[Sweet-Lika]

Рахмат- раазычылыгым билдирем, бар болуңуздар!
–★★★—
Тагдырга көптөр ишенет,
Талашат мени бешенем.
Талмасы кармап тургансыйт,
Акылга жүрөк баш ийбей..

Сапары карга байлана,
Апапак азыр айлана.
"Түбөлүк сенсиң сүйгөнүм! "
Ант ичип турдуң каргана..

Байкасам көздөр муң ичтен,
Караба, мен да ант ичкем..
Каргышы болуп бирөөнүн,
Калбасам болду күйүккөн..

Билдирүүнү түзөткөн: Sweet-Lika: 27 Февраль 2014 - 02:17

[Sweet-Lika]

Ой толгоо..

Ээхх.. Оорубай жүрөлүчү,
Кайгырбай, күлөлүчү.
Капарсыз сапар улап,
Өмүрдү билеличи.
Кайнаса турмуш жолу
Сабыр деп күтөлүчү.
Айттырбай келет бир күн
Өлүмдү билеличи.
Оозго алган нанды
Адалдап ичеличи.
Алдаса, айырбаштап
арамды билеличи.
Өтмүшүң өтүп барат
Өткөрбөй куру бекер,
Карылык келсе эртең
Өкүнбөй жүрөлүчү.
Жароокер эр жүрөктүү
Жарандай тегиз карап,
Кетчүүдөй эртең эле
Өлүмдү күтөлүчү..

[Sweet-Lika]

***
Жан дүйнөмө жаңы дары тапканмын.
Ыйман менен ана баарын басканмын…
Эңсөө менен таарынууну негедир,
Кечээ эле кечирүүгө шашканмын..

"Жамансың" деп айталбаймын өзүңдү,
Керегисиң сен дагы бир Кайрандын..
Керектирсиң мүмкүн мага айрыкча,
Үнүм жетпейт..
Бирок канча сайрандым…

"Кайда болсоң аман бол" деп ар дайым,
Ак батаны нурлуу жүзгө тартканмын.
"Көрбөй өтсөм армандамын" дегенди,
Өчпөс үмүт, тилек менен басканмын…

P.S. Be happy Dad..!

[Sweet-Lika]

Баары бир..

Өчпөгөн үмүтүм өзүңдү саматат..
Өзгөгө сөз кылып, өзүңдү каратат..
Сырдашсам түндөсү сырдашым түндөгү,
Каалгып асманда Ай жылып баратат..

А бирок ойлобо сен мени таптакыр,
Байкоосуз жолугам бурулган жолуңдан.
Мурдагы ысымсыз сен мени жөн чакыр,
А бирок эңсебе кармоону колумдан…

Кылчаям баары бир сагынам ан сайын,
Азыр сен жанысың таптакыр башканын..
Мен дагы бактылуу өзүңсүз чөйрөдө,
Мен дагы жанымын.. А бирок башканын…

[Sweet-Lika]

Өткөн күндөр..

Кээ бир мүнөт эске келет..
Сагынам…
Кээ бир мүнөт өтүп кеткен
Кайгырам…
Кээ бир мүнөт кайра келбес..
Таарынам…
А бирок, келип-келип ушул күнгө багынам…

Кээ бир күнүм эске түшсө көздөрүмө жаш келет..
Кээ бир күнүм ушул күнгө уланаарлык жаш берет..
Кээ бир күнүм эстеп турсам жүрөгүмдү эзет да,
Кээ бир күнүм эстегенде көңүлдөргө таш себет..

Кээ бир жылым тете келсе кылым деле аз делет..
Кээ бир жылым айта келсе душмандарга кас келет..
Кээ бир жылым жылга алмашкыс, бирок өтөт убакыт,
Өткөн күндөр ушул күнгө тең келээрлик жаш берет..

[Sweet-Lika]

Жалыны күйөөр эле жанына жетпей туруп,
Жазганы сүрөт эле жамалын эптей куруп.
Жалган же чынын билбей жалынат бир сүрөткө,
Жарыктык ээсин жоктойт шамалга жүзүн буруп...

Жаралган жалганга да жамалы Айдан сулуу,
Жалынат "жарыгым" деп атасы, эне, уулу.
"Жашсың" деп аябады ажал да суктанганбы?
Келгенден кеткени тез, жалганы чындан улуу..

Күйүгүп турат азыр сүрөттү теше тиктей,
Жан таттуу кала берди артынан кошо кетпей.
Жер чапчып, ызасын ичине катты бирок,
Жан дүйнө жарым жандай, сүйлөсө үнү жетпей...

"Мейличи мезгил калыс, баарына, бардыгына,
Таңданам кең дүйнөнүн таарына, таардыгына.
Көзүмдөн өчүрбөсмүн жалжалым жамалыңды,
Кызыксыз бирок азыр өзүңсүз бардыгым да.."

Жер муштай кала берди жалындуу жаштыгында. ..

[my_love9595]

Ушул эжейдин жазганы оллллллооо жагат да кандайдыр бир озгочолук байкалып турат жана чыныгы сезимдерге суугарылып, нечен ирет талыкбай ойлонуудан жаралган кереметуу саптар!! !

[Sweet-Lika]

***
Кеңешип акыл менен макулдагам,
"Кетпе" деп жолун тороп жалынбагам. .
Жаш эле, а бирок кургур жүрөк,
Аргасыз ичтен күйүп жалындаган. .

Ойлонуп тургум келбей басып барам,
Ойлордон бир өзүңдү казып табам.
Ойлобо, кете бергин билгин бирок,
Ойлорго бир өзүңдү табыштагам. .

Сүйүүбү жарым жолдон табышпаган,
Күтүүнү бирөөлөргө багыштаган. .?
Сезимди күч-күч этип ээрчитип да,
Күүгүмгө барып мени табыштаган. .

Кезиксең тетири жол тандабаймын,
Кек сактап башканы да жандабаймын.
Кеч кирет аткан таңым үл-бүл шамдай,
Карч уруп мен жашоодон тапкан сайын..

Күлкүмдү багындырбас башкалары,
Кеч күздө келген конок сендей болуп.
Маңдай жарып күлгөнүңдө башкалары,
Күлкүңө ашык болбос мендей болуп.

Билдирүүнү түзөткөн: Sweet-Lika: 27 Март 2014 - 22:13

[Sweet-Lika]

my_love9595 (25 Март 2014 - 23:27) жазган:

Ушул эжейдин жазганы оллллллооо жагат да кандайдыр бир озгочолук байкалып турат жана чыныгы сезимдерге суугарылып, нечен ирет талыкбай ойлонуудан жаралган кереметуу саптар!! !

Рахмат, раазычылыгым!
Бар болуңуз!

[sumaya90]

ийгилик сиздерге.

[Sweet-Lika]

Атам менен Адашым…

Таңданып тосуп алдым тагдырдын тамашасын,
Көзүнө тигилип көп таппадым бир катасын.
Алыста келе жатты бейтааныш эки караан,
Кезиктим кечээ күнү, карачы көз карашын...

Быйтыйган колдору атасын бек кармап,
Секелек ушул да түшүмө көп кирүүчү.
Жолуктум бүгүн мен капыстан капталдап,
Бейкүнөө наристе ысымым тең бөлүүчү..

Жакындай келе берди эки караан..
Ордумдан жылалбайм, нес болуп өзүмчө.
Кызыңмын а бирок каныңдан жаралган,
Жат адам экөөбүз дүйнөбүз өз-өзүнчө..

Божурап сүйлөсө көөдөнүм аңтарып,
Көп эмес, аз убак колунан карматып..
Көңүлдү көмкөрүп ыйлабайм а бирок,
Кусалык аңына таштадың алпарып..

Качанкы таанышын тапкандай карашың,
Жүрөктү бырчалап баратат кара чын..!
Тааныбай өтүп кетиң дагы да.. Өкүндүм,
Кызыңмын атаке, жаныңда Адашым..

Каныбыз бир туруп жат адам бир-бирине,
Ичиркенип үшүп турдум көөдөнүм бир силкине.
Артыма кылчая бир жолу карадым да,
Уладым жолумду, келгенсип эми эсиме..

Баратам… Жол чети дарактар, теректер..
Азыркы ыйыма көп нерсе себепкер…
Ойгондум үшкүрүк оорлошо түшүмдөн,
Аз экен жалганда өзүмө керектер…

Адашым, Адашым, бейкүнөө карашың,
Жүрөктү канатып баратат кара.. Чын!
Мейличи мен эмес өзүң бол бактылуу,
Кандашым, секелек бейкүнөө Адашым..
*
Ооба, ыйлаймын.. Түш көрүп ыйлаймын,
Жанчып өзүмдү бир кыйла кыйнаймын..
Убакыт мезгилим тараза баарына,
Жашаймын.. Жашоонун сынына сынбаймын!


P.S. Be Happy!

Билдирүүнү түзөткөн: Sweet-Lika: 29 Март 2014 - 00:49

[Sweet-Lika]

sumaya90 (27 Март 2014 - 23:25) жазган:

ийгилик сиздерге.

Рахмат, раазычылыгым!

[Filantrop]

машАллах азаматсын ) Ийгилик каалайм... Онор алды кызыл тил...

Билдирүүнү түзөткөн: Filantrop: 30 Март 2014 - 19:44

[rnurzida]

Sweet-Lika (29 Март 2014 - 00:47) жазган:

Атам менен Адашым…

Таңданып тосуп алдым тагдырдын тамашасын,
Көзүнө тигилип көп таппадым бир катасын.
Алыста келе жатты бейтааныш эки караан,
Кезиктим кечээ күнү, карачы көз карашын...

Быйтыйган колдору атасын бек кармап,
Секелек ушул да түшүмө көп кирүүчү.
Жолуктум бүгүн мен капыстан капталдап,
Бейкүнөө наристе ысымым тең бөлүүчү..

Жакындай келе берди эки караан..
Ордумдан жылалбайм, нес болуп өзүмчө.
Кызыңмын а бирок каныңдан жаралган,
Жат адам экөөбүз дүйнөбүз өз-өзүнчө..

Божурап сүйлөсө көөдөнүм аңтарып,
Көп эмес, аз убак колунан карматып..
Көңүлдү көмкөрүп ыйлабайм а бирок,
Кусалык аңына таштадың алпарып..

Качанкы таанышын тапкандай карашың,
Жүрөктү бырчалап баратат кара чын..!
Тааныбай өтүп кетиң дагы да.. Өкүндүм,
Кызыңмын атаке, жаныңда Адашым..

Каныбыз бир туруп жат адам бир-бирине,
Ичиркенип үшүп турдум көөдөнүм бир силкине.
Артыма кылчая бир жолу карадым да,
Уладым жолумду, келгенсип эми эсиме..

Баратам… Жол чети дарактар, теректер..
Азыркы ыйыма көп нерсе себепкер…
Ойгондум үшкүрүк оорлошо түшүмдөн,
Аз экен жалганда өзүмө керектер…

Адашым, Адашым, бейкүнөө карашың,
Жүрөктү канатып баратат кара.. Чын!
Мейличи мен эмес өзүң бол бактылуу,
Кандашым, секелек бейкүнөө Адашым..
*
Ооба, ыйлаймын.. Түш көрүп ыйлаймын,
Жанчып өзүмдү бир кыйла кыйнаймын..
Убакыт мезгилим тараза баарына,
Жашаймын.. Жашоонун сынына сынбаймын!


P.S. Be Happy!

Бардык эле ырларын жагат. Бирок, ушул ырын озгочо таасир калтырды. Журогум зырп эте, козумо жаш айланды. 100% болбосо да менин тагдырыма окшош жашоону чагылдырыпсын. Талантына таазим! Бар бол! Калемин курчуй берсин!

[Sweet-Lika]

rnurzida (30 Март 2014 - 23:30) жазган:

Бардык эле ырларын жагат. Бирок, ушул ырын озгочо таасир калтырды. Журогум зырп эте, козумо жаш айланды. 100% болбосо да менин тагдырыма окшош жашоону чагылдырыпсын. Талантына таазим! Бар бол! Калемин курчуй берсин!

Бул ырды дагы бир Жан окубасын...

Рахмат эжоо,
жүрөккө өтө жакын албаңыз ээ.

[Sweet-Lika]

Filantrop (30 Март 2014 - 19:41) жазган:

машАллах азаматсын ) Ийгилик каалайм... Онор алды кызыл тил...

Рахмат Фили, бар болуңуз!

[rnurzida]

Лика синдиме Жараткан ме деп эле талантты берген экен да. Ар бир ыры озунчо таасирдуу. Ар бир сабы не бир сонун маанини тушундурот. Азаматсын! Ийгилик!

[dinooou]

Эн сонун!
Келечектен копту умуттондургон, улуу акын, жазуучу болунуз!

[Sweet-Lika]

rnurzida (30 Март 2014 - 23:45) жазган:

Лика синдиме Жараткан ме деп эле талантты берген экен да. Ар бир ыры озунчо таасирдуу. Ар бир сабы не бир сонун маанини тушундурот. Азаматсын! Ийгилик!

Бул сиз айткан "талант" бир адамга кезикпесем, бейпил уйкуда жатмак беле ким билет..?
Рахмат эжоо, уялтып жибердиңиз. .

[Sweet-Lika]

От 30 Март 24 - 23:46

Эн сонун!
Келечектен копту умуттондургон, улуу акын, жазуучу болунуз!

Рахмат чооң!
Бар болуңуз!