[Rich_girl]

Казак төкмө акыны Ринат Зайытов "кыргыз калкынын айтышы - биздин айтыштын жанында жаш баланын оюну" дейт
Кечээ жакында эле интернет айдыңына чыккан казактын төкмө акыныРинат Зайытовдун журналист Берик Султанга берген маеги учурда колдонуучулар тарабынан өзгөчө талкууга алынууда. Анда төкмө акын айтыш өнөрү тууралуу сөз козгоп, журналисттин "Кыргыздын акындары бизден мыктыбы?" деген суроосуна "кыргыз калкынын айтышы - казак калкынын айтышынын жанында жаш баланын оюну" деп жооп берген. Алардын маегин кандай сүйлөшсө, ошондой берүүнү туура көрдүк.

Берик Султан: - Өткөндө интернет ааламынан кыргыздар менен казактардын айтышын көрдүм. Кыргызстанга биздин бир топ акын барды. Жеке өзүмө жага берген жок. Сиз Аалы Туткучев менен айтыштыңыз. Жалпы алардын бет алышы кандай? Алар бизден мыктыбы? Түшүнбөй калдык.

Ринат Зайытов: - Биринчи айтып өтө турчу жагдай, бул эч кандай улутчулдук (улутчулдук өзүмө жаккан сөз), улут аралык чиелениш туудуруу эмес. Бирок кыргыз калкынын айтышы казак калкынын айтышынын жанында жаш баланын оюну да.

Берик Султан: - Себеп?

Ринат Зайытов: - Себеп, алардын айтышынын дымагын 20-30 жылга артка калтырып койгонбуз. Ошон үчүн кыргыздын айтыштарын алып карасаңыздар, эки сүйлөгүч кездешет. Алар Кыргызстанда башкача сүйлөшөт, Казакстанда башкача сүйлөшөт. Ошол үчүн мени Аликтер барган айтыштарга чакырышпайт. Сахнага Казакстандын акындары чыкса, “Ринат неге келбейт?” деп айтышат. Бул эркектикке жатабы? Ошол үчүн эч качан болбой турган жагдай, бир акын жеке өзү отуруп алып, интернеттен "Ой-бай, биз кереметпиз, мындайбыз. Акындар неге жооп беришпейт?" деген.

Акындын башкы максаты, негизги милдети, кызматы - айтышта жооп берүү. Анын оюна жооп бере турган адам жок жерде баарыбыз улутубуз тууралуу пикир билдире алабыз. Кыргыздардын айтышы жалгыз мени менен Аалынын айтышы эмес. Тээ Сүйүнбай менен Катагандан бери карай алып караңыз. Кечээги Эсенкул менен Ашыраалы Айталиевдин айтышы. Орозалы Жандошев менен Жеңишбектин, Мээрбектин, Даулеттин айтышын алып караңыз…

Кез келген айтышта казак айтышы бир эмес, бир нече бийик экенин өзү далилдеп келе жатат. Бир көзгө чукуп айта турган далили, казак акындары 11 муун, 10 муун, 7-8 муун менен да айтышат. Булардыкы 7-8 муундуу бир уйкашты бир нече ирет кайталап, каерде келсе айтыша бересиң да.

Мына турган адамды,

Мына айткан багаңды.

Ана жаткан агаңды,

Саламды, барамды… деп айта бересиң.

Кыргыз айтшынын деңгээли болсо...

Кыргыз төкмө акындары мындай сынды кандай кабыл алышат? Төкмө акын Азамат Болгонбаевдин оюн угуу үчүн байланышканбызда ал: "Ооба, бул тууралуу укканым бар. Бирок бул нерсеге теригүүнүн кереги жок. Ринат Зайытов сүйлөй берет. Мен азыр концертте жүрөм, чыкканымда буга кененирээк жооп берейин", - деген жооп узатты.

Ал эми кыргыздын “Саркашка” атыккан төкмө акын Амантай Кутманалиев бул тууралуу “Ринатты жакшы тааныйм. Бул жерде Ринаттын сөзү негизги сөз эмес да. Аларда 200-300дөй төкмө акын бар. Баары менен жакшы мамиледебиз. Бир Ринаттын сөзүнө теригип, жалпы казак элине таарынмак белек?! Негизи, Казакстандын айтыш өнөрүнүн башчылары акыркы убакта аны айтыштарга көп кошпой калышты. Аларда кыйын-кыйын жаш акындар өсүп чыгып, Ринаттын доору өтүп баратат. балким, өз популярдуулугун сактап калуу максатында ушундай сөздөрдү тараттып жаткандыр, ким билет?" деген оюн айтты.


http://www.super.kg/ kabar/news/60429/

[Rich_girl]

Аалыга жооп бере албай калып шылдын болуп эми ушинтип кыргыздын жинине тийгиси келип атабы? Силердин оюнар кандай?

Билдирүүнү түзөткөн: Rich_girl: 16 Апрель 2014 - 14:02

[Rich_girl]

[Feijipiao]

Ой-бай казак токмо акыны эмне дейт ыя???Эмне биздин токмо акындарга тен келе албай ойду тоону суйлой береткенда ээ.Ансыз деле кыргыз токмо акындарынын жанында керек болсо, казак токмо акындары корунбой деле калат.Ойноп суйлосода ойлоп суйлосун! !!

Билдирүүнү түзөткөн: Feijipiao: 16 Апрель 2014 - 14:38

[Kg.lady]

Ит уро берет, кербен журо берет. Же болбосо сенин созун менин .... деп коюш керек. Ошондой атаандашуу бар жерде алга карай осуу болот.

[Rich_girl]

Биздин акындар унчукпай турбашы керек! Биздин акындар жооп кайтарышат болду бекен?

[Kg.lady]

Аалы жообун беретго менимче.

[sensei]

"Бакылдаган текени, суу кечкенде көрөбүз..."

[Nurmuxammet]

Хехехе хе айтышта сөз таба албай калып, кылган айласыго.

[antiwithin14]

Негизи казак акындары айтышта жатап алып айтышат,ал эми атаандашына тийишип ырдаганда создун курчун,таамай айта алышпайт. Угуп олтурсан дастан айтып жаткандай болот. Кыргыз акындарынын ар бир созу таамай айтылат. Аалы акынга туш болбосом экен деп тилешет го. Ал эми бул акын да кези келгенде Аалы акынга туш келет. Ошондо абалын коробуз.

[bossmos7]

Аалынын созунун курчтугу Казак Элин тандантып кол чаптырган эле.Бул айткан созго Кыргыз Эли кыжырданып. Эки Элдин ортосундагы ынтымакка булук салат.Женилген курошко тойбойт дегени!

[Барс]

Казактын Ринатты орто деңгээлдеги төкмө акын. Бирок, өзүн өйдөсүнтүп, ( "мурдун көтөрүп, өпкөлгөн" деп койчу беле мындайды?..) кыйынсынып жүрчү неме. Бири-эки казак: "Сен кыйынсың! " - деп койсо, нары-берини карабай, урунуп-беринип жибере турган адаты бар. Ал бир кезде:

"...Сүретине Исаның табынатын,
Апта сайын бир сумдык табылатын.
Ресей болгум келмейди, Ресей болгым,
Жийу-жийу бомбалар жарылатын.
Ресей болгум келмейди, Ресей болгым,
Президенти премьерге багынатын.

Кылыгы көп мусылман жийренетин,
Көргенинен көз шукып үйренетин.
Немис болгым келмейди, немис болгым,
Эркегине эркектер үйленетин." - деп келип эле, анан минтип тантып жиберген жери бар:

"Жыл сайын бир балээге урынатын,
Саясаты сагаттай кубылатын.
Кыргыз болгым келмейди, кыргыз болгым,
Бир-биримен согысып кырылатын.
Кыргыз болгым келмейди, кыргыз болгым,
Этегине айелдиң тыгылатын. "

Ошого жооп кылып, мен минтип салганмын:

"Өзүн билбей, өзгөгө үрө турган,
Өпкөлөрү колунда жүрө турган.
Башчысынын алдында баш көтөрбөй,
Байкуштардын өмүрүн сүрө турган.
Чапанынын жамаачысы жаңыланса,
Чалкалап, мурдун көккө түрө турган.
Мен дагы сендей маңка болгум келбейт,
Жыртык туруп, тешикке күлө турган.
Жыгылып жатып, оогонго күлө турган!! !"

Бул жооп ушул сайтка илинген окшоду эле...

Билдирүүнү түзөткөн: Барс: 12 Январь 2015 - 12:22

[KG-Oligarh]

Биздин акындардын б.....да тен келбейт бул опкосу жок.

Билдирүүнү түзөткөн: KG-Oligarh: 16 Апрель 2014 - 16:31

[Nadya_90]

Барс , сиздин жазганыңызды ал окуду бекен? Окуган болсо сүйүнөт элем.
Жакшы жооп жазыптырсыз. Балким бул жоопту анын баракчасына ыргытабыз... деп май чачып салбайын

[Surduu]

Бул боордоштор жаттама экенин унутуп калышкан окшойт. Негизи төкмөлүк өнөр кыргызда гана жогорку деңгээлде өнүккөн. ЮНЕСКО кыргыздардын төкмөчүлүк, айтыш, дастанчылык өнөрүн элдик оозеки чыгармачылыктын шедеври деп тааныганын баары эле биле бербесе керек.
Ринат эл алдында катуу уят болуп, арданганынан сүйлөгөн сөзү окшойт да. Ал эми биздин төкмөлөр бул б.. оозго теңелип айтышып отурушпайт деп ойлойм. Эгер кандайдыр бир сынак, фестивалдарга барганда бул менен айтышпай баш тартып коюу керек. Ошондо чүнчүп отурсун анан.

[kuba.94kg]

Болсо дагы жаш баланын оюну
Жоолугуп калсаң Аалыга
Берет го сенин тоюңу.
Мактанба боордошум мактанба,
Жеңилген соң эфирден чыгып даттанба.
30 жыл артта калса дагы
Жеңе албай келесиңер
Кыргыздын акындарын
Айтчы тууган неге ачылбайт казактын багы?

Билдирүүнү түзөткөн: kuba.94kg: 16 Апрель 2014 - 17:09

[Sweet-Lika]

Жеңилген күрөшкө тойбойт.

[historic]

Бул акын эмес, көчөдөгү бандит десек деле болчудай экен. Аалы байке менен айтышкан кезинде, Аалыга: "Казактын акындарына жазам деп, интернетте жылдызы болуп жүрөсүң" дегендей маанидеги сөзүнө Аалы акын: "Сен деле жылдыз болуп жүрөсүң го, интернетте мушташып" деп жайлаган эле. Ал видеону мобул жактан көрсөңөр болот



Анан дагы дал ошол айтышта Аалыдан төмөнкү орунду алып калып, казактын казыларына таарынып айтыштан кеттим деп жүргөн. Кайра айтышып алыптырбы? Ким билет?

Билдирүүнү түзөткөн: historic: 16 Апрель 2014 - 20:43

[lazygirl]

Барс байкенин жообу аябай жакты да, жакты..

[Lumia-800]

Токмо акын деген конкуренти болсода сый урмат менен мамиле жасаш керек башкаларга. Бул озунун томон экендигин ошол соз менен билдирип жатат. Озуно жараша жооп алат деген ойдомун...

(Бир сайттын атын жаза коем деп уч кунго Банга кеткен болчумун. Корсо атын жазып кыйналбай, ссылка мылкасы менен кошо бир видеосун жуктосо болоберет турбайбы.)