[nelli]

Терезе рамаларын сырдоонун алдында айнектерди уксус менен суртуп койсо краска жукпайт.

[vikarus]

jpg]

[Nursaikal]

кечиресиздер, туура эмес жакка жазсам, токууну уйротуучу журналдар болчу эле кайдан алсам болот

[Ulutum_Kyrgyz]

Kosmopolitka (08 Август 2013 - 18:59) жазган:

Жатаарда балды сууга чалып ичсениз,уктап жатканынызда ички органдар тазаланат.

+bal tabigyi dimedrol bolup sanalat))),jataarda jyluu suuga bir chai kawyk baldy chalyp ichse uiku bekem bolot jana erten mn sergek turasynar ...dagy aita ketchu nerse Turk eli bala torolgondon 18 jashka chein sahar ,konfet,marmelad j.b.u.sy9ktuulardy beriwpeit eken balanyn meesi ospoi kalat dep anyn orduna baldy koldonuwat eken,kobunese bal beret eken...bul turk liceiynen alyngan maalymat)))

[mega777]

Мен да билгенимди какылдай кетейин.

Каткан нанды манты касканга салып кадимки мантыдай кылып 5-10минут кайнатып алсаңыз тим эле жумшарып соонун болуп калат

[dina]

-Камыр ысык сууга жуурулса, катуу болуп калат.

-Сүттү тырмакка тамызса, эгер ал жаңы болсо, тырмакка шарча болуп токтоп калат. Эгер эски болсо, токтобой агып кетет.

-Жыгачтан жасалган буюмдарга акиташ салып койсо, кумурска кирбейт.

-Бычакты туздуу сууга жарым саат салып коюп курчутса, жакшы курчуйт.

[ANGEL_]

Баклажан никотинге болгон көз карандылыкты жоёбу?
Дени сак жашоо образын түзүү үчүн жашылча- жемиштер майлуу, таттуу жана ундан жасалган азыктарга караганда алда канча пайдалуу болуп саналышат. Өз учурунда ошол эле пайдалуу делген жашылча-жемиштердин да ич ара маанилүүлөрү бар. Алардын сап башында тургандарынын катарына кадимки баклажан да кирет.

[ANGEL_]

Пайдалуулугу
Баклажанды тамекиге болгон көз карандылыкка каршы колдонсо болот. Муну немис окумуштуулары акыркы жылдары эле аныктап чыгышты. Көрсө, анын курамындагы РР витамини аталган никотин кислотасы чылым чегүүнү таштап жаткан адамдын организминдеги никотинге болгон муктаждыкты басаңдатат экен. Ошон үчүн мындай маалда баклажанды көбүрөөк жеген жакшы. Ал эми баклажандагы пектин тамак сиңирүүнү жөнгө салып, бездердин жакшы иштешине жардам берет. Ошол эле учурда организмдеги ашыкча холестеринди айдоочу дагы функцияны аткарат. Жашылчаны мындай максатта пайдаланууну каалагандар аны консерва түрүндө же дымдалып бышырылган абалда көп жегени жакшы. Баклажандын ширеси да баалуу каражат болуп саналат. Аны элдик медицина атеросклерозго каршы, жүрөк-кан тамыр жана ичеги-ашказан ооруларынын алдын алуу максатында колдонууну сунуштайт. Бул үчүн жаңы бышкан бир баклажандын кабыгын аарчып, шире сыккычтан өткөрүп туруп табигый бойдон ичип коюу керек

[ANGEL_]

Аталган жашылчанын айымдардын кош бойлуу мезгили үчүн да маанилүү жагы бар. Тагыраагы, ал бул маалда адамдын кан айлануусун жакшыртат жана иммунитетин көтөрөт. Болгону мындайда аны сууга бышкан же дымдалган түрдө жеш керек, ал эми куурулган абалда жегенде кош бойлуу айым аны аш кыла албай калышы толук мүмкүн. Бала эмизип жүргөн учурда болсо эне өзүнүн рационуна баклажанды эч ойлонбой туруп эле кошуп алса болот. Анын эч кандай зыяны жок жана пайдалуу сапаттары сүт аркылуу балага да таасир эте берет. Эгерде баклажан бир жегенде энеге аллергиялык реакция бере турган болсо, анда аны чектеп койгон жакшы. Бөйрөк жана боор ооруларынан жабыркап жүргөн шартта да бул жашылча абдан жакшы. Себеби, баклажандын курамындагы жез жана темир кандагы гемоглобинди көтөрүү менен бирге аталган органдардын жакшы иштешин гана шарттайт. Муну менен катар аз кандуулуктан арылтат, теринин түсүн жагымдуу кылып көрсөтөт.

[ANGEL_]

Баклажан - жашылчалар тибине кирүүчү көп жылдык өсүмдүк. Жапайы кезинде ал Чыгыш Индияда көп кездешчү, анын багын мындан 1500 жыл мурун Кытай маданий өсүмдүк катары өстүрүү аркылуу ачкан. Курамында пайдалуу деп эсептелген клетчатка, пектин, белок, калий, кальций, фосфор, темир, жез, магний, натрий жана С, В1, В2, В5, РР витаминдери бар. Калориялуулугу 100 г баклажанда болгону 24 гана килокалорий бар. Дал ушул себептен улам диетологдор баклажанды арыктоону каалагандарга сунушташат.

[ANGEL_]

Баклажан арыктатып гана тим болбостон: Организмди шлактардан тазалайт Ашыкча холестеринди кууйт Ашыкча суюктуктарды кууйт Булардын ордун пайдалуу витаминдер менен толуктайт Баклажан кууруу учурунда майды көп соруп алуучу сапатка ээ. Андай болбошу үчүн аны кууруу алдында 10 мүнөт муздак сууга салып коюу керек. Бирок, куурулганына караганда дымдалган баклажанды колдонуу алда канча натыйжалуу. Ал эми баклажан диетасы тууралуу сөз кыла турган болсок, ал абдан эле жөнөкөй. Мында негизги тамак баклажан болгудай кылып гана диетага отура берүү зарыл. Ушундай негизде күнүнө 2 маал тамактанып турса бат эле 7-8, ал эми 3 маал тамактанып турса 3-4 кг ашыкча салмакты таштоого болот.

[ANGEL_]

Зыяндуулугу
"Баклажан зыян келтиреби?" деген суроого "ооба" деп да, "жок" деп да жооп берүүгө болбойт. Себеби, бул жашылча организм үчүн пайдалуу гана сапаттарга ээ, ал эми анын эскирип же өтүп кеткен абалдагысы башка жашылча-жемиштерге салыштырмалуу адамды катуу ууландырат. Ал уу илимде "соланин" деп аталат. Баклажанга ууланган адамда тез эле баш айлануу, кусуу, дем жетпөө жана карышып калуу байкалат. Аны убагында сезген киши сүт же жумуртканын белогун чийки бойдон ичип жиберсе, бул абалдан тезирээк кутулат. Ошон үчүн эскирип- өтүп кеткен баклажанды жегенден сак болуу керек.

[ANGEL_]

Баклажанды колдонуу тууралуу
Жашылчанын бардык пайдалуу сапаттары сакталып калсын жана ошол эле маалда даамдуу тамак болсун десеңиз, даярдоо алдында аны 30 мүнөт туздуу сууга салып коюңуз. Мындайда андагы ачуу даам да жокко чыгат. Антпесеңиз андагы даам тамактын татымын бузуп коюшу да, ден соолукка зыян келтириши да мүмкүн. Баклажанды тандоо тууралуу Жаңы үзүлгөн баклажандын салмагы оор болот, сабагы болсо жаңы экенинен кабар берип турат. Ал эми салмагы жеңил келип, сыртын ар кыл тактар басып кеткен жана жыты жагымсызыраак болсо, ал жашылчанын эскирип калганын билдирет.

[ANGEL_]

Баклажанды тандоо тууралуу
Жаңы үзүлгөн баклажандын салмагы оор болот, сабагы болсо жаңы экенинен кабар берип турат. Ал эми салмагы жеңил келип, сыртын ар кыл тактар басып кеткен жана жыты жагымсызыраак болсо, ал жашылчанын эскирип калганын билдирет.

[ANGEL_]

Баклажанды сактоо тууралуу
Тоңдуруу - жашылчаны анын бардык пайдалуу сапаттары менен узакка сактоонун эң жакшы жолу. Мисалы, консерва кылууда баклажандын пайдалуу сапаттарынын 60 пайызы сакталып кала турган болсо, тоңдурууда 70-80 пайызы сакталуу бойдон калат. Ошон үчүн баклажанды таза жууп, тегерек бөлүктөргө бөлүп, ага туздан сээп коюп, 30 мүнөт тыныккандан кийин дагы бир жолу жууңуз да кайнап жаткан сууга бир салып чыгарыңыз. Анан дагы бир ирет муздак сууга салып чыгарасыз да кургаганча күтөсүз. Анан целлофан пакеттерге салып оозун байлап тоңдургучка коюп коёсуз.

[ANGEL_]

Түбөлүк жаштыкты сактоонун
10 ыкмасы
1. Лифтти күтүүнүн ордуна тепкич менен жөө
чыгыңыз. Бул бутту жана жүрөк-кан тамыр
системасын бекемдейт.

2. Сууда көп сүзүңүз. Суу жашоонун энергиялык
запасын берет, а сууда сүзүү организмге өтө
пайдалуу.
3. Мамилечил болуңуз. Мүмкүн болушунча көп
адамдар менен сүйлөшүп, мамиле түзүңүз.

4. Жашоого нааразы болуп, арманыңызды айта
берүүнү токтотуңуз. Сизден "кандай?" деп
сурашса, "эң сонун!" деп жооп бериңиз. Ар бир
адамдын өзүнүн көйгөйлөрү бар, бирок муну элге жарыялай берүүнүн кажети жок.

5. Спорт менен машыгыңыз. Муну жалгыз эмес,
досторуңуздун арасында ишке ашырсаңыз эң
жакшы болот. Бул үчүн фитнес-клубга,
бассейнге жазылыңыздар.

6. Көк чөптөрдү жана жашылчаларды көбүрөөк жеңиз - алар пайдалуу заттарга бай жана
келбетиңизди келишимдүү кылып сактоого
жардам берет.

7. Жакшы нерселерди көбүрөөк ойлонуңуз.
Ошондой жашоо көңүлдүү сезилет.

8. Сууну көп ичиңиз - ал организмди жууйт. Бул болсо теринин серпилгич болушуна жол берет.

9. Жайында көл жээгине барганда күндөн
коргоочу кремдерди сөзсүз пайдаланыңыз.

10. Кызыл шараптан көбүрөөк ичиңиз. Узак
жашаган адамдардын рационуна бул ичимдик
кирет.

[ANGEL_]

Тар бут кийимди
кантип кеңейтүү керек?
Бут кийим сатып алганда чактай эле сезилип,
үйгө келип кийип көргөндө кысып калган учурлар
көп эле болот эмеспи. Мындай учурда эгер
дүкөнгө кайра баргандан эринсеңиз, аны
төмөнкүдөй жолдор менен кеңейтип алганга
болот. Жаңы бут кийимдин арты бутуңузду өйкөбөш
үчүн ошол бөлүгүнө шамды же самынды сүртүп
койсоңуз болот. Ошондой эле спиртке малынган
чүпүрөк менен сүртсөңүз да бут кийим өйкөбөйт.
Жаңы бут кийим кыспаш үчүн анын ички бетин
3%дык уксус менен сүртүп койгонуңуз жакшы жардам берет.
Булгаарыны спирт жакшы жумшартат. Андыктан,
бут кийимдин ичине арактан же таза спирттен
сүртүп, калың байпак менен кийип алыңыз.
Мындан соң булгаары жумшарып, кеңейип, жаңы
бут кийим сиздин бутуңуздун формасына келип калат. Бирок бир нерсени эске алыңыз: бут
кийимдеги спирт толук кургамайынча көчөгө
кийип чыкпай туруңуз. Анткени, ал булгаарыны
бузуп, бут кийимдин түсүнө залал келтирип
коюшу мүмкүн. Башкача айтканда, бут кийим
сырткы көрүнүшүн жоготуп, анда ар кандай тактар пайда болуп калат.
Гезиттин жардамы менен да кеңейтүүгө аракет
кылып көрүңүз. Ал үчүн гезитти бир аз суулап,
бут кийимдин ичине тыгыз кылып ныктап
салыңыз да, бир суткадай күтүңүз. Салынган
гезит канчалык көп болсо, бут кийим ошончолук жакшы чоюлат.

[ANGEL_]

Денедеги көктөн
тез арылуунун жолдору
Жыгылганда, мушташканда, аялдар күйөөсүнөн
токмок жегенде денесине көк түшөт. Анын өзү
кетүүсүн күтүп үйдөн чыкпай жата берген
менен мезгил бизди күтпөйт. Балким, сиз ал
убакыт аралыгында көптөгөн эң маанилүү
иштерди бүтүрөсүз. Андыктан, андан арылуу үчүн өзүңүз аракет кыла бергениңиз оң. Ал үчүн
сизге төмөнкү ыкмалар жардамга келет. Капуста денедеги көктөн арылууга алгачкы
мүнөттөрдө гана жардам берет. Ал үчүн
капустанын жалбырактарын ширеси чыкканча бир
аз сыгып, катуу сөңгөктөрүн алып саласыз да,
жумшарган жалбыракты жаракат алган жериңизге
коёсуз. Музду да жаракат алгандагы алгачкы учурларда
колдонуу зарыл. Көгөрүп кетүү коркунучу
жаралган денеңиздин бөлүгүнө муздан улам-
улам басыңыз. Муз кан тамырларды тарытып,
теринин астына кандын азыраак агышына шарт
түзөт.

[ANGEL_]

Эгер муз жок болсо, жаракат алган
жериңизди эластик бинти менен таңыңыз. Ал
жарылган кан тамырларды кысып, көктүн
жайылып кетишинин алдын алат.
Жылуу сууга малынган сүлгүнү бир күндө 3
жолу 20 мүнөттөн коюп турсаңыз, көгөргөн жериңиз 2-3 күндөн кийин кайтып кетет.
Бир рюмка уксус менен бир рюмка арактын
аралашмасына 1 чай кашык туз кошуп ошону
менен көгөргөн жериңизге компресс кылсаңыз да
жакшы натыйжа чыгат.

[ANGEL_]

Чай - жөнөкөй көрүнгөнү менен өтө
кылдаттыкты талап кылган ысык суусундук.
Аны даярдоо үчүн өзгөчө тыкандык, этиеттик
керек. Бул жерде ар бир майда нерсе маанилүү. Демделген чайдын кандай идиште сакталганы
өтө маанилүү. Ал фарфор, фаянс чайнекте же
айнек банкада капкагы жабык калыбында
сакталууга тийиш. Металл, пластмасса, пластик
идиштеринде чайды сактоого болбойт. Булардын
жыты чайга сиңип калат. Эгер колуңуз сарымсак, пияз, эт балык, самын,
атыр, тамеки жыттанып турса кургак чайды эч
качан кармабаңыз. Бул жыттар демделген чайга
өтө күчтүү таасир этип, анын даамын, жыпар
жытын бузуп салат.