[SubAz]

Strateg (06 Май 2011 - 23:00) жазган:

Ушул мыйзамдын кабыл алынышы менен 2-3 аял алгандар албай калабы? Болуптур молдолор никесин кыйбай койду. Официалдуу эмес молдолор кыйып коет. Андайлар көп бизде. Айрымдар болсо никесиз эле жашай беришет. Коом тазарып калдыбы? Мүмкүн ушул мыйзамды кабыл алуусу, бул тескерисинче биздин өлкө ислам өлкөсү болуп баратканындадыр? Коомду тазартыш керек деп, эмки мыйзам менен ойношторго тыйуу салышат. Мисалы ким ЗАГСка барбай туруп жатып койсо, штраф, же 100 балак согончокко . Мына сага шариаттын мыйзамдары. Так что ислам үчүн күйүп бышып аткандар, бул мыйзам тескерисинче силердин кызыкчылыгыңарда. Мамлекет менен дин бириге баштады.

Андай точно болбойт го дейм.

Билдирүүнү түзөткөн: SubAz: 06 Май 2011 - 23:18

[USSR]

Kirgizshaa (06 Май 2011 - 20:24) жазган:

Дин чөйрөсүн жөнгө салууга мүфтияттын күчү жетеби, оболу ошол жөнүндө ойлонолу. Диний сабаттуулукту жоюуда мамлекеттин жардамы болбосо экстремисттик маанайлардагы түшүнүктөрдүн жайылып кетүүсү мүмкүн.
Мыйзам боюнча айта турган болсок, бул нерсени көзөмөлгө алуунун пайдасы да бар болсо керек. Жок эле дегенде жашы жете элек жаш кыздардын мажбурлоо жолу менен күйөөгө берилүүсүнүн алдын алууга болоор беле. Бул маселени ЖК эмес мүфтият көтөрүп чыкса, өздөрү көзөмөлдөсө, мындай талаштар болбос эле. Демек, бул түшүнүктү алгач дин кызматкерлерине түшүндүрүү керек го дейм...Дин мамлекеттен ажыратылган деген "ураан" түшүнүк маселени чечүүнүн жолу эмес...таптакыр ажыратуу мүмкүн да эмес, дин менен мамлекеттин "чек аралары" да конкреттүү такталган эмес. Динге "коомдук чындык" катары карап баа берүү керек го. Мыйзамдар коомго кызмат кылбагандан кийин анын кимге кереги бар, мыйзамдар жашоо шартка, коомдун талабына, ж.б. карап өзгөртүлүп туруусу керек, ошондой эле, Исламдын негизги принциптери менен мазхаб догмаларын ажырата билүү керек...Ошондо гана орто жолду тапса болсо керек деп ойлойм.

Бул сөзүң-ак сөз. Мен да ушуну айта албай убарамын.

[Kirgizshaa]

[quote name='USSR' date='07 Май 2011 - 05:01' timestamp='1304722915' post='490006' ]
Бул сөзүң-ак сөз. Мен да ушуну айта албай убарамын.
[/ quote]

Башкасы деле ушуга окшош мааниде жазылган болчу, т.а. "кара сөз" эмес эле

[Kirgizshaa]

amantur (06 Май 2011 - 21:17) жазган:

Байке

Мен сизди терең урматтаймын

Сиздин постторуңуздан билим деңгээлиңиз байкалып турат.

Туура, бул убакка чейин муфтият тарабынан чаралар аз көрүлгөн, бирок учурда муфтиятта реформа жүрүп жатат, мамлекеттик реформага караганда диний реформа бир топ эле узакка созулушу маалым, себеби инсандар өзүнүн диний көз карашын өзгөрүтүүсү кыйынга турат. Ошол эле учурда, азыр, дин маселесине мамлекеттин түздөн түз аралашуусу бир топ чатактарга алып келиши мүмкүн. Учурда муфтият өзүнүн аракет жасап абалды оңдоого жана ошол мусулман элдин ишеничин актоого аракетин кылып жатат, мамлекеттин киришүүсү бул нерсени бузуп коюшу толук ыктымал.

Эгер молдолорго штраф салына турган болсо аны муфтият салыш керек, болбосо элде нааразычылык пайда болот.

Балким сиз айткандай элди ойлоп иш кылып жатышкандыр бирок андай учурда да муфтият менен бир ооз сүйлөшүп алып иш кылса туура болмок.

Урматтаганың үчүн ыраазычылыгымды билдирем. Дин маселесине мамлекет киришпеген кайсыл өлкө бар...бизге дин-мамлекет ажырымын, диний плюрализмди ж.б. таңуулаган батыш өлкөлөрүбү? ?? Алардын тарыхы менен биздики эки башка...азыраак маалымат бере кетейин, калганын өзүн издеп окуурсуң.
Батыштын тарыхын карасак, модернизмге чейин чиркөө мамлекеттин башкаруу органы болуп турган. Чиркөөнүн башындагы кечил мамлекеттик башкаруучуларга Теңирдин атынан буйрук берген же түздөн түз башкарган. Ошол эле учурда кечилдер менен карапайым адамдардын ортосунда таптык ажырым болгон. Христиан окуусунун негиздери ошол учурдагы жашоо шарттарына жана талаптарына жооп бере албай калгандыгы үчүн чиркөөнү тануу маселесин көтөрүлүп чыккан (Протестанттар буга эң жакшы мисал боло алат). Ошол көйгөйлөрдүн негизинде батышта дин менен мамлекетти ажыратуу керек деген пикирдин колдоочуларынын талабынын негизинде чиркөө мамлекеттик башкарууну таштап, бир гана диний иштер менен алектенүүгө мажбур болуп калган.
Эми Ислам тарыхына саресеп салып көрөлү. Мечиттердин функциясы чиркөөнүкү менен, имамдардын жоопкерчиликтери кечилдердики менен дал келишкен эмес. Ошол себептүү Ислам тарыхында мусулмандардын арасында мечитти тануу же дин кызматкерлери менен карапайым мусулманды тапка (класстарга) бөлүп кароо болгон эмес (бирок кээ бир учурларда кездешет, өзгөчө Шиизмде жана кээ бир Исламдын философиялык агымдарында. ..).

Мүфтияттагы реформага мамлекеттин кийлигишпегендигин айтуудан алысмын. Экөө биргелешип иш алып барып жаткандыр, эки башка болсо да кызматташтык деген түшүнүк да бар экендигин эске алуубуз керек.

Мүфтият менен балким макулдашылгандыр, эгер сүйлөшүлбөгөн болсо анда бул мүфтияттын кадыр-баркынын деңгээлин көрсөтөт да...кадыр-барк "мусулман" болуу менен келбейт....алгылыктуу иш-чаралар менен...

Билдирүүнү түзөткөн: Kirgizshaa: 07 Май 2011 - 06:22

[USSR]

Kirgizshaa (07 Май 2011 - 05:47) жазган:

Башкасы деле ушуга окшош мааниде жазылган болчу, т.а. "кара сөз" эмес эле

"Кара сөз" менен жазсаң жакшынакай эле баласың %) Тамаша дос, окууңду бүтүп келип ушуга окшогон талаштуу, аялуу маселелерди чечүүгө салым кошсоң жакшы болот эле. Т.а. ошого тилектешмин. :) антпесең мага окшош чалапатриоттор менен чаламолдолор(бирок ашынган фанаттар) баардыгын ботко кылып салмай болдук. %)

Билдирүүнү түзөткөн: USSR: 07 Май 2011 - 09:46

[Kirgizshaa]

USSR (07 Май 2011 - 09:42) жазган:

"Кара сөз" менен жазсаң жакшынакай эле баласың Тамаша дос, окууңду бүтүп келип ушуга окшогон талаштуу, аялуу маселелерди чечүүгө салым кошсоң жакшы болот эле. Т.а. ошого тилектешмин. антпесең мага окшош чалапатриоттор менен чаламолдолор(бирок ашынган фанаттар) баардыгын ботко кылып салмай болдук.

Ал күн да алыс эместир, көп түкүрсө көл болот демекчи, жалгыз адам эч нерсени өзгөртө албайт...БИЗ, БААРЫБЫЗ чогуу аракет кылуубуз зарыл.

[Romantic]

<<Кара жылда он беш ай >>болбосок болду эми.

[USSR]

Romantic (08 Май 2011 - 11:07) жазган:

<<Кара жылда он беш ай >>болбосок болду эми.

түшүндүрчү, "кара жылда он беш ай" деген сөз айкашы эмне? Такыр укпаптырмын.

[Romantic]

USSR (08 Май 2011 - 08:18) жазган:

түшүндүрчү, "кара жылда он беш ай" деген сөз айкашы эмне? Такыр укпаптырмын.

Кыйынчылыктын мооноту узак сезилет дегендей. Бул маселенин аркасынан башыбызга кыйынчылык, туйшук тушпосо болду дегеним.

[nestan]

Форумчулар, жаман паника которуп жибересинер да!
Мамлекет, жон гана, уйбулолуу адамдардын санын билели деп жатышат! Жылына чыгарып турусу абзел да, аны дагы исламга каршы деп чыгарып салдынар! Заманбап жашоодо жашап жаткандан кийин ошонун темпи менен жашагыла да!

КРге бул бир уйбуло, уйбулодо баардыгы ачык айкын болуусу керек! Аларга уй-булолор кичине туман болуп жатат (канча адам уй-булолуу дегендей).

Кайра жардам берели!
Тоодогулар, созсуз турло келип туруп, ЗАГСка туруп койгула! Анан журо бербей!

[DoctorVOROBEI]

И

amantur (06 Май 2011 - 17:38) жазган:

Мусулман болуугамамлекет зордоп жаткан жок.


Молдолордун проблемаларым муфтият чечсин, кээ бири сабатсыз дегенге кошулам, бирок муфтият указ чыгарбадыбы, нике кыйуу үчүт сертификат алына турган болот, жана сертификат алуу үчүн аттестациядан өтүш керек, Муфтият өзүнүн иштерин оңдоп жатат. Эч кандай указ чыгарбады го ЗАГСтан өткөндөргө нике кыйылбайт деген, өзүнүн ишин аткарып жатат, эмне үчүн мамлекет киришет диндин ишине?

Ошондой эле ачык эле айтамын ошол жүз жыйырма депутаттын көпчүлүгү сабатсыз деп, ага деле көңүл бурулбайбы. Тоок сойсо касапчы сойсун демекчи, Дин иштерин дин өкүлдөрүнө койуп берсин.

муфтият андай нерсени чечкенге дээнгели жете элек. Мен оюмча, биринчиден мамлекет бир инсанга дин боюнча оз оюн тануулабайт. Экинчиден, муфтият озунун указдары менен буткул Кыргызстандын жарандарына таасир этууго кучу жетелек, себеби кыргыз эли "силер" тануулаган ислам дининин мыйзамдарын кабыл алууга даяра эмес. Себеби, кыргыздар эч качан толук кандуу мусулман болгон эмес, жана азырда ошондой эле акыбал! Ошон учун, Кыргызшаа акем, жана досум жазып кеткендей... Орто Азиядагы(анын ичинде кыргыздардын! ) ислам жонундогу тушунугу жана масхаб догмалары боюнча жаныча иш албаруусу кажет. Себеби, биздин масхаб (Абу Ханифа маскабы) дал ошол улуттук, салттык озгочолукторго таянган.

[EmMiR]

Абу Ханифа кыйын экен эй.. Дал кыргыздын салтына тууралап.. Бу. мусулмандардын бул мазхабында эн коп адам бар. Ошолордун баары кыргыздарбы, КыргызШаа, жооп берип койчу. Байкасам, бул маселенин ийне жибине чейин билет окшойсун?. А то ар кимдин созун оозунан жула качып.. озун да билген адамдардын катарына кошуп койгон адамдарга тан калып убара болбойлу.

[DoctorVOROBEI]

EmMiR (09 Май 2011 - 21:57) жазган:

Абу Ханифа кыйын экен эй.. Дал кыргыздын салтына тууралап.. Бу. мусулмандардын бул мазхабында эн коп адам бар. Ошолордун баары кыргыздарбы, КыргызШаа, жооп берип койчу. Байкасам, бул маселенин ийне жибине чейин билет окшойсун?. А то ар кимдин созун оозунан жула качып.. озун да билген адамдардын катарына кошуп койгон адамдарга тан калып убара болбойлу.

Aбу Ханифанын доорундагы кочмон турк элдеринин (алаардын ичинде кыргыздардын) жашоо образы окшош болгон. "дал кыргыздар учун" деген какшыкты жон коюнуз да, кочмон турк элдерине ислам кандай озгоруулор менен тараганы жонундо окуп коюнуз.

[amantur]

Kirgizshaa (07 Май 2011 - 03:20) жазган:

Мүфтияттагы реформага мамлекеттин кийлигишпегендигин айтуудан алысмын. Экөө биргелешип иш алып барып жаткандыр, эки башка болсо да кызматташтык деген түшүнүк да бар экендигин эске алуубуз керек.

Мүфтият менен балким макулдашылгандыр, эгер сүйлөшүлбөгөн болсо анда бул мүфтияттын кадыр-баркынын деңгээлин көрсөтөт да...кадыр-барк "мусулман" болуу менен келбейт....алгылыктуу иш-чаралар менен...

Макулдашуу болбогондуктан Кыргызстан мусулмандар дин башкармасынын азирети муфтийи Чубак ажы Жалилов ж8зжыйырмадепутатка кат жөнөтүп жатпайбы, макулдашканда мындай чыр да чыкпас эле.

[amantur]

nestan (09 Май 2011 - 13:42) жазган:

Форумчулар, жаман паника которуп жибересинер да!
Мамлекет, жон гана, уйбулолуу адамдардын санын билели деп жатышат! Жылына чыгарып турусу абзел да, аны дагы исламга каршы деп чыгарып салдынар! Заманбап жашоодо жашап жаткандан кийин ошонун темпи менен жашагыла да!

КРге бул бир уйбуло, уйбулодо баардыгы ачык айкын болуусу керек! Аларга уй-булолор кичине туман болуп жатат (канча адам уй-булолуу дегендей).

Кайра жардам берели!
Тоодогулар, созсуз турло келип туруп, ЗАГСка туруп койгула! Анан журо бербей!

Анда жакшынакай кылып каттоо (перепись) өткөрсүн. Улуттук статистикалык комитет иштебейби? Эмне божомолдорду гана чыгарышат! !!


Үй бүлөнүн санын билиш үчүн молдолорго штраф салган туура эмес гоо.

[amantur]

DoctorVOROBEI (09 Май 2011 - 15:10) жазган:

И
муфтият андай нерсени чечкенге дээнгели жете элек. Мен оюмча, биринчиден мамлекет бир инсанга дин боюнча оз оюн тануулабайт. Экинчиден, муфтият озунун указдары менен буткул Кыргызстандын жарандарына таасир этууго кучу жетелек, себеби кыргыз эли "силер" тануулаган ислам дининин мыйзамдарын кабыл алууга даяра эмес. Себеби, кыргыздар эч качан толук кандуу мусулман болгон эмес, жана азырда ошондой эле акыбал! Ошон учун, Кыргызшаа акем, жана досум жазып кеткендей... Орто Азиядагы(анын ичинде кыргыздардын! ) ислам жонундогу тушунугу жана масхаб догмалары боюнча жаныча иш албаруусу кажет. Себеби, биздин масхаб (Абу Ханифа маскабы) дал ошол улуттук, салттык озгочолукторго таянган.

Муфтият мусулмандар үчүн иштейт, Кыргызстанда баары эле мусулман эмес, эгер динде түшүнүктү пайда кылуу керек болсо, мектептерге тийиштүү сабактар киргизилиш керек. Дин таануу деген сыяктуу, бирок өлкөбүздө бир гана мусулмандар жашабагандыктан дүйнөлүкдиндерден маалымат берүүсү зарыл.

[nestan]

amantur (10 Май 2011 - 15:05) жазган:

Үй бүлөнүн санын билиш үчүн молдолорго штраф салган туура эмес гоо.

Муну айтпаса, баягы эле система боло берет! Бул стратегия!

[Godogochun]

Strateg (05 Май 2011 - 13:32) жазган:

Эми баланы отургузуу жөнүндө мыйзам кабыл алышсын. Мисалы мынча миллиметрден кыска кессе штраф. Мынча жаштан кечигип кестирсе - штраф.

[Programmer]

Молдолор нике кыйдырса ЗАГСтын кааталбагандар үчүн 1000 сом айып төлөйт экен деген мыйзамды ЖК кабыл алганы жатышат.

Билдирүүнү түзөткөн: Programmer: 15 Май 2011 - 11:51

[DoctorVOROBEI]

Programmer (15 Май 2011 - 11:49) жазган:

Молдолор нике кыйдырса ЗАГСтын кааталбагандар үчүн 1000 сом айып төлөйт экен деген мыйзамды ЖК кабыл алганы жатышат.

Молдо нике кыйдырсабы же кыйсабы? Тушунбой, башым ман)))