[kanat4ik]

Февраль айынын эң алгачкы
күндөрүндө өзүнүн Европа
боюнча гастролдук турун
баштаган түрк жылдызы
Хадисенин азыркы учурда да колу ар түрдүү концерт, кечелерден
бошобой жаткан убагы.

[kanat4ik]

Бир гана чыгыш
ыргактарын аткарып,
күйөрман топтогон "Атуш"
тобунун солисти
Сабыржан Ниязов сүйүктүүсүн тапкан көрүнөт.
Дегенибиз, ырчынын сүйүктүүсү менен
түшкөн сүрөттөрү бүткүл интернет
дүйнөсүн каптап кеткендей.

[kanat4ik]

Белгилүү телеалпаруучу,
көптөгөн ийгиликтүү
долбоорлордун
негиздөөчүсү Ассоль
Молдакматова азыркы учурда дүйнөнүн кооз жерлеринин бири
Лас -Вегаста эс алып жүргөн чагы.
Бирок, ага карабастан, Кыргызстандагы
арбын күйөрмандары бул тележылдыз
социалдык тармак аркылуу кабарлашып
турган чагы. Ал жактагы ар бир күнүн өзгөчө өткөргөн Ассоль айымдын эң
башкы жаңылыгы - дүйнөлүк жылдыз
Майкл Джексонго таандык буюмдарды
сатып алганы. Албетте, көчүрмөлөрүн.
Ассоль айымдын айтымында, ал жакында
легенда адамына айланган Майкл Джексондун "буюмдарынын" жардамы
менен фотосессия даярдайт.

[kanat4ik]

Бегиш жана Баястан
жеке концертин
берүүгө даярданып
жатышат.
Бул эки мырзаны
мекенибиздин өзгөчө
ырчыларынын бири деп
атасак болчудай. Алар
аткарган ырлардын жанры да дүйнө элинде бааланып келет.
Өлкөбүздүн аз сандагы рэперлеринин
катарын толуктап, хитке айланган
тректерди жазууга жетишкен тандем-
Бегиш жана Баястан (Көчө акыны)
күйөрмандарына жагымдуу жаңылык кабарларды. Рэпер мырзалардын
айтымында, алар бул жылдын жай
айларында эң алгачкы жеке концертин
тартуулаганы турат.

[kanat4ik]

Ырчы Азат Болотбектин
сахнадан алыстай
түшкөнүнөө бир нече жыл
болуп калды. Эми ырчы
сахнага кайтып келүү үчүн болгон күчүн жумшап жаткан
убагы. Кайсыл бир убакта
популярдуулукка ээ болгон ырчынын
"Просто друзья" ырынын жаңыча
жазылган варианты жарык көрдү.

[kanat4ik]

Казак ырчылары жардамга
муктаж болгон адамдарга
жана кароосуз калган үй
жаныбарларынын
даарылоосу үчүн атайын "Путь Добра" аталган кайрымдуулук
концертин беришет. Мистерионс, Алл
Давай, Амуаж, Домино топтору жана
жеке ырчылар Али Окапов, Марсель,
Дилани ж.б.

[kanat4ik]

7, 8-март күндөрү кыргыз
эстрадасынын ырчысы
Нурлан Насип Санкт-
Петербург шаарында өзүнүн
жеке концертин берүүдө. Ырчы Эл Аралык айымдардын майрамы
менен жалпы күйөрмандарын куттуктап,
жазгы маанай менен биргеликте жаңы
ырларын тартуулайт!

[kanat4ik]

Кыргыз эстрадасынын бал
ширин түгөйлөрү Урмат
Усенов жана Неля 1- март
күнү, өздөрүнүн жеке
концертин Сибирдин Салехард шаарында беришти. Кирип
келген жаз майрамы менен ал жактагы
мекендештерибизди куттуктоо менен
биргеликте, таланттуу ырчылар кооз
жерлерди көрүп, саякаттоого да
жетишишти. Ырчы айым Нелянын айтымында, Сибирге болгон саякат
унутулгус жана кызыктуу болду. Ырчы
балалык чагын эстеп, муз тээп айтор,
бул жылдын кыш мезгили менен да
татыктуу коштошту.

[kanat4ik]

Америка
өлкөсүнө
Кыргызстандан чоң
жылдыздуу команда
узап кетти! Ырчылар чет жердеги
мекендештерин, кыргыз эли
үчүн эң негизги майрамдардын
бири-Нооруз менен
куттукташат! 21 март күнү
концерт Чикаго шаарында, 22 март Нью-Йоркто, ал эми 23
март күнү Филадельфияда
концерт коюшмакчы!

[kanat4ik]

Эскерте кетсек,
Кыргызстандагы
эң популярдуу
NON STOP дуэти
сүйүү күнү 14- февралга карата
мекенибиздин борбор
калаасында акыркы жеке
концертин тартуулашкан эле.
Аншлаг менен өткөн бул шоу
кечеден соң, продюсерсиз иш алып бара баштаган таланттуу
ырчылар Максат жана Чолпон
дал ошондой мыкты концертти
Ош шаарындагы
күйөрмандарына
тартуулашкан. Эми көпчүлүк суроо боюнча, популярдуу
дуэт мекенибиздин эң чоң
шаарларына концерт коюуну
улантышууда. 19- март күнү
Каракол шаарында, 20 - март
Нарын жергесинде жана 23 - март күнү Кант шаарында
жеке концертин берүүгө
даярдык көрүп жатышкан
учуру. Концертти кыргыз
эстрадасынын көрүнүктүү
ырчылары коштошот.

[kanat4ik]

Мыкты ырлардын
жаратуучусу жана
ырчы Ильяз
Абдыразаков
жаздын келиши менен чыгармачылыгына
өзгөртүүлөрдү киргизе баштады.
Казак ырчылары менен жакшы
"катташта" болгон бул ырчы
"Бир өзүңө" аталыштагы ырына
клипти Алматы шаарында тартып жатат. Ырчынын
айтымында, видеоклипти кыргыз
клипмейкери жаратып жатат
жана март айынын соңку
күндөрүндө жарык көрүүсү
күтүлөт.

[kanat4ik]

8- март Аялдардын
Эл Аралык
майрамынын
урматына казак
ырчысы Кайрат Нуртас апасы жана продюсери
Гульзира Усен кызына батир
белекке берди. Ырчынын
апасынын айтымында, батир
Кайраттын гастролундагы үч
концерттен чогулган каражатка сатылып алынган.

[kanat4ik]

Белгилүү «All
Давай» тобунун
солисти Шокан
Муратулы казак
теле- шоуларынын биринде
миллион тенге утуп алды! Бул
кубанычтуу кабары менен
ырчы социалдык тармактарда
бөлүшүүгө шашты!

[kanat4ik]

Жакын арада казак
кинотеатрларында
"Загнанная"
аталыштагы
кинотасма көрсөтүлө баштайт. Бул тасмада
башкы ролду Макпал Исабекова
ойногон. Бирок аталган фильмге
жана Макпалдын образына азыр
эле сын пикирлер айтыла
баштады. Сынчылар тартуучу топту "С меня хватит" тасмасына,
ырчы айымды анда башкы ролду
жараткан Дженифер Лопеске
плагиат деп күнөөлөшүүдө Белгилей кетчү нерсе,
социалдык тармактарда Макпал
айымды голливуд жылдызы
Дженифер Лопеске окшошууга
аракет кылат деп көп айтышат.

[Kitana_C]

Жанна Фриске айыгат деп, АКШ врачтары айтышты

[kanat4ik]

Кыргыз эстрадасында өз үнү менен башка ырчылардан айрымаланган этно- рок стилиндеги ырлардын аткаруучусу Каныкей март айынын аягында турмуш жолуна аттанып, башына жоолук салынып, бир кыргыздын мырзасынын бактысын ачканы турат. Ал "Кантип жашасам деп көпкө ойлондум. Кыздын бараар жери күйөө демекчи, турмушка чыгайын деп чечтим" - деди бир маегинде. Турмушка чыкса да чыгармачылыгын токтотпой, кыргыз элине кызмат кыла бере тургандыгын да кошумчалады.

[kanat4ik]

Кыргыз эстрадасында айымдардан жалгыз аккордеон менен ырдап, элдин эсинде калган жагымдуу ырларды мыкты аткарган таланттуу ырчыбыз Алтынай Нарбаева Нооруз майрамын утурлай Америкага сапар алганы турат. Ал жакка жалгыз барбайт, элибизге белгилүү болгон айрым ырчылар менен чогуу барып, алыскы Америкада иштеп жүргөн жарандарыбызга майрамдык маанай тартуулап келишмекчи.

[kanat4ik]

Нурбакыт туулган жерге таазим этет Ырчылыкты кесип деп баалап, бул жаатта билимин улантып жаткан Нурбакыт Разаков Омор Султановдун сөзүнө жазылган "Ак булуттар" деген ырга клип тарттырууга камынууда. Клибин тартып бүткөндөн кийин Шамшыбек Өтөбаевдин "Таазим сага туулган жер" деген сонун чыгармасына клип тартууга киришкени турат.

[kanat4ik]

Орусиялык "Город 312" рок-группа жаңы "Я живу по средствам" деген жаңы ырын жаздырды. Бул ыр "Большие люди. Жол-Inclusive" аталышындагы фильмдин саундтреги болуп жазылды. Учурда ыр телекөрсөтүүлөрдөн, радиолордон кетип жатат. Аталган топтун жараткан ар бир ыры жакшы чыкчу эле, бул сапар да мыкты чыгарма жаралды деп ишенсек болот.

[kanat4ik]

Жыл сайын көгүлтүр көлдүн жээгинде өтүп жаткан "Мейкин Азия" эл аралык II фестивалын ушул жылдын 16-20- июль күндөрү Ысык-Көл облусунун Чолпон-Ата шаарындагы "Рух Ордо" маданий борборунда өткөрүү пландалып жатат. Аталган фестивалдын максаты - маданий баалуулуктарды маданий диалог аркылуу өркүндөтүү жана сактоо, ошол менен бирге Кыргызстандын туристтик деңгээлин көтөрүү жана таланттуу ырчыларды колдоо болуп эсептелет.