[Sarabanda]

Салам кыздар! Мурут аласынарбы?

Прикрепленные изображения

• 
• 
• 

[Holerik10]

Туурасын айтыш керек мен бирде салонго кирсем кашыма кошуп терип салган ошондон бери терем дайым))

[suiuktuujar]

жоок албайм мурут жок.

[meerim8793]

Мурутум жок. Болсо алат элем.

[Holerik10]

Менден мурда бироо тердирди эле башкача корунуп калдыда анан мен деле унчукпай тердирип алгам))

[Sweet-Lika]

Бул туурасында баш оорутуп көрбөгөм…

[kanyshaikg]

Менин мурутум жок.эгер болсо ойлонуп корбопмун

Билдирүүнү түзөткөн: kanyshaikg: 04 Июль 2015 - 15:48

[Sarabanda]

Биз кара тору болуп муруттар олуп эле калат экенда билинип. Бирок алып койсон жакшынакай жылмакай болуп калат. Анан макияжын да сонун отурат.

[alhamdulillah]

Терген эмесмин

[aqua.94mema]

Жип менен озум дайым эле терип коем чычыратып ...

[Sarabanda]

Кийин каарып,коздор жакшы корбой калганда кантээр экенбиз деп кыжалатмында.

[Bermet_Kasymova]

Жок алган эмесмин.

[Sweet-Lika]

Sarabanda (04 Июль 2015 - 15:50) жазган:

Биз кара тору болуп муруттар олуп эле калат экенда билинип. Бирок алып койсон жакшынакай жылмакай болуп калат. Анан макияжын да сонун отурат.

Мен деле кап-кара-торуларга кирем. Менде жок го анан.

[Sweet-Lika]

Sarabanda (04 Июль 2015 - 20:26) жазган:

Кийин каарып,коздор жакшы корбой калганда кантээр экенбиз деп кыжалатмында.

Неберелерге куч-кубат берсин .

[ROUSE]

Sarabanda (04 Июль 2015 - 20:26) жазган:

Кийин каарып,коздор жакшы корбой калганда кантээр экенбиз деп кыжалатмында.

устара колдонуп калабыз да
Азыр карасам мурут эле эмес каш да дефицит экен. Косоо окшойм

Билдирүүнү түзөткөн: ROUSE: 04 Июль 2015 - 23:02

[saya]

Муруту бар кыздар сулуу болот дешет

[kanykey125]

Муруту бар кыздар терип койгону жакшы эле. бир Башкирка кыз бар эле.атынын эмес мурутчан кыз дешчу.кийин кийин салонго аны муну жасатканы барып жатып мурутун да тердирткен го жок.азыр бир татынакай .озу жакшынакай болчу.муруту менен кызыктай корунчу.

[momuntay]

Ай кокуй кыз киде кайдан мупут болсун. Мркт жок ай. Бирок бир озбечка аялдан коргом мурут бир аз осконун. Тан калгам.

[Angel92]

Тез-тез косметологто болуп турам

[Begimkyz]

Көпчүлүк айымдар депиляция менен эпиляцияны чаташтырып алышат. Негизи, эки кызмат тең түктөрдү кетирүү жаатында болгону менен, айырмачылыктары бар. Атайын аппараттын жардамы менен түктүн фолликулунун, башкача айтканда, тамырынын түбүнөн өсүшүн тоскоолдукка учуратып өстүрбөө эпиляция жолу аркылуу ишке ашат. Мында бир эле жолку процедура менен түктөрдөн арылам десеңиз жаңылышасыз. Себеби эпиляция курсу белгилүү тартип менен бир топко созулат жана баасы да кымбат келип, капчыгыңызды бир топ жукартат. Болбосо, сиз каалаган көрүнүктүү жыйынтык келип чыкпайт. Чурайга эпиляция кылардан мурун сөзсүз гинекологдун көзөмөлүндө болуп, керектүү кеңештерди алганыңыз оң. Эпиляция бетке, колтукка, чурайга жасалат. Бир жолу жасалган процедура 2-4 жумага чейин жетет.
Депиляция көбүнчө бутка, колго жасалат. Мында түктөрдүн үстүнкү бөлүгү гана ар кандай каражаттардын жардамы менен белгилүү убакытка чейин алынат. Мисалы, мом менен жасалган депиляциядан кийин эки жума өткөндө түктөр кайра чыга баштайт. Чындыгында, баары тең айымдардын канчалык деңгээлде түктүү экенинен көз каранды.

ЭПИЛЯЦИЯ ТАРЫХЫНАН
Эпиляция, депиляция египеттик айымдардан келип чыккан. Учурунда ал жакта баштан башка жерде түктөрдүн болушу маскарачылык болуп саналчу. Атактуу Клеопатра милдеттүү делген даражага чыгарган. Андыктан мисирлик айымдар жылмакай дененин ээси болуу үчүн баарына кайыл болушкан. Убакыттын өтүшү менен момдон, балдан жана ар кандай чөптөрдөн илээшкек аралашмаларды жасап, колдонууга өтүшкөн.
Түктөрдү кетирүүнүн тарыхына римдик айымдар да өз салымдарын кошушканын айта кетпесек болбос. Мончодо буулануу аркылуу теринин кеңейиши аз да болсо ооруксунуунуазайткандыктан, атайын жиптер менен түктөрдү алып салышчу экен.

ЛАЗЕРДИК ЭПИЛЯЦИЯ – эпиляциянын эң иштиктүү түрү. Александрит ташы аркылуу жүргүзүлөт. Эпиляциянын бул түрүндө лазер менен ар түктүн фолликулу күйгүзүлүп, өсүү режими толугу менен 1-2 жумада кыйроого учурайт. Толук курс 7-10 процедурадан туруп, ооруксунуу менен коштолсо да, жыйынтыгында жагымсыз түктөрдөн биротоло арылуу мүмкүнчүлүгү бар.

ЭЛЕКТРОЭПИЛЯЦИЯ – кымбат, бирок ооруксунтуу менен ишке ашкан эпиляциянын эң эски, колдонуудан чыккан түрү. Түктүн ар бир талын электр заряды менен күйгүзүү аркылуу ишке ашат. Тээ тамырына чейин ийненин жардамы менен жетет. Натыйжалуу болгону менен, варикоз, кант диабети менен ооругандарга бул ыкманы колдонууга болбойт. Дагы бир терс жагы, электроэпиляциядан кийин тырыктар калып калышы мүмкүн.

ФОТОЭПИЛЯЦИЯ лазердик эпиляцияга эле окшош. Чынында, баасы ага караганда арзан. Денеге, мисалы, чурайга атайын фотоэпиляцияга арналган крем сүйкөп, жылуулукка кактоо менен бул аракет ишке ашат. Абдан сезгич териге эпиляциянын мындай түрүн колдонууга болбойт. Анткени фотоэпилятордон бир нече нур чыккандыктан, тери күйүккө учурашы мүмкүн. Фотоэпиляцияны пайдалангандар денесинин түктүүлүгүнө карап ар бир эки ай сайын 3 же 10 жолу процедурадан өтүп турушат.

МОМ ДЕПИЛЯЦИЯСЫ – депиляциянын эң кеңири тараган түрү. Анын муздак, жылуу, ысык деген түрлөрү бар. Бул ыкмада мом териге сүйкөлөт да, үстүнө атайын жука косметикалык салфетка жабылат. Андан соң 5-10 секунд аралыгында салфетка сыйрылып алынат. Үй шартында ысытылган мом менен депиляция кылууда кылдаттык менен иштебесе, сезимтал терини күйгүзүп алуу коркунучу бар. Мында түктүн узундугу 3 миллиметрден ашпашы керек.

КУМШЕКЕР ДЕПИЛЯЦИЯСЫ ЖЕ ШУГАРИНГ атайын пастанын жардамы менен ишке ашат. Бул ыкманы дененин бардык жерине колдонууга болот. Бир аз ооруксунууну пайда кылганы гана болбосо, пайдаланууга ыңгайлуу. Момдой болуп түктөн тышкары териге жабышпайт жана түктөрдүн узун-кыскасы мааниге ээ эмес. Болгону, түккө илээшет. Пастаны денеге сүйкөөр замат катып, клеёнка сымал болуп калат. Сыйрыганда ашыкча түктөр ага жабышып чыгат. Мында фотоэпиляцияда болуп кетүүчү күйүктөр болбойт.

УСТАРА МЕНЕН АЛУУ, тескерисинче, түктөрдүн күчөп өсүшүнө алып келет. Өсүү ылдамдыгы да тездейт. Этияттабаса ар кандай кесип алуулар көп болуп, жарааттар пайда болушу мүмкүн. Бара-бара тери одоно көрүнүп, жагымсыз маанай жаратат. Айымдарга бул ыкмадан алыс болууну сунуштайбыз.

ЖУЛУУ ЫКМАСЫ илгертеден колдонулуп келе жатат. Искек менен жулгандар байкагандай, кээде түктүн орду кара чекит болуп калат. Ал жулганда түбү калып калгандыгын далилдейт. Бирок колтуктагы жана чурайдагы жүндү терүү өтө опурталдуу жана жагымсыз. Көпчүлүк айымдар бул ыкманы каштарына гана колдонушат.

КРЕМДЕРДИН ЖАРДАМЫ МЕНЕН да денедеги ашыкча түктөрдөн арылууга болот. Бирок анын химиялык курамы ден соолукка өтө зыян. Денеге сүйкөп, белгилүү убакыттан соң сүртсө, түктөр өзүнөн өзү күбүлүп түшүп калат.

ҮЙ ШАРТЫНДА...
Үй шартында устара менен кырууда теринин кычышуусун алдын алуу үчүн төмөнкү кеңештерди сунуш кылабыз. Алгач түктөрдү тазалоонун алдында жылуу ванна кабыл алыңыз. Түктөр өсүп кеткен убакта негизги катмарын кайчы менен тегиздеп, жумшартуучу көбүктөн сүйкөө керек. Көбүк сүйкөлгөн соң түктөр жумшаргыча бир нече мүнөт күтүүгө туура келет. Бирок алдын ала көбүккө аллергияңыз жок экенин текшерип алыңыз. Эң негизгиси, устаранын мизи курч болсун. Түктөрдү бир калыпта, өсүү багытына карай алганга аракет кылыңыз. Антпесеңиз териңизди кызарта кычыштырып, бир топко чейин сизди кыжалат кылышы мүмкүн. Тазалап болгондо самын же гель менен таза жууп коюңуз. Өтө эле таза болом деп бат-баттан түктөрдөн арылуу менен алектенбеңиз. Үй шартында триммер же электр устарасы менен аялуу жердин түктөрүн алуу да өтө кооптуу. Себеби абдан назик серпилмелүү жерди кесип алуу коркунучу бар.