[MACKA]

Калифорния штатында шаар мэри таштанды кабы үчүн иш ордунан кеттүүгө аргасыз болду. Сан-Марино шаарынын жетекчиси Дэннис Кнайпер, кечкисин жубайы менен сейилдеп жүрүп, жанындагы таштанды салынган кичинекей баштыкты кошунасынын короосуна ыргытып салган. Анда жашаган Филипп Лао шаар жетекчисинин мындай кылыгын камерага тартып, интернетке жарыялады. Аны көргөн тургундар арасында ызы-чуу жаралган. Экс-мэр бул туура эмес экенин мойнуна алып, кызматтан кетти.

[MACKA]

Футбол дүйнөсүндөгү кызыктар: Чемпионаттын алкагында биринчи гол 1930-жылы катталган. Аны Франция футболчусу Люсьен Лоран киргизген. Бир дагы чемпионатты коё бере элек жалгыз өлкө Бразилия. Түштүк Корея курамасы жарым финалга чейин жеткен жалгыз Азия командасы. Үч жолу катары менен дүйнө чемпиону болгон жалгыз футболчу – Пеле.

[MACKA]

Интернет булактары саякаттоо үчүн эң жаман шаарлардын тизмегин тартуулады. Изилдөөлөргө ылайык, 1-орунда Индиянын Мумбай шаары турат. Туристтердин пикиринде бул эң кир шаар. 2-орунда Марокконун Марракеш шаары. 3-орунда таң калычтуу, бирок Москва. Саякаттоочулардын айтымында бул мегаполисте баалар менен көрсөтүлгөн кызматтар шайкеш келбейт. Өтө эле кымбат. 4-орунда Египет, Шарм-Эль-Шейх шаары. Бул шаар качандыр бир убакта туристтердин сүймөнчүлүгүнө ээ болгон калаа болчу, эми анда эс алуу дээрлик мүмкүн эмес. 5-орунда Пекин. Бул жерде мөмө-жемиштерди табуу өтө кыйын, жергиликтүү тамак болсо кадимки турист үчүн такыр эле жегиликтүү эмес.

[MACKA]

Американын сулуулар сынагынын жеңүүчүсү Ниа Санчес өзүнүн штатынын борборун атай алган жок. 8-июнда бул наамга ээ болгон бийкеч, кечээ радио берүүгө катышкан. Ал анын жүрүшүндө сулууга штаттын борборун атап бериңиз деген суроо узаткан. Бирок өз суроосуна өзү эле жооп берди. Анткени, Ниа Санчес бул суроого жооп кайтара албай калды. Кызыгы, Ниа бул абалдан “Мен жаңы эле айтайын деп тургам” – деп чыгып кетти.

[MACKA]

АКШнын Флорида штатында ит 16-кабаттан кулап аман калды. Жергиликтүү каналдардын биринде маалымдалгандай, Сьюзи аттуу кичинекей ити менен кожойкеси кошунасыныкына барган. Айымдар ушак-кепке берилип кеткен учурда, Сьюзи вентиляциондук шахтага кирип кетип, 1-кабатка чейин кулап кеткен. Аны шахтадан чыгарыш үчүн куткаруучуларды чакырууга туура келди. Кызыгы, иттин денесинде бир да жараат жок. Аны караган ветеринарлар да буга өтө таң калышты.

[MACKA]

Кейт Миддлтон көйнөк аркасына көз салуучу атайын адамды жалдады. Улуу Британиянын ханбийкеси атактуу актриса Мэрилин Монро сыяктуу, бир нече жолу ыйңгайсыз учуррларга туш болуп, көйнөгүнүн этеги шамалга көтөрүлүп калган эле. Эгер мындай кырдаал Голливуд жылдызы үчүн ашыкча пиар болуп, кайра кубандырса, королдор үй-бүлөсү үчүн такыр татыксыз көрүнүш. Эми Кейтти мындай учурлардан атайын аял коргоп турат. Ал ханбийкенин артынан ээрчип, көйнөгүнө көз салып турмакчы.

[MACKA]

Америкалык дарыгерлер ашыкча салмак адамдын мүнөзүн кантип өзгөртөөрүн аныкташты. Алардын айтымында, киши, жада калса, 10 пайызга семирсе, эмоционалдык жактан туруксуз болуп баштайт. Мындан тышкары, ар кандай нерселерге көз карандылык өсөт. Башкача айтканда, адамдын эрки бошойт.

[MACKA]

Боливияда дарыгерлер 6 жыл бою тынымсыз күлгөн кызды айыктырышты. Бейтап төрөлгөндөн баштап эле себепсиз күлө берчү. Кийин кыздын мээсинде шишик табылып, ал тынымсыз күлкүнүн себеби экени аныкталды. Дарыгерлер аны алып салгандан кийин кыз кадимки жашоого кайтып келди.

[MACKA]

Норвегиялык сүрөтчү өзүнүн жамбаш сөөгүнөн шорпо жасап ичти.

Учурда интернет айдыңында норвегиялык сүрөтчү Александр Сельвик Венгшель өзүнүн жамбаш сөөгүнөн шорпо жасап ичкендиги кызуу талкууга алынууда. 16-июнда чет элдик маалымат каражаттары жазгандай, 21 жаштагы сүрөтчү дарыгерлерден операция учурун сүрөткө тартууну жана жамбаш сөөгүн өзүнө берүүсүн өтүнгөн.

"Кичинекей кезимден эле жамбаш сөөгүм туура эмес өсүп, балдак менен басып, майыптар арабасында жүрдүм. 21 ге чыккандан кийин оор болсо да операция жасатып, ордуна протез салдырууну чечтим. Башында жамбаш сөөгүмдү жөн эле сактап коюу үчүн сурагам. Кийин эмне болуп кетти билбейм, сөөктү кайнатууну туура көрдүм. Мискейге салып, эт сөөктөн ажыраганча кайнаттым. Бир убакта мага "эмне, өз этимди күнүгө эле жей бермек белем, даамдап көрөйүнчү" деген ой келип, ооз тийдим. Жакты, даамы койдун этине окшош экен,"- деген.

Фото: Интернеттен алынды.
Автор: Дамира Арстанова.

[MACKA]

IPhone 6 нын сүрөтү жарыяланды. Алдын-ала маалымат боюнча, белгилүу маркадагы уюлдук телефондун дароо эки жаңы версиясы чыгат. Анын бири 4,4 дюйм экинчиси 5,5 дюймду түзөт. Кызыгы, жаңы муундагы телефондор мурдагыдан болгону көлөмү менен гана айырмаланат. Эки жаңы IPhone чоңураак, узунураак жана ичке болуп, күтүлгөндөй ал сентябрда тартууланат. Болжол менен баасы 1,5-2000 долларга жетет.

[MACKA]

Кытай: 25 жаштагы жаран футбол боюнча Дүйнөлүк Чемпионатын көрүп, уйкусуздуктан улам каза тапты.

Кытайлык 25 жаштагы футбол күйөрманы футбол боюнча Дүйнөлүк Чемпионатты көрүп, уйкусуздуктан улам каза тапты. Бул туралуу english.cri.cn маалымат булагына шилтеме берүү менен Синьхуа маалымат агенттиги билдирүү таратты. Сучжоу шаарынын 25 жаштагы тургунунун жансыз денеси ишемби күнү өз батиринен табылган. Ал телевизордун тушунда футболдун дүйнө чемпиондугун көрүп жаткан жайында каза тапкандыгы аныкталган. Дарыгерлердин божомолунда жаран уйкусуздуктан улам каза болгон болушу ыктымал. Балким жүрөгү капыстан токтоп калышы ыктымал деген божомолдор да жок эмес. Дарыгерлер футбол күйөрмандарынан өз ден соолуктарына жакшы кам көрүшүн суранышууда.

Кошумча маалымат: Бразилия менен Кытайдын убакыт аралыгы 11 саат.

[MACKA]

Японияда 80 жаштагы байбичеге тийишкендиги үчүн 85 жаштагы абышка камакка алынды. Бул тууралуу Agence France-Presse (Агенс Фрэнс-Прессе) маалымдайт. Чал-кемпир ооруканада таанышкан. Такео Нитта байбичеге тынымсыз телефон чалып, бирге убакыт өткөрүүнү суранып жүргөн. Ал эми жакында ал кемпирдин үйүнө чакыруусуз кирип келгендиги үчүн полиция тараптан кармалды. Белгилей кетсек, Японияда кары адамдар тараптан кылмыш жасоонун саны өсүүдө. Анын себеби, өлкөдө жалпы калк узак жашап, улгайган атуулдар көбөйгөдүгүндө болуп жатат.

[MACKA]

Дүйнө жүзүндөгү кызыктуу жана таң калычтуу ырым-жырымдар: Грецияда жарганаттын сөөгү дайыма чөнтөктө болсо, ийгилик коштоп жүрөт деп ишенишет. Бирок бул жаныбарларды өлтүрүү жаман ырым болуп эсептелет. Анлияда тепкичтер алдынан өтүү жана сагызганды көрүп калуу жамандык алып келет. Кытайда болсо шыпыргыдан коркушат. Алардын пикиринде шыпыргынын жаман ээси бар. Япондуктар үчтөн сүрөткө түшпөйт. Анткени ортодо турган каза болуп калышы ыктымал.

[MACKA]

ДҮЙНӨДӨ ЭМНЕ КЕП?

CМС-БИЛДИРҮҮНҮ ЫЛДАМ ЖАЗУУ БОЮНЧА ЖАҢЫ РЕКОРД:

Өткөн айда АКШнын Нью-Йорк шаарында смс-билдирүүнү ылдам жазуу боюнча мелдеш өткөрүлүп, анда мурдагы рекорд жаңыланды. Бул ирет 16 жаштагы бразилиялык өспүрүм Марсель Фернандес атаандаштарынан тездиги менен айырмаланып, Гиннестин рекорддор китебине кирди. Ал «Серрасалмус жана Пигосентрус түркүмүндөгү тиши учтуу пираньялар – дүйнө боюнча тузсуз суудагы абдан агрессивдүү балыктар. Бирок чындыгында, алар адамдарга чанда гана кол салат» деген сүйлөмдү 18,19 секундда жазууга жетишкен. Бул сүйлөм англис тилинде жалпысынан 159 символдон турат. Фернандес мелдеш учурунда сенсорлуу телефонун колдонгон. Ал эми буга чейинки рекорддук көрсөткүч 18,44 секунд болгон.

[MACKA]

МАРСКА БОЛГОН КЫЗЫГУУ БҮТӨ ЭЛЕК:<br style="color: rgb(20, 24, 35); font-family: Helvetica, Arial, 'lucida grande', tahoma, verdana, arial, sans-serif; font-size: 14.44444465637207px; line-height: 21.46666717529297px;" >Адистер 377 бактерияны иликтеп, алардын ичинен 11 пайызы жогорку температурага жана радиацияга туруштук бере алаарын байкашкан. 2012-жылы «Кьюриосити» Марска жөнөтүлгөн бактерияларды атайын процедурадан өткөргөндө, 65 түрү өлбөй жашап кеткен. Мындан улам адистер Жердеги бул бактерияларды аталган планетага жетип, жашап кетиши мүмкүн деген ишенимде. Бул тууралуу Американын микробиологиялык коомунун жыйынында айтылды. Божомол туура чыкса, келечекте таарынгандарды Таласка эмес, Марска бар деп калсак керек.

[MACKA]

Мексикада циркте жаныбарларды колдонууга тыюу салынды. Тиешелуу мыйзам долбооруна ылайык, циркте жаныбарларды көрсөтүүгө бөгөт коюлду. Бирок дельфин менен букаларды суу циркинде жана родеодо колдонууга болот. Циркте иштегендердин айтымында, муну менен бийлик жаныбарларга жардам берген жок. айрым жаныбарлар циркте өз өнөрүн тартуулап жатып, ырахат алышчу.

[MACKA]

Өз бөйрөгүн жетекчисине кайыр кылып берген кызматкерди жумуштан айдап салышты. “Рейтерс” маалымдагандай, Дебора Стивенс Нью-Йорктогу компаниялардын биринде иштечү. 2010-жылы ал, бөйрөк алмаштырууга муктаж болгон жетекчисине органын берген. Бирок операциядан кийин Стивенстин ден-соолугунда кыйынчылыктар жаралып, ал тез-тезден жумуштан суранып кетүүгө аргасыз болду. Натыйжада жетекчилик, иш өндүрүмдүүлүк төмөндөп кеткенин айтып, аялды кызматтан бошотту. Эми Стивенс жетекчисин сотко берүүдө. Ал эми компаниянын башчысы, кызматкерди боорукерлик иш-аракетин өз кызыкчылыгында пайдаланып жатканына айыптоодо.

[MACKA]

Флорида штатында механикалык унааны башкарганды билбеген кылмышкер машинени айдап кете албай койду. 21 жаштагы Фрэнк Синглтон жаңыдан эле түрмөдөн чыккан. Абактан чыгары менен, ал имараттын алдында турган Nissan үлгүсүндөгү унааны байкайт. Фрэнк анын ээсин түртүп, машиненин ачкычын тартып алат. Бирок бул унаа, ууру көнүп калган автоматтык эмес, механикалык башкарууда болчу. Андан улам, бечара кылмышкер машинени түзүлүшүн жүдөп изилдеп жатканда полициянын колуна түштү.

[MACKA]

Окумуштуулар сүйүүнүн тилин таап чыгышты. Адамдар арасында эң романтикалуу тил – бул французча деген пикир жашап келет. Бирок окумуштуулар таап чыккан сүйүүнүн тилин чет элдик сөздүктөр менен үйрөнүүнүн кажети жок. Тажрыйба таанышуулар сайттарында жүргүзүлгөн. Ага ылайык, өздөрүн “жылдыздуу”, “максаттуу” жана “ойлуу” деп сүрөттөгөн аялдар эркектерге көбүрөөк жагат. Анын ортосунда, эркектер айымдарды тартуу үчүн өздөрүн ”кумарлуу” жана “оптимисттүү” деп мүнөздөшү керек. Ал эми эки тарап үчүн бирдей жагымдуу адамдык сапат – бул “шайырдуулук”, деп жазат Daily Mail.

[MACKA]

Шотландия тургуну футбол боюнча дүйнө чемпионатына карата арак даамданган сосиска чыгарды. Джеймс Хэйг бул эт азыктарын чемпионатка катышкан ар бир мамлекеттин улуттук салтындагы тамакты элестеткен даам менен дайындады. Россиялык вариантта сосискалар арак жана чочко эти менен даамданат. Тигил же бул мамлекеттин курамасы чемпионаттан четтетилген сайын, анын улуттук сосискалары сатыктан чыгарылат.