[Senuchunzhashaim]

Крем , пудра дегендерди омуру колдонбойм бирок скраб колдонуп турам...

[suiuktuujar]

Эстегенде маска жасап коём.

[Oceana]

Химиялык нерселер м.н кам корбойм.

[janym-90]

Мен кечинде тоник мн аарчып тазалап койом.Жатаарда Mary kay фирмасынын атайын тундо коюп жатчу кремин колдоном.Баасы 500-1500р чейин экен.Натыйжасы жакшы буйруса бетим тунук,так,угри жок.

[Begimkyz]

Эч нерсе койбойм. Ушунча жалкоо экениме өзүм уялып кеттим добуш бергендердин жыйынтыгын көрүп.

[KG_Beka_KG]

Жок хе

[Nariste...12]

KG_Beka_KG (20 Декабрь 2014 - 21:24) жазган:

Жок хе

Ушул жигиттин айымдар учун темаларда жургонуно кызыгып койдум.

[MACKA]

Жада калса эртең менен турганда бетти жуубайм. Кайдагы кам көрмөк...Өмүрү маска-саска дегенди бетим көргөн эмессс!

[Aselina_kg]

Кам коро баштадым.

[Lenin]

Не только аялзаты эркетер дагы кам коруш керек. Казыр деген баары кол астында. Интернет аркылуу баарын тапса болот.
http://marykaynsd. com/ звондасан уйуно чеин алып келет экен.

[Meka77]

Мен дээрлик косметика деле койбой калдым бетиме бирооок,настроением жоккк болуп калса кылаарга макияж даяр деп кузгунун алдынан жылбай калам (жакындан бери мурун мындай эмес болчум мне болватам десенер).

[Feijipiao]

Бардык терилер үчүн сергиткен маскалар

Кошулмасы: 1 аш кашык пияз маңызы, 1 аш кашык сабиз ширеси, 1 жумуртканын сарысы, 1 аш кашык олив майы.

Даярдоо жолу: жогорудагылардын баарын аралаштыргыла. Алынган массаны бетке сүйкөп, 20 мүнөттөн кийин жууп салгыла.

Бет апапакай болуп турса сулуулуктун белгиси, ал эми бетке түшкөн темгил, так, безетки ар бир аялзатын гана эмес эркектерди да түйшөлтөт. Мындай жагымсыздыктан жана бетке түшкөн бырыштан кутулуу үчүн төмөндөгүдөй маскаларды жасап көргүлө.

Пахтыдан маска

Кошулмасы: 2 аш кашык пияздын маңызы, 1 стакан пахты, 4 аш кашык бузина ( кызыл же кара жемиштүү өсүмдүктүн бир түрү).

Даярдоо жолу: Пахтыны жылытып, бузинаны кошуп, жай отто 30 мүнөткө жакын кармагыла. Муздаган массага пияздын ширесин кошкула. 20 мүнөт өткөндөн кийин жууп салгыла. Бул масканы майлуу бетке колдонсо жакшы.

Алмурут маскасы

Муну теринин бардык тибине колдонсо болот.

Кошулмасы: 2 аш кашык пияз, 1 алмурут, жарым стакан сүт.

Даярдоо жолу: Бышкан алмурутту эзип, ширесин жана жумшагын сүт жана пияздын маңызы менен аралаштыруу зарыл. 15-20 мүнөттөн кийин жууп салгыла.

Эгерде бетиңизге бырыш түшүп, тери кургак тартып, беттин түсү өзгөрсө, анда картошкадан жасалган маска жакшы таасир берет. Картошка бетти тазалап, шишикти кетирет.

Бардык терилер үчүн

картошка маскасы

Кошулмасы: 1 аш кашык пияздын маңызы, 1 картошка, жарым л. сүт, 1 аш кашык бал.

Даярдоо жолу: картошканы сүттө бышырып, андан соң аны пюре кылгыла да бал жана пияздын маңызы менен аралаштыргыла. 20 мүнөттөн кийин жууп салыш керек. Мындан да жакшы натыйжа берсин үчүн газдалбаган минерал суусу менен бетти жууса болот.

Бардык терилер үчүн

алма маскасы

Кошулмасы: тазаланган жарым алма, 1 аш кашык бал, 1 чай кашык аскорбин кислотасы, 1 жумуртканын сарысы, 1 аш кашык алма уксусу, 3 аш кашык өсүмдүк майы, 2 аш кашык пияздын маңызы.

Даярдоо жолу: жогорудагылардын бардыгын миксердин жардамы менен аралаштыргыла. Сепкил болгон жерге бул массаны сүйкөгүлө. 30 мүнөттөн кийин жууп салгыла.

Быштак маскасы

Кошулмасы: 2 аш кашык пияздын маңызы, 2 чай кашык быштак, 1 аш кашык бал, 1 чай кашык өсүмдүк майы.

Даярдоо жолу: жогорудагылардын бардыгын аралаштыргыла. Ушундан соң бетке сүйкөп, 10 мүнөттөн кийин жууп салуу зарыл

[Feijipiao]

Жаратылыш косметикасы

Терини коргоодо масканын ролу чоң. Алардын кээ бирлери терини жумшартып азыктандырса, кээ бирлери болсо бырышты жазып терини серпилгичтүү кылат. Процедурага киришерден мурун бетиңизди жакшылап суу, же болбосо атайын лосьон менен тазалап алууңуз кажет.

Көздүн тегерегине азыктандыруучу бет майдан сыйпап коюңуз. Масканы бир жумада 1-2 жолу гана колдонуу керек. Жууп салууда пахтаны пайдаланганыңыз оң.

Эгерде сиздин териңиз нормалдуу болсо, анда аны күндүн зыяндуу нурларынан жана спирт көп кошулган лосьонду колдонуудан сак болуңуз. Дайыма бөлмө температурасында турган жылуу суу же 1л. сууга бир чай кашык сода кошуп анан бетиңизди жууп туруңуз. Ар убак жалбыздын чайын ичип, андан соң ак лилиянын

лосьонун пайдалансаңыз, сиздин жүзүңүзгө сергектик жана жагымдуулук уяларында шек жок.

Чөптөн жасалган маска: эки аш кашык ромашка, липа гүлү, лаванда жана бир аш кашык шалфейди майда кылып талкалап үстүнө кайнак суу куюңуз. Пайда болгон жылуу, суюк боткону бетке жана моюнга 20 мүнөткө коюп, анан жууп салыңыз.

Кулпунай маскасы: 2-3 кулпунайды кесип алып бетке жана моюнга он беш мүнөт сүртүңүз да, андан кийин муздак суу менен жууп койсоңуз ал терини жумшартып, азыктандырып, ал тургай сепкилдерди да агартат.

Териңиз майлуу болсо, эртең мененкисин жана кечинде жыттуу самын менен жылуу сууга бетиңизди жууп, кургатып, андан соң лосьон менен сүртүңүз да, майлуу эмес кремди коюңуз. Бир жумада бир жолу ромашка гүлү, жалбыздын жалбырагы, эмендин кабыгы кошулган кайнак сууга бетти бууландырып турган дагы пайдалуу.

Чөптөн жасалган маска: ромашка, липа, бузина гүлдөрүнөн бир аш кашыктан салып, үстүнө бир стакан суу куюп 10 мүнөт кайнатып, жылуу кезинде үстүнө 1/2 чай кашык бал жана сулунун унунан кошуңуз. Аралашманы муздатпастан бетке жана моюнга 20 мүнөт койгон да жакшы натыйжа алып келет.

Жумуртканын сарысы жана лимон кошулган маска: жумуртканын сарысына бир чай кашык лимон суусун кошуп, даяр болгон масканы бетке 20 мүнөт коюңуз. Бул маскадан кийин упа койбогонуңуз оң.

Ромашкадан жасалган лосьон: эки аш кашык ромашканы 1/4 л сууга 10 мүнөт кайнатып алыңыз. Муздатып, сүзгүчтөн өткөрүп алган соң, күнүнө жуунгандан

кийин бетиңизди жана моюнуңузду сүртүп туруңуз.

Териңиз кургак болгон учурда самын колдонбой эле койгонуңуз дурус. Жуунгандан кийин дайыма майлуу, же витаминдүү крем коюп турууңуз зарыл. Андан сырткары төмөндөгү маскаларды да колдонгон пайдалуу.

Витаминдүү маска: бир жумуртканын сарысын майдалап, үстүнө бир аш кашык өсүмдүк

майын, 1/2 апельсин суусун, 1/2 чай кашык бал кошуп аралаштырып, пайда болгон кошундуну 15 мүнөт бетиңизге коюп туруңуз.

Быштак маскасы: эки чай кашык быштакты бир аш кашык бал менен аралаштырып, үстүнө бир нече тамчы өсүмдүк майын кошуңуз да, бетке жана моюнга 10 мүнөт койсоңуз терини кубарып кетүүдөн сактап турат.

[Nariste...12]

Кыш мезгилинде бет кам көрүүгө, ар кандай азыктандыруучу, сыйдам кылуучу, тазалоочу маскаларга муктаж. Ошондуктан бул маскалар сиздердин сулуулугуңуздар үчүн кам көрөт деп ойлойбуз.

БЕТТИ АГАРТУУЧУ МАСКАЛАР!
Петрушка маскасы- петрушканын ширесин сүт менен бирдей өлчөмдө (майлуу бетке туруп калган сүттү, кургак бетке каймакты) аралаштырып маска даярдайсыз. Аны бетке 15 мүнөткө коюп кармайсыз. Андан кийин жылуу суу менен жууп коёсуз.

ЛИМОН МАСКАСЫ!
Бети тазалап жууп, анан майлуу бет майдан сүйкөп, ага лимонду майда кылып кесилип алынган кесиндилерин коюп чыгасыз да 10 мүнөт коюп коёсуз. Бул масканы 10 мүнөттөн ашык койбоңуз жана бетиңиз кызарып кетпеши керек. Лимонду беттен алгандан кийин муздак суу менен чайкап койсоңуз болот же сүткө кебезди салып сүртүп койсоңуз болот.

КУРГАК БЕТКЕ МАСКАЛАР!
Кургак бетти талоочу маска: Жаңы бадыраңды кыргычтын бетинен майдалап өткөрүп алабыз жана бир ашкана кашыгы менен азыктандыруучу бет майдан кошосуз. Бетиңиз майлуу болгон учурда бадыраңга бир аш кашыгы менен арак кошуп бир суткага коюп коёсуз. Даяр болгон ширеге марлини салып, аны сиңдирип аласыз анан бетке коёсуз. Көз жана мурун, ооз ачык калыш керек. Бир курс 30 маскадан турат. Кыргычтан майдаланып өткөрүлгөн бир бадыраңга бир чай кашык каалаган өсүмдүк майын кошобуз. Бул маска менен кургак бетке колдонсо жакшы. Ошондой эле кургак бетке туруп калган азыктар пайдалуу. Кычкыл капустанын ширеси пигменттик тактар менен сепкилдерди кетирет. Ал ширени марлиге сиңдирип алып тактар бар жерге 10 мүнөткө коюп коюш керек. Бул масканын курсу 30 жолу жасалат. Бирок бат-бат эле колдоно бербеш керек. Күн алыс жумасына бир жолу жасаса болот. Картошканын крахмалы менен лимондун ширесин бир өлчөмдө аралаштырып алып бетти тазаласа да болот.

МАЙЛУУ БЕТКЕ МАСКАЛАР!
Жумуртканын агынан маска Тешиктерди ичкертет, бырыштарды жазат, бетти тазалайт. Даярдоо: 1 жумуртканын агын көбүк болгончо эзет, анан ага бир чай кашык лимон ширесин кошуп, аралаштырат. Даяр болгон көбүктү бетке сүйкөш керек жана ал кургап баратканда кайра сүйкөш керек, ошентип 5-6 жолу кайталап койсоңуз болот. Андан кийин биринчи жылуу суу менен масканы жууп, артынан муздак суу менен чайкап койсоңуз болот.

СЕРГИТУУЧУ МАСКА!
Бир жумуртканын агы, бир чай кашык бал жана сүт, лимон ширеси керектелет. Жумуртканын агына бал, сүт, лимон ширесин кошуп, жакшылап аралаштырасыз. Андан кийин бетке 20-25 мүнөт коёсуз. Масканы жылуу суу менен жууп саласыз. Жуула турган сууга ромашканун тундурмасынан кошуп койсоңуз, жакшы жыйынтык берет.

БАЛ МАСКАСЫ!
Бул маска бетти азыктандырат, сергитет, сүйкүмдүү кылат жана тазалайт. Аны эки жумуртканын агынан, 30 грамм балдан, 1/2 чай кашыгы менен бадам же шабдаалынын данегинин майынан, эки ашкана кашык талкаланган сулу унунан жасайсыз. Бардык керектелүүчү азыктарды жакшылап аралаштыргандан кийин гана артында ага сулу унун кошуп коюш керек. Масканы биринчи жылуу суу менен жууп, андан кийин муздак суу менен чайкап койсо болот.

БЫШТАК МАСКАСЫ!
Бул маска алмашкыс маска. Ал бетти сүйкүмдүү кылат, азыктандырат, тешиктерди жоготот, сергитет. Аны даярдоо үчүн атайын 2 ашкана кашыгы менен быштак аласыз, 1/2 чай кашыгы менен суюк бал жана жумуртканы аласыз. Биринчи бал менен быштакты эзип алыңыз, анан жумуртканы кошуңуз. Бардыгын бир идиште бир убакта аралаштырып, даяр болгон масканы бетиңизге сүйкөп рахат алыңыз. Масканы жылуу суу менен жууп, муздак суу менен бир аз чайкап койгонду унутпаңыз.

КОСМЕТИКАЛЫК МАСКАЛАР!
Алардын жардамы ар кандай: бири терини жумшартат, азыктандырат, тазартат, сүйкүмдүү кылат дегендей. Ал эми көпчүлүгү териге дарылык касиетте да колдонулат: аллергия, суук тийүү, жара, безетки жана башкаларды кетирет. Масканы жумасына бир жолу коюш керек. Аны туура коюу үчүн бетти жакшылап тазалап, жакшы жыйынтык бериш үчүн кичине азыктандыруучу кремден сүйкөп, анан масканы көздүн айланасына тийгизбей коюш керек. 20-30 мүнөт кармап, бул убакытта эс алып, денени бош коюп жатыш керек. Андан кийин жылуу суу менен жууп, бетти лосьон менен тазалап ылайыктуу кремдерден суйкоо керек.

[nazi93]

Мен эч эле маска колдонбойт экенмин бетиме.Болгону ар дайым крем колдоном.Кудайга шугур бетиме угри деген нерселер чыкпайт.Бир аз эле сепкил бар да.Ошону кантип жоготсом болот?

[Oceana]

Сепкилди мача м.н кетирсе болот.(озунун, жаш балдардын) менин бир падрушкам практикада кылып коргон кетти. Сенда кылып кор.)))

[Begimkyz]

КОЗДУН АЙЛАНАСЫНДАГЫ ТЕРИГЕ КАМ КОРУУ....
Аялзатынын карылык менен курошуусу алгач коздун тегерегиндеги териге кам коруудон башталат. Дал ушул зонада курактын ойдолоп калганын билдируучу белгилер пайда болот. Тери жанычылдыгын жоготуп, шишиктер, алгачкы майда бырыштар тушот. Бул дагы тан калыштуу эмес. Анткени, коздун айланасындагы эпидермистин катмары ото жука келет- болгону жарым миллиметр. Анысы аз келгенсип, коз ар дайым кыймылда болуп турат: ар кимге коз кысабыз, кундон качып жулжуйобуз, жылмаябыз, кулобуз дегендей. Жыйынтыгында, коздун териси ото коп нагрузкага туш болот. Мына ушунун баары териге 20-25 жаштан баштап эле кам коро баштоо зарылчылдыгын алып келет. Кантип кам коробуз? Анын уч этабы бар: тазалоо(очищение), нымдаштыруу дейбизби(увлажнение) жана тонизирование (кыргызча которо албадым) же тондоо болобу, тан. 1. Тазалоо. Адатта, коздогу макияжды алып салуу учун косметикалык молочко колдонулат. Контактный линза колдонгон адамдар учун коздон макияжды алып салуу учун майлуу каражаттарды колдонуу сунуш кылынбайт- андан коро майы жок лосьон менен колдонуп, сууга чыдамдуу туштарды колдонуудан качкан дурус. Козду боегон сон, анны кундо кайра очуруп туру керек экенин унутпаныздар. Макияжды алуу учурунда кыймыл ото жумшак болушу керек. Терини чоюп салбоого аракет кылыныз. Эки вата тампонун молочкого чылап алып, козго 40-50 секундага коюнуз. Андан сон косметиканы ойдодон ылдыйды коздой кеткен кыймыл менен суруп салыныз.

Нымдаштыруу жана азыктандыруу Бул максатта атайын кремдер, лосьондор жана гелдер колдонулат. Башка каражаттардан булар курамында козго кирип кетип, ооруксунтуучу «майлуу каражаттардын» жоктугу менен айырмаланат. Анын устуно алар офтальмологдор тарабынан колдоого алынган болушу керек. Кремдер озгочо кургак терилерге туура келет. Бирок аларды сурмага жана коздун алдына сыйпоого болбойт. Анткени, майлар козго кирип кетиши мумкун, бул болсо зыяндуу! Ланолини бар крем колдонуудан качыныздар, анткени, ал козду шишитип жана кызартып коюшу мумкун. Кремди козго шыбап салуунун да кажети жок! Аны Кичине бир тамчы сымал эле манжага сыгып алып, коздун сырткы жагынан мурунду коздой басым менен синириш керек. Лосьондор женилдетилген курамына ылайык, тез синеет.Андан сырткары, алар бырыштарды жазууга , терини жылтыратып коюуга да жондомдуу. Гелди болсо контактный линза тагынган адамдар колдонсо ылайыктуу. Коздун айланасына колдонулуучу косметикалык каражаттарды ар бир торт айда алмаштырып туруу зарыл. Бул коз ооруларына туш болуудан сактайт.

[Vishenka]

Мен да озумдун кенештеримди айта кетейин.
Менин бетим ооооло эле кургак.Кир самынды мындай кой,жон эле сууга жуусам да бетим бырышып,тырышып калат.Мен 1 лимонду 2 ге болуп,жарымына бал жана бираз оливка майын куйуп устуно бетимди жышыйм.15 минуттон кийин жылуу суу менен чайкап салам.Лимон бетти агартканы,бал бетти азыктандырат, оливка майы бетти кургактыктан сактайт.Эн оной жана коп убакытты да албайт.Кылып коргуло 2-колдонушунан кийин эле результаты билинет.

[Kursanai]

соонун кенештер бар экен, т.б кам кором бирок дайыма эле эмес бошогондо маскаларды жасап койом

[fittoniya]

Мен маска жасап турам.
Петрушка 1тутам
лимон 3,4 тамчы
кефир же йогурт 1 чон кашык.
Петрушканы туурап,ширесин марлиден откоруп,лимон, кефир кошуп жаап коём.
15-20 муноттон кийин жууп салам.Бетим агарып свежий болуп калат.