Макияж табигый көрүнүүсүнө аракет жасаңыз

Кашыңызды, көзүңүздү боёгон соң жана бетиңизге кызартма (румян) койгондон кийин аларды жайылта (растушевать) жеңил сүртүп чыгуу керек.

[Mediziner]

Көз айнек тагынган айымдар кандай макияж жасашы керек?

Эгер сиз көрүүнү жакшыртуучу көз айнек тагынып, мындан улам сизде тартынчаактык сезими болсо, анда бул сезимди алыс айдаңыз. Себеби мындай аксессуар азыркы тапта модада. Аны көптөгөн шоу дүйнөсүнүн жылдыздары колдонуп келет. Болгону сиз бир аз сырын билип алууңуз керек.



Алысты жакшы көрбөгөнгө көз айнек тагынууда..

Мындай жагдайда, алгач көздүн астындагы бырыштарды жана көгүш тактарды байкатпай тургандай бет май жана тоналдык бет майларды сүйкөп алыңыз. Андан кийин көздөрүңүздү карандаш менен түз кылып чийиңиз. Көздүн кыймылдап турган ирмөөчү тарабын табигый өңгө жараша түс тандап коюңуз.



Жакынды жакшы көрбөгөнгө. ..

Бул көз айнектер көздү абдан кичине кылып көрсөткөндүктөн сызыкчаны калың калем менен чийиңиз, ал тендердин ачык түстүүсүн колдонуңуз.



Метал алкактуу көз айнек тагынсаңыз

Сызыкчаны кашыңыздын жолуна ылайыктап чийесиз. Тендердин күмүш түстүүсүн тандаганыңыз оң болот. Ал эми помаданы табигый өңгө ылайыктуусун сүйкөңүз.



Калың жана түстүү алкактуу көз айнек тагынгандар

Көзүңүздүн асы- үстүн окшош күрөң тен менен сүртүңүз. Көздүн үстү калың карандаш менен чийилет.



Таш бакадай алкактуу көз айнек тагынуучулар

Көзүңүздү жана эриндериңизди күрөң түскө боёңуз. Ал эми карандаш менен чийсеңиз, анда ылдыйкы бөлүгүн ичкерээк, үстүнкү кабатын калыңыраак чийесиз.

[Mediziner]

Сулуу болуунун сыры катылган косметикалык каражаттар
Макияжда колдогон кесипкөй терминдердин сөздүгү
Бронзер деген эмне? Шиммер менен хайлайтердин айырмасы эмнеде? Консилер менен тон берүүчү кремдин айырмасы кандай? Косметика чыгаргандар менен жалтырак журналдар айымдардын башын кесипкөй визажисттер колдонгон лексикон жана түшүнүксүз терминдер менен айлантышат. Аларды так ажырата билип, туура колдонуу келбеттүү көрсөткөн кесипкөй макияж жасаганга көмөк берет.

Антисерн (фр. anticerne)

Көздүн алдындагы тактарга арналган, аларды агартуучу корректор. Жашыруучу мүмкүндүккө ээ эмес болгондуктан безетки, кызарып кетүү сыяктуу теринин олуттуу учурларына колдонууга болбойт. Бирок көздүн алдындагы бырыштарды визуалдуу түрдө жоготууга болот.




Бронзер (англ. bronzer)

Териге күнгө күйгөн сыяктуу өң бере турган каражат. Бронзанттар деп да атап коюшат. Баардык косметикалык маркалар чыгарып сунушташат. Аны бетке колдонууга болот, бирок беттин өңү моюндан таптакыр айрымаланбагандай колдонуу керектигин да эске алган дурус. Пудра, суюктук, крем түрүндө чыгарылат.





Глиттер (англ. glitter)

Кургак, чачылма жалтырак каражат. Кесипкөй косметикалык маркалар тарабынан чыгарылат. Макияжда атайын эффект бериш үчүн колдонулат: көзгө, эриндерге, денеге жана чачка чачса болот. Кургак денеге жабышпагандыктан нымдоочу кремдердин колдонгондон кийин пайдаланыш керек. Глиттер образга карнавалдык ачыктык берет жана бий аянттарында жакшы көрүнөт, бирок күндүзгү макияжга, расмий салтанаттарга пайдаланууга таптакыр болбойт.





Консилер (англ. consealer)

Беттин жана дененин маселе жараткан бөлүгүн жашырууга ылайыкталган каражат. Аны көгөргөн тактарды, безеткилерди, күйүктөн калган тактарды жашыруу үчүн колдонушат. Консилер тон берүүчү кремден айырмаланып, маселе жараткан жердин дал үстүнө гана сүртүлөт.



Корректор (англ. corrector)

Беттин бөлүгүнүн формаларын өзгөртүш үчүн чыгарылган каражат. Көп учурда фотосессияларда, сценаларда, лифтинг-макияжда, кечки макияжда колдонууга болот.



Лайнер (англ. liner)

Көз менен эриндери тегеректеп сызууга ылайык чыгарылган каражат. Суюк түрдөгү көзгө контр берүүчү лайнер, же калем сап түрүндөгү лайнерлер чыгарылат.



Люминайзер (англ. luminizer)

Териге жаркыраган түс бериш үчүн колдонула турган косметикалык каражат. Аны жеңил күндүзгү макияж жасоого дагы колдонууга болот.



Минералдык косметика (англ. mineral makeup)

Минералдык заттардан жасалган декоративдик косметика. Спирт, химиялык каражаттар, конверваттар жана башка косметикалык каражаттар курамында болбогондугу менен айырмаланат.



Плампер (англ. plumper)

Эриндерди кыска мөөнөттө борсойтуп көрсөтө турган каражат. Анын натыйжасы 1-3 саатка жетет. Плампердин курамына корица, имбирь, кызыл калемпирдин компоненттери кошулгандыктан, эриндерде кан айланууну күчөтүп, аны көлөмдүү кылып көрсөтөт.Помада, бальзам, түссүз крем түрүндө чыгарылат.



Хайлайтер (англ. highlighter)

Агартуучу корректор. Люминайзерден айырмаланып хайлайтер териге жалтырак түс бербейт, ал болгону жарык рефлексин түзүш үчүн гана кректелет.Мисалы каштын алдына сүртүлгөн хайлайтер көздү чоң кылып көрсөтөт. Аны баардык учурда колдонууга болот.



Шиммер (англ. shimmer)

Териге жалтырак түс бере турган каражат. Кечки жана майрамдык образды түзүүгө колдонулат.



Фиксатор (англ. fixer)

Макияж жасап бүткөндөн кийин колдонула турган каражат. Спрей түрүндө чыгарылат. Макияжды жакшы сактоого өбөлгө болот.