[kanat4ik]

Франциянын президенти Франсуа Олланд өзүн
актирсса Жюли Гайе менен көңүлдөш деп жазган
журналды сотко бере тургандыгын билдирди.

[kanat4ik]

АКШдагы соттор коллегиясы Индия
дипломатына расмий түрдө айып такты.
Индиянын Нью-Йорктогу башкы консулунун орун
басары Девияни Хобрагаденин кармалышы
Индияда нааразылыктарды пайда кылган.

[kanat4ik]

АКШ менен Британия Сириянын
оппозициясын эгер анын жетектөчү тобу -
Сирия улуттук коалициясы - Женевада
келерки жумада боло турган тынчтык
сүйлөшүүлөрүнө катышпай турган болсо,
анда ага колдоо көрсөтүү токтотулушу мүмкүндүгүн эскертишти. Сириянын улуттук коалициясынын өкүлү Би-Би-
#### билдиргендей, тынчтык сүйлөшүүлөрүнө
Сириянын оппозициясынын катышуусу жөнүндө
АКШ менен Британия катуу эле маселе коюуда. "Эгер биз (Женевага) барбай турган болсок,
азыркыдай колдоо бизге болбой калышын,
ошондой эле биз эл аралык ишенимден ажырай
турганыбызды алар абдан даана айтып
жатышат", - деген атын ачыктоону каалабаган
булак. Коалиция жума күнү добушка салып,
Женевадагы конференцияга катышуу маселесин
бир жаңсыл чечмекчи болууда. Би-би-си кабарчысы Бриджет Кендалл
билдиргендей, эгер Сириянын улуттук
коалициясы Женевага барбай калса, бул
өлкөдөгү конфликтти чечүүнүн дипломатиялык
стратегиясынын таш-талканы чыгат.

[kanat4ik]

Россиянын тышкы иштер министри Кирилл
Лавров менен АКШнын мамлекеттик катчысы
Джон Керри дүйшөмбүдө Парижде жолугушуп,
Сириядагы кырдаалды жөнгө салуунун жолдорун
сүйлөштү. Ошол эле учурда кабарчынын айтымында,
Британ өкмөтү расмий түрдө коалицияга кирген
Сириянын улуттук кеңешине колдоо көрсөтүүнү
токтотпой турганын билдирип жатат. Бирок оппозициянын өкүлдөрүн президент Башар
Асаддын режиминин өкүлдөрү менен сүйлөшүүгө
көндүрүү өтө кыйын болуп калды. Сириянын оппозициясы көтөрүлүш башталгандан
үч жылдан кийин экиге ажырап кеткен бойдон
турат. Биздин кабарчы менен сүйлөшкөн булактын
айтымында, Вашингтон менен Лондондун
колдоосу коалиция үчүн абдан маанилүү, бирок
ошол эле учурда ал колдоо көрсөтүү токтоп
каларына анча ишенбейт. "Биздин башка жолубуз барбы? Бир жагынан
Сирияда химиялык курал колдонуп жаткан таш
боор диктатор отурат, экинчи жагынан "Аль-
Каида" чыгып жатат. Эгер биз менен болбогондо,
анда ким менен алар иштешет?" – деди ал.

[Aristokrat-unname]

Jadadym baarynan.....jakin kundordo kaygy boluwu mumkun. ....tynchylyk ele bolsun tynchylik ehhh....((((

[kanat4ik]

Киевдеги активисттердин тобу юстиция министрлигинин имаратын ээлеп
алды. Борбордук Украинанын көптөгөн аймактарында массалык
нааразылык акциялары өтүп, бир катар шаарларда жергиликтүү
администрацияны басып алууга аракет кылышкан.

[kanat4ik]

Женевадагы Сирия тынчтык сүйлөшүүлөрүндө өлкөдөгү бийликти өткөрүп
берүү боюнча саясий маселе талкууланышы күтүлүп жатат. Андан
тышкары Хомс шаарында курчоого алынгандарга жардам жеткирүү
маселеси талкууланат.

[kanat4ik]

Кыргыз-кытай чек арасында жок кылынган куралдуу топту кыргыз чек
арачылары Кытай жактан келген уйгур жикчилдери болушу мүмкүн деп
билдирүүдө. Бирок мындай божомол билдирүүлөр көп талаш туудурууда.

[kanat4ik]

Египеттин борбор шаары Каирде үч чоң жардыруу болду. Беш киши каза
таап, жетимиштен ашууну жарадар. Эң чоң жардыруу катуу кайтаруудагы
полиция штабынын тушунда орун алган

[kanat4ik]

Ысык-Көл областындагы кыргыз-кытай чек арасынын Ак-Шыйрак
участкасында кыргыз чек арачылары белгисиз адамдардын тобу менен
атышып, колго түшпөй каршылык көрсөткөн куралчан он бир адам баары
жок кылынды. Алардын кайдан келгени, ким экени такталууда.

[kanat4ik]

Бул аптанын эң манилүү окуяларынын бири – Украина борбору Киевде
бийлик менен оппозициянын тирешүүсү күчөп, кан төгүүгө алып келгени.
Дүйнөлүк жана өзгөчө британ гезиттеринде Украинадагы болуп жаткан
окуялар негизги тема бойдон калууда.

[kanat4ik]

Кыргызстанга Өзбекстандан 5 миң тонна
минералдык жер семирткич алынып келинди.
Өкмөттүн басма сөз кызматынын маалыматына
ылайык, бул жер семирткичтердин биринчи
партиясы.

[kanat4ik]

Учурда Бишкектеги үй-жайсыз адамдардын баш
калкалоочу жайларында 207 адам бар. Бул
маалыматты Социалдык өнүктүрүү
министрлигинин басма сөз кызматы билдирди. Шаар боюнча бардыгы болуп 4 борбор ачылган.
Ал жайларда бир маал ысык тамак берилип,
медициналык кызматтан дагы пайдалана
алышат. Биринчи Май районунда “Коломто”
кайрымдуулук үйү иштеп, ал жер 70 адамга
ылайыкталган. Ал эми Ленин районундагы баш калкалоочу
жайда 49 аял балдары менен учурда жашоодо.
Ошондой эле былтыркы жылдын 5-ноябрынан
баштап Свердлов жана Октябрь райондорунда
дагы селсаяктар үчүн атайын жайлар
уюштурулган.

[kanat4ik]

2013-жылы Кыргызстан боюнча 2344 диний
багыттагы мекемелер иштегени
Мамэкотехинспекциянын кызматкерлери
тарабынан жүргүзүлгөн текшерүүлөрдүн
жыйынтыгындабелгилүү болгон. Бул тууралуу
аталган мекеменин басма сөз кызматы билдирди. Маалыматка ылайык, Кыргызстанда
мечиттердин саны -2175, чиркөөлөрдүн саны-120,
ал эми ар кандай сыйынуу үйлөрү 49ду түзөт. Алардын ичинен эксплуатацияга киргизилген
курулуштардын саны-1360 Кыргыз Республикасынын мыйзамдарын жана
нормативдик укуктун актыларды бузуу менен өз
алдынча иштеп жүргөн объектилердин саны 875
жана өз алдынча курулган объектилердин саны
109 экендигин Мамаэкотехинспекциянын басма-
сөз кызматы кабарлады

[kanat4ik]

Салык кызматкери пара алып жаткан жеринен
кармалды. Бул тууралуу Бишкек ШИИБинин
басма сөз кызматы билдирди. Маалыматка
ылайык, 33 жаштагы Талантбек аттуу жаран
Салык кызматынын Биринчи Май райондук
башкармалыгынын кызматкерине карата чара колодонууну суранган арызы менен милиция
кызматкерлерине кайрылган. Жүргүзүлгөн иликтөөлөрдүн натыйжасында 23
жаштагы К.Баатырбек өзүнүн кызматтык
абалынан кыянаттык менен пайдаланып, «ВАТ»
ОСООсундагы салыктык мүчүлүштүктөрдү жоюу
үчүн 8000 сом пара алып жаткан жеринен
кармалган. Аталган кызматкер эгер бул фирма айткан суммасын бербесе жоопко тартарын
айтып, арыз ээсин коркуткан. Учурда кармалган адам убактылуу кармоочу
жайга киргизилип, ага карата “пара алуу”
беренеси менен кылмыш иши козголду.

[kanat4ik]

21-февралда саат 15.00дө Г.Айтиев атындагы
Кыргыз улуттук көркөм искусство музейинде
биринчи жолу уникалдуу “Япон куурчактарынын”
көргөзмөсүнүн ачылышы болот. Маалыматты Кыргызстандагы Япон элчилигинин
басма сөз кызматынан билдиришти. Көргөзмө 22-февралдан 14-мартка чейин
созулуп, Чыгыш элинин маданиятына кызыккан
баардык кардарларга арналат. Көрүүчүлөр
жашы, курагы чектелбестен көргөзмөгө акысыз
кире алышат . Ошондой эле 1-мартта Япониянын салттык “Хина
”майрамына арналган атайы “Хина”
куурчактарынын көргөзмөсү уюштурулат. Буга чейин көп өлкөлөргө көргөзүлгөн “Япон
куучактары ” көпчүлүктүн кызыгуусун жарата
алган.

[kanat4ik]

Кыргызстандык дарыгерлер алгачкы жолу
жыныс алмаштыруу операциясын жасады.
Бишкектеги Улуттук госпиталда өзбекстандык
25 жаштагы жигит кызга айланды. дарыгерлердин айтымында, учурда анын ден соолугу чың, кадимки айымдардай болуп жүрөт.
Коомчулукта мындай көрүнүш терс кабыл
алынып, ага каршылар көп болгону менен
адистер жынысын алмаштырууну
каалагандардын саны өсүп жатканын айтышат. Улуттук госпиталдагы дарыгерлердин
айтымында, ушул тапта жынысын өзгөртүүнү
каалап, дарыгерлерден кеңеш сураган
кыргызстандык мырзалардын саны онго жетти.
Бирок эч бири бул үчүн операция жасатуу
чечимине келе элек. 25 жаштагы ташкенттик жигит болсо Бишкекте
жынысын өзгөртүп, өз өлкөсүнөн жаңы паспорт
алды. Кыз экенин тастыктаган документин
операция жасаган дарыгерлерге келип, көрсөтүп
кеткенге да үлгүрүптүр.
Жигит өз мамлекетинде жынысын алмаштырууга мүмкүнчүлүк жок болгондуктан, бишкектик
дарыгерлерге кайрылган. Ага 2013-жылдын
октябрь айында операция жасалган. Учурда өз
мекенинде жашап жатат.
Улуттук госпиталдын башкы урологу Акылбек Усупбаев жасаган опперация ийгиликтүү болуп, эч кандай терс натыйжа көрсөтө элек.
Операцияга катышкан уролог Зуфар Хакимходжаевдин айтымында, жынысын алмаштырган замандашыбыз эки жума мурда
Бишкекке келген: - Эки апта мурун кезектеги медициналык
кароодон өтүү үчүн келип, кайра кетти.
Өзбекстандан паспорт да алыптыр. Аты-
жөнүн аялдыкы кылып өзгөртүптүр. Өзүнүн
мурдагы аты-жөнүн атабай эле коёюн, бирок
азыр кадимки эле аял. Кулагына сөйкө тагынып, көйнөк кийип, чач жасалгасын өзгөртүп
алыптыр. Жашоосуна ыраазы экен. Жыныс алмаштыруу операциясы Кыргызстанда
коммерциялык түрдө жасалат. Ошондуктан, анын
акысы мамлекет тараптан ченелген эмес.
Бардык дары-дармекти, зарыл каражаттарды
жынысын алмаштырууну каалаган киши өзү
сатып алат. Дарылардын көбү Европадан жана Орусиядан алынат. Дарыгерлер операция гана
жасайт жана андан кийинки алгачкы дарылоону
көзөмөлдөйт. Жыныс органын кестирип, аялга
айланган мырзалардын бутка турушу үчүн үч
жумадай убакыт талап кылынат. Бирок толук
сакайып кетмейинче дарыгерге текшерилип турушу кажет.

[kanat4ik]

Бүгүн, 6-февралда ЖКнын жыйынында депутат
Турсунбай Бакир уулу Кыргызстандын
мектептеринде 14-февраль - Ыйык Валентин
күнү майрамын белгилөөгө тыюу салуу
керектигин айтты. “Кайдагы бир Валентинди ыйык кылып алышыптыр. Эгерде ушул
майрамдардын кесепетинен бир кырсык болсо
ким жооп берет? Сүйүү үчүн деп өз жандарын
кыйгандар да болууда. Мектеп директорлоруна
тапшырма берип, бул майрамды майрамдоого
тыюу салуу керек”,- деди эл өкүлү

[kanat4ik]

Москва районунун Беловодск айылында кум
шекер иштетүүчү заворддун трубаларын уурдап
жатышыптыр. Мындай пикирин депутат Туратбек
Мадылбеков ЖКнын бүгүнкү, 6-февралдагы
жыйынында билдирди. Айтымында, бул завод
1990-жылы курулган. “Ошол заводдун трубалары кесилип кетип, жоголууда. Ошол заводду курганга канча сом
коротулган маалымат бергилечи. Анткени
аким, айыл өкмөттөрү, укук коргоо органдары
биригип алышып, трубаларды кесишип,
жылууланган трубаларды алышып жүз
миңдеген акчалары алып жатышат. Ушул маселени айыл тургундары айтышып нааразы
болушууда”, - деди депутат

[kanat4ik]

ЖКнын бүгүнкү, 6-февралдагы жыйынында
депутат Турсунбай Бакир уулу Кыргызстандын
Бажы биримдигине кирүүсү боюнча эл кыжалат
болуп жатканын айтты. Эл өкүлү билдиргендей,
соодагерлер, кичи ждана орто бизнеси барлар,
ошондой эле мигранттар Бажы биримдигине кирүү боюнча тынчсызданышууда. “Биз бажы биримдигинин жол картасын караган жокпуз. Олег Панкратов деген премьер-
министрдин кеңешчиси эч кандай баа
кымбаттабайт деп интервью берип
жатыптыр, Баа эртең көтөрүлүп, Дордой
менен Кара-Суу базары жабылса эмне болот?
Биз элге өкмөт ушинтип койду деп айтабызбы? Бул Панкратов кантип өкмөт башчыга кеңешчи
болуп жүрөт? Мен -ов, -ев менен бүткөн
фамилиялардан коркуп калдым. Кылгылыкты
кылып коюп Орусияга качып кетет экен.
Ошондуктан Бажы биримдигине кирүү боюнча
жол картасын карап чыгалы”,- деди Бакир уулу