[orhideya]

Салат " эби абагадо сарада"

Керектелуучу азыктар.

1. Ак козу карын. 25гр.(шампиньон)
2. Авакадо 20гр.
3. Салатные криветки. 20гр.
4. Икра. 5гр.

Соус. Майонез 25гр жана соевой соус 5гр (аралаштырып койсонуз эле даяр)

Жасоо ыкмасы.

Козу карынды майдараак кесип, майга кууруп, ( озунуз каалаган козу карынды кошсонуз болот) жумшак авакаданы да торт бурчтук кылып кесип алып, салатный криветки менен бириктирип , даяр болгон соус менен аралаштырасыз . Салат даяр болгон сон, авакаданын каттуу тазаланган сыртына саласыз. (Авакаданы кескенде туура кесиниздер, тен ортосунан болуп алып, ортосундагы данегин алып саласыз. Анан кадимки эле колдонуп журуучу кашык менен чукуп, ичин тазалап аласыздар. Эгер авкада каттуу болсо, сууга 5-6 мин кайнатсаныздар жумшап калат.) Салаттын устун икра, кок пияз менен кооздойсуз. Жашыл жалбырак ( лист бамбук) деп аталат.
Негизи авакаданын ичине каалаган салаттарды жасап, суротто жасаганымдай озунуздун фантазияныз менен жасасаныз деле болот.

Прикрепленные изображения

• 
• 

[orhideya]

Суротту карап эле жасай алсаныздар болот менимче.

Прикрепленные изображения

• 

[nuri.88]

Оной жана жасаганга ынгайлуу экен. Мага жакты. Балдарыма созсуз жасап берем, буйруса!

[MACKA]

"Ильмень" салаты:


Ингредиенттер:
- 1 даана - жаш малдын тили,
- 1 даана - таттуу болгар калемпири,
- 2 даана - помидор,
- 4 аш кашык - жашыл горох,
- 1 боо - укроп,
- салат жалбырагы,
- майонез.
Даярдоо жолу: Кайнатылып бышырылган малдын тилин, помидор (помидордун баш жагын кесип жылдызча жасалат), болгар калемпирин чарчы түрүндө кесип алабыз. Алгач тарелкага салат жалбырагын салып кесилген тилди, анын үстүнө болгар калемпирин, анын үстүнө жашыл горохту салып, үстүнөн майонезди куюп коёбуз. Даяр кошулмалардын үстүнө жылдызчаны коюп, укроп менен сүрөттөгүдөй кооздойбуз.

[MACKA]

Гүлдүү салат:

Кандай азыктар керек?
Кайнатылган колбаса: 250 гр.
Капуста: 200 гр.
Жумуртка: 4 даана.
Консерваланган буурчак: 150 гр.
Бадыраң: 1 даана.
Өсүмдүк майы: 1 чай кашык.
Туз.
Майонез.

Кантип жасалат?
Капустаны майда туурап, бир чай кашык өсүмдүк майы менен аралаштырасыз. Кайнатылган колбасаны узун-узун кылып туурайсыз. Жумурткаларды сууга бышырып, колбасага окшотуп туурайсыз. Бадыраңды кыргычтан өткөрөсүз же узун-узун майда кылып туурайсыз.
Эми тууралган азыктарды кабаттап тарелкага сала баштайсыз: 1-кабат – капуста, 2-кабат – колбаса, 3-кабат – консерваланган жашыл буурчак. Буурчактан кийин тегиз кылып майонез сүртүп аласыз. Жумуртканын сарысын майдалап, аны майонездин үстүнө себелейсиз.
Андан кийинки кабат – майда тууралган бадыраң, анан жука кабат майонез. Эң үстүңкү бетине кыргычтын ирик тишинен өткөрүлгөн жумуртканын агын себелеп коёсуз. Салатты өзүңүздүн табитиңизге жараша кооздой берсеңиз болот.

[MACKA]

Кызылча салаты:

Кызылча: 3 даана,Сабиз: 2 даана,
Жашыл алма: 2 даана,
Мейиз: 50 гр.
Жаңгак: 50 гр.Каймак: 100 гр.
Сыр: 100 гр.
Бал: 3 чоң кашык,

Кантип жасалат?
Кызылчаны бышырып, сыртын аарчып кыргычтын ирик тишинен өткөрөсүз. Мейизди көөп чыкканга чейин жылуу сууга чылап коёсуз. Чийки сабизди кыргычтан өткөрүп, мейизди кошосуз. Сырды кыргычтан өткөрөсүз. Жаңгакты майдалайсыз. Алманы кыргычтан өткөрүп, ага балды кошуп аралаштырасыз.
Эми салатты кабат-кабат кылып тизесиз. 1-кабат – кызылча, 2-кабат – сыр, анан балга аралашкан алма, жаңгак, андан кийин сабиз менен мейиз, анан кайра кызылча. Эң үстүнө сырдан себелеп коёсуз. Салаттын ар бир кабатына каймактан сүртөсүз. Салатты сүрөттөгүдөй кылып кооздоп койсоңуз болот.

[MACKA]

Фантазия салаты:

Кандай азыктар керек?
Тоок эти: 400 гр.
Майонез: 200 гр.
Жумуртка: 3 даана,
Шампиньон козу карыны: 300 гр.
Сыр: 200 гр.
Пияз: 1 баш,
Өсүмдүк майы: 3-4 чоң кашык.

Кантип жасалат?
Тооктун этин бышырып, муздаган соң, орточо көлөмдө чарчы кылып туурайсыз. Жумурткаларды сууга бышырып, аларды да туурайсыз.
Козу карынды жалпак кылып туурайсыз. Пиязды жарым шакекче кылып туурап, кызып турган өсүмдүк майына салып кууруйсуз. Бир аз куурулгандан кийин козу карынды салып кууруйсуз. Сырды кыргычтан өткөрүп аласыз.
Эми тууралган азыктарды тарелкага кабаттап саласыз. Ар бир кабаттын ортосуна майонезден сүртүп турасыз. Азыктар мындай тартипте салынат: Тоок эти, жумуртка, куурулган козу карын менен пияз, сыр. Салатты жумуртка жана көк пияз менен кооздойсуз.

[MACKA]

Витаминдүү салат.

Кандай азыктар керек?
Пекин капустасы: 200 гр.
Бадыраң: 3 даана,
Сабиз: 1 даана,
Консерваланган жүгөрү: ½ банка,
Салат жалбырагы,
Туз,
Өсүмдүк майы.

Кантип жасалат?
Пекин капустасын төрт бурчтук кылып туурайсыз. Бадыраңды да чарчы кылып туурайсыз. Сабизди аябай майда, чарчы кылып туурайсыз же кыргычтан өткөрөсүз. Салат жалбырагын чоң-чоң бөлүктөргө бөлөсүз. Идишке тууралган азыктарды, консерваланган жүгөрүнү салып, өсүмдүк майы менен аралаштырасыз. Татымына жараша туз кошосуз.

[MACKA]

Көктөм салаты.


Кандай азыктар керек?
Укроп: 1 боо,
Петрушка: 1 боо,
Көк пияз: 1 боо,
Каймак: 250 гр.
Горчица: 1 чай кашык,
Жумуртка: 4 даана,
Редиска: 250 гр.
Туз.

Кантип жасалат?
Редисканы жука жарым шакекче, жумуртканы сууга бышырып алып төрт бурчтук кылып туурайсыз. Укропту, петрушканы майда туурайсыз. Каймакка горчицаны аралаштырып, бул соусту тууралган азыктарга кошуп аралаштырып коёсуз. Татымына жараша туз кошосуз. Даяр болгон салатты сүрөттөгүдөй кылып кооздоп коёсуз.

[MACKA]

Брынза кошулган салат.

Кандай азыктар керек?
Брынза: 100-150 гр.
Бадыраң: 2 даана,
Салат жалбырагы,
Консерваланган жашыл оливка: 1 кичине банка,
Лимон: 1 даана,
Көк пияз: 2-3 тал,
Өсүмдүк майы: 2 чоң кашык,
Кара мурч,


Кантип жасалат?
Салат жалбырагын чоң-чоң бөлүктөргө бөлөсүз. Сыр менен бадыраңды чарчы кылып туурайсыз. Көк пиязды майда туурайсыз. Оливканын суусун төгүп салып, бөлүктөргө бөлөсүз. Лимонду экиге бөлүп, бир бөлүгүн майда туурайсыз, экинчисинин ширесин сыгып аласыз.Бул ширеге өсүмдүк майын, мурчту кошуп аралаштырып соус жасайсыз. Соусту тууралган азыктарга куюп аралаштырып коёсуз.

[Baktyluumun]

Ммммм сонунго аппетти ачып. Кол бошогондо жасап коруш керек экен.

[Muslimka_Muslimka]

Ышталган скумбрия салаты
Керектелүүчү азыктар: 1 ышталган скумбрия (400 г.), 4 жумуртка, 1 банка жашыл буурчак (400 г.), 300 гр.алма (ачкыл болсо жакшы) көк чөп,пияз, майонез. Даярдоо: Скумбрияны тазалап, кылкандарын алып салып, чоң эмес кылып кесебиз. Сууга бышкан жумуртканы орточо кыргычтан өткөрөбүз. Көк чөптү майда туурайбыз. Алманы чөн кыргычтан өткөрөбүз же майдалап кесебиз. Скумбрияны, жумуртканы, алманы, буурчакты(суусун төгүп), пиязды жакшылап аралаштырабыз. Үстүнө майонез кошобуз, кооздоп тарелкага салабыз)

[Farmka]

Пергамен кагазы кандай кагаз?

[Muslimka_Muslimka]

Алма, жаңгак кошулган салат. Керектүүлөр: 125 грамм жаш чалкан, 1 даана алма, 1 аш кашык майдаланган жаңгак, 1 чай кашык өсүмдүк майы, 1 аш кашык лимон ширеси, 1 аш кашык бал, бир чымчым туз.
Даярдоо : майды, лимон ширесин, балды, тузду аралаштырсак, соус даяр. Жаңы үзүлгөн жалбырактарды муздак сууга жууп, майда туурап, үстүнө соус куябыз. Тууралган алманы, жаңгакты кошсок, салат даяр.

[Muslimka_Muslimka]

Farmka (16 Июль 2014 - 11:17) жазган:

Пергамен кагазы кандай кагаз?

Чын айтайын интернеттен көчүрдүм , которбой эле жаза салдым

Пергамен является одним из видов бумаги, используемой для выпечки хлебобулочных и кондитерских изделий. По виду он напоминает упаковочную бумагу: плотный, гладкий

[MACKA]

Farmka (16 Июль 2014 - 11:17) жазган:

Пергамен кагазы кандай кагаз?

Пергамент кагазы.

[belka]

Сонун рецептер экен рахмат.

[MACKA]

http:/ /www.super.kg/...opic=70468& st=0 Ушул эки тема окшош эле экен...

[Feijipiao]

"Анар билерик"

Курамы:
Кызылча - 2 даана
Пияз - 1 даана
Картошка - 2 даана
Сабиз - 2 даана
Тоок эти - 200 грамм
Жумуртка - 2 даана
Анар - 1-2 даана
Жаңгак
Майонез
Туз
Мурч

Жасалуу жолу:
Кызылчаны, сабизди, картошканы, жумуртканы сууга бышырып, майдалап туурайбыз да, өз-өзүнчө идишке сала турабыз.
Тоок этин бышырып, майдалап туурайбыз.
Пиязды майда туурап, кууруп алабыз.
Салаттын түзүлүшү билерикке окшош болуш үчүн тарелканын ортосуна стаканды көмөрүп, анын айланасына даярдалган азыктарды кабаттап тизе баштайбыз. Кабаттардын арасына каалооңуз боюнча туз менен мучтан себелеп койсоңуз болот. Кабаттар төмөнкү тартип боюнча тизилет:
1-кабат - картошка, майонез
2-кабат - кызылчанын жарымы, майонез
3-кабат - сабиз, майонез
4-кабат - чагылып, майдаланган жаңгак
5-кабат - тоок этинин жарымы, майонез
6-кабат - куурулган пияз
7-кабат - жумуртка, майонез
8-кабат - тоок этинин калганы, майонез
9-кабат - кызылчанын калганы.
Андан соң стаканды сууруп алып, үстүнөн тегиз кылып майонезди жаап чыгабыз. Анан майонездин үстүнө анарларды жармаштырып чыгабыз.

[Feijipiao]

"Ананас"

Курамы:
Картошка - 2-3 даана
Окорочка - 1 даана (300-400 грамм)
Чагылган жаңгак - 150 грамм
Жумуртка - 3 даана
Сыр - 100 грамм
Туздалган бадыраң - 4-6 даана
Пияз - 0,5 даана
Көк пияз
Майонез
Туз
Мурч

Жасалуу жолу:
Картошканы таза жууп, сууга бышырып, муздаган соң кабыгын аарчып, кыргыч (тёрка) менен кырабыз.
Жумуртканы да сууга бышырып, муздаган соң аны да кыргыч менен кырабыз.
Окорочканы бышырып, майда кылып туурайбыз.
Сырды кыргыч менен кырабыз.
Туздалган бадыраңды чарчы түрүндө майда кылып туурайбыз.
Пиязды да майдалап туурайбыз.
Даяр болгон азыктарды сүйрү кылып, башкача айтканда, ананастын формасына окшоштуруп кабат-кабат кылып тизебиз. Ар бир кабаттан соң аз-аздан чымчып туз менен мурчтан себелеп, аздан майонез сүйкөп турабыз. Кабаттар төмөнкүдөй тартипте тизилет:
1-кабат - картошка
2-кабат - пияз
3-кабат - тоок этинин жарымы
4-кабат - бадыраң
5-кабат - тоок этинин калганы
6-кабат - сыр
7-кабат - жумуртка
Салаттын эң үстүнкү кабатына майонезден көбүрөөк сүйкөп, жаңгак менен кооздоп чыгабыз. Ал эми көк пиязды ананастын сабагына окшотуп сайып коёбуз