Жогорку кеӊештин тегерегиндеги талкуулар

(2 )
1
2

Жогорку кеӊештин тегерегиндеги талкуулар

#21 Revolyutsiya 20 October 2016 - 00:37

Карапайым

Кыймылы жок
209
10 April 14
: 07 Sep 2019 20:47
Жынысы:Эркек

"Алмаз Шаршенович калам деп конституцияны өзүнө өзгөртпөй, кетем деп биз үчүн өзгөртүп жатат"- деди бүгүн Бабанов.

Демек Бабанов жыландын башын кылтыйтып жатат... Балким Текебаев менен Атамбаевдин тирешуусу так талашуудан башталгандыр биз кабар таба электе эле. Анткени Атамбаев ордуна мураскер кылып Бабановду калтырчу болсо, Текебаев экоонун оту куйушпосу айдан ачык. Анын устуно 2010-жылы бийликке келишкенде эле "убактылуулардын" ар биринин чон амбициясы бар эле, президент болуу деген. Ким президент болот деген маселени чечип алуу учун да Отунбаеваны 1 жылга президент шайлай турушту да. Балким оз ара 1-Атамбаев, кийин Текебаев президент болот деп келишип алып, эми Атамбаев ал убадасынан танып жатканы учун да Атамбаев-Текебаев "согушу" тутанган чыгаар...

of the page up there ^

#22 Piligrim 10 November 2016 - 09:50

Карапайым

Кыймылы жок
191
13 August 12
: 15 Aug 2018 00:59
Жынысы:Эркек
Калаасы:Кыргызстан

Бакыт Төрөбаев: “2010-жылы Кыргызстанга жылына 5 млрд сомго дары-дармек кирсе, 2015-жылы 13 млрд сомго кирип калды, 5 жылда кыргыз эли дары ичип эле жашап калды”

“Азыр эми Конституцияны өзгөртүү боюнча чечим кабылы алынды. Бирок, азыркы өзгөртүлө элек конституция боюнча да Сооронбай Шарипович сизде өтө чоң, эбегейсиз мүмкүнчүлүктөр бар. Сизди президент колдоп жатат, мурдагы башкаруучу коалиция колдоп жүргөн, эл колдоп жаткан. Мына 7 ай премьер-министр болдуңуз. Бүгүн “жаңы өкмөт, жаңы структура, жаңы программа алып келдим” айттыңыз. Бирок, чынын айтканда мен программаңызды окуп, структураңызды көрүп, эч кандай өзгөрүү жок экенине ынандым”, – деп билдирди кечээ, 9-ноябрда Жогорку Кеңеште өкмөттүн жаңы курамын, структурасын жана программасын талкуулоо учурунда “Өнүгүү” фракциясынын лидери Бакыт Төрөбаев.

“Мамлекет өз жарандарынын ден соолугун сактайм, чыңдайм деп кепилдик берет. Мына, 2010-жылдары Кыргызстанга жылына 5 миллиард сомдук дары-дармек кирип турчу. 2015-жылы 13 миллиард сомго кирип атат. Мына, 5 жылдын ичинде биз дары-дармекти 7 миллиард сомго көп ичип-жеп калдык. Бул биздин жашообуз дары-дармек менен болуп калды дегендик. Өкмөттө элдин ден соолугун жакшыртуу боюнча кандай программа бар? Эч кандай программа жок”, – деди Бакыт төрөбаев.

of the page up there ^

#23 Piligrim 10 November 2016 - 09:52

Карапайым

Кыймылы жок
191
13 August 12
: 15 Aug 2018 00:59
Жынысы:Эркек
Калаасы:Кыргызстан

Канат Исаев, ЖК депутаты: “Алмаз Атамбаев конституцияны одоно бузуп жатат, мыйзам алдында жооп бериши керек. Кыргызстанга 1937-жыл кайра келди”

“Конституциянын гаранты президент деп айтабыз. Кантип президент гарант болот, өзү конституцияны бузуп жатса? Конституциянын 63-беренесинин 3-пунктунда так жазылып турат “Президент өз ыйгарым укуктарын жүзөгө ашырган мезгилде өзүнүн саясый партияга мүчөлүгүн токтото турат жана саясый партиялардын иштерине байланыштуу кандай гана болбосун аракеттерди токтотот” деп. Биздин президент конституциянын бул беренесин аткарып келатабы? – деп билдирди бүгүн, 9-ноябрда Жогорку Кеңештин кезектеги отурумунда депутат Канат Исаев.

“Албетте жок! Эгерде президент партиядан сырткары болсо президенттик аппараттын жетекчиси Фарид Ниязов СДПКнын саясый кеңешине мүчө болот беле? Президенттин аппарат жетекчисинин орун басары Сапар Исаков СДПКнын саясый кеңешине мүчө болот беле? Эгерде президент баардык партияларга бирдей калыс мамиле кыла турган болсо эки кеңешчиси, Калык Султанов менен Икрам Илмиянов СДПКнын саясый кеңешине мүчө болот беле? Икрам буга чейин президенттик аппараттын жетекчисинин орун басары да болуп иштеп келген. 2010-жылдан бүгүнкү күнгө чейин президенттин аппаратында ар кайсы мезгилде иштегендердин фамилиясын атап кетсем: Жээнбеков Сооронбай Шарипович, президенттин аппарат жетекчисинин орун басары, Кулматов Кубанычбек Кеңешович, президенттин кеңешчичи, Ирсалиев Дүйшөн президенттин аппаратынын жетекчисинин орун басары, Албек Ибраимов, президенттин аппаратынын жетекчисинин орун басары… мына ушундай 18 киши СДПКнын жетекчилигинде олтурушат. Соттордо чечимди судьялар кабыл албай Атамбаевге жакын 2 киши гана кабыл алып калды. Кыргызстанда 1937-жыл кайра орноду. Уюшкан кылмыштуу топтордун өкүлдөрүн да СДПК кылып алдыңар. Экономикабыз гүлдөп жатат дейсиңер, бирок статистиканы карайлы, 2000-жылы Кыргызстандын ИДПсы Тажиксатандын ИДПсына караганда эки эсе көп экен. Бүгүн карасак, Кыргызстандын бюджети 1,8 миллиард доллар болсо 8 жыл жарандык согуш болгон Тажикстандын бюджети 2,3 миллиард долларга жеткен. Тажикстандан калып жатабыз, эмне себеп? Анткени биз укуктук мамлекет кура албай жатабыз. Соттор адилеттүү чечимдерди чыгарбай жатат. Мындай акыбалда Кыргызстанга эч кандай инвестор келбейт”, – деди Канат Исаев.

of the page up there ^

#24 Piligrim 10 November 2016 - 09:54

Карапайым

Кыймылы жок
191
13 August 12
: 15 Aug 2018 00:59
Жынысы:Эркек
Калаасы:Кыргызстан

Мыктыбек Абдылдаев, ЖК депутаты: “Жаңы өкмөттүн жаңы программасы деп алып келгениңер мурунку өкмөттүн 2013-жылдагы программасын референтке эле көчүртүп алып келипсиңер, уят!”

– Сооронбай Шарипович, жаңы өкмөттүн жаңы программасын чындыгында кимиңер даярдап, кимиңер окуп келдиңер? – деп сурады бүгүн, 9-ноябрда Жогорку Кеңештин “Бир бол” фракциясынын депутаты Мыктыбек Абдылдаев жаңы өкмөттүн программасын талкуулоо учурунда.

– Бул программаны мына мен, министерство менен ведомстволор, аппараттын өкүлдөрү чоогу жасаганбыз, – деп жооп берди Сооронбай Жээнбеков.

– Чындыкты айтыш керек болуп жатат. Мен өкмөттүн 2013-жылдын апрелиндеги программасы менен быйыл 2016-жылдын апрелиндеги жана 8-ноябрдагы программасын атайын салыштырып чыктым, коёндой окшош экен. Бул кандай болуп калды? Же мурунку эле программаны алып келдиңерби? Толук окшош текст? – деди Мыктыбек Абдылдаев.

– Эми окусаңыз… Биз мурунку өкмөттүн да программасынын жакшы жактарын алалы дедик да… Алымча-кошумча кылып алып келдик да… Окусаңыз жакшы программа, муну ишке ашырсак жакшы болот эле..

– Кошконуңар бир эле – МВДнын академиясын Укук коргоо органдарынын академиясы кылабыз дегенди кошупсуңар. Башка эч нерсе жок, мен салыштырдым да толук текстти. Буга аппаратыңызда иштегендер жооп бериш керек Сооронбай Шарипович. Өкмөттүн бир да мүчөсү аралашпаганы көрүнүп калды. Муну бир эле референт көчүрүп коюптур. Уят болот го, – деди Мыктыбек Абдылдаев.

of the page up there ^

#25 Piligrim 10 November 2016 - 09:57

Карапайым

Кыймылы жок
191
13 August 12
: 15 Aug 2018 00:59
Жынысы:Эркек
Калаасы:Кыргызстан

ИИМ министрлигине талапкер Улан Исраилов КСДПчы депутат Жанар Акаевдин милицияда кандай реформа жасайсыз деген суроосуна так жооп бере албады

– Менин суроом Ички иштер министри кызматына талапкер Улан Исраиловго, сиз МВДны реформа кылууга министр болуп баратасыз. Грузияда милиция органдары кандай реформа болгонун билесиз. Эски милициянын баары кызматтан айдалды, коррупцияга аралашпаган жаңы кызматкелер кабыл алынды, айлыгы 1000 доллардан болду. Мыкты машиналар “Шкода” же “Пассат” берилип, милиция чыкыйып калды. Эл колдоп берди. Милицияда реформа жасаш үчүн биринчиден саясый эрк керек. Экинчиден каражат керек болот. Сиз кандай кылып реформаны баштайын деп жатасыз? – деп сурады КСДПчы депутат Жанар Акаев бүгүн, 9-ноябрда парламентте өкмөттүн жаңы курамын талкуулоо учурунда.

– Негизи ой-максат милициянын аброюн көтөрүү, элдин ишенимине жогорулатуу, анан жанагы айтылган реформаны биринчиден, ушул, мындай, азыркы күндөгү заманга жараша кылыш керек деп ойлойм да негизичи.., – деп жооп берди мукактанган Улан Исраилов.

– Сиз Кыргызстанда криминал боюнча оюңуз, бааңыз кандай? Кыргызстанда мурдагыдай, канкор Бакиевдин учурундагыдай ишкерлердин акчасын талашкан, ошону менен байыган кылмыштуу авторитеттер барбы же жокпу? Алар менен кантип күрөшөсүз? – деп сурады Жанар Акаев.

– Бар, сөзсүз бар. Ошон үчүн биринчи талап ушундайлар менен күрөшүү максаттабыз да, – деди министрликке талапкер.

– Жогоруда депутаттар айткандай, жанагыдай саясый буйруктарды аткаруу менен эмес… Бизде жетекчилер азыр көпчүлүк энергиясын бирөөлөрдү каралоого жумшап жатышат да. Андан көрө ошол энергиясын өлкөнү өзгөрткөнгө жумшаш керек. Элдин турмушун жакшыртууга жумшаш керек ал энергияны. Бирөөнү каралоого, бирөөнү камоого ашыкпай, элге жакшы шарттарды түзүп берүүнү ойлонушубуз керек, – деди депутат Жанар Акаев.

of the page up there ^

#26 Piligrim 10 November 2016 - 09:59

Карапайым

Кыймылы жок
191
13 August 12
: 15 Aug 2018 00:59
Жынысы:Эркек
Калаасы:Кыргызстан

ИИМ министрине КСДПдан талапкер Улан Исраилов башкы атамекенчи Өмүрбек Текебаевдин элементардык суроолорунун бирөөсүнө да жооп бере албады

“Атамбаев “укук коргоо тармагы терең кризисте, реформа жүрбөй жатат, 2010-жылдан бери 8 Ички иштер министри алмашты, баары эч нерсе жасай албады” деди. Мына азыр Атамбаев ишенген Улан Исраилов деген министр шайланганы келип олтурат. Бирок, депутаттардын суроолоруна жооп бере албай, анын ордуна премьер-министр жооп берип жатат. Алар татаал суроолор болсо мен жеңил эле суроолорду берейин,” – деди бүгүн, 9-ноябрда Жогорку Кеңеште өкмөттүн жаңы курамын талкуулоо учурунда “Ата-Мекен” фракциясынын лидери Өмүрбек Текебаев.

– Улан Жумабекович, Кыргызстанда административдик ведомство деген түшүнүк бар, бизде канча түрү бар ошонун? – деп сурады Өмүрбек Текебаев, жооп алалбагандан кийин суроосун кайра кайталады, – Административдик ведомствонун канча түрү бар Кыргызстанда? Ички иштер министри болуп шайланганы турасыз, айтыңыз!

– .., – министрден үн чыкпады.

– Жооп жок, 4 түрү бар, – деди Текебаев, – Сиз өкмөткө мүчө болуп кетип жатасыз, өкмөттүн канча мүчөсү бар?

– .., – министрликке талапкер суроону жоопсуз калтырды.

– Жооп жок, өкмөттүн 22 мүчөсү бар, сиз 22-си болосуз, – деп Текебаев өзү жооп берди, – Өкмөттө канча министерство бар, айта аласызбы?

– .., министрликке талапкер үн ката албады.

– Жооп жок, канча министерство бар айтпайсызбы? Жооп жок! Сооронбай Шарипович, муну сиз колунан жетелеп жүрүп иштетесизби? Андан ары, Улан Жумабекович, министр болуп келип калсаңыз, Атамбаев ички иштер министрлигинде кризис деди, кризистин 3 себебин айтып бериңизчи? Атамбаев сизди ошол кризисти чечесин деп дайындап жөнөтсө керек. Ошол кризистин 3 себебин айтыңызчы?

– …, – бул суроо да Исраилов тарабынан жоопсуз калды.

– Биринчи Текебаевди камайсың! деп жөнөтүп жатат, билбейсиң, – деди Өмүрбек Текебаев, – мына, эми реформа жасайм деп жатасыз, реформа жүргүзсөңүз анда 4 артыкчылыктуу максатыңызды айтыңыз? – деп такыды башкы атамекенчи.

– Жооп жок, мына, ИИМдин 9-министри! Болду сиз менен баары түшүнүктүү болду, – деди Текебаев.

of the page up there ^

#27 Piligrim 10 November 2016 - 10:03

Карапайым

Кыймылы жок
191
13 August 12
: 15 Aug 2018 00:59
Жынысы:Эркек
Калаасы:Кыргызстан

Атамбаевдин мурдагы жан сакчысы, азыр КСДПдан ИИМ министрлигине сунушталган Улан Исраилов Кыргызстанда канча райондук, шаардык милиция бөлүмү бар экенин билбей койду

9 -ноябрда КР Жогорку Кеңеши өзүнүн кезектеги отурумунда КСДП, “Кыргызстан” жана “Бир бол” фракциялары түзгөн башкаруучу коалиция сунуштаган өкмөттүн составын талкуулады. Анда “Өнүгүү” фракциясынын депутаты Зиядин Жамалдинов КР Ички иштер министри кызматына КСДП фракциясы тарабынан сунушталган Атамбаевдин мурдагы жан сакчысы Улан Исраиловго бир эле суроо берди.

– Кыргызстанда канча РОВД жана ГОВД бар? – деп сурады депутат Зиядин Жамалдинов.

– Шаарда 4 РОВД бар…., – деп мукактанды Улан Исраилов.

– Кыргызстанда канча РОВД жана ГОВД бар деп сурап жатам? – деп такыды Жамалдинов.

– Мен тактап, анан айтайынчы.., – деп жооп берди Ички иштер министрлигине КСДПдан талапкер Улан Исраилов.

– Билбейсиз. Кыргызстанда канча РОВД бар экенин билбейсиз…, – деп уяткарды Зиядин Жамалдинов.

of the page up there ^

#28 Piligrim 27 November 2016 - 10:09

Карапайым

Кыймылы жок
191
13 August 12
: 15 Aug 2018 00:59
Жынысы:Эркек
Калаасы:Кыргызстан

Асылбек Жээнбеков СДПКнын кемеси чөгө баштаганынан улам тымызын Текебаев тараптан жылуу-жумшак жай издей баштаптыр

Асылбек Жээнбеков кайда? Көрүнбөйт го ыя? Карааныңдан кагылайын кайдасың деп издей турган болуп калдык да. Спикерликтен түшкөндөн кийин ага Атамбаевдин кереги жок болуп калганбы же таарынтканбы? Бир ооз ачып сүйлөп койбойт го чиркин. Агасы Сооронбайдын согу чыгып бүттү. Асылбек болсо спикерликтен түшкөндөн кийин бакандай болгон үч бөлмөнү ээлеп алып отурат. Парламентте көтөргөн бир маселеси жок. Максаты эмне? Деги эле анын Атамбаевдин саясатына көз карашы кандай? Бизге түшкөн маалыматтарга Караганда, Асылбек мырза СДПКнын кемеси чөгө баштаганынан улам жылуу-жумшак жай издей баштаптыр. Тымызын Текебаев тарапка өтүп кетсем дегенде эки көзү терт дейт. Анан калса Конституциянын өзгөртүлүшүнө да каршы экен. Сооронбай агасы да илең-салаң болуп, мойнунан байлаган иттей болуп араң жүргөнүн айтыптыр бир тууганына…

of the page up there ^

#29 Piligrim 27 November 2016 - 10:12

Карапайым

Кыймылы жок
191
13 August 12
: 15 Aug 2018 00:59
Жынысы:Эркек
Калаасы:Кыргызстан

Азимбек Бекназаров: “Туалеттин эшигин күч менен ачтырдым, Атамбаев унитазда олтуруп уктап калыптыр. Өзүн билбейт. Илмияновдор көтөрүп чыгышты”

2010- жылдагы эл менен жолугушууда.

Эл менен жолугушууларды Жалал-Абад областынан баштоону чечтик… Кечинде Жалал-Абадга келдик. Жусуп Жээнбеков менчик мейманканадан орун алып койгон экен. Ошол жерге токтодук.

Эртеси биздин жолугушуубуз Базар-Коргондун «Акман» айылында саат 10до эле. Мен Атамбаевдин балдарына болгула, чыккыла, кеттик, – дедим. Бир аз убакыт өтпөй Болот Сүйүмбаев (Атамбаевдин жансакчы башчысы, ишенген адамы) мага келип: «Байке туалетке кирип чыкпай жатат, көп болду, ичинен жаап алыптыр» – деди. Мен барып такылдатып, чык десем үн жок. Бөлмөсүнө кирсем столдун үстүндө «Путинка» деген арактын эки бош бөтөлкөсү турат. Болоттон, бул эмне?- десем: «Түндө Жээнбеков экөө ичкен» – деди. Дагы такылдатып, үн чыкпагандан кийин, арга кетип эшикти күч менен ачтырдым. Ал унитазда олтуруп уктап калыптыр. Өзүн билбейт. Жардамчылары, Илмиянов, дагы башкалар көтөрүп чыгышты. Мен бул соо эмес ко, арак менен кошо уулантып салган эмеспи, силер эмнени карап жүрдүңөр,- деп анын жардамчы, жан сакчы, врачтарына кыйкырдым. Ал ар: «Жок ууланган эмес, көбүрөөк ичип алыптыр, байке бизди угат беле, кечинде өзүңүз көрдүңүз го» – дешти. Мен аларга эгер мас болсо тезинен соолуктургула, жолугушуу эмне болот,- дедим.

Илмияновго: — Кеттик, башка жерден соолугат, алып чыккыла, бирок мунун абалын эч ким көрбөсүн, – дедим. Өзүм эшикке чыгып Жээнбековду издесем, жок. Оюма ар нерсе кетти. Эгерде Ж.Жээнбеков экөө арак ичип мас болду дейин десем, Жээнбеков сыртта өзү басып жүрөт. Бирөөлөр уулантып койгон жокпу деген ой башымда айланып туруп алды. Алмаздын мындай абалда, өзүн билбей калганын мурда көргөн эмесмин. Эми жолугушуу эмне болот? Бул абалында элге кантип барат деп, тынчым кетип турганда аны тигилер көтөрүп чыгышып, машинага салышты. Аларга менин артыман айдагыла деп, Базар-Коргондогу суу сактагычтын жээгине келдик. Чыдабай врачынан: – Сообу,- деп сурадым. Ал: «Өтө көп ичип алган» – деди. – Соолуктур, укол бер, элге барышыбыз керек, – десем: «Жок, баралбайт, эми көпкө өзүнө келбейт» – деди. Мен Алмазга келип: – Эй досум, кандай акывал? – десем, «Жакшы, жакшы, не дождетесь»- деп бир нерселерди булдуруктады.

Убакыт саат ондон өтүп баратат. Болотко: – Силер ушул жерде калгыла, муну соолуктургула, иши кылып эртеңки жолугушууга даяр болсун, бүгүнкү жолугушууну эптеп бүтүрөмүн,- деп Акманга кеттим. Жолдо ар шылтоону издедим. Кечигип жатат дейин десем, биздин кечээ эле келгенибизди эл билет эле. Акыры ооруп калып, врачтар карап жатат, келалбайт дегенге токтодум. Эл менен жолугушуп ошентип айттым. Ошол учурда артыман Атамбаевдин машинасы келип калды. Мен телефондон: – Эмне келдиңер, – деп Болотко чалсам: «Байке болбой коюп, айдатып келди» – деди. Анда эл билбесин тегеректеп курчап алып келгиле, эл шек албасын, – дедим.

Мен элге: – Мына ооруп, сүйлөөгө дарамети болбосо да, силерди сыйлап келиптир, – дедим. Эл ага да макул болду. Ошол учурда Д.Садырбаевдин эжеси трибунага чыгып: «Атайын биздин элге, жерге келсе, жок дегенде кыргыздын салтын кылып калпак менен чепкен кийгизип коёюн»- деп, кой дегенге болбой, өзүм кийгизем деп, артта далдаада турган Атамбаевге кийгизди. Ошол учурда ал эжеге, элге рахмат айтам деп, балдардын колунан суурулуп чыгып микрофонго өтүп кетти… Анан сүйлөдү дейсиң… Бийликтин агенттери сүрөткө, видеого тартып алганга жетишти. Мен балдарга, артка алгыла деп, аны көп сүйлөтпөй микрофонду алганга аракет жасадым. Бирок бийликке эптеп кичине сүрөткө тартып алса жетиштүү эле. Жарым саат өтпөй туш тараптан: «Атамбаев мас болуп жүрөт дейт, чынбы?» – деген суроолор жаай баштады. Мен элге айткан сөзүмдү бардык сурагандарга айтып, мүмкүн уулантып же окутуп коюшу мүмкүн дегенди коштум. Чындыгында эле, мен ал бир гана арак ичип мас болгон эмес, кандайдыр бир жол, же нерсе менен ууланган болуш керек деген ойдо элем. Жыйындан кийин бара турган жер жок, Жалал-Абадга кире бергендеги атактуу мантыханалардын бир бөлмөсүн алып, эч кимди киргизбей аны эсине келтирүүгө аракет жасадык.

Атамбаев ошол жерде менин колумду бекем кармап, балдары, неберелери, өзгөчө кызы жөнүндө айтып: «Алар эмне болот, карап жүр досум, мен өлөт окшойм, мен өлсөм саясий күрөштү уланткыла, менин мураскорум Бакыт Бешимов болсун, өзүң күрөштүн башында тур»- деп мураскору жөнүндө да айтып жиберди. Врачы болсо: «Бишкекке алып барып канын тазалоо керек» – деди. Бул абалда кантип Бишкекке алып кетесиңер, оболу аз да болсо өзүнө келсин, – дедим. Атамбаевдин Сузактагы кудасы эске түшүп, күйөө баласы биз менен жүрөт эле, үйүңөр кайда, – десем, Жалал-Абаддын четинде деди. Үйүңөргө баралы, ал жерде эс алсын, бул коомдук жерде көпкө калганга болбойт, – десем, атасы Бакиевдерден коркуп жатканын айтты. Ал атасы менен сүйлөшөйүн деп чыгып кетип, кайра келип макул болду. Кечке жуук биз ал куданын үйүнө бардык.

Мен Ошко С.Жээнбековго телефон чалып, болгон окуяны түшүндүрдүм. Молдолоруң болсо ала кел, Атамбаевге дем салдырып да көрүш керек, – дедим. Атамбаев таңга маал өзүнө келди. Өзү туруп эшикке чыгып келди. Мен ага: – Аз жерден Бишкекке жөнөтүп жиберейин дедим, бир нерсе болсоң дооңо каламынбы деп, деги соосуңбу досум, – деп тамашаладым. Чынында эле ага аябай боорум ооруп, аяп тургам. Кийин ал менин ушул сөзүмдү кичине бурмалап, «көзүмдү ачсам Азике досум, муну Бишкекке алып кеткиле, доого калбайлы – деп жаткан экен»- деп интервью берип жүрдү. КТР, ЖТРден бийлик Акманда тартып алууга жетишкен сүрөттү күнү-түнү көрсөтүп жатып калды. Атайын дискке жаздырып, айылдарга таркатышты. Азыр да айрым интернет сайттарга чыгарып жүрүшөт. Ушул күнгө чейин бул факты боюнча мындай майда-чүйдөсүнө чейин айтпаган элем, биринчи жолу жазып жатам. Эл чындыкты билүүсү керек. Айрымдар айткандай, «Атамбаев Жээнбеков экөө кечинде мейманканада бирге болуп, сөгүшүп, ичимдик ичиши мүмкүн, эртеси «невменяемый» абалында эл менен жолугушууга келгени да чындык…

of the page up there ^

#30 Revolyutsiya 27 January 2017 - 11:45

Карапайым

Кыймылы жок
209
10 April 14
: 07 Sep 2019 20:47
Жынысы:Эркек

Эгемендик жылдарында, айрыкча менчиктештируу деп завод-фабрика, мал сарайлардан бери менчиктештирилип талкаланып жатканда мамлекеттик маанилуу иефпаструктуралар: оорукана, бала-бакча, маданият уйлору ж.б.жеке менчикке отуп кеткен. Ошолорду уялбай этпей арзыбаган акчага же ыгын таап бекерге менчиктеп алгандар баягы эле шылуун байлар да. Карапайым эл ал убакта да кунумдук турмуш арабасын аран тартып жургон.

Ошол маданият уйлорунун бири, Бишкекте Лев Толстой кочосунун боюндагы, илгери Ленин заводуна караштуу болгон маданият уйун кайсы бир диний секта менчиктештирип алган экен. Туголбай Казаков агабыз баш болгон айрым маданият ишмерлеринин аны мамлекетке кайтарып алуу учун болгон аракеттеринен майнап чыкпаптыр. Биздин сатылма алкымы чон соттор акча таштаган тараптын пайдасына чечип маданият уйу дагы эле сектанын колунда кала бериптир... Бизге жеткен статистика боюнча 1604 бала бакча, коптогон оорукана, маданият уйлору, китепкана ж.б.жеке менчикке отуп кеткен. Мисалы ошол 1604 бала бакчанын жуздон ашыгы гана мыйзамсыз менчиктештирилип, калганы мыйзамдуу менчиктештирилген имиш!!! Негизи оорукана, бала бакчалар дегеле менчиктештирилуусу берилуусу туура эмес, анан бул бийликте отургандар дооруй берет окшойт го. Анан да ошол жуздон ашык бала бакчанын да болгону алтымыштан ашыгы мамлекетке кайтып калганы соттук териштируулордо ж.б.экен. Кыскасы угуп туруп кыжырын гана келет да. Олко боюнча бала бакчалар жетишпей айрым айылдарда элди ойлогон саналуу демоорчулор жашаган уйун бала бакча кылуу учун берип жатат. Ал эми мамлекет бар турган бала бакчаларды элге кайтарууга шашпайт.

Баарынан кызыгы булар боюнча маалымат берууго келген Окмот мучолорун СДПКчы Карамат Орозова деген бири такалап отурат: "менчик деген ыйык нерсе, менчиктин кол тийбестиги сакталышы керек." деп!!! Биринчиден Жогорку Кенешке депутат болгон бул айымдын бетине тукуро турган экен го, Жогорку Кенеште мындайлар бироо-экоо дейин десен баары эле чекеден ушундай "акылдуулар" . Булар биз сайрап келгендей эле элге кызмат кылуу учун эмес, оз бизнестери менен менчиктерин коргоо учун бийликке келишкен миллиондорду сапырып добуш сатып алып... Ошол менчиктегтирилген бала бакча, орруканалар Карамат Орозованын озундо же жакындарында болсо керек да. Бул менчик мыйзам бузуулар менен жеткен менчик экенин, б.а. оорукана, бала бакчаларды менчиктештируу мыйзамсыз экенин билбейби?! ! Анан да буларды тиги килейген маданият уйун 2 миллион сомго менчиктештиришсе, бала бакчалар 50-100 мин сомдон, болбосо ыгын таап бекерге да менчиктештирип алышкан. Эми минтип мыйзамсыз менчиктерин коргоп "менчик ыйык" деп Окмотту демитип жатат. Колдон келсе камчы менен баштан ары сабай берсе кана ошого окшогондорду. Айыл окмотто да иштоого жондомсуздор Жогорку Кенеште отуруп ириген-чириген кептерин айтса ачуун келет экен да.

Эгер татыктуу олко башчысы болгондо сатылма сотторсуз эле, бир токтом менен ошол бир убактар мыйзамсыз жеке менчикке отуп кеткен бала бакча, оорукана, маданият уйу ж.б. баарын мамлекетке кайтарып эл учун пайдалуу иш кылмак...