[kanat4ik]

Жемкорлукка катышы бар деп айыпталган
парламент депутаты Курманбек Осмоновго
карата тергөө амалдары жүргүзүлө элек. Бул
тууралуу парламент жыйынында башпрокурор
Аида Салянова билдирди. Айтымында, Курманбек Осмоновго карата
кылмыш иши 303-берене, жемкорлук айыбы
менен козголду. «Ал Юстиция министри болуп
турганда жемкорлукка катышты делүүдө. Бирок
биз ал ооруп жаткандыгына байланыштуу тергөө
амалдарын жүргүзө албай атабыз», - деди Аида Салянова. Буга чейин кабарлангандай, Курманбек Осмонов
сыртка дарыланууга чыгып кеткен. Эксперттер
«Ата-Журт» фракциясынын мүчөсү жөн эле
качып кетти дешүүдө, себеби буга чейин Жогорку
Кеңештеги бул партиянын өкүлү Нурлан
Сулайманов да качып кеткен.

[zhiza]

Argymak007 (03 Январь 2014 - 12:27) жазган:

Кыргызстанда аткаминерлердин “кара тизмеси” түзүлөт

2014-жылдын февраль айынан баштап Кыргызстанда аткаминерлердин “кара тизмеси” түзүлөт. Бул тууралуу Мамлекеттик кадр кызматы билдирди.

Маалыматка ылайык, мамлекеттик жана муниципалдык кызматтарда иштеп кылмыш жоопкерчилигине тартылгандар жана туура эмес иштин негизинде жумуштан айдалгандар февраль айынан тарта каттоого алына баштайт. Бул кара тизмеге кирген аткаминерлер белгилүү убакытка чейин мамлекеттик кызматтарга алынбайт.

Бийликте, Атамбаевдин сөзүнө хоп дегендер гана калышы мүмкүнбү?

Эч тушунбойум, "Мамлекеттик кызмат жонундо" деген мыйзам бар го, ошону эле кучуно киргизип койсо болбой беле?

[kanat4ik]

Абакта отургандар үчүн жылына 2 млрд 441 млн
367,5 миң сом керектелет. Бул тууралуу "ВБ"га
Мамлекеттик жаза өтөө кызматынын 2013-
жылдын 11 айына катара берген отчётунда
маалым болду. Өткөн жылы алардын керектөөсү үчүн 2 млрд 41
млн 367,5 миң сом сарпталган. "Мамлекеттик жаза өтөө кызматынын чыгымдар
сметасы 2013-жылы 836 млн 392 миң сомду
түзөгөн. Ал эми 2012-жылы 733 млн 665,9 миң
сом болгон", - деп жазылат отчетто.

[kanat4ik]

Алмазбек
Атамбаев "Кыргыз Республикасынын 2013-жылга
республикалык бюджетин жана 2014-2015-
жылдарга болжолу жөнүндө" Кыргыз
Республикасынын Мыйзамына өзгөртүүлөрдү
киргизүү тууралуу" мыйзамга кол койду. Бул тууралуу прзединеттин аппаратынын
маалыматтык саясат бөлүмү билдирди.

[kanat4ik]

Баткен облусунун Кадамжай районуна
үстүбүздөгү жылы 452 долбоорго 402 млн 0156
миң сомдук инвестиция тартылган. Бул тууралуу
Кадамжай районунун акиминин биринчи орун
басары Жаныбек Ысаков билдирди. Район аймагында жолдор оңдолуп, 52 мектептин
айланасы тосулуп, заманбап спорт аянчалары
курулган.

[kanat4ik]

5-январда Бишкек шаардык кеңешиндеги
КСДП фракциясы шаар башчылыгына өкмөттүн
Чүй облусу боюнча ыйгарымдуу өкүлү
Кубанычбек Кулматовдун тарапкерлигин
сунуштады. Фракциянын жыйыны Свердлов
районунун акимиатында болду. Кулматовду саясый чөйрөдө шаар башчылыгына
негизги талапкер катары айтышууда. Белгилей кетсек, Бишкек жана Ош шаарларынын
мэрин шайлоо 15-январга белгиленген эле.

[kanat4ik]

Орусиянын жараны Бишкектен жөө адамды коюп
кеткен. Бул тууралуу ИИББдин Жол кайгуул
кызматынан басма сөз кызматы билдирди. Милиция кызматкерлеринин айтымында,
Орусиянын мамлекеттик номери тагылган
"Мерседес- 320" үлгүсүндөгү машинаны айдап
бараткан 26 жаштагы киши жолдун четинде
турган жөө адамды коюп кеткен. Жол кырсыгынын кесепетинен 24 жаштагы тургун
ооруканага жаткырылган.

[kanat4ik]

Бишкектеги Некрасов көчөсүндө жайгашкан
кафеден үч каракчы күч менен 112 миң сомду
тартып алышкан. Бул тууралуу ИИББдин басма
сөз кызматы билдирди. Милицияга арыз менен шаардын 39 жаштагы
тургуну кайрылган. Ал 4-январда саат 18-00дөр
чамасында ага үч киши кол салганын айткан. Ленин РИИБдин аймактык инспекторлору изи
сууй электе шаардын 20, 25 жана 30 жаштагы
жарандарын кармашкан.

[kanat4ik]

"Аламүдүн" соода комплексинин аймагында
жайгашкан мечиттен садага салынчу кутучаны
сындырып 20 миң сомду уурдап ктеишкен. Бул
окуя жаңы жыл түнү болгондугун ИИББдин
басма сөз кызматы билдирди. Свердлов РИИБдин кылмыш иликтөө тобунун
кызматкерлери тарабынан аталган кылмыш
ишине шектүү деп Ысык-Ата районунун 22
жаштагы тургун кармалды.

[kanat4ik]

Сүрөтчү кыз Айпери Юсупованын 3-январда
АКШнын Чикага шаарында "Reflection" (чагылуу)
аттуу жеке сүрөт көргөзмөсү болуп өттү. Бул
тууралуу "Кабар Ордого" Кыргыз-Америка ассоциациясынын президенти Акылтай Шерматов
билдирди. Шерматовдун айтымында, көргөзмө Чикаго
шаарындыгы Түрк маданий борборунун "Сафран"
салонунда өттү. "Айпери Юсупова Түндүк
Каролина штатындагы Guilford College окуу
жайында окуйт. Ассоциацияга көргөзмө тууралуу
кайрылганда бул идея бизге абдан жаккан. "Reflection" (чагылуу) аттуу көргөзмөгө
абстракция, кубизм жана сюрреализм
жанрларында тартылган сүрөттөр коюлду.
Көргөзмөгө кыргыз, өзбек, түркмөн, түрк жана
америкалык диаспоралардын өкүлдөрү кызыгуу
менен катышып кетишти. Көргөзмөгө коюлган сүрөттөр боюнча "silent auction" (үнсүз аукцион - катышуучулар жаккан сүрөттөрүнө өз баасын
коюп, эң чоң коюлган баага сатылат) өткөзүп, түшкөн каражат Кыргызстандагы балдар үчүн
комикс чыгырууга жумшалат" ,-дейт ал.

[kanat4ik]

Бишкекте жол кырсыгынан велосипетчен киши
каза болду. Бул тууралуу ИИББдин жол кайгуул
кызматы билдирди. Тартип сакчыларынын маалыматына ылайык,
"Lexus RX 300" үлгүсүндөгү машинасы Елебесов
жана Февраль көчөсүнүн кесилишинде
велосипетчен кишини коюп кеткен. Жол кырсыгынын кесепетинен 28 жаштагы киши
окуя болгон жерден каза болгон.

[kanat4ik]

Өзгөчө кырдаалдар министрлигинин
маалыматына ылайык, Нарын - Ийри-Суу
жолунда ВАЗ 21-06 үлгүсүндөгү машине 99 метр
бийик жардан учуп кеткен. Жол кырсыгынын кесепетинен эки адам каза
болуп, эки киши жаракат алган. Жарат алган
жарандар облустук ооруканага жеткирилген.
Каза болгон жарандардын аты-жөнү такталууда.

[kanat4ik]

Эфиопиянын борбор шаары Аддис-Аббебада
Түштүк Судандагы касташкан тараптардын
ортосунда түз сүйлөшүүлөр башталды. Өкмөттүк күчтөр менен көтөрүлүшчүлөрдүн
ортосунда өткөн жумада болгон сүйлөшүүлөр
үзгүлтүккө учураган эле. Эфиопиянын тышкы
иштер министри Тедрос Адхан тараптар
сүйлөшүүгө даяр эмес болуп чыкты деп
билдирген. Аддис-Аббебадагы жолугушуу Түштүк Суданда
өкмөттүк күчтөр менен мурдакы вице-президент
Риек Мачаранын ортосунда декабрда башталган
куралдуу кагылышты токтотуу максатын көздөйт. Бир эле учурда Түштүк Судандын бийликтери
көтөрүлүш чыгарып жаткандардын дагы бир
лидери Девид Яу Яу менен сүйлөшүп тил
табышканы белгилүү болду. Аталган лидер эки
жыл бою Өкмөткө каршы күрөшүп келди. Яу Яу
көтөрүлүшчүлөрдүн жол башчысы Риека Мачарды колдоп кошулуп кетет деп бийлик
тарап тынчсызданып жаткан болчу.

[kanat4ik]

Сочиде кышкы олимпиадага бир ай калганда буга
чейин болуп көрбөгөндөй коопсуздук чаралары
көрүлө баштады. Президенттин жарлыгы боюнча
атайын уруксаты жок адамдар кирбей турган
жана көзөмөлгө коююлган зоналар түзүлдү.

[kanat4ik]

Орусия:миграция боюнча жаңы мыйзамдар
кабыл алынды Жаңы жылдан баштап күчүнө кирген мыйзамдык
өзгөрүүлөргө ылайык, жумушка уруксаты жок
жүргөн мигранттар 90 күндөн кийин өлкөдөн
чыгып кетип, кайра токсон күндөн кийин гана
кирүүгө укуктуу болушмакчы.

[kanat4ik]

Португалияда атактуу футболчулардын бири
Эйсебионун өлүмүнө байланыштуу үч күндүк
улуттук аза күтүү жарыяланды. Күйөрмандар
апта соңунда Лиссабондогу үйүндө жүрөгү
кармаган футболчуну эскерип жатышат.

[sensei]

Кыргызстан 2025- жылы өнүгүп, кой үстүнө торгой уялайт имиш.)

[zhiza]

sensei (07 Январь 2014 - 18:02) жазган:

Кыргызстан 2025- жылы өнүгүп, кой үстүнө торгой уялайт имиш.)

Жагымдуу "имиш" экен.

[Kg.lady]

sensei (07 Январь 2014 - 18:02) жазган:

Кыргызстан 2025- жылы өнүгүп, кой үстүнө торгой уялайт имиш.)

Бул имишти кайсы козу ачык айтты

[sensei]

Kg.lady (07 Январь 2014 - 23:31) жазган:

Бул имишти кайсы козу ачык айтты

Автору кайсыл 'доңуз' экенин билбейт экем чынында.
И баса, "Америка державасынын күнү бүтөөрдө, кара терилүү адам, эки жолу ажоо болуп шайланат" ,- деген да имиш бар экен.)