[akyn-jurogu]

Эххх... неге мынча кайгылуу окуя

[jenishbek.77]

Кандайсың жаным? Көптөөн бери түшүмө кирбей калдың го? Бирок бүгүн кирдиң. Рахмат. Экөөбүз россиянын бир чоң шаарында жүрүптүрбүз. Сен бир жака шашып эле мени менен коштошбой эле, метрого түшүп кеттиң. Телефонуңа звонок кылсам, (абонент не доступен) болуп жатты. Мен сени издеп, бир таштак базарларда жүрөм. Мага абдан жагымсыз жайлар экен. Бир кезде мага өзүң звонок кылдың. " Жеңиш мен телефонума 50рубль салдым эле, тез эле түгөнүп калды. Каяктасың?" деген бойдон, телефонуң дагы өчүп калды. А мен "Медина, аллоо-аллоо" деген бойдон сүйлөшө албадым. Бирок сага жоолуга тургандай эле болуп турдум. Мени сагындың окшойт а жаным? Мен да сени аябаай сагындым. Сен сүйгөн кыздарың чоңоюп калышты. Кичинекейиң баардык сөздөрдү сүйлөп калды. Алардан кам санаба. Чоңубуз жакшы окуп жатат. Кийимдери бар, окуу куралдары да жетиштүү жаным. Биз баарыбыз сени сагындык. Дагы көпкө жоголуп кетпечи жаным.

[ainaz.ainaz]

Боорум эзилип ыйлагым келип кетти. Сабырдуу болунуз

[Lady_90]

Женишбек байке ушул окуяны жазгандан бер окуп алып козумо жаш келе берет. Конул айтайын деп каттодон ото албай журуп, жаны катталдым. Аябай жаман иш болуптур. Сабыр кылыныз. Кыздарыныз бактылуу болушсун,омурлору узун болсун. Сизге да сабырдуулук Жана бактылуулук каалайм... Кайгынызга шерикмин...

[guju9389]

Аллахым сабыр берсин байке булда тагдыр дуа кылын келинчегиниз Аллах бейишинен берсин

[jenishbek.77]

Lady_90 (03 Ноябрь 2015 - 12:43) жазган:

Женишбек байке ушул окуяны жазгандан бер окуп алып козумо жаш келе берет. Конул айтайын деп каттодон ото албай журуп, жаны катталдым. Аябай жаман иш болуптур. Сабыр кылыныз. Кыздарыныз бактылуу болушсун,омурлору узун болсун. Сизге да сабырдуулук Жана бактылуулук каалайм... Кайгынызга шерикмин...

Рахмат, айтканыңыздай болсун.

[edu.kg.]

Рая апанын берген кенешине 100% кошулам башка созум да жок кошкудай,жеткире айтыптыр. Рая апанын авторго карата жазганын окуп алып журогум ооруп кетти,кандай асыл аял,асыл эне деп ойлоп кеттим.

[ailam14]

Окуган сайын журогум тилинет, Аллахым сабыр берсин сизге.

[emilbek1]

Ассаламу алейкум Жениш аке! Женемин жаткан жери жайлуу болсун жаны жаннатта болсун! Аллахым кыздарыныздын омурун берсин ыймандарын бекем ырыскыларын кенен кылган болсун. Озунуз сабырдуу болунуз демекмин!

[jenishbek.77]

Саламатсыздарбы урматтуу суперчилер!
Менин жазгандарымды окуп, көңүл айткандарыңыздар үчүн, дагы бир жолу ыраазычылык билдиремин. Сиздерди тажатып да жибердим окшойт. Бирок менин жазган түштөрүм, ырларым кагаз бетине түшүрсөм, жоготуп койчуудай сезилет. Эми жөн гана, өзүм үчүн жазып калдым. Жазган эскерүүлөрүм, интернетте болсо, жоголбойт го деп ойлойм. Бүгүн дагы түшүмө кирди. Анда сөз башынан болсун.

Ата-энем баш болгон, бир топ тууган-урук, күңүрт тарткан бир бөлмөдө, уй мүйүз тарта олтурушат. Мен да ошол бөлмөгө кирип бардым. Оң жагымдагы терезенин жанында, менин сүйгөн түгөйүм турат. Мен кыйкырып жибердим. Аябай катуу сүйүнүп кеттим. Анын колунан алып, кучактап, ыйлай бердим. Бир кезде эсиме келип, "Медина сен тирүү эле жүргөн турбайсыңбы. Каякта жүрдүң ушул кезге чейин? Бизди сагынтып кайда жүрдүң" деген суроолорду жаадыра бердим. Көргөн көзүмө ишенбей, анын жүзүнө тик карадым. Ал мени күлүмсүрөп тиктеп туруптур. Биринчи караганымда, күлүп турса да, кандайдыр, өңү кубулуп, аябай коркунучтуу көрүндү. Мен коркуп кеттим. Анан кайра эле, мурдагыдай жүзү пайда болду. Мен анын тирүү экенине сүйүнүп, ый аралаш сүйлөп жаттым. Аны жетелеп алып, олтургандарга көргөзө баштадым. "Көрдүңөрбү Медина тирүү. Медина өлгөн жок. Силер мени алдаган турбайсыңарбы. Мына көргүлө. Ишенбесеңер, колунан кармап көргүлө" деп кыйкырып да, ыйлап да жаттым. Ал бир да үн катпады. Тек гана, менин жетегимде басып жүрдү. Мени карап олтургандар да, мени акылынан айныган адам катары караап, сөз да сүйлөбөй олтура беришти. Мединаны да көрүшпөгөдөй. Мен таң калып койом, " Булар эмне Мединаны көрбөй жатышабы? Эмнеге сүйлөбөй жатышат?" деп өзүмө да суроо берип жаттым. Бир убакта мени сырттан бирөө чакырып калды. Мен аны атамын жанына алып бардым да, "ата Мединаны кармап тур, дагы жоготуп албайын" деп, сыртка чыктым. Сыртта мени чакырган эч ким жок экен. Кайра шашып, үйгө кирдим. Туугандарым баары мени карап турушуптур. Бирок Медина гана жок. "Ата неге аны койо бердиң? Мен сага карматып, чыкпадым беле. Каяка кетип калды?"-деген баш аламан суроолор менен, атамы кыйнап жатып, ойгонуп кеттим.
Медина бейишиңди берсин кудайым. Жаткан жериң нурга бөлөнсүн жаным.

[orhidea]

Жениш байке!!! Кандай соз айтсам дагы баары бир сиздин кайгыныз боксорбосун билип турам. Ошентсе дагы конул айткым келди. Озунузду колго алыныз, башынызды которунуз, кыздарынызга конул бурунуз. Кудай жакшы адамдарды озуно эрте алат экен, келинчегиниздин арты кайрылуу, топурагы торкоо болсун. Келинчегинизге бере турган мээриминизди кыздарнызга бериниз, кыздарыныз эне мээримин корбосо дагы атасыныкын эки эселеп корушсун. Убакыт даарылайт дейт. Сиз жалгыз эмессиз. Эми келинчегиниздин арбагын дагы кыйнабай койо бериниз. Курандан башка эч нерсе менен жардам бере албайсыз. Кайрат кылыныз!! !

[bema_bema]

Жениш байке! Сиздин жазгандарды дайыма окуп журогум ооруп,бир сыйра ыйлап алам бул темага киргенде.Сиз дайыма эстеп,ыйлап женеми сагынган сайын тушунузго кирип туратго.Сабырдуу болуп,кыздарынынызга апанын жогун жоктотпой жакшы ата болгонго аракет кылын.

Билдирүүнү түзөткөн: bema_bema: 06 Ноябрь 2015 - 22:35

[ailam14]

Окуган сайын жузумду жылуу жаштар жууйт.Аллахым Медина эженин бейишин берсин, кабыр азабынан сактасын.Сизге сабырдуулук каалайм

[nishatau]

Саламатсызбы Женишбек. Аялындын арты кайырлуу болсун. Аллахым бейиштен орун берсин. Сага берилген сыноону эркек катары которуп кой. Жоготуу абдан жаман, жаны болгондо сен да артынан кеткин келет бирок калгандар учун жашоо керек да. "Жакшы адамдын омуру кыска болот"-деп коюшат. Убакыт баарын дарылайт. "Жердин боору суук". Биздин да башыбыздан откон. Ото коп кайгырып, чогуп кетсен айлананда жургон кишилер сени табалашат. Менин башымдан откон. Ошондуктан белди бекем бууп алдыга кадам ташта. Кыйынчылыкты женип, экинчи уйлонгондо жанылбай жар тандоого тырыш. Кыздарына эне боло турган мээримдуу аялдын жолугушун тилейм. Бар бол.

[jenishbek.77]

Рахмат.

[princessa0712]

jenishbek.77 (19 Ноябрь 2015 - 17:34) жазган:

Рахмат.

Сабыр берсин сизге.окуган сайын жазгандарынызды ыйлап ыйлап озуму токтото албай атам,ээ кудай жашоо неге татаал.. кыздарыныз жакшывы?

[princessa0712]

Канча жыл чогуу омур сурдунор ака?

[jenishbek.77]

princessa0712 (19 Ноябрь 2015 - 19:47) жазган:

Канча жыл чогуу омур сурдунор ака?

Рахмат дагы бир жолу. Келинчегим экөөбүз он эки жыл, сегиз ай бирге жашаптырбыз. Өмүрү кыска экен. Менин жашоомо келген бир периште экен. Тирүүсүндө абдан жакшы көрүп, сүйчүмүн. Бирок, мынчалык мага керектүү жан экенин чынын айтсам, билбептирмин. Адамдын кадырын, ал кеткенден кийин көбүрөөк түшүнөт экенбиз. Азыркыдай анын ким экенин билсем, бааласам, такыр башка жашоолор болот беле. Эми кеч болуп калды. Ошондуктан баардык пендеден суранат элем, жакындарыңызды тирүүсүндө баалап калыңыздар. Биз байкабаган көп жакшы сапаттарын, сүйүүлөрүн көрбөй калат экенбиз. Урматым менен Жеңиш.

[jenishbek.77]

Билем жаным мени чындап сүйгөн элең
Көңүлүмө кир жугузбай күйгөн элең
Бийиктигиң билбептирмин кечир жаным
Биротоло кетти бактым сени менен

Сүйгөм жаным сени чындап сүйгөмүн
Аз өмүрлүү менин асыл түгөйүм
Алмаштыргыс экениңди билбепмин
Айтчы мага эми кантип күлөйүн

Болоор бекен бул армандын акыры
Күйөөр бекен шул күйүттүн чатыры
Күндөр өтүп, жыл айланып кетсе да
Күчөдү го кусалыктын жаш-ыйы

Сезесиңби бул дүйнөнүн жарыгын
Тирүүлөрдүн чыдай алгыс кайгысын
Апакелеп издеп турса наристең
Сооротууга таппай келем айласын

Ошондо ай ааламды кезгим келет
Кызыгы жок бул дүйнөдөн кетким келет
Кызуулука алдырып жазган болсом
Кечир аллаа мен жанына кетким келет

Жашообузга жакшылык берип кеттиң
Мээримиңди аябай төгүп кеттиң
Ырыңдын аягына чыга албай
Өткүн сымал бир тийип өтүп кеттиң

Күнү келет мен да барам жаныңа
Жалгыз койбой кошуламын сабыңа
Арманы жок түбөлүктүү жашоодо
Өзүң менен бирге болом дайыма

[jon.as]

Ырынызды окуп алып токтоно албай ыйладым, канчалык озумду кармайын десемда козумдон жаш куйулат(((Ташбоор тагдыр жок дегенде артында калган наристелерине эмнеге боору оорубады экен... Медина эженин жаны жаннаттан болсун. Кудайым кыздарынызга омур, ыйман, ден соолук берсин. Сизге сабыр тилейм. Айла жок колдон келе турган иш эмес, озунузду колго алып, кыздарынызды жакшы караныз сиз аларга керексиз.