[Feijipiao]

Жигит кызды мотоциклине учкаштырып, шлемди берип жатып:
- Чиелеништирип байлап алба. Анан доктурлар чече албай кыйналып калышпасын. ..

Аялы күйөөсүнө:
- Биздин телефонго эмне болуп калган? Азыр эле курбум менен сүйлөштүм, бирок, эч нерсе түшүнгөн жокмун.
- Силер кезектешип сүйлөшүп көрдүңөрбү?

Профессор студентке:
- 19-кылымдагы акындар жөнүндө бир нерсе айта аласызбы?
- Албетте, айта алам. Алардын баары өлүп калган

[Feijipiao]

Бир студент экинчисине:
- Жүр, лекцияга катышпай эле паркка барып келебиз.
- Жок, бара албайм. Укташ керек.
Асан мектептен көзү көк-ала болуп келет.
- Дагы мушташтыңбы? Мен сага айтпадым беле, "жиниң келгенде ичиңден жүзгө чейин сана" деп!-дейт апасы.
- Айткансыз, апа. Бирок, Акматтын апасы "элүүгө чейин сана" дептир.

Лекцияда мугалим:
- Акматов, жаныңыздагы кошунаңызды ойготуп коюңуз!
- Агай, өзүңүз уктаттыңызбы, өзүңүз ойготуңуз!
- Айшанын төрт баласы бар, төртөөнүн тең аты Акмат.
- Апей, анан аларды бири-биринен кантип айырмалайт?
- Аталарынын аттарынан.
- Акматов, эмнеге мени укпай отурасың?
- Угуп жатам, агай.
- Анда менин акыркы сөзүмдү кайталачы?!
- Кайталайм эле: "Акматов, эмнеге мени укпай отурасың?"


Мона Лизанын жылмаюусун көрүүнү каалайсызбы? Эң жөнөкөй: аялыңыздан айлыгыңызды эмнеге коротконун сураңыз.

[Feijipiao]

Аялы менен күйөөсү сүйлөшүп жатышат.
Аялы: - Жаным, эмнеге кирпигиң мынча узун?
Күйөөсү: - Кичинемде көп ыйлачумун, - дейт.
Анда аялы: - Андан көрө көбүрөөк сийсең болмок экен - дептир.

Күйөөсү жумуштан келсе, аялы китеп окуп отурат. Күйөөсү:
- Тобоо, дагы эле романың мененсиңби? - десе;
- Роман, чыга бер, баарыбир билип калыптыр, - дейт аялы.

- Бердибек, эмне себептен бүгүн сен абдан кубанычтасың?
- Сүйлөшкөн кызым таштап кетти.
- Опей, андай болсо кайгырышың керек го?!
- Анда кайгырганымды көргүң келсе, ме, кызым менен түшкөн сүрөтүмдү көр.

"Манастан" берген мугалим:
- Манастын 1000 жылдык мааракесинде ким эң чоң калпак кийген? - дейт.
Эч ким билбейт...
Анда мугалим:
- Ошону да билбейсиңерби, башы чоң киши кийген да, - деген экен.

- Сен качантан бери чегип калгансың?
- Бээнин сүтүн ичем деп эс алууга кеткен эрим айткан күнүнөн эрте келип, пепельницадан тамекинин калдыгын таап алган күндөн бери..

[Feijipiao]

Эки курдаш сүйлөшүп отурат:
- Кечээ кечинде үйдө жалгыз отурсам, эшик чырылдайт. Ача салсам бир чоочун эркек кирип келип:
- Күйөөң үйдөбү? - деди.
Мен:
- Күйөм үйдө жок, - десем, ай-буйга карабай, диванга сүйрөп, аймалап кирсе мен ээрип-эзилип, өзүмдү жоготуп коюпмун. Ал болсо өз ишин кылып алып кетип калды.
Мен: "менин күйөөмдөн буга эмне керек?" деп ойлонуп калдым. Кызык...


Кыргыз Максим Галкиндин "Ким миллионер болгусу келет" телеберүүсүнө барыптыр. Биринчи суроосунда эле: -мен досума чалайын,-дейт.
Максим макул болот. Тиги байке досуна чалып сурайт:
- Эй досум, эмне кылайын суроо оор, залдын жардамын алайынбы, же 50/50, же акча деп көрөйүнбү?.. - деген экен.


Үчүнчү класстын окуучуларына мугалим сабак өтүп жатат:
- Балдар, айткылачы, учурдагы кризисте кандай сарамжалдуулук кылып жатасыңар?
Айша айтат:
- Биз мурда кесилген нанды ыргытып, же итке берчүбүз, азыр болсо андан сухарик жасап жатабыз.
Үкөн:
- Биз тишибизди күнүнө бир жолу гана жууп калдык.
Акмат:
- Биз апамды кууп жибердик...

[Feijipiao]

- Эмне кайгылуусуң?
- Уулдуу болдум...
- Жакшы болгон турбайбы, жакшы да...
- Жакшысы го - жакшы, аялым билип калбадыбы...

Бир киши төлгөчүгө келет. Ал анын алаканын карап:
- Ий, ботом, аялың эки күндөн кийин өлөт экен!
- Билем-билем, мен камалбайт бекем?

Жигит кыздын колун кармагылап жылытат. Бир саат өтөт, эки саат өтөт...
Кыз:
- Качан сенин оозуң үшүйт?

Мугалим окуучусуна:
- Окуучу мектепке эмнеге келет? - дейт.
Окуучусу:
- Мектепке окуучу барбаса, мектеп окуучуга келмек беле?

Аял аптекага келип, цианистик калий сурайт.
- Бул уу дарынын сизге эмне кереги бар?
- Күйөөмдү уу берип, өлтүрүп салгым келип жатат. Ал мени башка аялга алмаштырып жатыптыр.
- Кечиресиз, бирок, рецеби жок мен сизге бул дарыны сата албайм.
Бышактаган аял сумкасынан бир сүрөт көтөрүп чыгып, дарыгерге сунуп:
- Мени ушундай түрү суук аялга алмаштырып жатса кантип чыдап тура алам?.
Сүрөттөн өз аялын тааныган дарыгер:
- Аа, мындай рецебиңиз бар болсо, анда алсаңыз болот.

[Feijipiao]

Керим үйүнө жакыныраак жердеги кудукка барса, суу токтоп калыптыр. Ал айылдын аягындагы кудукка барып суу алып келатса, үйүнүн жанындагы кудуктун жанында чакаларын коюп-коюп, кыздар ойноп жатышкан болот. Жини келген Керим:
- Ой, мен кеткенде суунун агып калганын кара! - дейт да, алып келаткан суусун төгүп салып, үйүнүн жанындагы кудукка барат. Көрсө, кыздар бош чакаларын коюп, ойноп жаткан экен да. Суусун төгүп салганына Керимдин кыжыры абдан келет.


Аялы телевизор көрүп жатып күйөөсүнө айтат:
- Журналисnтер көрө билип, айта албаган сабатсыздар!
- А эмне болду?
- Алар атактуулардын өлөөрүнөн кабар берет да, төрөлүп жатканынан кабар бербейт.


Кошунасына Чопа:
- Мен сизден кечирим сурайм, силердин помидоруңарга менин тоогум кирип кетиптир.
- Кабатырланбай эле коюңуз, кошунам, сиздин тоогуңузду менин итим жеп алыптыр.
- Эми, эч капачылык жок турбайбы, мен сиздин итиңизди машина менен сүзүп алсам, өлүп калды.


Беш жаштагы Асан апасынан сурайт:
- Апа, кантип пайда болгом?
- Биз сени капустанын арасынан таап алганбыз.
- А карындашымчы?
- Аны гүлдөрдүн арасынан тапканбыз.
Эртеси күнү Асан апасы менен атасынын бөлмөсүнө кирип, кызыктын так үстүнөн чыгып айтат:
- Бакча тиричилигин кылып жатасыңарбы?

- Ден соолук үчүн даамдуу тамак жана жаратылышка чыгып эс алуудан тышкары дагы эмне пайдалуу?
- ???
- Ой, түшүнбөгөн эмнеси бар, аялың экөөң жумасына эки-үч жолу эмне кыласыңар?
- Эмне кылмак элек, урушабыз. Эки-үч жолу эмес көп эле...

- Сени Акмат менен жүрбөй калды деп уктум?..
- Гинеколог врачым аны менен жүргөнгө тыюу салып жатат...
- Сенин жеке жашооң менен врачыңдын иши канча?
- Акматтын аялы болуп жатса иши бар да.

[danilka]

Москвадагы тамашалар! !!
- Ээ досум, эине мынча кубанып???
- Досум суйунчу!! !
- Угайлы??
- Уулдуу болдум!! !
- Охоо, куттуктайм! ! Качантан бери бара элексин кыргызстанга? ?
- 2жылдан ашты.
- Аа жакшы, аяшкачы??
- Аяшын деле 2жылдан бери кыргызстанда.
- Охоо, анда аяш уул кимге окшош болдукен)))

[danilka]

жигитине эркелеп,илебине карап,аста шыбыраган ун м.н жаным дагы мени бир жолу опсонуз, бир омур сиздики болом десе,жигит секин о3ун кыздан ала качып->предупреждения берип койгонун жакшы болду дейтмиш

[danilka]

ТАНКЫ ТАМАША: Бир киши маңдайына 1 стакан коньяк коюп
алып башын мыкчып үнкүйүп барда
олтурат. Ангычакты эле анын жанынан өтүп
бараткан бир шылуун тигинин стаканын
алып туруп ичип ийип ары басып кетет.
Башын мыкчыган неме стаканды карап туруп кыйкырып-ыйлай баштайт: «Оо Кудай, бул
эмне кылганың эми? Ушуну дагы ыраа
көрбөдүңбү мага? Аялым кетип калды, үйүм
өрттөнүп кетти, дачам тонолду, машинем
сүзүлдү, досторум мени сабап кетишти. Эми
өлүп алайын десем тигинтип даярдап койгон УУмду дагы бирөө ичип кетти……)))))

[Feijipiao]

Сиз менен таанышкан күндөн баштап мен ичпей, жебей, тартпай калдым, - дейт жигит сулуу кызга.
Мени ошончолук сүйүп калдыңбы?
Жок, буросто сенден акча артпай атат да

Билдирүүнү түзөткөн: Feijipiao: 06 Август 2014 - 15:56

[Feijipiao]

Селки менен жигит көчөдө таанышып калышат.
- Кечиресиз, сизге бир суроо берсем болобу? - дейт жигит.
- Болот, сураңыз.
- Свитериңиздеги "Ж" деп согулган тамга эмнени түшүндүрөт?
- "Жаш кыз" дегенди түшүндүрөт, - дейт күлүп, - бирок, чынын айтсам, бул свитерим эскирип деле калды…

[Feijipiao]

Сейилбак. Кечке маал. Отургучта сүйүшкөн экөө отурушат. Аңгыча бадалдын ары жагынан бир эркек аларды карап кандайдыр табышмактуу белги берип, колун жаңсап атканын байкаган жигит:
- Сага эмне керек? - деп кыйкырат, - көзгө көрүнбөй кетип кал тезирээк!
- Кетет элем, бирок үйдүн ачкычы аялымда болуп атпайбы.

[Feijipiao]

Кызы:
- Апаке, мен сыртка чыгып сейилдеп келейинчи, таза аба жетпей думугуп баратам.
Апасы:
- Барсаң барып кел, бирок, жанагы "таза абаңа" айтып кой, сен саат тогузга чейин үйдө болуп калышың керек!

[Feijipiao]

Кинотеатрда жарык өчүп, кино токтоп калат. Айлана капкараңгы. Аңгыча жаш келиндин үнү ачуу чыгат:
- Тарт колуңду санымдан!
Ошол эле келиндин үнү кайра жумшак чыгат:
- Жок, жок, сизге эмес, оң жактагы жигитке айтам…

[Feijipiao]

Сенин биртууган байкең көптөн бери келбей калды го? - дейт кожойкеси квартирант кызга.
- Бөлөк карындаш таап алса керек…

[Feijipiao]

Эки келин сүйлөшүп турат:
- Күйөөгө чыгуу дегенди кандай түшүнөсүң?
- Күйөөгө чыгуу деген чөлдөгү закымды элестетет: ак сарайлар менен пальмалар, төөлөр. Анан, бир убакта карасаң эле ак сарай көздөн кайым болот, андан кийин пальмалар жоголот, акыр аягы "төө" менен каласың.

[Feijipiao]

XXIII кылымдагы археологиялык казууларда окумуштуулар алатаяк таап алышат. Эмне таяк экенин түшүнүшпөй, акыры карылыгы жеткен бир профессорду алып келишет. Профессор алатаякты карап чыгып айтат:
- XX кылымдын аягында адамдардын бир түрүнө кирген ГАИ уруусунан чыккан ментозаврлар ушул таяк менен өздөрүнө тамак таап жешкен.

[Feijipiao]

Сотто күбө болуп катышкан кишиге судья минтип кайрылат:
- Жалган көрсөтмө бергениңиз үчүн сизди эмне күтүп турат, билесизби?
- Ооба, бир "Мерседес" убада кылышты.

[Feijipiao]

Сот жүрүп атат:
- Айтыңызчы, айыпкер, эмне үчүн токойдо бөтөн кишиге ок чыгардыңыз?
- Мен аны аюу деп ойлогом.
- Анын киши экенин качан билдиңиз?
- Ошол аюу кайра өзүмө ок чыгарганда.