[Jeka]

Жумуш күнү бүттү го, не кетпейсиз
Убакыттын өткөнүн не сезбейсиз
Же жогорку ырларда айтылгандай -
"Бороон күнбү", таптакыр билгизбейсиз. ..

Мен букетти ыр кылбай, сунам сизге
Чыныгы эле розанын бир себетин.
Бул оюмду ишке ашырам, чындап эле -
Билип калсам, форумчулар "ыр кесесин".

Билдирүүнү түзөткөн: Jeka: 24 Октябрь 2013 - 18:27

[Lui]

Кармалышым жумушта эң себептүү,
Бүтүрүүчү жумуш бар бир керектүү,
Бугункугө жетиштүү болду окшойт,
Айтышууга берсек кантет эртең кезекти....
Бир корзинка гүл алам деп сүйүнүп,
Саат санайм го , элестетип белекти

Билдирүүнү түзөткөн: Lui: 24 Октябрь 2013 - 18:45

[Jeka]

Туура айтасыз, мен макул, бул сунушка
Бүгүнкүгө жетишет, Эльгизушка
(Таң калбаңыз байкенин бул неси деп,
Болгону эле, уйкаштыкка айтылган кеп)
Үйгө барып, эс алып, ойду жыйнап,
Эртең кайра келели, шар жумушка.

Билдирүүнү түзөткөн: Jeka: 24 Октябрь 2013 - 19:03

[Jeka]

Kg.lady
Сонун айтышуу болуптур,эми кезек кимдерде?

Кыргызымдын акындары, айтышыптыр,
Бир күн эмес, эки-үч күн, жарышыптыр
Карап турган көрөрман, угармандар –
“Баракелде”, “Азаматын" айтышыптыр.

Луи менен айтышып, бүтө элекпиз
Көл-шал болуп, кара терге түшө элекпиз
Мен ойлоймун, айтыштын ортосу деп
Өнөктөшүм эмне дейт, биле элекпиз.

Сиздер минтип сүрөөлөп турсаңыздар
Айткан сөзгө баа берип, уксаңыздар
Ыр саптары өзү эле чыгат берет -
"Токтогула, жетишет", - деп куубаңыздар.

Бул айтканым, албетте, тамаша сөз
Арай-чарай отурган, кара, көк көз
Пассив болуп, айтышты уга бербей -
Актив болуп, катышкыла, ээ-жаа бербей.

Билдирүүнү түзөткөн: Jeka: 25 Октябрь 2013 - 09:42

[Lui]

Кутмандуу таң, айтышка келиңиздер,
Жазылсын ыр айтыштан чериңиздер,
Катар тизип сөздөрдү, тамгаларды,
Клаваны тыпылдата териңиздер,
Эгерде ыр чабышка түшпөсөңүз,
Жок дегенде колдоп-коштоп бериңиздер.


Келдиңизби Жека мырза,
Салам айтып жалпыбызга,
Чакырыкты таратыпсыз,
Акын болчу калкыбызга.

Жай кадамды таштайлыбы,
Кайтпай эми артыбызга,
Кызуулатып бул айтышты,
Туралы эми антыбызга.

Билдирүүнү түзөткөн: Lui: 25 Октябрь 2013 - 10:25

[Jeka]

Өнөктөшүм сунушту колдоп берди
Туралы деп элге берген антыбызга
Анда айтыш уланат, кудай берди –
Алга жылып, кайтмай жок артыбызга

Келдим, келдим айтышка, Луи бийкеч
Не тууралуу айтышабыз, аны өзүң чеч
Сөз байлыгың, саптарың, таң калтырат –
Үйрөнөйүн, билейин, болбойт го кеч!

Билдирүүнү түзөткөн: Jeka: 25 Октябрь 2013 - 10:42

[Lui]

Улууга жол бошотуп мен берейин,
Төш кагып, "тема тандайм мен"-дебейин,
Ачылса накыл кептүү сандыгыңыз,
Түшүрбөй жерге аны мен терейин.

Тартышып же кошулуп оюңузга,
Ойлордун салмактарын мен ченейин,
Сиз айткан, сиз тандаган темаңызга,
Адашпай, дарегин таап мен келейин.

Билдирүүнү түзөткөн: Lui: 25 Октябрь 2013 - 11:03

[Jeka]

“Ырды жакшы жазат” деп мактап жүрсөм,
“Сөз байлыгы чексиз” деп даңктап жүрсөм
Каада-салтты, сый-урмат, кыз адебин –
Мыкты билет турбайсызбы, байкап жүргөм.

Анда мындай кылалы, Луи бийкеч -
Бүгүн жума, жумушта, калбайлы кеч
Ошондуктан жалпы багыт кете берсин
Бул форумда не кызык, айтып бергин.

Билдирүүнү түзөткөн: Jeka: 25 Октябрь 2013 - 11:25

[Lui]

Форумдан бөлмө "сатып алганыма" ,
Жашоочу, тургун болуп калганыма,
Күзүндө эки жылга аяк басты,
Луи деп атымды алгач жазганыма.

Бир далай кызык күнгө туш болупмун,
Күлкүлүү, тамашалуу, армандуу да,
Пенденин далай түрүн кезиктирдим,
Кең пейил,боорукерин, жалгандуу да.

Катталган күндүн алгач таңдарында,
Теманын сүртүп баскан чаңдарын да,
Энтеңдеп, чуркап келип калаар элем,
5 мүнөт мен бош болуп калганымда.

А азыр анда-санда бир баш багып,
Көз жүгүртөм форумчунун жазганына,
Кеңешип, кеңеш айтып, талкуулашып,
Техника, илим жаатын казганына.

Билдирүүнү түзөткөн: Lui: 25 Октябрь 2013 - 11:51

[Mondur]

Айтыш эми онуно келген экен. Жека ага , Луи курбум талбагыла.

[Lui]

Жети жолу айтыптырсың бир сөзуңду,
Дегениңиз туруп алды көңүлүмө ,
Атайын маек жакка кирип келдим,
Чыгайын деп ал сөздүн чын-төгүнүнө.

"Кыбыракты" эки эле айтыптырмын,
Даяр болуп жан дүйнөмдү мен төгүүгө,
Кызыгып билдирүүмдү издептирсиз,
Эмне себеп болду көңүл бөлүүгө? ))

Билдирүүнү түзөткөн: Lui: 25 Октябрь 2013 - 12:21

[Neffertiti]

А,бали!
Азамат экен Луи айым,
Катыра жооптоп жатыпсын.
Бул жагынан синдижан,
Борн мырза айткандай,
Мени жазбай тартыпсын .

Кызыктар эми башталат,
Уландысын угалы.
Бул жакта биз да жон турбай,
Жер тепкилеп,колду чаап,
Колдоп,суроп туралы.

Анда, Жека мырза.

Билдирүүнү түзөткөн: Neffertiti: 25 Октябрь 2013 - 12:35

[Jeka]

Менин болсо келгениме беш жыл болду
“Супер-форум” өзүнчө эле дүйнө болду
Эрте менен бөлмөнү ачып, отурган соң
Форумду ачып, бир карамай адат болду.

Менде дагы окуялар бир топ болду
Кээде күлүп, кээде “ыйлап”, шилтейм колду
Адальс айым, виртуалдуу өлкө түзүп
Өнөктөшүң ал өлкөгө башчы болду.

Андан кийин форумчулар сагынышып
Жолугушуп, бирин-бири көрмөй болду
Адашпасам, ыңкылаптан бир ай мурун
Сельхоз жакта жолугушуп, бердик колду

Элди билбейм, ал кечеде сонун болду
Форумчулар, көз көрүшүп, тааныш болду
Караш Насер, Барс аке жана мени -
Улан-кыздар, көрүп алып, “ваще” болду

Баарын айтпай, кийинкиге калтырайын
Кезек берип, "кесиптешти" шаштырайын.
Кайсы тема, кайсы инсан, бул форумда
Кызык болуп, таң калтырды, сизди угайын.

Билдирүүнү түзөткөн: Jeka: 25 Октябрь 2013 - 13:00

[Jeka]

Lui (25 Октябрь 2013 - 12:21) жазган:

Жети жолу айтыптырсың бир сөзуңду,
Дегениңиз туруп алды көңүлүмө ,
Атайын маек жакка кирип келдим,
Чыгайын деп ал сөздүн чын-төгүнүнө.

"Кыбыракты" эки эле айтыптырмын,
Даяр болуп жан дүйнөмдү мен төгүүгө,
Кызыгып билдирүүмдү издептирсиз,
Эмне себеп болду көңүл бөлүүгө? ))

Мен да билем, эки жолу айтылганын
Ал анткени, окуганда санагамын!
“Жети жолу айтыптырсыз” - жөнү мындай
Текшереби, текшербейби – сынагамын.

Туура айтасыз, интервьюдан сизди издедим,
“Бул ким эле?”, “Эмне үчүн, мен билбеймин?” -
Деген суроо, деген ойлор тынчтык бербей –
Каздырды да бул форумдун "тереңдерин".

Билдирүүнү түзөткөн: Jeka: 25 Октябрь 2013 - 13:05

[Lui]

Форумда түркүн - түстүү таланттар бар,
Талыкпай учуп жүргөн канаттар бар,
Саай-сөөктү тешип өтүп жүлүнүңө,
Такалып туруп калчу санаттар бар.

Айымдардын бурчуна керек болгон,
Жасалчу тамак жана салаттар бар,
Жөн салды эч максатсыз жазып койгон,
Апакай, окулбаган барактар бар.

Үй-бүлөөлү адамды мүңкүрөткөн,
Чыр-чатагы, жарашкан, талактар бар,
Муңайтып, окуганда зээн кейитээр,
Карттанган же жапжаңы жарааттар бар.

Ар кимдин, ар теманын өз орду бар,
Аларга коюлуучу көп талап бар,
Сыйлаймын, ар бир ойду, форумчуну,
Негизинен жагат мага ыр -жамактар.

Билдирүүнү түзөткөн: Lui: 25 Октябрь 2013 - 13:19

[Jeka]

Сиз айткандын баарысы – форумда бар
Ар ким жазат билдирүүсүн, оюнда бар
Ошондуктан, "original" жарыя бар:
"Азаматсын “Супер-форум”, салмагың бар!"

“Жумуш күнүм аяктап калган эле” -
Ал жумушуң кай тармак, багытта эле?
Эгер суроом ыңгайсыз, жөнсүз болсо -
Жооптобой "ле", айтып кой, “эх, байке” ле.

Билдирүүнү түзөткөн: Jeka: 25 Октябрь 2013 - 14:04

[Lui]

"Эх байкеден" баштайын анда мына,
Иштегеним өтө берет жылдан жылга,
А балким купуядан жөнөтөөрмүн,
"Өздүгүмдү" кошпостон ушул ырга.

Жумушум жакын эмес ыксыз чырга,
Дос эмес шаан-шөкөткө жана ырга,
Жаштардын чөйрөсүнөн орун алган,
Жардамдашып чыгуусуна бийик кырга.

Билдирүүнү түзөткөн: Lui: 25 Октябрь 2013 - 14:03

[Jeka]

Мен улантып кетейин, “эх, сулуудан”
Жообуңузга берейин, беш упайдан
“Ыксыз чырга жакын эмес” жерден көрө -
Иштесеңиз болмок экен, КГБдан.

Мөлтүрөгөн карагаттай көздөр менен,
Тал чыбыктай, жупжука колдор менен
Экран титеп, тамга терип, айтышасыз -
"Агатайың" рахмат айтат, чын дилинен!

Эрте менен, билдирүүдө айттым эле -
Бүгүн жума, иш күн кыска, жагат элге.
Ошондуктан, үзүр сурап, койсокпу дейм
Чекит эмес, чоң үтүрдү ушул жерде...?

Билдирүүнү түзөткөн: Jeka: 25 Октябрь 2013 - 14:57

[Lui]

Эмнеге ылайыктап сиз койдуңуз,
Мен иштөөчү жеримди КГБга,
Себебин айтыңызчы, бул оюңуз,
Токтолуп калгандыгын бир ушуга.

Үтүрдү сиз койсоңуз, аны колдойм,
Чекитти уруксаатсыз, мен да койбойм,
Айтышып күнү-түнү жатсак дагы,
Дагы да, чаңкап-суусап дале тойбойм.

Дүйшөмбү куну кайра кезигээрбиз,
Жолугууну 2 күндөн артык созбой,
Ошондо дагы бир топ сөз баштайбыз,
Кызыктуу темалардан ар кыл козгой.

Билдирүүнү түзөткөн: Lui: 25 Октябрь 2013 - 14:45

[Jeka]

Жумуш менен байланышкан суроолорго
Жооп берипсиз жазылгандай, протоколго
Ошондуктан, тамашалап сунуш кылгам -
КГБны, аз убакыт иштегем, жүрөт ойдо
Үтүр койуу тууралуу, чынын айтсам
Ой жок эле, купуяны эстеп жазгам.

Билдирүүнү түзөткөн: Jeka: 25 Октябрь 2013 - 15:15