[Gasu]

Калифорниянын төрөт үйүндө жаңы төрөлгөн ымыркайларды чоң жаңы жылдык “өтүктөргө” салып коюшту.

Майрамга карата 200гө жакын жалаяк өтүк формасында даярдалган. Мындай өзгөчө жалаяктарга декабрь айында жарыкка келген ымыркайлар оролду. Белгилеп кетсем, батышта жаңы жылдын башкы символу бул - өтүк.

Прикрепленные изображения

• 

[Gasu]

Кореяда уникалдуу смартфон чыкты.

Анын башкы өзгөчөлүгү – жаа түрүндө ийилип турган корпусу. Мындай форма ооздун микрофонго чейинки аралыгын кыскартып, үн өткөрүү жөндөмүүлүгүн арттырат. Мындан тышкары, өзү калыбына келүүчү корпустун арткы капкагы бар. Майда чийиктер өзүнөн өзү эле жоголуп, телефонду жаңы бойдон сакталышына жардам берет.

Прикрепленные изображения

• 

[Gasu]

Нью-Йоркто окуу куралдары жана дептерлер айпеддер менен алмаштырылды.

Бир гана дин сабагы боюнча китептер кагаз жүзүндө калды. Степаница архиепископ атындагы мектеп жетекчилигинин пикиринде, мындай заманбап каражаттар билим берүү сапатын жогорулатат. Санариптик технологиялар экзамендерди жана лабораториялык иштерди өткөрүүнү жеңилдетет. Алсак, тарых боюнча электронндук окуу куралдарда балдар белгилүү бир мезгилге таандык видеолорду көрүшөт. Мындан тышкары, окуучулардын сумкалары бир топ жеңилдеди, акыркы жылдары алардын салмагы 14 килограммга чейин жетчү, дешет мугалимдер.

Прикрепленные изображения

• 

[Gasu]

Казакстандын Атырау шаарында жаш жигит аянтта орнотулган Жаңы жылдык балатынын чокусуна чыгып алды.

Бул үчүн ал 3 күнгө эркинен ажыратылды. Ал анча чоң эмес бейбаштык беренеси боюнча айыпталды. 19 жаштагы жигит балатынын чокусуна чыгып, 15 мүнөт дегенде араң түштү.

Прикрепленные изображения

• 

[Gasu]

Украинада салмагы 7 килограммга жеткен ымыркай жарыкка келди.

Анын апасы 36 жаштагы Татьяна Юрчук. Белгилеп өтүүчү нерсе, бул анын 13-төрөтү. Апанын ден-соолугу канааттандырарлык. Ымыркай Украинанын эң оор салмагы деп табылды, учурга карата. Буга чейин, бул рекорд 6 килограммдык балага таандык болчу.

Прикрепленные изображения

• 

[Gasu]

Кытайда сүйүктүү адамды ижарага алса болот.

Аталган өлкөдө Жаңы жылдын алдында үй-бүлөсүнө экинчи түгөйүн алып келүү салты бар. Ал эми кайсы бир себептер менен түгөйсүз калган кытайлыктар, жакындарын таарынтып албаш үчүн, “сүйүктүүлөрүн” ижарага алып алат.

[Gasu]

Индияда президент менен актерду алмаштырып алышты.

Коимбатур шаарынын көчөлөрүнүн биринде Түштүк Африканын алгачкы кара түстүү президенти болгон Нельсан Манделанын жаркын элесине арналган такта илинген. Бирок, анда Нельсондун эмес, Голливуд актеру Морган Фримандын сүрөтү чагылдырылган. Кызыгы, актер тасма аркылуу жараткан образдарынын арасында Нельсондун ролу да бар. Аны каарман менен алмаштырып жатканына караганда, ал бул образды мыкты жаратса керек.

Прикрепленные изображения

• 

[Gasu]

Сиз билесизби, мышыктар өз ээлерин угуп, түшүнсө дагы моюн бергиси келбейт.

5 мышык тандалып, далилдөө жүргүзүлгөн. Анын алкагында мышык жаткан бөлмөгө камералар орнотулуп, башка бөлмөдө ар кайсыл 5 адамдын үндөрү менен мышыктын аты аталып, чакыртылган. Алардын арасында мышыктын ээси да бар. Белгилүү болгондой, мышык ар бир үнгө таасирденет, бирок ээсине өзгөчө. Ал кадимкидей анын үнүн таанып, муруттары, кулактары, куйругу аркылуу билдирет. Бирок, анын чакырыгына барбайт. Бул 5 мышыкта тең байкалган көрүнүш. Ал эми ит болсо, дароо чуркап бармак.

Прикрепленные изображения

• 

[Gasu]

Кытайда колду аман алып калуу үчүн аны адамдын бутуна тигип коюшту.

Сяо Вэй заводдо жумушчу болуп иштечү. Анын колу капыстан станокко кирип кетип, чыканагынан кесилген. Тургундун кесиптештери аны дароо жакынкы ооруканага жеткирди. Бирок дарыгерлер колду ордуна тигип коюга зарыл жабдуу жок экенин айтып, жигитти башка клиникага жөнөтүшкөн. Ал эми колдогу ткандар өлүп калбашы үчүн аны алгач бейтаптын балтырына тигип коюшкан. Эми тургундун колу башка ооруканада эки ай сыныктардан даарыланып, андан соң ордуна көчүрүлөт.

Прикрепленные изображения

• 

[Gasu]

Ошол эле Кытайдан дагы бир жаңылык. Бул жерде туристтер үчүн чоң ызы-чуу жараткан тирүү сувенирлер чыкты.

Анча чоң эмес пластик баштыкчылар чыгарылды. Алар жарымынан сууга, жарымынан абага толтурулган. Баштыкчылардын ичинде майда жандыктар: Кичинекей ташбакалар, кескелдириктер, балыктар бар. Мындай тирүү сувенирлер болгону эки ай жашайт. Себеби, баштыкчылардагы аба ошончо убакытка гана эсептелген. Андан улам жаныбар коргоочулар буга каршы чыгууда.

Прикрепленные изображения

• 

[Gasu]

Кытайлыктардан амал качып кутулбаса керек.

Дегеним, Кытайда бөлүштүрүүчү тактай жана көмөч казанды бириктирип, бир идиш чыгарылды. Анын үстүнө азыкты туурап, ошол эле жерде май куюп кууруп койсо болот. Кызыгы, ысык плитага койгондон кийин анын жандары өз алдынча көтөрүлүп, көмөч казандын формасын алат. Анын жакшы жагы – убакыт үнөмдөйт жана ашыкча идишти булгабайт.

Прикрепленные изображения

• 

[Gasu]

Францияда амалкөй студент таза аба сата баштады.

22 жаштагы Антуан Диблэй туулган жеринин сайттарынын биринде жарнама жайгаштырган. Аба конвервалык банкаларга салынып сатылат. Ал 100 пайыз табигый экени белгиленип, чыгармачыл ильхом жаратууга сонун көмөкчү болоруна ишендирилет. Мындан тышкары, банкалардын сыртына эскертүү жазылган. Консервадагы аба бир гана жолу колдонууга жарактуу болгонуктан, аны көпкө ачуу сунуштайлбайт. Таза аба банкасы 5,5 еврого бааланат.

Прикрепленные изображения

• 

[Gasu]

Лондондо тескери үй курулду.

Алекс Чиннек аттуу архитекторго таандык үйдүн чатыры жерде болсо, кире бериш эшиги эң чокусунда жайгашты. Коңторулган үйдү чагылдыруу үчүн анын терезелери да өйдө карап турат. 29 жаштагы архитектордун бул өзгөчө үйү көптөгөн элдин кызыкчылыгын арттырып жаткан учуру. Бирок, ага кантип кирүү керек экендиги айтылбайт.

Прикрепленные изображения

• 

[Gasu]

Швейцарияда көз жумган адамдардын денеси өрттөлүп, күкүмүнөн бриллианттар жасала баштады.

Мындай кызмат, жарык дүйнө менен коштошкон туугандарын кремация кылууну каалагандар үчүн сунушталат. Эми жакын адамдар ар дайым жүрөктө гана эмес, колдогу шакекте же дагы башка зээр бумдарда катылат. Бриллиантты жасоого 450 грамм дене күкүмү жана бир жума убакыт керек. Даяр продукция кадимки бриллианттардан кымбатыраак келип, баасы таштын көлөмүнө жараша 3 миң доллардан жогору.

Прикрепленные изображения

• 

[Gasu]

Швейцарияда дйнөдө эң ичке саат жарыкка чыкты.

Анын жоондугу 3, 65 миллиметрди түзөт. Ал ак алтындан жазалып, ал эми куру болсо крокодилдин терисинен дайындалды. Сааттын мындай ичке болушуна циферблат менен механикалык жагы биригиши шарт түздү. Бул саат 30 000 долларга бааланууда.

Прикрепленные изображения

• 

[Gasu]

Японияда компьютер менен иштөөдө көздү эс алдырууга жардам берген көз айнектер чыгарылды.

Алар кичинекей батарейка менен камсыздалган. Батарейка айнектер аркылуу өтүүчү кичинекей көлөмдөгү электртогун чыгарат. Ар бир он секунд сайын электрди берүү токтоп, көз айнек бир нече көз ирмемге тумандап кетет. Мындай нерсе адамга билинбегени менен анын көздөрү эс алууга жетишип калат. Заманабп көз айнектер 150 долларга сатылмакчы.

Прикрепленные изображения

• 

[Gasu]

Маймыл өз алдынча от чыгарып, тамак жазаганды үйрөндү.

Балким, Чарльз Дарвин адам баласы маймылдан жаралган деген гепотизасы менен чындыкка жакын болгон, ким билет. Айтор, 31 жаштагы шимпанзе Канзи “От үчүн күрөш” тасмасын бир нече жолу көргөн. Акырындап, Канзи өз алдынча ширенке менен от жагып, ага көмөч казан коюп, гамбургер жазай алат. Жадакалса, ал күйүп кетпесин деп, оодарып турат. Ал эми тамагын жазап бүткөн соң, аны өчүрүп коет. Андан тышкары, Канзи Теко аттуу өзүнүн баласына да тамак жазаганды үйрөтөт.

Прикрепленные изображения

• 

[Gasu]

Өздөрүнө өмүрлүк жолдош издеп жүргөн кыздарга пайдалуу маалымат! Кулак түргүлө!

Калифорниялык окумуштуулар тажрыйбанын жыйынтыгы менен жар салгандай, үнү жоон эркектер башкаларга салыштырмалуу акчаны көбүрөөк табат. Алар адатта бизнести мыкты жүргүзүп, жакшы компанияларда өз ордунда бекем турат. Себеби эмнеде десеңиз, анын жообу жөнөкөй. Көрсө, кептин баары эркектердин организминдеги тестостерондо экен. Бул “чыныгы мырзаларга” мүнөздүү зат көбөйгөн сайын адамдын үнү дагы жооноёт.

Прикрепленные изображения

• 

[Gasu]

Интернетте популярдуу сайттардын бири кызыктуу сурамжылоо жүргүздү.

"Кандай эң коркунучтуу жана шумдук каталарды кылдыңыз эле?"- деген суроо медиктерге узатылган. Белгилүү болгондой, дарыгерлер басымдуу учурда оң жак менен сол жакты алмаштырат. Алсак, ооруган сол тизенин ордуна оң тизеге операция жазоо учурлары. Ошондой эле, туура эмес эсептелген анестезия дарылары жана оорулуунун денесинде калып калган предметтер да болот.

Прикрепленные изображения

• 

[Gasu]

Кытайда миллионер айым түнкү саат 3тө көчө шыпырат.

Жергиликтүү маалымдама каражаттары билдиргендей, Юй Южендин байлыгы менен ал такыр эле иштебей жатса да жарашмак. Бирок, ал эмгектенгенден баш тартпайт. Юй жолдошу менен абдан жакыр турган. Бирок, көп эмгектенип, каражат топтоп, көп кабаттуу үй салып, ага квартиранттарды киргизишкен. Бул иши оңунан чыгып, мындай үйдөн дагы 17ни куруп алышты. 1998-жылдан тартып, Юй талыкпастан түнкү үчтө туруп, көчө шыпырат. Муну менен ал коомчулукка пайда келтирет. Балдарын да байлыкка чиренбей жашоого үйрөтүүгө умтулат. Кызыгы, анын уулу менен кызы дагы жөнөкөй кызматта эмгектенишет, ал эми акчага көпсө мүлктүн бардыгын мамлекетке өткөрүп берем деп коркутат экен.

Прикрепленные изображения

•