Кара пояс

(23 )
11
12
13
14
15

Кара пояс Жоголгон казына баяны

#241 belka 03 March 2015 - 02:11

Супер-активист

Кыймылы жок
2104
21 July 14
: 01 Feb 2022 01:17
Жынысы:Аялзаты
Калаасы:Деңиз жээгинде.

Автоор тезирееек жазыныз

тезирээк жаза албайм.

Аллахым көрсөткөн ар бир күнүңө бейэсеп шүгүр!

of the page up there ^

#242 belka 03 March 2015 - 02:23

Супер-активист

Кыймылы жок
2104
21 July 14
: 01 Feb 2022 01:17
Жынысы:Аялзаты
Калаасы:Деңиз жээгинде.

-
-Жо-жок мен коркуп турам,Хабибуллонун жигиттери экөөбүздү кармачу болсо,дароо эле тирүүлөй өрттөшөт.Ал мындай нерселерге аябай каардуу,эч кечирбейт,катуу жазалайт.
-Коркпо жаным корксо да кой өлөт,коркпосо да кой өлөт.Тобокел кылбасак эч убакта иш оңолбойт.Кана сүйлөштүкпү?
-Билбейм,коркуп турам...
-Коркпо,кандай болсо да сени өзүм менен кошо ала кетем.Андан көрө тобокел де...
Мэхрибан олку-солку болуп бир аз кыйылып турду.
-Болуптур тобокел.
-Эң жакшы,анда түн жарымында ушул жерге келем,даяр болуп күтүп тур.
Адаттагыдай эле айланага күүгүм кирээри менен дарбазалар бекитилип,байлануу иттер бош агытылып,көпчүлүгү жатуунун камын көрө башташат.Үрүмчүлүктөр эрте жатып эрте турганды жакшы көрушөт.Сарайдагы малдардын баарын жайлап келген соң Улукбек эч нерсе билмексен боло жатууга кам урду.Ал сарайдагы малдарды жайлап жүргөндө өзу тандап жүргөн эки аттын ээр-токумун токуп,жолго деген азыктарды байлап,анан сыртынан бекитип келген.Акырындап короонун сыртындагы ызы-чуу азайып,иттердин үргөндөрү да басаңдап,айлана жымжырттыктын кучагына бөлөндү.Түн өз өкүмүн жүргүзүп,күндүзү чарчашкан элдин баары кызуу уйкуга киришти.Улукбектин катуу уктап жатканын көрүп Хабибуллонун жигиттери да өз жайларына эс алганы кетишти.Улукбек уктап калбайын деп көзүн жүмүп ойлонуп жатты.Кез-кез көзүн ачып башын көтөрө жанында күш-быш эте дем алып уктап жатышкан Хабибуллонун кызматчыларына көз жүгүртүп коюп атты.
Убакыт түн жарымына чукулдап,элдин баары кызуу уйкунун кучагына бөлөнгөн маалда ал ордунан дабыш чыгарбай акырын турду да,ууру мышыкча уурданып сыртка жөнөдү.Бактыга жараша асманда ала булут каптап,айдын көзүн көрсөтпөй айлана капкараңгы болчу.Короодо бош жүргөн иттер Улукбекти таанышып,куйруктарын шыйпаңдата жетип келишти.Ат сарайдын ачкычтары кайсыл жерде тураарын эң жакшы билчү.Акырын барып илинүү ордунан алып сарайды ачты да,ээр-токумчан даяр аттарды сыртка жетелеп чыкты.Айланасына бир сыйра көз жүгүртүп алды,тыптынч баары уйкунун кучагында болчу.Короонун дарбазасын ачты да,сыртка чыгып дарбазаны сыртынан бекем кылып бекитип таштады.
Аттын бирөөсүн минип,экинчисин жетелей Мэхрибандын үйүн карай жөнөдү."Ээ Кудайым,ал сыртка чыгып мени күтүп турса экен" анын ойлогон ой-тилегинин баары ушул болчу.Мэхрибандын үйүнө жакындаганда дубалдын жанындагы бийик өскөн бактын арасынан акырын бир караан суурулуп чыкты.
-Мэхри,бул сенсиңби жаным?
-Ооба.
-Кеттик анда.
-Кеттик.
Ал караан атка жеңил гана көтөрүлүп минди да,экөө кайдадыр чаап жөнөштү.Көчөдөгү бул дабышка кез-кез иттердин үргөнү болбосо,өлүү жымжырт болуп турду.Арттарына чаңдарын буруксута эки караан караңгылыкка сиңип кетишти.

Аллахым көрсөткөн ар бир күнүңө бейэсеп шүгүр!

of the page up there ^

#243 jigit.85 04 March 2015 - 07:29

Карапайым

Кыймылы жок
92
07 December 13
: 26 Jul 2023 22:31
Жынысы:Эркек
Калаасы:Иркутск

Салам Белка кыйналып кочуруп отурбай эле баарын сканерден тергизип киргизип салбайсынбы, озун да айтып жатат эленго экинчи китебин ошондой кылам деп?

of the page up there ^

#244 belka 05 March 2015 - 02:44

Супер-активист

Кыймылы жок
2104
21 July 14
: 01 Feb 2022 01:17
Жынысы:Аялзаты
Калаасы:Деңиз жээгинде.

Сканерди ноктбукка улашты билбей атам, анан кантип сканировать этишти деле унутуп калганмын

Аллахым көрсөткөн ар бир күнүңө бейэсеп шүгүр!

of the page up there ^

#245 Lusi 05 March 2015 - 09:26

Карапайым

Кыймылы жок
73
07 October 10
: 31 Dec 2020 20:44
Жынысы:Аялзаты
Калаасы:Ош

Айиий белка эки кундон бери козум тешилдиго,жазып койсон болмок

of the page up there ^

#246 jigit.85 06 March 2015 - 00:15

Карапайым

Кыймылы жок
92
07 December 13
: 26 Jul 2023 22:31
Жынысы:Эркек
Калаасы:Иркутск

Сканердин озунун аппарты болот без аппартсыз эч нерсе кыла албайсын,жакшысы жардамчы таап алып алмак-салмак жазсанар бат эле бутуп каласынар деп ишенен!

of the page up there ^

#247 belka 06 March 2015 - 00:49

Супер-активист

Кыймылы жок
2104
21 July 14
: 01 Feb 2022 01:17
Жынысы:Аялзаты
Калаасы:Деңиз жээгинде.

Сканер бар мурунку эскиден чоон, три в одном, ноутбукка уланган эмес да ксерокопиясын гана иштетем. жакын жерде бирөө болсо бермекмин китептерими.

Аллахым көрсөткөн ар бир күнүңө бейэсеп шүгүр!

of the page up there ^

#248 belka 06 March 2015 - 00:52

Супер-активист

Кыймылы жок
2104
21 July 14
: 01 Feb 2022 01:17
Жынысы:Аялзаты
Калаасы:Деңиз жээгинде.

КАПЧЫГАЙДАГЫ КАРМАШ
(БҮГҮНКҮ ЗАМАН)
Ала-Арча капчыгайы шаардыктар үчүн эс алууга аябай ылайыктуу жер.Тоонун бийик эки капталы жай мезгилинде жапжашыл болуп,анда өскөн кызыл-тазыл гүлдөр жай мезгилинде капчыгайдын көркүнө ого бетер ажайып көрк берип ажарын чыгарат.Бийик өскөн карагай арчалар,тээ төмөн жагында күркүрөп аккан чоң суу башка капчыгайлардан өзгөчөлөнүп турат.Анын үстүнө капчыгайдын төр жагында Альплагер жайгашкандыктан чет элден келген туристтер биринчи жолу эле ушул жакка келишет.Ошо себептен капчыгайдын кире бериш босогосунан баштап төр жагындагы Альплагерге чейин жалтырата асфальт төшөлгөн.Эс алуучулар же той бергендер лагерге байма-бай каттап турушат.Машинелерин төмөн жакта токтотуп коюп,карышкыр, түлкү,аркар- кийиктерге аңга чыкса да болот.Танкы саат алтыга чукулдап калганда ошол капчыгайдагы асфальт жолдо эки чет элдик кара машине Альплагерди көздөй зуулдап кетип баратты.Чоң күркүрөп аккан суудагы көпүрөнун тушуна жеткенде экөо тең биринин артына бир тизиле токтоп,ичинен жети-сегиз киши чыкты.Бирөөсүнүн колу артына байлануу экен,экөөсү аны эки жактан кармап,бирөөсү артына пистолет такап,калгандары айланта курчап алышып көпүрөнүн тушуна келишти.Кара калпакчаны төмөн жактагы куркүрөп жаткан албуут ажыдаардай чамынып,кулаган адамды дароо оп тартып алчудай өтө ылдамдык менен курүлдөп агып жаткан сууну бир азга тиктеп турду да,кайра бери басып келди.Булар Абдурахман баш болгон анын жигиттери Каныбекти өлтургөнү алып келишкен болчу.
-Кана Абдурасул баары көзүңө тааныш көрүнүп жатабы?Өткөн жолу Кудайдын парманы менен эптеп аман калыптырсың, -Абдурахман анын көйнөгүнүн бүчүлөрүн бычактын мизи менен кесип көкүрөгүн жагжайта ачты датигилерге көрсөттү.-Бобул тырыктар сени баарыбир тигил дүйнөгө ыраа көрбөптур да.Эми экинчи биз жаңылбайбыз, сенин бизге керегиң деле жок.Карта деги өзубүздө,казынаны сенсиз деле таап алабыз.Сендей чыккынчы бизге пайда алып келбейт.Кана Абдурасул акыркы сөзүңдү айтып кал,кулагыбыз сенде.
Чыныгы маркум болуп кеткен Абдурасул ушул көпүрөдө өлтүрүлгөн болчу.Эки колун артына байлап,көпүрөнүн кырына жетелеп келип,кош миздүү бычак менен үч жолу көкүрөккө матырып алышкан да,жансыз денесин төмөн жактагы албуут сууга ыргытып жиберишкен. Милиция кызматкерлери анын сөөгун дээрлик эки жумадан кийин табышкан.Шаркырап аккан чоң суу аны төмөн карай агызып жүрүп отуруп суу бөлгүч плотинага келгенде гана сыртка сүрүп таштаган.Плотинанын жанында шаардыктардын дачалары бар болчу. Ошол дачаларга барткан элдердин бир-экөөсу көруп калып,анан милицияга кабарлашкан.
-Болуптур мени өлтүрөөрүн го өлтүрөсүңөр дейли,эч кандай доказательство жок туруп ушуга барып жатканыңарга таңгалып жатам.Же силерди кимдир бирөөлөр атайылап бузуп,бизди бөлүп-жаргызы келип атабы.Мен силерди турмөдөн мени ушундай кылышсын деп алып чыккан эмесмин,ойлонуп эсиңерге келгиле.Эгерде мени өлтүрсөңөр силер никто,ничто болуп каласыңар.Тигил белгисиз топ жөн гана белиңреди майыштырып басып коёт.Ал эми картаны жөн гана алдырып бут баарынан куру-жалак каласыңар.
Абдурахмандын адамдары Каныбекти бир жумадан ашык катуу кыйнап,кыйын сынактан өткөрүшкөн болчу.Эмне себептен мындай кырдаалга туш келип калганына Каныбек өзу да таңгалып жатты"Же менин чыныгы Абдурасул эмес экенимдин чет-чеберин билип шектенип калыштыбы.Өткөн жолу жердешим Токтобек жолугуп калбады беле,ошону кармап алып бардыгын айттырып алыштыбы?Анда эле менин ишим бүттү.Бирок булардын сүйлөгөн сөздөру таптакыр башка,мага Абдурасул деп эле сүйлоп жатышат.Демек, эч кандай шек алуусу мүмкүн эмес.Балким булар мени жөн эле сынап жатышкандыр? " Зажигалка кутучасы менен Карабаеыге кабар бергенге мүмкүнчүлүк болгон жок.Тигилер арка ндай ыкмаларды,амалдарды колдонушуп катуу кыйнашты.Эси оогончо тепкилеп,сабап үч-төрт күн ачка коюшуп өз ойлоруна келгендерин жасашты. Атайын сынап жатышкандыр деп Каныбек баарына чыдап,туруштук берип бардык суроолорго кылдат,жй жооп берип атты.Бирок казынага тең орток кылбай чындап эле өлтурөөрүнө көзү жетти.
Ал көзүнүн кыйыгы менен көпүрөнун төмөн жагындагы сууга карады."Эми эмне кылсам,суга боюмду таштасамбы? Эки колум байлануу болгондуктан, баарибир сууда өлуп калыщшым мүмкүн.Андан көрөкчө башкача вариантын ойлонуп көрөйүнчү" .
Абдурахман саатын карады,башын көтөрүп тээ тоо баштарына көз жугүрттү.Анан колундагы жарымы тартылган тамекисин бир соруп туруп ары жакка ыргытып жиберди да, муну эртерээк бүтүргүлө дегекндей башы менен жаңсап белги берип,шарт бурулуп машинени карай басып кетти.
Дайыма эле өзү менен чогуу жургөн Рустам деген жигит өзү ачылма кош миздүү бычагын алып чыгып Каныбекти карай өтө тездик менен басып келатты.Күтүлбөгөндөй ылдамсдыкта секирген Каныбек тигинин колундагы бычагын учура тепти.Экинчиси аны карай бычак ыргытты эле,ары көздөй буйтап кетип,бычак көпурөнун четиндеги жыгачка сайылып калды.Бул жакка экөөну гана калтырышып, калгандары машинелерине отуруп калышкан болчу.Тарса- турс деген ызы-чууга кайра жабылыша бардыгы машинеден атып чыгышты.Көпурөнүн үстүндө эки жерде эки адам сулап жаткан болчу.Колу артына байланган Каныбек тоо бетиндеги бийик өскөн карагай,арчаларды аралай улам ары карай катуу ылдамдык менен чуркап көтөрулуп бараткан.
-Аны тирүү коё бербегиле! -деген Абдурахмандын үнүнө бардыгы чөнтөктөрүнөн тапанчаларын сууруп чыгышып,жабылыша Каныбек кеткен тарапты аткылаша соңунан кууп чуркап жөнөштү.

(саартан бери бошогондо эле отура калып жазып зорго бир тема жаздым)

Аллахым көрсөткөн ар бир күнүңө бейэсеп шүгүр!

of the page up there ^

#249 azimova90 06 March 2015 - 20:56

Карапайым

Кыймылы жок
56
31 December 14
: 28 Feb 2022 18:35
Жынысы:Аялзаты
Калаасы:Кыргызстан.

Каныбек кач!Карматба эч кимге.Баары бир казына сеники болот.

of the page up there ^

#250 belka 07 March 2015 - 00:51

Супер-активист

Кыймылы жок
2104
21 July 14
: 01 Feb 2022 01:17
Жынысы:Аялзаты
Калаасы:Деңиз жээгинде.

КУУГУНЧУЛАР
(мурунку заман)

Улукбек бул жакка эс учу жок келгендиктен кандай келгенин билбейт.Улам жолдогу жашоочулардан кыргыздарга барчу Ош-Маргелан- Ташкент жолун сураштырып экөө көз болжол менен түндүк тарапка багыт алып кетип баратышты.Ал дээрлик он жылдан бери дервиш болуп жер кезип жүргөндүктөн бул жолу адашып тура эмес кетип калам деп коркпойт болчу.Жолдон Үрүмчүлүк көп жылдан бери жашаган уйгур чал кыргыздаргы кандай барыштын жол-жобосун баарын тушундүруп берди.Башынан далайды,көптү өткөргөн куу чал бул экөөнүн жөн жолоочулар эмес экенин,эки жакты абайлай карап,шашылып сүйлөгөндөрунөн, кийген ктйтимдеринен, минген аттарынан бир жактан качп бараткандарын дароо эле байкап койду.Алар узап кетишкен соң "булар бул кейиптери менен алыска узабайт" дегендей башын чайкай узата карап турду.
Мечиттен азан чакырылган үнгө биринчилерден болуп Хусейин турду да короо ичи али тынч экенин байкады.Бул мезгилде сарайдагы малдар бадага чыгып,короодогу каз-өрдөктөргө жем чачылып,короо ичи небакта жанданып калмак.Бир нерседен шек салган Хусейин сөрүдө жатышкан уйгур малайларга барды.Улукбектин орду бош болчу.
-Улукбек кайда?-анын бакырганына бардыгы баштарын көтөрушө,бири- бирин караша билбейбиз дегендей ийиндерин күйшөштү.Ал жатчу көрпөлөр жыйылбаган боюнча туруптур.Дароо көрпөнун ичине колун салып көрдү,мупмуздак болчу."демек ал качып кеткен экен да."Эки күн мурун Турпанга кетип баратканда кожоюндун "Тигиге сак болгула к,качып кетпесин,эгер качырып жиберсеңер бир көзүңөрдөн кан,бир көзүңөрдөн жаш алам" деген сөзүн эстеди.Кечээ кечинде вино ичип кызуу чалыш келип жаткан,аны качып кетет деп ойлогон да эмес.Көзүнө кожоюнунун өзун карап турган заардуу көзү тартыла туштү."Балким качкан эместир,сарай жакта жүргөндүр" ушундай үмүт менен дароо аттар байланып турган сарайга жөнөдү.Сарайдын сырты кулпуланбаптыр "аттарга жем салп жүрөт го дейм"-ушундай ой менен сарайдын ичине кирип барып,эмне кылаарын билбей шалдырап туруп калды.Болгондо да эки ат ээр-жабдыктары менен жок экен."Ах,демек эки атты минип качкан экен да" ал кайра сыртка жүгүрүп чыкты.
-Ал качып кетиптир,эки күлүк атты минип...!-анын кыйкырганына беркилер дүрбөлөң түшүштү.-Аттарды токугула,ал алыска узабайт.
Үч-төрт жигит сарайдан аттарды жетелеп чыгышты да шашып токуй башташты.Жарым чай кайнам убакытка жетпей бардык шаймандарын алышкан,курал- жаракчан алты киши даяр болду.Хусейин өзү да белине кылыч байланып,артына мылтыгын асынды да шашыла атка минди.
-Анын каяк тарапка качып кетээрин билем мен,экиге бөлүнөлү төртөөңөр Мерке тарапка кетчү жолго түшөсүңөр,биз Ош-Маргелан тарапка кетчү кербен жолго түшөбүз.Аны тапмайынча келбегиле... Жолдон жолуккан кишилерден сурагыла,көргөндөр бар чыгаар аны.Эрте күндү кеч кылбай бол жөнөгулө.
Төрт кишиден турган биринчи топ аттарынын ооздорун Хусейин көрсөткөн тарапка бурушту да чапкан боюнча кетишти.Хусейин өзү менен кошо эки киши алып,тигил экөө кеткен жолго туштү.Алар жолдо жолуккан кишилерден "Ат жетелеген кишини крдүңөрбү?" -деп сурап журүп отурушту.Бардыгы эле көрбөгөндөрун айтып жатышты.Көчөдө ойноп журушкөн эки жаш бала бир аял менен эркектин тундүк тарапка аттарын чаап кетип бараткандарын айтышты.Атүгүл аттарынын түсүн,эркек менен аялдын кийген кийиминен бери айтып беришти.Хусейин атынан акырын эңкейип эки мадыра башка кайрылды.
-Көргөнүңөргө канча болду?
Экөө унчукпай бири-бирин карап туруп калышты эле тигил чөнтөгунөн эки кытай тыйынын алып чыгып экөөнө карматты.
-Кана эми айтасыңарбы, канча убакыт болду аларды көргөнүңөргө?
-Биз аларды күн тээтигил жерде турганда көргөнбүз,азыр болсо бул жерде.
"Төртбеш чай кайнамдык убакыт.Минген аттарына караганда окшошуп кетет,бирок анын жанындагы аял ким болду экен?Чындыгында ага аялдын кереги эмне,өз жанын куткара албай жатып.Же булар башка бирөөлөрдү көрүшкөнбү? Болуптур эмнеси болсо да көрө жатаарбыз." -Хусейин өщү менен өзү сүйлөшө атын теминди да бир аз жүргөндөн киийин"Кеттик" деп камчы салды.Анын аты атырылып жөнөгөндө артындагы экөөсү да соңунан чаап жөнөштү.
Үч атчан ээн талаадагы кербендер жүрчү жалгыз аяк жолго тушүп алышып,аттарын үстөккө-босток чапкылап жүрүп отурушту.Бир кезде Хусейин бир нерсени байкагандай атынан тушө калды да ,жолдогу аттардын издерине көз жугүрттү.
-Жаңы издер экен аттардын такалары да жапжаңы.Анын үстүнө эки гана аттын изи.Аттарды такалаганыбызга аз эле болбоду беле.Аттын издерин колу менен сыйпалап көруп,"Алардын бул жерден кеткенине көп болуптур,канчалык чамдасак да бүгүн кууп жете албайбыз.Бирок ошентсе да бир оп жакындаганга аракет кылыш керек"-ал кайра атына секирип минип үчөө андан ары чаап жөнөштү.
ххх
Таң азандан тынбай жол жүрушкөн Улукбек менен Мэхрибан күүгүм талаш гана шиберлүү тоо бетине келишкенде аттарын токтотуп эс алдырышты. Аларды бир аз откозушуп,өздөрү да азыктанып алышты.Жолдо келатканда түшкө чукулдап калган маалда ат үстүндө эле азыктанышкан. Сэхрибан үйүнөн атайын эки аптага жеткидей азык ала чыккан.Өзүнүн алдындагы кызматчы аялдарына да эчтеме айткан эмес.Уктамыш болуп отуруп тун ортосунда жашыруунакырын эч кимге байкатпай чыгып кеткен.Муну короосундагы ити гана байкаган,кожоюнуна шыйпаңдап келип башынан сылап эркелеткенде кайра уясына кирип кеткен.
Тигилер кайрадан жолго чыгышып,айланага күүгүм кирип кеткенде да экөө эс албай журүп отурушту.
-Үйүңө кайтып барганда эне-атаңдар башка жакка көчүп кеткен болсо эмне кыласың?
-Мейли каякка көчүп кетсе да издеп табыш керек.Бирок сени менен бирге болом.
-Эгер ошол боюнча кыргыз жергесине өтүп кетсек,магша жубай болосуңбу?
Кыз унчукпай жылмайып койду.Асманда ай да жок болчу,айлана капкараңгы болгон менен экөөнүн тең көздөрү караңгылыкка көнүп калган.Аттарын жай бастырып кетип баратышты,тунү бою катуу жол жүргөндүктөн аттар эс алсын деп жай бастырышууда. Аттардын кез-кез кошкура калган үндөрү болбосо айлана жымжырт.Жигит атынын оозун тык токтотту.
-Эмне унчукпайсың, айтчы мага аял болосуңбу?.. Балким менин улутум да уйгурдур.Анткени уйгурча да жакшы сүйлөйм.Балким казак,кыргыз же болбосо өзбектирмин. Кандай болсо да баарыбир мусулман баласымын.Эне- атамды да билбейм ким экенин,аларды өмүрү көрбөгөм.Кана айтчы мага аял болосуңбу?
-Мен жана сага айтпадымбы, кай жакта болсоң да сени менен бирге болом деп...
-Эгер экөөбүз өмүр бою бирге жашасак,байлык Кудая шүгүр балдарыбыз түгүл неберелерибизге, чөбөрөлөрүбүзгө да жете турган..,-ал сөзүнүн аягына чыкпай туруп калды.Аз-аз жерден алиги мүрзөлөрдүн ичинде катылуу жердеги казына жөнүндө балп этип ийе жаздап тилин тиши менен тиштеп өзүн т ок тотуп калды."Балким бул мени алдап кетсечи,эне- атасына барганда мени таштап башка эрге тийип кетсечи?" .
Экөө унчукпай жүрүп отурушту.Мэхрибан тигил эмне жөнүндө сүйлөп атат адегенде анча маани берген жок.Калың бийик өскөн жапайы талдын түбүнө келгенде экөө ошол жерде эс алмай болушту.Аттарды бакка байлап,ээрлерин чечип алып,баштарына жаздашты да өздөрү менен кошо ала чыккан төшөктөрдү алдыларына салышып,чапанды үстүнө жамынышып эс ала кетишти.Дээрлик бир жарым сутка ат үстундө түшпөй чарчашкандыктан жерге жатышаар менен дароо уйкуга кетишти.
Аттардын кошкуруп кишенегенинен биринчи болуп Улукбек ойгонду.Таң супасы жаңыдан агарып,айланага жарык кирип келатыптыр. Эмнеге аттар кишенеп атышат болду экен дегендей сактана башын көтөрүп айланасына көз жиберди.Өздөрүн карай беш-алты мышыкка окшогон кара түстөгү жаныбарлар акырын дабыш чыгарбай жакындап келатышыптыр. Булар ушул-айлана чөйрөдө жашаган жергиликтүү чөөлөр болчу.Мэхрибан эч нерсени сезбей катуу уктап жаткан.Анын узун кирпиктерине, капкара болгон көзү-каштарына, сулуулугуна суктана карап турду.Акырын жылып келатшыкан чөөлөр уктап жатышкандардын кыймылын көрүп токтоп туруп калышты.Улукбек аны ойготкусу келбей,сулуулугуна канбай кечке эле тиктеп тура бергиси келди.Бир аздан кийин ал ойгонуп кетти да,көзүн ачып өзун тиктеп Улукбекти жылмая карап койду.
Туруп,жуунуп бир аз шам-шум этишкен соң аттарын токушуп,андан ары сапарын улашты.Ошол боюнча тынбай жол жүрүп отурушуп,түшкө чукулдай төө өркөчтөнгөн бийик тоолорго жакындап келишти да жалгыз аяк жол менен жогору көтөрулө башташты.Жарым чакырымдай жогору көтөрулуп белге жакындай баштаганда артына кылчайып,тээ төмөн жактагы туздүккө көз жүгүрткөн Улукбектин кабагы бүркөлүп,өңү муздай түштү.
-Сага эмне болду Улукбек?
-Тээ төмөн жактагы туздүктү карачы.Үч атчан бизди карай чаап келатат.Болду болбоду булар куугунчулар. Түрлөру жаман.Бизди көрдүбү,көргөн жокпу билбейм,бирок биз узай албай калдык,-ал жогору жакты тоонун жолун карады.-бобул тоону ашып кетсек Кытай чек арасына өтуп кетет элек,ай болбой калды.Эми мен бул жакта калууга туура келет,а сен жолуңдан калбай кете бер.Антпесе сен экөөбүз тең колго түшөбүз.
-Жок мен сенсиз эч жакка барбайм.Түндөгү кыялданган сүйлөшкөн сөздөрүбүз кана.Өмүр бою бирге болобуз дебедиң беле.Мейли өлсөк да бирге өлөлү.
-Жок болбойт Мэхра жаным,ушунча аттангандан кийин сен сөзсүз үйүңө жетишиң керек.Тур жөнө эрте күндү кеч кылбай,ал эми тигилер мени эч убакта өлтурүшпөйт. Алтындардын каякта катылуу экенин мен гана билем.Ошондуктан мени жок кыла алышпайт.Ал эми сени кармап алышса өлтурүп коюшу мүмкүн.Тур жолуңдан калбай жөнө,мен буларды кармап турам.
-Жок менс енсиз эч жакка барбайм!
-Жөнө деп жатам!-мойнуна асылып кучактап буркурап ыйлап аткан Мэхрибанды акырын өзунөн оолактатып, атына кайра мингизди да тигинин атын камчы менен чаап-чаап алды.Ат аткан октой учуп жөнөдү эле,арт жагынан кыйкырып калды.
-Мени унутпай жүр Мэхрибан.Балким аманчылык болсо жолугушаарбыз! -Улукбек тигинин карааны узап кеткенче карап турду.Анан колундагы союлун кармап кезектеги кармашка даярдана баштады.

ЭЭН ЖОЛДОГУ АТЫШУУ
(бүгүнкү заман)

Каныбектин эки колу артына байлануу болгондуктан катуу ылдамдыкта, эркин чуркаганга тоскоол болуп атты. Ошентсе да бактан бакка,дарактан дааркка жашына болгон күчү менен жогору карай чуркап жүрүп отурду.Ал эми тээ төмөн жактагылар болсо колдорундагы пистолеттер менен үстөккө босток аткылашып,бирнерсе деп кыйкырыша тигинин артынан жогору көтөрүлүп келатышты.Каныбектин бактысына улам жогорулап көтөрулгөн сайын арча-кайыңдар да коюуланып көбөйө берди.Ал жерге жата калып бутун катуу бүктөп туруп байлануу колдорун алдына чыгарып алды.Анан төмөн жакты бир карап алып кайрадан чуркап жөнөдү.Төмөн жактагылар тике тоо бетинен бир аз жогору көтөрүлүшкөндөн кийин эле басыктары жайлап,бышылдап- күшүлдөп чарчап калышты.
-Тигини коё бербеш керек,кандай да болсо аны кармап же атып өлтурүш керек.Болбосо ал биздин түбүбүзгө жетет.-Абдурахман бышылдап-күшүлдөп маңдайындагы терин аарчып,жогору Каныбек кеткен жакты карады.Төмөн жактагылар пистолеттери менен Каныбек кеткен жакты тынбай аткылашып бышылдап-күшүлдөшуп жай көтөрулуп келатышты.
Каныбек тоо бетиндеги ат же койлор өтчү жалгыз аяк ичке жолду көрүп ошол жол менен чуркап жөнөдү.Жол боюнан өтө ылдамдык менен жылан сойлоп өткөнун да байкады.Ал катуу чуркаган боюнча өзүнүн сол тарабындагы чырпыктарды көрүп,ошонун ичине сойлоп кирди да,аларды үстүнө жамынып,акырын демин басып,тигилердин келишин кутүп отурду.
Көп өтпөй эле колдоруна пистолет кармашкан топ бул жерге көтөрүлүп жетип келишти да жогору карай токтобостон көтөрулө беришти.Алардын эң артында Абдурахман өзунчө сүйлөнүп кетип баратты.
-Аны кандай болсо да кууп жетип өлтүрүш керек.Бул жолу ал тирүү калбагандай болсун.Керек болсо мууздап салгыла мойнуна таш байлап сууга ыргыткыла.Алыс качырбай аткылагыла!
Анын сөзү чырпыктар арасындагы Каныбекке даана угулуп атты.Куралчан топ туш-тушка чачыраша өйдө көтөрулуп кетишти.А ошол жаткан боюнча байланган колун чечкенге аракет кылып көрдү эле аябай бек,катуу байлангандыктан бычак же курч миздүү нерсе менен кесип чечпесе,чечүүгө дегеле эч мүмкүн эмес экен. Оң жагынан гыш эткен анан чырылдаган добуш угулду.Башын бурбастан көзүнүн кыйыгы менен акырын сол жакка көз жиберди.Жоондугу билектей,узундугу бир кулачтай келген кара чаар жылан секирүүгө даяр болуп тикесинен оозун ачып-жаап,тилин салаңдатып туруптур.Былк этсе эле секиргенге даяр турат.Акырын көзүнүн кыйыгы менен бет маңдайында жаткан узун жыгачты көрдү. Байкатпай өзүнө күч,энергия топтой баштаганда жылан да аны сезгендей ордунан козголо баштады.Тигилерге салыштырганда бул да оңой эмес жоо болчу.Болгон күчү менен чымырканып ордунан атып турганда жылан да аны көздөй секирди.Бирок анын секиргенин денесине жеткирбей буту менен тосо калганга үлгүрдү.Бактыга жараша бут кийиминин булгаарысы катуу болгондуктан жыландын тиши андан өтө алган жок.Экинчи жолу секиргенге үлгүртпөй тикесинен тиктуруп калды.Алгач кунг-фу менен машыгып жүргөн убакта жыландын кыймыл-аракетин, кантип кол салганын туурап ошонун негизинде мушташканды жакшы өздөштургөн болчу.Жылан кайрадан кол салууга даярданып тикесинен турганда Каныбек да эки колун дал эле жыландардыкындай кылып тикесинен кармап,тигинин кол салуусун күтүп экөө тиктешип калышты..Алыстан бирөөлөр көрсө экөо арбашып жатышат деп ойлошмок.Каныбек акырын артка кетенчиктесе тигил алга жылат.Бир кезде жылан аны к өздөй катуу секирди эле Каныбектин буту дагы жардамга келди.Жылан да бет маңдайындагы душманынын колу байлануу,анча- мынча болсо да алсызыраак экенин сезип туюп атты.Көзүнүн кыйыгы менен жерде жаткан союлду карады,бир кадамдай жакын калыптыр.Колун созсо эле жеткидей,мунун оюн алдын-ала сезгендей жылан да аны көздөй катуу секирди,бирок Каныбек да союлду ала коюп тигини катуу бир серпкенге үлгурдү.Союл жыланга дал тийгендиктен төмөн карай учуп туштү да,оролуп,кайра жанып туйлап жатып калды.Бирок ал али тирүү болчу.
-Тигине ал төмөн жакта жүрөт-деген үнгө Каныбек жалт бурулду да эсине келгендей кайрадан болгон күчу менен бактарды аралап чуркап жөнөдү.Арт жагынан мынтыктын,автоматтын атылган үндөрү угулуп,кыйкырык ызы-чуу менен тигилердин кууп келатышканы билинип турду.Бир кезде Каныбектин сол жак ийни тыз дей тушуп,анан ысып кетти.Бир аз өтпөй эле ийни катуу оорутуп,көйнөгүнө кан жая берди.Ал агып жаткан канды,оорутуп жаткан ийинин колу менен катуу баса,чуркаганын улантты.Бактыга жараша Ала-Арча капчыгайынын ушул бөлугундөарча- кайың,балатылар аябай коюу болчу.Токой арасында мергенчиден карышкырдай улам далдоо жер издеп,болгон күчү менен алга карай чуркап журүп отурду.Күйүккөнүнө карабай жарым сааттан ашык чуркап жүрүп отурду,тоо бети менен өйдө карай кеткен жалгыз аяк жолду көрүп ошол жол менен көтөрүлдү.Анан атайын жасалган тепкич аркылуу темир тосмо короонун ичине кирип,таң калып туруп калды.Мрамордон, кызыл таштан жасалган эстеликтер, мүрзөлөр болчу.Ташта чег илген жазууларга көз жүгурттү.Тээ бир миң тогуз жүзүнчу жылдан берки геологдордун тубөлүк жайы экен,чет элдик кишилердин да аттары жазылуу журөт.Сыягы кырсыктан каза болгон геологдорду ушул жерге көмүшсө керек.
Арт жагындагы куугунчулардан болсо дайын жок,сыягы бир топ эле артта калса керек.Каныбек бир аз демин басып турган соң,геологдордун түбөлук жайын артка калтырып андан ары жөнөдү.Бир аз өткөн соң алиги жерге Абдурахман баш болгон куралдуу топ келди.
-Бул кладбищелердин төмөн жагында Альплагер жайгашкан.Ошол жактарга түшүп кетиши мүмкүн,бир экөөңор барып текшерип келгиле.Тээтигил жерде чабандын боз үйүн көрдүңөрбү, андан да сурагыла.Бейтааныш адамды көрдүңөрбү деп,бирок сак болгула аларга куралыңарды көрсөтпөгулө.
Куралчан топ үчкө бөлунүп,бир- экөөсү өйдө карай жөнөшүп,экөөсү жолдорун андан ары улантышып,калгандары болсо төмөн жакка Альплагер жакка тушүштү.
Бул мезгилде Каныбек тике көтөрүлүп,тоонун эң башына чыгып,кайра артка карай кайтып эски ордуна карай жүгүруп бараткан.Колу али байлануу болчу,кыймылдаган сайын кан агып,сол жак ийни да оорутуп жүдөтуп жиберди.Жипти урчук таш менен кесип к өрдү эле майнап чыккан жок.Шашыла ордунан тура төмөн карай болгон күчү менен чуркап жөнөдү.Өйдө көтөрүлгөндөн төмөн түшкөн алда канча жеңил.Ар бир үчүнчү кадамында жерге кан тамчылап,артына из калтырып баратты.Бирок куугунчулар аны эбакта жоготуп жиберишкен эле.Каныбектин эс-дартынын баары эле кайра мурунку ордуна,алиги жыгач көпурөнүн жанына келип,тигилер калтырып кеткен машинелеринин бирин айдай качуу эле.
Көп өтпөй эле төмөн жакта алиги көзүнө тааныш чет элдик эки кара машиненин турганын көрдү.Эки жагын сактана карап,көпүрөгө жакындап акырын түшүп келди.Аябай жакын келген соң,бийик калың өскөн карагайга далдалана көпүрө жакка көз жүгүрттү.Ал жакта дегеле тирүүлүктүн белгиси билинбейт,кыбыр эткен жан жок."Алиги көпурөдө эси ооп калган экөөсу кайда кетти болду экен?Же алар да менин артыман кууп кетиштиби?" ушуларды ойлоп Каныбек көпүрөгө сактана жакындап келди.Машиненин ичинде да,сыртында да дегеле бир жан көрунбөйт,шектүү эч нерсе билинбейт.Жыгач көпүрөдө алиги сайылган бычак ошол сайылуу боюнча эле туруптур.Анын баш жагына курсагын такап туруп байлануу колун өйкөп жиптерди кескенге аракет кыла баштады.Калың жибек жип жаңы эле кесиле баштаганда артынан кимдир бирөө желкесине пистолет такап калды.Сыягы Каныбектин алыстан акырын жылып келатканын байкап жашырынып,анан аңдып турса керек.Жиптин бир чети кыйылып колдору бошоп калган болчу.Мунун ким экендигин баскан добушунан,сүйлөгөн сөзүнөн дароо эле байкады.Мындан эки саат мурун өзүнө карай бычак шилтеген Рустам деген жигит болчу.
-Эки колуңду желкеңе ал да өйдө тур.
Анын кызыл-ала болгон көйнөктөрүн, кансыраган кейпин көрүп күлүп койду.
-Сени ким боёду мынча кызыл-ала кылып?Сыягы ок жегенсиң го дейм ыя,ха-ха-ха!
Каныбек бир аз турган соң башы айланган кишидей эт-бетинен кулады да былк этпей жатып калды.Рустам адегенде муну арамзаланып жатат деп ойлоп жанына барганга даабай турду.Бир аз турган соң эки-үч жолу ичке тээп көрдү.Дале былк этпеген соң кансырап эси ооп жатып калды деп ойлоп,тигилер келгенче колун кайрадан байлап салайын деп эңкейе калып аны чалкасынан оодарды.Бирок күтүлбөгөндөй ушунчалык ылдамдыкта, катуу согулган соккуга чалкасынан кулады да,эси ооп жатып калды.Анын пистолетин алып эки машинеге келди,убакытты өткөрүү өлүм менен барабар болчу.Алдыңкы машинесине олтурду,анан дароо асфальт жол менен калааны көздөй кайра төмөн карай айдап жөнөдү.Көп өтпөй эле артынан автомат,пистолеттердин аткылаган үндөру угулуп бир канча караан машинени карай жанталаша чуркап келатышкандарын көрдү.
Машинени катуу ылдамдыкта айдап ошол эле мезгилде башы айланып,кансырап, алсырап кетип баратты.Капчыгайдын Альплегерге кирчү дарбазанын оозу жабык экен.Машиненин күзгүсү менен артын карады,тээ алыс жакта катуу ылдамдык менен кара чет элдик машине өзүнө жакындап келатыптыр.
Машинени токтотуп дарбазаны ачканга убакыт жок болчу.Ошол катуу күүсү менен эле дарбазаны суздүрүп,талкалап өтуп кетти.Кичине будкада ары-бери өткөндөргө көз салып тургандар сыртка атып чыккыча экинчи чет элдик кара машине зуу этип,катуу ылдамдык менен өтуп кетти.Каныбек машине айдоо боюнча аябай эле дасыккан айдоочу эмес болчу.Ошол себептен аркада кууп келаткан кара машине аны бат эле кууп жетип келди.

Аллахым көрсөткөн ар бир күнүңө бейэсеп шүгүр!