[historic]

BORN.kg (23 Октябрь 2013 - 23:10) жазган:

Милтеси сымал танканын,
мээлеген жерин жанчасын! ...
Кыйынсын иним кыйладан,
кыздардын чапкан канчасын.
Тайбасан ушул калыптан,
так эле мени тартасын!
Чалынып кетип капыстан,
чаап албайбызбы анан манкасын?:-)

ии баса иничек,
сенин колундан келбейби,
суйуунун чийуу картасын?...: -)

Картасын дагы чиемин,
Башкасын дагы чиемин.
Эртерээк сага келинчек,
Таап берүү менин тилегим.
Батыраак сени тындырсам,
Кезегим келет билемин.

[BORN.kg]

Lui (23 Октябрь 2013 - 12:37) жазган:

Жека мырза айтышка кош келиңиз,
Күүлүү, күчтүү жүрөсүзбү демиңиз,
Акындарга жакшы жооптоп жатыпсыз,
Жедирбестен чөнтөктөгү жемиңиз.

Бийкечтерди дагы даңктай бериңиз,
Сөздөрдүн эң таттусунан териңиз,
Арноолорду окуп форум кыздары,
Көтөрүлүп калсын биртке демибиз />

Жека аганын кубат берип демине,
жакшы иш экен кеп кошконун кебине.
Жатып алып ойлонсом да жаш башым,
жетпей койду жедирбеген жемине.
Чонтогунон жула качкан тамагын,
чонтокчулор барбы бизде эмине?...:-)


Канча кызды суйуп ырдап сагына,
канча айттык кел деп суйуу багына.
Сулуу сулуу гул сыяктуу кыздардын,
сулуулугун данктамакмын дагы да.
Калаар кезде форумда болуп Данияр,
Карабастан кетип калган Жамийла:-)

[Jeka]

Байкашымча, айыл эми жанданды
Баягыдай, чын айтыштар башталды
Отпускага чыгып кетип, эс алган -
Борн кэйжи, Историктер кайтканбы

“Чектелдик го шаалар менен”, ава деп
Ыңгайы жок сезбе өзүңү, азап жеп
Айтыштагы ыр саптарың мыкты экен
Хисторик,
Мага жаккан “шаа” саптарга тең экен!

Борн кэйжи махабатын кармасын -
Чийип алып чын сүйүүнүн картасын
Чөнтөкчүлөр тийбей ага, кармалсын
Ойлонтпосун, жаш жигиттин керт башын

Айтыш кызыйт дембе-дембе ырдасак
Кээде сындап, кээде чындап чырдасак
Анан дагы карап турган эли-журт -
Чаап турса шапалагын, кысталак.

Билдирүүнү түзөткөн: Jeka: 24 Октябрь 2013 - 09:19

[Lui]

Born.kg

Биринчиден "саламыңды" алик алдым,
Ден-соолукта жүрөсүңбү, кетпей алың?
Кара чыйыр жолдорго кезикпестен,
Тата бергин жашоонун жалаң балын.

Түшүндүрүп өтөйүн, кулак салгын,
Сөзүмдүн түшүнүксүз болгон жагын,
Анда деле жеткиликсиз болуп жатса,
Ойлоноюн жолдорун башка дагы...

"Жеминди жедирбепсиз" - деген элем,
Демек, ал сөзү көрктүү жана белен,
Ар бириңе токтолуп, ырлар жазып,
"Какабай" берип жатат жоопту кенен.

Көчө бүтүп, форумга келип алып,
Жүрсө эми чөнтөктөргө колду салып,
Кудай урган турбайбы анда эле,
Уят, намыс дегендер артта калып!

Билдирүүнү түзөткөн: Lui: 24 Октябрь 2013 - 09:46

[Jeka]

Lui (23 Октябрь 2013 - 17:55) жазган:

Кап этпениз, агатай, кечириңиз,
Жабылбасын мен үчүн эшигиңиз,
Жумуш күнүм аяктап калган эле,
Эртең келем, бүгүн мени кетириңиз.

Жалгыздап көл түбүнө сүңгүп кетпей,
Таң агарып аткыча сиз күтүңүз,
Ага чейин коштошуп мен турайын,
Ийгиликке жар болсун бул күнүңүз.

Капалык жок, түшүнөмүн, татына кыз -
Эшик ачык, мен күтөмүн, сиз кайтыңыз
Кантип жалгыз, кетип калам көл түбүнө?
Шамды кармап, көл жээгинде сиз турсаңыз

Билдирүүнү түзөткөн: Jeka: 24 Октябрь 2013 - 10:05

[BORN.kg]

Ыракмат Луи! Сурапсыз менин абалым,
ынгайы келди мен деле сурап алайын.
Жакшыбы иштер, ден-соолук деги баарысы?
Журосуз анан жездемдин берип сазайын?:-)

[Lui]

Jeka (24 Октябрь 2013 - 10:04) жазган:

Капалык жок, түшүнөмүн, татына кыз -
Эшик ачык, мен күтөмүн, сиз кайтыңыз
Кантип жалгыз, кетип калам көл түбүнө?
Шамды кармап, көл жээгинде сиз турсаңыз

Шамды жагып, көтөрүп чуркап келдим,
Саламымды агатай сизге бердим,
Чекесинен кертээрсиз балта-чоттоп,
Ыр дүйнөдө топтолгон баалуу кендин...

Билдирүүнү түзөткөн: Lui: 24 Октябрь 2013 - 10:44

[Lui]

BORN.kg (24 Октябрь 2013 - 10:14) жазган:

Ыракмат Луи! Сурапсыз менин абалым,
ынгайы келди мен деле сурап алайын.
Жакшыбы иштер, ден-соолук деги баарысы?
Журосуз анан жездемдин берип сазайын?:-)

Кудайга шүгүр, капачылык болгон жок,
Ден-соолук жакшы, кийимим бүтүн, курсак ток,
Бергенди сазай үйрөтүп мага коерсуң,
Айтышка кирбей жездеңден дайын-кабар жок..

Билдирүүнү түзөткөн: Lui: 24 Октябрь 2013 - 10:57

[Jeka]

Lui (24 Октябрь 2013 - 10:44) жазган:

Шамды жагып, көтөрүп чуркап келдим,
Саламымды агатай сизге бердим,
Чекесинен кертээрсиз балта-чоттоп,
Ыр дүйнөдө топтолгон баалуу кендин...

Ишенсең ишен,
Өзүң бил, Луи
Ыр дүйнө менден,
Өтө алыс, Луи.
Анткени менин,
Кесибим, Луи
Техника менен,
"Кесишүү" , Луи.

Айтайын эми,
Өнөгүм, Луи
Кантип мен ырга,
Өткөмүн, Луи.
Мындан бир беш жыл,
Мурдараак, Луи.
“Супер-инфону”,
Кармагам, Луи.

Ошондо билгем,
Бал тилдүү, Луи
Гезиттин сайты,
Бардыгын, Луи.
Сайтка кызыгып,
Катталгам, Луи
“Акын айтышта”,
Жай алгам, Луи

СССР иним,
Алгачкы жолу,
Ыр менен мага,
Кат жазган, Луи.
Аракет кылып,
Мен дагы, Луи.
Алгачкы жолу,
Ыр жазгам, Луи.

Ошентип жүрсөм,
Араңдан зорго.
Сынак жарланып,
Башталды “жорго”.
Не болсо,
Ошол болсун деп.
Четте калбасатан ,
Катыштым “хорго”.

Биринчи жолу -
Үйрөнчүк болдум.
Экинчи жолу -
Сүймөнчүк болдум.
Үчүнчү жолу –
Сыйлыкка толдум.
Мына ошентип,
“Акын” да болдум.

Ошондон бери,
Сырдашым, Луи
Акындар менен,
Сырдашам, Луи.
Ылгап да калдым,
Жакшы ырларды.
Ырдап да калдым,
Жакчу ырларды.

Акын болуунун,
Тарыхы, Луи.
Ушундай болду,
Кыскача, Луи.
Ушундай эле,
Суроону, Луи.
Сага да бердим,
Суйкайган, Луи.

Кыстырма менен,
Айтып койойун.
Кысылып элден,
Уят болбойун:
Уйкаштык үчүн,
"Сенге" өттүм, Луи.
"Урушпай" эми,
Түшүнчү, Луи.

Билдирүүнү түзөткөн: Jeka: 24 Октябрь 2013 - 11:59

[Lui]

Анда -санда уйкаш сөздү айтып коем,
Төрөлгөн жылым болот коркок коен,
Жакшы ыр, уккулуктуу сөз окусам,
Жан дүйнөмө сиңире, айда тоем.

Ыр жазуу менден деле бир топ алыс,
Кез келем кээде гана болсо бороон,
Андыктан мактанаарлык эч нерсем жок,
Бош эле ыр камалчу менин короом.

Сиз сымал кадырлаган конок келсе,
Ырымдын семизинен тандап соем,
А эгер ырым менин арык чыкса,
Кабыл алып коюңуз капа болбой.

Билдирүүнү түзөткөн: Lui: 24 Октябрь 2013 - 14:29

[Jeka]

Ыр жазуудан алыс болгон, сырдуу сулуу
Табышмаксыз, болсо дагы жылым улуу!
Илхом келип, ыр жазып калыптырсыз –
Болгон го дейм бир бороон, кел айтыңыз.

Байкадым, “семиздигин” ырыңыздын
Мен жазган “арык” ырга жообуңуздан
Мейличи, кеп ырлардын түрүндө эмес
Негизгиси - ал ырларды чын жүрөктөн жазган адам!

Билдирүүнү түзөткөн: Jeka: 24 Октябрь 2013 - 15:39

[Lui]

Бороондун уулуганы угулбады,
Кишенебейт жайлоодогу кулун дагы,
Жөн гана баарлашсам деген элем,
Угуп сизди, айтып мен да оюмдагы.

Жан дуйнөм капаланып ооруп калса,
Ыр жазуу айыктыраар сонун даары,
Бороонду бир заматта айдап кетет,
Күлмүңдөп кирип келип көңүл жазы.

Билдирүүнү түзөткөн: Lui: 24 Октябрь 2013 - 15:49

[Jeka]

Ап бали, мына эми көңүл тынды
Окуп алып, сиздин жазган сонун ырды
Чынында эле, ыр камалган корооңузда
Толтура экен, тоо жыттанган кыргыз ыры

Көнүлдү капалантуу, тазалантуу
Бардыгы, өзүбүзгө байланыштуу
Каалайт элем, жан дүйнөңүз оорубастан
Көңүл жазы боло берсин, сырдуу сулуу!

Мен деле көптөн бери самап жүргөм
Ыр менен баарлашууну бул айылда
Капыстан, жолугушуп калыптырбыз
Улайлы, бул маекти, бул форумда.

Билдирүүнү түзөткөн: Jeka: 24 Октябрь 2013 - 16:08

[Lui]

Жылуу сөзгө рахмат айтам агатайым,
Болсунчу сый мамиле бизде дайым,
Сөз күчүн биле жүрүү кандай сонун,
Кез келсе берип салам, ысык чайын.

Кыргызым эзелтеден топтоп келген,
Кадырлап сөзүн, ырын жана малын,
Жакшы сөз душмандарды элдештирсе,
А малы болгон экен кызга калың.

Билдирүүнү түзөткөн: Lui: 24 Октябрь 2013 - 16:22

[Jeka]

“Агатай” деген сайын, эргип калам
Укканымды эстей албай, тааныш - кайдан?
Аа мына, капысынан эске түштү -
Бул жылуу сөз, Раймалы, Бегимайдан.
Окуп алып, сиз жазган ыр саптарды
Сөз байлыктын аздыгына кейип жатам.

Билдирүүнү түзөткөн: Jeka: 24 Октябрь 2013 - 16:48

[Lui]

Кейибеңиз агатайым, кейибеңиз,

Жазылганын сөздөрдүн жээрибеңиз,

Эргисеңиз албетте каршылык жок,

Балмуздактай куюлуп эрибеңиз

Чогултуудан кыйналып калат окшойм,

Алп Жекадан бир тамчы кемибеңиз.

[Jeka]

Аватарды карап туруп, сезип жаттым
"Апчеси" го, ушул сулуу, тамашанын.
Эми болсо, сезбей эле, ойлоп калдым
Автору го , Луи сулуу, “Аралаштын”

Азырынча , эрип кетчү коркунуч жок
Ал анткени, кабинетте, жылыткыч жок.
Ошондуктан, азырынча эргип турсам
Эрий берем, күн жылыса, нурлары чок.

Эрисем да, тамчылап эрибеймин -
Жука болуп, ээлеп калам жердин бетин.
Ошондуктан, чогултуу кыйын болбойт -
Сузуп алсаң Жеканын, орду толот!

Билдирүүнү түзөткөн: Jeka: 24 Октябрь 2013 - 17:22

[Lui]

"Аралашка" мүчө болуп алайын деп,
Шашып барсам кичинекей великти тээп,
Алты саны толукталып калган дешти,
Үлпүлдөгөн үмүтүмө муздак суу сээп.

Градустар ылдый -өйдө көп жылбасын,
Маанайлар муздак болуп чорт сынбасын,
Ар дайым эстеп жүрсөк болгону да,
Көңүлдүн бул өмүрдө эң кымбатын!

Билдирүүнү түзөткөн: Lui: 24 Октябрь 2013 - 17:36

[Jeka]

Рахман аке, каталык кетириптир
Шашылбастан, койо турса, болмок иш бир
Анда эмне, «Аралаш –экини» түзөлүбү?
Концерт коюп, эл аралап, жүрөлүбү?

Ии, айтмакчы, окудум интервьюңузду
Кызыккандан, билгим келип оюңузду.
Окуп алып, аябай көңүл толду
Айтпаптырсыз, ашык сөз, оңду-солду.
ПС:
"Кыбыраган кыр ашат" деп айтыпсыз,
Бир жолу эмес, эсептедим, жети жолу.

Билдирүүнү түзөткөн: Jeka: 24 Октябрь 2013 - 18:16

[Lui]

Түзсө түзүп алалы Аралашты,
Бириктирип таланттуу кары-жашты,
Далайдын өмүрлөрүн узартаарбыз,
Кыймылдатып кирпикти, кара кашты.

Оюмду тең бөлүшүп турганыңыз,
Мен тарапка көңүлүңүз бурганыңыз,
Ыраазылык сезимди пайда кылды,
Ырынызды букет кылып сунганыңыз.

Билдирүүнү түзөткөн: Lui: 24 Октябрь 2013 - 18:11