[DaRhaN.]

Ичти киргизиш кк.Алдынкыларымда ваше ичим жок эле.Мунусунда жакшы танбадым эле ичим чыгып калды эми кантип мурдагы калынына келтиреем.

[antiwithin14]

shirinim0817 (23 Май 2015 - 23:20) жазган:

18 кг вес кошкон элем,торогон сон "Качан арыктайм?" деп кыжаалат болгом.Балам 1 ай болгондо поликлиникага барсак "грыжасы бар,коп ыйлатпай карасанар жоголуп кетиши мумкун 3айга чейин"деди. Андан кийин которгонду коро бер да,уну чыкса эле атасы экообуз жугуробуз,себеби биринчибиз да,корктук чынында,ары РФда болгон учун же чонураак эч ким жок.Азыр кудайга шугур жок болду анысы,бирок колдон тушпойт.

. . ошондо оз калыбына келдинби?
Уулунардын омурун берсин!

[shirinim0817]

Рахмат,ооба эми юбка,шым дегендер бели чон келип калды))

[antiwithin14]

shirinim0817 (24 Май 2015 - 12:38) жазган:

Рахмат,ооба эми юбка,шым дегендер бели чон келип калды))

. . аа жакшы. Эн негизи ден соолук болсун э!?

[Mediziner]

Төрөттөн кийин өзүңүзгө кам көрүңүз
Бул мезгилде аялдын организминдеги бойго бүтүүгө байланыштуу өзгөрүүлөр калыбына келет. Жатын булчуңдары жыйрылып, кичирейет. Экинчи жана андан кийинки төрөгөн аялдарда жатындын жыйрылышы алгачкы күндөрү катуу оору менен коштолот (соңку толгоо). Жатындын ички бети калыбына келип, былжыр чел бара-бара жатындын ичин каптайт. Жатындан суюктук бөлүнөт; алгач кан аралаш, кийинчерээк (5-жумада) былжыр суюктук чыгат. Мында жатын моюнчасынын жана жатын кынындагы айрык, жарааттар айыгат, жатынды кармап туруучу чоюлган байламталар кыскарып, жатын түтүгү жана энелик бези кадимки абалына келет. 3-4-суткада эмчектен сүт чыга баштайт. Айрым учурда эмчекте сүт көп болгондуктан эмчекти сүт тээп, эмчек чыңалып ооруйт. Кээде эти ысыйт. Эгерде төрөттөн кийинки мезгил нормалдуу өтсө, төрөгөн аялдын абалы анча өзгөрбөйт. Төрөгөн аялга алгачкы 2 күнү көбүрөөк жатуу сунуш кылынат. Бирок такыр кыймылсыз жата берсе заңдоо жана заара ушатуу кыйындайт. Жатындын жыйрылуусу көпкө созулат. Ден соолугу жакшы, өзүн жакшы сезген аялдарга 2-суткада туруп басууга (алгач 15-30 мин., андан ары сейилдөө мөөнөтү көбөйтүлөт) уруксат берилет. Төрөттөн кийинки мезгилде төрөгөн аял асептика жана антисептика эрежелерин так сактабаса жараат, төрөт жолундагы жаракалар, эмчек үрпүнүн жарылган жери аркылуу инфекция кирип, төрөттөн кийинки ооруларды пайда кылат. Төрөттөн кийинки кабылдоолорду болтурбоо үчүн төрөгөн аял сырткы жыныс органын марганцовканын мала кызыл эритмеси менен күнүнө 2 жолу жууп, астыга коюлуучу чүпүрөктү убагы менен которуп, ич кийим, шейшептерди күнүнө алмаштыруу керек. Төрөгөн аял өздүк гигиенаны жакшы сактоого тийиш. Алар тырмагын өстүрбөй алып, баланы эмизерде жана тамак ичерде колун самындап жууп турушу зарыл. Эмчектин үрпү жарылып кетүүдөн сактоо үчүн баланы эмизгенден кийин эмчекти нашатырь спиртинин 0,5%түү эритмеси же жылуу суу менен самындап 2 маал жууп, тегерегин 1 %түү бор кислотасынын эритмеси менен сүртүп, кебез менен аарчуу сунуш кылынат. Баланы туура эмизүү да чоң мааниге ээ (Эмчектеги бала). Эмизгенден кийин эмчекте сүт калса, саап салган жакшы.



Туура тамактануу

Төрөгөндөн кийин сиз эмне жесеңиз балага ошол сүт аркылуу барат. Андыктан тамакты мүнөздөп, ылгап жейсиз. Гамбургер, бутерброд, кукси сыяктуу тез даярдалуучу азыктардан, ачуу тамактардан, сүрсүгөн, ышталган, консерва азыктарынан баш тартыңыз. Териңиздин жакшы абалга келүүсү үчүн сүт азыктарын жана витаминдүү жашылча- жемиштерди көбүрөөк колдонуңуз. Сүт, быштак, каймак май, салаттарга зайтун майын аралаштырып жеңиз. Сууга бышырылып, бууга дымдалган тамактарды кабыл алган жакшы болот. Чай жана кофени көп ичпеңиз.



Айрым аялзаты кош бойлуу кезде жүзү тунук тартып, жылмакай болуп калса, кээ бириникине кара тактар түшүп жагымсыз маанай жаратат. Мындан чочулоонун кажети жок. Себеби, бул организмдеги меланинди чыгарууга жооптуу болгон гормондордун чектен тышкары жигердүү иштелип чыгышынан улам пайда болот. Кош бойлуу учурда бетке түшкөн кара тактарды жок кылууга аракет жасабай эле коюңуз. Анткени аракетиңиз оң жыйынтыгын көрсөтпөйт. Төрөттөн соң 2-3 айдан кийин ал тактар өзү эле жок болуп кетет. Андыктан төрөгөндөн кийин алгачкы бир аптада өзүңуздүн сүтүңуздү таза жуулган бетиңизге 30 саатка сүртүп жууп салсаңыз болот.

Мындан сырткары, кам каймакка петрушка кошуп маска жасап колдонгонуңуз бетиңиздин терисине да, теридеги кара тактарды жок кылууга да оң таасирин тийгизет.

Так кетирүүчү маскалар:

Шекери аз йогуртту бетке тегиз сүйкөп, 10-15 мүнөттөн кийин лимнодун ширеси менен аарчып, 2-3 мүүнөттөн соң жылуу суу менен чайкап коёсуз. Муну жумасына 2 жолу жасаса болот.

Кулпунайдын жана карагаттын суюк боткосун бетке сүүйкөп 20-25 мүнөт коёсуз же болбосо кадимки бадыраңды аарчып суусу чыккан соң ошол суулуу жагын беттин терисине коюп 20-25 мүнөттөн кийин жууп саласыз.

200 мл кайнатылган сууга 2 чай кашык майдаланган петрушканы кошуп 2-3 саат демдеп коюңуз. Даяр болгон суюктукту бетиңизге күүнүүнө 2 маал: эртең менен кечинде аарчып туруңуз.



Денеге кам көрүү

Көнүгүүлөр төрөгөндөн бир жарым ай өткөндөн кийин баштоо керек.

Түз жерге жатып, бутуңузду улам өйдө көтөрүп, ылдый түшүрүп көнүгүү жасасаңыз, бул ичиңиздин тартылып, жатыныңыздын да жыйрылып өз калыбына келишине жардам берет. Алгач, 10дон баштап отуруп 100гө чейин жеткирсеңиз эң мыкты жыйынтыкка жетесиз.

Эртең менен музыка коюп алып бир бийлесеңиз да ашыктык кылбайт.

Эгер мүмкүнчүлүк болсо кечинде же эртең менен жарым сааттан баштап велосипед тепсеңиз болот. Ичиңизди киргизип, бардык булчуң эттериңизди чыйралтат. Андан тышкары толук кандуу эс алууга шарт түзөт.

Мындан сырткары, обруч айлантып, секиртме ойносоңуз болот.

Билдирүүнү түзөткөн: Mediziner: 09 Июнь 2015 - 19:56

[Mediziner]

Төрөгөн соң үйдө отурган айымдар кантип депрессияга кабылбай койсо болот?

Негизинен көпчүлүк учурда ымыркайдын жарык дүйнөгө келиши жана жаңы "эне"- деген макамга ээ болуу бактылуулукка бөлөйт. Бирок, айрым учурда төрөттөн кийин депрессияга кабылып жабыркагандар да кездешпей койбойт. Буга себептер абдан көп. Маселен, төрөттөн кийин бой- келбеттин өзгөрүшү, ашыкча салмактуулук жана башка ушул сыяктуу себептер. Ал эми төмөндөгү кеп- кеңештер сизди депрессияга кабылууга жол бербейт.



1- Дене-тарбия жана сейилдөө

Бой- келбетти калыпка салып жана өзүн баалоону жогорулатуу үчүн өзүңүзгө кайсы бир спорттун түрүн тандап алыңыз. Бирок, ал машыгуу сизге ырахат алып келгендей болсун. Муну менен катар эле сейилдөөнү да унутпаңыз. Үйдөгү көр- тиричиликтен алысыраак эс алуу бактарында же аллеяларда чүрпөңүз менен сейилдеңиз. Таза аба жана үйдөн тышкаркы абал сиздин маанайыңызды көтөрөт.



2- Баарлашуу

Балаңызга тиешелүү деңгээлде көңүл буруңуз, бирок ошол эле учурда жолдошуңузга да көңүл бура билиңиз. Ал сиздин жашооңуздагы маанилүү адамдардын бири эмеспи. Андыктан аны менен кандай гана темада болбосун сүйлөшө бериңиз. Жумушунда кандай жаңылыктар болуп жаткандыгына кызыгып сураңыз, бирок өзүңүз орду жок нерселер үчүн даттана бербеңиз.



3- Китеп жана музыка

Сулуулук же балдарга кам корүүгө арналган китептерди окуңуз. Ошондой эле ымыркайды уктатып жатканда сөзсүз ага жомок окуп бериңиз. Эненин үнүн уккан бала тез уйкуга кетет жана тынч уктоосуна өбөлгө түзүлөт. Табитиңзге жаккан ошол эле учурда маанай көтөргөн музыкаларды тыңдаңыз. Бул ыкма дагы сизди депрессияга кабылууга жол бербейт.



4- Бала үчүн убакыт

Балаңыз менен эркелешип сүйлөшүңүз. Анын кылык- жоруктары жана күлкүсү эсеп жеткис терс ойлорду алыска айдайт.



5- Түгөйүңүз үчүн убакыт

Аялдык милдет бир гана бала багуу жана үй жумуштарын аткарып тамак жасоо менен эле чектелбеши керек. Андыктан чогуу тамак жасаңыздар, бирге сыналгы көрүңүздөр жана сейилдеңиздер.



6- Ар бир күнду пландаңыз

Өзүңүзгө милдеттүү болгон бардык жумуштарды жасоого жетишүүнү кааласаңыз, анда күн сайын план түзүңүз. Ирети менен аткарылган иш тез бүтөт жана мунун арты менен сизге өзүңүзгө кам көрүүгө убакыт артып калат.

[Mediziner]

Кош бойлуу болгондон баштап аялзатынын организминде түрдүү өзгөрүүлөр болот. Айрыкча таксикоз учурунда эмнени кааласаңыз ошол тамакты жебей коё албайсыз. Салмак кошулат жана дене- мүчө өзгөрөт. Мындай учурда көпчүлүк аялзаты күзгүдөн өзүн караган сайын баштапкы келбетине кайтууну каалайт. Көп буйшайман болбоңуз, баарын калыбына келтирсе болот.

Чачыңыз көп түшүп жатса:

Төрөттөн кийин аялдын чачынын түшүшү – табигый көрүнүштөрдүн бири. Боюнда бар кезде аялдын организминде эстроген гормону бөлүнүп чыгат. Дал ушул гормондун таасири астында чач бекемделет жана өмүрү узарып турат. Ал эми төрөттөн кийин гормондор өз калыбына келе баштаганда гормондун жардамы менен кармалып турган чачтар түшө баштайт. Мындай көрүнүш 3-6 айга созулушу мүмкүн. Эгер чачтын түшүүсү андан узакка созулуп кетсе, атайын адистерге кайрылыңыз. Эгер анчалык коркунучтуулук жок болсо үй шартында маска жасап турсаңыз болот.

2 жумуртканын сарысы, 2 аш кашык бал, 2 аш кашык сарымсак ширесин бир идишке салып аралаштыруу керек. Чачты суулап алган соң масканы шыбап, желим баштык менен ороп, 20 мүнөт кармайсыз. Андан кийин кадимки колдонуп жүргөн шампунуңуз менен жакшылап жууп саласыз. Бул масканы жумасына эки ирет жасасаңыз жакшы натыйжа берет.

Бетиңизге так түштүбү?

100 грамм бадам (миндаль) данегин кайнак сууга салып жумшартасыз. Андан кийин данды жанчып майдалап, ага лимон ширесин жана бир аз суу тамызып, анан аралаштырасыз. Даяр болгон масканы бетке жаап, 20 мүнөттөн кийин жылуу суу менен жууп саласыз.

Тырмактарыңыз сынып баштаса:

Төрөттөн кийин тырмак да морт болуп калат. Бул көрүнүштү "момго чылоо" ыкмасын колдонуу абдан пайдалуу. Уктаар алдында момду тери күйбөй турган температурада ысытып алып, тырмакты малуу керек. Мом муздаганда колду алып чыгып, жука мээлей кийип жатыңыз. Эртең менен колду жууп саласыз.

Эмчек кесилбесин десеңиз:

Эмчектин үрпү кесилбеш үчүн баланы туура эмизүү шарт. Үрптү бүт бойдон баланын оозуна салынышы кажет жана эмизүү учурунда аба баланын оозуна кирбеш керек. Эмизип бүткөндө калган сүттү саап, акыркы сүттү үрпкө сыйпап, кургатуу керек. Ал эми ар кандай жумшартуучу мазь жана кремдерди сыйпабай эле койгон дурус.

Териңиз жарылдыбы?

Курсактын, төштүн жана жоон сандардын терисинин жарылышын калыбына келтирүү дээрлик мүмкүн эмес. Бирок мунун алдын алууга болот. Мисалы, кош бойлуу кезде атайын тигилген ич кийимдерди (бандаж) кийүү, душка түшүүдө суу менен массаж жасоо жана кадимки өсүмдүк майы менен терини майлап туруу. Жогоруда айтылгандар терини серпилгич кылып, жарылуудан коргойт.

Эгер жарылган терини калыпка келтирем десеңиз, анда атайын косметикалык салондорго кайрылуу зарыл.

Чоюлган курсак үчүн кабатырланбаңыз:

Чоюлган курсакты калыбына келтирүү үчүн сөзсүз эле атайын машыгуучу жайларга же салондорго баруунун кажети жок. Аны үй шартында эле калыбына келтирсеңиз болот.

1) Отургучка отурган бойдон колуңуз созулганча өйдө көтөрүңүз. Андан соң ылдый эңкейип, ичиңизге күч келтирип, кайра ордуңузга отурасыз. Чалкаңыздан түшүп, тизеңизди чекеңизге тийгизиңиз. Анан таманыңыз жана далыңыз менен жер таянып, белиңизди жогору көтөрүңүз. Муну бир нече ирет кайталайсыз.

2) Дем алганда ичиңизди киргизе тартасыз, ал эми дем чыгарган маалда ичиңизди болушунча сыртка үйлөп чыгарасыз. Мындай көнүгүүнү балаңыз менен сейилдеп жүргөндө же дүкөндө кезек күтүп турганда деле аткара аласыз.

Жеке тажрыйбадан:

Төрөт үйүнөн келген соң 4 метрдей марли кездемесин курсагыңызды ыңгайлуу байлагандай абалда бүктөп ага үй жумурткасынан 4 даананы куюп дароо курсагыңызга тартып байлап аласыз. Муну 4-5 күнгө чейин чечпейсиз. 5 күн өткөн соң чечип курсагыңызды жылуу суу менен жууп кайрадан жогоруда айткандай кайталайсыз. Ишене бериңиз, курсагыңыздын чоюлганы аз аздан калыбына келип бир айда баштапкы абалына келип калат. Бул ыкманы мен өзүм колдонуп көрдүм жана жакшы натыйжа берди.

Туур тамактаныңыз:

В, С, А витаминдери жана кальцийге бай тамактарды (жашылча-жемиштерди, сүт азыктарын, малдын таза боорун, балыкты) колдонуу менен денени калыбына келтирүүнү тездетүүгө болот. Башка түркүн тамактарды жегиңиз келсе, анда алар балага терс таасирин тийгизбей турган болушу керек. Андыктан алдын ала дарыгер менен кеңешип алганыңыз туура. Анткени сизге жаккан тамак балаңызды ар кандай аллергияга же ич өткөккө алып келиши ыктымал.

[UsenovaAizada]

Салам.Эжелер сиздер торогондон кийин 40 чыккыча торкунго барасыздарбы же барбайсыздарбы. Барбасаныздар кайнене кайнатанын козунчо кенен кесири жата аласыздарбы, мен биринчимди торогондо торкунго баргам, экинчимде кайненем жибербей жатат.

[i_see_you]

салам баарына! торогондон кийин беттеги дак кетиш учун канча жолу бетти сут менен жуш керек ушу жонундо билгендер болсо жаза кеткилечи

[DaRhaN.]

UsenovaAizada (16 Июнь 2015 - 19:49) жазган:

Салам.Эжелер сиздер торогондон кийин 40 чыккыча торкунго барасыздарбы же барбайсыздарбы. Барбасаныздар кайнене кайнатанын козунчо кенен кесири жата аласыздарбы, мен биринчимди торогондо торкунго баргам, экинчимде кайненем жибербей жатат.

Салам кандайсынар ,эсен аман чоноюп атасынарбы? Эми сурооно келсек.Мен 3 баламда тен (чилде качты кылып) барган эмесмин .Мен кайра торкунумдо озумду ынгайсыз сезем(кенири отуруп туралбайм)3 оодо тен 4айдан кийин баргам.Барбасанда боло берет.Барышын шарт эмес.

[madina.87]

Бирок уй кенири болсо баруу эле туураго дейм.Себеби мен кыйналып тородумда,кайненем 10кун карады.Калганына 3 балам м чилдеде уйдоболдумле. Азыр тиштерим какшап муздак эчнерсе жей албай калдым.

[DaRhaN.]

Ар ким ар кандайда.Мисалы мен торкунумо барсам кыйналып,жудоп кетем.Ата энемдин алдыда жатып туралбайм.Айрыкча атамдын алдыда баламды эмизалбайм. А эми бул жакта озум баш,озум дош деп калаймбы.

[Gulumkanbu]

Бала эмизип атып кантип арыктаса болот? Мен кундон кунго толуп баратам.

[Alinur.96]

Салам менин боюмда бар учурда оозумдун астына майда будурлор чыгып кеткен торогондон кийин жоголуп кайра пайда болуп калды эмне кылсн болот.

[Medina9384]

Салам эжелер кандайсыздар. Мен жакында тородум разрыв болуп, разрыв болуп тиккен жеримин жиби тушуп калды го ачылып, врачка барып кайра тиктиремби же озу ошондой болуп буттуп кетеби? Билсениздер жардам берип коюнуздарчы биринчи торогон учун коркуп жатам.

[aiturgasha]

озу жиби тушотго бир канча кундон кийин?

[aiturgasha]

бирок менде да жиби тушкондон кийин кайра ачылып калган/ больницага барып коруноюн десем кайненеме айтыш керек. айткандан уялып атам...

[Medina9384]

aiturgasha (08 Декабрь 2015 - 13:18) жазган:

бирок менде да жиби тушкондон кийин кайра ачылып калган/ больницага барып коруноюн десем кайненеме айтыш керек. айткандан уялып атам...

Азыр кандай болуп калды же коруно элексизби

[aiturgasha]

Medina9384 (08 Декабрь 2015 - 13:23) жазган:

Азыр кандай болуп калды же коруно элексизби

бала мн болуп атып унутуп деле калдым. баралекмин больницага.

[Гука]

Medina9384 (08 Декабрь 2015 - 12:54) жазган:

Салам эжелер кандайсыздар. Мен жакында тородум разрыв болуп, разрыв болуп тиккен жеримин жиби тушуп калды го ачылып, врачка барып кайра тиктиремби же озу ошондой болуп буттуп кетеби? Билсениздер жардам берип коюнуздарчы биринчи торогон учун коркуп жатам.

Жиби тушкондон кийин озу бутуп кетет. Бирок,врачка барып корунуп койуу зарыл