Шумдугуң кургур

(163 )
129
130
131
132
133

Шумдугуң кургур Бири-бирибизди таң калтыралы

#2601 Topcubai 24 May 2015 - 16:28

Супер-активист

Кыймылы жок
3238
19 March 14
: 28 Feb 2022 17:04
Жынысы:Эркек
Калаасы:Лейлек

Царнаевдер кимдер жана кайсыл жерлик?

2013- жылдын 15-апрелде Бостон шаарына өтүп жаткан марафондо эки жардыруу жүз берген. Биринчиси көрүүчүлөр аймагында жарылып, андан 13 секунддан кийин 170 метр алыстыкта экинчи жарылуу болгон. Бул тероррдук жардыруу учурунда 3 адам каза болуп, 300дөй адам жаракат алган. Ал эми 18-апрелде ФБР жардырууда тартылган 2 шектүү адамдын сүрөтүн жарыя кылган. Алар Джохар жана Тамерлан Царнаевдер эле.

Алар кимдер?

Этникалык чечен Джохар Царнаев 1993-жылы 22-июлда Кыргызстандагы Токмок шаарында төрөлгөн, улуу агасы Тамерлан 1986-жылы Калмыкиянын борбору Элистада жарыкка келген. Атасы Анзор Царнаев - этникалык чечен, үй-булөсү Чечен-Ингуштук АССРден Токмокко куугунтукталган. Энеси - Зубейдат Царнаева - этникалык авар, Дагестандын тургуну. 1990-жылдын аягында Царнаевдер баары үй-бүлөсү менен Кыргызстандан Зубейдаттын ата мекени Махачкалага көчүп кетишкен. 2000-жылдын башында Царнаевдер АКШдан качкындык статусун сурашкан. Беш айдан кийин АКШ бийлиги Царнаевдерге качкындар катары иммиграцмяга уруксат беришкен. Ошол жылы, Тамерланда Россия Федерациясынын паспорту болгон. Белгилүү болгондой, Джохар грин-карта алуу учурунда Кыргызстандын жараны болуп эсептелген. Джохар Американын Массачусетс штатында окуп жүргөн учурунда адамдар менен тез тил табышып, воллейбол жана күрөш менен машыккан мыкты окуучу болгон.Спорттогу жетишкендиктери үчүн 2500 $ өлчөмүндө стипендия алып турган. Анын натыйжасында Кембирдж шаарындагы Дартмут колледжинин студенты болгон. Колледжде окуунун акысы 22 000 доллар болгон. Тааныштарынын айтымында Джохардын спорттук стипендиясы $2500 болуп, ал кошумча марихуана сатып алектенген. Царнаевдин жатаканасындагы кошуналары ал тууралуу жакшы пикирлерин гана билдиришкен, “кээде марихуана татып койчу, хип-хопту сүйгөн жана саясат тууралу сөздөрдөн качат эле”,- деп айтышат.

2012-жылы күзүндө Джохар Американын жарандыгын алган. Ал мезгилде агасы Тамерлан Америкалык Кетрин Раселге үйлөнгөн болчу. Белгилей кетчү жагдай, Джохардын ата-энеси Америкага баргандан кийин 2011-жылы ажырашышкан. Анын себеби, күйөөсүнүн радикалдуу исламды жайылтууга аракет кылганы болгон. Ошол учурда ФБР бир канча жолу Тамерланды суракка алышкан. Андан кийин Джохардын энеси мурдагы күйөөсү менен Махачкалага кетип калган.

Ал эми Тамерлан ошол учурда Орусияга барып, атасы экөө туугандарына жолукканы Чеченяга барган. Ошондон кийин ага-инилер радикалдуу исламдын агымы менен алектенишип, Бостондогу мечиттерде имамдардын пикирлерине каршы оюн ачык эле айтып жүрүшкөн. Ошондон улам, 2013-жылы Бостондогу жардырууда эки бир тууганды күнөөлөп сүрөттөрүн жарыя кылган.

Аталган кымыштуулукка күнөөлөнгөн ага-ини Бостон шаарында 19-апрелде аларды кармалган. Кармоо учурунда Тамерлан полиция кызматкерлери менен болгон келишпестиктин айынан оор жарат алып, Бостон шаарындагы ооруканага түшкөн. Ооруканада апасы Зенайдет менен телефон аркылуу сүйлөшүп жакшы көрөөрүн айтып, көз жумган жана 10-майда мусулмандардын салт-санаасы менен Американын Вергиния штатында жерге берилген.

Полиция Тамерландын өлүмүн мурда башына алган трамвасынан жана ок атуудан өлдү деп сыпатташкан.

Анын бир тууганы Джохарды да ушул жылдын 15-май күнү Америка бийлиги дары куюу жолу менен өлүм жазасына буйруду. Мындай чечимди Чеченстандын башчысы Рамзан Кадыров өзүнүн социалдык баракчасына “Тамерлан Царнаевдин кызыктай кырдаалда өлтүрүлүүсүнөн кийин ДЖохар Царнаевге ондогон берене боюнча шашылыш айып тагылды. деп жазды. Ошондой эле Джохар Царнаевди АКШ атайын кызматтарынын курмандыгы деп атады.

^{Уулум, мен сени менен сыймыктанам!
Андыктан бардык жеңишин менин жеңишим болуп эсептелет!}

of the page up there ^

#2602 Topcubai 24 May 2015 - 16:32

Супер-активист

Кыймылы жок
3238
19 March 14
: 28 Feb 2022 17:04
Жынысы:Эркек
Калаасы:Лейлек

Эмне үчүн адамдар эрте менен ойгоно албай кыйналышат? Дүйнөдөгү ар бир экинчи адам эрте менен ойгонууда кыйналат. Кээ бирлерине ойгонуу ушунчалык кыйын болгондуктан өздөрүн "чачынан тартып" жатып, мажбур түрдө турууга бел байлашат. Адатта, биз мындай көрүнүштү аз уктагандан же кеч жаткандан деп ойлойбуз. Окумуштуу дарыгерлер мунун себебин уйкунун саатына көз каранды эмес деп белгилешти. Анда эмне себеп болушу мүмкүн? Окуңуз. Туура эмес кечки тамактануу. Айрыкча дан азыктары жана шириндиктер тамакты туура эмес сиңирет. Бул организмде токсиндерди (зыяндуу заттарды) көбөйтүп эс алуу болбогондой сезим калтырат. Эрте менен ооздун ичинде жагымсыз даам сезилип турат. Ошондой эле кечки тамакты өтө кечеңдетүү да уйкуга таасир берет. Ал учурда ичте оору пайда болуп, адамды алсыратат жана эрте мененки маанайдын жок болушуна негиз болуп берет. Андыктан, кечки тамактануу күн баткан маалга белгилөө зыянсыз. Бул албетте тамактын жакшы сиңүүсүн негиздейт. Кечинде жатарда, эртеңки убакытын пландабаган адам таңда ойгонууга шашпайт. Жада калса алар төшөктө оонап жата бергенди же оронуп отура бергенди жактырышат. Бул адамдын эркинин башкара албаганынан келип чыгып, жашоо тонусун төмөндөтөт. Бул типтеги адамдар өзгөрүүгө аракет кылышпаса, анда ар бир күнүң ушундай багыт менен өткөрө бериши ыктымал. Өтө жылуу жана жумшак төшөк.Ошондой эле бөлмөдөгү дем болуп кеткен, өтө ысык температурадагы бөлмө.Кечинде болгон ызы-чуу, уруш-талаш. Адамдын эрте менен ойгоно албай кыйналышына уруш-талаш, ызы-чуулар да себеп болот. Кечинде трагедиялык жаңылыктарды көрүп, триллер, детектив кинолорду көрүп уктаган адам таңда оорлошуп калат. Бул нерселер адамдардын нерв системасын чыңалтып жиберет. Алар уйкусу канбагандыкка шылтоолоп, кеч жатып түш ченде ойгонсо деле эс алып кала алышпайт. Алардын маанайы күн бою эң төмөнкү баскычта болуп турары бышык.Уйкуну бакыт деп эсептегендик. Жашоодо максатсыз жашаган кишилер уйкуга тойбойт. Анткени алар жаңы ийгиликтерге жетүүнү максат кылбайт, бакыт издебейт. Мындай адамдар үчүн эрте менен жумшак төшөктө жатууну - эң чоң бакыт.Уктоочу бөлмөдө тамактануу. Уктоочу бөлмөгө тамак бышырып, тамактанып же тамактын калдыктарын калтырып койсо, мындай абал адамдын сезүүсүн кордоп, уйкусун бузат.Кечинде кимдир бирөөнү капа кылып алуу.Эгерде уктаар алдында кимдир бирөөнү капалантып алсаңыз, анда кечирим сурап жатканыңыз оң. Анан да жаман ойлордон алыс болуп уктоо керек. Жатып эле дароо уктап калуу да туура эмес. Ошол күндүн жыйынтыгын чыгарыңыз. ар бир нерсени таразалап жакшы ниет менен уктаңыз. Бул эрте мененки маанайыңыздын эң мыкты себепчиси болуп бере алат.Уйкуга каныкпай жүрүү эмнеге алып келиши мүмкүн?Сырткы келбеттин өзгөрүүсү. Коркунучтуу угулат, туурабы? Ошентсе да, Стокгольмдагы Королин институтунун окумуштуулары изилдөөлөр натыйжасында бул нерсени тастыктап чыгышты. 10 адам катышкан изилдөөдө ар бири 31 саат уктабай отурушкан. Ар бирин ар кандай саатта сүрөткө тартып алышкан. Жыйынтыгында, бардык катышуучулар оорукчан, маанайы жок, бактысыз абалда көрүнүшкөн. Ал эми көп убакыттан бери чала уйку болуп жүргөн адамдардын жүзү кубарып, эриндеринин бурчтары төмөн карап, көз алдында шишик пайда болуп жана башка өзгөрүүлөр болору бышык.Мас абалда жүргөндөй туюлат.17 саат уктабай жүргөн адамдын абалы мас кишидей болот. Канынын составында 0,05% алкоголь бардай болуп калат. Башкача айтканда, уйкуга каныкпай калганда адам өз көңүлүн топтой албайт. Ой жүгүртүүсү начарлап, жооп берүү реакциясы төмөндөйт. Чыгармачылык жөндөмдүүлүк жоголот. Мисалы, сиз кандайдыр бир проект менен иштеп жатасыз дейли. Толук кандуу уктай албай жүрсөңүз, анда жыйынтыгы сиз каалагандай болбой калышы толук мүмкүн. Мындай чечим, 1987-жылы британиялык психологдордун изилдөөсүнө таянып чыгарылган. Изилдөө аскер кызматкерлеринде жүргүзүлгөн, 2 күн уктабай жүргөндөн кийин аскерлер туура багыт таба албай, жаңы пландарды ойлоп табуу жөндөмдүлүгү жоголгон. Кан басымы жогорулайт. Ошонтуктан кан басымы бар адамдар үчүн уйку режимин сактоосу зарыл,Интеллектуалдык жөндөм төмөндөйт. Бир гана интеллект эмес, эс тутум да начарлайт. Бул иштеп жүргөн адамдар үчүн терс таасирин тийгизүүсүнө негиз болуп берет.Оору пайда болуу коркунучу көбөйөт. Уйку мезгилинде организмде цитокиндер(иммунитетти көтөрүүчү белоктор) көбөйөт. Булар вирус, микроорганизмдер менен күрөшүп, ооруларга туруктуулукту камсыздап турушат. Уйкусу канбай жүргөн адам ар кандай ооруларга бат кабылып, айыгуусун да кечеңдетет. Тез картайууга алып келет.Косметика каражаттарына каалаганча акча жумшап жаш жүрүүнү самасаңыз да, эгерде уйку режими сакталбаган болсо баары пайдасыз. Уйкусу канбаган адам дайыма стресс абалда жүрөт, бул организмдеги кортизол гормонун көп өлчөмдө бөлүп чыгарат. Кортизол гормону тери майларын көп бөлүнүп чыгарылуусуна өбөлгө түзүп, теринин картайуусуна шарт түзөт. Ошол себептен уйкусу канбаган адам өзүнүн жаш курагынан эки эсе эрте кары көрүнөрү бышык.Ашыкча салмак.Аз уктаган адамдар ашыкча салмак кошууга 73%га шарты жогору,Муздоо. Чала уйку зат алмашуу жүрүшүн бузуп дене табын төмөндөтөт. Мындай адамдар ар кандай температура алмашууларда бат муздап калышат. Психиканын бузулушу. Изилдөөлөрдүн натыйжасында белгилүү болгондой, жакшы уктабаган адамдар кадимкидей адамдарга караганда 4 эсе психикалык ооруларга кабылышы мүмкүн. Мындай адамдар көбүнчө суицидке барышат. Сөөктөр жабыркайт. Эмоциалдык туруксуздук жаралат. Начар уктаган адамдар коркунуч жана тынчсыздануу сезимине көп кабылышат. Жашоо узактыгы азаят.Организмде ар кандай процесстер начарлап кетет. Оорудан улам адам өмүрүнө зыян келет.

^{Уулум, мен сени менен сыймыктанам!
Андыктан бардык жеңишин менин жеңишим болуп эсептелет!}

of the page up there ^

#2603 Topcubai 25 May 2015 - 12:14

Супер-активист

Кыймылы жок
3238
19 March 14
: 28 Feb 2022 17:04
Жынысы:Эркек
Калаасы:Лейлек

Миланда өтуп жаткан ЭКСПО-2015 көргөзсмөсүндө кыргызстандыктардын павильону көпчүлүктүн кызыгуусун жаратты Италиянын Милан шаарында өтүп жаткан ЭКСПО-2015 көргөзсмөсүндө кыргызстандыктардын павильонунун жасалгасы көпчүлүктүн кызыгуусун жаратты. Заманбап технологияны колдонуу менен боз үй формасында жасалгаланган павильонго келген көрүүчүлөрдүн саны көп. Мындай маалыматты ЭКСПО-2015 көргөзсмөсүндө Кыргызстандын атынан жүргөн кантри-офицер Тимур Войнов кабарлады.

Анын айтымында, Кыргызстандын павилонунда адамдар жарым саттай кармалышууда. Көргөзмөнүн жыйынтыкталганга чейин 2 млн. киши көрөөрүн күтүп жатышаарын кошумчалайт.

^{Уулум, мен сени менен сыймыктанам!
Андыктан бардык жеңишин менин жеңишим болуп эсептелет!}

of the page up there ^

#2604 Topcubai 25 May 2015 - 12:27

Супер-активист

Кыймылы жок
3238
19 March 14
: 28 Feb 2022 17:04
Жынысы:Эркек
Калаасы:Лейлек

Эверест чокусу - көмүлбөгөн өлүктөрдүн көрүстөнү.

Эверест чокусу:

Бийиктиги: деңиз деңгээлинен 8848 метр бийиктикте.

Гималай, Махалангур- Химал чокулары менен чектеш. Түштүк тарабы Непалдын жана Тибет автоном облусу(Кытай) менен чектешет. Түндүк тарабы Кытайдын аймагында жайгашкан. Дал ушул тарабы 8848 метрди түзөт.

Климаты:

Эверест чокусунда аябай катуу шамал, бороон болуп турат. Шамалдын ылдамдыгы 55 м/с түзөт. Абанын температурасы түнкүсүн - 60*С ге чейин төмөндөп кетет.

Анын чокусун биринчи жолу 1953-жылы 29-майда Тенсинг Норгей менен Эдмунд Хиллари биргеликте чокуну багындырышкан.

Альпинисттер Эверест чокусуна чыгып баратканда көптөгөн өлүктөрдүн жанынан өтүүсүнө туура келет. Алар бири-бирине окшош эле альпинисттер, бирок болгону алардын жолу болгон эмес. Алардын кайсы бири сөөктөрүн сындырып алышкан, кээ бири суукка тоңуп же башка бир кырсыкка кабылып каза табышкандар. Ал жерде ар бири өзү үчүн гана аракет кылып, тирүү калуу үчүн гана болгон күчүн жумшашат.

Альпинисттердин арасында мындай сөз бар "эгер сен өзүңдү эң күчтүү адам деп билсең, анда Эверестке чык!" деген. Каза тапкан адамдардын баары өздөрүнө ишенип, "өлүм" сөзү алар үчүн эмес деп ойлошкондур. Бирок алар кийин өлүм алдында жатып баары эле кишинин колунда эмес экенин сезишет чыгар...

Статистикага ылайык, ал жакка аттангандардын жол чыгым баасы болжол менен 25 миң доллардан 60 миң долларга чейин. Эгерде алардын кээ бир майда барат чыгымдардан качса, анда өмүрү менен төлөп калышы ыктымал. Азыркы кезге чейин Эверестте 150-200 адамдын сөөгү жатат. Ал жакта болгондордун ар бири чокуга жете берерде түндүк тарабынан көп сөөктөрдү көрүүгө болор экенин айтат. Чокунун түштүк тарабынан болсо 10 чакты сөөктү көрүүгө болот. 1996-жылы япон университинин альпинисттер тобу Эверестке чыгышып баратып, аскада кыйналып жаткан индиялык альпинисттерге туш келишет. Алар аябай катуу бороонду жеңип, бирок кыйналып турушкан болот. Япондор аларга жардам бере алышпай жолун улашат. Бир канча убакыттан кийин алар кайра кайтып, индиялык альпинисттерге жардамга келишсе, алар суукка тоңуп калышкан экен.

Эверестти биринчилерден болуп багындыргандардын бири Мэллори туралуу азырга чейин көңул бурчу жагдай айтылып келет. Анын чокуну багындырган же жок экендиги азыркы күнгө чейин талашты жаратып келет. 1924-жылы Мэллори менен анын шериги Ирвинг чокуга чогуу чыгууга аракет кылышкан. Алардын чокуга жетишине 150 метрдей калганында башка альпинисттер ылдыйдан күзөтүшкөндүгү айтылат. Бир аз убакыттан кийин булут каптап, алардын дайыны таптакыр билинбей калган, артка да кайтышкан эмес. Ал учурдан жылдар өтүп 1999-жылы 8290 метр бийиктикке чыккан кийинки альпинисттер акыркы 5-10 жыл аралыгында каза тапкан адамдардын сөөгүн көрүшкөн. Анын ичинде Мэллори да бар экендигин айтышкан алар. Көрсө Мэллори асканын эң бийик жерине чыгып, аны кучактаган бойдон тоңуп калган экен. Анын белине байланган аркандан улам жуптуктар чокуга чейин бирге болушкан деп айтышат. Мүмкүн Ирвинг ылдыйда каза таап, Мэллори арканды кыркып, аны таштап кеткени аргасыз болгон болушу мүмкүн. Бирок Ирвингдин сөөгүн табышкан эмес. Анткени ал жакта калган сөөктөргө кар менен шамал "анализ" жүргүзөт. Сөөк канчалык эски болсо, сөөктөрү ошончолук кубарган болот.

Дүйнөдөгү эң бийик чокуга аялдар да чыга алат экенин далилдеген учурлар да болгон. Америкалык Френсис Арсентьева Эвересттин түштүк чоку тарабында 2 күн жаткан. Ошондой оор учурда да ал чокуну багындыруу оюнан кайткан эмес. Ага жасалма кислород менен дем алууну сунушташканда да каршы болуп туруп алган. Кээ бир альпинисттер ага ысык чай ичирип, жардам беришкен. Бирок анын жанында такай карап тура алышпай ар ким өз өмүрүн ойлоп кетүүгө аргасыз болушкан. Френсисттин күйөөсү орус улутундагы Сергей Арсентьев аялы менен ылдый тарапта адашып калышкандыктан, күйөөсү аны издеп кетип, ал да ошол бойдон кайткан эмес.

Эвересттен өлгөн адамдардын сөөктөрүн алып түшүүгө такыр мүмкүнчүлүк жок. Анткени ал жакка вертолёттор көтөрүлө албайт. Альпинисттер өздөрүн жанын сактап араң кайтышат. Бирөөнүн денесин көтөрүп түшүүгө алардын чамасы да келбейт. Альпинисттер эң өзүмчүл адамдар. Алар өз сапарлаштарын жада калса жакындарын да ара жолдо таштап кете алышат.

Ошол тирүү өлүктөрдү көргөндө чоң максат менен бараткан альпинисттер же максатынан кече албайт, же аркага кайта албайт. Анкени ал жерден аларды тирүү болсо да, өлүү болсо да эч ким алып түшө албайт да!

Эверест каталарды кечирбейт, ал кылдаттыкты, баамчылдыкты сүйөт. Эн негизгиси ал күтүлбөгөн сыноолорду тартуулай алат...

^{Уулум, мен сени менен сыймыктанам!
Андыктан бардык жеңишин менин жеңишим болуп эсептелет!}

of the page up there ^

#2605 Begim_4 25 May 2015 - 20:04

Супер-активист

Кыймылы жок
2095
11 November 13
: 02 Sep 2021 08:54
Жынысы:Эркек
Калаасы:Ала-тоо

Дүйнөдө бактысыз аялдар жашаган 10 өлкө

Кылымдардан бери аял затынын укуктарын талашып, коомчулукта өз ордун сыйлуу жерге коюуга аракет жасалып келет. Бирок, азыркы учурда да, өзүн аял заты болуп төрөлгөнүнө өкүнүп жашап келген аялдар жашаган мамлекеттер бар. Төмөндө, 10 өлкөдөгү аялдардын орду эң эле төмөн даражада экенин назарыңыздарга коебуз.

1. Афганистан

Афганистанда аялзатынын орточо жашоо узактыгы-45 жыл. Бул өлкөдө аялдардын билимсиздиги эң жогорку деңгээлде. Көпчүлүк кыздар 16 жашка чейинки куракта турмушка чыгышат. 85 % аялдар медициналык жардамсыз төрөшөт, анын кесепетинен ар бир 30 мүнөттө жаңыдан төрөгөн аял каза болот. Афганистан – энелер өлүмү боюнча эң жогору орундагы өлкө.

2. Гватемала

Гватемаладагы байкуш аялдар үй-бүлө ичинде эле эмес коомчулукта зордукка кабылган аялдардын саны арбын. Ошондой эле, дүйнөдөгү СПИД менен ооруган жогорку көрсөткүчтөгү өлкө болуп эсептелет.

3. Демократикалык Конго Республикасы

Конго Республикасынын батышындагы болуп жаткан согуш 3 млн адамдын өмүрүн алып кетип, аялдардын ордун да өзгөрттү. Эми аялдарга, алдыңкы аскерлер катарында согушуп, ар бир күнү каар соккуларга жүзмө-жүз көрүшүүгө туура келип калды. Аялдар улам-улам кол салууга кабылып, согушкан тараптын зордук-зомбулугунун курмандыгы болушууда. Күндө зомбулукка 1000ден ашык аял кабылат. Жашоо шарты да начар болгондуктан кош бойлуу аялдардын 57% аз кандуулук менен ооруйт. Конгодогу бир да аял күйөөсүнүн уруксатысыз юридикалык иш кагаздарга кол коё алышпайт.

4. Индия

Индиядагы ВИЧ-инфекциясына кабылгандардын 39% өспүрүм курактагы кыздар. Алардын 70% үй-бүлөдө зордукка кабылышат. Ар бир 29 мүнөттө бир кыз зордуктоонун курмандыгы болот. ХХ кылымда Индияда 50 миллиондон ашык кыздар өлтүрүлүп, 100 миллиондой аялдарды жана кыздарды сатышкан. 44,5% кыздар 18 жашка чейинки куракта турмушка чыгышат.

5. Ирак

Өлкөнү америкалыктар Саддам Хусейндин башкаруусунан куткаргандан кийин, Ирак аял заты үчүн кадимки сектанттык тозок болуп калды. Мамлекет бир учурларда араб өлкөлөрүнүн арасында билимдүүлүктөн жакшы эле тепкичте болгон болсо, азыр эң төмөнкү деңгээлде. Бирок, бул эле аягы эмес. 2014-жылдын аягында “Ислам мамлекети” баскынчылыгы, топтук жыныстык катнашка каршы болгон 150дөн ашык аялдарды өлтүрүшкөн.

6. Мали

Мали дүйнөдөгү эң кедей мамлекет болуп эсептелет. Бул жерде кээ бир аялдар гана азаптуу жыныстык мүчөлөрүн кесип салуу зомбулугунан кутула алышат. Көптөгөн кыздар эрте жашта эле турмушка чыгууга аргасыз. Анын кесепетинен, ар бир онунчу кыз кош бойлуу кезинде же төрөттөн көз жумат.

7. Пакистан

Пакистанда кээ бир уруулар жашаган райондордо күйөөсүнүн жасаган кылмышы үчүн аялын кордошот экен. Ошондой эле, бул жерде намыс үчүн өлтүрүү да орун алган. Жакынкы убакыттан бери диний экстремалдардын таасиринен саясатчы, адвокат, адам укуктары боюнча адис аялдарга каршы толкун да каптап келет. Өлкөдө үй-бүлөлүк зомбулукка каршы туруктуу мыйзам болбогондуктан, 90% аялдар ырайымсыз мамиленин курмандыгы болушат. Ал эми 82% аялдар эркектерден аз акча табышат.

8. Сомали

Сомалинин борбору Могадишодогу жарандык согуш алгач үйдүн куту болгон аялдарга карата абалды түбү менен өзгөрттү. Могадишодо зордук-зомбулукка кабылган кыздардын 95% 4 жаштан 11 жашка чейинкилер түзөт. Өлкөнүн парланментинде 7,5% гана орунду аялдар ээлейт. Төрөгөн аялдардын 9% эле медициналык жардамга кайрылууга мүмкүнчүлүгү бар.

9. Судан

Судандагы аялдардын орду ыйлай турган. Канчалаган мыйзамдарды кабыл алып келишсе да, аялдар уурдоого, зордук-зомбулукка, кордукка кабылып келишет. 2003-жылдан бери эле бир миллион аял заты каза болгон.

10. Чад

Чадда аялдар эч нерсеге укуксуз. Көпчүлүк кыздар 11-12 жашында эле турмушка чыгышат. Батыштагы качкындардын турак-жайында жашаган аялдар ар түрдүү зордукка кабылып келишет.

Ушул маалыматты каяктан алдыныз Топчуке?

Оз ордунда айтылбаган акыйкат акыйкатсыздык!

of the page up there ^

#2606 Nurmuhammad 25 May 2015 - 20:22

Активист

Тартип бузгандар
1527
04 June 14
: 07 Sep 2016 04:06

Ушул маалыматты каяктан алдыныз Топчуке?

Бул маалыматтарды баарын яхуудий еврейлер жазган. Эгер мусулмандар жазганда башкача жазмак.

Мусулман аялдар башка бироолорго ошондой кор болуп коруно берет бирок журогундо ыйманы бар демек бактылуу болот чынында,себеби ыймаан бардык нерседен бийик турат.
Алардын коз карашы боюнча жыланачтанып ар жерде эркектер менен тен укукту талашып жургондорду даражалуу деп тушунушот. А чынында алар оздору кор экенин сезишпейт.

of the page up there ^

#2607 Begim_4 25 May 2015 - 21:05

Супер-активист

Кыймылы жок
2095
11 November 13
: 02 Sep 2021 08:54
Жынысы:Эркек
Калаасы:Ала-тоо

Туура айтасыз.

Оо таратып жаткандар, эмнени таратып жатканынарды бир аз тактап, анан тараткыла, уруп сого бербей!

Оз ордунда айтылбаган акыйкат акыйкатсыздык!

of the page up there ^

#2608 Ashka 26 May 2015 - 00:51

Активист

Кыймылы жок
1819
06 January 15
: 16 Sep 2017 19:17
Жынысы:Аялзаты
Калаасы:Жалал-Абад

Маска эже болгондо шумдуктуу окуялар коп болот эле.

Шумдугун кургуур болуп жоголуп кетти МАСКА эже да.

Дүйнө сулуу Ислам менен.
Жүрөк жумшак Ыйман менен.
АЛЛАХ берген өмүр таттуу.
Ушул ыйык күндөр менен!

of the page up there ^

#2609 Topcubai 27 May 2015 - 12:47

Супер-активист

Кыймылы жок
3238
19 March 14
: 28 Feb 2022 17:04
Жынысы:Эркек
Калаасы:Лейлек

Кениялык юрист Обаманын кызына 70 кой, 50 уй жана 30 эчки иретинде калың берип, үйлөнгүсү келет

Кениялык юрист Феликс Кипроно Американын президенти Барак Обаманын 16 жаштагы улуу кызы Малия Обамага үйлөнүүнү кыялданат.

The Washington Times маалымдагандай, ал калың иретинде 70 кой, 50 уй жана 30 эчки берүүгө даяр.

Кипроно жергиликтүү гезиттердин бирине курган маегинде Обама Кенияга иш сапары менен келгенде ага жолугуп, расмий сунуш киргизүүнү кааларын билдирген.

Ал «акча жана бийликтин артынан куубастыгын», жөн гана Малияны чын жүрөгүнөн сүйөрүн жана аны менен «жөнөкөй жашоону» кааларын белгилеген.

«Мен ага уй сааганды, угали (жүгөрү боткосу) жана мурзик (сүттөн жасалган улуттук кычкыл суусундук) жасаганды үйрөтмөкмүн», - деп кошумчалайт кениялык юрист.

^{Уулум, мен сени менен сыймыктанам!
Андыктан бардык жеңишин менин жеңишим болуп эсептелет!}

of the page up there ^

#2610 Topcubai 27 May 2015 - 12:48

Супер-активист

Кыймылы жок
3238
19 March 14
: 28 Feb 2022 17:04
Жынысы:Эркек
Калаасы:Лейлек

Кытайда археологиялык казуу аймагынан 175 мародер кармалды

Кытай бийлиги Ляонин провинциясында неолит доорундагы Niuheliang археологиялык казуу аймагынан 175 мародерду кармады. Бул тууралуу Associated Press маалымдайт.

Атайын операциянын жүрүшүндө 1168 маданий таберик алынган. Алардын баасы $80 млн бааланууда.

Белгилей кетсек, мародерлер 10 адамдан турган топторду түзүп иштешкен жана алар эстеликти казгандан тарта аны мыйзамсыз түрдө сатууга чейинки бардык цикл үчүн жоопкерчиликти алышкан.

^{Уулум, мен сени менен сыймыктанам!
Андыктан бардык жеңишин менин жеңишим болуп эсептелет!}

of the page up there ^

#2611 Topcubai 27 May 2015 - 12:49

Супер-активист

Кыймылы жок
3238
19 March 14
: 28 Feb 2022 17:04
Жынысы:Эркек
Калаасы:Лейлек

Ангела Меркель бешинчи жолу эң таасирлүү 100 айымдын катарын жетектеди

Германиянын канцлери Ангела Меркель, Forbes журналынын версиясы боюнча, дүйнөнүн эң таасирлүү айымдарынын катарын жетектеди. Меркель 2010-жылдан бери катарынан 5 ирээт эң таасирлүү айым деп табылды.

«Бул айым жөнүндө сөз кылганда ал катышкан көптөгөн талаштуу маселелер эске келет: Жер ортолук деңиз мигранттары, россиялык санкциялар, тыңчылыкка байланышкан чатактар, Евроаймактык туруктуулугу жана башка маселелер», - деп белгиленет журналдын расмий сайтында.

Рейтингдин экинчи орунун АКШ президенттигине талапкер Хиллары Клинтон ээледи.

Forbes журналы эң таасирлүү 100 айымды тизмесин 2004-жылдан бери түзүп келет. Рейтинг түзүүдө алардын ЖМКда көп айтылышы, ар кандай тармактарга болгон таасири эске алынат.

Рейтингдин биринчи ондугуна, Бил Гейтстин аялы Мелинда, АКШнын Федералдык резервдик системасынын жетекчиси Жанет Йеллен, General Motors ишканасынын жетекчиси Мэри Барра, Эл аралык валюталык фонддун жетекчиси Кристина Лагард, Бразилиянын президенти Дилма Русеф, Facebook соцтармагынын директорлор кеңешинин мүчөсү Шерил Сэндберг, [moderated] сайтынын жетекчиси Сьюзен Уожсики жана АКШ президентинин аялы Мишель Обама кирген.

^{Уулум, мен сени менен сыймыктанам!
Андыктан бардык жеңишин менин жеңишим болуп эсептелет!}

of the page up there ^

#2612 ayka96 28 May 2015 - 21:03

Активист

Кыймылы жок
755
13 June 14
: 11 Nov 2023 05:50
Жынысы:Аялзаты
Калаасы:Бишкек

ДУЙНОЛУК КАБАРЛАРДАН !

Бул сүрөт дүйнөнүн төбө чачын тик тургузду
Баласын мойнунан жип менен байлап, ит сыяктуу багып келген филиппиндик эне дүйнө элин кыжырлантты.
Баласынын мойнуна каргы таккан эненин сүрөтү Facebook баракчасына жарыяланган кийин дүйнө эли катуу кыжырланды. Бул тууралуу haberturk.com булагы жазууда.

Маалыматка ылайык баласын ит сыяктуу баккан энеге психологиялык дарылануу колдонот. Бул сүрөттөрдөн кийин Facebook социалдык түйүндө талаш-тартыштардын аягы бүтпөй, элдин кыжырдануусу дүйнөлүк денгээлде таркаган. Сүрөттө эне баласын мойнунан жип менен сүйрөп, иттин идиши менен жерде тамактандырып жатат. Калктын катуу каршылыгынан кийин атайын органдар дареги боюнча 24 саат ичинде аялды таап, баланы мамлекеттик балдарды коргоо ооруканасына жаткырышкан. Ал эми аялга психологиялык дарылануу колдонот. Социалдык кызматкерлер болгону бала жана эне ит багуу кандай болоорун элестетип, ойноп жатышкан дегендей жооп беришкен.

of the page up there ^

#2613 Kg.lady 28 May 2015 - 21:34

Супер-активист

Аким
7580
26 January 13
: 17 Feb 2025 13:10
Жынысы:Аялзаты
Калаасы:Ак монгулуу Ала-тоо

Дуйно элинин тобо чачын тик тургузган сурот темасы менен бириктирилди!

Ал мени эшек деди, ооба дедим,
Менинда кемсинтууго жетет тилим!
Не кылам айкырышып, кыйкырышып,
Эшектигин мен анын билип туруп.
Байдылда Сарногоев

of the page up there ^

#2614 Nurmuhammad 28 May 2015 - 21:44

Активист

Тартип бузгандар
1527
04 June 14
: 07 Sep 2016 04:06

Менин эки балам таенесиникине кеткен эле 10 кундой болуп калды. Эмне жеп жатат эмне ичип жатат деп кеткенден бери ойлоном сагынып.
А бул шайтандарды карасан тан каласын да просто, баланын ушундай таттуулугун, жытынын жыттуулугун жыттап эс ала турган убагында итке окшотуп караганын?!
Бул анык шайтан!

of the page up there ^

#2615 Meruet84 28 May 2015 - 23:28

Супер-активист

Кыймылы жок
3308
09 March 15
: 24 Jul 2021 23:47
Жынысы:Аялзаты
Калаасы:Кыргызстан

Э тобаа бироого зар ,
Бироого кор ,-дейт экенда.

لا اله الا انت سبحا نك اني كنت من الظا لمين

of the page up there ^

#2616 kalen9001 29 May 2015 - 01:06

Активист

Кыймылы жок
1230
05 February 15
: 17 Feb 2019 17:36
Жынысы:Эркек
Калаасы:Борбор

Кызыктар дуйносу бул жактаго

of the page up there ^

#2617 Topcubai 02 June 2015 - 18:23

Супер-активист

Кыймылы жок
3238
19 March 14
: 28 Feb 2022 17:04
Жынысы:Эркек
Калаасы:Лейлек

Кытайдагы Янцзы дарыясында 460 адам менен бараткан кеме чөгүп кетти

Кытайдагы Янцзы дарыясында 410 жүргүнчүсү, 47 экипаж мүчөсү жана турагенттиктердин 5 кызматкери бар кеме чөгүп кетти. Бул тууралуу CA-NEWS агенттиги Синьхуага шилтеме берип маалымдайт.

Маалым болгондой, кеме кечээ, 1-июнда кечке маал Хубэй провинциясында чөккөн. Ал Нанкинден Чунцинди көздөй Кытайдын түштүк-батыш тарабына бараткан. Кемедегилердин бардыгы Кытай Эл Республикасынын жарандары.

«Чыгыш жылдызы» кемесинин куткарылып калган капитаны жана башкы инженери кеме циклонго туш болгондон кийин чөгө баштагандыгын билдиришти. Катуу жамал жана нөшөрлүү жамгырдан улам куткаруу ишинде кыйынчылыктар жаралууда. Окуя болгон жерге өлкөнүн премьери Ли Кэцян жөнөп кетти.

Акыркы маалыматтарга ылайык, учурда 20га жакын адамды гана куткарууга мүмкүн болду.

Кеме чөккөн жерде куткаруу иштери уланууда.

Hubei Daily гезитинин билдирүүсүндө, чөгүп кеткен кеме Chongqing Eastern Shipping Corporation компаниясына таандык жана ага 500дөн ашуун адам батат.

^{Уулум, мен сени менен сыймыктанам!
Андыктан бардык жеңишин менин жеңишим болуп эсептелет!}

of the page up there ^

#2618 Topcubai 02 June 2015 - 18:25

Супер-активист

Кыймылы жок
3238
19 March 14
: 28 Feb 2022 17:04
Жынысы:Эркек
Калаасы:Лейлек

Кытай адамдын жүзүн тааный турган дүйнөдөгү алгачкы биометрикалык банкоматты иштеп чыкты

Tzekwan кытай технологиялык компаниясы Цинхуа университети менен бирге адамдын жүзүн тааный турган дүйнөдөгү алгачкы биометрикалык банкоматты көрсөтүштү. Бул тууралуу Синьхуа кабар агенттиги билдирди.

Эми акча алуу үчүн алып жаткан адамдын жүзү банк картасынын ээсинин идентификациялык номуруна дал келе тургандыгы боюнча тиешелүү текшерүүдөн өтүшү керек.

Биометрикалык банкомат ага орнотулган камерага ээ жана ал адамдын кебетесин сүрөткө тартып алып, өзүнүн маалымат базасындагы сүрөт менен салыштырат.

Аны иштеп чыккан адистердин айтымында, система адамдардын келбети өзгөрсө да, алардын биологиялык өзгөчөлүктөрүнө карап, адамдарды айырмалай алат.

^{Уулум, мен сени менен сыймыктанам!
Андыктан бардык жеңишин менин жеңишим болуп эсептелет!}

of the page up there ^

#2619 Topcubai 02 June 2015 - 18:27

Супер-активист

Кыймылы жок
3238
19 March 14
: 28 Feb 2022 17:04
Жынысы:Эркек
Калаасы:Лейлек

Индияда күндүн ысыгынан өлгөндөрдүн саны 2,3 миң адамдан ашты

Индияда күндүн ысыгынан каза тапкандардын саны 2330 адамдан ашты. Бул тууралуу АКШлык CNN телеканалы маалымдады.

Мурда 2207 киши набыт болгону айтылган. Баарынан көп Андхра-Прадеш жана Теланган штаттары жабыркаган.

Синоптиктер күндүн ысыгы бир нече күндөн кийин төмөндөй турганын айтып жатышат. Акыркы жумада абанын температурасы 48 градус Цельсийге жеткен.

^{Уулум, мен сени менен сыймыктанам!
Андыктан бардык жеңишин менин жеңишим болуп эсептелет!}

of the page up there ^

#2620 Topcubai 02 June 2015 - 18:29

Супер-активист

Кыймылы жок
3238
19 March 14
: 28 Feb 2022 17:04
Жынысы:Эркек
Калаасы:Лейлек

Японияда 700 килограмм келген батберек элди басып калды

Япониянын борбордук бөлүгүндө жайгашкан Сига префектурасында 700 килограмм салмагындагы батберек элди басып калды, деп билдирет Japan Today.

Натыйжада 4 адам жабыркады. Алардын ичинде 73 жаштагы карыя жана 7 жашар бала бар.

31-майда бамбук рамасына салынып, 12х13 метр келген чоң батберек жыл сайын өтүүчү Big Kite фестивалында 200 метр бийиктиктен көрүүчүлөрдүн үстүнө кулап түштү.

Оор жаракат алган карыя ооруканага жеткирилген. Учурда ал эсине келе элек.

Полиция окуянын чоо-жайын териштирүүдө.

2004-жылы Токиодон алыс эмес жайгашкан Канагава префектурасында 1 тонна келген батберек элдин үстүнө кулап түшкөндө 8 адам жарадар болгон.

Батберек учуруу — япониялыктардын сүйүктүү эрмеги. Ал өлкөгө Кытайдан алынып келинген. Аны менен катар, япониялыктар ачык түстөрү менен айырмаланышат. Жыл сайын Япониянын ар кайсы шаарларында батберектердин катышуусунда фестивалдарды жана мелдештерди уюштурушат. Узун-туурасы 10 метрден ашкан конструкцияларды учуруу үчүн 50дөн кем эмес адам керек болот.

^{Уулум, мен сени менен сыймыктанам!
Андыктан бардык жеңишин менин жеңишим болуп эсептелет!}

of the page up there ^

Эркин тема

(163 )
129
130
131
132
133

Суперстан: Шумдугуң кургур - Суперстан

Шумдугуң кургур Бири-бирибизди таң калтыралы

#2601 Topcubai 24 May 2015 - 16:28

#2602 Topcubai 24 May 2015 - 16:32

#2603 Topcubai 25 May 2015 - 12:14

#2604 Topcubai 25 May 2015 - 12:27

#2605 Begim_4 25 May 2015 - 20:04

#2606 Nurmuhammad 25 May 2015 - 20:22

#2607 Begim_4 25 May 2015 - 21:05

#2608 Ashka 26 May 2015 - 00:51

#2609 Topcubai 27 May 2015 - 12:47

#2610 Topcubai 27 May 2015 - 12:48

#2611 Topcubai 27 May 2015 - 12:49

#2612 ayka96 28 May 2015 - 21:03

#2613 Kg.lady 28 May 2015 - 21:34

#2614 Nurmuhammad 28 May 2015 - 21:44

#2615 Meruet84 28 May 2015 - 23:28

#2616 kalen9001 29 May 2015 - 01:06

#2617 Topcubai 02 June 2015 - 18:23

#2618 Topcubai 02 June 2015 - 18:25

#2619 Topcubai 02 June 2015 - 18:27

#2620 Topcubai 02 June 2015 - 18:29