[Sweet-Lika]

Билбейм неге..?

Кубаласа серпип жамгыр илебин,
Алсыз жандай амал менен коорунам..
Жулмаласа өксүк келип жүрөгүм
Билбейм неге арман менен оорунам..?

Түн жамынып ырлар жазам негедир,
Кай бирөөнө балким жөн сөз эледир..
Жүрөк сыгып чыккан ар бир тамчы ыр
Жетпей койду дарегине деле бир...

Кубаласа серпип шамал илебин,
Алсыз жандай арман көйнөк кийемин.
Билбейм неге арман менен оорунам?
Жулмаласа өксүк келип жүрөгүм..

Билдирүүнү түзөткөн: Sweet-Lika: 03 Апрель 2016 - 23:52

[mega777]

Лика кыз кайрадан сени коргонумо кубанычтамын! Жан дүйнөнү козгоп кайдигер калтырбаган саптарыңдын уланышын күтүп калам.

[Sweet-Lika]

mega777 (04 Апрель 2016 - 11:08) жазган:

Лика кыз кайрадан сени коргонумо кубанычтамын! Жан дүйнөнү козгоп кайдигер калтырбаган саптарыңдын уланышын күтүп калам.

Рахмат эжей.

[Sweet-Lika]

Сиз баскан жолдор менен..

Кайчылаш жолдор кенен,
Түгөнбөс ойлор терең.
Баратам жолоочудай,
Смз баскан жолдор менен.

Алп бүркүт ууну ойлой,
Суусадым сууну бойлой.
Уурданып бара жатам
Суусарым көңүл тойбой.

Шарына актым далай,
Артымды кылчак карай.
Сиз баскан жолдор менен
Издерди келем санай..

Агылып өтпөдүм не?
Самадым жетпедим не?
Сиз баскан жолдон оолак
бурулуп кетпедим же..

[USSR]

Эхх... Жакшы жазыпсыз. Жөнөкөй. Жүрөктөн чыгарып, журөккө жеткидей... Калемиңиз курчусун! Анча-мынча ыр чиймелей койгон акынчалыш мени, уктап калган илхам-музамды да би-ир түйшөлтүп койдуңуз. Ыр жазгымды келтиртип)) Көп-көп жазыңыз, балким сиздин ырлар себеп болуп, кайрадан колго калем кармап калаарбыз... Сизге ыраазычылык!

[Sweet-Lika]

USSR (04 Апрель 2016 - 20:55) жазган:

Эхх... Жакшы жазыпсыз. Жөнөкөй. Жүрөктөн чыгарып, журөккө жеткидей... Калемиңиз курчусун!

Цитата

Рахмат чоң!

Анча-мынча ыр чиймелей койгон акынчалыш мени, уктап калган илхам-музамды да би-ир түйшөлтүп койдуңуз. Ыр жазгымды келтиртип)) Көп-көп жазыңыз, балким сиздин ырлар себеп болуп, кайрадан колго калем кармап калаарбыз...

Цитата

Андале соонун болбойт беле, темаңыз гүлдөп (нашаасыз)).

Сизге ыраазычылык!

Цитата

Сизге дагы!

[KUMU89]

Тук, тук.

[Sweet-Lika]

KUMU89 (05 Апрель 2016 - 19:13) жазган:

Тук, тук.

Келиңиз, төргө өтүңүз.

[Sweet-Lika]

Сыныктар.

Топтолушат асманга ай-булуттар,
Аларга окшош жүрөктөгү тырыктар.
Көңүлүңдү атайылап калтыргам,
Ошол күндөн жан дүйнөмдө сынык бар.

Көргөн көзгө дагы деле сылык Ал.
Сааты жетсе тоңгон жүрөк жылынаар..
Сезимдерге ойноп койгом кечиргин,
Сага айтпас жан дүйнөмдө сынык бар.

Сага арналган дагы көп-көп ырым бар.
Атың уксам жасайм алсыз ырымдар.
Саймедиреп берээр элем аттигиң
угам десең.., жан дүйнөмдө сыныктар.

[nurik379]

Калемиңиз курчуй берсин

[Jelmoguz.brat]

Китеп чыгарчу болуп калыптырго бул жердеги саптардан

[Sweet-Lika]

nurik379 (06 Апрель 2016 - 22:45) жазган:

Калемиңиз курчуй берсин

Раазычылыгым!

Jelmoguz. brat (06 Апрель 2016 - 23:07) жазган:

Китеп чыгарчу болуп калыптырго бул жердеги саптардан

Китеп чыгаруу оюмда бар, бирок, бышпай келет).

[Jelmoguz.brat]

Sweet-Lika (07 Апрель 2016 - 00:15) жазган:

Раазычылыгым!



Китеп чыгаруу оюмда бар, бирок, бышпай келет).

Бышып эле калыптыр чыгарсаныз болчудай

[kaidasyn]

Жакшы ырлар экен,жакындан таанышсак болобу?куппуядан.

Билдирүүнү түзөткөн: kaidasyn: 07 Апрель 2016 - 00:39

[medina.]

Кайдан табасыз создорду?Тушунуктуу, маанилуу,уйкаштык. ..сонун жазылган.Анча- мынча озун акын эсептегендерден жогору экен.

[Sweet-Lika]

Силер жакшы-жакшы комент жазып турганда сөздөр өзү эле куюла берет да Медина айым. Баарыңарга раазычылык!

[Jelmoguz.brat]

Сизге ыразычылык алтындай убактынызды болуп ушунча жагымдуу ыр саптарды жазып жатканынызша

[Sen_elen.]

Сонун ырларды жазасыз. Калеминиз куурчуй берсин!

[Sweet-Lika]

Раазычылыктарым! !!




Мендик болчу!

Ааламдай кеңдик болчуу,
Жүрөгүм сендик болчу.
Жооп болуп сезимдерге,
Жөн эле мендик болчу!

Өзүңө теңдик болчуу
Жүрөгүм сендик болчу.
Гүл төшөп сезимдерге,
Жөн эле мендик болчу.

Карабас башкаларды
Карааным сендик болчу.
Ээ кылбайм башка жанга,
Бир гана мендик болчу!

Ээритип көлдү тоңчуу,
Мээримим сендик болчу.
Эч нерсе сурабаймын,
Жөн гана мендик болчу!

Жүрөгүм "сен" дей турган,
Кызганыч чебин кургам.
Жолоочу жандаймын не
Өзүңө көңүл бурган..

Билдирүүнү түзөткөн: Sweet-Lika: 07 Апрель 2016 - 11:47

[Sweet-Lika]

Энем бир жаралган Жан..

Эркелеп сүтүн эмгем,
Мээримин мага берген.
Жыйырма төрт чыксам деле
Төрт жашаар бала көргөн,
Энем бир жаралган Жан,
Эрээркейм жүзүн көрсөм!

Мени деп талаа-түздүн
далай миң бирин кезген.
Айттырбай ичте сырым
Көзүмдөн таамай сезген.
Энем бир жаралган Жан,
Эркелейм үйгө келсем.

Көп ойлоп таңда-кечте,
ден-соолук тиленээрим!
Алыстан келсем үйгө
суу чачып сүйлөнөөрүм!
Энем бир жаралган Жан,
Ыйласам күйүнөөрүм. .!