[MACKA]

Микробдордун дүйнөдөгу алгачкы зоопаркы - Амстердамда ачылды.

Көптөгөн микроорганизмдерди чоң экрандарга туташтырылган микроскоп аркылуу көрсө болот. Пробиркалардагы бактериялардын көбөйүшү атайын үч өлчөмдүү микроскопто көрсөтүлөт. Мындан тышкары, учурда актуалдуу болуп жаткан эбола вирусунун зор модели тартууланат. Ал эми атайын сканер келген меймандын денесинин кайсыл бөлүгүндө канча микроб жүргөнүн айтып берет.

[MACKA]

Чикагодо "Жон Хэнкок борборунда" өзгөчө панорама бар.

Терезеге жатып алып, 300 метрден ашкан бийиктиктен Чикаго шаарын алаканга салгандай кылып караса болот.
АКШдагы эң бийик көк тиреген имараттардын катарына кирген Чикагода "Жон Хэнкок борборунда Tilt аттуу өзгөчө панорама бар. Тilt - эңкейиш деп которулат. Бул панорама аталган имараттын 94-кабатында жайгашкан. Анын терезелери ылдыйды көздөй 30 градуска чейин ачылат. Бул терезеге жатып алып, 300 метрден ашкан бийиктиктен Чикаго шаарын алаканга салгандай кылып караса болот.
Айнекке жатып алып шаарды кароо болгону 5 доллар турат. Учурда бул ылдыйды көздөй ачылган жападан жалгыз панорама.

[Jamalym]

Микробдор итиркейди келтирет гооо

Билдирүүнү түзөткөн: Jamalym: 02 Октябрь 2014 - 19:55

[MACKA]

Калифорнияда желим баштыктарды колдонууга тыюу салынды.

2015-жылдын 1-июлунан тарта бир жолу колдонулуучу желим баштыктарга дөкүндөн азык-түлүк салып берүүгө тыюу салынат.

Американын Калифорния штатында полиэтилен баштыктарды колдонууга тыюу салынды. Мыйзамга кол койгон губернатор Жерри Браун полиэтилен баштыктардын айлана-чөйрөгө тийгизип аткан зыянынан улам ушундай чечим кабыл алынганын билдирди.

Мыйзамга ылайык, 2015-жылдын 1-июлунан тарта бир жолу колдонулуучу желим баштыктарга дөкүндөн азык-түлүк салып берүүгө тыюу салынат. Анын ордуна соода түйүндөрү бир нече ирет колдонууга мүмкүн болгон кагаздан жасалган баштыктарды сунуштайт.

Мындай мыйзамдар Калифорния штатынын Лос-Анжелес, Сан-Франциско сыяктуу ири шаарларында көптөн бери иштейт. Бирок АКШнын тарыхында штаттын деңгээлинде биринчи жолу мындай кадам жасалууда.

Бирок полиэтилен баштыктарын чыгарган фирмалар бул мыйзамды жокко чыгаруу үчүн 2015-жылы референдум өткөрө тургандыктарын билдиргенин "Интерфакс" агенттиги жазып чыкты.

[MACKA]

Депутаттын ойноштору да анын мамлекеттик унаа номерлерин тагып алышат экен.

...Менин артыман айтылган сөздөргө теригип маани бербейм. Кээ бири "Генерал башы менен өзү чуркап иштейт" - деп сындашса, айрымдары "Азаматсың! " дешет, - деген пикирин ИИМдин Жол кайгуул кызматынын жетекчиси Талант Исаев "Айат" гезитинин 2-октябрда чыккан санындагы маегинде билдирген.

Талант Исаев жол эрежесин бузгандарга көзүн жумуп өтүп кете албастыгын айтып, мыйзам баары бирдей дейт. "Мыйзам баарына бирдей, биз тартип орнотууга тийишпиз. Ошондуктан тартипти бузбаганга аракет кылуу зарыл. Текшерүүгө милдеттүүмүн. Депутатка протокол түзө албайм. Көп депутаттын мамлекеттик унаа номерлерин тууган-уруктары, достору жада калса ойноштору тагып алган учурлар болот. Баарысын тартипке салып жатабыз" - деп белгилейт Исаев аталган гезитке берген маегинде.

[MACKA]

Билдирүүнү түзөткөн: MACKA: 05 Октябрь 2014 - 01:33

[MACKA]

[Oceana]

Uyat ele,.

[MACKA]

ИИМ министри Мелис Турганбаев 15 жыл мурда кимди өлтүргөн?

Журналист Лейла Саралаева өзүнүн “Жаңы жүздөр” деген гезитине, жаңыдан ИИМ жетекчилигине министр болуп келген Мелис Турганбаев тууралуу, ал мындан 15 жыл мурда күнөөсүз Михаил Матвиенко аттуу жаранды өлтүрүп салганы тууралуу жазып чыкты.

Бул боюнча азырынча Мелис Турганбаев ооз ача элек. Турганбаевди жакында эле Жогорку Кеңеш бир добуштан колдоп, министр кылып шайлашкан. Эскерте кетсек, министр мырза убагында ИИМдин орун басары болуп турганда “кыз зордуктаганга” айыпталып кызматынан кеткен.

Эгерде, бул маалыматтар далилдүү болсо, аталган чоң кызматка, кылмыштуулук, зордук-зомбулдук менен күрөшүүгө Турганбаевдин моралдык укугу барбы?
Кечээ эле министр кылып шайлаган Жогорку Кеңеш жооп бериши керекпи бул боюнча?
Эгерде жалган-жалаа жаап аткан болсо, анда Лейла Саралаева да тийиштүү жообун алышы абзел, аныктай албаса Турганбаевдин туурда конуп турушу кыргыз коомчулугу үчүн кошуна мамлекеттер арасында уят иш.

[DaRhaN.]

Маска эже кайдасыз,жанылык илип турун.

[Dadin1]

MACKA (05 Октябрь 2014 - 12:34) жазган:

ИИМ министри Мелис Турганбаев 15 жыл мурда кимди өлтүргөн?

Журналист Лейла Саралаева өзүнүн “Жаңы жүздөр” деген гезитине, жаңыдан ИИМ жетекчилигине министр болуп келген Мелис Турганбаев тууралуу, ал мындан 15 жыл мурда күнөөсүз Михаил Матвиенко аттуу жаранды өлтүрүп салганы тууралуу жазып чыкты.

Бул боюнча азырынча Мелис Турганбаев ооз ача элек. Турганбаевди жакында эле Жогорку Кеңеш бир добуштан колдоп, министр кылып шайлашкан. Эскерте кетсек, министр мырза убагында ИИМдин орун басары болуп турганда “кыз зордуктаганга” айыпталып кызматынан кеткен.

Эгерде, бул маалыматтар далилдүү болсо, аталган чоң кызматка, кылмыштуулук, зордук-зомбулдук менен күрөшүүгө Турганбаевдин моралдык укугу барбы?
Кечээ эле министр кылып шайлаган Жогорку Кеңеш жооп бериши керекпи бул боюнча?
Эгерде жалган-жалаа жаап аткан болсо, анда Лейла Саралаева да тийиштүү жообун алышы абзел, аныктай албаса Турганбаевдин туурда конуп турушу кыргыз коомчулугу үчүн кошуна мамлекеттер арасында уят иш.

Шумдугун кургур !!! мен бир жазып кеттим эле .. карышкырга кой кайтартканы жатасынар деп.. депутаттар деле билип коруп туруп шайлап койуштуда Мелис Турганбаевти. . шумдугун кургурдуку десе баягы киши олтуруу фактылары боюнча тергоо иштеринде да курал жарактар УВДдан чыкпады беле М.Турганбаева УВД да иштеп турганда. аттин аттин .. эмнине болот экен эми Кыргызстанда. ..Шумдугун кургур дунуйоо десе

[Oceana]

Кыргызстан озу шумдуктуу мамлекетта.

[MACKA]

Бразилиялыктар сылык-сыпаа болуп, акча үнөмдөй алат.

Рио-де-Жанейродо жайгашкан кафенин ээлери тартиптүү кардарларды жана киреше көбөйтүүнүн жолдорун тапты. Ага ылайык, “сураныч”, “рахмат”, “кечиресиз” сыяктуу сөздөрдү колдонгон адамдар ар бир мате аттуу ичимдиктин стаканына 1 реал арзандатуу алат. Бул эреже өтө популярдуу болуп, өз жемиштерин берүүдө.

[MACKA]

" Курманжан датка" киносу "Оскар" сыйлыгына көрсөтүлдү.

Бул тууралуу америкалык "Variety" журналы жазып чыкты.
Садык Шер-Нияз тарткан "Курманжан датка" киносу "Оскар" сыйлыгына "Мыкты чет элдик тасма" категориясы боюнча көрсөтүлдү. Бул тууралуу шоу-бизнес жөнүндө жазган америкалык "Variety" журналы кечээ, 6-октябрда жазып чыкты.

Эскертсек, фильм мамлекеттик тапшырык менен тартылып, 2 жылдан ашык мөөнөттү талап кылган. Ошондой эле кино Ош, Алай, Жети-Өгүз, Талас жана Көк-Мойнок деген жерлерде тартылган. Кинону тартууга жалпысынан 700дөн ашык киши катышкан.

Аталган категория боюнча Кытайдан "Булбул" жана Франциядан "Көпөлөк" фильмдери да көрсөтүлгөн. Тизмеде негизинен жети фильм көрсөтүлөт. Акыркы такталган тизме 2015-жылдын 15-январында белгилүү болот.

Ал эми америкалык киноакадемиянын сыйлыгын тапшыруу аземи 2015-жылдын 22-февралында өтөт.

[Angel92]

MACKA (07 Октябрь 2014 - 21:27) жазган:

"Курманжан датка" киносу "Оскар" сыйлыгына көрсөтүлдү.

Бул тууралуу америкалык "Variety" журналы жазып чыкты.
Садык Шер-Нияз тарткан "Курманжан датка" киносу "Оскар" сыйлыгына "Мыкты чет элдик тасма" категориясы боюнча көрсөтүлдү. Бул тууралуу шоу-бизнес жөнүндө жазган америкалык "Variety" журналы кечээ, 6-октябрда жазып чыкты.

Эскертсек, фильм мамлекеттик тапшырык менен тартылып, 2 жылдан ашык мөөнөттү талап кылган. Ошондой эле кино Ош, Алай, Жети-Өгүз, Талас жана Көк-Мойнок деген жерлерде тартылган. Кинону тартууга жалпысынан 700дөн ашык киши катышкан.

Аталган категория боюнча Кытайдан "Булбул" жана Франциядан "Көпөлөк" фильмдери да көрсөтүлгөн. Тизмеде негизинен жети фильм көрсөтүлөт. Акыркы такталган тизме 2015-жылдын 15-январында белгилүү болот.

Ал эми америкалык киноакадемиянын сыйлыгын тапшыруу аземи 2015-жылдын 22-февралында өтөт.

Во...Сонун жанылык экен...

[MACKA]

Нарында унаа жардан кулап кетти.

Бул тууралуу ӨКМнын басма сөз кызматы билдирди. Маалыматка ылайык, Нарын районунда 2-октябрда саат 7:30 чамасында Нарын - Өрүктам унаа жолунда ВАЗ-2101 үлгүсүндөгү автоунаанын ээси рулду башкара албай жардан кулаган.
Жол кырсыгынын кесепетинен 4 адам жабыркаган. Жол кырсыгы болгон жерге ӨКМнын куткаруучулары барышып, жабыркагандарга алгачкы медициналык жардам көрсөтүшүп, жабыркагандарды унаанын ичинен чыгарып, Нарын облустук травматология бөлүмүнө жеткиришкен.

[MACKA]

Чоң- Чүй каналына унаа кулап 2 адам каза болду.

Бул тууралуу ӨКМнын басма сөз кызматы билдирди. Сокулук районунда 6-октябрда саат 06:28 чамасында (Ново-Павловка айылынын Тынчтык жаңы конушунун аймагы) Ауди-100-Авант үлгүсүндөгү автоунаанын ээси унааны башкара албай, Чоң-Чүй каналына түшүп кеткен. Автоунаанын ичинде 5 адам болгон. Жол кырсыгынын кесепетинен 2 адам каза болуп, 3 адамды окуяга күбө болгон адамдар куткарып калышкан.
Жол кырсыгы болгон жерге ӨКМнын Бишкек шаардык Куткаруу кызматынын куткаруучулары барышып, 1 адамдын жансыз денесин жана автомашинаны суудан чыгарып беришкен.
Каза болгон адамдын жансыз денесин милиция кызматкерлерине өткөрүп беришкен. Ал эми 2010-жылы туулган Х. Алымбаева табыла элек.

[MACKA]

Улуу Британияда айымдардын көбү Ауди тепкен мырзаларга артыкчылык берет.

Дал ушул үлгүдөгү унааны башкарган эркектер баарынан дагы келишимдүү деп эсептелет. Мындай пикирди аялдардын 18 пайызы карманат. Рейтингинде экинчи орунда БМВ айдаган эркектер турат. Үчүнчү позицияда Вольво унаасын башкаргандар. Сурамжылоого 2 миң аял катышкан. Мындан тышкары, аялзаттын 66 пайызы, мырзалар дөңгөлөктү өздөрү алмаштыра алышы керек деп эсептейт.

[MACKA]

Дөңгөлөктү мырзалар эмес, мен деле алмаштырып коё алам, дөңгөлөктү өзү алмаштыра албаган мырза, тыыыынч эле үйүндө шыпыргы кармап, үй шыпырганы жакшыго...

[MACKA]