[Sweet-Lika]

36) Амр бин Абаса (разияллооху
анху) Пайгамбар (саллаллооху
алайхи ва саллам) дан «Кайсыл
ыйман абзел?» - деп сурады.
Пайгамбар (саллаллооху алайхи ва
саллам) жооп берди: «Көчүп кетуу
(менен кошо болгон ыйман). Амр
(разияллооху анху): «Кандай көчүп
кетүү?» - деп сурады. Пайгамбар
(саллаллооху алайхи ва саллам)
айтты: Сенин күнөөдөн (жакшы
ишке) көчүшүң». (Ахмаддын
«Муснады»).

[Sweet-Lika]

37) Суфян бин Абдулло Ассакафи
(разияллооху анху) дан риваят:
«Мен Пайгамбар (саллаллооху
алайхи ва саллам) дан «Исламдагы
жыйынтыктуу сөздү айтып
бериңиз, аны мен сизден кийин эч
кимден сурабайын» - деп айттым.
Ал айтты: «Сен: «Аллахка
ишендим» деп айт, андан кийин
ошого бекем тургун». (Муслим).

Түшүндүрмө: Биринчи Аллах
Тааланын зат жана сыфаттарына
чын жүрөктөн ыйман келтирип,
Аллах Тааланын жана Пайгамбар
(саллаллооху алайхи ва саллам)
дын өкүмдөрүнө үзгүлтүксүз бекем
туруу. («Музаахир хак»).

[Sweet-Lika]

38) Абдулло бин Амр бин Ас
(разияллооху анху) дан риваят:
«Пайгамбар (саллаллооху алайхи ва
саллам) айтты: «Ыйман силердин
жүрөгүңөрдө кийим эскиргендей
эскирет (алсыз болот), ошондуктан
силер Аллах Тааладан
жүрөгүңөрдөгү ыйманды
жаңылоосун сурагыла». (Ахмаддын
«Муснады»),

[Sweet-Lika]

39) Абу Хурайра (разияллооху
анху) дан риваят: «Пайгамбар
(саллаллооху алайхи ва саллам)
айтты: «Аллах Таала менин
үммөтүмдүн жүрөгүндөгү (ыйманга
каршы күнөө иштерге болгон)
азгырылуусун кечирет. Эгерде ал
пенде аны кылбаса же сүйлөбөй
койсо».(Бухори).

[Sweet-Lika]

40) Абу Хурайра (разияллооху
анху) дан риваят: «Бир топ
сахабалар Пайгамбар (саллаллооху
алайхи ва саллам) дын алдына
келип, биздин жүрөгүбүзгө ушундай
ойлор келет, биз аны тил менен
айтууну чоң (күнөө) деп
түшүнөбүз» - дешти. Пайгамбар
(саллаллооху алайхи ва саллам)
айтты: «Силер чындап эле ошондой
ойду чоң деп табасыңарбы? ». Алар
жооп беришти: «Ооба» - деп.
Пайгамбар (саллаллооху алайхи ва
саллам) айтты: «Ушундай кылуу
ыйман». (Муслим).

Түшүндүрмө: Силерди ушундай
ойлор камга батырып, ага ишенүү
мындай турсун, аны сүйлөөнү да
жаман көрсөңөр, ушул ыймандын
толук болуусунун белгиси.
(Навави).

[Sweet-Lika]

41) Абу Хурайра (разияллооху
анху) дан риваят: «Пайгамбар
(саллаллооху алайхи ва саллам)
айтты: «Лаа илааха иллалох» деп
күбө берүүнү көп айткыла» аны
менен силердин ортоңор (өлүм,
оору менен) тосулуп калаардан
мурда. (Абу Я‘лаа, Таргиб).

[Sweet-Lika]

42) Усман (разияллооху анху) дан
риваят: «Пайгамбар (саллаллооху
алайхи ва саллам) айтты: «Кимде-
ким Аллахтан башка сыйынууга
татыктуу зат жок деп ишенип,
билип өлсө ал бейишке кирет».
(Муслим).

[Sweet-Lika]

43) Усман (разияллооху анху) дан
риваят: «Пайгамбар (саллаллооху
алайхи ва саллам) айтты: «Кимде
ким Аллах Тааланын барлыгы чын
деп өлсө ал бейишке кирет». (Абу
Я'паа).

[Sweet-Lika]

43) Усман (разияллооху анху) дан
риваят: «Пайгамбар (саллаллооху
алайхи ва саллам) айтты: «Кимде
ким Аллах Тааланын барлыгы чын
деп өлсө ал бейишке кирет». (Абу
Я'паа).

[Sweet-Lika]

44) Али (разияллооху анху) дан
риваят: «Пайгамбар (саллаллооху
алайхи ва саллам). айтты: «Аллах
Таала айтат: «Албетте, Менден
башка Кудай жок, кимде-ким
Менин бирдигиме ишенсе Менин
коргонума кирет. Ким Менин
коргонума кирсе, Менин
азабымдан кутулат». (Широози,
«Жаами'и сагир»),

[Sweet-Lika]

45) Макхул (рахматуллоохи алайхи)
айтат: «Кашы-көзүн жапкан картаң
киши Пайгамбар (саллаллооху
алайхи ва саллам) дын алдына
келип: «Оо, Аллахтын элчиси, бир
киши убадага каршы аракет кылат,
күнөө иш кылат, дурус жана дурус
эмес иштерди жасайт, анын күнөө
иштери ушунчалык көп, анын
күнөөлөрүн жердегилерге таратса
алардын баарын жок кылат.
Ушундай кишиге тообо жолу
барбы?» -деп сурады. Пайгамбар
(саллаллооху алайхи ва саллам)
«Сен мусулмансыңбы? » - деди. Ал
айтты: «Ооба, жападан жалгыз
Аллахтан башка кудайчалар жок
жана Мухаммад (саллаллооху
алайхи ва саллам) анын кулу жана
элчиси экендигине күбөлүк берем».
Пайгамбар (саллаллооху алайхи ва
саллам) айтты: «Сен ошол
күбөлүгүңө бекем тура берсең
Аллах Таала сенин күнөөлөрүңдү
жакшылыкка алмаштырат». Ал
киши айтты: «Оо, Аллахтын элчиси,
менин убадаларды бузгандыгым
жана жаман иштерим кечирилеби? »
Пайгамбар (саллаллооху алайхи ва
саллам) айтты: «Сенин
убадаларыңды бузгандыгың жана
жаман иштериң кечирилет». (Ал
киши Пайгамбар (саллаллооху
алайхи ва саллам) дын бул сөзүн
угуп алып) «Аллоху Акбар», «Лаа
илаха иллаллох» деп айттып
кетти». (Тафсир ибн Касир).

[Sweet-Lika]

46) Абдуллох бин Амр бин Ас
(разияллооху анху) айтат: «Мен
Пайгамбар (саллаллооху алайхи ва
саллам) дын мындай деп айтканын
уккам: «Кыямат күнү Аллах Таала
менин үммөтүмөн бир кишини
элдин алдына чакырып, ага токсон
тогуз амал китебин ачат. Амал
китебинин чоңдугу көздүн жеткен
жерине чейин. Андан кийин ал
кишиге айтат: «Ушул амал
китептериңди жазуучу
периштелерим кемчилик
кетиришкенби? ». Ал киши айтат:
«Жок, оо, Роббим». Аллах Таала
айтат: «Ушул күнөөлөрүңдү
кылганыңа үзүр же себеп барбы?».
Ал киши «Себеп жок» - деп айтат.
Аллах Таала айтат: «Менин
алдымда сенин бир жакшылыгың
бар. Бүгүн сага эчким зулум
кылбайт»- деп бир кагаз алып
чыгат анда «ашхаду аллаа илааха
иллаллооху ва ашхаду анна
мухаммадан абдуху ва росуулуху»
деп жазылган болот. Аллах Таала
«Муну таразага тарт» - деп айтат.
Ал пенде «Оо,Роббим! Ушул барак
мынча көп китепке кантип тең
келмек эле» деп айтат. Аллах Таала
айтат: «Сага эчким зулум
кылбайт».Ошентип баракты
таразанын бир жагына коюп,
экинчи жагына китептерди
койгондо ошол барак оордук
кылып басып кетет. Аллах
Тааланын ысмынан ашкан
салмактуу эч нерсе болбойт.
(Тирмизи).

[Sweet-Lika]

47) Аби Амрата (разияллооху анху)
дан риваят: «Пайгамбар
(саллаллооху алайхи ва саллам)
айтты: «Кайсы бир пенде Аллахтан
башка кудай жок, мени Аллахтын
элчиси деп чын жүрөктөн күбөлүк
берип. Аллахка кыямат күнү
жолукса бул күбөлүгү сөзсүз тозок
отуна парда болот».

Дагы бир риваятта: «Ким ушундай күбөлүгү менен кыяматта Аллахка жолукса анын амал китебинде канча күнөө болсо дагы ал бейишке кирет».
(Муснад Ахмад, Табарони, Мажма'у
завааид).

Түшүндүрмө: Хадисти
түшүндүрүүчүлөр хадистердин
негизинде бул хадисти жана буга
окшогон хадистерди мындай
түшүндүрүшөт: Кимде-ким
Аллахтын бирлигине, жана
Пайгамбар (саллаллооху алайхи ва
саллам) дын пайгамбарлыгына
күбөлүк берген абалда Аллахтын
алдына барса анын амал
китебинде күнөө болсо дагы аны
Аллах Таала кечирип жиберип
сөзсүз бейишке киргизет, же
күнөөсүнө жараша жазалангандан
кийин кирет. («Му'арифул хадис»).

[Sweet-Lika]

48) Итбан бин Малик (разияллооху
анху) дан риваят: Пайгамбар
(саллаллооху алайхи ва саллам)
айтты: «Кимде-ким Аллах
Тааланын бирдигине Мухаммад
(саллаллооху алайхи ва саллам)
Аллахтын элчиси экендигине
күбөлүк берип туруп дагы тозокко
түшүп калуусу же тозок оту аны
жеши мүмкүн эмес». (Муслим).

[Sweet-Lika]

48) Итбан бин Малик (разияллооху
анху) дан риваят: Пайгамбар
(саллаллооху алайхи ва саллам)
айтты: «Кимде-ким Аллах
Тааланын бирдигине Мухаммад
(саллаллооху алайхи ва саллам)
Аллахтын элчиси экендигине
күбөлүк берип туруп дагы тозокко
түшүп калуусу же тозок оту аны
жеши мүмкүн эмес». (Муслим).

[Sweet-Lika]

49) Абу Катада (разияллооху анху)
атасынан риваят кылат:
«Пайгамбар (саллаллооху алайхи ва
саллам) айтты: «Кимде-ким Аллах
жалгыз жана Мухаммад
(саллаллооху алайхи ва саллам)
Аллахтын элчиси деп, анын тили
ушул менен алек болсо жана көп
айткандан жүрөгү тынч болсо, аны
тозоктун оту жебейт». (Байхаки).

[Sweet-Lika]

50) Муаз бин Жабал (разияллооху
анху) дан риваят: «Пайгамбар
(саллаллооху алайхи ва саллам)
айтты: «Кайсы бир адам Аллахтын
жалгыздыгына жана мени
Аллахтын элчиси» - деп чын
жүрөктөн күбөлүк берип өлсө, анын
күнөөсү кечирилет». (Ахмаддын
«Муснады»),

[Sweet-Lika]

50) Муаз бин Жабал (разияллооху
анху) дан риваят: «Пайгамбар
(саллаллооху алайхи ва саллам)
айтты: «Кайсы бир адам Аллахтын
жалгыздыгына жана мени
Аллахтын элчиси» - деп чын
жүрөктөн күбөлүк берип өлсө, анын
күнөөсү кечирилет». (Ахмаддын
«Муснады»),

[Sweet-Lika]

51) Анас бин Малик (разияллооху
анху) дан риваят: «Муаз
(разияллооху анху) Пайгамбар
(саллаллооху алайхи ва саллам)
менен атка учкашып бара
жатканда Пайгамбар (саллаллооху
алайхи ва саллам) айтты: «Оо,
Муаз бин Жабал!» Муаз
(разияллооху анху) айтты: «Оо,
Аллахтын элчиси! Кызматыңа
даярмын». Пайгамбар (саллаллооху
алайхи ва саллам) айтты: «Оо,
Муаз!» Муаз айтты: «Оо, Аллахтын
элчиси! Кызматыңа даярмын»-
деп, ушинтип үч жолу жооп берди.
Пайгамбар (саллаллооху алайхи ва
саллам) сөзүн улап, мындай
деди: «Кайсы бир адам «Аллахтан
башка сыйынууга татыктуу зат жок
жана Мухаммад (саллаллооху
алайхи ва саллам) Аллахтын
элчиси» деп чын жүрөктөн күбөлүк
берсе, Аллах Таала ага тозок отун
арам кылат». Муаз айтты: «Оо,
Аллахтын элчиси! Ушуну элдерге
кабар берейин, элдер сүйүнүшсүн».
Пайгамбар (саллаллооху алайхи ва
саллам) айтты: «Кабар берсең
элдер ушуга таянып (башка) амал
кылбай калат». Муаз (разияллооху
анху) өлөр алдында «хадисти
жашырып кою күнөө» деп бул
хадисти айтып берген. (Бухари).

Түшүндүрмө: Ушундай хадистердеги
«шахадат» келмесисине күбөлүк
бергенге тозок оту арам дегенди
хадис түшүндүрүүчүлөр эки жол
менен түшүндүрүшөт. Мындай
адамдар капыр жана мушриктерге
окшоп дайыма эле тозокто
болбойт. Чоң күнөөлөрү үчүн бир
аз убакыт тозокто болот. Экинчиси
- бул «шахадат» келмеси исламдын
баардыгын өзүнүн ичине камтыйт.
Ким буга чын жүрөктөн ой
жүгүртүп, күбөлүк берсе, анын
жашоосу толук динге
ылайыкташат. («Музаахир хак»).

[Sweet-Lika]

52) Абу Хурайра (разияллооху
анху) дан риваят: «Пайгамбар
(саллаллооху алайхи ва саллам)
айтты: «Лаа илааха иллаллох» ту
калыс жүрөктөн айткан, Кыямат
күнү менин шафаатымдан
көбүрөөк пайдалануучу киши».
(Бухари).