Пайдалуу кеңештер.

(11 )
4
5
6
7
8

Пайдалуу кеңештер. Майда,бирок маанилуу.

#101 Mediziner 09 June 2015 - 19:55

Супер-активист

Кыймылы жок
2816
11 April 15
: 16 Apr 2020 12:33
Жынысы:Аялзаты
Калаасы:Ош

Кытай айымдарынын сулуулук сырлары

Айымдардын көпчүлүгү кытайлык айымдардын сулуулугуна суктанышат. Тунук, таза, бырышы жок бет терилери, жылтырак чачтары жана келишимдүү дене- мүчөлөрү өзгөчө кызыгууну жаратат. Эгер сиз дагы кытайлык айымдардай келишимдүү болууну кааласаңыз, анда, төмөнкү кеңештер сиз үчүн.

Чыгыш өлкөсүнүн айымдары ачык жана өзүнө чакырып тургандай шайкелең макияж колдонушпайт. Алар бардык сулуулукка табигый ыкмаларды колдонуу менен гана жетишишет.

Кытай чайды өзгөчө сүйгөн өлкө эмеспи. Андыктан бул суусундук айымдардын жигердүү жана ден- соолугу чың болушуна өбөлгө түзөт. Алар көбүнчө көк жана ак чай ичишет. Мында, иммунитеттин деңгээли бир калыпта сакталып, зыяндуу заттардын пайда болушуна бөгөт коюлат.

Мындан сырткары, кытайлык айымдар тамак- ашка деңиз азыктарын көп колдонушат. Алардын курамында, хлорофилл, антиоксидант жана А,С витаминдери бар. Бул азыктарды үзгүлтүксүз колдонуу менен тамак сиңирүү органдары жакшырат жана организмдеги туздун өлчөмү бирдей салмакта сакталат. Тери сыйдам болуп, картаюунун алдын алат.

Бет майларга караганда табигый азыктардан маска жасоо бир топ натыйжалуу деп эсептешет. Ал үчүн папайи, йогурт жана деңиз тузунан маска жасашат. Бул элементтердин баары теринин жакшырып жашарышына алып келет. Берметтин порошогунан да маска жабышат. Ал эми чачтын бекем жана жылтырак болуусу үчүн камели майын колдонушат.

Кытайлык айымдар сулуу болуу үчүн күн сайын оздөрүнө убакыт бөлүп кам көрүп турушат. Бутунун тырмагынан баштап чачынын учтарына чейин бирдей карашат.

Жизнь прекрасна и удивительна. ..
Живу и радуюсь каждому дню!!!

of the page up there ^

#102 vema_87kg 09 June 2015 - 21:57

Активист

Кыймылы жок
308
03 February 15
: 10 Feb 2016 23:59
Жынысы:Аялзаты
Калаасы:Жалал-абад

Карайып бараткан алтынды кантип оз калыбына келтирсе болот?

of the page up there ^

#103 Mediziner 10 June 2015 - 02:43

Супер-активист

Кыймылы жок
2816
11 April 15
: 16 Apr 2020 12:33
Жынысы:Аялзаты
Калаасы:Ош

Лимондун негизги курамын суу менен лимон кислатасы түзөт. Анда организмге керек эң маанилүү витаминдер абдан көп. С витаминин, А, В1, В2, D витаминдерин жана мындан сырткары цитринди (витамин Р) курамына камтыйт. Химиялык курамы боюнча өзүнчө бир фенолдук байланышка жана жогорку биологиялык активдүү заттар менен касиетүү баалуулуктарга ээ жана минералдык туздарга, лимон кислотасына бай. Ошондуктан ал организмге абдан керек. Организмге С жана Р витаминдери жетишпегенде, зат алмашуу бузулганда, ошондой эле кычкылтеги төмөн гастрит, подагра, заара чыгаруучу каналдарга таш пайда болгон ооруларда пайдалуу. Өзгөчө андагы С жана р витаминдери суук тийген ооруларда абдан маанилүү жана организмдин иммундук-биологиялык реакциясын көтөрөт. Ошондуктан лимонду суук тийген менен ар кандай инфекцияларга байланыштуу жана терапевтик, хирургиялык ооруларында организмдин коргоочу заттарын жакшыртуу үчүн диета-дары каражаты катары колдонушат.

Ширеси

Лимондун ширеси эс тутум начарлаганда, ашказан ичеги, таш пайда болгон ооруларда, организмдин зат алмашуу процесси жоголгондо, гемморойдо, лихородка суук тийген абалда таасирдүү жардам көрсөтө алат. Мындай ооруларда жарым стакан кайнак сууга 0,5 лимондун ширесин кошуп, күнүнө 2-3 жолудан ичсе болот. Ошондой эле жаңы жемиштерге лимондун ширесин кошуп, тузу жок салаттарды жасап жесе да жакшы.

Ангина кармаганда жардам берет

Ангина жана ооздун көңдөйлөрүнө, тамакка суук тийген ооруларда оозду сууга кошулган лимондун ширеси (1/2 стакан кайнак сууга 0,5 лимон кошулат) менен чайкаса таасирлүү. Теринин козу карын ооруларында лимондун ширесин дары катары иче берсе да болот. Ангина жаңы башталганда чийки лимонду (өзгөчө кабыгын) жайдан чайнап койсо жакшы. Андан кийин лимондун кислотасы оорулу жерлерге таасир бергенче 1 саат бою эч нерсе жебеш керек. Ушул эле көрүнүштү 3 сааттан кийин кайра кайталаса болот.

Өт ооруганда

Өткө таш пайда болгондо 1,5 литр сабиздин, кызылчанын, бадыраңдын аралашмасы кошулган 10-12 стакан лимондун ширесин бир күндин ичинде иче берсе болот. 6-7- күндөрү катуу жабыркаган жер катуу ооруп, анан оору басылып, таштар жоголот. Өтө катуу ооруганда ооруну баскан каражаттарды колдонуш керек.

Чаңкоону басат

Лихородка ооруларында, каның катып суусаганда, деги эле жалпы абалды жакшыртуу үчүн лимондун ширесинин пайдасы күчтүү.

Кабыгын ыргытпаңыз

Тамак сиңирүүнү жакшыртыш үчүн шекерде кайнатылган лимондун кабыгын колдонсо болот. Лимондун жаңы кабыктарын ак жерлеринен тазалап алып, нымдуу жагын чыкыйга коюп 10-15 мүнөт кармап туруш керек. Ал жер кызыл болуп ачышып жана кычышып чыгып, баштын оорусу жоголот.

Бут оорусуна пайдалуу

Буттун тарамыштары тырышып калганда эртең менен жана кечинде жаңы лимондун ширеси менен буттун тамандарын сүртүп, кургагандан кийин байпак менен бут кийимди кийсе таасири байкалат. Бул жол менен дарылоонун бир курсу – 2 жумадан аз болбошу шарт.

Сасык тумоодо

Сасык тумоого кабылганда чайга бир чай кашык бал менен лимонду кошуп ичкенде дароо таасири байкалаарын баарыбыз жакшы билебиз. Ошондуктан бул ооруну алдын алыш үчүн да аны суук түшөөрү менен эле активдүү колдоно берсе болот. Ал эми ооруганда ал сөзсүз дасторкондо болушу шарт.

Чайыңызга лимон кошуп ичиңиз

Чайга лимон кошуп ичүү – дем алуу органдарына суук тийген ооруларда эң сонун каражат. Лимон организмге кошумча витаминдерди, ферменттерди берет. Ошондуктан эртең менен кофенин ордуна лимон кошулган чай ичиңиз.

Лимон мозолдорго каршы жакшы каражат

Уктаар алдында буттарыңызды жылуу сууга буулап, мозолдорго лимондун кабыгын тагып, 2-3 күндүн ичинде бул процедураны кайталаңыз. Андан кийин бутту дагы бууга кылдаттык менен коюп, мозолдорду алып салуу керек.

Чачты көркүнө чыгарат

Чачты таза жуугандан кийин жарым лимондун ширесин беш литр сууга чылап, аны менен чачты жакшылап чайкап койсо, чач кулпуруп, жалтырап, табигый өңүнө келип, көздү уялтат жана чачты түшүрбөйт.

Ошондой бир нече жолу: 1 литр сууга 2 чай кашык лимондун ширесин же уксусту кошуп чайкаса да эң сонун таасирин берет.

Беттеги кара тактарды кетирет

Бир даан лимонду экиге бөлүп, анын согун сыгып алып, ага 3-4 тамчы бал кошосуз. Бул масканы бетиңиздеги кара так жана чекитчелерге сүйкөп, 10 мүнөткө кармайсыз. Андан кийин жылуу суу менен жууп саласыз. Мындай масканы аптасына эки жолу колдонуу жетиштүү болот.

Мурун оорусуна да пайдалуу

Мурундан кан акканда1 стакан муздак суу, 1/4 лимондон же 1 чай кашык уксус же 1/3 чай кашык квас кошуп, бул аралашманы мурунга коюп, мурун менен аны тартып, тарткандан кийин 3-5 мүнөт кармап туруш керек. Тынч отуруп же туруш керек жана жаткан болбойт. Маңдай менен мурунга нымдуу сүлгү же тоңдурулган музду коюш керек.

Жизнь прекрасна и удивительна. ..
Живу и радуюсь каждому дню!!!

of the page up there ^

#104 KblCHAS_KblZ 10 June 2015 - 10:53

Карапайым

Кыймылы жок
77
16 May 15
: 07 Nov 2016 11:59
Жынысы:Аялзаты
Калаасы:бул жерден корунбойт

Сонун кенештер экен.Рахмат Медизинер айым!Джинсы шымдын зыяндуулугун окуп алып,андан башка не кийсе болот экеен?деп ойлонуп калдым.Азыр ар бир кызда болбоду дегенде 2-3Джинсы шымы бар.

Менин бир эле джинсы шымым бар ошону 1 жылда кийген кундорумду эсептесем ашып кетсе 3 же 4 ай кийет экем :гезит:

Жакшы болуш аста-аста
Жаман болуш бир паста

of the page up there ^

#105 -Sumitra- 10 June 2015 - 11:51

Активист

Кыймылы жок
757
02 June 15
: 14 Jan 2021 15:52

Карайып бараткан алтынды кантип оз калыбына келтирсе болот?

Карайып баратса,кадимки эле тиш пастаны щёткага бир аз куюп,анан алтынды жакшылап жууп койсонуз сонун б.п жылтырап калат алтыныныз.

of the page up there ^

#106 vema_87kg 10 June 2015 - 19:06

Активист

Кыймылы жок
308
03 February 15
: 10 Feb 2016 23:59
Жынысы:Аялзаты
Калаасы:Жалал-абад

рахмат!

of the page up there ^

#107 Mediziner 11 June 2015 - 00:54

Супер-активист

Кыймылы жок
2816
11 April 15
: 16 Apr 2020 12:33
Жынысы:Аялзаты
Калаасы:Ош

Кийим- кечелериңизге кам көрүүдө бул амалкөйчүлүктөр жардамга келет

1. Колтуктан чыккан тердин тагы калган кийимди лимон ширеси же кадимки аш содасы менен кетирүүгө болот.

2. Абдан жактырган жемпериңиздин чоюлуп кетишин каалабасаңыз, анда, кечинде 3-4 саатка муздаткычка салып чыгарып коюңуз.

4. Чачты үтүктөгөн каражат менен майдараак суу болгон кийимди кургатып алууга болот.

5. Тоналдык кремден кийимге калган такты сакал алууда колдонгон көбүрткүч менен тазалоого болот.

6. Кеңейип кеткен бут кийимди калыбына келритүү үчүн желим баштыкка суу куюп, аны бут кийимге салып, тоңдургучка бир түнгө калтырып коюңуз.

7. Кызыл шараптан кийимиңизге так калса, анда, ага аш шараптан куюп кетирсеңиз болот. Же болбосо аш содасын сээп бир- эки саатка коё туруңуз.

8. Өтүктөрдүн формасы сакталып туруусу үчүн анын ичине журнал салып коюу керек.

9. Таманыңызды катуу дезодорант менен сүртүп койсрңуз, жаңы кийген бут кийимдин байлагычтары өйкөбөйт.

10. Булгаары кемселиңиздин жумшак болушун кааласаңыз, анда аны менен жамгырга калып, сейилдөөгө туура келет. Жамгырдын суусу жакшы жумшартат.

11. Чач үчүн колдонулган лактын жардамы менен кийимге жуккан помаданын тагын кетирүүгө болот.

12. Иймегиңиздин бекиткичин жоготуп алсаңыз, анда калемдин ластигин колдонсоңуз болот.

13. Жаңы кийе турган бут кийим бутуңузга жаракат алып келбесин десеңиз, анда, ага байпак кийгизип бир нече мүнөт фен иштеп турган тарапка коюп коюу керек.

14. Көз айнектин эскирген кармагычын тырмак боёгуч менен сүртүп бекитип койсо болот.

15. Булгарыга окшош кийимдердин сүртүлгөн жерлерин кетирүүгө ластик жардам берет.

16. Жемпердеги тоголоктонуп калган түктөрдү кадимки устара менен кетирүүгө болот.

17. Кийимиңиздин сыдыргычында көйгөй болсо, анын тишчелерине гигиеналык ооз боёгуч же графиттик калем менен сүйкөп коюңуз.

18. Идиш жууган каражатка сода салып ,колдонулбай калган тиш жуугуч щёткасын алып ак өндөгү бут кийимдерди тазаласа болот.

19. Кең жынсы шымдарды өтүктүн кончуна салуучу жакшы ыкма.

20. Кара түстөгү жынсылар жуугандан кийин агарып кетпеши үчүн аны жууп жатканда айнага дистиллировандалган укусустан жарым стакан кошуп коюу керек.

Жизнь прекрасна и удивительна. ..
Живу и радуюсь каждому дню!!!

of the page up there ^

#108 Mediziner 11 June 2015 - 00:56

Супер-активист

Кыймылы жок
2816
11 April 15
: 16 Apr 2020 12:33
Жынысы:Аялзаты
Калаасы:Ош

Бактылуу жашоо үчүн фен-шуйдан пайдалуу кеңештер

1.Бурчка отурбаңыз

Бөлмөнүн бурчтарын эмеректер үчүн гана арнаңыз. Адам баласынын бурчта отурушу фен- шуйдун эрежесине ылайык кедейликти чакырат. Ошондой эле ийгиликти качырып, ден- соолуктун солгундашына да алып келет- деген ишеним бар.

2. Босогодон коштошпоңуз

Үйдүн босогосу энергетикалык ажырым- деп түшүндүрүлөт, башкача айтканда дүйнөнү экиге бөлүп турат. Бир тарабы- өзүңүздүкү, ал эми экинчи тарабы чоочун. Демек, бул ажырымда коштошкон учурда ал адам менен болгон ортодогу мамиле ажырымга туш келет. Түшүнбөөчүлүктөр пайда болот. Себепсиз чыр- чатактар чыгат.

3. Маанайыңыз жокто тамак жасабаңыз

Жасалып жаткан тамак айланадагы энергиянын баарын өзүнө сиңирип алып жана аны ичкен адамга таасирин берет. Андыктан капаланып, маанайыңыз чөгүп турганда тамак- аш жасабай эле койгонуңуз дурус. Фен- шуйдун түшүндүрмөсү боюнча начар маанайда жасалган тамак- ашты ичкен адамдын да маанайы себепсиз бузулуп, ичкен тамагы сиңбей кыйнайт. Ошондой эле, эмоциалдуу терс таасир тийгизген теле берүү же коркунучтуу тасмаларды сыналгыдан көрүп жатып, тамак жасаганга болбойт.

4. Бирөөнүн артында турбаңыз

Бирөөнүн артында же өзүңүз артыңызды салып турбашыңыз керек. Себеби, алдыңыздагы адамды терс энергиялардын сиздин денеңиз коргоп, жыйынтыгында өзүңүз алсызданып каласыз.

5. Бурчка да турбаңыз

Фен- шуйдун түшүнүгүндө бөлмөнүн бурчу капалыктын жана ызанын очогу. Маселен, уулуңузду жазалоо үчүн бурчка тескери каратып койсоңуз, демек ал жерге баланын ыйы, ызасы сакталып калат. Андыктан бурчка отуруп да туруунун да кажети жок.

6. Сынган күзгүгө каранууга болбойт

Сынган күзүгө карануу менен эң алгач ден- соолугуңузга олуттуу терс таасир тийгизип аласыз. Сынган күзгүнүн энергиясы сиздин жигердүү энергияңызды өзүнө тартып алууга жөндөмдүү.

7. Чөнтөк күзгүсү душмандардан коргойт

Сизге ниети начар, көрө албаган адам менен жолугуушу зарылчылыгы жаралса, анда, чөнтөгүңүзгө кийинекей күзгү салып алыңыз. Фен- шуй түшүнүгүндө бул душмандын суук көзүнөн, ачуу тилинен сактайт.

8. Колуңуз менен өзүңүздү- өзүңүз көрсөтпөңүз

Таанышыңыз, кесиптешиңиз же тууганыңыз менен болобу, кимдир бирөөлөр тууралуу талкуулап жатканда сөз арасында өзүңүз жөнүндө да айтышыңыз керек болгондо, эч качан өзүңүздү- өзүңүз колуңуз менен көрсөтпөңүз. Мунун менен сиз өзүңүзгө терс энергияларга жол көрсөткөн болосуз. Эгер талкуулап жаткан адамдыр оорусу туурауу кеп болуп жаткан болсо, өзүңүздү көрсөтүү менен сиз дагы ошол оору менен ооруп калышыңыз ыктымал.

9. Жарым жолдон кайра кайтпаңыз

Жарым жолдон кайра үйгө кайтып келүү, босого сыяктуу эле терс көрүнүш. Маселен, сиз үйдөн чыгып бара жатканда белгилүү бир иш боюнча жана көздөгөн максатыңызды аткаруу бара жатасыз. Ал эми орто жолдон артка кайтсаңыз, ал иштериңиз дагы оңунан чыкпай жарым жолдо токтоп калышы ыктымал. Андыктан, ар дайым үйдөн чыгаарда буюмдарыңызды толук карап, эч нерсени унутуп калбоого көнүңүз. Эгер кокусунан ошондой жолдон кайтуу зарылчылыгы жаралса, анда, бир нече мүнөт күзгүнүн алдында каранып туруңуз. Мында сиз кайрадан энергия алып, бара турган жагыңызга жаңыдан жөнөп жаткан абалдай болосуз.

10. Күн желесин карай чуркаңыз

Асманда пайда болгон күн желесин көрүп калсаңыз, ал жакшылыктын белгиси. Мүмкүнчүлүк болсо күн желесин карай чуркаңыз. Ойлогон ой- максаттарыңыз тууралуу айтып бериңиз.

Жизнь прекрасна и удивительна. ..
Живу и радуюсь каждому дню!!!

of the page up there ^

#109 Mediziner 16 June 2015 - 15:04

Супер-активист

Кыймылы жок
2816
11 April 15
: 16 Apr 2020 12:33
Жынысы:Аялзаты
Калаасы:Ош

Жаңы изилдөөгө караганда адамдын карылыгы иш жүзүндө 30 жашка жетпей башталат. Адамдын акыл-эс жөндөмдүүлүгү жана психологиялык саламаттыгынын улгая баштоосу 27 жаштан башталаарын Верджини университетинин окмуштууларынын илимий тыянагында айтылды. Бул иликтөөгө 18 жаштан 60 жашка чейинки 2 000 жакын кардар катышкан жана окумуштуулар аларды жети жыл боюу изилдеген. Бул изилдөөгө катышкандар саламаттагы чың жана билимдүү болушкан. Эксперимент учурунда ар кандай визуалдык баш катырмаларды чечүүгө жана сандарды тизмектетип, айткалган аңгемелерин кайталап берүү тапшырмалары берилген. Ушуга окшогон тесттер психикалык ооруларга айрыкча альцгеймер сыяктуу акыл-эс ооруларына жасалат.

Профессор Тимоти Салтхаустын жетекчилиги алдында жүргүзүлгөн иликтөөнүн жыйынтыктары американын илимий нейробиология журналына жарыяланган. Андагы сунушталган 9-12 тестти орточо муун тагыраак айтканда 22 жаштагылар жогорку жыйынтык менен жооп беришкен. Андан кийин чоң айырмачылык менен 27 жаштагылар көрсөткөн. Алар ойлонуунун ылдамдыгы, визуалдык аралык жана аргументтер боюнча дагы төмөн жыйынтыкты көргөзгөн. Адамдын акыл-эси орточо эсеп менен 37 жаштан баштап, өтө тездик менен карый баштайт. Ал эми 42 жаштан жогоркулар андан да төмөнкү жыйынтыктарды көрсөткөн. Профессор Салтхаус бул алынган жыйынтыктар карылыктан арылууну жана көп жашоону пенсияга чейин баштоо керектигин көргөзгөндүгүн белгиледи.

Жизнь прекрасна и удивительна. ..
Живу и радуюсь каждому дню!!!

of the page up there ^

#110 Mediziner 16 June 2015 - 15:11

Супер-активист

Кыймылы жок
2816
11 April 15
: 16 Apr 2020 12:33
Жынысы:Аялзаты
Калаасы:Ош

Териңиздин абалына жараша күнгө күйүңүз

Күнгө күйүү үчүн туура убакыт тандап алуу маанилүү. Ал үчүн эртең мененки саат 9дан 11ге чейин жана түштөн кийин 16дан 19га чейин. Күнгө күйүү 2 сааттан ашпашы зарыл. Биринчи күнү эле 2 саат кактанып албаңыз, себеби денеде аллергия пайда болушу мүмкүн. Алгач күнгө чыгып күйүүнү 5 мүнөттөн баштоо керек. Андан кийин 10 мүнөт. Ошентип отуруп, шашпай 2 саатка жеткиребиз. Ошондой эле күнгө жылаңач чыгып алуу да туура эмес. Андыктан биринчи жолкусунда колуңузду, анан бутуңузду күнгө кактаңыз. Ошентип, денеңиз кичине ысыкка көнгөндөн кийин үстүңүздөгү кийимди толук чечип, 2 саатка чейин күнгө кактансаңыз болот. Күнгө күйүүдө көздү, чачты жана бетти өзгөчө сактоо керек. Бул үчүн пляжга бараарда баш кийим, күндөн коргоочу көз айнекти унутпаңыз.Ошондой эле жел жүргөн курганууга болбойт, денедеги суунун тамчылары линзаларды пайда кылып, нормадан ашыкча күйгүзүп жиберет. Андыктан жөн гана аарчынганып коюу керек.

Күнгө күйүүгө тыюу салына турган себептер:

1- Онкологиялык ооруга чалдыккандар

2- Кош бойлуу айымдар

3- 5 жашка чейинки балакайлар

4- Варикоз менен жабыркагандар

5- Рак, жүрөк оорусу жана кургак учук менен ооругандар

6- Терисинен жараат алгандар

7- Бетинде сепкили барлар

8- Биринчи типтеги терилүүлөр

Кандай крем сүйкөлөт?

Жөнөкөй кремдер денеге бат сиңип кетет, андыктан жакшы жардам бере албайт. Күнгө күйүүдө терини ашыкча күйүп калуудан коргоо үчүн атайын чыгарылган крем жана майлар бар. Аталган каражаттын сыртында жазылган колдонуу ыкмасын окуп, аны туура аткарыңыз. Эгер туура колдонбосоңуз, денеңиз күйүп калышы мүмкүн. Кремди өтө калың сүйкөп алсаңыз, ал ысып чыгат да, кайра сиздин денеңизди күйгүзүп жиберет. Денеңиз жумшак жана тегиз күйсүн десеңиз, кремди кол жана буттан баштап жүрөктү көздөй массаж кылуу менен сыйпоо керек. Мындай кремдерди аллергиясы бар адамдар колдонууга болбойт.

Мындан сырткары:

Пляжда күндүн ультрафиолеттүү нурунан коргонуу кремин алууда анын курамында канча пайыз SPF (күндөн коргоочу фактор) бар экенине көңүл буруңуз. Кремдин курамында SPF 15 деп көрсөтүлсө, ал ультрафиолеттүү нурдан 93 пайыз сактай алат. SPF 30 97 пайыз, ал эми SPF 50 көрсөткүчү бар кремдер күн нурунан коргонууга 98 пайыз кепилдик берет. Бул кремдерди ар бир 2 саат сайын жаңылап сүйкөп туруу маанилүү.

Күнгө күйүүнүн күнгөйү жана тескейи

Ультрафиолеттүү нур иммунитетти бекемдеп, денедеги зат алмашуу процессин тездетет. Ошондой эле сөөк жана булчуңду бекемдей турган D3 витаминин иштеп чыгууга чоң жардам кылат.

УФ-нурдун терс жактары да жок эмес. Алсак, күнгө же солярийде белгиленген мөөнөттөн ашык убакыт болгон адамдын териси бузулуп, чачы кургап түшө баштайт. Андан да коркунучтуусу, рак ооруларына чалдыктырышы мүмкүн.

Териңиз кайсы типте?

1 типтеги тери. Буга көп сепкили бар ак жуумал, сары терилүү, көк көз жана сары чачтуулар кирет. Бул типтегилерге күнгө күйүүгө болбойт.

2- типтеги тери. Аз сепкили бар ак жуумал, сары терилүү, көк көз жана ак саргыл чачтуулар кирет. Булар да биринчи типтеги терилүүлөргө тиешелүү көрсөтмөлөрдү сактоолору шарт. Убактысы боюнча жумасына 3 жолу 15 мүнөткө чейин күйүүгө мүмкүн.

3- типтеги тери. Ак терилүү, күрөң жана кара көздүү, кара чачтуулар кирет. Булар жумасына 3 жолу 20 мүнөттөн 5-6 жолу күйүүгө болот.

4- типтеги тери. Кара тору, кара күрөң, кара көздүү, кара чачтуулар кирет. Буларга жумасына 3-4 жолу 20 мүнөттөн күйүү жетиштүү болот.

Жизнь прекрасна и удивительна. ..
Живу и радуюсь каждому дню!!!

of the page up there ^

#111 Mediziner 16 June 2015 - 15:29

Супер-активист

Кыймылы жок
2816
11 April 15
: 16 Apr 2020 12:33
Жынысы:Аялзаты
Калаасы:Ош

Жашооңузду текке кетирип жаткандыгыңызды далилдеген 13 белги

1. Маанисиз иштерге көп убактыңызды кетиресиз

Сыналгы, видео оюндар, интернет, көп тамактануу, спирт ичимдигин ичүүгө көбүрөөк убакыт кетиресиз. Жашооңузга сергек акыл- эс менен карап көрүңүз. Кайда, качан жана ким менен кандай убакыт өткөрүп жатасыз?!. . Булар сизге канчалык деңгээлде пайдасын тийгизип жата?!... Сизди жакшы жашоого жетелеп жатабы?!... . Ойлонуп көрүп, туура жыйынтык чыгарыңыз.

2. Ашкере арызчылсыз

Жасаган жумушуңузга, жетекчиңизге, айлыгыңызга, кошунаңызга жана түгөйүңүзгө нааразысызбы? Эгер мындай болсо, демек, сиз жашооңуздан эч нерсени өзгөртө албайсыз. Болгону айлана- чөйрөңүзгө терс энергия жыйнайсыз. Андыктан, сизге эмне жага тургандыгын жана бактылуу көз ирмемдер тууралуу көп ойлонуп, ошол нерселер тууралуу гана сүйлөшүңүз. Жыйынтыгы сиз күткөндөй жакшы натыйжа менен көрсөтүлөт.

3. Акылыңызды азыктандырбайсыз

Бир калыпка салынган жашооңуздун чырмалган торунан чыга албай жүрөсүз. Жаңы идеяларды ойлоп табуу, жаңыча көз караш менен жашоону сүйүп кароо деген сизде жок.... Андыктан бир орунда турбай издениңиз, бир орунда турбаңыз. Пайдалуу маалыматтар менен акылыңызды азыктандырыңыз.

4. Терс энергия чыгарган ички диалог жүргүзөсүз

Өзүңүз менен өзүңүз сүйлөшкөндө ар дайым эле көйгөйлөр тууралуу сүйлөшө берүү туура эмес. Анткени, алардын көпчүлүгү жашооңузда ийгиликсиз маселелерди пайда кылат. Андыктан өзүңүз менен өзүңүз дагы жагымдуу маанайда сүйлөшүүгө аракет жасаңыз. Ойлоруңузду чар- жайыт кармабай ар дайым тизгинди катуу кармаңыз.

5. Эргүү албайсыз

Сизде кайсы бир нерсеге болуп көрбөгөндөй кызыгуу барбы? Ар бир акыл- эси бар адамда кызыккан, ошону менен алектенгиси келген жумушу болот. Эгер мындай нерсе жок болсо, анда аны өзүңүздөн издеп табыңыз. Аны менен алектеүүдөн эргүү алыңыз.

6. Келечегиңизге максат койбойсуз

Келечекке максат койбогон адам, океанда багыты жок бара жаткан кемедей. Күнүмдүк жашоо кызыкчылыгына маашырланып жүрө бересиз. Мунун жыйынтыгы албетте белгисиздикке такалат. Андыктан келечекке максат коё билиңиз жана ага жетүү үчүн талбай аракет жасаңыз.

7. Сиздин ийгиликке жетишиңизге салым кошпогон пайдасыз досторуңуз көп

Эптеп эле убакыттын өтүшүн көздөп, туш келди адамдар менен убакыт өткөрүү, пайдасыз жолугушуулар, достор сизге эч качан ийгилик алып келбейт. Мындай адамдар энергиялык кан соргучтар катары бааланат. Сиз эч качан жакшы жакка өзгөрбөйсүз, болгону алардын катарын гана толуктаган болосуз. Андыктан өзүңүзгө пикирлеш адамдар менен мамиле түзүүгө алар менен пайдалуу жолугушууларды өткөрүүгө аракет жасаңыз.

8. Телефонуңузга көз карандысыз

Бир саамга ойлонуп көрүңүзчү, бир күндө канча саат телефонуңузга убакыт кетиресиз?! ... Балким, ага кетирген убакыттын ордуна үй бүлөңүз менен сейилдеп, же туугандарыңызга зыяратка барганыңыз оңдур.... Ойлонуп, туура чечим чыгарыңыз... ..

9. Керексиз буюмдарга көп каражат коротосуз

Кайсы бир буюмду сатып алууда чындыгында керектүү жана жөн эле алууну каалайм деген эки нерсе бар. Кээ бир адамдар дос, кесиптеш, тааныштарына атаандашып кайсы бир буюмду сатып алуу үчүн карызга белчесинен батат же пайызга акча алат. Анын натыйжасында карыздан кутулуу үчүн көптөгөн кыйынчылыктарды басып өтөт. Нерв чыңалат, ден- соолуктун абалы солгундайт. .. Ушунун сизге кереги барбы?! Андыктан колдо бар нерсенин баркын билип, бар нерсеге топук кылганды үйрөнүңүз.

10. Уйкуңуз канбайт

Ден- соолуктун чың болуп, ишке болгон жөндөмдүүлүктүн деңгээли бийик болуп, ийгиликке жетүү үчүн туура жана сапаттуу уктоо керек. Уйкусуздук жогорудагы айтылган нерселердин бардыгынан жабыр тарттырат. Андыктан талапка ылайык жакшы уктоого көнүңүз.

11. Денеңизге кам көрбөйсүз

Сергек жашоо образын алып жүрүү эң маанилүү маселе экенин дагы бир ирет эсиңизге салабыз. Андыктан, спорт менен алектенип, туура жана пайдалуу азыктар менен азыктанып денеңизге толук кандуу психологиялык туруктуу абал менен камсыз кылыңыз. Ал сизди бардык терс энергиялардан сактайт.

12. Коркоксуз

Калыпка салынган күнүмдүк жашоону өзгөртүп тобокелчиликке баруудан коркосуз. Андыктан жашооңуз кызыксыз сезилет. Ойлонуп, жети өлчөп бир кесип, кээ бир тобокелчиликке бара турган пайдалуу иштерди жасаңыз. Коркуу сезиминен арылып, жашооңуз жакшыра баштайт.

13. Өзүңүзгө жакпаган жашоо менен жашайсыз

Азыркы жашап жаткан жашооңузга ыраазысызбы? ! Өзүңүздү толук кандуу бактылуу сезесизби?! Эгер жок деп жооп берсеңиз анда, жашоңузга сарасеп салып, жаңы жашоо баштаганга аракет жасаңыз. Ар бир жасаган ишиңиз сизге бактылуу сезимдерди гана тартуулап турушу керек.

Жизнь прекрасна и удивительна. ..
Живу и радуюсь каждому дню!!!

of the page up there ^

#112 Mediziner 22 July 2015 - 15:18

Супер-активист

Кыймылы жок
2816
11 April 15
: 16 Apr 2020 12:33
Жынысы:Аялзаты
Калаасы:Ош

Күндөн коргоочу көз айнектин сабынын туташкан жериндеги буроосуна тырмак боёгон түзсүз лак сүйкөп коюңуз. Ал буроону бошотпой кармап турат.

Жүндөн токулган жемпириңиздин түлөгөндөн түйдөктөшүп калган жерлерин тазалоо үчүн аны пакетке салып муздаткычтын тоңдургучуна таң атканча калтырып коёсуз. Эртеси оңой эле терип салсаңыз болот.

Чачка сепкен лактын жардамы менен кийимге жугуп калган ооз боёгучту кетирүүгө болот.

Кийип алган кийимиңиздин жеңил бырыштарын кадимки эле чач үтүктөгөн үтүк менен жазып алсаңыз болот.

Замша бут кийимдин кырылып калган жерлерин кадимки өчүргүч менен сүртүп койсо ордуна келе түшөт.

Бутуңузга дезодоранттан сүйкөп койсоңуз, жаңы кийген бут кийимиңиз өйкөбөйт.

Сөйкөңүздүн аркасындагы бекиткичи жоголуп кетсе, өчүргүчтөн чактап кесип тагып алыңыз.

Кийимдин колтугунда пайда болгон тердин тагын лимондун ширеси же тамак-аш содасы менен кетирсе болот.

Окулуп бүткөн журналдарды өтүктөрүңүздүн ичине салып койсоңуз, формасын жоготпой турат.

Бут кийим кысып жатканда аны кеңейтүү үчүн желим баштыкка суу куюп туруп бут кийимдин ичине салып, муздаткычтын тоңдургучуна таң атканча коюп коюңуз.

Кийимге төгүлгөн кызыл винонун тагын ак вино менен кетирүүгө болот.

Өңү ачык кийимиңизге тоналдык кремдин тагы түшүп калса, аны сакал алганда колдонгон көбүктүн жардамы менен кетиресиз.

Жинсы шымдын топчусу түшүп калса, канцелярдык кыпчыткыч менен убактылуу беките турса болот.

Кийимдин сыдырмасы катуу болуп жакшы сыдырылбай жатса, калем менен сыдырманын тишчелеринин арасына чийип чыгыңыз. Мындан кийин сыдырмаңыз оңой сыдырылып калат.

Жизнь прекрасна и удивительна. ..
Живу и радуюсь каждому дню!!!

of the page up there ^

#113 malika14 22 July 2015 - 15:24

Активист

Кыймылы жок
943
22 March 15
: 27 Jan 2019 19:54
Жынысы:Белгисиз
Калаасы:Картахена Испания