[Nurmuxammet]

daring (13 Июль 2014 - 03:00) жазган:

Анык террор ушул дуйнону башкарган 5 державада. Алардын эң жестокийлери Америка. Россия. Франция. Анан Кытай

Ушулар тууралу бир анегдот уктум эле. 0
"россия вышла из состава большой восмерки, осталось сша и ее шестерки"

[Aristokrat-unname]

США-канга сугарылган дарак сыяктуу...

Дегеним,баарынар билесинер ,согуш бул бизнестин уландысы,туру, но выполняються по другими способами)). ..,Оа,так ушундай!! !


20триллион$ карзы бар АКШ,согуш менен жашап келет,согуш анын «тиричилиги», т.а акча табат согуш менен,милиарддаган $га заказдарды алат,бул тема тугонбогон тема,многовектордуу тема...

[Vazir]

Америкада орун алмашуудан сума озгорбойт абдан туура анткени Мамлекети Президент башкарбайт, Ал жон эле Марионетка.
Тарых кубоо 30- Президент Кенеди, оз алдынча Масондорго баш ийбегени учун ок го учкан.

[Aygul]

Алардын саясаты ошондой да. Согуш болуп турса аларга пайдалуу. Согушболбой калса бирин-бирин кайчылаштырып, жада калса бир мамлекеттин эли менен бийликти уруштуруп жатпайбы? Пентагон башкарат, президенти пешкадай эле.

[Daud]

Негизи АКШ да эле эмес, азыр дүйнөнүн көпчүлук мамлекеттеринде "орун алмашуудан сумма өзгөрбөйт" деген эреже иштеп жатат. Анткени президенттин бийлиген да күчтүү бийлик бар. Эл башкарам, дүйнөнү өзгөртөм дегендер президенттик бийлик үчүн эмес, ошол жогору жактагы бийлик үчүн күчтөрүн жумшоолору керек.

[Ala-Tooluk.Jigit]

11-сентябрда, Джож Буш «Кресттүүлөр согушун» жарыя кылууну айткан биринчи мүнөттөрдөн эле, анын жүзүндөгү чүмбөт түшүп кетти. Буга улай Америка мусулмандарга "террорист" деген масканы ойлоп тапты. Бул шылтоо менен Афганистандагы, Ирактагы, Бирмадагы, Сириядагы, Мисрдеги, Ортонку Африкадагы, эми болсо Палестин мусулмандары өлтүрүлүп, кыргын болуп жатат. Муну менен дүйнөдө жашап жаткан бардык түзүмдөрдүн жүздөрүндөгү чүмбөттөрү да түшүп кетти. Афганистанда, Жакынкы Чыгышта өз үммөтүнүн перзенттеринин каны төгүлүп жатканын көрүп туруп, жетекчилердин кирпиги ирмелип да койбоду. Тигил акимдердин саткындыгы о.э. Аллага, Расулуна жана момундарга кылып жаткан кыянатчылыктары ачылып калды. Бийлик күрсүлөрүнө орношуп алган акимдердин кордукту, ар-намысты, уятты сезбей тургандыктары маалым болуп калды. Алар өз Үммөтүнө жеткизген кордук-зардыктан таптакыр уялышпайт. О.э. алардын өз күрсүлөрүн сактап калуу жолунда ар кандай нерсеге даяр экендиктери да даана көзгө көрүнүп турат.

[Ala-Tooluk.Jigit]

11-сентябрь жана Иракка өз билемдик менен кирип барышы, Американын жүзүндөгү чүмбөтүн ачып, анын чыныгы кебете-кешпири ачылып калды. Муну менен, Америка созолонтуп ырдап жүргөн демократиянын - ыплас түзүм экендиги ашкере болуп калды. Ал ар дайым бүткүл дүйнө алдында демократиянын падышасы экендиги менен сыймыктанып келер эле. Америкача жаңы демократияда - кылмыш кылууда шектүү саналган адам, айыбы далилденмейинче - ?????күнөөсүз эсептелбейт. Ал эми шектүү саналган адам мусулман киши болсо, ал албетте айыптуу эсептелет

[Ala-Tooluk.Jigit]

Ирак майданындагы саясий жараяндар!

Маалымат агенттиктери акыркы күндөрдө Америка самолёттору Ирак түндүгүндө ИШИМ (Ирак жана Шам Ислам Мамлекети) уюмунун кээ бир объектилерине абадан чабуулдарды ишке ашырганы жөнүндө кабар таркатты… Обама жана кээ бир америкалык жооптуулар: «бул иш инсаний үндөөлөрүнө ылайык жана массалык кыргын жүз беришинен тынчсызданып ишке ашырды» деген сөздөрү пайда болду. Акыйкатта болсо, Сирияда мындан да катуураак жана ырайымсызыраак кыргындар болду, бирок, Америка аралашпады. Ал тургай, Ирактын өзүндө да Анбар жана Фаллужа кыргындары болду, ошондо да Америка аралашпады. Бул болсо, төмөкүнү түшүндүрөт: инсаний үндөөлөрү жана ушул сыяктуу дабаалар Америка самолётторунун Ирак түндүгүндө чабуулдарды ишке ашырышын актоочу себеп эмес. Муну, окуяларды күзөтүүдөн түшүнүп алууга болот…

[Ala-Tooluk.Jigit]

Американын иштерин жана аралашууларын күзөтүп турган адам, инсаний үндөөлөр, боорукердик, Америкадан өтө эле алыста экендигин көрөт. Муну Американын Ирак жана Афганистанда кылган кылмыштары айтып турат… О.э Абу Гурейб жана Гуантанамо камактарындагы кыйноолор айтып турат… Муну Американын Мьянма менен болгон алакалары айтып турат. Мьянмадагы мусулмандарга каршы ишке ашырылган ушунча кыргындар, кырсыктар жана массалык кыргындарга карабастан, Америка Мьянма өкмөтүнө зыян жеткире турган чара бул жакта турсун, бул өкмөттүн тынчын ала турган билдирүү да жасабады. Тескерисинче, Америка Мьянма менен экономикалык алакаларын ого бетер күчөттү. Американын бул жааттагы кылмыштарын эсептеп чыгуу үчүн том-том китептер керектелет.

[Ala-Tooluk.Jigit]

Америка Иракты 2003-жылы басып алгандан бери Иракты бөлүнүп кетүүгө даярдоодо. Ушундай максатта тайпачылык, мазхабчылык негизинде иштеп чыккан конституция, тайпалар жана мазхабдарга үлүштөрдү бере турган болду… Бул үлүштөр республика президентине, парламент төрагасына жана премьер-министрге бөлүндү. Премьер-министр аткаруу бийлигине ээ болгондуктан жана Бреммер (Ирак коалициясынын жетекчиси 2003)аны мазхабчылык негизиндеги мансап кылып койгондуктан, премьер-министрлик мансабы башка катмарларга караганда карасанатай жана фитна козгоочу мансап болду… Абал ушунчалык даражага чейин жетип барды дейсиӊ, натыйжада Ирак чындыгында эле түндүк чыгыштагы күрттөргө, батыш жана түндүктөгү суннийлерге жана түштүктөгү шиаларга бөлүнүп калды. Багдад болсо ушул бөлүнүүлөр ортосунда болуп турат…

[Ala-Tooluk.Jigit]

Ирак конституция долбоорунун өзү региондордон турган федералдык башкаруу болушун жана региондордун ыйгарым-укуктары күчтүү болушун айтып турат. Демек, Америка Иракты үч регионго бөлүп таштоо үчүн шарттарды даярдоого жетишти. Ар бир регион өз проблемаларын өзү чечип гана калбастан, балким чатакташкан башка регионго чыгып отурбастан өзүнүн ичинде да өз ара жаӊжалдаша турган болот. Америка мына ушундай жолду карманды. Америка 2011-жылы Ирактан аскерий күчтөрүн алып чыгып кеткенден кийин Иракта тартипти сактап тура турган коопсуздук келишимин даярдаган болсо да, бирок, коопсуздукту Иракты бөлүп таштоону камсыздоо мазмунунда, өзү түшүнө турган көрүнүштө белгиледи. Мына ошол келишим боюнча региондорду борбор менен бир алсыз байламта байланыштырып тура турган болду. Америка бул келишимди келечекте, эгерде колунан келсе, Иракты бүтүндөй бөлүп таштоо жолунда ташталган кадамдар катары иштеп чыкты. Демек, Америка коопсуздукту мына ушундай түшүнөт т.а. регион катмарларынын өзүнө-өзү карасанатайлык кылышы гана эмес, балким бир региондун башкасына карасанатайлык кылышы деп түшүнөт...

[Ala-Tooluk.Jigit]

Иракта суннийлердин проблемалары өздөрүнүн региону алкагында гана калса, же күрттөрдүн проблемалары өздөрүнүн региону алкагында гана калса, же шиалардын проблемалары өздөрүнүн региону алкагында калса, Багдад болсо үч регионго карай кеткен жана үчөөнү алсыз байламта менен байланыштырып туруучу жол болуп кала берсе, анда бул жерде коопсуздукка зыян жетти деген нерсе болбойт. Арийне, Американын аралашуусуна шылтоо калбайт… Ушуга ылайык, эгерде бир регион башкасына кол салса, анда муну Америка коопсуздукка зыян жетүү деп билет да, ошол коопсуздук келишимин шылтоо кылып дароо аралашат. О.э. эгерде бирер регион борбор Багдадга кол салса Америка муну да коопсуздукка зыян жетиши деп эсептейт да дароо аралашат… Америка Ирак менен түзүлгөн коопсуздук келишими боюнча жалаӊ күрттөр үчүн өз алдынча бир регион болгон кезде да ушундай кылды… Мына ошондон кийин Америка акыркы жылдарда калган региондорду: суннийлер жана шиалар регионун иш жүзүндө даярдай баштады…

[Ala-Tooluk.Jigit]

Америка куурчагы болгон Малики, мазхабчылык фитнасы артында өзгөчө иш алып барды. Ал башкаларга карасанатайлык кылып алардын каарын козгоду. Натыйжада региондорго бөлүп таштоо үчүн шарт пайда болду. Малики бул ролду ийгиликтүү аткарды. Анткени, Малики суннийлер менен күрттөр ортосуна душмандык уругун септи. Натыйжада, Ирактын бөлүнүп кетиши көптөгөн адамдардын талабына айланып калды. Ал бул душмандыкты пайда кылууга жана региондорго бөлүнүп кетүү үчүн чөйрө даярдоого жетишти. Ушул жийиркеничтүү милдетти ишке ашырышы үчүн Америка Маликини премьер-министр кылып койгон эле. Америка өз каалоосуна жетишти. Анткени, Малики Ирактагы адамдар ортосунда душмандык чөйрөсүн даярдоого жетишти жана анын ролу аяктады. Ошондуктан, бир аз оор басырык өкмөткө муктаждык пайда болду. Бул өкмөт душмандык чөйрөдөн пайдаланып, региондор же аймактардын ишин, аларды өз жерлеринде иш жүргүзө турган кылып коё турган көрүнүштө тартипке салат. Бул аймактар борбор менен федерация деп аталып жаткан бир мамлекет сымал нерседе алсыз байламта болуп калмакчы. Малики Америкага жана анын кызыкчылыктарына ушунча кызмат кылгандан кийин о.э. Иран жана анын талаптарына ушунча кызмат кылгандан кийин айдалып кетишин күтпөгөн эле. Ошондуктан, ал ызасынан күйүп-жанып ачууланды… Эгерде ал акылдуу болгондо, анда ал үчүн, булар күтүлбөгөн иш болбойт эле. Анткени, малайлар өз ролун толук аткарып болгондон кийин алар жолдун четине ыргытылат. Кээ бирлерин кожоюндары ташсыз жолго ыргытып аларга «сый-урмат» көрсөтүшсө, кээ бирлерин таштары оркоюп чыгып турган жана денелеринин тамтыгын чыгара турган таштак жолго ыргытышат…!

[Ala-Tooluk.Jigit]

Америка Иракта, суннийлер регионунда уруулар, ИШИМ, баасчылар жана накшбандийлер ортосунда жүз берген кандуу окуяларды коопсуздукка зыян жетүү деп эсептебеди. Ырасында бул кыргындар жаӊжал жана өз ара согуштар бир региондун ичинде жүз берсе, Америка аларды коопсуздукка зыян жетти деп эсептебейт. Америка ИШИМдин 2014-жыл, 10-июнда Мосулга чейин, же Тикритке чейин, жетип келишин, массалык кыргынды көрбөдү… Анткени, бул өз ара согуштар бир региондо болду… Бирок, Америка ИШИМдин жана башка сунний жамааттардын Багдадга жакындашып калганын жана ага болгон коркунучун, коопсуздукка зыян жетүү деп эсептеди. Ошондуктан, ал Багдаддагы элчиканасына коопсуздук боюнча эксперттерди жиберди. Муну Псаки 2014-жыл 16-июнь күнү айтты. Багдаддагы Америка элчиканасы фитналар уясы катары дүйнөдөгү эң чоӊ элчикана болуп эсептелет. Бул фитналар «ашканасында» адамзатка карасанатайлык кылуу үчүн ыплас ыкмалар жана булганыч каражаттар «бышырылат». Пентагондун расмий сүйлөөчүсү адмирал Жон Кирби Ирак борбору Багдаддагы Америка элчиканасы, анын инфраструктуралары жана Багдад эл аралык аэропортунун коопсуздугун жакшылап камсыздоо үчүн 200гө жакын аскер Иракка келгендигин о.э. кошумча 100 аскер «коопсуздук жана камсыздоо жардамын көрсөтүү үчүн» Багдадга жолго чыгышы тууралуу чечим кабыл алынгандыгын айтты… Булардын бардыгы мына ошол уюмдардын Багдадга жетип келишине бөгөт коюу үчүн кылынган коркутуучу ишаралар болду. Ошондуктан, бул уюмдар артка чегинип, Багдадга каршы чабуулдар токтоду… Акыйкатта болсо, Малики жана анын күчтөрү ушундай бир алсыз абалда эле дейсиӊ, мына ошол уюмдардын Багдадга жетип келип максаттарына жетишүүсү өтө эле оӊой болуп калган болчу. Бирок, бул уюмдар Американын коркутуучу ишараларын олуттуу кабыл алышып, артка чегиништи…!

[Ala-Tooluk.Jigit]

Ирактагы жүз берген окуялар, Американын назарында адамдык укуктарды бузуу, массалык кыргындан тынчсыздануу жана «кызыл сызыктардан» өтүп кетүүчү коопсуздукка зыян жетүү болуп эсептелет… Бирок, Америка ишке ашырып жаткан кыргындар, ал дарыя кылып агызып жаткан кандар, адамзат, бак-дарак жана тоо-таштарды кыйроого учуратышы – Америка кызыкчылыктарын жүзөгө чыгарып жаткан соӊ о.э. анын жийиркеничтүү пландарын ишке ашырып жаткан соӊ – бул кызыл сызыкка кирбейт…

[Ala-Tooluk.Jigit]

ИШИМдин суннийлер регионуна кол салышы жана Курдистан регионуна коркунуч туудура турган көрүнүштө жакындашып келгени Американын назарында коопсуздукка зыян жетүү, адам укуктарын бузуу жана массалык кыргын болду. Муну Обама «Нью-Йорк таймска» 2014-жыл, 9-августта болгон маекте айтты. Обама: «Каршыӊда массалык кыргын жүз бериши жана биздин ал жерде бар болуп турушубузду каалабай турган кандайдыр бир мамлекет пайда боло турган болсо, биз коопсуздукту сакташыбыз зарыл болуп калат», – деди. Обама муну Сирияда катуу жана ырайымсыз кыргындар жүз берип жаткан бир мезгилде айтууда… Ошого карабастан, Обама Сириядагы бул кыргындарга тынчсызданбай жатат, аларды массалык кыргындар деп эсептебей жатат! Ошондуктан, Обама Сирия тогутунун кыргындарына каршы аралашпады… Бирок, ал Ирак түндүгүндө коркунуч Курдистан регионуна жакындап калганы үчүн дароо аралашты. Ошондуктан, анын 2014-жыл, 8-августтагы кайрылуусу аралашуу жөнүндө болду, анын орунбасары Байден болсо Барзоний менен байланышып ага Америка аны колдоп-кубаттай тургандыгын билдирди. Мына ошондон кийин 2014-жыл, 9-август күнүнөн баштап Америка чабуулдары ишке ашты…

[Ala-Tooluk.Jigit]

Американын Иракка аралашуусунун негизги себеби, ИШИМ тарабынан Курдистан регионуна каршы ар кандай чабуулдары болду. Демек, Америка Ирактын кандай гана формада болбосун бир бүтүн мамлекет болушун каалабайт. Тескерисинче, Америка Ирактын региондорго бөлүнгөн абалда кала беришин каалайт. Бул бөлүнүү акыры Америка пландары боюнча мыйзамдуу бөлүнүүгө алып барат. 
Чыныгы себеп мына ушундай. Мында эч кандай инсаний үндөө же массалык кыргындан тынчсыздануу деген нерсе жок… Анткени, Америка башчылыгындагы капиталисттик мамлекеттер инсаний же ахлакий факторго кыпындай да маани бербейт. Тескерисинче, бул мамлекеттер назарында негизги маселе, эгинзарлар тебеленип жана урук-тукум кырылып кетсе да өздөрүнүн фитналарын күчөтүү жана жийиркеничтүү пландарын үгүттөө болуп эсептелет… Колонизатор кафирлердин чыныгы кебетеси мына ушундай, алар момун туурасында убадага да, милдетке да бапаа кылышпайт. Тескерисинче, алардын колу кайда барса канга малынат. Бул колдор алардын зыянына күбөлүк берет. Алардын кылмыштарынан алардын өзүнө кыйроо болсун!

[Ala-Tooluk.Jigit]

Американын Афганистанга жана анын айланасына аскерлерин алып кирип, ал жерлерде аскердик база жана аэропортторду курду. Американын мындан көздөгөн максаты Каспий деңизи менен Орто Азиянын нефтисин алуу, о.э. Афганистан аркылуу Тынч океанга өтүлө турган жолду кармап туруу. Буга кошумча түстө, Булуң жана орто Азия регионунда стратегиялык позицияларды кармап туруу эле.

[Ala-Tooluk.Jigit]

«Палестина иштери» журналынын 1981-жылдын март айында 112-саны басып чыккан «нефт булактарына, Американын аскердик аралашуусу» жаатында доктор Питер Тизжердин изилдөөсүндө мындай делген: Американын аскердик булактары: «Эгер биздин чет элдик нефтке болгон муктаждыгыбыз артып кетсе, же тышкы саясат жана эл аралык таасирде өкүмдарлыгыбызга зыян жетсе, анда, Ортоңку Чыгышка чабуул уюштурулат.

[Ala-Tooluk.Jigit]

1990-жылдын март айында «Ал-Хаят» журналы «Американын улуттук коопсуздук токтому» темасы астында, төмөндөгү сөздөр келген: «Аймактык мамлекеттердин кээ бири менен энергия булактарына жана күчтүү Америка мамилелерине негиз болуп калыптана турган Ортоңку чыгыштагы Американын турмуштук кызыкчылыктары себептүү, ал жерлерде Америка ар дайым орношуп турууга, региондо жеңүүчү абалда турууга укуктуу болот». Деги Америка мындай укуктарды кайдан алган?