[JANTUMARYM345]

тандырга нан жапканды билесинерби. кантип жабат,тандырдын табын кантип билет бут баштан аяк жазып откулочу сураныч.буга кошо самсы тууралуу жана казанга нан/патир/бышырганды жаза кетсенер деп тилек кылам.себеби кайненем айылга чакырып жатат а мен билбейм нан жапканды,уй саагандыы

[zhiza]

Башка түшсө, байтал жорго, негизгиси каалоо эле болсо, баардык нерсени жасап кетсе болот.

[aizul9.kg]

ар Бир тандырдын озунун сыры болот.

[zhiza]

Айтмакчы, нанга камыр жууруганда тузун кем салып алсаңыз, наныңыз суюлуп, күлгө түшүп, шаштыңызды алат.

Билдирүүнү түзөткөн: zhiza: 10 Март 2014 - 00:10

[zhiza]

JANTUMARYM345 (09 Март 2014 - 22:57) жазган:

тандырга нан жапканды билесинерби. кантип жабат,тандырдын табын кантип билет бут баштан аяк жазып откулочу сураныч.буга кошо самсы тууралуу жана казанга нан/патир/бышырганды жаза кетсенер деп тилек кылам.себеби кайненем айылга чакырып жатат а мен билбейм нан жапканды,уй саагандыы

Нан жабаардын алдында тандырды жакшылап кызытып алыш керек. Тандыр кызыганда биринчи карарат(кайынэнемдин тандырын күйгузүп алдым деп чочулап жүрбөңүз ), анан барып агарат.Чокторду көөмп, тандырдын бир аз табы кайткандан кийин нандарыңызды бир четинен жармаштыра бериңиз. Ыссык кезинде жармаштырсаңыз дагы нандарыңыз тушүп калат.

[MIRlan]

zhiza (10 Март 2014 - 00:10) жазган:

Нан жабаардын алдында тандырды жакшылап кызытып алыш керек. Тандыр кызыганда биринчи карарат(кайынэнемдин тандырын күйгузүп алдым деп чочулап жүрбөңүз ), анан барып агарат.Чокторду көөмп, тандырдын бир аз табы кайткандан кийин нандарыңызды бир четинен жармаштыра бериңиз. Ыссык кезинде жармаштырсаңыз дагы нандарыңыз тушүп калат.

Тандырдын жанында чижиктер ойнобош керек. Нандар тапылдап тушуп калат.

[zhiza]

Ирээти менен жазбай, ар жеринен бир жаздым го. Ирээти менен окуп, тушүнүп алаарсыз.
Нанды тандырга жармаштыраардын алдында бетине сүт, жумуртка сүртүп койсоңуз, кыпкызыл нандар болот. Ал эми нандарыңыз бышкандан кийин, бетине сары май сүртүп койсоңуз, жылтыраган даамдуу болот.

[MIRlan]

Наныныз даамдуу, помпойгон помпошка болуш учун, конул буруп жабыш керек. Чакыч чайнавай, шарик- шарик кылып ойнобой, созулбай, ырдавай, бийлебей...

[Kg.lady]

Тандырга нан жапкандын сырларынгоооо билем,бирок эч эле окшото албаймда, же кубулуп тушуп калат,же жармашып чыкпай коет,же кара каш, кара коз болуп чыга келет.Мени уялтпайын дейби кайненемда ар камыр кылганда кийинкиде жабасын деген шылтоону айткандан тажабайт, мен кийинки нан жабууну куткондон жадабайм. Дегеле кайненемдин кийинкиси тугонсочу

[kanat4ik]

Апам жапкан нанды эске тушуруп жибердинер) эххх тандырга жабылган апакемдин ыссык нандары..
Кантип жабаарын билбейт экем.

[zhiza]

Ал эми патир көлөмү чоң - чоң жасалып, өзуңүздун фантазияңызга жараша кооздолуп жасалат. Бетине сейдене, зире кошуп койсо дагы болот.

[zhiza]

Ыссык тандырдан узулгөн нандан бал менен сары майды аралаштырып, мычкыма жасап берип, кайынэнениздин көңүлүн алыңыз.

[zhiza]

Анан, уйду кайсыл тарабынан(он, же сол) сааганын ушул теманы окуп баштагандан бери эстей албай убарамын. Уйдун сырын жакшы билбесеңиз, арткы эки бутун байлап(тушап) алып сааңыз.

[Aisel.]

Мен да быйыл айылга барып нан жапканды уйронуп келдим. Кыйын деп ойлочумун оной эле экен. Патир нан жонундо жаза кетсем. Патир нандын камырын каттуурак жасайсыз. камырын сутко май кошуп кылсаныз аябай даамдуу болот экен. Анан жасаганда коломун чонураак кылып жайып беттин бут чекич менен чегип чыгас. Анан бираз тындырып агарган тандырга жабасыз. Таандырдын тилин билип алсаныз эле болду экен. Тез эле уйронуп аласыз.

[Aisel.]

Казан нанды кобунчосу жайлоодо жасашат. Казан нандын камыры жумшак жасалат. Камыр ачыган сон болукторго болуп тындырылат. Ал тынганга чейин казанды кызытабыз. Ал учун очокко казанды кыйшайтып азып от жагабыз. Казанды комкоросунон да койуп кызытуу керек. казан кызыган сон каиырларды алып келип казанга жаап баштайбыз. Казанга жаап буткон сон устуно айран себебиз. Казанды акырын айландырып туруу керек. Нандардын чекелери кызарып баштаганда очоктогу чокту сыртына тартып казанды комкоробуз. Анда да казанды акырын айландырып туруу керек. Нан бышкан сон беттине суу сееп капкир менен чыгарып алуу керек.

[Tomega]

Камырын катуурак жасоо керек.жумшак болсо баары тушуп калат.Камыр жакшы ачыбай калса нан бышпай эле бети карарып гул болуп кетет.Тандырга нанды жабыштыргандан 3 5 минутадан кийин чокту ачуу керек.

[Jamalym]

Мен да былтыр уйрондум нан жабышты.Бир- эки коруп эле уйронуп кеттим.Негизгиси тандырыныздын табын билип алсаныз эле болду.Нанды тандырга жармаштыраардан алдын бетине сут же айран суйкоп коем,жыты да озгочо болуп аппетитти ачат.

[Kg.lady]

Жумуртканын сарысын суртуп койсода озгочо кыпкызыл болот,самсыгада жумуртканын сарысын суртсонуз онуно чыгып, коргон адам тамшанат.

[Feijipiao]

Мен да тандырга нан жапканды билбейм,бир жолу айылга барып калсам,кичуу женем келиниз нан жаап корунуз,эртен турмушка чыксаныз кантип нан жаба албайм деп айтасыз учт болот деп калды.Озумчо бул создорго арданып не мени жаба албайт деп атасызбы жаба алам деп кыйын болуп алысыраак кеткиле болбосо нандарым тушуп калат деп коем.Алар уйго кирип кетишти тамактанганы мен бул жактан жабам бул жактан тушот.Аябайле кыйналып кеттим бут нандарым тушуп кетти,Акыры чыдабай женееее деп бакырсам женем учуп чыкты не болуп кетти деп.Нанынызды озунуз жабын,мени тандырыныз жактырбады деп кетип калдым.Женем баарын ондоп сопсоонун кылып кызартып бышырып алдыма койгондо олло уялбадымбы. Кийин жок дегенде нанды узушту уйронойун деп женем жапкан нанды барып узом деп туруп алчуумун,даярга тап болуп))))
Негизи апакем айтчу нандын камырын каттуурак кыл,анан тандырды кызытканда бир аз туруп, табы бир аз кеткенде жабасын,ыссык жаап алсан нандарын тушуп калат деген болчу.Анан дайыма апакем нандын бетине сейдананы айранга аралаштырып бетине суйкоп жапчу.Ошолорун эстеп калыпмын.Анан бизди алдыма турбагыла нандарым тушуп калат дечу.

[Jamalym]

Бирок тандырга нан жаап жеген озунчо эле кайф да жаны уйронгондо ушул нандарды чын эле озум жаптымбы деп аябай толкунданып жегем.Уйдогулор баары макташканы эсимде оозум кулагыма жеткен суйунгонумдон. Мага дагы деле жагат тандырга нан жапкан.Коптон бери жаппай сагынып да калдым.

Билдирүүнү түзөткөн: Jamalym: 10 Март 2014 - 19:45