[ANGEL_]

Чай демдөөнүн этаптары

1. Бош, кургак чайнекти 3-4 жолу кайнак суу
менен чайкайсыз.

2. Андан соң кургак чайдан керектүү өлчөмдө
салып, кайнаган сууну куя баштайсыз.

3. Алгач сууну чайнектин жарымына чейин эле куясыз, эгер көк чай болсо чайнектин төрттөн бир
бөлүгүнө. Анан капкагын жаап, таза майлык
менен чайнектин үстүн мурду менен кошо жаап
коёсуз. Анткени, кездеме чайдын курамындагы
жыпар жыттуу майларды учурбай кармап калат.

4. Чайды сортуна жараша 3 мүнөттөн 15 мүнөткө чейин тыныктырып коёсуз. Назик сорттору
азыраак тыныгат. Чайнекти калың нерсе менен
ороп коюуга болбойт. Мындан чайнек тердеп, чай
даамсыз болуп калат, башкача айтканда,
шыпыргы жыттанып калат.

5. Чай тыныкканда калган сууну куясыз. Эгер демделген чайда көбүк пайда болсо, демек,
чай туура демделген, а көбүк жок болсо, сиз чай
демдөөдө кандайдыр бир катачылык кетирдиңиз.
Көбүктү алып салуунун кереги жок, жөн гана
кашык менен аралаштырып коюңуз.

[ANGEL_]

Кийимге жармашып калган сагызды кантип тазалоо керек?
Жакшы көргөн кымбат кийимиңизге сагыз
жармашып калды дейли. Кайгырбаңыз, ал
жарактан чыккан жок. Сүйүктүү кийимиңизди
мурдагы калыбына келтирип алуунун бир нече
ыкмалары бар. А
лар төмөнкүлөр:
Бензинди пайдалануу
ыкмасы менен

1. Кийимиңиздин сагыз жармашып калган
бөлүгүнө бензинден бир аз куюңуз. Ал сагызды
жок кылып салат. Бирок кийимиңизди бузуп
коюшу мүмкүн. Ошондуктан, өтө кылдаттык менен бензинди аз-аздан куюп иштетүү зарыл.

2. Бензиндин жытын кетирүү үчүн кийимди жууп
салыңыз.
Тоңдуруу ыкмасы менен

1. Кийимиңизди сагыз үстүнкү бетинде калгыдай
кылып бүктөңүз.
2. Аны ошол бойдон полиэтилен баштыгына
салыңыз. Сагыз баштыкка жармашып калбагыдай
болсун.

3. Баштыктын оозун бууп, аны муздаткычтын
тоңдургучуна бир нече саатка салып коёсуз.

4. Алып чыгып, кийимдеги сагызды бычак же кайчы менен кылдаттык менен кырасыз.
Сагыздын эрип кетишине жол бербеңиз, ал
канчалык муздак болсо, ошончолук жакшы
тазаланат.

[ANGEL_]

Кока-кола
Коланы чайнектин ичине куйган соң чайнекти токко туташтырасыз. Бир аз кайнагандан кийин ичиндеги кеберлер кетет. Ичи кебер сыяктуу болуп саргарып кеткен унитазды тазалоо үчүн да коланы колдонсоңуз болот. Ал үчүн коланы кирлердин үстүнө жаба куюп, бир канча мүнөткө коюп коюңуз. Бул убакытта кола кирлерди эзип чыгарат да, кийин оңой жуулат. Кийимдеги ар кандай тактарды кетириш үчүн аны колага аябай чылап, бир канча саатка коюп коюу зарыл. Андан кийин кадимкидей жууй бересиз. Кадимки кир жуучу порошокко коланы кошуп кир жуусаңыз, кир тез жана жакшы кетет. Терезенин айнегин, кафелден жасалган полду кола менен жууса, жаркырап калат. Чачка жабышкан сагызды кетирүү үчүн ошол жабышкан жерди кола куюлган идишке бир канча мүнөткө салып туруу керек. Жүрөк айланганда саат сайын 1 чай кашыктан кола ичип туруңуз. Суунун ордуна кола кошуп жуурулган нандын камыры жумшак жана жакшы көөп бышат. Тамак бышырганда идиштин түбү карарып күйүп калса, кола куюп туруп кайнатсаңыз, кайра жаркырап калат.

[ANGEL_]

Гезит
Желим контейнердин же термостун ичиндеги жагымсыз жытты кетирүү үчүн ичине гезитти салып, андан соң оозун бек жаап түнү бою коюп коюңуз. Ичине суу кирген бут кийимди кургатуу үчүн ичине гезитти ушалап туруп толтуруңуз да, ал гезитти 8-9 сааттан кийин алыңыз.

[ANGEL_]

Туз
Туздуу сууга чыланган чүпүрөккө сырды ороп туруп муздаткычка салып койсоңуз, сыр узак убакытка сакталат. Ичи май көмөчтанга текши кылып туз сээп, бир канча мүнөттөн соң жуусаңыз, май оңой кетип, ичи таза жуулат. Сүт ирип калбаш үчүн ага азыраак туз салып коюу жетиштүү. Тердеп, жыттанып кеткен бут кийимдин ичине туз сээп койсо, жагымсыз жыт жок болот. Сүлгүнү таза жууп-чайкагандан кийин туздуу сууга 15 мүнөт чыласаңыз, жупжумшак болуп калат. Пияз, сарымсак, балык жыттанган колду туз менен сүртүп, андан соң самындап жуусаңыз, жагымсыз жыт калбайт. Бычакты өтө туздуу эмес сууга 30 мүнөт салып коюп, андан кийин гана курчутса жакшы курчуйт жана көпкө мокобойт.

[ANGEL_]

Самын
Топурак, чаң, жер менен алектенип иштөөнүн алдында колуңузга самынды көбүртүп, жуубастан кургатып алыңыз да, андан кийин иштей бериңиз. Ошондо колуңуз кесилбейт. Гүлдөрдүн түбүнө, жалбырактарына самындуу сууну сээп турсаңыз, курт түшпөйт. Атыр жыттуу самындын кесиндисин терезеге коюп койсоңуз, ал жерге курт-кумурскалар келбейт. Жакшы сыдырылбай калган сыдырмага самынды сүртсө, ойдогудай сыдырылып калат.

[ANGEL_]

Суутек перекиси
Бөлмөдөгү гүлдөрдүн жалбырактарын суутек перекиси менен сүртсөңүз, жалбырактарына кошумча кислород берет. Эгерде жашылчалардан жасаган салатыңыз кургап кетип, жакшынакай көрүнүшүн жоготуп койсо, аны суутек перекиси менен аралаштырган соң муздаткычка 15-20 мүнөт коюп коюңуз. Ошондо кайра жакшынакай болуп жаңы көрүнүп калат. Бир аш кашык суутек перекиси кошулган бир литр суу менен жуулган жашылча-жемиштердеги микробдордун баары өлүп, жегенге коркунучсуз болуп калат. Кокус тиш жуучу щёткаңыз менен башка бирөө тишин жууп койсо, тазалоо үчүн бир стакан сууга азыраак суутек перекисин кошуп, ага щётканы жууңуз. Узак убакыт колдонулган суюк самын менен шампунда бара-бара микробдор пайда болот. Аларды жок кылуу үчүн суюк самын менен шампунга суутек перекисин кошуп коюңуз.

[ANGEL_]

Нашатырь спирти
Нашатырь спирти аралаштырылган суу менен сырдалган полду, эшик-терезелердин рамкаларын жуусаңыз, жалтырай түшөт. Ак түстөгү кийимдерди, шейшептерди нашатырь спирти кошулган суу (бир чака сууга бир аш кашык нашатырь спирти) менен жууса жакшы агарат. Бир стакан сууга азыраак нашатырь спиртин, 3 аш кашык тузду аралаштырып, буга кирдеген таракты саласыз да, түнү бою коюп коёсуз. Эртең менен тарак оңой жана таза жуулат.

[ANGEL_]

Кумшекер
Нан, печеньелер салынган идиштин түбүнө жука кылып шекер сээп койсоңуз, көпкө чейин катыбай жумшак сакталат. 1 литр жылуу сууга 3 аш кашык шекер, 2 аш кашык уксус кошосуз. Муну менен гүлдөрдү сугарсаңыз, курт түшпөйт жана топурагы семиз болуп, жалбырактары, гүлдөрү көпкө чейин соолубайт. Эгерде колуңуз май болуп калса, шекер менен колуңузду сүртүңүз, анткени, майды оңой кетирет. Мештеги же очоктогу от жакшы күйбөй жатса, отко бир аз шекер сепсеңиз ойдогудай күйө баштайт.

[ANGEL_]

Тиш пастасы
Бут кийимиңизге тиш пастасын сыгып, аны алгач кургак, андан кийин ным чүпүрөк менен сүртсөңүз, бут кийимиңиз жаңы кезиндегидей жаркырап көрүнөт. Балаңыз тамдын бооруна карандаш менен сүрөт тарттыбы? Анда сүрөт тартылган жерди тиш пастасы жана щётка менен сүрүп тазалаңыз. Андан соң суу менен жуусаңыз таптаза болот. Колуңуз жагымсыз жыттанып калса жана ал кетпей жатса, тиш пастасы менен жууп койсоңуз дароо кетет. Кирдеп калган үтүктү тазалаш үчүн да тиш пастасы колдонулат. Ал үчүн үтүк муздак кезинде бетине тиш пастасын сыгып, аны чүпүрөк менен сүртөсүз да, акырында жууп коёсуз.

[ANGEL_]

Адамдын күзгүдөй тунук, таза жүзү бет эмеспи.
Эч кынтыксыз таза бет - бул өтө аз кезигүүчү касиет жана ал жаш кезде, болгондо да бетке
жакшы кам көргөн же жүзүн ар кандай
кырдаалдан туура сактап калган учурда гана.
Маселен, эң жөнөкөй өсүмдүктөрдүн бири
бадыраң. Бул жашылчаны кээ бирөө анча деле
пайдасы жок деп эсептешет. Чындыгында бул өсүмдүк, теридеги дем алууну,жакшыртуу
боюнча бадыраңга башка өсүмдүктүн бирөө да
тең келе албайт. Ал бетти жылмакайлантуу
менен бирге, аны агартуучу касиетке ээ. Муну
колдон келишинче кабыгы менен жеген жакшы.
Ал эми жүзүңүзгө болсо, бир бадыраңды толугу менен жука кесип даярдаган соң, бул бетке тегиз
жаап чыгасыз. Белгилей кетчү жагдай көздүн
тегеректерине да жаап койсоңуз болот.

[ANGEL_]

-Беттин терисин калыбына келтирип, өңүн
жакшыртуу үчүн 3 чай кашык быштак менен 1 чай
кашык балдын аралашмасын маска катары
пайдалансаңыз болот. 15-20 мүнөттөн соң
бетиңизди кант салынбаган жылуу чай менен
сүртүп коюңуз. Бул масканы косметикалык каражат катары гана пайдаланбастан, эртең
мененки тамак ордуна колдонуп, арыктасаңыз да
болот.

-Экинчи ээктен арылуу үчүн колдоруңуздун
сырты менен (сол кол менен оңдон солду карай,
оң кол менен солдон оңду карай) ээгиңизди ургулап массаж жасоо пайдалуу.

-Чач жасалгалоодо курамына спирт кирген гель
менен лактардан баш тартканыңыз оң. Ал эми
күнүгө эки жолу башыңызга жасалган 15
мүнөттүк массажды адатка айландырып алууңуз
зарыл. Бул, чач түптөрүн бекемдөөгө жардам кылат.

-Азыктандыруучу кремдерди күнүгө пайдалана
берүү териге терс таасир тийгизет. Тери өз
алдынча "дем алып", табигый түрдө май бөлүп
чыгарып турушу үчүн аны крем сүйкөбөй байма-
бай эс алдырып туруш керек.
-Терини картайтпоо үчүн таруу бышырылган суу
менен жуунуу пайдалуу. Бир нече ирет
кайталанган мындай процедура беттеги
бырыштарды кетирүүгө жардам берет.

[ANGEL_]

Чачты тарак менен тароо организмге пайдалуу
экендигин көпчүлүгүбүз биле бербесек керек.
Ошондуктан таракты күнүнө бир канча жолу
пайдалануу оң.
Атайы убакыт бөлүп таранып туруу эч зыян алып
келбейт. Тараныш үчүн тиштери жумшак тарактарды тандап алуу оң. Мындай процедура
кан айлантууну жакшыртып, терини өлүп калган
клеткалардан тазалап, чачтын түбүндөгү майды
тегиз бөлүштүрүп, чачты жылтылдатат.
Ошондуктан шашпай, чачты ар кайсы багытта
тараш керек. Окумуштуулардын изилдөөсүнө караганда ар дайым чачты тарап туруу стресстен
сактап, баш оорудан айыктырат.

[Ayperi94]

Башынызды жууп болгон сон, мууздак сууга чайкап алсаныз чачыныз кургаганда жылмакай болуп кургайт.

[Feijipiao]

Катып калган нанды духовкада кызарткандан кийин майдалап оозу жабык айнек идиште сактасаңыз болот. Котлет же куурулган тамактарда пайдаланыңыз.

[Feijipiao]

Карарып калган банандарды ыргыткандын ордуна, оозу жакшы жабылган пакетке салып, морозильникте сактасаңыз болот. Эриткенден кийин кексттерге кошуп бышырсаңыз болот.

[Feijipiao]

Чеснокту оңой аарчыш үчүн, бычакты капталынан койгондон кийин алаканыңыз менен катуурак уруңуз. Кичине жанчылган чеснок абдан оңой аарчылат.

[Feijipiao]

Салат сыяктуу жалбырактуу жашылчаларды бычак менен туурагандын ордуна колуңуз менен бөлүңүз. Көбүрөөк витаминдерди сактап каласыз.

[Feijipiao]

Консерва томат пастасын ачкандан кийин капкактуу айнек идишке салыңыз, томат пастаны жапкандай кылып суу май куюп койсоңуз көгөрүп кетпейт

[Feijipiao]

Жаны сатып алган самынды пайдалануудан мурда, батареяга же печканын кырына коюп алып, анан колдонсо, ал кир жууган учурда эки эсе кобурот