[Gasu]

Чакмак (зажигалка) ширеңкеден биринчи ойлоп табылган.

[Gasu]

Төрөлгөндө жаңы балада (ымыркайда) 300гө чукул сөөк болот, ал эми чоңойгондон кийин 206 эле калат.

[Gasu]

Дүйнө боюнча эркектердин 10%ы жана аялзатынын 8%ы сологойлор.

[ZAIYR]

Флуд канага кирип Gasu ну таппай аттым эле көрсө бул жакта экен. Ммм

[KARAGER]

Азаматсын ! ушундай кызыктуу фактыларды жаза бер.

[Chiko.kg]

Gasu чынында эле моладес экен эриинбей жазып койгонуна рахмат.

[Gasu]

Күндөрдүн бир күнүндө Париждеги мечиттердин бирине өспүрүм кирип келип имамга кайрылат:
- Апам мени силердин мектебинерге окуганы жиберди!
Имам:
- А сенин апаң кана? Биз аны менен сүйлөшүшүбүз керек.
Бала:
- Ал сыртта күтүп турат. Ичкери кире албайт, анткени ал мусулман эмес.
Имам баланын энеси ким экенин, эмне максатта келгенин билүү үчүн эшикке шашыла чыкты.
Аял:
- Мени менен коңшу жашаган аял мусулман. Ал ар качан балдарын мектепке узатып жатканда балдары апасынын колунан өөп коштошуп жатканын көрөм. Урматтуу имам, мен бул өлкөдөн ата- энесин карылар үйүнө калтырган бир дагы мусулманды көргөнүм жок. Менин балам да ушундай тарбия алышын каалайм. Балама үлгү-насаат берүүңүздү өтүнөм. Алдан күчтөн тайыганда силер сыяктуу дөөлөттүү карылыкты көргүм келет,-деген экен ислам тарбиясына болгон таасирин жашыра албай.

[Gasu]

Айбан дейбиз а бирок...

Береги сүрөт адам жүрөгүн элжиретип жиберген окуядан кабар берет. Бир адам арстандын кичинекей баласын сатып алып багып өстүрөт. Чоңойгондо жапайы жайына узатат. Он жыл өткөндөн кийин арстан Африкадагы жаныбарлар коругунда үйүр башында жүргөн кезинде кожоюн арстанын көргөнү барып калат. Арстан жакындап келип ээсин таанып кучакташып көрүшөт. Караңыз, акылы жок жаныбар да кичине, алсыз кезинде камкордук көргөн адамды унутпай, көргөндө кучагын жая чуркап жатса, аң-сезимдүү делген кээ бир адамдардын айбан деңгээлине жете албагандыгын кантебиз. Ымыркайынан алдейлеп өстүргөн ата-эненин мээнетин унуткандар, жакшылыкка жакшылыкча жооп бере албагандар ушул окуяга, тагыраагы арстанга үңүлүп Жараткандын адамды айбандан бийик кылган даражасын кантип түшүрүп, тебелеп алганын моюндаганы оң болоор.

Прикрепленные изображения

• 

[Gasu]

Бир ууртам сууга бааланган бийлик.

Белгилүү даанышман Ибн Саммак күндөрдүн биринде байлыгы жана бийлиги менен чиренген Харун ар-Рашид башкаруучуга жолугушууга келет. Ибн Саммак келген учурда Харун ар-Рашидге ичкенге суу алып келишет. Харун ар-Рашид чөйчөктөгү суудан ичейин дегенде Ибн Саммак:

- Оо, башкаруучу! Эгер суусуздуктан өлүп баратканыңда бир ууртам суунун ордуна байлыгыңдын жарымын сураса берет белең?

- Макул болмокмун.

Башкаруучу суусун ичип бүтөт. Даанышман дагы сурайт:

- Эгер ичип жаткан суу ашказаныңдан кетпей туруп калса, аны дарылап кетирүү үчүн байлыгыңдын калган жарымын берүүңдү сураса берет белең?

- Ооба, бермекмин.

- Демек, сенин бийлигиң бир ууртам суу жана анын бөлүнүшү экен. Андай болсо, анда байлыкты аша чаап эңсөөнүн кереги барбы? - деген экен.

Прикрепленные изображения

• 

[saltanat.]

Замира эже кызыктуу маалыматтар менен болушконунузго рахмат! /> Биз окуп эле жыргап жата берели./>

[Gasu]

Атактуулар турмушунан:

Марк Твен өтө унутчаак адам болгон дешет. Бир жолу ал поездде келатса контролер кирет. Твен калдастап чөнтөктөрүнөн билетин издей баштайт, бирок таппайт. Контролер:
- Болуптур, мен кайра келгиче табылып калаар. Эгер табылбай калса да эч балээ жок. Боло берет, - дейт.
- Эмненин боло бергени? - дейт Твен кабатырлана. - Мен ал кесепеттүү билетти сөзсүз табышым керек, ансыз мен кайда баратканымды кантип билем?! - деген экен улуу жазуучу.

***
Сократтын досу кеңеш сурап кайрылыптыр:
- О, акылмандардын акылманы, айтчы акылыңды: Аял алсамбы, же албасамбы?
- Алсаң да, албасаң да катуу өкүттө каласың, - деген экен акылман.

***
Драматург Оскар Уайлга: "Пьесаңызга айрым бир оңдоолорду киргизип берсеңиз экен" деп кайрылышканда, анын ачуусу келип: "Мындай шедеврге оңдоо киргизгендей мен ким болуп калыптырмын! " деген экен.

***
Мындан эки миңден ашык жыл мурун жазылган Еврипиддин "Медея" спектакли аяктагандан кийин көрүүчүлөрдүн бирөө жан-алы калбай кол чаап:
- Авторду чакыргыла, авторду! - деп кыйкырат дейт.
***
Монте-Карло деген шаарда бир кезде: "Чарли Чаплинге ким окшош?" конкурсу өткөрүлүптүр. Ага Чаплин өзү жашырын келип катышат. Конкурстун жыйынтыгында ал 3-орунду ээлеген экен.

***
Атактуу ырчы И.С.Козловский өзүнө Сталиндин көзү түздүгүн билип, чет мамлекетке барып келүүнү сураныптыр.
- Качып кетпейсиңби? - деп сураптыр жол башчы.
- Коюңузчу, өз туулган айылым бардык чет өлкөдөн кымбат эмеспи.
- Анда ошол өз туулган айылыңа барып кел, - деген экен Сталин.

[Gasu]

Кимдин салмагы канча?


Албетте, музыка жан дүйнөнүн азыгы болуп, адамдын салмагына таасирин тийгизбегендей көрүнөт. Музыканын стили да адамдын салмагына таасирин тийгизбей койбойт экен.


Классикалык музыкага ыктагандар олбурлуу келишет. Буга айтылуу Павароттини эле мисал келтирүү жетиштүү. Бирок айымдар өзүн арыкчырай сактоого аракет жасаганынан арыкчырай келишет.
Пролетардык жазуучу Максим Горький "музыкада жаз стилин сүйгөндөр толмоч болушат " деп айтканы бар, бирок ал аныктама туура келбей калды. Жаз стилиндеги аткаруучулар дээрлик арыкчырай жана денеси ийилчээк келет .
Рок менен алектенгендер жаш чагында арык болуп, кийин толуп кетишет.
Техно, рэйв, хаус ж.б. стилди артык көргөндөрдүн бардыгы толмоч болушат.
Рэп, хип-хоп стилиндеги музыка менен алектенген жаштар да томпойгон толук келишет.

[Gasu]

Эриндердин түзүлүшү эмнени айтып турат?


Англиядагы Пейчестер университетинин окумуштуулары айымдардын эриндеринин түзүлүшүнөн алардын болочок жубайы кайсы кесиптин ээси болоорун билүүгө мүмкүн экендигин иликтеп чыгышкан.


Эриндери өтө чоң эмес айымдар чыгармачыл адамдар, укук коргоо кызматкерлери, милиционерлер менен турмуш курушат.
Эриндери ичке, оймоктой болгон айымдардын болочок жары техникалык кесиптин ээлери, романтиктер болушат. Бирок алардын арасынан бай жубай күтпөй эле койсоңуз болот.
Эгерде үстүңкү эриниңизден астыңкы эриниңиз ичке болсо, анда сиздин чиновниктерге, мергенчилерге, компьютерчилерге баш кошуу мүмкүнчүлүгүңүз бар.
Ал эми астыңкы эрининен үстүңкү эрини ичке айымдар банкирге, бизнесменге, саясатчыга, учкучка, айдоочуга, ашпозчуга турмушка чыгышат.
Эгерде эриндериңиз ичке, түз эле болсо сиздин болочок жарыңыз философ жана өзүнө ишене бербеген мырза болот.

[Gasu]

Дүйнөдөгү эң кыска дарыя.


Американын Орегон штатынын чыгыш бөлүгүндө Гиннес китебине кирген дарыя агып турат. Ал - дүйнөдөгү эң кыска дарыя. Өлчөмү 36 гана метрди түзөт. Ал эми эң эле таң калыштуу дагы бир нерсеси - дарыяга жөн гана "Д" деген ат коюлган.

[Gasu]

Кумурскалар уюгу.


Дүйнөдө кумурскалардын эң ири уюк казуусу кызыл кумурскаларга тиешелүү. Япониянын Хоккайдо аралында ар бир аянты бир чарчы метрди түзгөн 45 миң кумурскалардын уюгу жайгашкан. Алардын баары бири-бири менен жер астындагы коридорлор аркылуу байланышып турушат. Колониясында 1. 080. 000 королдору жана 306 000 000 жумушчу кумурскалар кызмат кылышат.

[Gasu]

Тоң районундагы Ала-Баш айылынын 125 жашта деген Ракыя Бөлөкбаева Кыргызстандын Гиннес китебине кирбей турган болду.

Себеби дегенде, Ракыя эненин документи анын абышкасынын мурунку байбичесинин паспортуна алмаштырылып калган экен. Тоң районун акими Бакыт Рысбаевдин пикирине караганда, Ракыя эне 1888-жылы туулган деген документти аңдап деле караган эмес сыяктанат. Чындыгында эле Ракыя эне быйыл 90 жаштын тамагын жеп жатыптыр. Өзүнө тың, салабаттуу, баскан-турганы шайдоот, сүйлөгөн-турганы дагы эле орундуу. Ашыкча тамак ичүүдөн өзүн оолак кармайт.

Бүгүнкү күнү райондун аймагында 100 жаштан кыйла ашыгыраак жашаган 11 адам бар. Буга чейин Ракыя эне алардын катарына эмнегедир кирбептир. Ошондон улам райондун социалдык кызматкерлери тарабынан тактоолор болуп, апанын анык жашы далилденди.

Ошондой болсо дагы райондук мамлекеттик администрациясы тарабынан Ракыя эне жашаган үйгө жупуну ремонт жүргүзүлүп, жашоо-тиричилигине керектүү бир катар буюм-тайымдар, эмеректер сатылып берилди. Анын Гиннес китебине кирүү-коюусу азырынча тактала элек. Эгерде Ракыя эненин чыныгы жашы так кесе аныкталып кала турган болсо, анда эненин ага кирбей калышы толук мүмкүн.

Прикрепленные изображения

• 

[Gasu]

Дүйнөлүк Гиннес китебине кирген кыргызстандыктар.

Гиннес рекорддор китеби англис тилинде 40 өлкөдөн чыгарылат жана 30 тилге которулат. Ал китепке кыргыздардан төмөнкүлөр кирген:
Дүйнөдөгү эң узун поэма - Кыргыз элинин "Манас" эпосу болуп эсептелет. Ал 1958-жылы жарыяланган, 500 миң саптан турат.
Кыргыздардан эле эмес, Борбордук Азия республикаларынын ичинен чыккан биринчи каскадер - Үсөн Кудайбергенов (1949-2005). Ал СССРде эле эмес, дүйнө жүзүндө кайталагыс трюктарды жасаган. Каскадер катары "Улуу Петр", "Бабек" , "Борис Годунов", "Али Баба жана кырк каракчы", "Ярослав мудрый" ж.б. көптөгөн фильмдерге тартылган. Ал "Юность гения" аттуу өзбек фильминде 27 м бийиктиктеги жерден ат үстүндө 1,5 м тереңдиктеги Сырдарыяга секирип трюк жасаганы үчүн Гиннесс китебине кирген. Голливуд киностудиясынын экспеттеринин мыкты каскадер деген баасын алып, 1980-жылы дүйнөдөгү эң мыкты 10 каскадердун бири болгон. Каскадерлордун "Ардактуу куру" сыйлыгын алган.
Буту менен жаа атып, атканда да көзгө атар мергендей таамай атып Гиннесс китебине кирген циркач кызыбыз Аида Акматова (20 жашта, 2007).
2007-жылы 14-майда Япониянын Ниигата шаарындагы Япония эл аралык университетинин 50 студенти (50 мамлекеттин өкүлдөрү, балдар-кыздар аралаш) мончонун буу бөлмөсүнө чогуу кирип, 72 градус ысыкта 1 саат отурушкан. Ошентип алар Гиннесс рекорддор китебине жазылышкан. Алардын арасында Кыргызстандык Ташболотов Турдакун деген мекендешибиз болуп, ал Кыргызстандын кичинекей желегин оозуна тиштеп отурган.

[Gasu]

Дүйнөдөгү эң сонун жерлеринде жайгашкан мыкты ресторандар:

Дүйнөдөгү эң сонун жерлеринде жайгашкан мыкты ресторандар Пост Рач Ин, Сиерра Мар, Калифорния.

Post Ranch Inn ресторанында меню күнүнө төрт ирет өзгөрүп турат. Түстүү капустадан севиче, каздын бөйрөгү, ак трюфель, гнокки ж.б. азыктарды колдонуп чыгармачылык менен Азия, Француз жана жер ортолук деңиз ашканасынын тамак аштары жасалып турат. Бул жерге келген меймандарды даамду тамактардан тышкары Тынч океанынын аскалуу тумшук булуңу кызыктырат. Себеби айтылып жаткан ресторан 1200 фут бийиктикте турган Биг-Суре зоокасында орун алган. Көз жоосун алган көрүнүштөргө күн батып жаткан маалда суктансаңыз, өзгөчө ырахат аласыз. Дареги: Post Ranch Inn, Магистраль 47900 1, Биг-Сур, Калифорния 93920, США. Le Jules.

Прикрепленные изображения

• 

[Gasu]

Жарыкка бөлөнгөн шаарды Эйфел мунарасынан тышкары, дагы кайсы жерден кароого мүмкүн? Албетте, мунаранын экинчи баскычында 410фут бийиктикте жайгашкан уникалдуу Ле Жюль Верн ресторанынан. Ал жерден Париждин жымыңдаган жарыгына, кең бульварларына жана боз чатырларга каалашыңызча карап отурсаңыз болот. Ален Дюкас атактуу француз ашпозчусунун командасы классикалык тамактарга заманбап элементерди кошуп сиздин табитиңизге дал келген ашканасы менен көңүлүңүздү алат. Десертке шоколаддан жасалган Мунаранын Бурамасын сунуштайбыз. Ал мунараны ордунда кармап турган 2,5 миллион бураманын урматына арналып жасалат. Ресторанды издеп убара тартпайсыз деле. Париж шаарынын символу деп эсептелген Авеню Гюстав Эйфел дарегине түз эле келе бересиз. Париж, Франция.

Прикрепленные изображения

• 

[Gasu]

Рeninsula отелинин 28-кабатында жайгашкан ресторан келген меймандарды Гонконг шаарынын драматикалык пейзаждары менен суктандырат. Ресторандын жасалгасын авангард-дизайнер Филипп Старк сунуштаган. Көчө тарапты караган дубалдары жалаң айнектен болгондуктан шаардын неон горизонтуна, Виктория булуңуна жана тынымсыз соода жүрүп турган Коулун районуна тигилип карап туруу мүмкүнчүлүгүңүз бар. Шаарды карап бүткөн соң коктейль, шампан жана европа ашканасына өзгөчө көңүл бөлүңүз. Анда деңиз чаяны менен какымдан жасалган салат, креветка менен окундан жасалган кара мусс, жана куурулган козу сунушталат. Таң атпай саат 6-7де келип алып таңкы меню менен таанышып чыксаңыз болот. Жагымдуусу акчаңыз көп деле коробойт. Отелдин дареги Сэлисбери-Роуд, Коулун, Гонконг.

Прикрепленные изображения

•