[Sweet-Lika]

aika2013 (16 Апрель 2014 - 17:57) жазган:

аябай маанилуу жана уйкаш жазылган ырлар экен!!! форумчулардын гана эмес ,келечекте кыргыз элимдин алкыштарына жарай бер!!азаматсын !!!

Цитата

Рахмат, раазычылыгым!

китеп кылып чыгаргансынбы ырларды?

Цитата

Азырынча чыга элек.. Буйруса китептен да окуп калаарсыз..

p/s/кыргыз ырчыларыбыз дагы ушундай жанга жагымдуу ырларга обон жаздырып ырдап чыгышса жакшы болмок ,каяктагы эле озбекчеден казакчадан которуп алышып эле кыйын сынышпай! !!

Цитата

Ошону айтсаңыз)).
(тамаша)

Рахмат! Бар болуңуз!

[Sweet-Lika]

Ylykbek1990 (16 Апрель 2014 - 08:33) жазган:

Эх сонун жазылыптыр, кайра-кайра окуп тажабадым.

Цитата

Эшик ачык, келип туруңуз.

Мага аябай таасир берди. Азаматсын, чыгармачылыгына ийгилик каалайм.

Цитата

Раазычылыгым, бар болуңуз!

[Sweet-Lika]

Убадалар. ..

Убадалар... Айтылган жерде калат..
А эмне оорбу жүгү ошончолук?!
Анда неге берилет убадалар?
Эки кадам кетип-кетпей унутулат..

Көөдөндү кубандырган убадалар,
Каалгып жайбаракат сүзөт көлдө.
Аткарылбас толкуну ташып келип,
Суу серпет жалындаган үмүттөргө..

Билдирүүнү түзөткөн: Sweet-Lika: 17 Апрель 2014 - 17:13

[Sweet-Lika]

Сүйүү деген эмне өзү?

Сүйүү деген эмне өзү? Жемишпи?
Жетүү үчүн сунган колду талдырган.
Же суу белем чаңкап турган денеге,
Суусаганда суусунуңду кандырган.

Сүйүү деген эмне өзү? Таттуубу?
Аары сымал элдин баары жабышкан.
Же болбосо эки жолду бир кылып,
Себепчидир түгөйлөргө табышкан.

Сүйүү деген эмне өзү? Ачуубу?
Көөдөнүңдү өрткө чулгай жүгүргөн.
Же болбосо мээрим чачаар жылуулук,
Уктап жаткан сезимдерди тирилткен..

Сүйүү деген эмне өзү? Буюмбу?
Сынса кетээр бир жеринен жарака.
Балким дастан жомоктордо айтылаар,
Жазсаң сөзү түгөнбөгөн баракка.

Сүйүү эмне? Балким аба, мөл булак?
Балким ага көкөлөтүп бак курат?
Түшүнбөдүм бул "сүйүүнү" баары бир,
Мени тиктеп маңдайымда эл турат...

Билдирүүнү түзөткөн: Sweet-Lika: 23 Апрель 2014 - 01:44

[rnurzida]

Sweet-Lika (17 Апрель 2014 - 03:46) жазган:

Тажап бараткансыйм. .
(уландысы).

Мага деген сезимдерди түртүп алыс,
Бардыгынан негедир тажап турам.
Ээн таалада калсам азыр өзүм жалгыз,
Мен тынчтыкты…тынчтыкты самап турам..!

Эч бир жанды жактырбас өжөр, көк бет,
бул сезимден улам тажап бараткансыйм. .
Текке кеткен өңдөнөт ар бир мүнөт,
бул кезимден улам тажап бараткансыйм. .

Түшүмдө мага келбес элес менен
сүйлөшүүдөн улам тажап бараткансыйм. .
Ырга ороп көөдөндү кээ күндөрү
бүк түшүүдөн улам тажап бараткансыйм. .

Жарык чачып кирип келген таңды басып
кеч күүгүмдөн улам тажап бараткансыйм!
"Кызым! " деп, качан Атам келе калат?
Мен күтүүдөн улам тажап бараткансыйм!

Турмушта өйдө-ылдый кезүүлөрдөн,
тирешүүдөн улам тажап бараткансыйм. ..
Мендеги уйгу-туйгу ойлор менен күрөшүүдөн улам тажап бараткансыйм. ..

Асмандагы Айды тиктеп кыйбай таңга,
сырдашуудан улам тажап бараткансыйм. .
Түн оокумда буулугуп сыйбай жанга
ыр жазуудан улам тажап бараткансыйм. .

Мага окшогондорго ылайык ыр экен. Сонун ыр саптары. Азамат! Калемин курчуй берсин. Жаны ырларынды да кутуп отурам. Бир канча кундон бери кирип карап коем. Жаны ырлар корунбойт. Убактын болбой жаткан го дейм.

[Sweet-Lika]

Денистин (KUMTOR1) суранычы боюнча "Мектеп" тууралуу саптар.

Убакыт учкан куштай өтөт бат-бат,
Кечээ эле келдим эле бирди аттап,
А бүгүн кол булгалап коштошууга
Аргасыз көнүп турам көзүм жаштап.

Уядан учкан жаңы балапандай,
Талпынып учам жанга сыя албай.
Кылчактап артты карайм улам-улам,
Мектептин босогосун кыя албай.

Алтын уям кош бол эми мектебим,
Бата кылып "тилегиңе жет" дедиң.
Таазим кылам, а бирок, мага койсо
Келбейт эле 11 менен чектегим…))

[Sweet-Lika]

rnurzida (27 Апрель 2014 - 18:44) жазган:

Мага окшогондорго ылайык ыр экен. Сонун ыр саптары. Азамат! Калемин курчуй берсин. Жаны ырларынды да кутуп отурам. Бир канча кундон бери кирип карап коем. Жаны ырлар корунбойт. Убактын болбой жаткан го дейм.

Жаңылары деле бар, болгону убакыт жетишсиз чын эле...)
Буйруса илип коем.

Рахмат эжоу, бар болуңуз!

Билдирүүнү түзөткөн: Sweet-Lika: 28 Апрель 2014 - 19:14

[Sweet-Lika]

Мен да сага...

Кайсы күнү жүрөгүңө чалындым?
Сансыз ирет сагынбайм дейм… Сагындым.
Мага эмес башка жакка беттеген,
Мүнөзүңө, кыялыңа таарындым.

Кылыгы кырк, кыялы миң токтобой,
Ар кыл жерди эңсейт али оттобой.
А мен сага арбалганым билсем да,
Башка табам жалгыз сени жоктобой.

Бирде ыйга ороном да, бир күлөм,
Кайыл болуп сага барсам деп жүрөм.
Кургур жүрөк кек сактады түйүндөй,
Мен да сага арман болсом деп тилейм!

(буйрутма саптар).

[Sweet-Lika]

Өзүмө окшош чет жерде жүргөн ортокторума.

*
Бактылуу болгум келет менин деле…

Маңдайым жара күлүп ойлонбостон,
Мага деп бөлүп берген ырыскымды
Чогултуп, терип келем бөтөн жерден,
Эл менен тең талаша жумушумду.

Жаш экем, билбей өттүм кээ бир жерден,
Чалындым… Турдум бирок кайра эле.
Мага да жарык күндүн нуру тийээр,
Бактылуу болгум келет менин деле!


(кыстартылды, башка күнү толуктап коем буйруса)

Билдирүүнү түзөткөн: Sweet-Lika: 28 Апрель 2014 - 21:57

[my_love9595]

Sweet-Lika (28 Апрель 2014 - 21:49) жазган:

Мен да сага...

Кайсы күнү жүрөгүңө чалындым?
Сансыз ирет сагынбайм дейм… Сагындым.
Мага эмес башка жакка беттеген,
Мүнөзүңө, кыялыңа таарындым.

Кылыгы кырк, кыялы миң токтобой,
Ар кыл жерди эңсейт али оттобой.
А мен сага арбалганым билсем да,
Башка табам жалгыз сени жоктобой.

Бирде ыйга ороном да, бир күлөм,
Кайыл болуп сага барсам деп жүрөм.
Кургур жүрөк кек сактады түйүндөй,
Мен да сага арман болсом деп тилейм!

(буйрутма саптар).

ОЙ ушу сиздин ыр саптарыныздан как будьто менин жан дуйномдон алып жазып койгондойсуз, ушу болумго кирсем эле сиздин теманызды ачканга шашылам сизден мындан да кооооооп кооооооп ыр саптарын кутуп калам

[Sweet-Lika]

my_love9595 (29 Апрель 2014 - 22:54) жазган:

ОЙ ушу сиздин ыр саптарыныздан как будьто менин жан дуйномдон алып жазып койгондойсуз, ушу болумго кирсем эле сиздин теманызды ачканга шашылам сизден мындан да кооооооп кооооооп ыр саптарын кутуп калам

Раазычылыгым!
Бар болуңуз!

[shumkar929292]

Коз жаш деген чыгарманы да жазып койунчу сураныч

[Sweet-Lika]

shumkar929292 (03 Май 2014 - 12:27) жазган:

Коз жаш деген чыгарманы да жазып койунчу сураныч

ыр түрүндө кылыпыы?
(тамаша)
Аягына чыгарам буйруса, үйдөн алыс элем, китепти даңкыйтып көтөрүп жүрүү бир аз ыңгайсыздык жаратат экен. Үйгө барсам эле жаза баштайм.
Рахмат.

[orhideya]

Бул тема эн суйуктуу темама айланды да калды. Кандай таланттуу жансын! Азаматсын!

[Sweet-Lika]

***

Тостуң түндөн, күндөн ысык, таңдан да,
Маалым эле өмүрүңдү берээриң.
Мага деген сезимдерди чанганда,
Мен билбегем ушул күнгө келээрим…

Максат беле сен сыздасаң каткыруу?
Максат беле душманыңды жактыруу?
Жан дүйнөмдү кайдыгерлик ээлеген
Мен бактысыз, а сен азыр бактылуу…

Оюм саман, бүгүн сенин тоюң да.
Миң кубулам, жалгыз сенсиң оюмда.
Жандан кечип, кетким келип дүйнөдөн,
Мен отурам шар аккан суу боюнда.

Жыйып койду тагдыр жайган торун да,
Мен ойлогом бакыт кушу колумда.
Ээсин тапты бош калтырбай ушул тап,
Мага арналган жүрөктөгү орун да.

(буйрутма саптар).

[Sweet-Lika]

***

Жалгыздык жанга жагып,
Жашындым элден оолак.
Жарыгы күндүн батып,
Жаштыкты салдым боолап.

Жалгыздык жолдош болуп
Бакытым учту алыс.
Үмүткө жердеш болуп
Буларга сүйүү калыс.

Айлана жашыл, бирок
Мага эле күңүрт аалам.
Жалгыздык жаман жолдош
Мен муну аңдабагам…

Жашоонун максаты эмне?
Билмекке чын-төгүнүн,
Махабат майданына
Мергенге чыктым бүгүн.

[Sweet-Lika]

orhideya (09 Май 2014 - 05:43) жазган:

Бул тема эн суйуктуу темама айланды да калды. Кандай таланттуу жансын! Азаматсын!

[Sweet-Lika]

Сага баары баары бир эмес беле…

Таңга жетпей жашоого суусап турса,
Кол булгаган мерээз сендик элес беле?
Жандан кечпей келээриң күтүп турса,
Сага баары баары бир эмес беле…

Ак баракты сунса ары түртө салып,
Кызыл, жашыл, ар түркүнүн издейсиң ээ?
Ал ак барак ак сүйүүгө тете экенин,
Сезгиң келбейт…эмнегедир сезбейсиң ээ?

[AMAH-2]

Sweet-Lika (10 Май 2014 - 05:44) жазган:

Сага баары баары бир эмес беле…

Таңга жетпей жашоого суусап турса,
Кол булгаган мерээз сендик элес беле?
Жандан кечпей келээриң күтүп турса,
Сага баары баары бир эмес беле…

Ак баракты сунса ары түртө салып,
Кызыл, жашыл, ар түркүнүн издейсиң ээ?
Ал ак барак ак сүйүүгө тете экенин,
Сезгиң келбейт…эмнегедир сезбейсиң ээ?

Кандай сонун жан дүйнөдөн суурулуп чыккан саптар....
Азаматсыз Лика!!!

[antiwithin14]

Тизипсин шурудай ыр саптарды,
Айжамал Мавленова балли балли!
Талантына таазим этип турабыз
Кенейтин жазылуу ыр барактарды.

Кордунбу элим байкагын,
Алыкул акын олбоптур.
Ушунундан жазбагын,
Акындын пири колдосун. Ийгилик!