[Lui]

"Эртелеп чыгам "- деген ойдон кайттым,
Арбалдым кызыгына ушул сайттын,
Мен үчүн жасалган бул аракетке,
Ийилип, келди менин рахмат айткым.

5ге дейре убактым кенен экен,
Кагалы такаларын күлүк аттын,
Бизден соң, ээнсиретпей бул айылды,
Башкалар да күлүк же жорго чапсын.

Билдирүүнү түзөткөн: Lui: 25 Октябрь 2013 - 15:26

[Jeka]

Бул сөзүңүз мага да майдай жакты
Ыр саптары шуру болуп дароо “акты”
Мен сизге арнап таптаган күлүк "аттар"
Ээ-жаа бербей, чыгууга шашып жатты.

Анда эмесе, баштайлыбы чоң теманы
Окурмандар күтүшөбү, билбейм аны
Бүтпөй калса, айтышып өз ойлорун –
Бизге жакшы болот да, андан ары...

Билдирүүнү түзөткөн: Jeka: 25 Октябрь 2013 - 15:35

[Lui]

Эмнегедир ар бир жазган сабымдын,
Аралыгы алыс болуп кыйнады,
Билдирүүмдү мен түзөтүп жатамын,
Delete кылып бош жерлерин ырдагы.

Жөндөөлөрдөн издеп таба албадым,
ITишникке келип жатат чырдагым,
Ошондуктан "түзөтүлдү кайра" деп,
Билдирүүгө толуп калды ыр багым.))

Билдирүүнү түзөткөн: Lui: 25 Октябрь 2013 - 15:49

[Jeka]

Каршыңызда отурат го бир айтишник
Чыр салбай эле, билдириңиз, “ай, ты сник”
Аралыгы алыс болгон – эчтеке эмес,
Болгону эле, форумдагы “шник-пник”.

Билдирүүнү түзөткөн: Jeka: 25 Октябрь 2013 - 15:59

[Lui]

"Түзөтүлгөн" сиздикин көруп алып,
Биле албай окшоштугун, такыр анык,
Ойлодум, программабыз чарчаганбы,
Атыбыздын такасын кыйшак кагып.

Жарышкансып "түзөтүп" келатабыз,
Жазылганын биринчи ырдын "чанып" ,
Айтышуудан баш тартпайт экенбиз го,
Клава эле чарчабаса, сынып калып.

Билдирүүнү түзөткөн: Lui: 25 Октябрь 2013 - 16:11

[Jeka]

Айтышта жүрүп көрбөпмүн
Кайчылаш такыр өтпөпмүн
Сен кайда жүрдүң эле мурдараак эй,
Агаңдын "үйүн" өрттөдүң.

Билдирүүнү түзөткөн: Jeka: 25 Октябрь 2013 - 16:47

[Lui]

Ийилген дарак болсоңуз,
Жарык бир айдай толсоңуз,
Кайдагы ичке чырпык деп,
Байкабай керек койсоңуз.

Асманда болсо ой-тооңуз,
Башка бир болсо болжооңуз,
Дөбөчө жандан өттүңүз,
Ак мөңгү карап байкооңуз.

Билдирүүнү түзөткөн: Lui: 25 Октябрь 2013 - 16:32

[Jeka]

Ийилген дарак болгондо,
Шактарым өсүп кеткен го
Байкабай сенин жаныңдан эй,
Батыраак басып өткөм го.

Асманда жылдыз толгондо,
Дөбөдөн жандап өткөм го,
Ак мөңгү карап, курган жан эй,
Делдейип басып өткөм го.

Турасын күлкүң жылмайып
Турнадай болуп ыргалып
Байкабай сулуу кыздарды эй,
Бараткан окшойм улгайып.

Билдирүүнү түзөткөн: Jeka: 25 Октябрь 2013 - 16:54

[Lui]

"Улгайдым эми мен"- дебей,
Жаш бойдон дайым жүрүңүз,
Ачылса керек араң эле,
Оноонон үч-төрт гүлүңүз.

Басканда асман тиктебей,
Бут жакты карай жүрүңүз,
Жаштыктын түшүп шарына,
Каткырып , дайым күлүңүз.

Кетейин эми, кеч болду,
Мен күткөн жана беш болду,
Көрүшкөнчө эми деп,
Сунайын эки кош колду.

Билдирүүнү түзөткөн: Lui: 25 Октябрь 2013 - 17:20

[Jeka]

Айтышып атып сиз менен
“Гүл саноону” унуттум.
Дайыма эстеп жүрөйүн
Бүт баарын айткан сунуштун.

Байкабай да калыпмын
Убакыттын өткөнүн
Кош колун кармап өбөйүн
Өнөгүм болгон Мөлмөлдүн!

Билдирүүнү түзөткөн: Jeka: 25 Октябрь 2013 - 17:53

[BORN.kg]

historic (23 Октябрь 2013 - 23:28) жазган:

Картасын дагы чиемин,
Башкасын дагы чиемин.
Эртерээк сага келинчек,
Таап берүү менин тилегим.
Батыраак сени тындырсам,
Кезегим келет билемин. />

Отуз тонна ыр батуучу бачогум,
отуз акын тут келбеген качогум.
Айткан элен женетай табамын деп,
аткарасын айтчы качан ошонунун?:-)

[Jeka]

Дем алыш күн эки күнгө созулуп
Алыс, жакын - бүт туугандар чогулуп
Чоң бажанын онду бүткөн баласын
Үйлөп койдук, шашып эле, оолугуп.

Азыр болсо, жумуштамын, баягы
Икаянын чыкты беле аягы?
Акын төрдө чымын учса угулат
Топ акындар тойлордо го сыягы...

Билдирүүнү түзөткөн: Jeka: 28 Октябрь 2013 - 12:17

[Lui]

Эс алуу болбосун деп дагы үч күн,

Жол карап, саатты санап сизди күттүм,

Кечээги суук күнү карда калып,

Мурдумду кызыл кылып мен үшүттүм .

[Jeka]

Амансызбы, Луи бийкеч, өнөгүм
Айтыштагы колдоп турган жөлөгүм
Үч күн эмес - үч ай, үч жыл өткөнсүп
Сагынычтан саргайдык го, көп күтүп

Күн суукта, мурун үшүп - кызарса,
Калыптыр да, кызга кызыл жарашып
Врач болуп, калсам болмок, ка...ап,
Үшүк алган, мурдуңузду, карашып

Билдирүүнү түзөткөн: Jeka: 28 Октябрь 2013 - 12:49

[Lui]

Аманчылык, Келиңиз Жека мырза,

Соболдорду узатыпсыз Луи кызга,

Кыргыздын кызы болуп бет кызарат,

Негизинен жакынмын мен кызылга.




Ак кийинип, дарт себебин тапсаңыз,

Мээрман айым болмокмун го жаныңызга,

Орулууга көмөктөшүп сиз менен,

Чарчаганда дем-күч болуп алыңызга.

[Jeka]

Мен халатчан, врач болуп больницада -
Мээрман айым, татынакай, сиз жанымда
Чогуу жүрсөк, бейтаптар да тез айыкмак ,
Сөздөн өткөн дары жок го, бул ааламда.

"Күз келип, жалбырактар жол боюнда
Жатышат, саргайышып, жок оюнда
Кечэээги, жай саратан ысыктагы –
Жыргаган, ысык күндөр, суу боюнда."

Ушундай, түшүнүксүз ырлар болот
Ичине, катылбаган сырлар толот
Угуп алып, таптакыр түшүнбөдүм -
Казактардын бул ыры - кандай болот?

"Ауырмайды жүрек, ауырмайды,
Сенсиз өткен күндер болмаса.
Ауырмайды жүрек, ауырмайды,
Сүйем деген сөздер болмаса."

Айлантпай эле, кыргызча түз айтканда
Ыр мааниси болобу, мындай анда?

"Сени менен күндөрүм чогуу өтсө -
Ооруп калат жүрөгүм, ооруп калат.
Сүйөм деген сөздөрүң болуп калса -
Ооруп калат жүрөгүм, ооруп калат" ?

Билдирүүнү түзөткөн: Jeka: 28 Октябрь 2013 - 13:58

[Lui]

Сүйгөн жүрөк бөлүнбөй, бүтүн болсо,
Күттүрбөстөн Сүйүүнүн орду толсо,
Анан кантип жүрөктө оору болмок,
Бакыт кушу айланып сизге консо.

Алыстабай эки жаш оттой жанып,
Кун сайын курчуп турса эки орто,
Жүрөктөр эч ооруну сезбес беле,
Сезимдерге болбосо эч ким жолтоо.

Бул ырга, түшүнүгүм ушул болду,
Кайрылыңыз, суроолор дагы болсо,
Оңдоп, түзөп коерсуз жазууларда,
Туура эмес жазган ката, тагы болсо.

Билдирүүнү түзөткөн: Lui: 28 Октябрь 2013 - 13:56

[Lui]

Ооруксунбайт жүрөгум, эч оорубайт,

Сени менен өткөрсөм ар күнүмдү,

Ооруксунбайт жүрөгүм, эч оорубайт,

Сүйөм деген укпасам да бир үнүңдү
(Сенсиз өткөн күндөр болбосо деп турат го )

Билдирүүнү түзөткөн: Lui: 28 Октябрь 2013 - 14:04

[Jeka]

Жер бетин түн ичинде жарык кылган
Жанымда нурун чачкан ай болдуңуз
Жер үстүн суук кылбай, жылуу кылган
Жанымда, демин берген күн болдуңуз

Cиздин жүрөк ооругуча, мен ооруйун
Оору келчү жолдорду мен тооруюн
Сүйгөн жүрөк бөлүнбөй, бүтүн болуп -
Оору-сыркоо, баарынан мен кооруйун!

Билдирүүнү түзөткөн: Jeka: 28 Октябрь 2013 - 14:20

[Lui]

Эмнени жазаарымды билбей турам,

Бир сүрдөп, бир тартынып, улам-улам,

Оозумдан сөздөр качып, чалынышат,

Демейде, сайрандашып, оюн курган.




Жазылган бул саптарга көңүл бурам,

Элестетип, бир саамга көздү жумам,

Аттигиң, келген беле күн күттүрүп,

Тагдырыма талашпай моюн сунган.