[Shaly2017]

Мен издеген ырды эч таба албадым

[mirbek99]

kantoro (20 Июль 2013 - 02:29) жазган:

Салам достор.
Мен бир ырдын атын эч таппай койдум. Обонун билем, бирок сөздөрү эсимде жок.
Адашпасам, Кайрат Примбердиев бирде Ысык-Көл фестивалында ырдап чыккан.
Вокал жактан аябай эле оор ыр. Сары-ой ырына окшоп кетет.

на-на-на-на бир гана на-на-на о-о-о-о-о-ой , на-на-на-на
на-на-на-на-на- на и-и-и-и-й на-на-на-на.

Кечиресиңер, бирок колумдан келишинче аракет кылдым түшүнуктүү жазганы.
Жардам бере алсаңар аябай кубанып калат элем.

Алдын ала ыракмат .

Издейм сени ,Ырысбай Абдыкадыров нанан дегенинден билдим

[uul]

Саламатсыздарбы? сай сагызган сайда кен, саналаш жарым кайда экен деген ырдын тесттин билгендер бары суранам таппай жатам болсо жазып коесуздарбы? рахмат.

[suranam]

Айбек Карымовдун Дил кайрык деген ырын таап бергилечи ?Сураныч

[Nomad-kyrgyz]

suranam (18 Июль 2017 - 07:57) жазган:

Айбек Карымовдун Дил кайрык деген ырын таап бергилечи ?Сураныч

Созу Н. Жакыповдуку
Обону А.Карымовдуку

Сага арнап жакшы ыр жазгым келип журот,
Санаага, сагынычка батып журок.
Жузумдой молтурогон жароокерим,
Жузого ашаар бекен аруу тилек!?

Толкуса конулунуз мени самап,
Тор жайган балыкчыдай колду карап.
Токтоосуз чалынсам дейм торунузга,
Мен болуп сиз энсеген алтын чабак.

Омурдун отчу кези откон кезде,
Откурлук оз айлымдан кочкон кезде.
Озокко чок таштадын, очпой турган,
Орукзар гулун кубуп токкон кезде.

Армандын ачуу даамын ким татпаган,
Ашыктык алоосуна ким батпаган.
Айыкпас оору болду таппай журуп,
Сиз берген жылуулукту мен башкадан.

Арбалып ай жузуно алда качан,
Айрылбай элесинден турсам бассам.
Тушалган туткун болдум бир озуно,
Ай перим чыгарып ал боор оорусан.

Жоодурай карап коюп бирибизге,
Жол таппай журуптурбуз дилибизде.
Ак суйуу нурун чачты мына бугун,
Жашыбыз тоскоол болбойт эми бизге.

[Shaa-82]

uul (13 Июль 2017 - 10:46) жазган:

Саламатсыздарбы? сай сагызган сайда кен, саналаш жарым кайда экен деген ырдын тесттин билгендер бары суранам таппай жатам болсо жазып коесуздарбы? рахмат.

Сай сагызган ээй сайдакен,
Санаалаш жылкы жайда экен.
Сагынсам козго корунбос
Иий санаалаш курбум кайда экен?
ушундай беле же адашып кеттимби мурда ырдачумун комузда азыр коп ырлар эсимден чыгып кетти. Ала-Тоо таншыйт деген китепте баары бар ошону издеп коруш керек менда таппай журом ошол китепти.

Билдирүүнү түзөткөн: Shaa-82: 11 Август 2017 - 17:15

[realmadrit95a]

Сулууларды көчөлөрдөн көп көрөм, Суктанамын, көз электен өткөрөм. Жылмаңдаймын баарысына тийишип, Жыйырмамда мен мынчалык көппөгөм. Шектенбесин көрүп-билген жакындар, Шериктешим, менде да бар асыл жар. Сууруп алам чечекейиң десең да, Сулууларга суктанууга акым бар. Олоң чачты көчөлөрдөн көп көрөм, Толкуп-ташып ошол замат өзгөрөм. Оолукканды сурабагын, айтпагын, Отуз жашта мен мынчалык көппөгөм. Шектенбесин көрүп-билген жакындар, Шериктешим, үйүмдө бар асыл жар. Сууруп алам чечекейиң десең да, Сулууларга суктанууга акым бар. Кыркма чачты көчөлөрдөн көп көрөм, Кызыгамын, күйүп-жанып өрттөнөм. Кыялымда жанашамын бир басып, Жаш кезимде мен мынчалык көппөгөм. Шектенбесин көрүп-билген жакындар, Шериктешим, үйүмдө бар асыл жар. Сууруп алам чечекейиң десең да, Сулууларга суктанууга акым бар.

[realmadrit95a]

Сөз,обону:Кубаныч Ажыбаев

Сулууларды көчөлөрдөн көп көрөм, Суктанамын, көз электен өткөрөм. Жылмаңдаймын баарысына тийишип, Жыйырмамда мен мынчалык көппөгөм. Шектенбесин көрүп-билген жакындар, Шериктешим, менде да бар асыл жар. Сууруп алам чечекейиң десең да, Сулууларга суктанууга акым бар. Олоң чачты көчөлөрдөн көп көрөм, Толкуп-ташып ошол замат өзгөрөм. Оолукканды сурабагын, айтпагын, Отуз жашта мен мынчалык көппөгөм.
Шектенбесин көрүп-билген жакындар, Шериктешим, үйүмдө бар асыл жар. Сууруп алам чечекейиң десең да, Сулууларга суктанууга акым бар. Кыркма чачты көчөлөрдөн көп көрөм, Кызыгамын, күйүп-жанып өрттөнөм.
Кыялымда жанашамын бир басып, Жаш кезимде мен мынчалык көппөгөм. Шектенбесин көрүп-билген жакындар, Шериктешим, үйүмдө бар асыл жар. Сууруп алам чечекейиң десең да, Сулууларга суктанууга акым бар.

[Kanat.kg]

Булут жалган булут баскан тоо жалган,
Жалган, жалган ушул аалам бүт жалган
Ушул ырдын тексттин таап бериниздерчи!

Билдирүүнү түзөткөн: Kanat.kg: 06 Октябрь 2017 - 22:28

[pupsik98p]

Бек Борбиевдин ыры барлего ало ало дегенби

[Istina1000]

Кол тубундогу айыл

Аткаруучу; А. Керимбаев

Көл түбүндө эл жашаган жер калып,
Көркү анын унутулбас ырдалып.
Көп издээрбиз балалыктын элесин,
Көп кыз-жигит көл үстүндө ыргалып
Ээээээй, көк кайыкчан көл үстүндө ыргалып.

Кылаасынан сансыз жылдыз жаркырар,
Кыялымда кылым күүсү тартылат.
Тоолук жаштар, кайыгыңды токтотуп,
Токтогулдун ырларынан калпып ал,
Тоолук элдин күүлөрүнөн калпып ал.

Толкуп-ташкан чоң Нарын да буулду,
Кетенчиктеп кайра артка бурулду.
Токчулукка суусун болгон деңиздин,
Толкун күүсү тоодон ашып угулду, бүткүл элге угулду.

[Istina1000]

Түнкү ыр"

Сөзү:Шербет Келдибекованыкы
Обону:Түгөлбай Казаковдуку

Турам тыңшап селейип үн катпастан,
Дирилдеткен кусалык добушуңду.
Чертким келди менин да ушул күүнү,
Бирок корком албаймын комузумду.

Кайырма:
Жок, жок менин уккум келет башкача үндү,
Жазгырбас жарыгына ишеничтүү.
Жок, жок менин сезгим келет дүйнөдөгү,
Сагынычтын саргайбас албуут күчүн.

Коштоор элем мукамдуу батына албайм,
Үнсүз, тилсиз кысылат эт жүрөгүм.
Кимсиң деги бейтааныш күндүр – түндүр,
Сагынычтан, кусадан алсыраган.

Кайырма:

Турам тыңшап селейип үн катпастан,
Дирилдеткен кусалык добушуңду.
Чертким келди менин да ушул күүнү,
Бирок корком албаймын комузумду.

[Istina1000]

Аткаруучу: А. Нарбаева

Андан бери жылдар алмашты,
Кара чачты бубак кар басты.
Сүрсө дагы мезгил мезгилди,
Эстен кетпейт сүйүүм алгачкы.

Күн чартылдап, булут түнөрүп,
Үнсүз турдук сөздөр түгөнүп.
Терс бурулдум көздөн жаш ыргып,
Дегениңде "кош бол, түбөлүк".

Жаштык оргуп нурлуу жүзүңдөн,
Эрдиң таттуу ширин жүзүмдөн.
Аралыктын баарын багынтып,
Ар күн сайын көрөм түшүмдөн.

Самайм бирге жүргөн күнүмдү,
Уксам деймин назик үнүңдү.
Сууйт колуң сурайм сунбагын,
Эми мага кызыл гүлүңдү.

[Istina1000]

Бульварым. (Авторлорун билбейм)

Толгон өмүр жазы болуп турганың,
Толкундаткан жүрөк оту жыргалым.
Бишкегиме күндө жаңы көрк кошуп,
Гүл жыттанып, сүйкүмдөнөт бульварым.

Обонумдун күүсүн арнап ырдагын,
Ойлоруңдун гүлүн терип ыйгардым.
Жайы-кышы шайырланып, кулпунуп,
Жаштык кечтин салтанаты бульварым.

Сөөлөтүңдөн сага теңдеш таппадым,
Саймаланган жашыл ыраң жаш шаарым.
Сергектентип кары - жашка дем берген,
Сүйүү толгон сулуу көчөм бульварым.
Сансыз өмүр ырахатка бөлөнгөн,
Сыймык толгон сулуу аллей бульварым.

[Istina1000]

Артыковдун ырларын суйуп угам. Андыктан, авторлору ким экенин билбейм. Тапканыма суйунуп эле жаза калам

Балалыкка кайрылуу

Ак боз үйлөр жипке тизген шурудай,
Жашыл төрдүн ээлеп оюн- жылгасын.
Ак чуудалуу булут көчүп аскадан,
Тоо мемиреп тыңшап үнүн улардын.
Шүүдүрүмдү аралай чаап жүгүрүп,
Жашыл төрдө кулун, тайдай туйлаган,
Балалыкка күчөйт эңсөөм, кумарым.

Айлуу түндө сүтак сайрап маңдайда,
Акак таштуу булак ыры жаңырган.
Ак чөлмөктүн кызыгына берилип,
Жайдын жумшак буурул таңын атырган.
Чоң энемдин тыңшап сыйкыр жомогун,
Кыялдардын дүйнөсүнө тартылган,
Балалыкка күчөйт эңсөөм, кумарым.

Кашка-Суунун ак чабагын үркүтүп,
Жорго минип жол учугун улаган.
Ат жалында шамал менен жарышып,
Тоолуктардын мукам ырын ырдаган.
Өмүрүмдүн гүл азыгын, башатын,
Айта берип түгөтө албас эч качан,
Балалыкка, күчөйт эңсөөм, кумарым.

[Istina1000]

Аткаруучу: Кутман Жолдошев
Тексттин жана обондун автору: Арзыбек Бедияров

Өмүрдө өкүнүү бар, кубануу бар,
Өмүрдө бүтүү бар да, улануу бар.
Үзүлгөн жолду кайра жалгайлычы,
Өзүңдөн суусап күткөн сурануу бар.

Таарынба, ташта баарын, ташта баарын,
Эңсеткен сагынычтан башкаларын.
Желектей желбиретип жоолугуңду
Жолукчу, жоодураган акмаралым.

Алоолоп жүрөгүмдө жанган жалын,
Ак куу ким, сен ким, көлдө айыра албадым.
Сагынчым сабадагы саамал болду,
Таркатчы, жадыраган жайдарманым.

[Istina1000]

Аткаруучу; А. Керимбаев. (Копчулуктун журогунон орун алган, эн жеткиликтуу аткарылган жана обон жазылган ыр)

Булуттар

Кайчы откон тагдыр менен жолго чыгып
Силерди ак булуттар жолдош кылып
Мен келип алтын кумдуу кол жээгине
Олтурам эскеруудон ичтен сызып

Сезгендей айрылаарды коркоор элем
Алтын кум сен баарына орток элен
Очошуп бизди оксуткон жанылууга
Омурдун орун коздой жалгыз келем

Кайгыны каран тунум жарык кылаар
Каралдым жашоодо коп жакшылык бар
Сен азыр эмнени ойлоп турдун экен
Айдалып баратканда баратканда ак булуттар

Кол жээги касиеттуу колдун жээги
Корбодун откорбодун эмнелерди
Адашып суйгонумдон келдим сага
Суйуумду айла кылып кайрып берчи

[altynkamikola]

достор мен ушул ырды таппай журом.сураныч ким билсе жазып койгулачы.болжолдоп жаздым.
"апамды мен кут тогулгон уй десем
атам анын кармап турган туркугу.."

[Boltbektemiroff]

Салам туугандар! Адашпасам бул ыр Бек Борбиевге таандык болушу керек толук билбейм текстин тапканы жардам бериниздерчи ?!
Кошулуп тоо ашуунун шамалына
..........
Бир гана асманда ай тан калгандай
Жылмайып кулуп койдун амалынан

[Neslihan]

Тушаган сезимге багынып, 
Тумардай жүрөккө тагынып. 
Жүзүмө күлкүңдү жашырып, 
Жүрөмүн өзүңдү сагынып. 

Өмүрдүн бактысы өзүңдө, 
Сүйүүнүн ачкычы көзүңдө. 
Берметтей алдыңа чачылып, 
Ишенгин, жаным, сен сөзүмө. 

[Кайырма] 

Периштем, жамалың жайнаган, 
Жаныңдан кете албай байланам. 
Жолугуп, жаңы эле узатсам, 
Жолуксам деп эңсеймин кайрадан. 

Жүрөктүн эңсеген себебин, 
Сурасаң мен гана билемин. 
Суусаткан сезимдин кыйноосун, 
Сүйүүмдүн күчүнөн жеңемин.