[Мардук]

мен да ушул ойго кошулам,албетте ар бир кыздын "тазасы" чачтан билинет эмеспи

[Wonderfullgirl]

Менин чачым тез майланышат ошон учун кундуго жуушка туура келет , ошол жонундо кичине кенеш берип койгулачы жок дегенде 3 кунго чыдай турган.

[FarID]

Мен кыз эмесмин (түщ мааниде айтып атам. анан башкача түшүнүп жүрбөгүлө эй) Ошондуктан бул жакка көз салган акимдин шапкесин көзүмдүн кыры менен жалтактап карап жазып жаткан кербезим:

Мен чачым жуубасам бир аз кыйшайып калса деле жууй берем. Ушу көп жууган зыян эмеспи? Күнүгө го дейм..Жок, жумасына 5 күн экен. Колдонгонум - Нивеа шампуну...

[azalove]

FarID (03 July 2010 - 04:50) жазган:

Мен кыз эмесмин (түщ мааниде айтып атам. анан башкача түшүнүп жүрбөгүлө эй) Ошондуктан бул жакка көз салган акимдин шапкесин көзүмдүн кыры менен жалтактап карап жазып жаткан кербезим:

Мен чачым жуубасам бир аз кыйшайып калса деле жууй берем. Ушу көп жууган зыян эмеспи? Күнүгө го дейм..Жок, жумасына 5 күн экен. Колдонгонум - Нивеа шампуну...

Албетте чачты коп жууган зыян. Баш териси кургап кетет да, чачтын какачтан арылбай калуу коркунучу бар. Ошондуктан байкеси, кыйшык чач менен да журо бергениниз он го.

[Merischka]

menin bir dungan taanysh chon enem bar ele, oshol enenin chachyn karasan zhyltyrap zhnaa agy da kop emes bolchu. Dungandardy bilesinergo kop nerseni ajty berbejt...al ene ekoobuz abdan zhakshy maek kurchzbuz anan kop nerselerdin chetin chygyryp ajtyp kojchu kezde.
<chach zhonundo da myndaj dep ajtkan:
Oruktun achuu danegin chogultup, 1 uchtum zhetet. Chagyp danegin undaj kylyp majdalap any 2 litr suuga zhylymyk 1 saataj salyp, bashyndy shajkaardyn astynda zhuush kerek.

[aminali]

Тырмак өскөндөн кийин,кат кат болуп эмнеге бөлүнөт,менин тырмагым өсөт бирок 2ге болунуп калат.

[gulira93]

aminali (13 Май 2011 - 00:52) жазган:

Тырмак өскөндөн кийин,кат кат болуп эмнеге бөлүнөт,менин тырмагым өсөт бирок 2ге болунуп калат.

Vitamin jetishbegenden oshondoi bolot jakshy laktardy koldonsonuzda tyrmagynyz andai bolboit .

[aminali]

gulira93 (27 Май 2011 - 17:10) жазган:

Vitamin jetishbegenden oshondoi bolot jakshy laktardy koldonsonuzda tyrmagynyz andai bolboit .

Витамин дегенге кошулам,лактын түрү бар менде фирмасы да аптекадан алгандарым да,кыйын болуп бойоп туруп кургагандан кийин тиштегилеп тазалап салам ушул жаман адатыман кутула албай койдум,ишенесизби бир күндө 5-6 жолу каттап бойойм,анан тазалап салганды жакшы көрөм тырмак менен кырам же болбосо тиш менен.Жаман ойлобоңуз оорулу экен деп,адат болсо керек.

[Aydashka]

aminali (13 Май 2011 - 00:52) жазган:

Тырмак өскөндөн кийин,кат кат болуп эмнеге бөлүнөт,менин тырмагым өсөт бирок 2ге болунуп калат.

Мындай абалга алып келүүчү себептер – химиялык заттары тазалоочу каражаттар менен сууга колду өтө көп салуу, организмде темирдин, кальцийдин жана май кычкылынын жетишсиздиги. Көбүнчө тырмактардын морт болушу калкан сыяктуу бездердин көйгөйүнөн улам болот.

Кеңештер:
Химиялык заттары бар каражаттарды колдонууда колго резина мээлей кийүү керек.
Тырмактарыңызга кастор майын сүйкөп, массаж жасап туруңуз.
Тамактанууда балык, деңиз азыктарын, сүт азыктарын көп колдонуңуз.
Ошондой эле курамында кальция, темир бар витаминдерди кабыл алыңыз.

Билдирүүнү түзөткөн: Aydashka: 19 Октябрь 2011 - 01:06

[snejinka]

aminali (13 Май 2011 - 00:52) жазган:

Тырмак өскөндөн кийин,кат кат болуп эмнеге бөлүнөт,менин тырмагым өсөт бирок 2ге болунуп калат.

тырмагыныз каттуу болсун десениз лимонду ортосунан кесип туруп тырмактарынызды салып (тырмагыныздын узундугунун бары лимондо болуш керек) )))) коюп 15-20 мин.кармашыныз керек кунуно бир жолу.

[Aydashka]

Чачты таза бойдон кантип узакка сактоо керек?

Көрктүү, кулпурган чач ар бир эле адамдын көркү. Бирок ар бирибиз эле чачты узакка таза бойдон кантип сактоонун жолун биле бербейбиз. Массаждын жардамы менен ашыкча түйшүктөн арылууга болот, манжалардын жардамы менен күнүгө чачты ээринбей массаждап туруу керек, андан тышкары мүмкүнчүлүк болгон кезде чачты бат-баттан тарап туруу керек. Эскерте кетчү көрүнүш чачты суу кезинде майда тиши бар тарак менен тараганда чач жулунуп сына берет, мындай жагымсыз көрүнүштү алдын алуу үчүн чачты жуугандан кийин тиштери кесек тарак менен тарап же болбосо кургаганга чейин тарабай койсо деле болот. Чач таза болуш үчүн бат-баттан жууй берүү туура эмес.

[Aydashka]

ЧАЧ КӨП ТҮШӨ БАШТАСА...

Чычырканактын мөмөсү менен жалбырагы чач көп түшүп, таз болуу коркунучу күтүлгө н кезде колдонулат. Дегеле чач бекем болуу үчүн деле колдонсо болот.
Чычырканактын 2 аш кашык кургатылган мөмөсү менен жалбырагын идишке салып, үстүнө 2 стакан кайнаган суу куюп, 2-4 саат демдөө зарыл. Анан сүзүп алып, даяр дарыны эртең менен кечинде тамактан мурун жарым стакандан ичүү туура. Ичкенден тышкары кеч сайын чачтын түптөрү нө сүйкөө да керек.

[Aydashka]

Чачты фен менен кургатуу зыян

Көпчүлүгүбүз көп учурда бир жакка шашып же чач жасалгалоодо фендин жардамын колдонобуз. Бирок, ошол эле учурда анын пайдасынан зыяны бар экенин этибарга ала бербейбиз. Анткени, фенден чыккан ысык аба биринчиден баштын терисин кургатып күйгүзсө, экинчиден чачты тердетип майланыштырат. Ушул нерселерди эске алып жуулган суу чачты жайдын күнү да, кыштын күнү жөнөкөй эле жол менен кургаткандан өтөөрү жок. Дагы бир белгилей кетчү көрүнүш чачты суу боюнча кайра-кайра тарай берүү туура эмес, себеби суу кезинде тараганда чач үзүлүп түшө берет.

[aminali]

Чач агарып баштаса эмне кылыш керек?Картаң эмесмин жаш элемин,бирок чачым агара баштады такыр бойогум келбейт,емне кылса кайра ордуна келет?

[Aydashka]

Кургак бетке Жасалуучу элдик маскалар
1. Жылуу май маскасы
Бул өтө кургак, туурулуп кетүүчү беттерге колдонулат. Бул маскага өсүмдүк майынын кайсы түрү болбосун жарай берет. Мисалы, күнкарама майы, пахта майы, жүгөрү майы. Адегенде марлини 2-3 кабаттап алып, аны ооздун, мурундун, көздүн тушунан оюп, анан аны жакшы акталган өсүмдүк майына малат да, сыгып туруп, бетке тегиздеп жабат. 10-15 мүнөт өткөндөн кийин марлини сыйрып салып, бетти лосьон менен сүртүп коюшат.
2. Быштак маскасы
Бул бетти жакшы нымдаштырат. 1 аш кашык быштакты үбөлөп, ага бир аш кашык сүт же каймак аралаштырып даярдайт. Сүттүн ордуна бир аш кашык балды же бир нече тамчы лимондун маңызын колдонсо деле боло берет.
Майлуу бетке кантип кам көрүү керек?
Майлуу бет май бездеринин катуу иштешинин натыйжасында пайда болот. Түтүкчөлөрү кенен, майлуу бет апельсиндин кабыгына окшоп турат. Кээде алардын майда кошумча тешиктери тарып, чаң толуп кеткенде, бетте кара чекиттер – комендондор пайда болот. Ал эми беттеги тешиктерге бир аз эле жугуштуу микробдор кирип кетсе, безеткилер чыга баштайт. Аны сыгып салууга болбойт. Себеби, ырбап отуруп, андан да чоңоюп кетиши мүмкүн. Майлуу бет безеткиге жакын болгондуктан, ага кам көрүүнү жаш кезден эле баштаган оң. Майлуу беттин кургак беттен айырмасы – ал калың келип, одуракайыраак тартып, бат эле жалтылдап майланышып кетет. өтө майлуу беттер, ал тургай, көгүш түстөнүп да кетет. Бирок, анын жылма көрүнгөн кургак беттен артыкчылыгы бар. Бул артыкчылык – анын калың жана майлуу болгондугунда. Башкача айтканда, майлуу бет күндүн нурунун, суунун, суук шамалдын териге көрсөтүүчү терс таасирлерине туруштук берет. Ошондуктан, бети майлуу адамдардын жүзүнө бырыш кеч түшөт. Мындай бетке майлуу бетмайларды колдонуунун кажети жок.
Майлуу бетке жасалуучу элдик маскалар
1. Айран маскасы
Бир үзүм кебезди айранга малып, аны бетке 1 мүнөтчө жаап коёт. Буга 1 чай кашык быштак кошуп туруп, аралаштырып колдонсо болот. Бул маска терини кургатып, беттин майлуулугун азайтат.
2. Ачыткы маскасы
20 грамм камыр ачыткыга 1 чай кашык лимон же клюква маңызын кошуп аралаштырып алат. Бул маска терини тазалап, жумшартат жана беттин майлуулугун азайтат.

jpg]

[ELTYN]

Айымдарга ай-а-ай кеңеш


Жүзүңүздү сактоонун камылгасы
-Беттин терисин калыбына келтирип, өңүн жакшыртуу үчүн 3 чай кашык быштак менен 1 чай кашык балдын аралашмасын маска катары пайдалансаңыз болот. 15-20 мүнөттөн соң бетиңизди кант салынбаган жылуу чай менен сүртүп коюңуз. Бул масканы косметикалык каражат катары гана пайдаланбастан, эртең мененки тамак ордуна колдонуп, арыктасаңыз да болот.
-Экинчи ээктен арылуу үчүн колдоруңуздун сырты менен (сол кол менен оңдон солду карай, оң кол менен солдон оңду карай) ээгиңизди ургулап массаж жасоо пайдалуу.
-Чач жасалгалоодо курамына спирт кирген гель менен лактардан баш тартканыңыз оң. Ал эми күнүгө эки жолу башыңызга жасалган 15 мүнөттүк массажды адатка айландырып алууңуз зарыл. Бул, чач түптөрүн бекемдөөгө жардам кылат.
-Азыктандыруучу кремдерди күнүгө пайдалана берүү териге терс таасир тийгизет. Тери өз алдынча "дем алып", табигый түрдө май бөлүп чыгарып турушу үчүн аны крем сүйкөбөй байма-бай эс алдырып туруш керек.
-Терини картайтпоо үчүн таруу бышырылган суу менен жуунуу пайдалуу. Бир нече ирет кайталанган мындай процедура беттеги бырыштарды кетирүүгө жардам берет.

[Takeshbek]

БУл создорду жаза турган тема бар беле

[admin_superstan]

" Айымдарга ай-а-ай кенеш." темасы менен бириктирилди.

[Aydashka]

Сергитүү үчүн маскалар
45 жаштан кийин көздүн айланасына өсүмдүктөрдөн жасалган тоник, ласьон, гель, маскалардын баардыгын жасап кам көрсө болот. Алар терини эс алдырат жана сергитет, азыктандырат. Ошондуктан ишенимдүү эле атайын пахта кездемелерин аларга салып, нымдуу болгондон кийин көздүн айланасына 5-10 мүнөт коюп коюш керек. Ошондой эле тоңуп калган муздун кубик формасы да жакшы сергитет. Бул ыкманы жасаш үчүн эртең менен бетти жуугандан кийин көздүн айланасын ал менен суулап чыгыңыз да өз алдынча кургашына мүмкүнчүлүк түзүп бериңиз.
Үй шартында көздүн терисине кам көрүүдө сөзсүз маскаларды колдонуш керек.

Бадыраң маскасы
Эң сонун тоник болуп бадыраң ширеси эсептелет. Ошондуктан көзгө дайыма жаңы бадыраңдын тоголок кесиндиси менен көздү 5 -10 мүнөткө жабып кам көрүлөт. Бадыраңдан сергитүүчү масканы башка жол менен да жасаса болот.
Бир чай кашык бадыраң ширеси менен кургак сүттү аралаштырып маска даярдайсыз жана аны көздүн айланасына 10 мүнөт коюп коёсуз. Убакыт болгондон кийин нымдуу тампон менен тазалаңыз.
Көздүн назик терисин сүйкүмдүү кылуу үчүн оливка, жожоба майларын колдонуңуздар.
Кургатылган 2 чай кашык көк башты (укроп) жарым стакан кайнатылган сууга салып, 15-20 мүнөт коюп коюш керек. Анан бул сууга атайын тампондорду салып, суулап сыгып алгандан кийин көзгө 20 мүнөткө коюп коюш керек. Бул көздүн терисин сергитет.

Азыктандыруучу маска
1 жумуртканын сарысына 1,5 аш кашык томат ширесин кошуп аралаштырасыз. Аз өлчөмдөгү сууга кичинекей балдардын азыктандыруучу креминен 3 аш кашыгы менен кошуп алып аралаштырып, анан жумуртканын сарысы менен томат ширесинен жасалган аралашмага кошуп, бардыгын жакшылап аралаштырып, маска даярдайсыз. Масканы көзгө сүйкөп, 10-15 мүнөт гана кармайсыз.
jpg]

[Aydashka]

Петрушка маскасы
50 грамм петрушканын жаңы жалбырактарын жарым литр сууга кайнатып, андан кийин муздатып бир топ убакытка коюп коёсуз. Даяр болгон петрушканын кайнатмасына назик тампондорду салып суулап, көзгө 1-2 мүнөткө коюп, 3-4 жолу кайталап маска жасаган болосуз. Аягында болсо муздак компресс жасайсыз. Тери кургагандан кийин майлуу крем сүйкөп коюңуз. Мындай элдик ыкмалар менен көзүңүзгө кам көрүүдө, анын дайыма сулуу жана чың кылып алып жүрө аласыз.

Жүзүм маскасы
Жүзүмдүн мөмөлөрүн майда кылып кесип алып, ал менен көздүн ылдыйкы бөлүгүндөгү терини азыктандырып чыкса абдан пайдалуу. Мындай учурда көз табигый жол менен азыктанган болот.

Кургак тери үчүн табигый маска
Бир жумуртканын сарысына 1 чай кашык балды кошуп, аралаштырып анан көздүн айланасына 10 мүнөт коюлат.

Маскаларды - малина, кулпунай, дарбыз жана башка мөмө жемиштердин жардамы менен өзүңүзгө ылайыктуу кылып жасап алсаңыз болот. Эгер кайнатып, майдалап жана башка жолдор менен ар кандай маскаларды даярдаганга мүмкүнчүлүгүңүз жок болсо же жалкоолонсоңуз мөмөлөрдү кесип алып, анын ширесин сүйкөп койсоңуз, минтип деле көзүңүздүн айланасына эң сонун кам көргөн болосуз.

Көздү эс алдыруучу маска
Эс алдыруучу маскалар көздүн териси үчүн керек. Мындай жардамды сүт менен сулунун аралашмасынан жасалган маска жакшы берет. Аны даярдооо да оңой. Аралшманы марлиге ороп, көзгө 20 мүнөткө коюп коюш керек.

jpg]