[Jeka]

Луи бийкеч, куш келипсиз акын төргө
Бошотоюн ордумду, өтүӊ төргө!
Көргөнүмө мен сизди, кубанамын
Таппай сөздүн берметин, убарамын!

Убагында келдиӊиз, кечикпестен
Жаза бериӊ ырларды, эрикпестен
Он беш барак мурдараак айтышкандай –
Бир жазалы чогулган моокум, черди...

Билдирүүнү түзөткөн: Jeka: 25 Ноябрь 2014 - 15:29

[Lui]

Жалпыңызга ийилип айтам салам,
Ийгиликтер коштосун сизди жалаң,
Жүрөктөргө жылуулук тартууласын,
Бүгүнкү кар тынымсыз,аппак жааган.


Кууса дагы жетпесин сизди жаман,
Ар бир мүнөт колдосун Алла Таалам,
Кубанычтуу тилектерге кубө болсун,
Асмандагы жылдыздар ар бир жанган.


Өкүнүчтөн, сыркоодон болбосунчу,
Мүңкүрөгөн, көзүнөн жашы тамган,
Андан көрө наристе үнү чыксын,
Ар бир шаардан, көчөдөн жана тамдан.

[Jeka]

Луи бийкеч, чын эле айтыптырсыз -
Ыр жазганды, айтышты сагыныпсыз
Жогоруда жазылган каалоодон соӊ -
“Эл акыны” болгону калыптырсыз!

Билдирүүнү түзөткөн: Jeka: 25 Ноябрь 2014 - 16:38

[Lui]

Чындыгында ыр жазууну мен сагындым,
Бүгүн кирип айтышка мен малындым,
Айтышып сиздер менен бир нече сап,
Калсам дейм ортосунда ыр жалындын...

[Jeka]

Ыр жалындын ортосунда калыш үчүн
Дүүлдөтө жагыш керек сырдуу отун
Кочегарлык милдетти өзүм алып
Жазып турсам болобу, эсеп-чотун?

Билдирүүнү түзөткөн: Jeka: 25 Ноябрь 2014 - 16:54

[Lui]

Мен макулмун, сизге кыйын болбосоле,
Мага болот, эки колум тоңбосоле,
Ысытыңыз, күйгүзүңүз айтышууну,
Очогубуз от күлүнө толбосоле..))

[Jeka]

От жаккандан эч качан кыйналбаймын
Тоӊдурганды кыз колун, сыйлабаймын
Очоктогу күлдөрдү алып салып –
“Ысытайын, күйгүзөйүн” сизди деле...

Ыр очокко отун издеп, акын төрдүн
Мурунку айтыш датасын карап көрдүм
Андан бери билинбей жыл өтүптүр –
Сагынычтын билигин ким көрүптүр?

Билдирүүнү түзөткөн: Jeka: 25 Ноябрь 2014 - 17:16

[Lui]

Уккулуктуу сөзүңүздөн баштаңызчы,
2-4 сап ырыңыздан таштаңызчы,
Сиз жаккан от күйүшпөй бара жатса,
Бере калам агатай от тамызгы..))

[Lui]

Билинбей айлар өтөт, жылдар өтөт,
Алоолоп жалбырттаган от да өчөт,
А бирок жадыраган жаз келгенде,
Жанданат жашыл кийип талаа, көчөт..

[Lui]

Окуп жаткандарга көңүл бөлдүм,
Ал жактан Детективди көрдүм,
Бир кездерде айтыштык эле,
Башка айылынан акын төрдүн.

[Jeka]

Lui (25 Ноябрь 2014 - 17:16) жазган:

Уккулуктуу сөзүңүздөн баштаңызчы,
2-4 сап ырыңыздан таштаңызчы,
Сиз жаккан от күйүшпөй бара жатса,
Бере калам агатай от тамызгы..))

“Жигит сүйсө, күлүндөгөн көзү менен
Селки сүйөт, уккулуктуу сөзү менен”
Деген сөздү эстеттиӊиз, Луи бийкеч -
Сизге айтканга сөз түгонбөйт, сөзүм белен!

Жалгыз адам от жакканда - дуулдап күйбөйт
Ал анткени, жалгыздыкты – кудай сүйбөйт
От тамызгы берип турсаӊ, Луи бийкеч
От эле эмес, жалын чачам эртели кеч!

Билдирүүнү түзөткөн: Jeka: 25 Ноябрь 2014 - 18:09

[Jeka]

[quote name='Lui' date='25 Ноябрь 2014 - 17:22' timestamp='1416914560' post='2067797' ]
Окуп жаткандарга көңүл бөлдүм,
Ал жактан Детективди көрдүм,
Бир кездерде айтыштык эле,
Башка айылынан акын төрдүн.
[/ quote]

Ал айылга мен дагы барган элем
Акындарга саламымды айткан элем
Муке деген акынды эстедим го...
Детективди эмнегедир билбейт экем

Билдирүүнү түзөткөн: Jeka: 25 Ноябрь 2014 - 17:41

[Lui]

Кыш күнүндө жалындата от жагалы,
Көкүрөккө ыза эмес ыр багалы,
Кубанычтан алоолонсун жүрөктөрү,
Кишилердин пейилине сый тагалы..

Кычыраган болбосунчу кыш шамалы,
Күлмүңдөсүн, жаркысын кыз жамалы,
Кичипейил адамдар арта берсин,
Кечеңдебей азайсын эл жаманы..

PS: Агай мен кетип баратам,
Ырларды эртен жаратам,
Ансыз да көпкө отурдум,
Кетет элем да мен жанатан..))

Билдирүүнү түзөткөн: Lui: 25 Ноябрь 2014 - 17:43

[mega777]

Сайраган куштар кайтып конгон экен,
От жалын сезимдерге толгон экен.
Сиздер туптоп,сиздер койгон эбак жагып,
Очпос отко биз жылынсак болоор бекен...

[Jeka]

Lui (25 Ноябрь 2014 - 17:42) жазган:

PS: Агай мен кетип баратам,
Ырларды эртен жаратам,
Ансыз да көпкө отурдум,
Кетет элем да мен жанатан..))

Кетчү маал болуп калды – баарыбызга
Бүгүн кетип, кайталы – айлыбызга
Кыштын ызгаар суугу билинбесин
Бүгүнкүгө биздин ырлар илинбесин

Билдирүүнү түзөткөн: Jeka: 25 Ноябрь 2014 - 17:48

[Jeka]

mega777 (25 Ноябрь 2014 - 17:15) жазган:

Сайраган куштар кайтып конгон экен,
От жалын сезимдерге толгон экен.
Сиздер туптоп,сиздер койгон эбак жагып,
Очпос отко биз жылынсак болоор бекен...

Туура айтасыз, Мага бийкеч, кайра кондук
Туурубузга, кеталбадык, башка жакка
Анткени биз, “келгин куштай” боло албайбыз
Туурубуз да, "уруубуз" да ушул жакта

Отубузду өчүрбөстөн, жагып туруш -
Милдет го дейм баарыбызга, жакшы жумуш
Туура айтасыз, “өчпөс отту” эч качан өчүрбөйлү –
Жылынбастан, от салыӊыз, жалпы сунуш!

Билдирүүнү түзөткөн: Jeka: 25 Ноябрь 2014 - 18:13

[ayildik_kiz]

Байкасам ыр торуно келипсинер

Соз берметин бир бирден терипсинер

От жагып улбулдогон коломтого

Кондон калап жылынып кетипсинер!

[Kg.lady]

Суусу азайган озон сымал боксоруп,
Биздин айыл калган эле томсоруп.
Анан эле жарк дей тушкон кун сымал,
Шанга толду эчен акын топтолуп.

***** ****** *****

[Kg.lady]

Алгач ирээт ачканда эле каалганы,
Жека абамдын Луиге арнап жазганы,
Козго элестейт Раймаалынын баяны,
Ыр саптары куюлушса Луинин,
Жаныргансыйт Бегимайдын дастаны.

Ыр торуно жетелишип барышып,
Коломтого отту аябай жагышып,
Бири-бирине ыр чачыла чачышып.
Соз тизгинин кое берип жайдактап,
Кош когучкон олтургансыйт жанашып.

Кошула албай аранарга батынып,
Тургансыймын соз айталбай айбыгып,
Алым сабак бири-бирине айтылып,
турган кезде, кирип келип бастырып,
Чочутпайын биздин акын куштарды
Аалам тордон пыррр,учура качырып.

Билдирүүнү түзөткөн: Kg.lady: 26 Ноябрь 2014 - 01:55

[Kg.lady]

Тамашамды чын деп кабыл албандар,
Айгай салып, ызы-чууну салбандар, "Суйушконго чыгардын- деп, сен бизди!"
Кур жемелеп, тоо бастыга албандар.

Тандайынан бал тамызган акындар,
Аман болуп, боксорбосун аранар.
Созго созду аран эптеп курадым,
Ыр саптарым тамаша деп кабыл ал.
Жаркылдаган жаздын жылуу кунундой,
Ачык болсун ар убакта маанайлар.

Билдирүүнү түзөткөн: Kg.lady: 26 Ноябрь 2014 - 01:53