Сахабалар

(5 )
1
2
3
4
5

Сахабалар Келгиле сахабалар жонундо ойпикирлерди жазабыз.

#41 AZIK01 25 April 2014 - 23:43

Супер-активист

Кыймылы жок
3391
28 April 13
: 02 May 2023 00:44
Жынысы:Эркек
Калаасы:Остралия

[/size][/ i][*]Сахабаларды башка момундардан артык экендигин жана аларды Пайгамбарыбыз с.а.в. кийин акыркы үммөттүн абзели жана жакшылары экендигине ишенүү. Себеби: Алар көп кызмат кылышкан. [/list]

Ушул жонундо кенири маалымат берип кетсениз. Азирети Мухаммад с.а.в сахабаларына: " силерден да жакыныраак туугандарым бар. Алар ким?"-дешкенде "Алар менден кийинки момундар. Алар мени корбой туруп ыйман келтиришет. Жолумду жолдошот" -деген мазмунда хадистер бар эмес бел?.

Баарыңарга ьIůณан тынчтык, бекем ден соолук, эки дүйнөлүк бактылуулук каалайณ!

of the page up there ^

#42 konfetka_love 15 May 2014 - 22:57

Супер-активист

Кыймылы жок
3077
05 April 13
: 27 Apr 2020 10:20
Жынысы:Аялзаты
Калаасы:Жашыруун

Сахабаларга болгон ишенимибиз Пайгамбар алейхиссаламдын сахабаларын дос тутабыз, жакшы көрүштө алардынарасын бөлбөйбүз, эч кимисин жек көрбөйбүз, аларды жек көргөндөр мененжаманатты кылгандарды өтө жаман көрөбүз. Сахабалардын аттарын сыймыктануу мененатайбыз. Аларды жакшы көрүүнүн өзү дин, ыйман, жакшылык. Жек көрүү каапырлык,азгандык, тозгондук, эки жүздүүлүк.

وَالسَّابِقُونَالأَوَّلُونَ مِنَ الْمُهَاجِرِينَ وَالأَنصَارِ وَالَّذِينَ اتَّبَعُوهُمبِإِحْسَانٍ رَّضِيَ اللّهُ عَنْهُمْ وَرَضُواْ عَنْهُ وَأَعَدَّ لَهُمْ جَنَّاتٍتَجْرِي تَحْتَهَا الأَنْهَارُ خَالِدِينَ فِيهَا أَبَدًا ذَلِكَ الْفَوْزُالْعَظِيمُ

Жеркоторгондордон, ансарлардан алгач ыйманкелтиргендер жана жакшы иштерде аларды ээрчигендерден Алла ыраазы болду. Аларда Алладан ыраазы болушту. Ошондуктан, Алла алар ү ч үн ичинде тү б ө л ү кк ө кала турган,алдыларынан дарыйалар агып туруучу Бейиштерди дайардап койгон. Бул– эң чоң ийгилик! Тооба 100.

Прежде чем осуждать кого-то, возьми его обувь и пройди его путь!!!

of the page up there ^

#43 konfetka_love 15 May 2014 - 23:04

Супер-активист

Кыймылы жок
3077
05 April 13
: 27 Apr 2020 10:20
Жынысы:Аялзаты
Калаасы:Жашыруун

Сахабаларды сүйүп аларгаырайымдуу болуу

Өткөн сахаба, уламалар, анданкиийнки аалымдар, өздөрүн ээрчиген элге эбегейсиз чоң эмгегин арнаган.

Прежде чем осуждать кого-то, возьми его обувь и пройди его путь!!!

of the page up there ^

#44 musulmanin 11 June 2014 - 00:56

Супер-активист

Кыймылы жок
3533
29 September 13
: 19 Feb 2022 16:46
Жынысы:Эркек
Калаасы:Ош

САХАБАЛАР- Паргамбар (с.а.в)ды көргөн, анын динин (мусулман динин) кабыл алган, жана аны менен динге мээнет кылган инсандар.

Бул темада: Сахабалардын Пайгамбарыбыз (с.а.в)га болгон ишениминин деңгээли, канчалык болгон?
Сүйүүсүнүн деңгээли, канчалык болгон?
Аны канчалык деңгээлде ээрчип, үлгү кылышкан?
Ушулар боюнча жазабыз..

of the page up there ^

#45 musulmanin 11 June 2014 - 00:59

Супер-активист

Кыймылы жок
3533
29 September 13
: 19 Feb 2022 16:46
Жынысы:Эркек
Калаасы:Ош

Пайгамбар (с.а.в) дын сөзүнө болгон ишеним..

Бир сахаба башка бир айылга барып, ал жерде соода- сатык ишин баштады. Ал туура соода кылгандыктан, элдер андан соода кылышаар эле. Соодасында береке болуп, байлыгы көбөйүп, соодасы чоңойду. Ал жерде 10-жыл соода кылып, бир күн ал жерден кете турган болду. Элдер андан сурашты. Эмнеге кетип жатасын? Бирөө кууп жатабы? Соодан болбой калдыбы? Сага үйрөнүп калдык эле дешип, анын калуусун сурашты. Ал айтты: Силер мени бай болуу үчүн, байлык топтоо үчүн соода кылып жатат дедиңерби.

Мен Пайгамбар (с.а.в) дын мындай деп айтканын укканмын: Кайсыл соодагерге,
анын саткан нерсесин алган адам. Мунуң кемчилдиктүү деп, же жакпай калды деп алып келгенде. Ал аны эч бир нааразы кылбай, акчасын кайтарып, же башкасын берсе.
Аллах ага бейиштен өтө кооз, өтө чоң касыр (сарай, үй) берет.

Мен ошондой касыр алуу үчүн, соода ишин баштагам. 10-жылда да эчким кайтарып келбеди эле. Кече бирөө кайтарып келди эле, мен сүйүнүп, анын колдорунан өөп, аны ыраазы кылып акчасын кайтарып бердим. Мына эми бүгүн, максатыма жеттим деп үйгө кетип жатам деди.
..................... ...... ............ .............

Бүгүнкү күндө бизде Пайгамбар (с.а.в) дын сөздөрүнө, канчалык деңгеелде ишенич бар?

Азыр биздин соодагерлер, эшигинин алдына чооң кылып..
Сатылган товар кайтарылып алынбайт.. мындайча айтканда, мага эч кандай касырдын кереги жок.. деп жазып алышкан..

of the page up there ^

#46 musulmanin 11 June 2014 - 01:01

Супер-активист

Кыймылы жок
3533
29 September 13
: 19 Feb 2022 16:46
Жынысы:Эркек
Калаасы:Ош

Бир жолу Пайгамбар (с.а.в) хижама (кан алуу) кылдырды.
Анан канды бир сахабага берип, аны таза жерге төгүп коюусун айтты. Ал сахаба канды, Пайгамбар (с.а.в) дын канын жерге төгө албай, баарын ичип салды. Эртеси Пайгамбар (с.а.в) ал сахабадан, канды кайсыл жерге төктүң деп сурады. Ал унчукпады. Пайгамбар (с.а.в) кайра-кайра сураганда, аны ичип салганын айтты. Ошондо Пайгамбар (с.а.в) айтты: Кимдин денесинде менин канымдан бир тамчы жүргөн болсо, ага тозок оту харам деди.
Ал сахаба тозоко түшпөйн деп ичкен эмес эле. Ал Пайгамбар (с.а.в) га болгон мухабатынын, сүйүүсүнүн себебинен ичкен.

of the page up there ^

#47 musulmanin 11 June 2014 - 01:10

Супер-активист

Кыймылы жок
3533
29 September 13
: 19 Feb 2022 16:46
Жынысы:Эркек
Калаасы:Ош

Абу бакр (р.а) атасын алып Пайгамбар (с.а.в) дын алдына келди. Анда анын атасы динди кабыл ала элек болчу.
Пайгамбар (с.а.в) ага даават кылып, динди түшүндүрүп, мусулман болуусун сурады. Ал динди кабыл алып, мусулман болду. Муну уккан Абу бакр (р.а) кайгылуу ыйлады. Сахабалар андан сурашты. Сиздин атаңыз мусулман болду, сүйүнгөндүн ордуна эмне үчүн ыйлап жатасыз. Абу бакр (р.а) айтты: Менин атамдын ордуна, Пайгамбар (с.а.в) дын абасы Абу Талип мусулман болгондо. Пайгамбар (с.а.в) сүйүнөт эле да деди.

of the page up there ^

#48 Sweet-Lika 11 June 2014 - 03:49

Супер-активист

Кыймылы жок
10685
30 September 13
: 13 Jun 2025 00:28
Жынысы:Аялзаты
Калаасы:HOME. LOVE. FAMILY.

Алардан Аллах раазы болсун! Жайыраак мен да жаза кетем…

В каждой шутке есть доля правды...

of the page up there ^

#49 admin_superstan 11 June 2014 - 10:32

Супер-активист

Супермодератор
13231
05 September 11
: 28 Feb 2022 12:16
Жынысы:Белгисиз
Калаасы:SUPER.KG

"САХАБАЛАР" темасы менен бириктирилди.
musulmanin , кайталанган тема ачпаңыз!

of the page up there ^

#50 musulmanin 11 June 2014 - 13:00

Супер-активист

Кыймылы жок
3533
29 September 13
: 19 Feb 2022 16:46
Жынысы:Эркек
Калаасы:Ош

"САХАБАЛАР" темасы менен бириктирилди.
musulmanin , кайталанган тема ачпаңыз!

Айтканыңыздай болот))

of the page up there ^

#51 musulmanin 11 June 2014 - 13:01

Супер-активист

Кыймылы жок
3533
29 September 13
: 19 Feb 2022 16:46
Жынысы:Эркек
Калаасы:Ош

Бир жолдо шактуу дарак бар еле. Андан Пайгамбар (с.а.в) эңкейип өтөөр эле. Аны көргөн сахабалар, Пайгамбар (с.а.в) жок болсо да, баары эңкейип өтүшөт эле. Бою пас, дарака жетпеген сахабалар да эңкейип өтөөр эле. Бир убактар да дарактын ээси, ал даракты кыйып салды. Андан кийин деле сахабалар, бул жерден Пайгамбар (с.а.в) эңкейээр эле деп, эңкейип өтүшөөр эле.

of the page up there ^

#52 Muslimka_Muslimka 22 July 2014 - 00:25

Активист

Кыймылы жок
908
26 June 14
: 26 Apr 2020 17:06
Жынысы:Белгисиз

Хузайфа ибн Яман " Кааласаң (меккелик) мухажирлерден, кааласаң (мединалык) ансарлардан бол. Өзүңө жакканын тандап ал".
Пайгамбарыбыз (Ага Алланын салам салаваты болсун) Хузайфа ибн Яман менен Меккеде биринчи жолу жолукканда ага ушул сөзүн айткан эле. Хузайфага бул эки улук даражадан бирин тандоо укугу жөн жеринен берилген эмес. Анткени, Хузайфанын атасы Яман түбү меккелик Бану Аббас уруусунан эле. Бирок, өз уруусунан бир адамды өлтүрүп койуп Мединага көчүп кетүүгө мажбур болгон. Ал жерде Бану Абдул-Ашхал уруусу менен келишим түздү. Бара-бара ишенимге кирип, кийинчерээк аларга күйөө болду. Ошентип, Хузайфа жарык дүйнөгө келди. Кийинчерээк меккеликтер менен Ямандын ортосундагы келишпестик жойулуп, өз ата мекенине тез-тез бара баштады. Бирок үй-бүлөсү Мединада эле. Араб жарым аралына Ислам Дини эми тарай баштаган кезде Бану Авс уруусунан болгон он киши Пайгамбарыбыздын (Ага Алланын салам салаваты болсун)алдына келип, Исламды кабыл алгандан кийин, ыймандарын жарыя айтышкан. Алардын арасында Хузайфанын атасы Яман дагы бар эле. Бул окуя хижраттан бир нече жыл мурда болгон. Ошондуктан, Хузайфанын ата журту - Мекке, тага журту Медина болуп калды. Хузайфа Исламга биринчилерден болуп кирген мусулман үй-бүлөдөн тарбия алды. Өзү дагы Пайгамбарды (Ага Алланын салам салаваты болсун)көрбөстөн мурда ыйман келтирди. Хузайфа Пайгамбарыбызды (Ага Алланын салам салаваты болсун) көрүүгө абдан ынтызаар эле. Пайгамбарды (Ага Алланын салам салаваты болсун) көргөндөрдөн анын кулк-мүнөзүн, жүрүш-тсогушун, мамилесин сурамжылап, көбүрөөк билген сайын көрүүгө зарыга баштады. Меккеге барып Пайгамбарыбызды (Ага Алланын салам салаваты болсун) көргөндө эң биринчи сураганы "Мен мухажирминби же ансарбы?" деген сөз болду. Ошондо Пайгамбарыбыз (Ага Алланын салам салаваты болсун)ага "Кааласаң мухажир, кааласаң ансар бол. Каалаганыңды тандап ал" деген. Анда ал: "ансар болоюн" деп, мединалык болууну тандаган. Пайгамбарыбыз (Ага Алланын салам салаваты болсун)Мединага хижрат кылгандан кийин Хузайфа анын эң жакын адамдарынан болуп калды. Пайгамбар алайхис салам менен бардык казаттарга катышты. Бир гана Бадр казатына катыша алган жок. Мунун себебин Хузайфа өзү төмөндөгүдөчө баяндаган: "Бадр казаты болушунан бир нече күн мурда атам экөөбүз Мединадан сыртта жүрөт элек. Капысынан Курайш каапырларынын колуна түшүп калдык. Алар бизден кайда кетип жатканыбызды сурашты. Биз "Мединага" деп жооп бердик. Каапырлар сөзүбүзгө ишенишпей: "Силер Мухаммаддын алдына бара жатасыңар" дешти. Биз Мединага барарыбызды айттык. Курайштык каапырлар бизди Мухаммадка жардам бербөө жана боло турган согушка катышпоо шарты менен бошотуп жиберишти. Мединага келип болуп өткөн окуялар жөнүндө Пайгамбарыбызга (Ага Алланын салам салаваты болсун)айтып бердик. Анда адилет Пайгамбары (Ага Алланын салам салаваты болсун) : "Биз (мусулмандар) убаданы сактайбыз, жардамды Аллахтан гана сурайбыз" деди. Ал эми, Ухуд согушунда ата-бала экөө тең катышты. Ал казатта көптөгөн мусулмандар шейит болду алардын арасында Хузайфанын атасы дагы бар эле. Ямандын өлүмү таң калычтуу болду: Пайгамбарыбыз (Ага Алланын салам салаваты болсун) ) Яман менен Сабыт ибн Вакшты, жаштары кексе болгондуктан, аялдар менен жаш балдарды коргоо үчүн шаарга калтырып кетишкен эле. Согуш аябай күчөп калган кезде Яман шеригине айтты: "Биз эмнеге бул жерде отурабыз? Экөөбүз тең бир бутубуз төрдө, бир бутубуз көрдө болсо. Бүгүн болсок эртеңибизди билбейбиз. Андан көрө куралыбызды алып мусулмандарга жардам берели. Ажеп эмес, Аллах бизге шейиттикти насип кылса!" . Ошентип, куралдарын алып согуш талаасына кирип кетишти. Собит ибн Вакш тез эле шейит болуп, максатына жетти. Ал эми, Яман болсо, адашуучулуктан улам мусулмандардын огунан каза болду. Хузайфа өзүнө кимдин огу жаңылганын көргөн эле. Ошондуктан ал адамдарга жакын келип "Аллах силерди кечирсин, анткени Аллах мээрбандардын мээрбаны" деди. Согуш бүткөндөн кийин Пайгамбарыбыз (Ага Алланын салам салаваты болсун) Ямандын кун акысын төлөмөкчү болду. Бирок, Хузайфа макул болбой деди: "Атам шейит болууну арзуу кылчу. Ал максатына жетти. Мен, атамдын кунун мусулмандардын пайдасы үчүн кечип жиберейин" деди. Пайгамбар (Ага Алланын салам салаваты болсун)) Хузайфа ибн Ямандын үч сыпатын өзгөчө баалачу.
1) Башка түшкөн мүшкүлдү дароо чече билгени .
2) Зарыл иш үчүн жанын аябагандыгы.
3) Сыр сактай билгени.
Пайгамбарыбыз (Ага Алланын салам салаваты болсун) ар бир сахаабага анын мүнөзүнө, кудуретине жана жөндөмүнө жараша иш буйурчу. Ал кезде Мединадагы мусулмандардын эң негизги иши, жөөттөр менен алардын пикирлештери мунафыктардын Пайгамбарыбызга (Ага Алланын салам салаваты болсун) жана сахаабаларга каршы уюштурган фитна-дооматтарынан кутулуу эле. Пайгамбарыбыз (Ага Алланын салам салаваты болсун)Хузайфага сахаабалардан эч кимиси билбеген сырды айтты. Мунафыктарды бирме-бир санап, ар бир кылган ишинен кабардар болуп турууга буюрду. Мына ошол күндөн баштап Хузайфа ибн Яман "Пайгамбардын сыры" деген ылакапка ээ болду.
Хандак согушунда туш тараптан курчоодо калган мусулмандарга өтө оор сыноо болгон. Курани Каримдин тили менен айтканда: "Көздөр бозоруп, жүрөктөр алкымга тыгылып" калган эле. Кээ бир мусулмандар Аллах жөнүндө ар кандай күмөн кыла баштаган. Дал ушундай абал душмандар тарапта дагы кайталанган. Анткени, кутурган бороон душмандардын чатырларын тоз-тополоң кылып, казыктарын жулуп, казан-табактарын, ийдиш-аяктарын чаңга бөлөп, майда кум жана топурактарды адамдардын көзүнө айдаганда көздү ачууга мүмкүн болбой калган. Мына ушундай абалда эки тарап тең бири-биринин күчсүз жерлерин аңдып калышат. Кимисинде кайратсыздык сезилип калган болсо анда ошол тарап жеңилүүгө дуушар болот. Ал эми, душманынан бир аз эле ашыкча кайрат-сабыр кылганы жеңшике жетет. Айрыкча мына ушундай учурларда тыңчылар чоң роль ойнойт. Алар жиберген кабарлар алтындан дагы кымбат бааланат. Ошондуктан Пайгамбарыбыз (Ага Алланын салам салаваты болсун) Хузайфа ибн Яманды душмандардын ордосуна барып маалымат алып келүүгө жиберди. Чындыгында мындай оор абалда душмандардын ордосуна баруу канчалык оор-машакаттуу экенин Хузайфа өзү айтып берсин:
- "Биз душмандардын курчоосунда калган элек. Мен ошол түндөгүдөй көзгө сайган карангы түндү жана көк бөрүдөй улуган бороондуу шамалды көргөн эмесмин. Мына ушундай оор күндө мунафыктар (эки жүздүүлөр) "/йүбүздүн душман тарабы ачык калды" дешип, Мединага кайтып кетүүгө Пайгамбарыбыздан (Ага Алланын салам салаваты болсун)) жооп сурашты. Пайгамбарыбыз (Ага Алланын салам салаваты болсун) кетүүнү каалагандарга жооп берди. Калгандарыбыз болгону үч жүзгө жакын гана адам калдык. Пайгамбарыбыз (Ага Алланын салам салаваты болсун)ар бирибиздин жаныбыздан өтө баштады. Мен сууктан калчылдап тургам. Пайгамбарыбыз (Ага Алланын салам салаваты болсун) жаныма келип: "Бул ким?" деп сурады. "Мен - Хузайфамын" дедим. "Хузайфасыңбы? " деп кайталап сурады. Мен катуу үшүгөндүктөн араң гана "Ооба" - деп жооп бердим. "Сен душмандардын ордосуна барып бизге кабар алып кел" деди. Мен сууктан калтыраган абалымда ордумдан турдум. Суукка кошумча менде коркуу дагы бар эле. Пайгамбарыбыз (Ага Алланын салам салаваты болсун): "Оо Жараткан аны оң жана сол, алды жана арка, жогору жана төмөндөн келе турган балээ-кырсыктардан Өзүң сактай көр" деп дуба кылды. Аллага ант ичип айтам: Пайгамбарыбыз (Ага Алланын салам салаваты болсун)дубасын аягына жеткирер-жеткирбестен жүрөгүмдөгү коркуу, денемдеги калчылдоолор тык токтоду. Пайгамбарыбыз (Ага Алланын салам салаваты болсун) : "Оо, Хузайфа, кабарды гана билип келгин! Башка эч нерсе кылбагын! " деп катуу дайындады. "Макул" деп душман тарапка жөнөдүм. Кара көөдөй караңгылыкта душман тарапка оңой эле өтүп алдым. Мушриктерге өтүп барганымдагы эң биринчи уккан сөзүм Абу Суфяндын сөзү болду:
- "Эй, курайштыктар, мен силерге бир нерсени айтмакчымын, бирок, араңарда Мухаммаддын тыңчылары бар деп корком. Ошондуктан ар бириң жаныңардагы адамдардын ким экенин сурап алгыла. Мен дароо жанымдагы адамдын колунан кармап: "Сен кимсиң?" - деп сурадым. Ал "Паланчамын" - деп жооп берди. Абу Суфян сөзүн улады:
- Эй, курайштыктар, чындыгында, биз күтүүсүздөн начар жерге түшүп калдык. Ат-улоолорубуз кырылып калды. Биз келишим түзгөн Бану Курайза уруусу келишимди бузду, шамал көз ачырбай жатат. Азыр согуша турган мезгил эмес. Ошондуктан артка чегинсек бекен?" деп төөсүнүн казыгын сууруп, секирип минди. Аллахка ант ичип айтамын: эгерде Пайгамбарыбыз (Ага Алланын салам салаваты болсун)" Эч нерсе кылбай кел" деп буйурбаганда Абу Суфянга жаамдын бир огун арнап койушум мүмкүн эле. Мен кайтып келгенимде Пайгамбарыбыз (Ага Алланын салам салаваты болсун) намаз окуп жаткан экен. Намаз окуп болуп мени жанына отургузду. Мен көргөн-уккан нерселеримди төкпөй-чачпай айтып бердим. Пайгамбарыбыз (Ага Алланын салам салаваты болсун)кубанып, Аллах Таалага мактоолор айтты.
...Хузайфа өмүрүнүн акырына чейин мунафыктардан кабардар болуп турду. Ага халифалар дагы кайрылып, сурап тсогушат эле. Умар ибн Хаттаб дагы мусулмандардан бирөө көз жумса, сахаабалардан Хузайфа келдиби же келген жокпу деп сурайт эле. Эгерде келсе жаназасын өзү окуп, эгерде келбеген болсо, башка бирөөгө буйурган. Бир жолу Умар:
- "Менин эл башкарган төбөлдөрүмдүн арасында мунафыктардан барбы?" - деп сурады.
- Бирөө бар деп жооп берди.
- Ал ким деп сураганда Хузайфа Пайгамбар (Ага Алланын салам салаваты болсун) билдирген сырды ашкере кылбады. Бирок, акыл-парасаттуу халиф мунафык жетекчинин ким экенин сезип иштен алды.
Хузайфа ибн Яман Нахаванд, Дайнавар, Хамаданжана Рай сыяктуу перс шаарларын ачууда дагы өтө чоң салым кошту. Ушундай урмат-сыйга татыктуу болушуна карабастан Хузайфа Аллах Тааланын азабынан өтө катуу корккон. Өмүрүнүн акырында катуу ооруга чалдыгып, төшөккө жатып калган кезде ал-ахыбал сурап келген сахабадан убакытты сурайт. Сахабалар "Эрте мененки убак" деп жооп беришти. Хузайфа: "О, Аллахым! Мени тозок азабына сала турган таң азабынан Өзүң сактай көр!" деп эки ирет кайталады. Кийин алардан "Кепин алып келдиңерби? " деп сурады. Ооба деп жооп беришкенде, "Оо Аллахым Өзүң жакшы билесиң мен кембагалдыкты байлыктан, жупунулукту ыззат-шөкөттөн, өлүмдү жашоодон жогору койом" деди. Хузайфа ибн Яман бул опасыз дүйнө менен кош айтыша туруп, оозунан учкан акыркы сөздөр мына булар болду: "Зарыгып күтүлгөн хабибим - досум (Өлүм периштеси) келди. Бушайман чеккен ийгиликке жетпейт..."
Аллах Таала Хузайфаны Өз ырайымына алсын! Чындыгында Хузайфа инсандардын арасындагы өрнөктүү адам эле.

Прошу у Аллаха дать мне такого чтоб к сердцу поближе...
Не прошу красоты я, прошу лишь Иман...Ведь ВСЕВЫШНИЙ сказал :"Попроси ты красивого, Дам тебе красивого! Попроси ты хорошего, Дам тебе хорошего! Попроси ты с Иманом, Дам тебе всё!

of the page up there ^

#53 Muslimka_Muslimka 19 June 2015 - 16:17

Активист

Кыймылы жок
908
26 June 14
: 26 Apr 2020 17:06
Жынысы:Белгисиз

Умар бин Хаттаб (разияллооху анху)♥Ал – Пайгамбарыбыз Мухаммед алейхиссаламдын экинчи халифасы. Ашара-и мубашшарадан. Хижрат болгон жылы 40 жашта эле. Алгач Исламдын душманы болгон. Пайгамбарыбызга пайгамбарлык билдирилгенден алты жыл өтүп кыркынчы же кырк бешинчи киши болуп ыйманга келген. Анын Исламды кабыл кылуусу менен мусулмандар кубаттанган. Куралданып, ачык айкын хижрат кылган. Расулуллахтын келе жаткандыгы тууралуу кубанычтуу кабарды Мединадагы мусулмандарга сүйүнчүлөгөн. Ыйык согуштардын бардыгына катышты. Өтө көп эрдик көрсөттү. "Фарук" лакабын алган. Абу Бакр Сыддыктын халифа болуусуна себепчи болуп, түшүнбөстүктүн чыгып кетүүсүнө тоскоол болгон. 13-жылы Жумазил-ахир айынын 28инде шейшенби күнү халифа болуп шайланган. Көп элдерди баш ийдирген. Исламдагы адилеттикти бүткүл ааламга көрсөткөн. Хижраттын 23-жылынын акыркы айында мечитте таңкы намазды окуп жатканда Хазрети Мугира бин Шубанин кулу Абу Лулу Фируз деген капыр тарабынан бычакталып, 24 сааттан кийин көз жумган. Ал Расулуллахтын жанына жерге коюлган. Айыптуу болгон уулуна дин талабы менен дарра согулуп жазасын берүүгө буюрат. Сахабалар канчалык жалбарышса да, дарра жазасын азайтпайт. Дарра жазасын алган уулу эстен танат. Канчалык кайгырган болсо да бул ишине өкүнбөйт. Ал көптөгөн хадиси шарифтер менен макталган. Ошол хадиси шарифтердин көпчүлүгүн Хазрети Али риваят кылган. Ири денелүү, буудай түстүү, узун бойлуу, көздөрү кызыл, мурутунун учтары сары эле♥ Кайгыга, ойго батканда мурутунун учтарын бүкчү. Сакал-муруту калын болуп, чекесиндегилер сейрек эле. Сол колун оң колу сыяктуу жакшы колдоно алчу. Ээрди кармабай туруп атка мине берчү. Айбаттуу, кубаттуу эле. Бирок, Расулуллахтын жанында адептүүлүгүнөн улам ушунчалык акырын сүйлөгөндүктөн Пайгамбарыбыз жылмайып: "Катуурак сүйлөсөңчү, Умар, укпай калдым", - деп калчу. Ал Расулуллахтын кайнатасы, Хазрети Алинин күйөө баласы эле. Бани Ади уруусунан Хаттаб бин Нуфайл бин Абдул – узза бин Рабах бин Курат бин Разах бин Адий бин Каабдын тегинен чыккан.Тирмизи, Абу Давуд жана Хаким кабар берген хадиси шарифтерде: "Аллаху таала акыйкатты Умардын тили жана жүрөгүнө жайгаштырган" , -деп айтылган.Бухари менен Муслимде келген хадиси шарифте: "Шайтан Умардын көлөкөсүнөн качат", -деп айтылган♥Хазрети Умар умра кылуу үчүн Расулуллахтан уруксат сураганда, Пайгамбарыбыз уруксат берип: "Тууганым, дуба кылганда бизди унутпа", -деген.Абдуллах ибн Аббас билдирген бир хадиси шарифте: "Умар ыйман келтирген күнү Жабраил алейхиссалам келди жана периштелер бири-бирине Умардын мусулман болгондугу тууралуу айтып, сүйүнчүлөштү" ,- деп айтылган.Тирмизиде жазылган Акаба бин Амирдин риваятындагы хадиси шарифте: "Менден кийин пайгамбар келе турган болгондо, Умар бин Хаттаб пайгамбар болоор эле",- деп айтылган♥Тирмизиде жазылган дагы бир хадиси шарифте, Имам Зайнал Абидин Али атасы Хазрети Хусейнден, ал атасы Хазрети Алиден риваят кылат: "Расулуллахтын жанында отурган элем. Абу Бакр менен Умар келди. Пайгамбарыбыз аларды көрсөтүп: "Бул экөө пайгамбарлардан башка Бейиштегилердин эң улуулары" , -деп айтты".

of the page up there ^

#54 Muslimka_Muslimka 19 June 2015 - 16:56

Активист

Кыймылы жок
908
26 June 14
: 26 Apr 2020 17:06
Жынысы:Белгисиз

Азирети Абу Бакр (Аллах ага ыраазы болсун) мүмкүнчүлүк табылды дегиче жакыр мусулмандардын курсагын тойгузуп, тамак-аш жагынан кайрымдуулук кылууну жакшы көргөн сахаба болгон. Мындай кайрымдуулуктун арты менен мусулмандардын санынын өсүп баратканына ичи күйгөн дин душманы Абу Жахил аны келекелегиси келет:– Эй, Абу Бакр! Алла Тааланын ушу жакырларды тойгузаарына ишенесиңби? – Ооба!– Айтканың ырас болсо, эмне үчүн аларга көз көрүнөө тамак бербейт, курсагын тойгузбайт? – Алла Таала айрым пенделерин кембагалдык менен, айрымдарын байлык менен сынап келет. Ошон үчүн кембагалдарга сабырдуулукту, байларга кембагалдарды тойгузууну буйруйт. Акылы, аң-сезими каапырлыктын кою караңгылыгында калган Абу Жахил:– Эй, Абу Бакр, ант болсун! Менин баамымда, ушу сен алжып калгансың! Буларды тойгузууга Алла Тааланын күчү жетсе, а эмне үчүн сен жаныңды кыйнап жүрөсүн дейм да! – деп өз ой жүгүртүүсүнүн өтө тайыз экендигин ашкерелейт. Бул кайым айтышуудан кийин Азирети Пайгамбарыбызга береги аят түшүрүлөт:«Алла Таала силерге берген ырыскылардан сарптагыла! » деп айтылса, ыймансыздар ыймандууларга: «Силерди биз тамактандырмак белек? Алла кааласа силерди Өзү тамактандырмак! Силер чындап адашкансыңар! » дешет» (Ясин сүрөсү, 47-аят), (Куртуби, XV). Бул жерден маалым болгондой, кедей-кембагалдарды тойгузуу Азирети Абу Бакрдын, жакырлардан жүз үйрүү Абу Жахилдин сапаты экенине күбө болдук. Абу Бакр сымал эл-журту үчүн күйүмдүү, камкор жана боорукер инсан болууну Алла Таала баарыбызга насип кылсын! Оомийн...

of the page up there ^

#55 Muslimka_Muslimka 22 June 2015 - 01:37

Активист

Кыймылы жок
908
26 June 14
: 26 Apr 2020 17:06
Жынысы:Белгисиз

Сумама ибн Усаль

«Курайш элинин соода-сатык жолун бууп, экономика жагынан обочолотуу максаты менен байланышты үзгөн улуу сахаба»
«Улуу көчүү» мусулмандардын жыл санагынын алтынчы жылында Алланын адгар сүйүктүү элчиси Мухаммад (САВ)Алланын бирдигине чакыруу үгүтүн кеңейтүү максатында араб бийлерине жана чет элдик бийлерге ислам динине үндөгөн таризде сегиз кат жазат. Ошол каттарды ала турган инсандардын бири – Ханафийлик Усалдын уулу Сумама...

Мында эч кандай деле таң калаарлык нерсе жок. Ислам дини келээринен мурунку «сабатсыз доор» деген аталыштагы өткөн доордо – Сумама арабдардын ичинде атагы алыска кеткен ары атактуу, ары беделдүү бийлердин бири болгондугу ырас, чындык. Ошондой эле ал айтканы-айткандай, дегени-дегендей болгон «Йамаманын» улуу башчыларынын катарына да кирген. Өзү болсо «Бану Хананфи» аттуу чоң уруунун беги...

of the page up there ^

#56 Muslimka_Muslimka 22 June 2015 - 01:40

Активист

Кыймылы жок
908
26 June 14
: 26 Apr 2020 17:06
Жынысы:Белгисиз

* * *

Пайгамбардын каты Сумаманын кыжырын кайнатып, ачуусун келтирет.

Мансап, кудурет, байлык жана текеберчилик аны күнөөгө белчесинен батырып, акыйкаттык, чындык жана адилеттүүлүк үгүтүнө анын кулагын биротоло дүлөй кылып салган эле.

Шайтан болсо анын мойнуна минип, ооздуктап алгандыгы аз келгенсип, «Пайгамдарды өлтүр, көзүн тазала, өзү менен кошо чакырыгын дагы көөмп сал» деген ойду анын мээсине талыкпай куя берип, акыры ошондой шыкак, туруктук жана түрткүүлөрдөн улам күүлөнгөн Сумама күтүүсүз жерден кол салууну көздөп, өңүтү келе калса, акырын барып жайлап салсам деп, ыңгайлуу мүмкүнчүлүктү үзгүлтүксүз издеп да жүрдү. Каргашалуу кылмышты кылууну токтоткон, анын жолун бууп, Сумаманын оюнан кайтарган киши - агасы. Ал анын демин суутуп, акыл-насаатын айтат, Сумама да улуунун кебине кирип, пайгамбарга кол салуудан баш тартат... Бирок эми жинин, күчүн пайгамбардан эмес, анын сахабаларынан чыгарууну эп көрөт, алардын канын төгүүгө машуурланат.

Арадан бир топ мезгил өткөндөн кийин көптөн күткөн тилеги да келет. Сумама бул мүмкүнчүлүктү колдон чыгарбай, а-бу дегенче бир топ сахабанын жанын кыят. Бул кабар пайгамбарга жеткенде, пайгамбар Сумаманын кылган кылмышына канга-кан деп, өч алуу кегин жарыялап, аны көргөн жерден өлтүрүүнү сахабаларына буйрат.

* * *

Ошол каргашалуу окуядан бир топ убакыт агылып өтөт. Күндөрдүн биринде Сумама Йамама шаарынан Меккеге умра[2]» деген жерине барып, төөсүн бош коё берип, бир аз кичине көчүк басты. Андан соң ордунан туруп, жакшылап даарат алды. Ошентип жуунуп-тазалангандан кийин кайра артына мечитти көздөй ири адым таштады, мечиттин кире беришинде олтурган мусулмандардын алдына жеткен кезде:

– Күбөлүк берем, Алладан башка сыйынууга татыктуу зат жок. Мухаммад – Анын кулу жана элчиси, – деп үнүн бийик көтөрдү.

Анан Алланын жоомарт пайгамбарынын алдына барып:

– Эй, Мухаммад! Аллага касам ичем, мен үчүн жер бетинде сенин жүзүңдөн жагымсыз жүз жок эле. Азыр болсо мен үчүн жер жүзүндө сенин жүзүңдөн жагымдуураак, сенин жүзүңдөн сүйкүмдүүрөөк жүз жок! Аллага ант берем, мен үчүн жер бетинде сенин диниңден өткөн жаман дин жок эле, азыр болсо мен үчүн жер бетинде сенин диниңден жакшыраак бир дагы дин жок! Аллага касам ичем, мен үчүн жер бетинде сен турган жерден өткөн ыпылас жер жок эле, азыр болсо мен үчүн жер бетинде сенин жериңден артык башка жер жок... – деп Сумама ак дилден, чын ыкыласы менен сүйлөп жатты. – Мен сенин сүйүктүү сахабаларыңдын жанын кыйдым. Эми эмне кылсам болот?..

– Ал кылган ишиңе сени эми күнөөлөгөнгө болбойт... Анткени, ислам динин кабыл алган адамдын мурунку кылган күнөөлөрүн шарият жокко чыгарат, – деп, жогорку кулк-мүнөздүн ээси жооп кайтарды.

Пайгамбар (САВ)Сумаманын мусулманчылыкты кабыл алуусун кубаттап, ислам динин кабыл алган адамды Алла Тааланын көптөгөн жакшылыктары, сыйлыктары күтүп жатканын кеңири баяндады. Андай керемет сөздөрдү угуп жаткан Сумаманын жүзү ажарланып, көңүлү көтөрүлүп, кубанычы койнуна сыйбай, делебеси козголду. Ошол чоң кубанычын ар ким менен бөлүшкүсү келди, сүйүнгөнүнөн көзүнөн мөлтүлдөгөн жаштар акты...

Бир көз ирмемдерден кийин ал пайгамбарга:

– Аллага ант берем! Мен өлтүргөн сахабалардын санынан он эсе көп душмандын канын агызам!.. Эй Алланын элчиси! Керт башым.., элим.., бул кылычым... сага жана сенин диниңе тартуу болсун!! ! – деди да, бир аз демин ичине алып, кайра сөзүн улады: – Эй, Алланын элчиси, мени Меккеге зыярат кылып бара жаткан жеримден сенин адамдарың кармап алышкан. Эми, ал зыяратымды кандай кылсам болот?

– Үзгүлтүккө учураган зыяратыңды улантасың. Бирок, ислам дининин көрсөткөн жол-жобосу менен, – деп, сүйүктүү пайгамбар ага ажылык сапарына тиешелүү бардык шарият эрежелерди үйрөтөт.

* * *

Алла Тааланын корук үйү-Каабага жеткен кезде Сумама бир аз тыным алат да, андан соң үнүн бийик чыгарып, шаарга төмөнкү талбияны айтып, кирет:

«Ляббайка, Аллахумма, ляббайк(а).

Ляббайка, ля шарика ляка, ляббайк(а).

Инна ль-хамда ва н-ниәмата ляка ва ль-мулк(а).

Ля шарика ляка».

(«Мына, мен Сени алдыңа келдим, ыя Алла!

Мына, мен Сенин алдыңа келдим, ыя Алла!

Мына, мен Сенин алдыңдамын, Сенин эч бир шеригиң жок!

Мына, мен Сенин алдыңдамын, ыя Алла!

Арийне, мактоолор Сага гана ылайыктуу,

Ырайымдуулук жана бийлик Сага гана таандык!

Сенин эч бир шеригиң жок ...»)

of the page up there ^

#57 Muslimka_Muslimka 22 June 2015 - 01:42

Активист

Кыймылы жок
908
26 June 14
: 26 Apr 2020 17:06
Жынысы:Белгисиз

Алла Тааланын өкүмдөрүнүн бири – ажылык сапар. Каражаты жеткен мусулмандарга Каабаны зыярат кылуу ыйык милдет болуп саналат. Жаратуучу жылына бир жолу Каабаны зыярат кылуу чакырыгын Ыйык Куранда ачык-айкын маалымдаган. «Мына чакырыгыңды угуп, Сенин алдыңа кулдук уруп келдим, эй Алла» деген абаз менен, ошол чакырыкка жооп кайтарып, ыйык жерди аттаган биздин ааламда эң биринчи бактылуу инсан, ошентип – Сумама болот.

* * *

«Алланын чакыруусуна моюн сунуп, Жалгыздыгына кулдук уруп келдим» деген маанидеги сөздөрдү айтып, кирип келе жаткан ажынын үнү курайш элинин ичинде кооптонууну жаратат. Тынч жаткан элибизге бүлүк салып келген, тайманбас баатыр ким болду экен? – деп кылычтарын кындан сууруп, курайш эли сүрүлө баштайт.

Сумама опур-топур болуп, бет маңдайынан көрүнө баштаган элди көрөөр замат, үнүн баштагыдан да бийик чыгарат. Алардын ичинен бир жаш жигит алыстан эле Сумамага жаа тартайын деди эле, анын жанында бара жаткан аксакал аны токтотуп калды:

«Эй, акмак, анын ким экенин билесиңби?» – деди жекире, аксакалды артта келе жаткандар да колдошуп, үн катышты:

«Ал Усалдын уулу Сумама деген болот. Йамаманын башчысы ...»

«...Эгер, аны өлтүрө турган эле болсок, ишибиздин бүткөнү ошо... Анын эли ошол замат бизди азык-түлүк менен камсыздабай коёт».

«...Мына ошондо баарыбыз ачкалыктан кырылабыз».

«Кызыл кандуулукка алдырбагыла, жигиттер! » деген үндөр да коштоп жатты.

Жалтылдаган кылычтар кындарга кайра салынды, Сумаманын жанына жакын келишкендер биринчи болуп сөз башташты:

«Эй, Сумама, сага эмне болгон. Эзелтеден ата-бабаң тутунуп келген динди таштап, балалыкка алдыргансың го?»

«Мен балалыкка алдырган жерим жок, эң аруу динди кабыл кылдым. Мен Мухаммаддын жолун жолдодум», – деп, жооп кайтарды:

«Бул үйдүн Ээси менен ант берем! Силердин бириңер калбай Мухаммаддын динин кабыл алмайын, Йамаманын буудайынын бир данын да, башка азык-түлүктүн бирин да көрбөйсүңөр. ..», – деди.

Курайш элинин алдында бардык эрежелерди сактап, пайгамбар үйрөткөндөй ажылык милдетин аткарат. Курмандыгын бутпарас, бутсөлөкөттөргө эмес, Жалгыз Аллага атап чалат да, кубанган бойдон өз жерине зымылдап учуп жөнөйт. Өз элине келгенде эң алды курайш элине бара турган азык-түлүктөргө тыюу салат. Анын буйругуна баары баш ийишет. Ошентип, Йамамадан келүүчү азыктар Меккеге келбей калат...

of the page up there ^

#58 Muslimka_Muslimka 22 June 2015 - 01:43

Активист

Кыймылы жок
908
26 June 14
: 26 Apr 2020 17:06
Жынысы:Белгисиз

* * *

Сумаманын кылган иштери акырындап өз мөмөсүн бере баштайт. Азык-түлүккө болгон баа көтөрүлүп, элди жетишпестик, ачарчылык каптайт. Кээ бирлери ачкалыктан ушинтип эле өлүп калабызбы деп ары чочулап, ары ишенбей да жатышты. Тамак-аш тартыш, карын тойбогон оор абалды жон териси менен тартып жаткан курайш эли, аргасыз, ачкалыктын зардарынан пайгамбарга кат жазууну эп көрүшөт. Каттын кыскача мазмуну мына мындай:

«Биздин өтө кыйын абалыбызды түшүнүп, туугандарыңа боор ачып, ырайым кылат деген чоң үмүттөбүз...

Бирок сен биз менен алаканы үзүп койдуң. Аталарыбызды кылыч менен өлтүргөнүң аз келгенсип, эми балдарыбызды ачкачылыктан кыргың келип турат окшойт.

Усалдын уулу Сумама бизге Йамамадан келүүчү азыктарга бүт тыюу салган, азыр биздин абалыбыз аябай оор. Эгер бизге эң керектүү азык-түлүктү өткөрүүнү зарыл деп билсең, анда ага кат жаз...».

Алланын элчиси катты алары менен Сумамага Мекке менен болгон мурунку алаканы кайра жөнгө салуу тууралуу кат жазат. Сумама пайгамбардын буйругун аткарат.

of the page up there ^

#59 Muslimka_Muslimka 22 June 2015 - 01:44

Активист

Кыймылы жок
908
26 June 14
: 26 Apr 2020 17:06
Жынысы:Белгисиз

* * *

Усалдын уулу Сумама өмүрүнүн акыркы көз ирмемине чейин өзүнүн динине кызмат өтөп, пайгамбардын ишеничинен чыккан эмес. Алланын элчиси көз жумган соң, элдер топ-тобу менен динден чыгып, Бану Ханифа уруусунан чыккан «жалганчы Мусайлама» аттуу жалганчы пайгамбардын артынан ээрчий баштайт. Ошол мезгилде Сумама элине чыгып кайрылуу жасайт:

– Эй, Бану Ханифа, бул жарыгы жок караңгы иштен сактангыла. Аллага ант берем! Жалганчы пайгамбарды ээрчигендерди аябай чоң азап, ал эми ага каршы күрөшкөндөрдү аябай чоң сыноо күтүп жатканы тууралуу Алла Таала эскерткен...

Бир аз демденип туруп, мындай деп кошумчалайт:

– Эй, Бану Ханифанын эли, бир эле мезгилде эки пайгамбардын келүүсү мүмкүн эмес. Чындыгында, Мухаммад – Алланын элчиси, андан кийин бир дагы пайгамбар келбейт...

Андан соң курандан аят окуйт:

«Ха Мим. Китеп түшүүсү – Ызаттуу, Даанышман Алладан.

(Ал) күнөөлөрдү кечирүүчү, тообону кабыл кылуучу, жазалоодо күчтүү жана жоомарттыктын ээси. Андан башка кудай жок. Кайтуу – (тек гана) Ага.

of the page up there ^

#60 Muslimka_Muslimka 22 June 2015 - 01:47

Активист

Кыймылы жок
908
26 June 14
: 26 Apr 2020 17:06
Жынысы:Белгисиз

Туфайл ибн Амр Ад-Дауси
«О, Жаратканым! Туфейлге өзү каалаган белгини ата кыл. Көздөгөн максатына жетсин!» (Алланын элчисинин дубасы)

Даустук Амирдин уулу Туфейл ислам дининен мурунку «сабатсыз доор» деп аталчу мезгилдерден тартып Даус уруусунун бийи болгон. Арабдардын арасында өздөрүнүн меймандостугу, жоомарттыгы менен атагы алыска кеткен инсандардын бири катары да таанылган.

Анын үйүнөн такыр мейман үзүлчү эмес, очогунда от күйгөнү-күйгөн, казанында чүйгүндөлүп салынган эт боркулдап кайнаганы-кайнаган, дасторкону кенен-кесир жайылып, анын бети түрдүү-түрдүү даамга толгону-толгон, келгендерге эшиги дайыма ачык турганы-турган. Ач калганды тоюндурчу, алсызга кайрат берип арка-жөлөк болчу, жардам сурап келгенди жардамсыз кайтарбаган, колунда болгонун аябаган кенен адам болгон. Өтө акылдуу, кичи пейил, арканды алыс таштап ойлонгон, кыраакы киши. Анын өзүнө гана таандык өзгөчө сапаты, жез таңдай чечендиги, сөздү аябай ыйык туткан сөзмөрдүгү, сөздүн жаман-жакшысын, сырткы-ички маани-маңызын талдагандыгы, сыйкырлап коё турган сөздөрдү да ажырата билгендигинде эле.

of the page up there ^

Дин жана философия

(5 )
1
2
3
4
5

Суперстан: Сахабалар - Суперстан