[konfetka_love]

" Редиска менен бадыраңдан
жасалган салат"

Кандай азыктар керек?
Бадыраң: 1 даана
Көк пияз: 3-4 тал
Майонез: 3 чоң кашык
Редиска: 6 даана
Укроп: 3-4 тал
Туз, мурч

Кантип жасалат?
Бадыраңды, редисканы жарым шакекче кылып туурайсыз.
Укроп менен көк пиязды майда туурайсыз.
Идишке тууралган азыктардын
баарын саласыз да, майонез менен аралаштырып коёсуз.
Татымына жараша туз, мурч кошуп коёсуз.

[konfetka_love]

Эң оңой салат 2 порцияга.

1) Кызылча 2 шт
2) Чеснок 2 тишче
3) майонез
4) жангак грецкий 3-4 шт

Кызылчаны сууга
бышырып, муздатып
(корейский сабиздин)
теркадан
откозуп, чеснокту
чеснокодавилкадан
откозуп, жангакты да
майдалап майонез кошуп
койсонор болду. ТЕЗ, ДААМДУУ жана
ото ПАЙДАЛУУ салатыбыз
даяр.

[konfetka_love]

АЗИЯ салаты.

1 кг уйдун боору
3 жумуртка
200 гр сабиз
150 гр пияз
майонез, туз.

Боорду сууга бышырып алабыз, анан бышкан боорду эт туурагычтан өткөрүп алабыз. Андан соң пиязды кууруп, жумуртка менен сабизди сүргүчтөн өткөрүп алып, идишке салып, татымына жараша туз саласыз да, майонез кошуп аралаштырып, столго коё берсеңиздер болот.

[konfetka_love]

РАХАТ салаты.

- 300 гр тоок эти
- 300 гр консерватталган ананас
- 150 гр сууга бышкан күрүч
- консерв.жүгөрү 1 банка
- майонез, туз.

300 гр тооктун этин сууга бышырып алып, өтө майда кылбай туурап алабыз. Ананасты да ошондой көлөмдө туурайбыз. Андан соң тууралган азыктарды идишке салып, жүгөрү, күрүч, туз, майонез кошуп аралаштырып, тарелкага салып, кооздоп жей берсеңиз болот.

[konfetka_love]

«АК ОРДО» салаты

Керектүү азыктар (1 порция
үчүн):

> Уйдун тили – 100 грамм
> Картошка – 100 грамм
> Жумуртка – 1 даана
> Сыр (голландия сорту) – 50 грамм
> Помидор – 1 даана (кичинекей)
> Болгар калемпири – 1 кесим
> Зайтун мөмөсү – 4 даана
> Сарымсак – 1 тишче
>Майонез – 1 аш кашык
>Соя соусу – 1,5 чай кашык
> Петрушка – 3-4 тал
> Салат жалбырагы – 3-4 даана
> Туз татымына жараша

Даярдоо ыкмасы:
1. Уйдун тилин, картошканы,
жумуртканы сууга бышырып
алабыз.

2. Бышкан тилди таякча түрүндө
узун-узун туурап, ага 1 тиш
сарымсактын жарымын майда
туурап кошобуз. Үстүнө соя
соусун, туз кошуп, баарын
аралаштырып, даамдары бири-
бирине сиӊиши үчүн бетин
жаап коёбуз.

3. Эми сууга бышкан картошканы
да таякча түрүндө туурап,
майонезди кошуп
аралаштырып, өзүнчө идишке
салабыз.

4. Помидорду жана бышкан
жумуртканы узатасынан 4кө
бөлүп кесебиз.

5. Сырды сүргүчтөн өткөзүп,
өзүнчө идишке сала туруӊуз.

6. Эми тарелкага салып, үстүн
кооздоого кезек келди.
Тарелкага салат
жалбырактарын төшөп, бетине
тууралган тилди тегиз кылып
салабыз. Үстүнө картошканы
тегиздеп жайгаштырып, андан
кийин сүргүчтөн өткөзүлгөн
сырды себелейбиз. Ичке
таякчаларга алгач зайтун
мөмөлөрүн, андан соӊ кесилген
жумурткаларды сайып,
салаттын 4 бурчуна
жайгаштырабыз. Тилимдерге
бөлүнгөн помидорлор
идиштин бурчтарынан орун
алат. Салаттын ортосуна болгар
калемпирин коюп, петрушка
менен кооздоп коёбуз. Салат
даяр!

[konfetka_love]

" Витаминка" салаты.

Ири теркадан бирдей
кылып туурайбыз:
- алма
- сабиз
- сыр
- редиска
- туз, мурчту татымына
жараша

Баарын каймак же йогурт
менен аралаштырып, көк
чөп менен кооздоп
койобуз.

[konfetka_love]

КЫЗЫЛЧА ЖАНА САБИЗДЕН
САЛАТ

КЕРЕКТЕЛҮҮЧҮ АЗЫКТАР:
Кызылча – 2 кг
Сабиз – 1 кг
Болгар калемпири – 1 кг
Пияз – 1 кг
Кумшекер – 100 грамм
Уксус (9% )– 200 грамм
Өсүмдүк майы – 250 гр
Туз – татымына жараша

Даярдоо ыкмасы:
1. Болгар калемпирин узунунан,
жоонураак кесебиз.

2. Пияз чоң-чоң төрт чарчы
(кубик) түрүндө тууралат.

3. Кызылча жана сабизди
сүргүчтөн (чоң көздүү)
өткөрөбүз.

4. Чоң идишке майды куюп,
үстүнө тууралган
жашылчаларды салып, жай
отко коёбуз.

5. Маринадды даярдайбыз:
Уксус менен туз, кумшекерди
бир идишке салып,
аралаштырып борк эткизе
кайнатып алабыз.

6. Маринадды толук бир кайнап
чыккан жашылчалардын үстүнө
куюп, чогуу дагы 30 мүнөт жай
отко коёбуз.

7. Алдын ала бууланган банкага
салатты салып, капкагын
бекитебиз.

[konfetka_love]

БАДЫРАҢ, ПИЯЗ ЖАНА САБИЗДЕН
САЛАТ

КЕРЕКТЕЛҮҮЧҮ АЗЫКТАР:
Бадыраң (орточо) – 1 кг
Пияз – 4 даана
Сабиз – 4 даана
Сарымсак – 1 баш
Укроп – 1 боо
Уксус (9% ) – 200 грамм
Кумшекер – 2 аш кашык
Суу (маринад үчүн) – 1 литр
Туз – 2 аш кашык
Тоголок кара мурч, лавр
жалбырагы

Даярдоо ыкмасы:
1. Пияз, бадыраңдарды
шакекче, сарымсакты узун,
ичке туурап, ар бирин өзүнчө
идишке салабыз.

2. Сабизди сүргүчтөн (чоң
көздүү) өткөрөбүз.

3. Бууланган банкалардын
түбүнө сарымсак, 5-6 даана
тоголок кара мурч, 2 даана
лавр жалбырагын, укроп
салабыз.

4. Эми үстүнө жашылчаларды
катары менен каттап сала
баштайбыз: Алгач пияз, анан
сабиз, бадыраңды. Кайра пияз,
сабиз, бадыраң... Ушинтип
банкаларды толтурабыз.

5. Маринад даярдайбыз: Сууга
уксус, кумшекер, туз кошуп, бир
кайнатып алабыз.

6. Банкаларга маринаддан
куюп, сыртынан 20-25 мүнөт
кайнатабыз. Анан капкактарын
бекитип коёбуз.

[konfetka_love]

САЛАТ "СЫР БЕЙИШИ"

Курамы:
● Жумуртка — 3 шт
● Сыр — 200 г
● Туздалган бадыран — 2 шт
● Сухарик — 2 пачка.
● Майонез
● Көк чөп

Даярдоо ыкмасы:

Бышырылган жумуртканы
майдалап, сырды ири
теркадан өткөрөбүз.
Бадыранды майда
туурайбыз. Баарын
майонез менен
аралаштырып көк чөп
менен кооздоп коёбуз.
Сухариктерди дасторконго
алып келерде кошуп
аралаштырабыз.
Тамагыңыздар таттуу
болсун!

[konfetka_love]

«Жегловдун кубанычы»
Салаты.

Курамы:
● 4 жумуртка
●1 чоң сабиз
● 600 грамм тоок эти
● бир боо көк пияз
● майонез, туз, мурч

Дардоо:
Тоок этин бышырып,
муздатып жука кылып
кесебиз.

Бышырылган
жумурткаларды ири кылып
туурайбыз, мисалга:бир
жумуртканы 8 бөлүккө
бөлсөк болот.

Сабизди ири
теркадан өткөрүп,
тууралган пияз менен
аралаштырабыз.

Татымына
жараша майонез, туз, мурч
кошулат.

[konfetka_love]

"Ден соолук" Салаты

Курамы:
●2даана бадыраң
●2даана сабиз
●2даана алма
●100г салат жалбырагы
●1/2 стакана каймак
●1/4 орто лимон
●1-2 помидор

Даярдоо:
1. Таза жуулган бадыраң,
сабиз, алманы ичке кылып
туурайбыз, салат
жалбырагын төрт бөлүккө
бөлүп алабыз.

2. Баарын үстүнө каймак
кошуп, лимондун суунун,
туз, шекер менен
аралаштырабыз. Помидор
менен кооздоп койобуз.

[konfetka_love]

" ФУНЧЕЗА"

Даярдоо ыкмасы:

Лапшаны туздалган сууга
кайнатат да, жууп,
муздатат.

Сабиз менен
капустаны теркадан
өткөзөт.

Этти майда кесип,
күн карама майында
кууруйт.

Пиязды экиге
бөлүп туурайт.

Болгар
калемпирин майда
туурап, сарымсакты,
сабизди жана капустаны
кошуп баарын бирге 5
мүнөт кууруйт. (туздалат)

Даяр болгон эт менен
лапшаны кошуп, эт
куурулган майга пиязды
алтын түстүү болгучакты
кууруп, ага жусайды
кошуп аралаштырып 1
мүнөкө коет.

Лапша
менен этке, куурулуп даяр
болгон жашылчаларды
кошуп, уксуз жана соя
соусун кошуп жакшылап
аралаштырып, бир саатка
тургузат.

Бул салатты
ысык боюнча да муздак
боюнча да тартса болот.

Керектелүүчү заттар:
Гүрүч лапшасы – 0,5 кг.
Уй эти – 300 г.
Сабиз (орточо) – 1 даана
Пияз – 1 даана
Капуста кольраби
(жонокой капуста менен
жасаганы да болот) – 2
даана
Болгар
калемпири – 1 даана
Сарымсак
Жусай
Күн карама майы
Туз
Кара мурч
Соя соусу
Алма уксусу

[konfetka_love]

"КАРЫН САЛАТЫ"


ДАЯРДОО ЖОЛУ:
1. Алгач карынды жууп-
тазалап алабыз. Анан ага
кайнак сууну жаба куюп
жыдытып, бычактын мизи
менен аппак болгуча
кырып тазалайбыз. Андан
соң карынды сууга
бышырып, муздаганда
чарчы кылып туурайбыз.


2. Сабиз, сарымсакты
аарчып, сүргүчтөн
өткөрүп, татымалдарды
кошуп кадимки корей
салатын даярдап алабыз.
Аягында буга тууралган
карынды кошуп
аралаштырып, даамына
келгенче 2-3 саатка
муздак жерге коюп
коёбуз.


КЕРЕКТЕЛҮҮЧҮ АЗЫКТАР:
Койдун же уйдун карыны
– 500 грамм
Сабиз – 500 грамм
Сарымсак – 4-5 тишче
Кумшекер – 1 аш кашык
Уксус – 2 чай кашык
Соя соусу – 3 аш кашык
Өсүмдүк майы – 4-6 аш
кашык
Корей салаттарына
кошулчу татымал,
татымына жараша туз,
кызыл мурч

[konfetka_love]

" НАЗИК САЛАТЫ"

Жаздын келиши менен
жашылча- жемиш
кылтыйып, көк шибер
жыттанып, аба да бир
өзгөчө табитти ачып
турат. Бул ирет витаминге
бай болгон шалгамдан
сиздерге "Назик" салатын
тартуулайбыз.

Курамы:
> Сууга бышкан уй эти – 300
грамм
> Бир даана шалгам
> Пияз – 1-2 даана
> Туз Калемпир
> Майонез
> Петрушка жалбырактары


Даярдоо ыкмасы:
1) Эт узунунан тууралат.
2) Шалгамды таза жууп
алып, аны да узунунан
туурайбыз.
3) Пиязды туурап, майга
бир аз куурабыз. Уй этин,
шалгамды жана пиязды
кошуп, татымына
жараша калемпир, туз
себилет. Даяр болгон
салатка майонез кошуп,
жакшылап
аралаштырабыз.

[konfetka_love]

" ЖҮРӨК САЛАТЫ"

ДАЯРДОО ЖОЛУ:
1. Алгач жүрөктү таза
жууп, сууга бышырып
алабыз. Лавр
жалбырагын кайнап
жаткан сууга салууну
унутпаңыз. Бышкан
жүрөктү муздагандан
кийин чарчы кылып
туурайбыз.
2. Бадыраңды чарчы, ал
эми пиязды жарым
тегерек түрүндө туурап
даярдайбыз.
3. Тууралган азыктарды
аралаштырып, салат
салынуучу идишке
салабыз да, үстүнө
майонезди куюп,
сүргүчтөн өткөрүлгөн
жумуртканы себелейбиз.
Фантазияңызга жараша
укроп менен кооздоп
койсоңуз болот.

КЕРЕКТЕЛҮҮЧҮ АЗЫКТАР:
Койдун жүрөгү – 2 даана
Бадыраң – 200 грамм
Пияз – 1 баш
Жумуртка – 3 даана
Майонез – 150 грамм
Укроп – 1 тутам
Лавр жалбырагы – 2
даана
Татымына жараша туз

[konfetka_love]

" Эң даамдуу" салаты.

Атына жараша чындап эле
аябай даамдуу салат. ))

Курамы:
- 0,5 кг. мал эти
- 3-4 помидор
- 2-3 маринаддалган
бадыран
- 3-4 картөшкө
- 150 гр. сыр
- майонез
- петрушка
- туз, мурч

Даярдоо:
1. Этти 1,5-2 саат туздуу
сууда кайнатабыз.
2. Картөшкөнү сууга
бышырабыз,
3. Баарыны кубик түрүндө
туурап алабызда, кабат
кабаты менен
жайгаштырабыз: этти,
картөшкө, туз, мурч,
майонез, бадыраң, сыр,
майонез, помидор, туз,
мурч, майонез, сыр жана
майдаланган петрушка.
4. Чындыгында өзүңүз
каалагандай тизип алсаңыз
да болот.))
Же баарын аралаштырып,
топтоп алып жей берсеңиз
да болот.

[konfetka_love]

" Помидор ичиндеги салат "

Курамы:
¤ помидор
¤ креветка
(бышырылган же
соустагы)
¤ консерваланган
жүгөрү
¤ жумуртка
¤ майонез же каймак
¤ туз татымына жараша.

Даярдоо:
Помидорлорду жөнөкөй
бычак менен же атйын
тиштүү бычак менен
"корзинка" түрүндө кесип
алабыз. Ортосун тазалап
бошотуп, корзинка сымал
кол жагын эле калтырабыз.
Жумуртканы бышырып,
майдалайбыз,
консервадагы жүгөрүнү
кошобуз, андан соң
креветкаларды, майонез
же каймак менен
аралаштырып, татымына
жараша туз кошулат.
Баарын аралаштаргандан
кийин кылдаттык менен
помидордун ичине салып
көк чөптөр менен кооздоп
дасторконго бере берсек
болот.
Тамагыңыздар даамдуу
болсун!

[konfetka_love]

“Одуванчик” Салаты

Курамы:
●150—200 г сыр,
●1 банка кукуруз,
●3—4 жумуртка,
●лимонный майонез

Даярдоо:
Сырды ири теркадан
өткөрүп, сууга бышкан
жумуртканы кубик кылып
кесебиз, кукуруз менен
майонезди кошуп
аралаштырып койсок,
салат даяр.

[konfetka_love]

" НУР " салаты.

Тоок эти - 150 гр.
Жумуртка - 2 шт.
Пияз - 100 гр.
Сыр (катуу) - 100 гр.
Грек жаңгагы - 50 гр.
Майонез.

Тоок этин сууга бышырып, майда туурайбыз.

Жумуртканы сууга бышырып, сүргүчтөн өткөрөбүз.

Пиязды өсүмдүк майына кууруп алабыз.

Сырды сүргүчтөн өткөрөбүз.

Тарелкага азыктарды кезеги м/н тизебиз. Ар бир катмардын ортосуна майонез сүйкөөнү унутпаңыз.

Акырында салаттын үстүнө грек жаңгагынын калганын майдалап себелейбиз.

Майонез сиңиш үчүн салатты муздаткычка 1 саатка коюп коюңуз.

[Mediziner]

Козу карын, фундук жана сырдан жасалган жылуу салат


Керектелүүчү азыктар:



Козу карын- 300 грамм

Салат жалбырагы- 75 грамм

Фундук- 2 аш кашык

Сыр- 30 грамм

Пияз- 1 даана

Көк пияз- бир боо

Петрушка- 2 боо

Тимьян- (кургатылган)- бир чымчым

Зайтун майы- 2 аш кашык

Каймак май- 15 грамм

Туз- татымына жараша

Кара калемпир- татымына жараша

Даярдоо ыкмасы:

Алгач, сковородкага фундукту кууруп аласыз. Андан кийин майлыкка салып, жеңил сүртүп майдалайсыз.



Сырткы күрөң кабыгы кеткендей болсун.



Сыр өтө жука кесилет.



Козу карынды чоң кесимдерге ал эми пиязды жарым шакекче формасында туурайсыз. Сковородканы ысытып, ага каймак май менен зайтун майын куюп, пияз менен козу карынды кууруп аласыз. Ага тимьян, туз жана калемпирди татымына жараша кошосуз. Лимон ширесинен бир аз тамчылатып койсоңуз болот. Андан кийин табакка салып, үстүн жаап коёсуз.



Салат жалбырганы тазалап жууп, кургатып аласыз. Петрушка, кк пиязды майдалап туурап, салат жалбырагы менен аралаштырасыз. Андан ары табакка салып, үстүнө куурулган козу карынды салып, үстүнө сыр менен фундукту себелеп дасторконго коё берсеңиз болот.

Билдирүүнү түзөткөн: Mediziner: 25 Август 2015 - 17:48