[sister]

"Суперстан дагы форумчулар чыдамсыздык менен жооп кутуп атышат, менин суроомо жооп берип койунуздарчы" - деп дагы бир ирээт сурап корчу.

[Medinaa]

Башкага тутмушка сыгып кетин.Ээ,не кылас аны!

[Master_KG]

Эч нерсе болгон эмес. Ал просто мурдатан таштоонун жолун издеп жургон. Анан бир куну эле таштап салды. Сизге бир кун болгону менен ал кунго чейин ал коп даярданган. Жаш кезде кыздар биринен бири жакшы корунуп, бир кыз менен журо беруу кээ бир жигиттерди тажатып жиберет.

Азыр чарчагандай корунгону, бардык эле адамдарды чарчаткан турмуштун майда барат койгойлору эле. Болгону 5 жыл мурда ал жаш болчу. Жаштыктын озунун жалыны болот эмеспи. Анын устуно суйуу козу менен караган адамга суйгону идеалдуу коруно берет.

[begym]

Master_KG (17 Ноябрь 2016 - 00:11) жазган:

Эч нерсе болгон эмес. Ал просто мурдатан таштоонун жолун издеп жургон. Анан бир куну эле таштап салды. Сизге бир кун болгону менен ал кунго чейин ал коп даярданган. Жаш кезде кыздар биринен бири жакшы корунуп, бир кыз менен журо беруу кээ бир жигиттерди тажатып жиберет.

Азыр чарчагандай корунгону, бардык эле адамдарды чарчаткан турмуштун майда барат койгойлору эле. Болгону 5 жыл мурда ал жаш болчу. Жаштыктын озунун жалыны болот эмеспи. Анын устуно суйуу козу менен караган адамга суйгону идеалдуу коруно берет.

Ачуу, бирок чындык...

[Giza]

Жообу аябай кызыктуу болуп жатат да....

[begym]

Бул жерде бир колдонуучу буга чейин жазгандарымды жомок дептир. Эмки жазганымды кино дебесе болду. Бирок бул жомок да, кино да эмес тилекке каршы.
Кыскасы жолуктум. Кафеге киргенбиз, тамак эми столго коюлганда даярдап жүргөн суроомду бердим. Тамак ортолоп калганда, же желип бүткөндө берсем кетип же кетебиз деп калышы мүмкүн деп ойлодум.А тамак желе электе кете албайт дегем, туура чыкты. Акыры ачык айтканга аргасыз болду.
Менин бир курбу кызым бар эле. Жакшы мамиледе жүргөнбүз, акыркы эки жылда арабыз алыстап кетти. Мамилебиз бир сонун болчу, алыстаган да өзү болду. Менин оюмда да жок эле аны менен мамилени үзүш. Ал кыз азыр айтылып аткан адамдын жумушуна жакын жерде иштечү. "Подружкаң мага келип сени көзү ачыкка көп каттап атат деп айтты. Сиздин сүрөтүңүздү да алып барды, өз көзүм менен көрдүм. Мен муну айтпайт болчумун, окулган адам оорукчан болуп калат, сиз жакшы адамсыз, мен сизди сыйлайм, ошого кайтартма ичип сактанып жүрүңүз деп эле эскертейин дегем, деди", - дейт. Актангым келбейт, бирок мен көзү ачыкка өмүрүмдө эки гана жолу баргам, биринчисинде көзү ачык деле эмес, молдо болчу, жүрөк көтөрткөнү баргам, экинчисинде так ошол кыз менен анын бир проблемасы менен баргам. Менден көзү ачык таанышың барбы деп сураганынан, жок деп койсом дел болмок да, Көк-Жар тарапта жашаган бир көзү ачыкты билчү элем, анткени бир жылдары жеңем үйүнөн шакегин жоготуп алып, ошол көзү ачыкка барсам, эч ким алган эмес, үйүңдөн эле чыгат дегенинен үйдү үч көтөрсөм дивандын артынан таап алдым деп сүйүнүп жүргөнүн билчү элем. Ошол көзү ачыктын дарегин жеңемден алып курбумду ээрчитип баргам. Мен өзүмө ачтырган деле эмесмин, сыртта күтүп тургам, өзү кирип сүйлөшүп чыккан. Жада калса андан көзү ачык эмне деди деп да сураган эмесмин. "Подружкаң ошентип айткандан кийин 2-3 күн ойлонуп жүрдүм",-дейт. Азыр ойлосом, ошол күндөрдүн аралыгында окшойт, бир жолу колунун тырмагы көгөрүп кетиптир, "ий эмне болду", - десем, "ар ким молдолорго окута беришип, тырмактарым күбүлө турган болду"-деген эле. Мен аны капарыма деле албаптырмын. Азыр ойлоп көрсөм менден кандай реакция болот деп сынамакка айткан окшойт.
"Эки-үч күндөн кийин кой мен да бир барып көрөйүн деп, тааныштардан сурап, Дордой жакта жашаган же уйгур, же түркпү улутундагы көзү ачык аялга бардым. Барып отурарым менен сага бир аял дуба ичкизип атат. Тезинен арылбасаң төшөктөн турбай каласың. Мындайдын арты жаман болот деди. Кандай аял деп сурасам, сенин жаныңда жүргөн, жаш аял деди. Менин жанымда анда сенден башка эч бир аял жок болчу. Аябай ачуум келди. Дуба окутпаса деле жасалмасы жок сүймөкмүн деп кыжырдандым. Сураган акчасын берип, кайтартма окуй бериңиз деп, шаарга келип сүрөткө түшүп, чыгарып сүрөтүмдү да жеткирип бердим. Ал айтты, ал аялдан алыста жанына барба, мамилеңди үз, болбосо менин жасаган кайтартмам бир тыйын болуп калат, кайра эле башыңды айлантып коет деди. Ачуумдун келгени ушунчалык, ошондо сени эки чайнап, бир жутуп салгым келип, тообо келтирип өзүмдү кармагам. Көзүмө желмогуздай эле көрүнүп туруп алдың. Алдымдан чыксаң муунтуп салчудай акыбалда элем. Ошого жумуштагыларга сени келсе киргизбегиле деп буйрук бергем", - дейт. "Анан башыңыздын айланганы басылып, көзү ачык жардам бердиби?" , - десем, көпкө ойлонуп туруп, "Ким билет, бирок сени эстеп эле жүрдүм, кийин ачуум тарагандан кийин анча-мынча сагынып да аттым", - дейт. "Туалетке барып колуңузду жууп келбейсизби? "-десем, эмнеге дейт. Сизге дагы дуба даярдап келдим эле, сиз барып келгиче тамагыңызга кошуп коеюн десем, күлүмүш болуп, ыңгайсыз абалда калды.
Стол үстүндө турган тамактарды жегим да келбеди, аябай маанайым түшүп калды. Жок мен көзү ачыкка өмүрү барган эмесмин, жасаткан эмесмин деп актанган да жокмун. Ошол кызга ишендиңиз, ошол көзү ачыкка ишендиңиз, мага ишенген жоксузбу? десем, сени катуу жакшы көрчүмүн да, ошондон улам да ойлодум, чын эле эмнеге мынча жакшы көрөм деп. Анын үстүнө кыздын айтканы, көзү ачыктын айтканы дал келип калбадыбы деп, дагы мени шектүү карап коет.
Үйгө жеткирип келатып, жакын калганда сурап коет дагы чын эле айтсаң жасаттың беле, же жокпу деп. Ой, жасатсаң эле адам жаныңдан кетпей калчу болсо, сиз курбумдун айтканын кулагыңыздын сыртынан кетирип коюп, ушул кезге чейин мени айланчыктап жүрөт болчусуз. Ошондо эмнеге башыңызды айлантып алуу оюма келбеди экен, азыр абдан өкүнүп атам дедим. Ошол бойдон унчуккан жок. Мен да жакшы калыңыз деп эле жеткенден кийин машинасынан түшүп кеттим. Андан бери бир жумадай убакыт өттү. Дагы деле уккан сөздөрүмдү аш кыла албай атам

[emmaya]

Мына сага....
Эмне дээримди да билбей калдым. Кыскасы досунуз уч тамга экен.

[-Sumitra-]

Ошон учун душманды алыстан издебе дейт да.

[admiral.kg]

Баары жакшы болот

[glaz_almaz]

Кызык го бул жагы, подружкан кылган эмеспи дуаны окутуп?

Билдирүүнү түзөткөн: glaz_almaz: 29 Ноябрь 2016 - 14:31

[Sema04]

Мындай жоопту эч ким куткон эмес..

[asko55]

Дагы уландысы барбы?

[aizirek...]

дагы жазып турунузчу автор.

[mamatmusakuzuraziya]

беш минуттук жолугушууну он минут кылып узартып койбойт белениз сиз

[Kamchybekova.Ch]

Уландысын күтөбүз дагы.

[begym]

Макул жакшы кал деп беш мүнөт болбой шашып атса, кармап калыш да кыйын экен)) Менден коркуп атат окшойт башымды айлантып салбасын дагы деп, баары бир көңүлүндө шек калганбы, шектүү көз карашынан байкадым. Жолукпай эле койсом болмок экен, эми уктап аткан сезимдер ойгонуп, куса боло баштадым

[begym]

Экс-подружкамдын кабарын билбейт болчумун, өгүнү кызыгып ортодогу тааныштардан сураштырсам, ал байкуш тагдырдан жакшы эле таяк жеп атыптыр. Ичимден карасанатайлык кылганына ушундай болуп калбадыңбы деп ойлоп койдум да, балким андай эместир. Бир баласы менен турмушунан ажырап, жашай турган жери жок баласы менен ар кимдин үйүндө 2-3 күндөн жашап атыптыр. Бирок, жүрөгүм абдан ооруду. Баарын унутуп, кел мени менен жаша дегим келип кетти. Анан кайра ойлонуп, кокус дагы бир сөздү чыгарсачы деп токтоп турам. Дагы ойлонуп көрөм го

[regina86]

Bedym эч качан ал досуну жанына жолотпо бир жолу чыккынчылык кылдыбы Экинчи жоллу да сен жанына чакырсан ага боорун ооруп башында жакшы болумуш болуп бир жерде сени сатып кетет.Менин башыман откон

[mery.89]

Эми отузга чыккыча журо бербей экоонор бири бирини тушунуп кечирип отконду унутуп жаны жашоо башагыла

[begym]

mery.89 (05 Декабрь 2016 - 09:25) жазган:

Эми отузга чыккыча журо бербей экоонор бири бирини тушунуп кечирип отконду унутуп жаны жашоо башагыла

Мурат менен Зымырат болбой десеңиз