[kanat4ik]

Жер жүзүн кайрадан муз доору капташы
мүмкүн.Бул туралуу Британиялык окмуштуулар
билдирүү жасагандыгын The Daily басылмасы
жазып чыкты. Маалыматка караганда күндүн
кубаты төмөндөп, жакынкы 40 жыл арасында муз
доору капташы күтүлүүдө.Окмуштуулар аба ырайынын суук болушун XVII кылымдагы күндүн
жылышы төмөндөп, чакан муз доору
каптагандыгын эске алышууда . Анда 1645 жана
1715-жылдар арасында Европаны болуп
көрбөгөндөй суук каптап Темза дарыясы тоңуп
калган. Бул акыркы 500 жыл ичиндеги эң суук аба ырайы болгон. Окмуштуулар мындай катуу
аба ырайын 2014-жылдын башын мисал кылып
көрсөтүшүүдө. Анткени акыркы 100 жылда
алгачкы жолу Ниагара шаркыратмасы тоңуп
калган. Бир ай ичиндеги Америкадагы сууктун
чыгымы 5 миллиард доллар деп саналууда.

[kanat4ik]

Франциянын президенти Франсуа Олланд
жарандык аялы Валери Триервейлер менен
ажырашууну чечти.Бул туралуу "Россия 24"
телеканалы кабарлады. Мурда мындай кептерди Елисей сарайы
жалгандап келген. Ал эми жуманын соңунда
Франс Пресс агенчилиги президент бул
тууралуу" Валери Триервейлер менен
биргеликте жашаган турмушубузга чекит коюууга
убакыт келди" деп билдиргендигин жазып чыкты. Валери Триервейлер менен Франсуа Олланд
2007-жылдан бери биргеликте жашап келатышат.
Бирок алар расмий түрдө үйлөнүшө элек.
Франциянын президенттинин расмий
салтанаттарында дайыма Валери коштоп келген.
Калк аны биринчи ханайым катары кабыл алганын басма сөздөр жазып келишкен. Ал эми
үй бүлөнүн ажырышууга чейин баруусуна 10-
январдагы Closer журналына чыккан Олланд
менен актриса Жюли Гайенын ортосунда ысык
мамилеси туралуу сүрөттөр себепчи болгонун
батыш басма сөздөрү байма бай жазып чыгышты. Анын кесепетинен Валери Триервейлер
ооруканага жатып калганы дагы кабарланган

[kanat4ik]

Мишель Обама менен АКШнын президенти Барак
Обама ажырашышы мүмкүн. Бул тууралуу
"National Enquirer" журналы билдирди. АКШнын
биринчи айымы Барак Обама менен ажырашуу
үчүн даярдык көрүп, адвокаттар менен
жолугушуп жатканы белгилүү болду. Серепчилердин айтымында, Барак менен
Мишельдин ортосундагы мамиле бир канча
жылдан бери салкындап кеткен. Алардын
ортосундагы аралыктын алыстаганы Түштүк
Африка Республикасынын экс-президенти
Нельсон Манделаны акыркы сапарга узатуу зыйнатына чогуу барганда байкалган.
Манделанын зыйнатында Барак Обама Даниянын
премьер-министр Хелле Торнинг-Шмитт менен
башкача мамиледе болгонун массалык
маалымат каражаттарыда жазып чыккан. Демек
азыркы кезде Барак Обаманын үй бүлөсүндө кризистик абал болуп жатат деп билдирет -
National Enquirer журналы.

Билдирүүнү түзөткөн: kanat4ik: 05 Февраль 2014 - 22:22

[kanat4ik]

Коендор байыркы казынаны табышты. Бул
туралуу The Mirror басмасы кабарлоодо. Маалыматка ылайык Англиянын түштүгүндө 8
миң жыл мурунку казына табылды. Бул
казынаны коендор бир жерден уюк казышып
жатып ичинен эски баалуу буюмдарды сыртка
чыгарып коюшкан. Аны изилдеген археологтор
бул байыркы таш доорунун баа жеткис буюмдары экендигин аныкташкан. Коендор казынанын үстүнөн бир канча жеринен
уюк казышып ар кандай эски буюмдарды сыртка
ташып чыгарышкан. Археологтор тобунун
жетекчиси Дин Паттон коендордун тукуму
ушундай бир тарых жазгандыгын таң калуу
менен билдирген. Табылган буюмдар арасында жаа огунун күмүш учтары, таш илгичтер жана
башка аңчылыкка ылайыкташкан бир топ
буюмдар табылган. Археологтор тобунун
жетекчиси Дин Паттон пикири боюнча бул жерге
миң жыл мурун бир уруунун лидерлери
көмүлгөндүгүн божомолдоп жатат. Бул коендор казган жер туристик Лендс-Энд жергесине 180
метр жакын болгон. Азыр ал жерде өтө чоң
масштабтагы казуулар башталды.

[kanat4ik]

АКШда «Макдоналдс» тамактануучу жайда
чуулгандуу окуя болду. Ал жерде сатуучу иш
ордунда героин даярдап жүргөн. Американын Пенсельвания штатынын Питтсбург
шаарында «Макдоналдс» тамактануучу жайдын
кызматкери маңзат сатканы тууралуу кармалды.
Текшерүүлөрдүн натыйжасында, 26- жаштагы
Шания Деннис жаш балдар үчүн атайын «Хэппи
мил» кутучасынын ичине салып сатып жүргөн. Сатып алуучулар «Макдоналдсдын» атайын
унаадагылар үчүн «Макунаа» деген кичинекей
терезеге келип, жашыруун белги менен «мен
оюнчук сатып алсамбы» дешип, акчасын төлөп
алып турушкан. Жаш балдар үчүн жасалган
кутунун ичиндеги жумшак нандын жана оюнчуктун арасында кичинекей баштыкчада
маңзат болгон. ММКдын маалыматы боюнча, Деннистен полиция
кызматкерлери «Хэппи мил» сатып алышканда
ичинде 10 баштыкча героин болгон. Ошол
жерден сатуучуну текшергенде 50 ором маңзат
табылган. Бул тууралуу ИТАР-ТАСС билдирет. Бул окуядан мурунурак эле Питтсбург шаарынан
алыс эмес Маррисвилл шаарында
«Макдоналдсдын» кызматкери героин сатып
кармалган болчу. Маалыматтарга ылайык, маңзат саткан
кылмыштуу топтор көбүнчө маңзатты ташууда
тамак-аштарды колдонушат. Жакында
Германиянын бир дүкөнүндө банан салынган
ящикттен кокаин табылган.


Булак: Марал радиосу

[WwWwWwW]

Милиция кызматкерлери Калуж обулуснда 20 криминальный авториттетти авторитеттердин авторитети тандайлып жаткан учурда кармашты

[WwWwWwW]

Роосияда пайдасыз атышчу коркунучтуу ПК оюндарын жаш балдарга ойнотпош керек деген сунуш киргизишти

[WwWwWwW]

Байконурдан СОЮЗ-У раектасы учту

[kanat4ik]

Чоң кызматтагы америкалык дипломаттын
Украинадагы кризисти чечүү боюнча
Евробиримдиктин аракеттери жөнүндө
телефондон текебер сүйлөгөн сөзү жазылып
алынып, Интернетке жайылып кетти. АКШнын мамлекеттик катчысынын орун басары
Виктория Нуландка окшош аялдын үнү менен
сүйлөп жаткан аял Евробиримдикти уят сөздөрү
менен жамандап жатат. АКШ Виктория Нуланд анын оозунан чыкты деп
айтылып жаткан сөздөр үчун кечирим сураганын
билдирди. Жазылып алынган сүйлөшүүдө Америка
украиналык оппозициянын үч лидери менен
кандай мамиле курушу керектиги тууралуу ачык
сөз болот. Бул жазуу YouTube Интернет кызматына коюлуп,
орусча котормо тексти менен коштолгон. 4 мүнөт
10 секундка созулган видео «Майдандын
марионеткалары» деп аталат. Бир жеринде сүйлөп жаткан аял БУУну сөзгө
алып, Украинадагы кризисти чечүүдө анын ролун
белгилеп жатып, Евробиримдикти уят сөз менен
кошуп кыстара кеткен. Эки маектеш ошондой эле оппозициянын үч
лидеринин – Виталий Кличконун, Арсений
Яценюктун ана Олег Тягнибоктун кемчиликтерин
ачык айрым талкуулашкан. Президент Путиндин кеңешчиси Сергей Глазьев
буга чейин АКШны Украинанын ички иштерине
кийлигишип жатат деп айыптаган эле. Украинада өкмөткө каршы массалык акциялар
өткөн жылы ноябрда президент Янукович
Евробиримдик менен ассоциация түзүү жөнүндө
келишимге кол коюудан баш тарткандан кийин
башталган. Президент Януковичтин Евробиримдик менен
тыгыз мамиле күтүшүнө жол бербеш үчүн,
экономикалык рычагдарын колдонуп, Украинанын
ички иштерине кийлигишип жатат деп Россияга
да сын айтылып келген эле.

[kanat4ik]

Сочи оюндарынын ачылыш аземине кырктан
ашуун өлкө жетекчилеринин арасында
Кыргызстандын президенти Алмазбек
Атамбаев дагы катышмакчы. Президенттин басма сөз кызматы тараткан
маалыматка караганда, Атамбаев Орусиянын
президенти Владимир Путин, Түркиянын
премьер-министри Режеп Тайып Эрдоган жана
Тажик лидери Эмомали Рахмон менен
жолугушуусу күтүлүүдө. Сочи Олимпиадасы 7-февралда Москва сааты
менен 20:14тө башталмакчы. Бул убакыт
символикалык мааниге ээ болуп, 2014-жыл
дегенди билдирет. Кышкы оюндарга Кыргызстандан жалгыз спортчу
Дмитрий Трелевский жолдомо алган. Ал тоо
лыжасы боюнча алгачкы жарышка 16-февралда
аттанат. 19-февралда тоо лыжасынын гигант
слалом, 22-февралда слалом түрлөрү боюнча
оюнга кирет. Кыргызстандагы спорт адистери Дмитрий
Трелевский ортоңку орундарга илиниши мүмкүн
деп күтүшүүдө. Социалдык тармактарда аны
орусиялык спортчу деген шектенүүлөр да
айтылган.

[kanat4ik]

Трелевский – кыргызстандык спортчу
Мурат Саралинов: Трелевский Олимпиадага биринчи жолу катышып жаткан жок. Ал
Ванкувердеги оюндарда дагы биздин намысты
талашкан. Кыргызстандын спортчусу үй-бүлөсү
менен бирге лыжа багытында машыгышат. Анын атасы лыжа базасын көп жылдардан бери
жетектеп жүргөн. Бир гана нерсеси, көптөгөн
машыгууларды Трелевскийлер Орусияда
өткөрүшөт. Себеби, чоң даражадагы оюндарга
катышуу үчүн бир гана Кыргызстандын ичиндеги
машыгуулар жетишпейт.

[kanat4ik]

Такси кызматын
тейлеген бир катар фирмалар 2016-жылдан
баштап оң рулдуу унааларды колдонууну
алып салууга макул болгонун билдиришүүдө. Оң рулдуу унааларды мындан эки жылдан кийин
такси кызматына колдонуудан чыгаруу жөнүндө
мыйзам былтыр күчүнө кирген эле. Кыргызстанда андан тышкары оң рулдуу
унааларды өлкө ичине киргизүүгө тыюу салуу
маселеси дагы кызуу талкууга алынып жаткан
кези.

[kanat4ik]

Бразилияда Рио-Де-Жанейродо коомдук
транспорттун акысын көтөрүүгө нааразы
болгондордун каршылык акциясы тополоңго
айланып, митингичилер менен полиция
күчтөрү кагылышты. Тартип коргоочулар чак түштө шаардын
борборуна топурап чогулган адамдарды таркатуу
үчүн көздү бууган газ менен аткылашты. Полиция каршылык акциясына чыккандарды
метродон алыстатып сүрүп чыгарды, бирок
кармашуулар көчөдө болуп жатты, полицияга
каршы таш жана күйүүчү зат куюлган бөтөлкөлөр
жаадырылды. Тополоңдун натыйжасында жергиликтүү
телекомпаниянын оператору башынан жаракат
алып, оор абалда ооруканага жеткирилди. Сан-Паулудагы бийлик коомдук транспортко
болгон тарифтерди көтөрүү жөнүндө чечим
кабыл алгандан кийин нааразылык чыгып,
каршылык акциялары башталып кетти. Каршылык
акциясына миллиондон ашык киши катышканы
айтылууда. Өткөн жылы Бразилияда футбол боюнча
дүйнөлүк чемпионатты даярдоого кеткен ашыкча
мамлекеттик чыгымдарга жана коррупцияга
каршы массалык каршылык акциялары болгон.

[kanat4ik]

Окумуштуулар микро-хирургияны
электрониктер менен айкалыштырып,
кармоого дагы сезүүгө дагы мүмкүндүк берген
бионикалык кол жасашты. Алгач 60-жылдары
чыккан жасалма колдор өнүгүп отуруп, мына
эми биринчи жолу кишиге сезим да берген колдор жасалууда. Деннис Аабо дээрлик он жыл мурда
фейерверктен улам сол кол колунан ажыраган.
Эми ал болуп көрбөгөндөй ийгиликке жетишти.
Анын жасалма колунун сезгичтиги калыбына
келтирилди. Ал көзүн жумуп туруп да, колунда эмне кармап
турганын сезе алат. "Артка берилген сенсордук маалымат абдан
жакшы. Анткени колумда кармаган нерсенин
катуулугун сезип жатам. Бул дээрлик табигый
туюмга эле окшош",-дейт ал. Адам колунун эпчилдигинде сөз жок. Бардык
нерсе колдон мээге кеткен нерв түйүндөрү
аркылуу башкарылат. Жасалма колдо муну
пайда кылуу үчүн манжалардан чыккан
электроддор адамдын ийининдеги эки негизги
нервге туташтырылып, маалымат мээге жеткирилип турат. Римдеги операцияга микрохирургияны
электроника менен байланыштырган эл аралык
адистердин чоң тобу катышты. Андан соң бир ай
бою тынымсыз лабораториялык тесттер
жүргүзүлүп, андан оң натыйжа чыкты.
Окумуштуулар Деннис Аабо жасалма колуна кантип бат көнүп кеткенине таң калып жатышат. "Эң кызыгы, бейтаптын кыска убакыттын ичинде
колун башкарып, колдонгонду үйрөнүп кеткени.
Бул кол келечекте ага өтө чоң жардам берери
анык болуп калды",-деди дарыгерлердин бири. Швейцариянын Лузанна шаарындагы
университеттин роботтор боюнча тобу
бионикалык колдорду лабораторияда гана эмес,
кадимки турмушта да колдонуу үчүн
электрондук каражаттарды кичирейтүүнүн
үстүндө иштеп жатышат. Бул бионикалык же машина менен жашаган адамдардын
тарыхындагы башат катары эсте калмакчы.

[KUMU89]

Бугун Россиянын Сочи шаарында, кышкы олимпиаданын ачылышы болот. Олимпиаданын ачылышына карата, Россиянын чон шаарларына чон экрандар орнотулган. Жергиликтуу элдерге, туз транслация алып бериш учун. Олимпиаданын ачылышы саат 20:00до башталат.

[Rinatik94]

"Шахтер" футбол клубунун
чабуулчусу
Майкон автокырсыктан каза
болду, ал болгону 25 жашта
болчу.

[ali.95]

Ливерпуль 5-1 Арсенал хехе jpg]

[Rinatik94]

Футбол боюнча Дания курама
командасынын мурдагы
башкы машыктыруучусу
Рихард
Мёллер-Нильсен 76 жаш
курагында дүйнө салды.
Кезинде ал Дания курама
командасына көп
ийгиликтерге жеткизген,
маселен, 1992-жылы Эвропа
чемпионатын уткан, ошол эле
жылы World Soccer
журналынын версиясы
боюнча мыкты башкы
машыктыруучу аталган.

[Sweet-Lika]

Заводчики вывели котов, выглядевших как оборотни и ведущих себя как собаки..

Шумдугуң кур! Жаммман кызыктай көрүнөт экен. Сүрөтүн жүктөй албай койдум.

[Jamalym]

Sweet-Lika (14 Февраль 2014 - 16:50) жазган:

Заводчики вывели котов, выглядевших как оборотни и ведущих себя как собаки../>

Шумдугуң кур! Жаммман кызыктай көрүнөт экен. Сүрөтүн жүктөй албай койдум.

Издеп,суротторун коруп келдим ушул аргындаштырылган жаныбарлардан негедир корком да