[Mumu1986]

Sweet-Lika (11 Январь 2017 - 10:50) жазган:

Сизден алдын өтүп кетсем дүйнөдөн,
Салам айтып келесизби мүрзөмө..?
Салтын кылып Кур'ан окуп багыштап,
"Кызым элең" дээр бекенсиз түйшөлө..

Эстээрсиз ээ, сиз да мени эстээрсиз..
Кантип эле мен унутта калаармын..?
Эч болбосо түшүңүзгө бир кирип,
Мерээз көзүм менен ата караармын..

Келээрсиз ээ, сиз да бир күн келээрсиз
Мейли, мүрзө-бейитиме келээрсиз.
"Кызым эле" деп өкүттүү үшкүрүп,
Кеч болсо да кабырымдан өбөөрсүз…

А мен сизге таарынчымды жаза албай,
Ошол бойдон түбөлүккө кетээрмин…

Ушул ырды эки уч сыйра окудум...
Ийгилик каалайм.

[asi.gulum]

Калемиңиз курчуй берсин Лика эже. Ырларыңыз абдан жакты.

[sensei]

Лика, барсыңбы садагасы? Жазбай калыптырсың. Сенин ырларыңды окуган өзүнчө бир керемет.

[Sweet-Lika]

-||-|| Жарты жүрөк.

Канатын керип учалбас куштай энтиккен
жан дүйнөм менин, сыгылба жүрөк кемтиктен.
Буюрбас болсо жазганы ушул тагдырдын,
Жаралбас кылып чыгарып кеттиң менчиктен..

Буюгуп турам бутумдан кетип күч кубат,
Сүйүнчүм болчу күндөрүм калды күн чубап..
Эстесем карек мөлт этип жашын төккөндөн
калбады башка аргасы, дүйнөм бүт урап..

Жылытчы мени, жылытчы апа кайдасың..?
Канатын жайып куш болуп кетти 'Жүрөгүм' …

[Sweet-Lika]

Sweet-Lika (23 Ноябрь 2013 - 23:42) жазган:

Балалыгым.

Чычкандын суусу акса ойдо-томон,
Эсиме кундор келет мурда откон.
Сагынып балалыкты ширин курак,
Тайэнем эркелетип беттен опкон...

Балалыгым балдай таттуу сонун кезим,
Азыр да барбы менде андай сезим?
Бир укмуш кыялдардын кучагында,
Коколоп алга карай учкан кезим.

Балалыгым балдай ширин сонун курак,
Оюнчук жасаар элек чийден курап.
Шамалга жетебиз деп кубалашып,
Жашынмак ойноор элек кечки убак...

Апакемчи чайырдан эрикпей,
Кеме жасайт мен учун терикпей.
Титаниктей чоктуруп ойногонум,
Розасын куткарчумун Джектей...

Эжем болуп торпокторду кайтарчу элек,
Камыштан уй кылып жай тапчу элек.
Индия киносундай бийлеп, ойноп,
Каарман болуп алардай аткарчу элек.

Балалыгым качаар элем озундон,
Азыр учат элестерин козумдон.
Алчы, берем не кааласан тагдырым,
Карыз берчи балалыктан коз ирмем!...

Ушуну улагым келди.


Жылдыздарды кыркка чейин саначу элек,
Дүрбү менен баарын бирден карачу элек.
Айдагы караан бизге кыз көрүнүп,
Аны барып куткарганды самачу элек..


Тайэнемдин "бурама конфеттери"
Эстегенде боорумдун эзилгени,
Кандай гана баео мүнөз балдар элек
"Бурумасын" чын сезип ишенгени..)


Апакемчи ачып акыл сандыгын,
Айтып берет жомоктордун бардыгын.
Бүгүнкүсү эртеңкиге окшобос,
"Кемирчү элек" жомоктордун калдыгын..


Саратанды канатынан байлаган,
Тентек элек көңүлгө кир албаган.
"Үйдү чачпай ойногула" дегенди
Унтаар элек, кулакка сөз салбаган.


А мен болсо болуп жандуу радио,
Чоң таш менин сахнам болуп калды го..!
Тоо гүлдөрдөн букет алып сүйүнгөн,
Балалыгым тарых болуп жанды го..


Чатыр жасап одеало, пледден,
Колду салып сүзмөгө билектен,
Тоо койнунда жаратылыш жана биз
Жүрөөр элек тилеп аруу тилектен.


Шаркыратма сууга барып чөмүлүп,
Күн желеси табышмактуу төгүлүп,
"Сим-сим кана откройся! "-дегенде,
Үңкүр жактан шамал келсе коркунучтуу көрүнүп..))


Бий конкурсун уюштуруп ар качан,
Эжем жеңип, мени дайым алдаган)).
Интернетсиз кызык эле убакыт,
Балалыгым оюн-күлкү жандаган.


Огорддо чөп отойбуз жарышпай,
"Тазалыгы" бир-биринен калышпай,
Отоп бүтүп арт жагыңа кылчайсаң,
Бирин-экин чеснок калган карыштай..))


Таштан-ташка улак болуп секирип,
Жүрөөр элек буттарыбыз кесилип.
Бал аарынын уясына тийишип,
Качаар элек чакса бизди элирип..


Тоо койнунда тоонун уулу биз элек,
Өйдө-төмөн турмуш сырын сезе элек.
Чуркап-чуркап чарчап же бир чаалыкпас,
Шамал бизден, биз шамалдан тез элек…


Балалыгым качаар элем өзүңдөн,
Азыр учат элестериң көзүмдөн.
Алчы, берем не кааласаң тагдырым,
Карыз берчи балалыктан көз ирмем…