Шумдугуң кургур

(163 )
126
127
128
129
130

Шумдугуң кургур Бири-бирибизди таң калтыралы

#2541 Topcubai 12 May 2015 - 11:21

Супер-активист

Кыймылы жок
3238
19 March 14
: 28 Feb 2022 17:04
Жынысы:Эркек
Калаасы:Лейлек

Москвада пенсионерди зордуктаган 3 кыргызстандык кармалды

Бүгүн, 12-майда АrbatСity сайты, Москва шаарында полиция тарабынан, улгайган аялды зордуктоого шектелишкен Кыргызстандын 3 жараны кармалгандыгын маалымдады.

Алдын ала маалыматтар боюнча, 3 кыргызстандык, аялды зордуктап, акчасын жана уюлдук телефонун тартып алышкан.

«Шектүүлөрдүн үйүн текшерүү учурунда уурдалган 6 телефон табылды. Полиция шектүүлөрдүн ушундай эле башка кылмыштарга катыштыгы бар же жогун тактап жатат», - деп белгилейт АrbatСity.

Азыркы учурда кармалгандар камакта. Кылмыш иш козголду.

^{Уулум, мен сени менен сыймыктанам!
Андыктан бардык жеңишин менин жеңишим болуп эсептелет!}

of the page up there ^

#2542 Topcubai 19 May 2015 - 10:21

Супер-активист

Кыймылы жок
3238
19 March 14
: 28 Feb 2022 17:04
Жынысы:Эркек
Калаасы:Лейлек

Дүйнөдөгү эң кары эже-сиңдилер 101, 96 жана 93 жаштагы 4 британиялыктар болуп катталышы мүмкүн

Дүйнөдөгү эң кары эже-сиңдилер болуп британиялыктар аталышы мүмкүн, деп жазат The Daily Mail.

Маалым болгондой, алардын жалпы жашы 391 жашты түзөт. Буга чейинки рекорд 386 жаш болгон.

Жакында эле эгиздер Фрида жана Дорис Лэтэмм туулуп өскөн Девондо сиңдилери 96 жаштагы Глэдис Кэмп жана 93 жаштагы Филлис Френд менен 101 жаш курагын белгилешти. Жалпысынан британиялык эже-сиңдилер 19 премьер-министр жана 4 монархтын мезгилинде жашап, 2 дүйнөлүк согушту баштарынан өткөрүшкөн. Эже-сиңдилердин 11 баласы, 12 небереси, 5 чөбөрөсү жана 2 кыбырасы бар.

Бул жетишкендиктери Гиннес рекорддор китеби тарабынан расмий кабыл алынат деп үмүттөнгөн эже-сиңдилер узак жашоонун сыры нукура британ тамагында деп эсептешет жана генетикалык экендигин четке кагышууда (алардын ата-энеси 71 жана 75 жаштарында каза болушкан).

Басылма белгилегендей, эгерде жакында эле алардын 95 жаштагы Эми жана 98 жашар Мэй аттуу эже-сиңдилери каза болбогондо британиялыктардын рекорду мындан да жогору болмок.

^{Уулум, мен сени менен сыймыктанам!
Андыктан бардык жеңишин менин жеңишим болуп эсептелет!}

of the page up there ^

#2543 Topcubai 19 May 2015 - 10:25

Супер-активист

Кыймылы жок
3238
19 March 14
: 28 Feb 2022 17:04
Жынысы:Эркек
Калаасы:Лейлек

Горбачев 1980-жылдардагы антиалкоголдук кампанияны катачылык деп атады

СССРдин мурдагы президенти Михаил Горбачев 1980-жылдын аягындагы антиалкоголдук кампанияны жүргүзүү катачылык болгондугун билдирди.

«Комсомольская правдага» берген интервьюсунда ал кампания туура максатты көздөгөндүгүн, бирок ал өтө тез жүргүзүлүп, көптөгөн каталар менен коштолгон.

«Антиалкоголдук кампания туура эмес жүргүзүлгөн деп эсептейм. Өзгөчө Москвада көптөгөн дүкөндөр жабылган. Андыктан самогон жасоо күч алган. Дүкөндөрдө кум шекерлер жоголгон. Кампания жүргүзбөстөн алдын ала пландалган алкоголизм менен узак мөөнөттүү күрөш жүргүзүш керек болчу экен. Коомду дароо эле бир учурда соолуктуруу мүмкүн эмес. Ал үчүн бир нече жылдар талап кылынат. Жана аны менен тынымсыз дайыма күрөшүү керек. Азыркы учурда да алкоголизм менен күрөшүү керек деп эсептейм. Эгерде муну таштап салсак, мындан да жаман болот», - деди Горбачев.

«Мында бир нерсени түшүнүү керек. Ал кампания башталардын алдында эл Брежневге: «Айлананы ичкилик каптады. Балдар дайыма мас болуп, тентип жүргөн ата-энелерин билишпейт, ал эми, ата-энелери балдарын эстешпейт. Ажырашуулар толуп кетти» деп жазышкан», - дейт Горбачев.

«Антиалкоголдук кампания учурунда 1,6 млн адам каза таап, бул көрсөткүч мурдагы жылдарга салыштырмалуу аз болгон. Өндүрүштө, жолдордо кырсыктар азайган. Мен өлкөнү кыдырганда мени көбүнчө аялдар колдошорун, ал эми, эркектер тескерисинче нааразы экендиктерин байкагам», - деп кошумчалады ал.

Горбачев: «Сооданы жаап, самогон жасоонун пайда болушуна алып келбеш керек эле. Баарын акырындан жасаш керек эле», - деп күнөөнү моюндады.

СССРде антиалкоголдук кампания 1985-жылы башталган. Аны жүргүзүүгө дүйнө боюнча алдыңкы орунга чыккан өлкөдөгү алкоголизмдин жогорку көрсөткүчү себеп болгон.

Анын жүрүшүндө бийлик алкоголдук ичимдиктерди сатууга чектөө коюшкан. 2 жылдан кийин калктын нааразычылыгынын өсүшүнөн жана бюджетте ири сумманын кыскарышынан улам кампания токтотулган.

^{Уулум, мен сени менен сыймыктанам!
Андыктан бардык жеңишин менин жеңишим болуп эсептелет!}

of the page up there ^

#2544 Topcubai 19 May 2015 - 10:30

Супер-активист

Кыймылы жок
3238
19 March 14
: 28 Feb 2022 17:04
Жынысы:Эркек
Калаасы:Лейлек

Пилдер - сөөк көмүү жөрөлгөсү бар жалгыз жаныбарлар

Белгилүү болгондой, адамдарда, неандерталдарда жана пилдерде гана сөөк көмүү жөрөлгөсү бар.

Адатта пилдердин жашоо узактыгы 60–80 жыл. Пил ооруп калса, үйүрдүн башка мүчөлөрү ага тамак ташып, каралашат жана ордунан тургусу келсе кадимкидей жөөлөп тургузушат. Эгерде пил өлсө, алар аны суунун жана тамак-аштардын жардамы менен тирилтүүгө бир канча убакыт аракет кылышат. Пил өлгөнү белгилүү болгон соң, үйүрдүн арасы тынчып калат. Кийин алар анча чоң эмес үңкүр казып, өлгөн пилди түртүп барып, үстүн бактардын бутактары, ылай аралашкан чөптөр менен жаап коюшат да, «мүрзөнүн» жанында бир нече күн болушат. Эгерде өлгөн пилдин абдан жакын мамиледе болгондору болсо алар депрессияга да кабылышат.

Белгисиз, жалгыз, адашкан, өлгөн пилге жолугуп калган үйүр дагы ушундай ырым-жырымды жасайт.

Кызыгы, пилдер таап алган өлгөн адамдарды да ушундай жол менен көмгөн учурлар кездешкени маалым.

^{Уулум, мен сени менен сыймыктанам!
Андыктан бардык жеңишин менин жеңишим болуп эсептелет!}

of the page up there ^

#2545 Topcubai 19 May 2015 - 10:33

Супер-активист

Кыймылы жок
3238
19 March 14
: 28 Feb 2022 17:04
Жынысы:Эркек
Калаасы:Лейлек

Эң кичинекей жандык

Денебиздин бүт тарабында кичине, бирок кичине болгону менен татаал бир жашоо өкүм сүрөт. Адамдын кандайдыр бир органынын ичин микроскоп астында изилдегенде, ал жерде ал органды түзүү үчүн топтолгон жана тынымсыз кыймылда болгон миллиондогон миниатюралык жандыктардын жашап жатканын көрөбүз. Адам эле эмес, бүт жандыктар да клетка деп аталган ушул микроскопиялык жандыктардын жыйындысынан турат.

Клеткалар ядросуз (прокариот) жана ядролуу (эукариот) болуп экиге бөлүнөт. Бактериялар – ядросуз бир клеткалуу жандыктар. Адам жана жаныбар клеткалары менен өсүмдүк клеткалары ядролуу клеткалардан турат, бирок түзүлүшү жагынан бир-биринен айырмаланат. Өсүмдүк клеткалары ичиндеги хлоропласттар аркылуу күндүн нурун колдонуп адамдар жана жаныбарлар үчүн азык жана кычкылтек өндүрүшөт. Бул китепте көбүнчө адам клеткалары жөнүндө сөз кылынып, кээ-кээде өсүмдүк клеткалары да каралган.

Адам денесинде 100 триллиондон ашык клетка бар. Ал клеткалардын кээ бирлери ушунчалык кичинекей болгондуктан, алардын бир миллиону бириксе, бир ийненин башындай гана жерди ээлейт. Бирок кичине болгону менен, клетка илим дүйнөсү бир ооздон тастыктагандай, адамзат бүгүнкү күнгө чейин көргөн эң комплекстүү түзүлүш деген наамын сактап келүүдө. Дагы эле ачыла элек көп сырларды камтыган клетка эволюция теориясынын да эң чоң туюктарынын бирин түзөт. Белгилүү орус эволюционист А.И. Опарин көрмөксөн болууга мүмкүн болбогон бул чындыкты төмөнкүчө айтат: «тилекке каршы, клетканын келип чыгышы эволюция теориясын толугу менен камтыган эң караңгы чекитти түзүүдө.» (A. I. Oparin, Origin of Life, p.196)

Бул темадагы башка бир моюнга алуу болсо Johannes Gutenburg университети Биохимия институтунун башчысы профессор, доктор Клаус Дозеге (Klaus Dose) тиешелүү. Дозе тирүү клетканын келип чыгышы жөнүндө; «көп иш-аракеттерге карабастан, акыркы 30 жылдан бери тирүү клеткалардын келип чыгышын түшүндүрө ала турган кандайдыр бир ачылыш жасала алган жок.» (Klaus Dose, "The Origin Of Life: More Questions Than Answers", Interdisciplinary Science Reviews, p. 352) деп, эволюциянын жашоонун келип чыгышын эч түшүндүрө албашын мойнуна алууда.

Бул моюнга алуудан эволюциянын жолунун биринчи этапта эле жабылганы жана андан ары баруунун кажети жок экени апачык көрүнүп турат. Себеби, белгилүү болгондой, жандуу дененин негизги курулуш материалы – бул клетка. Ошондуктан, алигече клетканын, ал тургай, клетканы түзгөн белоктор менен белокторду түзгөн аминокислоталардын пайда болушун да түшүндүрө албаган бир теориянын дүйнө жүзүндөгү жандыктардын келип чыгышын түшүндүрүшү мүмкүн эмес.

Тескерисинче, клетка адамдын «жаратылгандыгын» көрсөткөн эң керемет далилдердин бирин түзүүдө.

Клетка жашай алышы үчүн өтө маанилүү бүт негизги бөлүкчөлөрү чогуу бар болушу керек. Б.а. клетка «эволюциялык бир процесс» натыйжасында пайда болгон деген киши негизи клетканын миллиондогон бөлүгү бир учурда жана бир жерде кокустан пайда болгон деп жаткан болот. Болгондо да бүт ал бөлүктөрү бир учурда белгилүү бир тартип жана план менен чогулган болушу зарыл. Мындай нерсенин кокустан болушу, албетте, мүмкүн эмес. Ошондуктан клетканын бар болушу «жаратуунун», б.а. Жараткандын бар экендигинин апачык бир далили.

Бир салыштыруу жасасак, клетканын эволюция айткандай кокустуктар натыйжасында пайда болуу ыктымалдыгы типографиядагы бир жарылуу менен кокустан бир энциклопедиянын басылып калышынан да төмөн. Башкача айтканда, жашоонун кокустуктар натыйжасында келип чыгышы эч мүмкүн эмес.

Ошого карабастан, эволюционисттер дагы эле алгачкы дүйнө шарттары сыяктуу эң контрольсуз шарттарда жашоонун кокустуктар натыйжасында келип чыкканын жакташууда. Бирок бул эч качан илимий маалыматтарга туура келбейт. Мындан тышкары, эң жөнөкөй ыктымалдык эсептөөлөрү да жандуу бир клетка мындай турсун, ал клеткадагы миллиондогон белоктун бир даанасынын да кокустан пайда боло албашын математикалык жактан далилдеди. Бул дагы эволюция теориясынын акыл менен логикага эмес, кыял, фантазия жана ойдон чыгарылган пикирлерге таянган бир сценарийлер жыйындысы экенин көрсөтүүдө.

Клеткалардан тышкары, ал клеткалар арасындагы кемчиликсиз бир гармония жана кызматташтыктын болушу да өзүнчө бир керемет. Адам денесиндеги бүт клеткалар башында бир клетканын бөлүнүп көбөйүшүнөн келип чыккан. Жана, эң башында, денебиздин азыркы түзүлүшү, формасы, планы жана бүт өзгөчөлүктөрү жөнүндөгү бардык маалыматтар ошол алгачкы клетканын ядросундагы хромосомаларда болгон.

Бүт клеткалар жалпы өзгөчөлүктөрү жагынан бир-бирине окшошот. Бирок ар бир орган түзүлүшүнө жана аткарган кызматына жараша өзгөчө формалар жана жөндөмдөр менен жабдылган, башка органдардыкынан айырмалуу клеткаларга ээ болот.

Ар бир клетка бүт иштөө системалары, байланышы, транспорту жана башкаруусу менен чоң бир шаарга окшош татаал системага ээ: клетка короткон энергияны өндүрүүчү станциялар; жашоо үчүн сөзсүз талап кылынган фермент менен гормондорду өндүрүүчү заводдор; өндүрүлүүчү бүт продукттар жөнүндөгү маалыматтар жазылган бир маалымат базасы (маалымат банкы); бир аймактан экинчисине чийки заттар менен продукттарды жеткирүүчү комплекстүү транспорт системалары; түтүктөр; сырттан келген чийки заттарды ишке жарактуу бөлүктөргө бөлүштүрүүчү алдыңкы лаборатория жана рафинирлөөчү заводдор; клетканын ичине киргизилчү же сыртка чыгарылчу материалдардын кирип-чыгышын башкарган адистешкен клетка мембранасы белоктору бул татаал түзүлүштүн бир бөлүгүн гана түзөт.

Адам аны түзгөн ушул клеткалардын өз ичинде да, бир-бирлери арасында да гармонияда иштеши натыйжасында өмүрүн уланта алат. Клетка башка клеткалар менен гармонияда иштеп жатып, өз өмүрүн да өтө тартиптүү жана кылдат бир тең салмактуулукта улантат. Бул тартибин улантуу, ички тең салмактуулугун сактоо үчүн муктаж болгон көп заттарды, энергиясы да кошо түздөн-түз өзү аныктап, өндүрөт. Өзү канааттандыра албаган муктаждыктарын болсо сырттан өтө кылдаттык менен тандап алат. Ушунчалык кылдат тандагандыктан, айланада ээнбаш жүргөн заттардын бир даанасы да клетканын уруксатысыз, туш келди анын эшиктеринен ичкери кире албайт. Клетканын ичинде ашыкча, максатсыз бир дагы молекула болбойт. Клетканын сыртына чыгуулар да ушул сыяктуу кылдат контрольдор, күчтүү текшерүүлөр натыйжасында жүрөт.

Мындан тышкары, клетка ар кандай тышкы коркунуч жана кол салууларга каршы өзүн коргой турган бир коргонуу системасына (иммундук системага) да ээ. Болгондо да, ичиндеги ушунча көп түзүлүш жана система, сансыз иш-аракеттерге карабастан, орточо бир клетканын көлөмү заманбап бир шаар сыяктуу канчалаган километр квадрат эмес, миллиметрдин 100дөн биринчелик гана.

Мына ушул дүйнөдөгү эң кичинекей жандыктын бул жерде кыскача бир канчасы санап өтүлгөн иштеринин ар бири, алдыда карала тургандай, өз-өзүнчө керемет.

Дүйнөнүн эң алдыңкы заводу

Клеткадагы өндүрүш системасын дүйнөдө али теңдеши курула албаган, өтө алдыңкы технология менен иштеген кыялдагы бир заводго окшотсок болот. Бул кыялдагы завод көп сандагы жогорку технологиялуу бөлүктөрдөн турган жана ар бөлүгүндө ар кандай технологиялык продукттар өндүрүлчү ири бир объект. Продукттарынын бир бөлүгүн өз ичинде колдонот, бир бөлүгүн бир-бирине улап, жаңы өндүрүш жабдыктарын жасайт. Өндүргөн продукттарынын көпчүлүгүн болсо чийки зат жана жабдык (машина) катары сыртка жөнөтөт. Өндүрүштө минимум материал коротуп, максимум өндүрүмдүүлүккө жетет. Дүйнө жүзүндөгү эч бир завод жете албай турган деңгээлде экология досу. Калдыктарын өзү жок кылып, айлана-чөйрөнү дээрлик эч булгабайт.

Заводдогу өндүрүш жана операциондук системалары кемчиликсиз дизайн кылынган. Башкаруучулар, инженерлер, жумушчулар, кыскасы, бүт кызматкерлер өз кызматын эч кемчиликсиз орундатуучу жогорку сапаттуу робот жана компьютерлерден турат. Ал компьютер жана роботтор болсо фантастикалуу кинолордо гана кездешчү өтө жогорку деңгээлде.

Клеткадагы өндүрүш да ушул кыялдагы заводдогудай жасалат. Заводдогу роботтор менен машиналардын ролун клеткада «фермент» деп аталган өзгөчө процесстер үчүн адистешкен татаал түзүлүштүү белок молекулалары аткарат. Заводдогу маалыматтарды сактаган жана башкаруу ролун аткарган компьютерлердин ордуна клеткадагы маалымат жана башкаруу бул багытта адистешкен, көп сандагы атомдун биригишинен түзүлгөн, чоң, спираль формасындагы бир молекула тарабынан жасалат: «ДНК» молекуласы.

^{Уулум, мен сени менен сыймыктанам!
Андыктан бардык жеңишин менин жеңишим болуп эсептелет!}

of the page up there ^

#2546 Meruet84 19 May 2015 - 10:40

Супер-активист

Кыймылы жок
3308
09 March 15
: 24 Jul 2021 23:47
Жынысы:Аялзаты
Калаасы:Кыргызстан

Парагвайда зордукталган 10 жашар кыздын боюнан алдыруусуна тыюу салышты

Парагвайда полиция кызматкерлери 10 жашар өгөй кызын зордуктаганга шектүү адамды кармашты. Кыздын азыр 5 айлык боюнда бар жана ага боюнан алдырууга тыюу салышты, деп маалымдайт Би-Би-Си.

Парагвайдын мыйзамдары боюнча эненин өмүрүнө коркунуч келбей турганда боюнан алдыруу кылмыш болуп эсептелет.

Өлкөнүн саламаттыкты сактоо министри Антонио Баррос маалымдагандай, кыздын ден-соолугу жакшы, ал эми боюнан алдыруу үчүн кеч.

Бирок аялдардын укуктарын коргоо үчүн күрөшкөндөр кыз төрөт үчүн өтө эле жаш экендигин айтышууда. Анын боюна бүткөндүгү апасы кызы шишип жатат деп ойлоп ооруканага алып келгенде билинген.

7 млн жакын эли бар Парагвайда жыл сайын 14 жашка чейинки 600 кыздын боюнда болот.

Не деген заман болду эми ........

لا اله الا انت سبحا نك اني كنت من الظا لمين

of the page up there ^

#2547 Topcubai 19 May 2015 - 10:40

Супер-активист

Кыймылы жок
3238
19 March 14
: 28 Feb 2022 17:04
Жынысы:Эркек
Калаасы:Лейлек

Пайгамбардын карикатурасынын автору Charlie Hebdo журналынан кетүүдө

Charlie Hebdo сатиралык журналынын башкы карикатуристи Ренальд Лузье отставкага кетип жаткандыгын билдирди. Бул тууралуу Agence France-Presse твиттерден билдирди.

Редакцияда 1992-жылдан бери иштеп келаткан Лузье «Бул менин жеке тандоом», - деди.

«Ар бир чыгарылыш – бул сыноо, калгандары кетип калбадыбы», - деди ал Париждеги январда болгон терактта көз жумган кесиптештерин эскерип.

Ошондой эле, редакциядан кетүүнү көптөн бери ойлоп жүргөндүгүн, бирок жума сайын чыгуучу журналдын кызматкерлерине тилектештиктен улам муну кылбагандыгын кошумчалады.

Лузье буга чейин Саркози сыяктуу чарчагандыгын айткан.

Лузье – «Je suis Charlie» таблицасы менен «Баары кечирилди» деген темада Мухаммед пайгамбар тартылып, теракттан бир жума өткөн соң чыккан журналдын мукабасынын автору.

^{Уулум, мен сени менен сыймыктанам!
Андыктан бардык жеңишин менин жеңишим болуп эсептелет!}

of the page up there ^

#2548 Topcubai 19 May 2015 - 10:42

Супер-активист

Кыймылы жок
3238
19 March 14
: 28 Feb 2022 17:04
Жынысы:Эркек
Калаасы:Лейлек

Гайананын чытырман токоюнда алтыны бар шахта урап түшүп, 10 кен казуучу көз жумду

Гайананын чытырман токоюнда алтыны бар жеке шахта урап түшкөндүктөн 10 кен казуучу көз жумду. Бул тууралуу Reuters маалымдайт.

Алдын ала маалыматтарга ылайык, узак убакыт жааган нөшөрлүү жамгырдан улам топурак жумшарып, көчүп түшкөн.

Бул себептен издөө иштери да кыйындоодо. Жергиликтүү атка минерлердин айтымында, куткаруучулар топурактын жумшак абалынан улам оор техниканы колдоно албай жатышат.

Белгилей кетсек, жер астында дагы 7 кен казуучу болгон, бирок алар сел жүргөнгө чейин чыгып кетүүгө үлгүрүшкөн.

^{Уулум, мен сени менен сыймыктанам!
Андыктан бардык жеңишин менин жеңишим болуп эсептелет!}

of the page up there ^

#2549 Topcubai 19 May 2015 - 10:45

Супер-активист

Кыймылы жок
3238
19 March 14
: 28 Feb 2022 17:04
Жынысы:Эркек
Калаасы:Лейлек

Саясатчылардын сыналгыдан чыгып сүйлөөсү дүйнөдөгү эң тажатма нерселер рейтингин жетектеди

Көпчүлүк адамдар дүйнөдөгү эң кунарсыз нерселер деп, саясатчылардын телеканалдын чыгып сүйлөөсүн, бир нерсени күтүүнү жана почта бөлүмдөрүндөгү кезектерди эсептешет.

The Daily Mirror билдиргендей, британиялык Interparcel компаниясынын эксперттери 2 миң британдыкка сурамжылоо жүргүзүп, эң эле кунарсыз нерселерди жана көрүнүштөрдү, зээриктирме адамдарды жана жадатма алектенүүлөрдү атоону сунушташкан.

Сурамжылоого катышкандардын кунарсыз, зээриктирме жана тажатма деп эсептеген ТОП-10 нерсе төмөнкүлөр:

1. Саясатчылардын чыгып сүйлөөсү

2. Иш аракеттер мүмкүндүгүсүз бир нерсени күтүү

3. Почта бөлүмдөрүндөгү кезектер

4. Жол тыгындары

5. Теледүкөндөр

6. Кабылдамада отуруу

7. Жай иштеген wi-fi

8. Бир нерсенин жеткирилишин күтүү

9. Поезддердин жүрүү убактысынан кармалышы

10. Телеберүүлөрдөгү жарнамалык тыныгуулар

Ал эми зээриктирме саясатчылар деп британдыктар лейбористтик партиянын лидери Эдвард Милибэндди жана премьер-министри Дэвид Кэмеронду аташкан. Эң эле кунарсыз «жылдыздарга» Боно, Канье Уэст жана Гвинет Пэлтроу кирген, ал эми аргасыздан терең дем алып эстөөгө (зевота) алып келген тасма деп — «50 оттенков серого» тасмасын аташкан.

Суроолорго жооп бергендер, ошондой эле сыналгыдан көрүү депрессиялуу деп «Формула-1» жарыштарын жана ат чабыштарды айтышкан. Андан тышкары, аларды жумушчу кеңешмелер, айрыкча Powerpoint менен презентацияларды көрүү тажатаарын белгилешкен.

Сурамжылоого катышкандардын онунун жетөөсү (чоң адамдар боюнча алганда), өздөрү дегеле кунарсыз жашоо менен жашай турганын моюнга алышкан.

^{Уулум, мен сени менен сыймыктанам!
Андыктан бардык жеңишин менин жеңишим болуп эсептелет!}

of the page up there ^

#2550 Topcubai 19 May 2015 - 10:52

Супер-активист

Кыймылы жок
3238
19 March 14
: 28 Feb 2022 17:04
Жынысы:Эркек
Калаасы:Лейлек

Индияда никесиз байланышка шектелген түгөйлөрдү туугандары өрттөп өлтүрүштү

Индиянын чыгышындагы бир айылда никесиз байланышка шектелген түгөйлөр өрттөлүп өлтүрүлгөндүгүн жергиликтүү The Hindu басылмасы полицияга шилтеме берүү менен маалымдады.

Окуя Бихар штатындагы Аметха айылында болуп өткөн. Джайрам Манджхи атуу адамдын аялы Касадих айылынан болгон. Экөөнүн ортосунда 3 бала болгон. 30 жаштагы Манджхи өзүнүн аялынын туугандарына коноко барып, ал жерден аялынын 16 жаштагы тууган кызын сүйүп калган. Андан кийин бир-бирин сүйүп калган түгөйлөр айылдан качып кетишкен. Ошол эле учурда Манджхинин аялы төртүнчү баласын кош бойлуу болгон.

«Бирок аларды кармап алышып, айылга алып келишкен. Жергиликтүү аксакалдар соту кыздын жана Манджхинин туугандарынын көзүнчө аларга өлүм жазасын чыгарышкан. Туугандары качып кеткендерди байлап андан кийин өрттөп өлтүрүшкөн», - деп билдирген аймактык полиция кызматкери Ману Махарадж.

Полиция өлтүрүлгөн кыздын эки эжесин кармаган. Айылдын 15 тургунуна окуя боюнча айып тагылышы мүмкүн.

Индияда мындай көрүнүш көп кездешет. Мындай жазаларга көбүнчө касталык системаны же үй-бүлөлүк каалоону бузган жаштар кириптер болушат.

^{Уулум, мен сени менен сыймыктанам!
Андыктан бардык жеңишин менин жеңишим болуп эсептелет!}

of the page up there ^

#2551 Topcubai 19 May 2015 - 10:54

Супер-активист

Кыймылы жок
3238
19 March 14
: 28 Feb 2022 17:04
Жынысы:Эркек
Калаасы:Лейлек

Гамбиянын президенти өлкөдөгү бардык кумсалардын мууздаларын айтып коркутту

Гамбиянын президенти Яйя Джамме (Yahya Jammeh) өлкөдөгү бардык кумсалардын (гей) мууздаларын айтып, коркутту деп маалымдайт The Independent.

«Муну Гамбияда жасаган адамдарды мен өлтүрөм. Эгерде эркек бул өлкөдө башка бир эркекке үйлөнгүсү келсе, анда аны биз кармайбыз да, ошол бойдон эч ким аны көрбөйт», - деди президент.

Былтыр, 2014-жылдын ноябрь айында Джамме оорлотуучу учурларда гомосексуализм үчүн өмүр бою камакка алуу мыйзамын киргизген. Калган өмүрүн темир тор артында ВИЧ же СПИД менен ооруган кумсалар жана лесбиянкалар, ошондой эле салттуу эмес байланыш боюнча алгач ирет кылмыш жазасына тартылгандар өткөрүшөт. Бул мыйзам кабыл алынганга чейин Гамбияда гомосексуалдык байланыштары үчүн 14 жылга эркинен ажыратылчу.

2008-жылы өлкө башчысы гомосексуалдардын өлкөдөн чыгып кетүүлөрүн, болбосо баштары кесилерин айтып коркуткан.

1996-жылдан бери Гамбияны башкарып келаткан Яйя Джамме мындан башка дагы жаңжалдуу демилгелери менен белгилүү. Ал 1999-жылы эжесинин өлүмүнө сыйкырчыларды күнөөлөгөн. Анда өлкөдө «желмогуздарга аңчылык» жүргүзүлгөн. Ошондой эле, өлкө башчы СПИДге каршы дары тапкандыгын айтып, аны чөптөрдүн кайнатмасы менен дарылоону сунуштаган.

^{Уулум, мен сени менен сыймыктанам!
Андыктан бардык жеңишин менин жеңишим болуп эсептелет!}

of the page up there ^

#2552 Topcubai 19 May 2015 - 10:59

Супер-активист

Кыймылы жок
3238
19 March 14
: 28 Feb 2022 17:04
Жынысы:Эркек
Калаасы:Лейлек

Британиядагы Мерлин аттуу мышык катуу мырылдагандыгы үчүн Гиннес рекорддор китебине кирди.

Британиядагы Мерлин аттуу мышык катуу мырылдагандыгы үчүн Гиннес рекорддор китебине кирди. Анын чыгарган үнү 67,8 дБ деп өлчөндү. Адатта мышыктар 25 дБ деңгээлинде мырылдашат.

Рекордсмендин ээси Трейси Вествуд: кээде телефон аркылуу сүйлөшүп жатканда бул эмне болгон үн деп сурашканда «бул мышык» деп айтам. «Бирок ишенишеби билбейм», - дейт Трейси.

Мышык анын үйүндө 13 жылдан бери жашайт. Аны жаныбарларды куткаруу борборунан алып келишкен. Мерлиндин үнүн үйдө бир гана дүлөй ити уккан эмес.

Вествуд 2 жыл мурда Смоки аттуу ошол кездеги рекордсмен тууралуу уккан. Анын мырылдаган добушу 67,68 дБ жеткен. Ээси Мерлиндин Смокиден да ашып түшөрүн сезип, эксперттерди чакырган.

Натыйжада Гиннес рекорддор китебинин өкүлдөрү жаңы рекорд ээсин аныкташкан.

^{Уулум, мен сени менен сыймыктанам!
Андыктан бардык жеңишин менин жеңишим болуп эсептелет!}

of the page up there ^

#2553 Topcubai 19 May 2015 - 11:01

Супер-активист

Кыймылы жок
3238
19 March 14
: 28 Feb 2022 17:04
Жынысы:Эркек
Калаасы:Лейлек

Австрияда дүйнөдөгү эң алгачкы кумсалар жана лесбиянкалар үчүн жол чырактар пайда болду

Австриянын борбор шаары Венада кумсалар жана лесбиянкалар үчүн жол чырактар пайда болду. Дүйнөдөгү эң алгачкы «гомосексуалдык» жол чырак Верингерштрасс жана Универзитетсринг көчөлөрүнүн кесилишинде орнотулду.

Маалым болгондой, мындан ары ушундай эле жол чырактар шаардын эл көп 50 бөлүгүндө орнотулмакчы. Жаңы жол чырактар эскилерден андагы адамдардын сүрөттөлүшү менен гана айырмаланат. Аларда кадимки адамдардын ордуна кумсалар жана лесбиянкалар чагылдырылган.

Жергиликтүү бийлик өкүлдөрү маалымдагандай, жаңы жол чырактар Венанын «ырым-жырымдарга каршы толеранттуу шаар экендигин» көрсөтүү максатында орнотулду. Белгилей кетсек, шаарда ушул айда «Евровидение- 2015» музыкалык сынагы өтөт.

Венанын вице-мэри Мария Фассилакоунун айтымында, жаңы жол чырактар коопсуздукту да жогорулатат. Анткени жөө жүргүнчүлөр сигналдын алмашуусун кызыгуу менен карашат, демек жашылдын күйүүсүн күтүшөт, дейт ал.

^{Уулум, мен сени менен сыймыктанам!
Андыктан бардык жеңишин менин жеңишим болуп эсептелет!}

of the page up there ^

#2554 Topcubai 19 May 2015 - 11:11

Супер-активист

Кыймылы жок
3238
19 March 14
: 28 Feb 2022 17:04
Жынысы:Эркек
Калаасы:Лейлек

Кыргызстандыктар Маямиде ресторан ачышты

Кыргызстандыктар АКШдагы Маями Бичте ресторан ачышты.

Ресторан Маями Бичтин түндүгүндө 15 мүнөт узактыкта жайгашкан. Ал «El'Eat» деп аталып, «эл тамактанууда» дегенди билдирет. Кыргызстандыктар конокторуна жандуу музыка, ыңгайлуу зал жана мыкты ашканага убада беришүүдө.

Тыным албай иштеген мигранттарыбыз Москва жана Дубайда да ресторандарды ачышууда.

^{Уулум, мен сени менен сыймыктанам!
Андыктан бардык жеңишин менин жеңишим болуп эсептелет!}

of the page up there ^

#2555 Topcubai 19 May 2015 - 11:13

Супер-активист

Кыймылы жок
3238
19 March 14
: 28 Feb 2022 17:04
Жынысы:Эркек
Калаасы:Лейлек

Франциянын зоопаркынан сейрек кездешүүчү 17 маймыл уурдалды

Франциянын Боваль шаарында зоопарктан сейрек кездешүүчү 17 маймыл уурдалды. Бул тууралуу The Local маалымдайт.

Зоопарктын директору Рудольф Делорддун айтымында, уурулар видеокөзөмөлдөө камерасына түшпөй калышкан.

«Бул маймылдардын өтө сейрек кездешүүчү түрү эл аралык багуу программасына кирет», - деп белгиледи Делорд.

Анын пикиринде, уурулар эксперттер болушкан жана жаныбарлардын баасы тууралуу билишкен.

^{Уулум, мен сени менен сыймыктанам!
Андыктан бардык жеңишин менин жеңишим болуп эсептелет!}

of the page up there ^

#2556 Topcubai 19 May 2015 - 11:15

Супер-активист

Кыймылы жок
3238
19 March 14
: 28 Feb 2022 17:04
Жынысы:Эркек
Калаасы:Лейлек

Дүйнөнүн 8-керемети: Түркиядагы «Пахта сарай»

Памуккале - бул Анталияга жакын жайгашкан Түркиядагы парк жана өзүнүн травертиналары (поликристаллдык жумшак ичке дандуу гомогендик акиташ өңдүү тоо породасы) менен белгилүү. Аталыш өзү түп нускасынан «пахта сарайы» деп которулат, анткени алыстан кебезди элестетет.

Памуккалеге жергиликтүү жаратылыштын көз жоосун алган кооздугун көрүүгө гана эмес, дарылануу максатында да келишет.

Минералдарга бай суулары, бир нече ооруларга дабаа, алардын арасында тери, ичеги-карын оорулары, таяныч-кыймыл аппараттарынын оорулары, жүрөк-кан тамыр оорулары, психикалык оорулар, рахит, көз оорусу, экзема, псориаз, люмбаго бар.

Ошондой эле, бул суулар стрессти жана чыңалууну басат.

^{Уулум, мен сени менен сыймыктанам!
Андыктан бардык жеңишин менин жеңишим болуп эсептелет!}

of the page up there ^

#2557 Topcubai 19 May 2015 - 11:22

Супер-активист

Кыймылы жок
3238
19 March 14
: 28 Feb 2022 17:04
Жынысы:Эркек
Калаасы:Лейлек

АКШда ири рак шишиги бар балык кармалды

АКШнын Пенсильвания штатында ири рак шишиги бар балыкты кармашты. Бул тууралуу CBS News маалымдайт.

Малоротый окунь (Micropterus dolomieu) Саскуэханна дарыясынан былтыр кармалган. Анда пайда болгон өзгөчөлүктү көз карандысыз 2 лаборатория изилдеген. Алар былтыр, 2014-жылдын 4-майында балыктын коркунучтуу шишик алып жүрөрүн аныкташкан.

2005-жылдан бери эксперттер шишик даана байкалган 22 миң балыкты изилдешкен. Окумуштуулардын айтымында, мындан улам Пенсильваниядагы экологиялык абал туурасында ойлонуп, чара көрүү керек.

«Балыктардагы рак адамдын ден-соолугуна зыян алып келери далилденген эмес», - дейт Пенсильваниянын Саламаттыкты сактоо департаментинин катчысынын милдетин аткаруучу Карен Мерфи. Аны менен катар, ал адамдар жарасы бар балыктарды колдонуудан баш тартуусу керек экендигин айтты. Штаттын өкмөтү балыктардын рак шишигине эмне себеп болуп жаткандыгын билишпейт.

^{Уулум, мен сени менен сыймыктанам!
Андыктан бардык жеңишин менин жеңишим болуп эсептелет!}

of the page up there ^

#2558 Topcubai 19 May 2015 - 11:25

Супер-активист

Кыймылы жок
3238
19 March 14
: 28 Feb 2022 17:04
Жынысы:Эркек
Калаасы:Лейлек

Ооганстанда Куранды өрттөдү деген айып менен аялды кыйнап өлтүргөндөргө өлүм жазасы тууралуу чечим чыгарылды

Ооганстанда Кабулдун биринчи инстанциясындагы сот аялды кыйнап өлтүргөн 4 адамга өлүм жазасын чыгарды, деп маалымдайт Би-би-си.

Эске салсак, 19-мартта Фархунда аттуу 28 жаштагы айымды мечиттен сүйрөп чыгышып, чогулган элдер ал өлүп калганга чейин сабашкан да, сөөгүн өрттөп жиберишкен. Кийин окуяга күбө болгондор Куранды өрттөгөндүгү тууралуу айып жалган болгондугун айтышкан.

Жергиликтүү ТОЛО каналы маалымдагандай, сот кызматкери бүгүн, 6-майда айыпталуучуларга өлүм жазасы тууралуу буйрукту окуду, бирок ага даттануу укугун күчүндө калтырды.

Мечиттин жанында болгон адам өлтүрүү фактысы боюнча 49 адам тергөөдөн өтүп, алардын ичинен 8 адам 16 жылга эркинен ажыратылды. 18 адамдын күнөөсү далилденбегендиктен бошотулду. Ал эми калган 19 адамдын тагдыры жекшемби күнкү отурумда чечилет.

Сот кызматкеринин айтымында, эркиндикте жүргөн дагы негизги кылмышка шектүү адамдар бар жана полиция кызматкерлери учурда аларды издөө иштерин жүргүзүшүүдө.

^{Уулум, мен сени менен сыймыктанам!
Андыктан бардык жеңишин менин жеңишим болуп эсептелет!}

of the page up there ^

#2559 Topcubai 19 May 2015 - 11:29

Супер-активист

Кыймылы жок
3238
19 March 14
: 28 Feb 2022 17:04
Жынысы:Эркек
Калаасы:Лейлек

55 жолу турмушка чыккан аял зарыл болсо бакытын издөөнү уланта берерин айткан

Мавританиянын Нуакшота шаарынын жашоочусу мусулман аял 55 жолу турмушка чыккан.

Биринчи жолку никеси 12 жашында болгон. Анын эң узак никеси 15 жылга, эң кыскасы болгону 2 күнгө созулган. Мавританиялык мусулман аялдын башка никелери бир нече айга, же жумага эле уланган. Өзүнүн никелешүүлөрүнүн мындай туруксуздугун ал, ашыкча кызганычтар жана күйөөлөрү өздөрүнүн үй-бүлөлүк милдеттерин тийиштүү деңгээлде аткарууну каалабагандыгы менен түшүндүргөн.

Ал ошондой эле, баардык күйөөлөрүнүн аттарын биле турганын айткан. Мавритандык аял азыркы күйөөсү менен өмүрүнүн акырына чейин жашоого үмүттөнөт, бирок зарыл болгон учурда бактысын издөөнү улантууга даяр экенин жашырбайт.

Белгилей кетсек, көп жолу турмушка чыкса да, мусулман аялдын бардык 55 никеси шарият менен кыйылган.

^{Уулум, мен сени менен сыймыктанам!
Андыктан бардык жеңишин менин жеңишим болуп эсептелет!}

of the page up there ^

#2560 Topcubai 19 May 2015 - 11:32

Супер-активист

Кыймылы жок
3238
19 March 14
: 28 Feb 2022 17:04
Жынысы:Эркек
Калаасы:Лейлек

АКШлык жаран бутун таштандыга ыргытып жибергендиги үчүн оорукананы сотко берди

Американын Флорида штатынын тургуну Джон Тимирязефф (John Timiriaseff) анын ампутацияланган бутун таштандыга таштап салгандыктары үчүн Корал-Гейблстеги Doctors Hospital ооруканасын сотко берди. Бул тууралуу Reuters маалымдайт.

Бейтаптын аты жазылган бутту таштанды чогултуу боюнча жергиликтүү компания таап алып, полицияга кабарлаган.

Операция болгондон кийин 1 айдан соң полиция кызматкерлери Тимирязеффдин үй-бүлөсү менен байланышып, анын кылмыштын курмандыгы болбогондугу тууралуу сурашкан. Анда анын үй-бүлө мүчөлөрү ооруканага кайрылып, бирок тиешелүү жооп ала алышкан эмес.

Ооруканадан болгон окуя жеке мүнөзгө ээ болгондуктан анын жалпыга маалымдалбай тургандыгын билдиришкен. Аны менен катар, мындан ары мындай окуялар кайталанбашы үчүн тиешелүү чаралар көрүлгөндүгүн айтышкан.

Тимирязеффтин жактоочусу Клэй Робертс негизи ампутацияланган дене бөлүктөрү ооруканада өрттөлөрүн айтып, анын кардары менен болгон окуя доодо «адам сыпайычылыгынан тышкары» деп баалангандыгын билдирди.

^{Уулум, мен сени менен сыймыктанам!
Андыктан бардык жеңишин менин жеңишим болуп эсептелет!}

of the page up there ^

Эркин тема

(163 )
126
127
128
129
130

Суперстан: Шумдугуң кургур - Суперстан

Шумдугуң кургур Бири-бирибизди таң калтыралы

#2541 Topcubai 12 May 2015 - 11:21

#2542 Topcubai 19 May 2015 - 10:21

#2543 Topcubai 19 May 2015 - 10:25

#2544 Topcubai 19 May 2015 - 10:30

#2545 Topcubai 19 May 2015 - 10:33

#2546 Meruet84 19 May 2015 - 10:40

#2547 Topcubai 19 May 2015 - 10:40

#2548 Topcubai 19 May 2015 - 10:42

#2549 Topcubai 19 May 2015 - 10:45

#2550 Topcubai 19 May 2015 - 10:52

#2551 Topcubai 19 May 2015 - 10:54

#2552 Topcubai 19 May 2015 - 10:59

#2553 Topcubai 19 May 2015 - 11:01

#2554 Topcubai 19 May 2015 - 11:11

#2555 Topcubai 19 May 2015 - 11:13

#2556 Topcubai 19 May 2015 - 11:15

#2557 Topcubai 19 May 2015 - 11:22

#2558 Topcubai 19 May 2015 - 11:25

#2559 Topcubai 19 May 2015 - 11:29

#2560 Topcubai 19 May 2015 - 11:32