[kanat4ik]

"Кыргызгаз" ачык акционердик коому быйылкы жылдын үч айына Өзбекстандан миң кубометри 290 доллардан 25 миллион кубометр газ сатып алуу келишимине жеткенин аталган мекеменин маалымат кызматы 8-январда кабарлады. Ушундай эле келишим "КазТрансГаз" ачык акционердик коому менен түзүлүп, анда 2014-жылдын 1-кварталына миң кубометрин 224 доллардан 100 миллион кубометр газ сатып алуу макулдашылган. Өткөн жылы "Кыргызгаз" акционердик коомунун болгон дүйнө-мүлкү 1 долларга бааланып орусиялык "Газпром" компаниясына сатылган. Кыргызстан парламенти эки өлкөнүн газ тармагын Орусия ээлигине берүү жөнүндөгү өкмөттөр ортолук келишимди жыл аягына чукул жактырган. А бирок келишим Орусия парламентинде каралбай, кийинкиге калтырылган. "Газпром" компаниясынын жетекчиси А. Миллер жаңы жылга чукул кыргызстандыктар "көгүлтүр отунсуз" калбай тургандыгын, келишим орусиялык Мамдумадан жактырылганга чейин деле керектүү өлчөмдөгү газ менен өнөктөштөр камсыз кылышарын ырастаган.

[kanat4ik]

Бишкекте эл аралык террорчул уюмдун эки мүчөсү кармалды. Улуттук
коопсуздук мамлекеттик комитетинин маалыматы боюнча, кармалгандар
Сириядагы согушка катышкан чет өлкөнүн жарандары. Алар Кыргызстанга
мыйзамсыз киришкен жана жасалма документтерди алып, Сирияга
согушкерлерди жиберүүнү мерчемдеп жүргөн. Учурда кармалган
адамдарга кылмыш иши козголуп, камакка алынды

[kanat4ik]

Нью-Йорк штатында жайгашкан Ниагара шаркыратмасы толугу менен
музга айланды

[kanat4ik]

Тунистин премьер-министри Али Ларайед кызматтан кетээрин
билдирди

[kanat4ik]

Франциянын соту казакстандык ишкер Муктар Аблязовду Орусияга же
Украинага өткөрүп берүү чечимин кабыл алды.

[kanat4ik]

Жогорку Кеңештин басма сөз кызматы билдиргендей, Кыргыз Республикасынын Жогорку Кеңешинин төрагасы Асылбек Жээнбеков кечээ, 9-январда Сауд Аравия Королдугунун тышкы иштер министринин орун басары, принц Халед бин Сауд бин Халед Аль Сауд баштаган делегация менен жолугушту. Жолугушууда өз ара пайдалуу маселелердин кеңири алкагы, ошондой эле Кыргызстан менен Сауд Аравиясынын ортосундагы өнөктөштүк байланыштарды андан ары өркүндөтүү жолдору талкууланды. Тараптар Кыргызстанга инвестиция тартуу, өлкөнүн социалдык тармагына колдоо көрсөтүүгө
багытталган долбоорлорду ишке ашыруу, ошондой эле Бишкек шаарында ислам борборун ачуу маселелерин талкуулады. Жолугушууда төрага Сауд Аравиясы менен кызматташтык алакаларды арттыруу Кыргызстандын тышкы саясатынын артыкчылыктуу багыттарынын бири экенин айтты.
А. Жээнбеков өткөн жылы Кыргызстанда Сауд Аравиясынын Аш-Шура Мажилисинин спикеринин
жана айыл чарба министринин иш сапарларынын ийгиликтүү өткөнүн канааттануу менен белгиледи. Кыргыз парламентинин спикери Сауд Аравиясынын көрсөтүп жаткан жардамы, айрыкча «Тараз-Талас- Суусамыр», «Бишкек- Нарын-Торугарт» автожолдорун кайра куруу долбоорлорун ишке ашырууга, өлкө аймактарындагы социалдык багыттагы объектилердин курулушуна колдоо көрсөткөнү үчүн ыраазычылык билдирди. Төрага Бишкек шаарында Арап координациялык тобунун мүчөлөрүнүн катышуусунда Экинчи тегерек столду өткөрүүнүн маанилүүлүгүн баса көрсөттү. Ошондой эле, ал эки өлкө ортосундагы маданий-гуманитардык кызматташтык мамилелерин өнүктүрүү зарылчылыгын айтты.. Сауд Аравия Королдугунун делегация башчысы Халед бин Сауд бин Халед Аль Сауд мындан ары да Кыргызстан менен кызматташтык мамилелерди жандандырууга кызыкдар экенин билдирди. «Эки өлкөнүн ортосунда көп ынанымдар боюнча өз ара түшүнүшүү бар, ал Кыргызстан менен Сауд Аравиясынын кызматташтык мамилелерин андан ары өөрчүтүүнүн башкы өбөлгөлөрүнүн бири болуп саналат», - дейт ал. Тараптар саясат жана экономика жаатында, социалдык жана маданий-гуманитардык чөйрөдө кызматташтык мамилелерди өнүктүрүү зарылдыгын белгиледи. Жолугушууга төраганын орун басары Төрөбай Зулпукаров, Кыргызстандын Сауд Аравиясындагы атайын жана толук ыйгарым укуктуу элчиси Жусупбек Шарипов, ички иштер министринин орун басары Самаргүл Адамкулова катышты. Ал Сауд Аравиясы тараптан ТИМ маданий жана экономикалык кызматташтык маселелери боюнча
ыйгарым укуктуу өкүлүнүн орун басары Файсал бин Абдельазиз Хашим, Түштүк-Чыгыш Азия өлкөлөрү боюнча департаменттин директору Омар бин Али Аль-Уяйди, принц Халеддин аппарат жетекчиси, ТИМ кеңешчиси Юсуф бин Мухаммад Аль-Вухайби катышты.

[kanat4ik]

Чегараны тактоо маселеси боюнча
Кыргызстан коңшу өлкөлөр менен бир
пикирге келе алды. Бул тууралуу вице-премьер- министр Токон
Мамытов бүгүн чегараны делимитациялоо жана
демаркациялоо боюнча коңшу өлкөлөрдөгү
кесиптештери менен болгон сүйлөшүүнүн
жыйынтыгы тууралуу маалымат берип жатып
билдирди. Анын айтымында, сүйлөшүүнүн жыйынтыгында Тажикистан менен такталбаган
чегара тилкелерин бирдиктүү көзөмөлгө алуу
жагы жетишилди. Бул чегаралык аймактарда
жашагандардын ортосундагы түшүнбөстүктөрдү
алдын алууга жакшы шарт түзөт. Токон Мамытов
бул жолку жолугушуу мурдагыларга караганда алда канча сапаттуу болгонун белгиледи.
Талкуулар баардык маселелер боюнча
конкреттүү болуп, алдыга кандайдыр бир
милдеттерди, дооматтарды койбостон,
мамлекеттин кызыкчылыгын коргоо жагы гана
биринчи орунга чыккан. Мамытов буга чейин бул комиссиялар үч жолу жолугуп, такталбаган
чегара чийиндери боюнча жети жылдын ичинде
бир да жылыш болбогонун да ачык айтты.
Мисалы Өзбекстан жана Тажикистан менен 40
чакырым жер такталганы боюнча маалыматтар
бир да документте көрсөтүлгөн эмес - деди вице- премьер-министр.

[kanat4ik]

Бишкектеги Гапар Айтиев атынданы көркөм өнөр
музейинде уурдалган сүрөт дагы деле табыла
элек. XIX кылымдагы орус элинин көрүнүктүү
сүрөтчүсү Иван Айвазовскийдин "Крымдагы
деңиз пейзажы" музейден 27-декабрда уурдалып
кеткен. Сүрөт 1866-жылы тартылып, Кыргызстанга 1955-жылы Москвадагы Третьяков
галереясынан алынып келинген. Ички иштер
министрлигинен маалыматы боюнча, издөө
иштеринен жыйынтык чыга элек. Учурда
сүрөттүн жоголушун Маданият, маалымат жана
туризм министрлигинде түзүлгөн атайын комиссия да иликтеп жатат.

[Argymak007]

Премьер: "Жаңы жылдын алдында өкмөттү "кет!" деп кыйкырып турса, настроение бузулат деп эле киргиздим. Анын эмнеси бар экен?..
Жантөрө Сатыбалдиев: - Айтмаматовдун. ..туура эле айттымбы фамилиясын? .. Ии, Айтмамат Кадырбаевдин 2010-жылы, жанагы, губернатордун кабинетин басып алганы боюнча кылмыш иши ачылган, ыы.., ал жабык деп айтышты. Анын кандай деңгээлде күнөөсү бар -соттун чечими болсо керек... Эгерде, соттун күнөөлүү деген чечими болбосо ал каттоодон өтпөйт эле да. А менин орун басарым болуп... эмне, ал киши менен мен бир жарым айдай эле иштегем, жакшы билбейм...

Кумтөр келишими боюнча айтканынан:
- Жогорку Кеңештин 23үнө чейин киргиз деген срогу бар болчу да, 23үнө киргизбесем, анда жаңы жылдын алдында өкмөттү "кет!" деп кыйкырып турса... настроение бузулат деп эле киргиздим. Анын эмнеси бар экен, ачыгын эле айтам...

Билдирүүнү түзөткөн: Argymak007: 11 Январь 2014 - 19:45

[kanat4ik]

Абак кызматкерлери Юсуповго дайыма телефон,
акча, тамеки, кафеден тамак алынып кирилерин
билдиришти. «Ал абак ичинде ээн-эркин жүрө
алат. Биз бир канча жолу андан тыюу салынган
буюмдарды тартып алалы деп, бирок ал ага жол
берген эмес. Кичине бирдеке болсо эле МЖАК башчысы Зарылбек Рысалиевге кайрылып
«жолдош генерал» деп баштачу. Анын
жолугушуу бөлмөсүнө паспорту жок кыздарды
алып келишчү. Биз алардан документ сураганда,
бул Зарылбек Рысалиевден оозеки буйрук
дешчү. 2013-жылдын 7-августунда айт намазда бизге Абдулла Юсупов менен анын шериги
Оморов жана өмүр бою абакка кесилген Улан
Кожоев менен жолуктуруш керек деген буйрук
түштү. Устав боюнча өмүр бою абакка
кесилгендер менен тергөө абагындагыларды
жолуктурууга болбойт, бирок МЖАК жетекчилиги аларды бир камерада жолуктурчуу. Ал МЖАК
жетекчисинин орун басары Калыбек Качкыналиев
жол берген башаламандыкка туруштук бере алчу
эмес. Ушуга жеткен, биз жада калса ашыкча
жолу Юсуповдун көзүнө көрүнгөндөн коркчубуз.
Качкыналиевдин кайра-кайра келгенинен чарчап да калганбыз. МЖАК жетекчилигинин сөзүн
укпагандар иштен алынчу», - деди алар. №1 СИЗО жетекчилиги видеодо көрсөтмө
бергендер абак кызматкерлери экенин
тастыктады. Депутаттар Зарылбек Рысалиев СИЗОнун бүт
иши Юсуповго ылайыкташып калганын айтышты.
«Ал эмиатайын прокуратура эчтеке бобогондой
түр көрсөтүүдө. Бир рецидивист өзүн хан сезип,
абакта өз эрежелерин таңуулай», - деди Райкан
Төлөгөнов.

[kanat4ik]

Бектен Сыдыгалиев парламенттин
«Ата Мекен» фракциясынын жыйынында
билдирди. Айтымында, ЖКК Азиз Батукаевдин бошотулушу
боюнча ишти иликтеп жатат. «Биз суракка
Зарылбек Рысалиевдин кеңешчиси Калыбек
Качкыналиевди чакырдык. Ал көрсөтмө берип,
Батукаев бошонгондон кийин Зарылбек
Рысалиевдин көрсөтмөсү менен аба майданга чейин узатканын айтты», - дейт Бектен
Сыдыгалиев. «Ата Мекен» депутаттары Калыбек Качкыналиев
менен Зарылбек Рысалиевдин үстүнөн кылмыш
ишин козгоону суранууда. Эскертсек, Азиз Батукаев денсоолугуна
байланыштуу абактан бошотулуп, андан соң
өлкөдөн чыгып кеткен.

[kanat4ik]

«Шайлоолор тууралуу» конституциялык мыйзам
коомдук талкууга коюлду. Мыйзам демилгечилеринин айтымында,
учурдагы ЖК депутаттарын, жергиликтүү
кеңештерди жана өлкө башчысын шайлоодо көп
калпыстыктар болуп, ал шайлоо
мыйзамдарындагы мүчүлүштүктөрдү көрсүттү.
«Жыйынтыгында, шайлоолор мыйзам бузуулар менен коштолду. Жергиликтүү кеңешке карата
депутаттарды шайлоого келгендер саны
рекорддук түрдө аз болду. Бул электораттын
добуш берүүгө карата ишеними кеткенин
айнигилейт. Айрым округдарда добуштар кайра
санакка алынып, кайрадан добуш берүү жүрдү. 2015-жылы боло турган ЖК шайлоолорун эске
алсак, бул маселе актуалдуу мүнөзгө ээ.
Шайлоо тууралуу мыйзамды жакшыртууга
шайлоочулар, саясатчылар, депутаттар, саясат
таануучулар эле эмес президент да кызыкдар
болушу керек», - дешет мыйзам демилгечилери. Алар мыйзамды өзгөртүү менен ириде учурда
иштеп жаткан мыйзамдар негизинде аныкталган
кемчиликтерди эске алуу менен бирдиктүү
унифицирлешкен укуксуз негиз түзүүнү максат
кылышууда. Мыйзамга конституциялык макам
берүү сунушталууда. Анда учурда иштеп жаткан шайлоо системасынын модицикациясынан баш
тартуу каралган. Ал системага ылайык мамлекет
бирдиктүү округ катары кабылданып, саясый
партиялар ЖКга депутаттыкка 120 адамдан кем
эмес тизмени көрсөтөөрү маалым. Документ жалпы мамлекеттик бирдиктүү шайлоо
округун 8 округга бөлүп, ал чектөөлөр
административдик- аймактык бирдиктер
чегаралары менен шайкеш келиши керек. «Ар
бир аймактык округга саясый партиялар
аймактык талапкерлердин тизмесин түзүп, ал берилген мандаттарга ылайык бөлүштүрүлөт.
Буга кошумча тизмеге 3 резервдик орунга
ченелген талапкерлер кирет. Бул тизмелерден
жалпы мамлекеттик тизме түптөлөт. Мыйзам
кабыл алынып калса, шайлоочу шайлоодо
партия үчүн добуш берип, буга кошумча аймактагы партиянын талапкерлерине өз турумун
көрсөтүшөт. Депутаттык мандаттарды
бөлүштүрүүдө жалпы шайлоочулардын 5
проценттен кем эмес добушуна жана ар бир
шайлоо округунда 0,5 проценттен кем эмес
колдоого жетишкен партиялар катыша алат», - дешти парламенттен. Бул мыйзамга депутат Дастан Бекешев жана
башкалар демилгечи болууда.

[kanat4ik]

ИИМ тарабынан Баткен
облусунун аймагында жергиликтүү жарандарды
Сирияга жөнөтүү үчүн жазгыргандар
аныкталганын аталган ведомствонун маалымат
кызматы билдирди. Кызыл-Кыя шаарында ички иштер органдарынын
кызматкерлери тарабынан ыкчам-иликтөө иш-
чарасы уюшулган. Анын жүрүшүндө Сириядагы
согушка камданган топ колго түшүрүлдү. Аларды
согушка барууга үндөгөн адам Кызыл-Кыя
шаарынын 20 жаштагы жараны болгон. Ал буга чейин Москвада иштеп жүргөн Ю.М. аттуу жаран
экени аныкталды. Маалыматка ишенсек, милийсалар Сирияга
барууга камданган кызылкыялык 5 жарандын
аты-жөнүн тактады. 19-20 жаштагы ал
жигиттердин ислам боюнча жетиштүү билими
болгон эмес деп билдирет ИИМ. Бул топ Сирияга өздөрүнүн жеке каражаты менен
барууга камданышканын өздөрү моюнга
алышкан. Учурда Ю.М. буга чейин да кайда жүргөндүгүн
аныктоо боюнча тиешелүү иш-чаралар жүрүүдө.

[kanat4ik]

Кыргызстандын вице-премьер министри
Токон Мамытов Баткендеги тажик-кыргыз чек
арачыларынын ортосундагы атышууга
карабастан, Кыргыз тарап Ак-Сай – Көк-Таш
жолун куруунун улантат деп билдирди. Андан
тышкары кыргыз өкүлү Тажикстан тарап эл аралык нормаларды бузгандыгын белгилеп,
Кыргыз-Тажик чегиндеги окуя толук иликтөө
алынганга чейин эки өлкө ортосундагы карым
катышты убактылуу токтотконун жарыялады. Бишкектин маалыматы боюнча ушул тапта
тараптар сүйлөшүүлөрдү жүргүзүп жатат. Тажик
өкүлдөрү менен Кыргызстандын чек ара
кызматынын жана Ички иштер министрлигинин
жетекчилери жолугушуусу күтүлүүдө. 11-январда Баткен облусундагы Ак-Сай - Көк-
Таш айылдарынын ортосундагы суу
бөлүштүрүүчү жайда кыргыз-тажик чек
арачылары атыша кеткен. Андан беш кыргыз,
кеминде эки тажик чек арачысы жаракат алганы
кабарланган.

[kanat4ik]

Расмий маалыматка ылайык, кыргыз тараптан
жаракат алган аскер кызматкерлеринин
бирөөсүнүн абалы оор. Ага Баткен облустук
оруканасында операция жасалды. 12-январда жаракат алгандардын үчөөнү
Бишкекке алып келишкенин өкмөттүк өкүлдөр
билдиришүүдө. Ал ортодо, бул окуянын айланасында Бишкек-
Дүйшөмбү ортосунда кайым айтышуу орун
алууда. Кыргызстан тажик чек арачылары
Кыргызстандын аймагына кирип келишип,
биринчи болуп ок аткан, эл аралык келимдер
боюнча тыюу салынган миномёт, гранатамётторду колдонгон деп айтууда.

[kanat4ik]

Кыргызстан жетекчилери Тажикстан 7-9-
январда эки тараптын өкүлдөрү чек арадагы
талаш талкууларды тынч жол менен чечүүгө
жана аймактагы коопсуздукту биргелешип
сактоону макулдашканын, каска мөөнөттүн
ичинде эле тажик тарап бул келишимдерди бузганын айыптоодо. “Биз Тажикстан мындан мурдагы келишимдердин
бардыгын аткарат деп үмүттөнөбүз. Чек
арачылар ортосундагы ок атуу окуясын толук
иликтеп бүткөнгө чейин Кыргызстан Тажикстан
ортосундагы чек ара өтмөктөрүн жабат. Ал эми
Ак-Сай – Көк-Таш жолун курууну мындан кийин дагы уланта бермекчибиз. Себеби, бул жол
салынса, тажик-кыргыз жашоочуларынын
ортосундагы чыр-чатактар азаят деп эсептейбиз”,
- деди Токон Мамытов. Тажик-кыргыз чек арачыларынын ортосундагы
атышууда бир катар кыргыз айылдарына электр
жарыгын бөлүштүрүп берүүчү түйүн иштен
чыгып, Кыргызстандын энергетика министрлиги
подстанцияны кайрадан калыбына келтиргенин
билдирген. Ал эми жергиликтүү эл чыр- чатактардын мындан ары дагы курчуп
кетишкенинен кооптонуп жатканын баткендик
журналист Аскар Баймуратов Би-Би-Сиге айтып
берди.

[kanat4ik]

“Эл арасында тынчсыздануу чоң. Тажик чек
арасына жакын жайгашкан айрым айылдарда
аялдар менен балдарды башка жактарга көчүрүп
кетип жатканы тууралуу сөздөр тарап жатат.
Бирок, бул канчалык деңгээлде чындыкка дал
келет азырынча белгисиз” – дейт Баймуратов. Өткөн жылдын соңунда чек аранын дал ушул
аймагында кыргыз жаранына тиешелүү чайкана
өрттөлүп, анын соңунда эки тараптын жарандары
чатакташа кеткен. Өткөн жылдын соңунда чек аранын дал ушул
аймагында кыргыз жаранына тиешелүү чайкана
өрттөлүп, анын соңунда эки тараптын жарандары
чатакташа кеткен. Жергиликтүү кыргыз
жарандары чек арадагы чайханага коңшу
өлкөнүн жарандары өрт койду деген нааразылыгын билдиришкен. Алар Тажикстандын
айылдарын айланып өтчү Ак-Сай – Көк-Таш көз
карандысыз жолун куруп берүүнү талап кылып,
Ворух анклавына кетчү жолду буушкан. Сүйлөшүүлөрдүн натыйжасында кыргыз өкмөтү
аталган жолдун курулушун баштаган болчу.
Жергиликтүү тажик жарандары бул жолдун
курулушуна нааразы экени кабарланган. Өткөн аптада Кыргызстан менен Тажикстандын
чек арачылары Дүйшөмбү шаарында жолугушуп,
талаштуу аймактарды 10-январдан тарта
биргеликте кайтарууга макулдашкан эле.

[kanat4ik]

Израилдин мурдагы премьер-министри Ариел
Шарон сегиз жылдык комадан кийин 85 жашында
көз жумду.

[kanat4ik]

АКШ өкмөтү Афганстанда кармалгандарды
Кубадагы Гуантанамо түрмөсүнө которо
баштаганына 12 жыл толууда. Бул түрмөнү
жабуу аракетинин алкагында Америка он жылдан
ашык убакыттан бери айыбы угузулбастан абакта
жаткан йемендик жаранды эркиндикке чыгарды.

[kanat4ik]

Пакистандагы дүкөндөрдө балдардын оюнчук
мылтыктары жакындан бери өзгөчө көп
сатылганы байкалууда. Психологтор
зомбулуктан арылбай жаткан өлкөдө бул мылтык
оюнчуктар балдарга терс таасир этип жатканын
белгилешүүдө.