[Aidaikiz]

Достор сиздерден сураныч! Райымаалы менен Бегимайдын "Махабат дастаны" билгендер болсо, жазып берип коюнуздарчы! ?

[Aydashka]

ООРУП ТУРАТ ЖҮРӨГҮМ
Сөзү Г.Рыспаеваныкы,
обону А.Карымовдуку

Сени таштап учуп кетем куш болуп,
Таалайыма ушул тагдыр туш болуп.
Таарынбагын, өзүң болдуң себепкер,
Көңүлүмдүн калганыңа суз болуп.

Кайырма:
Жаным сыздап, ий, ий ооруп турат жүрөгүм,
Жалгыздыктан абдан жадап жүдөдүм.
Жакынымдан айрылуу да бат беле,
Күтүп жүрөм үзүлбөстөн күдөрүм.

Көздөрүңдө турган жашың термелип,
Көкүрөктө калар балким сыр болуп.
Көрө билип, көңүлүңө туя жүр,
Кайтып келем сага жакшы ыр болуп.

Жакшы көрүп, жаным бирге деп жүрсөм,
Жан дүйнөмдө жасалгалуу жан белең.
Жаман айтып жүрөгүмдү ооруттуң,
Кандай жансың жакшылыгым сезбеген.

[azamat1992kg]

Иляз Абдыразаковдун дагы "Мектебим" деген ырын жазып койгулачы билгендер болсо!!! Алдын ала рахмат!! !

[admin_superstan]

LoLoPePe ,

Ачык жашыл түстү колдонууга тыюу салынат.

Сизге эскертүү! !!

[azamat1992kg]

Соң-Көл

Сөзү: Э.Мамытовдуку
Обону: И.Аманбаевдики


Кубулуп, нурга бөлөнүп,
Кулпуруп Соң-Көл, көгөрүп.
Түгөнбөс сүйүү кайгысын,
Түбүнө алган чөгөрүп.

Көл үстү муңдуу шыбырап,
Айткандай сырды туюлат.
Арманда ыйлап бараткан,
Ак Мөөрдүн үнү угулат.

Канаты кандан кайрылган,
Кан кусуп, катуу кайгырган...
Элеси келет Болоттун,
Ак Мөөрдөн анда айрылган.

Өксүгөн өмүр кез келип,
Өткөндү бүгүн эскерип.
Сүрөтүн сактап сулуунун,
Сүйүүгө Соң-Көл эстелик.

[naklysA]

Көөдөнгө батпай кусалык,
Ойлорум барат узарып.
Көңүлүм сага бурулуп,
Байкатпай сүйүү күч алып,
Жаралдың менин бактыма.
Жайдары, тунук, таптаза,
Жибектей назик мүнөзүң,
Жаркылдап жаным, күлөсүң.

Кайырма:

Асылымсың, ардагымсың,
Жараткан берген бактымсың.
Бир өзүң деп жашап келем,
Жашоомдун сен жарыгысың.

Көздөрүң сенин жайнаган,
Карегиңден мен кагылам.
Элесиң чыкпай эсимден,
Сагынамын, сагынам.
Эстесем таттуу сөзүңдү,
Эзилет менин жүрөгүм.
Илебиң өрттөп сезимди,
Бир өзүңдү сагынам.

Кайырма

[beka123]

Борончу кудайбергенов.

''Сагынып сага карай жол издейм'' .

Салкын жел беттен сылап, бийикте булуттар чектен жылат, куз аягы келип жеткен убак айлана тунжурaaaaaaап, бугун булуктум конул чокту, билбеймин сен учун азбы коппу, озунсуз туп туура бир жыл отту, биз жактырган алма бак кулун токту.
кайырма
Акын болбосом да сен учун деп соз курап, ыр жазууга журок чиркин тынбай умтулат, аккардеон коштосунда мен кыялымда, бийге тартам сени,
а сен болсо азыр кучагында кимдердин, туболук суйом деп кимге соз бердин, ажайып сулуу жузуно арбалып ким журот эми?
2куплет.
Арманым ичке батпай, айласын изденип бирок таппай, тундор узарып тандар атпай убакыт барат жаай, ойлосом ишенбеймин онум эмес туш болсочу деймин, озунсуз кантееримди билбеймин, сагынып сага карай жол издеймин,
кайырма
Акын болбосом да сен учун деп соз курап, ыр жазууга журок чиркин тынбай умтулат, аккардеон коштосунда мен кыялымда, бийге тартам сени,
а сен болсо азыр кучагында кимдердин, туболук суйом деп кимге соз бердин, ажайып сулуу жузуно арбалып ким журот эми??

[azamat1992kg]

"Айылым"

Султан Садыралиев

Киндигимдин жаш каны,

Тамган жерим - айылым.

Балалыктын издери,

Калган жерим айылым.

Боз-ала чаң көчөңдүн,

Боз чымчыгын сагындым.

Чүкө ойноп өкчөгөн,

Чүрпөң болом айылым.




Бар жашоонун башаты,

Баркың билдим айылым.

Эрке уулуң кечиргин,

Эгер болсо айыбым.




Ааламга жол өзүңдөн,

Башталат го айылым.

Канатыңда жашоонун,

Калкып барат кайыгым.




Торгой сайрап үн салаган,

Тоском аппак таңыңды.

Топурагың алтыгдан,

Тоонун желин сагындым.




Балалыктын бактысы,

Баары сенде айылым.

Бата тилейм өзүңө,

Өчпөсө экен жарыгың.

Балалыктын сүйүүсү,

Сенде калган айылым.

[Take84]

[quote name='Aidaikiz' date='12 Октябрь 2011 - 10:53' timestamp='1318395223' post='557229' ]
Достор сиздерден сураныч! Райымаалы менен Бегимайдын "Махабат дастаны" билгендер болсо, жазып берип коюнуздарчы!


Урматтуу досум мен "Раймалы менен Бегимайдын" ырын билбейим бирок Бегимайдын ыры деп Айчүрөк Иманалиева ырдап жүрөт мүмкүн ушул сайттан издеп көрөсүн

[ulan aida]

Урматтуу достор!

Агарып тандын атканын
Кызарып кундун батканын
Кызыксыз ай мага омурдун ай
Озунсуз ай отуп жатканы- деген ырды толугу менен жазып койгулачы билгендер болсо.

[ulan aida]

Бир селкини суйуп улгурбой
Кыскалыгын кара омурдун-деген ырдын толугу менен жазып койгулачы.
Менимче Бакыт Шатенов ырдап журот бул ырды.

[Aydashka]

Айлуу түн.
Ы. Осмоналиев.

Мен сага келем айлуу кечте
Ортодо сүйүү бар го деймин бизде
Олтуруп экөөбүз көпк өчейин
Кетчүү елем мен кайра түн ичинде

Кайырма:
Сүйүүм деп мен сага айта албаймын
Сүйрүндү бир өзүндөн байкай албаймын
Алтыным жанындан чыккым келбей
Келген сонг кайра мен кайта албаймын

Ох жаным сен мени ойлойсун бу?
Ойлосон суймун деп койбойсун бу?
Егерде дос кыздар сөз кылышса
Ал менин сүйгонүм деп коргойсун бу?
Кайырма:

Ар кечте сагынам адатынча
өзүндөн сүрдөнөм неге мынча
Кынабай жал ооруп аяп койчу
Бул кечте сүйүүмдү айтам сага

[Aydashka]

Нурлан Насип "Унуталбай"

Сөзү: Канат Кадыржандыкы
Обону: Нурлан Насиптики

Айлуу түндө мен жалгыз,
Отурамын сени эстеп.
Бирге жүргөн күндөрдү,
Сагынып жүрөк эңсеп.

Унута албай келем мен өзүңдү,
Балбылдап жанган кара көзүңдү.
Сагындым ошол чексиз күндөрдү,
Саргайтпай келчи жүрөктү.
Сагындым жаным, сени сагындым,
Махабаттын отуна малындым.
Арбалып сүйүү отуна жаным,
Азаптуу күнгө кабылдым.
Азаптуу күнгө кабылдым.

Карай берем жолуңду,
Келеби деп кайрылып.
Ушул бойдон өзүңдөн,
Каламбы же айрылып.
Кабарыңды айтпадың,
Өзүңдү мен таппадым.
Унута албай, сыздап ыйладым.

[azamat1992kg]

13 жашар баланын арманы

Ырдын аткаруучусу: Султан Садыралиев

Ата каныңдан бүткөн баламын,
Кабыл ал айткан саламын.
Көңүлүм канча калса да,
Көзүмдөн учуп карааның.

Көрүнө жарк дей түшсө деп,
Гүл зарлап жолуң карадым.
Көргөн бир күнүң курсунчу,
Ата тирүүлөй жетим баланын.

Туягын тулпар кордойбу,
Тууруна туйгу конбойбу.
Бөлүнгөн кайта бириксең,
Бөксөргөн нерсең толбойбу.

Укканың барбы атаке,
Уясын бузган торгойду?
Томуктай ошол макулук,
Ата торгойчо болсоң болбойбу.

Балалуу көлдүн өрдөгүн,
Баласы үчүн өлгөнүн.
Күтүшүп өлгөн бала үчүн,
Бүркүттү дагы көргөнмүн.

Асырап бала бакпаган,
Айбандын бирин көрбөдүм,
Жылдыздай жанган балаңды,
Ата жырткычча неге көрбөдүң?

Барчын да канат сабалап,
Бала үчүн кылат далалат,
Айланып алыс кете албай,
Ак-куу да бала каралап.

Атсаң да болбой айкырып,
Аюу да коргойт мамалак,
Атаке сендей боору таш,
Деги адамда кантип жаралат?

Апам чыгары күчүн жашка эле,
Чыдамыш болот жакшы эле,
Бир кокуй неме экениң,
Билсечи байкуш башта эле.

Сендеги сырды ал кезде,
Сезбесе керек жаш неме.
Убалдан коркуп койбогон,
Ата ушунча бооруң таш беле?

Ар кимден ушак кеп угам,
Башка аял алды деп угам.
Баарынан бирге ойногон,
Балдардан жаман корунам.

Тосушса балдар атасын,
Томсоруп айла жогунан,
Тойпоңдоп чуркап мен деле,
Ата тосчу эмес белем жолуңдан?

Турмушта болот салтанат,
Турса да гүлдөп чар тарап.
Ызычуу түшүп биздин үй,
Мас болуп баарын талкалап.

Томкоруп тоону келгенсип,
Жатчу элең кееде чалкалап.
Анда да байкуш апакем,
Сенин айбыңды турчу калкалап.

Боору таш сендей жаралган,
Болбостур деги адамдан.
Айыгаар күнүм бар бекен,
Ачышкан жүрөк жарамдан.

Убалдан коркпос жанагы,
Таш жүрөк немең жаңы алган.
Апамдан өйдө көрсөң да,
Кантип анча өйдө көрддүн балаңдан.

Ичине түшүп жалындын,
Ичигиңди далай жамындым,
Сыздатса балдар жетим деп,
Сынганын айтпа жагымын.

Жоготкон деген атасын,
Жогу да менин багымдын.
Жыттатып койчу бир келип,
Ата жытыңды абдан сагындым.

Бак таалай мага мунарык,
Баратат улам тунарып.
Канчалык бүтөт десем да,
Кайгыга кайгым уланып.

Кайгынын жетпей түбүнө,
Кетти окшойт катым чубалып,
Ушунун баарын сен келсең,
Ата унутпайт элек кубанып.

[azamat1992kg]

Кыялкеч

Ырдын аткаруучусу: Султан Садыралиев

Сагыныч сезим күчөп,
Жан дүйнөм сени сүйөт.
Ажарың арбап мени,
Жүрөгүм сени сүйөт.

Жылдарым жылга өтүп баратат,
А менин сүйүүм өзүңдө калат.
Алсыздык жанды элеп алгандай,
Жүрөмүн жетпей өзүңдү самап.

Обон жаздым сага жалынам,
Күтүүгө даярмын сагынам.
Сен болсо түшүнбөй барына,
Калтырдың жалынга жанымды кыйнаба.
Кыялкеч менин эркелетемин,
Жылдыздай жанып турсаң жетпей келемин.

Ак сүйүү азабына салбагын жаным мени,
Күйүктүм өчүп барат күтүдөн сени.
Кабылып жалыныңа жүрөмүн сагынычта,
Айла жок баш ийемин ак сүйүү тагдырына.

[kuba8787]

жарк эткен коздоруно.
Караймын жалынбастан.
Сутанып карай берип
Суйуумдон коор болдум
Ай нурдун шооласындай
Жайылган карегин
Ай нурдун ак бетиндей
Жайылган жузундон

[aminali]

Динара Жүсайеванын Көл толкуну деген ыры кимде бар?Алдын ала рахмат.

[Fariza]

дильшат кангельдиеванын ар бир кунду тосолучу акыркыдай деген ырынын создору барбы?

[Arni]

mister (24 Июль 2007 - 20:22) жазган:

Жактырган ырларыныздын текстерин бул жакка жазыныз. Ыр дуйносун байыталы сиз менен бирге!!!

Салам достор! Женижоктун "Коксулуу" , Жолболду Алыбаевдин "Чолмпонум" Мырзайым" , Сыймык Бейшекеев ырдаган "Ай секет" деген ырлардын тексттери (создору) кимде бар? тапканга жардам бере аласынарбы! алдын ала рахмат! Арни

[sternchen]

bostars (07 Август 2011 - 22:39) жазган:

сен ааламга издетууго жаралсан..... мен ааламга дайым сени издоо учун келгемин.....

Издейм сени

Сөзү: Ж.Мамытовдуку
Обону: Р.Абдыкадыровдуку

Издейм сени арасынан элдердин,
Эң бир кооз гүлзарынан жерлердин.
Сен ааламга издетүүгө жаралсаң,
Мен ааламга, мен ааламга.
Дайым сени издөө үчүн, издөө үчүн келгенмин.

Тиктейм сени тизмегинен элдердин,
Бактарынан бардык кооз жерлердин.
Сен ааламга кайгыртууга жаралсаң,
Мен ааламга, мен ааламга.
Дайым сен деп, кайгырууга,
Кайгырууга келгенмин.

Акпы-көкпү, кызыл бекен жоолугуң?
Жоолугуңдун түсүн көрбөй оорудум.
Кышта калган жалбырактын өңүндөй,
Ажарынан, ажарынан бир өзүң деп,
Азууда ден, азууда ден соолугум.

Пушту бекен, жашыл бекен көйнөгүң?
Мынча мени алоолонтуп ойнодуң?
Балким, ушул зор бактынын өзүдүр,
Өмүр бою, өмүр бою издеттирип,
Бир көрүнбөй, бир көрүнбөй койгонуң.

Билдирүүнү түзөткөн: sternchen: 02 Май 2012 - 04:29