[rumaika5544]

jigit.paren (12 Март 2014 - 19:27) жазган:

даана коп куттурот го мына ушул автор инсульт инфарк кылат окшойт баарыбызды.

жигит.парен. Сиз жаза бербейсизби, сиздикин окуганча. келип калааар

[jon_jurbos]

Автор не унутуп койдубу? а мумкун жогору жактагы кее бир тамашакойлордун айынан удандысын жазбай эле койойун деп чечкендир да

[miwka94]

Jazbay koyot okwoyt emi kalganin

[zzari-83]

Ииий жокко дагы эле,апеей бизге окшогон окурмандарды деле ойлоп боорунар ооруп койсунчу,адеп уландысын жазыптырбы деп иш арасында андый беришда оной эмес экен,милдет кылуу эмеско ,ошентседа

[kuu-1005]

Ооогоооо мени сөз кылып жиберипсиңер го.......
Мен тууру Оштон болом бирок Каракулджадан эмес.Ага жакыныраак жерден деп койвоймбу .
Эми мени түшүнгүлө да,жумуштан келип эле ноутбукту тамызып кирдим чечинбей туруп.... Аз эле калды бүтөөрүнө

[Ziregul]

Уф бутойун деп калыптыр азыр автор жазып жатса керек . Бирок бутушун калабай кеттим !

[lo_ove_allaha]

Ушинтип эле узак жазылган, сценарий бутуп жатабы?

[seli]

Бутурсонуз бутуруп салынызчы а то сиз Жазгулго жетпей кыйналсаныз биз кутуудон кыйналып кеттикго...

[chynar_09]

Бир кундо он жолу киремго ушул жака жазынызчы эми Асан байке, сизди канча адам кутуп атат :-)

[kuu-1005]

...Ошол ошол болду.Ошол түндөн кийин анча-мынча келип жүрдүм.Бирок жалгыз эмес Самат менен.Бир жарым айдай көрбөдүк.Аэлитага да барууну токтотподук. Ал менен сүйлөшкөн сөздөрүбүз болбогон эле нерселер.Сөздүн арасында Жазгүлдүн кабарын сурасам ал дагы билбей тургандыгын айтты.Августтун ортолорунда гана Жазгүл пайда болду.Эмне апасын тартканбы бою дагы узара түшүптүр.Аны көз жаздымдан калтырбай байкап калган Самат кээде:"Дос сенен узун болуп кетиптир го.Жанында турганда бутуңдун учу менен тур макулбу?" -деп каткырып мыскылдап коер эле.А мен болсо жооп катары:"Өзүң Аэлитаңды эптеп алчы досум.Качан жалгыз барганды үйрөнөсүң?" -деп оозун тып жабаар элем.Сентябрга чейин Жазгүлдү эки үч жолу эле көрдүм,болгондо дагы алыстан,түндөсү. Ага баруумдун себеби аны менен сүйлөшүш эмес,ал сүйлөшүп жүргөн жигитти көрүү.Көрүп, таанышып ким экендигин тымызын сураштыруу. Бирок эки жуманын ичинде бирөөнү дагы байкабадык анын үйүнүн чеке-белинен. Жүрөгүмдү көндүрөйүн деген аракетим менен канчалык Ошко кетким келбей жатса дагы желкесинен сүйрөгөн адамдай 31-чи августта келе бердим...
---Ош.Сонун шаар дечи бирок баари бир өз айылыңа жетпейт.Ошто нары бассаң,бери бассаң акчанын шору.Акчаң жокпу кысчу жериңди кысып үйдө олтурмай.Бактыма Россияда байкем бар экен ай сайын акча жөнөтүп турчу.Кийимге болгон табитим өтө начар эле Асыл деген параллельный группадагы шаар көрүп калган досумдун жардамы менен кийингенди аз да болсо үйрөндүм." Эми экинчи курссуң,сессияңды өз күчүн менен тапшыр"-деп банк байкем,атама кошулуп менин окушумду талап кылып киришти.Айла жок лекцияларга, семинарларга калбай катышып окумуш болуп жаттым.Биринчи курстагы Марат экинчи курста пайда болбогонунан мен параллельный группадан Мирбек,Бакыт анан Асыл деген балдар менен дос болуп кеттим.Арабыздан бир гана Асылдын жанынан кыз үзүлбөйт болчу.Кийиниш стили да өзгөчөлөнүп турар эле.Калган үчөөбүз окшошкон алыстан кызыкмайларданбыз. Мирбек экөөбуз акыркы парага чейин чыдап отуралы десек да тиги эки "дайди" бизди отургузбайт болчу ар жакка азгырып.Асылдын жардамы менен канча кыз менен таанышпадык бирок менин жүрөгүмдүн босогосун бир дагы кыз аттай албады.Туурусун айтканда кобүнө мен жакпай калат элем.Себеби мен аларга Жазгүлгө ачылгандай ачыла албай жасалма мамиле кылганымдан болсо керек.Лекцияга чогуу кирген группада (3 группа бир кирет элек лекцияга) Жазгүл деген кыз бар болчу.Мен сүйгөн Жазгүлгө 1% окшоштугу жок болсо дагы ага "Жазгүл" деген аты үчүн жакшы мамиле кылып көбүнчөсү ага жакын олтуруп алат болчум.Жүрөгүм Жазгүлгө окшош адамды издөөсүн баштаганын мен ал убакта сезбей эле жүрдүм.Күндөр өтүп Жаңы-Жыл дагы жакындап кирип келди.Айканын тууганы Гүлперинин жардамы менен мен сессиямдын жарымынан көбүн өзүм бүтүрдүм.Кээ бир сабактар акчасыз бүтпөй турганын алдын ала эле сезген мен үнөмдөп жүргөн акча менен жаптым дагы 28-чи декабрда айылды карай сапар тарттым.Өзүмдү: "Жөн гана айылды,ата-энемди сагындым" деп алдаганым менен баари бир менин максаттарымдын алдыңкысы Жазгүлдүн жузүн,көзүн, жылмайуусун жок дегенде алыстан көрүү эле.Жүрөгүмдүн бөксөөсүн анын турпаты менен толтуруу....

Билдирүүнү түзөткөн: kuu-1005: 12 Март 2014 - 22:35

[seli]

Kuu-1005 уландысын жазып жатасызбы же уктай берейнби

[kuu-1005]

...Ал жылы катуу суук болгондугуна карабай кечиндеси Самат менен эшикте сүйлөшүп турдук.Мурда мен келгенде:" Жүр кеттик Аэлитага" деп мени шаштырган Самат бул саам бир ооз да ачкысы жок Аэлитасы жөнүндө.Мен акыры чыдабай кетип:" Иии не болуп кетти 4 айдын ичинде?.Неге мурдагыдай Аэлитанын үйүнө жетелегиң келбей калган?" деп мыйыгымдан күлүп суроо узатып калдым.Туурусун айтсамбы же айтпай эле койсомбу деп бир аз буйдалып турду акыры ал экөө урушуп кеткенин айтып калды.Себебин сурасам мени таарынган көзү менен карап:"Ээ аның сен кеткенден кийин эки үч жолу өзүм барсам сен жөнүндө эле сурай бергенинен урушуп кеттик.3 айдан бери бара элекмин"- деп калды.Мен эмне демекмин унчукпай тим болдум.Канчалык Жазгүлдү көргүм келсе дагы:"30нда эми бир жолу мектептен көрөм" деп чыдап жүрө бердим.З0-декабрь. Тойго кетип аткансып өзүнчө чыкыйып кийинип алып эрте менен эле Саматка келсем ал мени бир сыйра карап:"Сен каякка мынчалык жасанып?" деп таң калып койду.Мунун баары Жазгүлгө көрүнүш үчүн гана экенин Самат аңдай албады.Келсек мектеп окуучулардын концерти уже башталып калыптыр.Өзүнчө эле кысынып,эки жагымды каранып бир башкача болуп жаттым.Аяз ата сүйлөп кичинекейлердин өнөрлөрү бүткөндөн кийин чоң класстардын интермедиялары башталды.Көзүмдү ирмебей карап жатып турган турпаты сулуу Жазгүлдү таптым.Ушунчалык ажарына чыгып чооң эле кыз болуп калыптыр.Жазгүл алардын капитан командасы окшойт микрофонду алып сүйлөп жатты.Аны биринчи жолу көргөндөй мен дагы тердей баштадым.Бекинип алганымчы.Ал утур-утур сүйлөп жатты.Эхх чынын айтсам мен ал сүйлөгөн сөздөрүнүн бирин да укпадым.Ал мени көрө албаган жерге туруп алып анын ар бир кыймылын суктануу менен карап жаттым.Элди карап сүйлөгөн сайын сүрдөп атып бети да кызарып чыкты.Ал ар бир көрүнгөн сайын жүрөгүм тез-тез согуп көкүрөгүмдү тепкилеп жатты.Жазгүл классташтары менен кийинки номерге таярданганы кирип кетсе "тантыбай тезиреек эле бүтүп нары киргилечи" деп башкаларга жиним келип жатты.Жазгүлдү көргөндө башка нерсени унутуп калмай адатым бар эле Саматтын үйүнө кетип калганын да байкабай калыпмын.Ошентип алардын көргөзмөсү дагы бүтүп Жазгүлдөр мектептин ичине кирип кетишти.Элди залдан айдап чыгып кечки дискотекага залды таярдай башташты.Эки жагымды карап эле Саматты таппай калдым.Үйүнө келсем мал сугарып жүрөт.Мен дагы үйгө барып мал-салды жайгаштырып жылуу кийинип алып Саматка дагы келдим дискотекага барганы.Ичине киргизбөөсүн билсек дагы баари бир бойдок балдарга кошулуп дарбазанын тешигинен ичкеридегилерди акмалап отурмай.Дискотекада Жазгулдүн жанынан бир бала чыкпай жүрөнүн байкап Саматка:" Ким тиги Айбектин карындашынын жанындагы?" десем Самат анын жылдын башында башка айылдан келгенин айтып калды.Жазгүл мендик эместигин билсем дагы кызгана бермей адатым дагы от алды...

[asel_kok-jar]

ой байке жаздынызбы акыры?

[munara_00]

Эх журок оору кылып бутмой болдуз

[oooald]

сонун жазылган..

[sher89]

Азамат азамат азамат сен лучше китеп жаз суйуу туурасында

[kuu-1005]

...Дискотеканы залдын дарбазасынын тешигинен шыкаалап бүткүчө кезек кезек менен карап турдук.Самат экөөбүз эле эмеспиз дагы 7-8 бойдок балдар бар.Дискотека аягына чыгып Жазгүл башка кыздар менен кыналышып алып отурушка кетип жатты.Бирок мени көрбөдү дагы этибарга да албады.Самат: "Эмне эле андан козүңдү албай карап жатасың?.Мен айттым го анын жигити бар экенин.Бирок тиги Толкун эмес (жаңы келген бала) болсо керек" деп калды.А мен сыр бербей:"Ким болсо ошол болсун мага эмне? Мен жөн эле карап жатам"-деп жаш балача актанып койгонум менен ичимден:" Ким экен анда? Самат айылда жүрүп билбесе кошуна айылдан окшойт" деп ойлонуп жаттым.Ал түнү Жазгүлдөр олтурган үйдү оо бир кыйлага чейин айланып жүрдүк бизге окшогон эле бойдокторго кошулуп.Отуруш болуп жаткан үйдүн терезесинен Жазгүлдүн дале тиги жаңы келген бала менен жүргөнун көрүп ичим ачышып жатты."Ошол баланын ордунда мен болуп Жазгүлдүн жанында жүрсөм ээ?"-деп кыялданып да алдым.Бутубуздун учу тоңуп чыдабай калганыбызда гана үйлөргө баса бердик.Келсем апам ток печкени жагып койгонуна карабай бөлмөм муздак экен.Жуурканга кире калып Жазгүл тууралуу ойлонуп жаттым.Жазгүл тууралуу ойлонгондо эле:"Ошо жолукканда мындай десем болмок экен.Моонтсем кандай болмок эле?" деп башымдан өткөн окуяларга кайрылып барып ар варианттарга салып ойлонуп олтура бермей адатым бар.Ошол түнү дагы элестетип жатып бир түндөгү окуя эсиме түштү:
<Ал түндөрү биз кадимкидей кучакташып сүйлөшүп калган убагыбыз эле.Күндүзү жамгыр жааганынан түндөсү суук боло түшкөн болчу.Ай жарык.Мен кийип алган спортивканы чечип Жазгүлдү жаап,ага жанашып олтуруп алып аны бир колум менен кучактап олтургам.Кыздын бетине тушкөн чачын кулагын кыстарып жыйнай бермей адатым бар.Жазгүл бүрүшүп алып алгебра сабагында болгон бир окуя тууралуу айтып жаткан болчу.Аны сүйлөтуш үчүн калп эле түшүнсөм да түшүнбөгөн адам болуп ар кандай суроолорду берип жаттым.Башын ылдый кыла койду эле бир ууч чачы ылдый түшүп калды.Мен кучактап турган оң колумду албай сол колум менен чачын анын кулагына кыстарып жатсам мен жакка башын буруп менин көзүмө тигилип карап калды.Мен ойумда эч нерсе жок эле:"Эмне? чачыңды жыйнап койсо болбойбу?" деп күлүп койдум.Ал бир башкача көз карашы менен карап турду да башын нары бура койуп сөзүн улантып кирди>.
Мен ошол түнү ойлонуп жатып:" Мен анын ошондогу көз карашын башкача түшүндүмбү? Мумкүн ошол түнү ал ошентип караганда мен аны өбүшүм керек беле? Же тууру эле кылдымбы? деп ойлонуп кирдим.Эх каалаган убакка кайрылып барып ката кылган жерлерибизди оңдогонго мүмкүн болсо кана.Эхх тагдыр тагдыр....

Билдирүүнү түзөткөн: kuu-1005: 13 Март 2014 - 03:08

[Jyrgal-87]

обуш керек эле да. Обуп ээритип анан дальше кылып салыш керек эле да) )))))) (Тамашаладым)

[slastenka]

Автор эми жазбайт..
Тааныштары бар учун.

[urmat-86]

Жазат арманы ичинде жазат антпесе болбойт