[Muslimka_Muslimka]

Анас бин Малик (разияллооху анху) дан риваят: «Бир киши Пайгамбар (саллаллооху алайхи ва саллам) дан «Кыямат качан болот? Оо, Аллахтын элчиси!» - деп сурады. Пайгамбар (саллаллооху алайхи ва саллам) жооп берди: «Сен ага эмне даярдык көрдүң?». Ал айтты: «Кыяматка көп деле (нафил) намаз окуп даярдыгым жок, көп деле (нафил) орозо туткан жокмун, көп садака берген да жокмун бирок Аллахты жана Анын элчисин сүйөм. Пайгамбар (саллаллооху алайхи ва саллам) айтты: «Сен Кыямат күнү (бул дүйнөдө) кимди сүйсөң ошону менен бирге болосуң». (Бухари).

[Muslimka_Muslimka]

Анас (андан Аллах ыраазы болсун) Аллахтын Элчисинин (ага Аллахтын салаваттары жана саламдары болсун) мындай дегенин кабарлайт:
“Ырыскысынын көп жана өмүрүнүн узун болушун каалаган адам өзүнүн туугандары менен мамилесин чыңдасын! ”
(ал-Бухари; Муслим).

[Muslimka_Muslimka]

Абдуллах бин ‘Утба бин Мас’уддун (андан Аллах ыраазы болсун) мындай дегени кабардалат:
“Мен Умар бин ал-Хаттабдын (андан Аллах ыраазы болсун) мындай дегенин укканмын:
“Чындыгында, Аллахтын Элчисинин (ага Аллахтын салаваттары жана саламдары болсун) тирүү кезинде адамдардан (түшкөн) аяттардын негизинде сурак кылынчу, бирок, эми аяттардын түшүүсү токтоду. Эми биз (халиф жана казы катары) силердин жасаган ишиңерге карап силерден сурак кылабыз. Ким биздин алдыбызда өзүнүн жакшы жагынан көрсөтөт, биз алардын дилинде эмне жашырынып жатканына тийбестен аларга ишенебиз жана өзүбүзгө жакындатабыз, анткени алардан сурак алуучу - бир гана Аллах! Ал эми кимдер биздин алдыбызда өздөрүн жаман жагынан көрсөтүшсө, биз аларга ишенбейбиз жана ишенимдүү (адам) деп эсептебейбиз, ал тургай алар “(дилибизде) эч кандай жамандык тууралуу ой да жок” деп тастыктап жатышса да!”.
(ал-Бухари).

[Muslimka_Muslimka]

Абу Хурайранын (андан Аллах ыраазы болсун) мындай дегени кабардалат:
“Аллахтын Элчиси (ага Аллахтын саламдары жана салаваттары болсун) мындай деген: “Күн баткан жагынан чыкканга чейин (үлгүрүп) тооба кылып калган адамдын тобосун Аллах кабыл кылат” (Муслим).

[Muslimka_Muslimka]

Ибн Мас’уд (андан Аллах ыраазы болсун) Аллахтын Элчисинин (ага Аллахтын салаваттары жана саламдары болсун) мындай дегенин кабарлайт:

“Мусулманды тилдөө - бузукулук, ал эми аны менен согушуу - каапырлык! ” (ал-Бухари; Муслим).

[Muslimka_Muslimka]

Абу Зарр ал-Гифари (андан Аллах ыраазы болсун) Аллахтын Элчиси (ага Аллахтын салаваттары жана саламдары болсун) Кудуреттүү жана Улуу Эгесинин сөзүн мындайча айтып бергенин кабарлайт:
- “О, Менин кулдарым, чындыгында, Мен Өзүмө адилетсиздикти тыюу салып, силерге да аны арам кылгам, ошондуктан бири-бириңерге зулумдук кылбагыла! О Менин кулдарым, Мен Туура Жолду көрсөткөндөрдөн башкаларыңардын баарыңар адашуудасыңар, ошондуктан Туура Жолго салууну Менден гана тилегиле, анткени, (силерди) Туура Жолго салуучу (бир гана) Менмин! О Менин кулдарым, Мен тойгузгандан башкаларыңардын баарыңар ачкасыңар, ошондуктан тойгузууну Менден гана сурангыла, анткени силерди тойгузуучу (бир гана) Менмин! О, Менин кулдарым, Мен кийиндиргенден башкаларыңардын баарыңар жылаңачсыңар, ошондуктан кийиндирүүнү Менден гана сурангыла, анткени, кийиндирүүчү (бир гана) Менмин! О Менин кулдарым, силер түнү-күнү күнөө кыласыңар, күнөөңөрдүн кечирилишин Менден гана сурангыла, анткени күнөөлөрдү кечирүүчү (бир гана) Менмин! О Менин кулдарым, чындыгында, силер Мага эч качан эч кандай зыян дагы, пайда дагы келтире албайсыңар! О, Менин кулдарым, эгерде алгачкы жана акыркы адамдар менен жиндердин баары силердин араңардагы эң такыба адамдын жүрөгүндөй такыба болсо да, Менин Өкүмдарлыгыма эч нерсе кошо албайсыңар! О Менин кулдарым, эгерде алгачкы жана акыркы адамдар менен жиндердин баары силердин араңардагы бузукунун жүрөгүндөй бузуку болсо да, Менин Өкүмдарлыгымды эч кандай алсырата албайсыңар! О Менин кулдарым, эгерде алгачкы жана акыркы адамдар менен жиндердин баары биригип келишип, Менден (каалагандарын) суранышса, Мен алардын сурагандарынын баарын берсем, (ошондо да) Мендеги нерсени ийнени деңизге малып алганчалык да азайта албайт! О Менин кулдарым, чындыгында, бул - Мен санаган нерселер силердин амалыңар, кийин Мен ал амалдар үчүн силерге кайтарым беремин, ошондо ким жакшылыкка жеткен болсо, ал Аллахты мактасын, а ким (азаптуу) башка нерсеге ээ болсо өзүнөн башка эч кимге таарынбасын! ” (Муслим).

[Muslimka_Muslimka]

Абу Хурайра (андан Аллах ыраазы болсун) Аллахтын Элчисинин (ага Аллахтын салаваттары жана саламдары болсун) мындай дегенин кабарлайт:
“Бизге курал көтөргөндөр - бизден эмес жана бизди алдагандар да - бизден эмес!” (Муслим).

[Muslimka_Muslimka]

Абу Хурайра (андан Аллах ыраазы болсун) Аллахтын Элчисинин (ага Аллахтын салаваттары жана саламдары болсун) мындай дегенин кабарлайт:
“Ар бир мусулман (адам) үчүн башка мусулман адамдын өмүрү, абийири жана мал-мүлкү кол тийгис (болуп саналат)!” (Муслим).

[Muslimka_Muslimka]

Абу Хумайд розияллоху ьанхунун аялы Умму Хумайд розияллоху ьанхудан риваят: " Ал Пайгамбарыбыз ьалайхи саллаллооху ва салламга келди да: " Эй, Алланын элчиси! Албетте, мен сиз менен ( мечиттеги жамаат менен) бирге намаз окууну каалаймын" - деди. Пайгамбарыбыз ьалайхи саллаллооху ва саллам: " Мени менен бирге намаз окууну кааларыңды мен билемин ( Бирок, ал каалооңду аткарбаганын жакшыраак). Анткени, үйүңдүн ички бөлмөсүндө сенин намаз окууң, сырткы бөлмөдө намаз окууңдан жакшыраак. Үйүңдүн сырткы бөлмөсүндө намаз окууң, үйүңдүн коргонунда намаз окууңдан жакшыраак. Коргонунда намаз окууң, өз коомуңдун мечитинде намаз окууңдан жакшыраак. Коомуңдун мечитинде намаз окууң, менин мечитимде намаз окууңдан жакшыраак " - деди. Риваят кылуучу айтат: " Пайгамбарыбыз ьалайхи саллаллооху ва салламдын бул сөзүн Умму Хумайд розияллоху ьанху уккандан кийин, үйүнүн ички бөлмөсүндөгү эң төркү бурчунан намаз окууга өзүнө жай даярдады. Кийин ал Аллах Таала менен жолукканга чейин ( б.а. өлгөнгө чейин) ошол жерде намаз окуп жүрдү". (Ахмад)

[azamat1992kg]

Мен бир кыстырма жаза кетейин.

Хадистер күчү боюнча төмөнкүдөй бөлүнөт:

• Кудси (ыйык) хадистер - мааниси Аллах Тааланыкы жана сөздөрүн пайгамбарыбыз айткан хадистер. Бирок Куран формасы боюнча да, мааниси боюнча да Аллахтан келген, ал эми кудси хадистер - мааниси боюнча Аллахтан түшүрүлгөн, ал эми формасы боюнча Мухаммед Пайгамбардан (Ага тынчтык болсун) айтылган сөздөр. Ошондой эле Куран окуу - Аллахка сыйынуу (намазда сүрөөлөрдү жана аяттарды окуу), ал эми кудси хадистерди намазда окууга тыю салынат (дуба кылганда гана окууга болот).
• Мутаватир хадис - бул көп сандаган айтуучулар айткан хадистер, мындай болгондо бурмалоо максатында келишимге келип алып айтуу толугу менен жокко чыгат.
• Ахад хадистер - хадисти биринен-бирине айткан айтуучулардын саны көп болбойт. Бул туура айтылган (сахих) хадистер.

[Muslimka_Muslimka]

Али (розияллоху ьанху) дан риваят: " Бир жолу ал Пайгамбарыбыз (ьалайхи саллаллооху ва саллам) дын жанында турган болчу. Пайгамбарыбыз (ьалайхи саллаллооху ва саллам): " Аялдар учун кайсыл нерсе жакшыраак?" - деп сурады. Сахабалар унчугушкан жок. Али (розияллоху ьанху) айтат: " Мен үйгө кайтып барганымда Фатима (розияллоху ьанху) дан: " Кайсыл нерсе аялдар үчүн жакшыраак?" - деп сурадым. Фатима (розияллоху ьанху): " Аялдар эркектерди карабасын жана өздөрү да эркектерге көрүнбөсүн! " - деди. Мен Фатима )розияллоху ьанху) нун бул жообун Пайгамбарыбыз (ьалайхи саллаллооху ва саллам) га айтып бердим. Ошондо, Пайгамбарыбыз (ьалайхи саллаллооху ва саллам): " Фатима менин боорумдун бир бөлүгү ( ошондуктан, ал түшүнгөн) - деди"

[Muslimka_Muslimka]

Муьавия бин Хайда (розияллоху ьанху) риваят кылып айтат: " Пайгамбарыбыз (ьалайхи саллаллооху ва саллам) айтты: Үч түрдүү адамдардын көздөрү тозокту көрбөйт:
1) Алланын жолунда сакчылык кылган көз.
2) Алладан корккондугунан ыйлаган көз.
3) Алланын арам кылган нерселерин көрүүдөн баш тарткан көз".
( Табарони)

[Muslimka_Muslimka]

Абу Хурайра (розияллоху ьанху) риваят кылып айтат: " Пайгамбарыбыз (ьалайхи саллаллооху ва саллам) айтты: " Тозокулардын эки тобун мен көргөн жокмун ( анткени, алар азыркы учурда жок кийинчерээк пайда болушат). Ошол эки топтун бирөөсүндө өгүздүн куйругу сымал камчылары болот. Алар ал камчылар менен адамдарды (зулум кылып) урушат. Ал эми экинчи топто болсо, кийимдерди кийип алышкан (бирок, кийимдеринин жукалыгынан) жылаңач (сыяктуу) аялдар болушат. Алар башкалардын көңүлдөрүн өздөрүнө тартышат. Алардын баштары өтө чоң тоолордун өркөчтөрүндөй ийилип турат. Мындай аялдар бейишке да кирбейт жана анын жытын да жытташпайт. Албетте, бейиштин жыпар жыты ушунчалык алыс жерден да келип турат". (Муслим)

[Muslimka_Muslimka]

Хасан Басрии (розияллоху ьанху) дан мурсалан (хадистин түрү) риваят: Ал айтат: " Мага мындайча хадис жетти: Пайгамбарыбыз (ьалайхи саллаллооху ва саллам) айтты: " Кароочу адамга да, каралган адамга да Алланын каргышы (лаанаты) болсун!" . (Байхаки)

[Muslimka_Muslimka]

Ибн Умар (розиялло ьанху) риваят кылат: Пайгамбарыбыз (ьалайхи саллаллооху ва саллам) айтты: “Аял заты деген жашыра турган нерсе. Ал үйүнөн чыккан кезде, шайтан аны (башкаларга) кооз кылып көрсөтөт. Албетте, аял заты өз үйүндө Аллах Таалага (рахматына) өтө жакын болот.” (Табарани)

[Muslimka_Muslimka]

Муьаз (розияллоху ьанху) дан риваят: Пайгамбарыбыз (ьалайхи саллаллооху ва саллам) айтты: " Аллах Таалага жана Кыямат күнүнө ишенген аял, күйөөсүнөн уруксатысыз анын үйүнө эч кимди киргизсе болбойт (дурус эмес). Ошондой эле, күйөөсүнүн каалоосуна каршы үйдөн да чыкпайт жана ал тууралуу эч кимге баш да ийбейт". (Табарани)

[Muslimka_Muslimka]

Абу Муса Ашьари (розияллоху ьанху) дан риваят: Пайгамбарыбыз (ьалайхи саллаллооху ва саллам) айтты: " Кайсы аял атыр себинип алып, анын жытын эркектерге жыттатуу үчүн алардын жанынан өтсө, анда ал аял зинакер болот. (аны көргөн) Ар бир көз зинакер болот". (Насаи)

[Muslimka_Muslimka]

Айша (розияллоху ьанху) риваят кылып айтат: " Бир жолу Пайгамбарыбыз (ьалайхи саллаллооху ва саллам) мечитте отурса, Музийна уруусунан бир аял чырайлуу кийимин кийип алып, кекирейип басып мечитке кирди. Ошондо Пайгамбарыбыз (ьалайхи саллаллооху ва саллам): " Эй, адамдар! Өз аялдарыңарды чырайлуу көйнөктөрүн кийип, кекирейип басып мечитке кирүүсүнөн тозгула! Анткени, Бани Исраил коомунун аялдары чырайлуу көйнөктөрүн кийишип, мечиттерде кекирейип басышкандыктан гана Аллах Тааланын лаанатына калышкан" . (Ибн Маажа)

[Muslimka_Muslimka]

“Силерге асмандагы мээримдүү болуу үчүн ким жерде болсо ага мээримдүү болгула”
Тирмизи, Бирр, 16

[Muslimka_Muslimka]

Кимде-ким диндеш бир тууганын күнөөсү (бирок ага тообо кылган болсо) себептүү айыптаган болсо, ал дагы ошол күнөөнү жасамайын өлбөйт.