[Adilet94]

Арыктоо үчүн япон диетасын колдонуп, 13 күндө 10 килограммга арыктаңыз

[Adilet94]

Япондордун арыктоого багытталган диетасы берген жыйынтыктары боюнча алдыңкы орундарды ээлейт. Ал аз убакыттын ичинде жана жакшы натыйжалуулугу менен белгилүү. Анткени 13 күн аралыгында 6-10 килограммга чейин арыктоого болот. Бул диетанын дагы бир өзгөчүлүгү арыктагандан кийин ошол калыпта 2-3 жыл туруктуу формада жүрүү мүмкүнчүлүгүнө ээ. Анткени диета кармоо учурунда ашыкча майларды ээритүүчү үчүн кычкылтектин деңгээлин түшүрүүгө күч жумшалат.

[Adilet94]

Диета кармоо учурунда эске алчу маанилүү эрежелер:

1- Биринчиден, япон диетасынын менюсуна жана колдонуучу азыктарына дыкат көңүл буруңуз. Менюда көрсөтүлгөн азыктарды гана колдонуу талапка ылайык, башка азыктар менен алмаштырууга болбойт.

2- Экинчиден, бир дагы күндү өткөрүп жиберип диетаны бузбаңыз. Ошондуктан бул күндөрү конокко, той- топурларга барбай эле турганыңыз оң.

3- Үчүнчүдөн, туз, нан, спирт ичимдиктеринен толугу менен баш тартуу керек. Диета учурунда минералдык гана суу ичүү сунушталат.

[Adilet94]

Диетаны баштаган 1- күнүңүздүн менюсу:

1- Эртең мененки тамактанууда кум шекерсиз кофе гана ичесиз.

2- Түшкү тамакта сууга бышырылган капустага бир аз зайтун майын аралаштырып жейсиз жана эки даана жумуртка менен бир стакан томат ширеси ичилет.

3- Кечки тамакта сууга бышырылган же жеңил куурулган балык желет.

[Adilet94]

2- күн

1- Эртең менен кум шекерсиз кофе менен эки кесип сухарик желет.

2- Түшкү тамакта куурулган же сууга бышырылган балык. Жашылча салатын тузсуз жана майонезсиз жасап жейсиз.

3- Кечки тамакта 100 грамм уйдун этин сууга бышырып жейсиз жана бир стакан кефир ичесиз.



3-Күн

1- Эртең менен кум шекерсиз кофе сухарик менен ичилет.

2- Түшкү тамакта 2 даана кичинекей кабакчаны майга кууруп жейсиз.

3- Кечки тамакка 200 грамм уйдун этин сууга бышырып капустадан салат жасап жейсиз. 2 даана жумуртканы сууга бышырасыз.



4- Күн

1- Эртең менен кум шекерсиз кофе

2- Түшкү тамакта 3 даана сууга бышырылган сабизди туурап бир аз зайтун майын кошуп жейсиз. Мындан сырткары, бир даана жумурканы сууга бышырып жана 15 грамм сыр жеп коюңуз.

3- Кечки тамакка жер- жемиш гана жейсиз. Эң эле пайдалуусу алма жеңиз.

[Adilet94]

5- Күн

1- Эртең менен бир даана сабиздин өзүн эле жейсиз. 1 стакан лимон ширесин ичесиз.

2- Түшкү тамакка сууга бышырылган же куурулган балыкты бир стакан томат ширеси менен ичесиз.

3- Кечки тамакка жалаң гана алма жеңиз.


6- күн

1- Эртең менен кум шекерсиз кофе

2- Түштө тоок этинен 250 грамм сууга бышырып, капуста менен сабизден зайтун майын аралаштырып салат жасап жейсиз.

3- Кечинде эки жумуртканы сууга бышырып, сабизден салат жасап жеңиз.


7- Күн

1- Эртең менен көк чай ичиңиз.

2- Түшкү тамакта 200 грамм уйдун этин сууга бышырып жеңиз. 2 даана алма жеп коюңуз.

3- Кечки тамакка дагы алма гана жейсиз.



8- Күн

1- Эртең менен кум шекерсиз кофе

2- Түштө 250 грамм тоок этин сууга бышырасыз. Капуста менен сабизден зайтун майын кошуп салат жасайсыз.

3- Кечки тамакка 2 жумурканы сууга бышырып, сабиз салаты менен жейсиз.

[Adilet94]

9- Күн

1- Эртең менен бир сабизди бир стакан лимон ширеси менен ичесиз.

2- Түштө сууга бышырылган же куурулган балыкты бир стакан томат ширеси менен кабыл аласыз.

3- Кечки тамак эки жумуртканы сууга бышырып сабизден салат жасап жейсиз.


10- Күн

1- Эртең менен кум шекерсиз кофе

2- Түштө 3 даана сабизден салат жасап, бир даана жумуртканы сууга бышырып, 15 грамм сыр жейсиз.салат жасап жейсиз.

3- Кечинде 2 даана алма жеп коёсуз.


11- Күн

1- Эртең менен кум шекерсиз кофе сухарик менен ичилет.

2- Түштө эки даана кабакчаны кууруп жеңиз.

3- Кечинде 200 грамм уй этин сууга бышырып, капуста менен сабизден салат жасап жана эки даана жумуртканы сууга бышырып жеңиз.

[Adilet94]

12- Күн

1- Эртең менен кум шекерсиз кофе сухарик менен ичиңиз

2- Түштө сууга бышырылган же куурулган балык жана сабиз менен капсутадан салат жасалат.

• Кечинде 100 грамм уй этин сууга бышырып, бир стакан кефир ичесиз.


13- Күн

1- Эртең менен кум шекерсиз кофе

2- Түштө сууга бышырылган капустадан салат жасап, эки даана жумуртканы сууга бышырасыз. 1 стакан томат ширесин ичесиз.

3- Кечки тамакка бир балык кууруп жесеңиз болот.

[Adilet94]

Диета ушуну менен аягына чыкты. Мындан ары дароо эле толук кандуу тамактанууга өтүп кетпей аз- аздан тамак ичиңиз. Ашыкча тоюп алуудан абайлаңыз.

[Adilet94]

Арыктаган соң чоюлган терини кантип калыбына келтирсе болот?

[Adilet94]

Көпчүлүк айымдар тез аралыкта арыктаган соң чоюлган терисин калыбына келтире албай көп убара тартышат. Ал эми төмөндөгү ыкмалар сизге жардам берет. Тез аранын ичинде арыктаган ыкмалар негизинен пайдасынан зыяны көп. Мында, териңиз чоюлуп жагымсыз абал жаратат жана кара бат эле салмак кошуу коркунучу бар. Ошондуктан шашпай акырындык менен салмактан арылган пайдалуу.

Арыктаган соң, дароо терини тартуучу каражаттарды колдонуңуз. Скрабдар, маскалар сиздин териңизди тартып сыйдам кылат. 4 ай аралыгында аптасына бир жолу колдонсоңуз жетиштүү болот.

Суусундукту көбүрөөк ичиңиз. Териңиздин сыйдам, тартылган абалына келтирүү үчүн күнүнө газдалбаган 10 стакан суу кабыл алуу керек.

Тамактанууңузга олутту көңүл буруңуз. Куурулган, майлуу жана тез даярдалууучу тамак- аштарды колдонбоңуз. Белоктуу азыктарга басым жасаңыз. Жеген тамактын өлчөмүн азайтыңыз. Арыктайм деп канча азап тартканыңызды эстеңиз. Албетте, кайрадан салмак кошууну каалабайсыз да, туурабы?

[MIRlan]

Мен мындай коордукка чыдабайм. Мен 1-2- жеешим керек, обедде.

[LaDy-GaGa]

Жакшы маалымат экен. Бирок бизге туура келбейт шарттары.

[sterva]

Мен да 12 кундук диета кармадым,строго по рецепту,эркин кучтуу болсо,мындай диета кармап,жакшы результаттар болот.Менин 12кундук диетамдан,-8кг))

Билдирүүнү түзөткөн: sterva: 17 Июль 2015 - 15:22

[prosto_gul9]

Кабакча, томат ширеси эмне ал?

[Mani.kg.]

Мен семире албай жатса...

[prosto_gul9]

Билгендер болсо айтып койунуздарчы?

[prosto_gul9]

Adilet94 (16 Июль 2015 - 20:42) жазган:

Диета кармоо учурунда эске алчу маанилүү эрежелер:

1- Биринчиден, япон диетасынын менюсуна жана колдонуучу азыктарына дыкат көңүл буруңуз. Менюда көрсөтүлгөн азыктарды гана колдонуу талапка ылайык, башка азыктар менен алмаштырууга болбойт.

2- Экинчиден, бир дагы күндү өткөрүп жиберип диетаны бузбаңыз. Ошондуктан бул күндөрү конокко, той- топурларга барбай эле турганыңыз оң.

3- Үчүнчүдөн, туз, нан, спирт ичимдиктеринен толугу менен баш тартуу керек. Диета учурунда минералдык гана суу ичүү сунушталат.

Кабакча, томат ширеси эмне ал? Кантип которулат?

[karakchyyy]

prosto_gul9 (11 Январь 2016 - 16:48) жазган:

Кабакча, томат ширеси эмне ал? Кантип которулат?

Ал деген кабачка бадыранга окшошурак болот бирок сырты ач жашыл бозурактай. А томат ширеси бул помидордун согу.

[karakchyyy]

prosto_gul9 (11 Январь 2016 - 16:48) жазган:

Кабакча, томат ширеси эмне ал? Кантип которулат?

кабачка бадыранга окшошурак болот бирок сырты ач жашыл, бозушурак. А томат ширеси бул помидордун согу.