[Gasu]

5 жашар кызы атасына ийне сайып, өлүмдөн куткарып калды.

5 жашар кыз диабеттик комага түшүп калган атасына ийне сайып, өлүмдөн куткарып калды. Бул тууралуу чет элдик маалымат булактары кабарлайт.
Маалыматка ылайык, 5 жашар кыз эс-учун жоготуп жаткан атасын көрүп, кандагы канттын деңгээлин жогорулатуучу дары сайган. 47 жаштагы Барри Баркесс акыркы 33 жылдан бери ооруп келет.
Бул жолу ал эсин түн ортосунда жоготкон. Ошол учурда кызы ойгонуп, жанынан атасын таппаган соң издеп жөнөгөн. Аны диванда эс-учун жоготкон абалда көрүп, ишке өткөн. “Кызымдын мени ойготууга тырышканы элес-булас көз алдыма тартылат. Оорум кармап калган маалда дары жайгашкан ашканага жетүү кыйын болду. Кызым Холли эмне кылыш керектигин билип, мени өлүмдөн куткарып калды”,- дейт бактылуу ата.
Баркесс акыркы 2 жылдан бери жубайы жана кызынан бөлөк жашайт. Бактыга жараша, ошол күнү кызы анын жанында болчу. Ата-энелери аны кантип дарылоо керектигин үйрөтүшкөндүктөн, атасын оңой гана эсине келтирген. Баркесстин айтымында, кызы буга чейин ийне кармап көрбөгөнүнө карабай, атасына ийгиликтүү жардам берип, анан апасына телефон чалган.

Прикрепленные изображения

• 

[Gasu]

Таж-Махалга эми “Гуугл” аркылуу саякат кылса болобу?

Индиядагы Таж-Махал дүйнөдөгү эң таанымал эстеликтердин бири. Ал Индиядагы туристтер эң көп келген жай болуп саналат. Бирок эми Таж-Махалды интернет аркылуу көрүп келүүгө болот. Индиянын маданият министри бул максатта “Гуугл” менен кызматташууда. Бурок бул ыкмага Индиянын башка жактарында тыюу салынат.

Таж-Махал Ямуна дарыясынын боюндагы мрамордон жасалган комплекс дүйнөдөгү эң таанымал имараттарынын бири. 360 жаштагы Тадж-Махалдын жашоосуна эми XXI кылымдын технологиясы аралашууда. Комплексти интернеттен көрө билүү үчүн GoogleTracker сүрөттөрдү тартууда.

Кишинин артындагы бул камеранын ар кайсы багыты караган 15 линзасы бар жана токтобостон сүрөткө тарта берет. Бул сүрөттөр комплекстин 360 градустук көрүнүшүн берүү үчүн бири-бирине тиркелет. Дүйнөнүн кайсы бурчунан гана карабаңыз, ал жакта басып жүргөндөй сезимде каласыз.

Комплекс абдан чоң жана Таж-Махалдын бардык аймагы эле ачык эмес. Бирок Треккер комплекстин туристтер көрө албаган бөлүктөрүнө, ал түгүл жер төлөөдөгү көрүстөнгө да кире алат.

Таж-Махал - Могол императору Шах Жахандын сүйгөн жубайы Мумтаз Махалды түбөлүккө даңктоо үчүн курулган. Азыр бул жерге жыл сайын 8 миллиондой турист келет. Эми укмуштуудай технологиянын жардамы менен анын эшиги мындан да көп көрүчүүгө ачылганы турат. Моя ссылка

[Gasu]

Заман өзгөрүлүп, эми кыздар балдарга сунуш киргизип баштаганбы, айтор, Кытайда кызыктуу окуя болду.

Кыз өзүнүн сүйлөшкөн жигитинен бул сунушту күтүп чарчаган окшойт. Жеңин түрүп буга өзү киришиптир. Адам көп чогулган жерде ал шакек чыгарып, тизесин ийип, балага ага баш кошуу туурасында сунуш киргизди. Эл алдында сүрдөгөн жигит айла жок макул болду окшойт, анткени сүрөттөргө караганда бул күтүлбөгөн окуя аны такыр эле кубандырган жок.

Прикрепленные изображения

• 

[Gasu]

Америкада “акылдуу” тапанча сатылууда.

Анын баасы кадимки куралдан бир нече жолу жогору. Ага акылды дайыма тагынып жүрүүнү талап кылган саат камсыздайт. Алсак, тапанчадан колунда атайын саат жок болсо, атуу мүмкүн эмес. Тапанчанын баасы 1400 доллар, ал эми сааттыкы болсо, 400 доллар.

Прикрепленные изображения

• 

[Gasu]

Уюлдук телефондор үчүн жаралган Вотс Аппты Фейсбук сатып алуу ниетинде.

Акыркы учурда популярдуу программанын баштапкы баасы 19 миллиард долларды түзөт. Эске салсам, буга чейин Фейсбук Инстаграммды 1 миллиард долларга сатып алган.

Прикрепленные изображения

• 

[Gasu]

Айдоочунун түгөйү.

Прага шаарында уккан адамды таң калтырган, төбө чачты тик тургузган окуя болуп өткөн. Кокусунан трамвай киши койдуруп кетип, жабыркаган адам ошол жерден мүрт кетет. Эң таңкалыштуусу каза болгон адам трамвайдын айдоочусуна куюп койгондой окшош болот. Бирок өлгөн адамдын жанында эч кандай өздүгүн аныктаган документтери болгон эмес. Көп өтпөй канынын тобу, дене түзүлүшү экөөнүкү бирдей экени доктурлар тарабынан аныкталган. Айдоочу ал адамдын жек жаатын сураштыруу менен, кандайча эки окшош киши төрөлөрүнө, жаратылыштын мындай кызык, сырдуу көрүнүшүнө илимий жаатта жооп издештире баштаган. Жергиликтүү мыйзамга ылайык, каза болгон адамды алты айга чейин "Жакындары издеп келеби?"-деген үмүт менен күтүп, акыры жерге беришкен. Эч ким издеп, сурап кайрылган эмес. Өлүк узатуу каадасын кылууда айдоочу гана болгон. Прага эли бул көрүнүшкө таң калып тим болушкан. Бир жылдан соң баягы трамвайдын айдоочусу инфарктан каза болгону Прага шаарын каптады. Ал эми айдоочуга окшош адам ким болгону али күнчө белгисиз.

[Gasu]

Жетекчиге окшош кайырчы.

Сидней шаарында психикалык жактан жабыр тарткандарды дарылоочу ооруканага милиция кызматкерлери кайырчыны алып келишкен. Себеби, укук коргоо кызматкерлери тарабынан кармалган кайырчы эч үндөбөй, же оорулуу же соо экенин билгизбей айлаларын кетирген. Кайырчыны жуунтуп, өскөн сакалын алып, чачтарын кыскартканда маңдайында оорукананын жетекчиси отурганын көрүп психиатр жыгылып калайын деп аз жерден калган. Жетекчисин ээрчитип келип аны да эс-мас абалга түшүргөн. Жетекчи-врач "Кайырчы экөөбүз эгизбиз"- деген ой менен, төрөт үйүнүн архивин каздырып, илинчээк чыгып калаар деп, тээ туулган жылдарынан берки басып өткөн жолду изилдете баштаган. Өзүнө окшош адам тууралуу, медициналык билими бар туруп эч бир алгылыктуу жооп таба алган эмес жана кайырчынын өздүгү эч бир жерден табылбай табышмак бойдон калган. Кокусунан кайырчы психикалык экспертизадан өтүп жаткан кылмышкерлер менен качып кеткен. Кылмышкерлер кармалып, бирок кайырчыдан дайын жок, артында маалымат алганга эч бир из калган эмес. Бир нече айдан кийин жетекчи-врач бул сырдуу көрүнүштү изилдөөсүнүн аягына чыкпай, жүрөгүнөн инсульт берип бул жарыкчылык менен кош айтышкан.

[Gasu]

Жүргүнчүнүн эгизи.

16 жыл мурун Францияда темир жолдогу чоң кырсык катталган. Жергиликтүү ооруканадан ошол рейстин жүргүнчүсүнө "Сиздин түгөйүңүздүн сөөгү вагондон табылды"- деп кабарлашкан. Жүргүнчү үй-бүлөдө жападан жалгыз бала экенин, эгиз бир тууганы жок экенин какшап, аларга түшүндүргөнгө аракет кылган. Акыры, өлгөн адамды көрүүгө барып, өзүнө окшош адамды көргөндөгү анын абалын кагаз жүзүндө чагылдырууга мүмкүн эмес кырдаалга тушуккан. Жогорудагы окуялардай эле анын өздүгү аныкталбай калган. Бул окуяда жүргүнчү азыркы тапта Франциядагы көрүнүктүү банктын мүдүрү болуп эмгектенип, "Болуп өткөн окуяга окумуштуулар, медиктер жооп берер"-деп жашап келет.

[Gasu]

Кездешкен окшош адамдарды, тиги дүйнө күтүп турабы?

Кээ бир адамдар өзүнө окшош адамды көргөн соң, өлүм күтөт деген ой менен жашап келишет. Бирок жогорудагы окуялардан улам, өзүбүзгө окшош адам менен жолуккан күндө да бешенебизге жазылган нерсе аткарыларына ишенбей кое албайсың. Ошондуктан, дайыма жазмыштын сырдуу көрүнүштөрүнө психикалык жактан даяр болуп жүрөлүк.

[Gasu]

Канаты жок самолет.

Орус окумуштуулары саатына 600 км чакырымды багынта турган аэропоезди ойлоп табышты. Бул ылдамдык кадимки самолеттун ылдамдыгына барабар деген сөз. Аэропоездин модели канаты жок самолетко окшош болот дагы учуу жөндөмдүүлүгүнө ээ. Тагыраагы 6 метр бийиктиктеги эстакада б.а. ылайыкташтырылган жол курулуп, ал жолдо орнотулган атайын түзүлүштүн жыйынтыгында басым жогорулап аэропоезд 5-10 см ге көтөрүлөт. Мындан улам сүрүлүү күчү жоголгондуктан, аэропоезд гиганттык ылдамдыкта жүрө алат. Кызыгы, чоң аралыкты багынтуу менен эң аз өлчөмдөгү энергияны сарптайт экен. Бу жаңы транспортко жолду 6 метр бийиктикте курууну чечишти. Себеби, үнсүз учкан транспорт машина айдоочуларга тоскоолдуктарды жаратышы мүмкүн. Конструкциясы өтө татаал болгону менен темир жол курууга караганда эки эсе аз каражат кетет экен.

Прикрепленные изображения

• 

[Gasu]

Көптөгөн жашылча жемиштердин арасынан эң эле кызыктуусу да, таң калычтуусу да кадимки эле биз жеп жүргөн бадыраңдын бир түрү болуп чыкты. Легенария деп аталган бадыраңдын бул түрүнүн түпкү теги Индиядан келген. Челябинскидеги багбандар да бул укмуштуу бадыраңды өстүрүшүүдө. Анын узундугу бир сезондо 1,5 м.ден 2 м.ге чейин жетет. Легенариядан салат жасоо үчүн аны үзүп кереги жок. Керектүү өлчөмдө кесип алса болот. Бул бадыраңдын өзгөчөлүгү кесилген жери бузулбастан өсүүсүн уланта берет экен. Бир үй-бүлөнү жайы бою салат менен бага ала турган бул бадыраң теплицаларда гана өсөт жана өзгөчө камкордукту талап кылат.

Прикрепленные изображения

• 

[Gasu]

Гиннестер китебине официалдуу түрдө катталган өсүмдүктөрдүн катарын кадимки кызыл карагайдын бир түрү толтурууга жетишкен. Өздөрүнүн узак жашоосу менен рекорд койгон мындай кызыл карагайлардын жыйырмага жакыны 4000 жылдан бери Калифорниянын чыгышындагы Уайт-Маунтинс (Ак Тоолор) тоолорунун чокусуна "ээлик кылып" келет. Деңиз деңгээлинен 3000 м. бийиктикте өскөн бул дарактардын бири 4600 "жашка келгени" белгилүү болгон.

[Gasu]

Ал эми кадимки биз билген бамбук болсо өтө тез өскөн өсүмдүк катары өзүнүн ордун тапкан. Себеби анын өсүү темпи суткасына 0.75 м. ге чейин жетет. Индокытайда бамбуктардын бир айда 22 метр бийиктикти "багындырганы" да ушул өзгөчөлүгүнөн улам болсо керек. Мындан да кызыктуусу – бамбуктун айрым түрлөрү 20 жылда бир, башкалары 30-40 жылда бир гүлдөйт. Бамбуктун ар кандай символикалык мааниси да бар; мисалы, Индияда достуктун символу болсо, Филиппинде чарбада бамбук өстүрүү – бактылуулукту алып келет дешет. Ал эми Японияда бамбук тазалыктын символу болуп эсептелет.

Прикрепленные изображения

• 

[Gasu]

Прикрепленные изображения

• 

[Gasu]

Прикрепленные изображения

• 

[Gasu]

Прикрепленные изображения

• 

[Gasu]

Прикрепленные изображения

• 

[Gasu]

Прикрепленные изображения

• 

[Gasu]

Прикрепленные изображения

• 

[Gasu]

Прикрепленные изображения

• 
• 

Билдирүүнү түзөткөн: Gasu: 26 Февраль 2014 - 01:04