[ELTYN]

Кыргыз эли мистикага жакын эл болот эмеспизби. Азыр элдин көбү саясатка кулак түрүп турган маалда саясий мистика боюнча бир шиңгил жазалы дедик. Кыргыз Республикасынын тарыхындагы президенттердин 61 жашында бийликтен кетишкенин, Роза Исаковна да 61 жашында тапшырып, эгер жакшы иштесе Алмазбек Атамбаев да 61 жашында президенттик тактыны тапшырат экен.

61 жашында качып кеткен тунгуч президент Аскар Акаев
Табышмактуу 61 саны менен биз Кыргыз Республикасындагы бийликтеги окуяны айткыбыз келип атат. Быссымылда дегенде эле Кыргызстандын тунгуч президенти Аскар Акаев жөнүндө сөз кылалы. Техникалык илимдердин доктору 1944-жылы Кемин районунун Воронцовка айылында бул жарык дүйнөгө келген. Коомдук иштерге катышып жүрүп, 1990-жылы 27-октябрда Кыргыз Республикасы СССРдин курамынан бөлүнүп чыкканда тунгуч президент болуп шайланат. 1995-жылы экинчи президенттик шайлоодо да атаандаштарын артта калтырып, жеңишке ээ болгон. 2005- жылы 24-мартта, тактап айтканда 61 жашында Аскар Акаевич үй-бүлөсү менен өлкөдөн качып кеткен. Себеби өзүнүн уулу Айдар, кызы Бермет жана "Алга Кыргызстан" , "Адилет" үй-бүлөлүк партиясынан 20 адам депутат болгонуна элдин кыжыры кайнап революция кылышкан. Улуу жазуучубуз Чыңгыз Айтматов өзүнүн чыгармалары менен дүйнөнү дүңгүрөткөн болсо, Аскар Акаевич өз өлкөсүнөн качып кеткен президент катары дүйнөнүн төрт тарабына Кыргызстанды белгилүү кылды. Анысына да рахмат. Аскар Акаев качты, бирок кан төккөн жок. 24-мартты элдик революция күнү деп майрамдап калдык. Ошентип пайгамбар жашында Аскар Акаев өлкөсүн таштап качып кетип, эми Кыргызстанга кайтып келиштин айласын таппай ар кимге жармашып отурган кези.


Курманбек Бакиев 61 жашында Кыргызстандан куулду
Экинчи каарманыбыз албетте Курманбек Бакиев экени талашсыз. 1949-жылы 1-августта Жалал-Абад облусунда жарык дүйнөгө келген. Курманбек Бакиев карьерасын Куйбышевдеги Масленников заводунан баштаган. Кийин балык комбинатта жүк ташыгыч да болуп эмгектенген. 1978-жылы Куйбышев атындагы Политехникалык институтун аяктайт. Аскар Акаевдин качып кетиши менен (ал кезде премьер министр болуп турган кези болчу) анын ордун басып калды. Аскар Акаев он төрт жыл иштесе дагы кан төгүүлөр дээрлик жокко эсе болгон. Курманбек Бакиев бийликке келээри менен эле мыкты депутаттар, спортсмендер табышмактуу өлүмгө дуушар болду. 2009-жылкы президенттик шайлоодо Курманбек Бакиев шайлоочулардын 90 пайыз добушу менен экинчи жолу президент болуп шайланды. Нысапсызга кашык сунсаң беш ууртайт болуп, бийликке манчыркаган "бакиевчилер" өлкөнү туш тарабынан тоноп жатышканын көргөн эл дагы чыдабай 2010-жылы 7-апрелде Курманбек Бакиевдин бийликтен кетишин талап кылып революцияга чыкты. 90дон ашуун жигиттер курман болуп, кан төгүлдү. 15-апрелде Убактылуу Өкмөт менен Бакиевдин ортосунда сүйлөшүүлөр болуп, ошол эле күнү Бакиев Кыргызстандан чыгып кетти. Ошентип Бакиев да 61 жашында президенттик тактыдан ыргыды.


Роза Отунбаева 61 жашында бийликти тапшырып атат
Үчүнчү президент албетте Роза Исаковна Отунбаева болду. Роза Исаковна 1950-жылы 23-августта Бишкек шаарында туулган. Эмгек жолун 1975-жылы СССРдин 50 жылдыгы атындагы Кыргыз мамлекеттик университетинин диалектикалык материализм кафедрасында окутуучулук кызматынан баштаган. Андан кийин аталган кафедранын улук окутуучусу, бир аз убакыттан кийин анын башчысы болгон. Философия илимдеринин кандидаты, доцент.
1989-жылдын январынан баштап Р.И.Отунбаева СССР ТИМинде: адегенде жооптуу катчы, андан кийин СССРдин ЮНЕСКО иштери боюнча Комиссиясынын төрайымы болуп иштеген. 2010-жылдын 7-апрелинен тартып Кыргыз Республикасынын Убактылуу Өкмөтүн башкарып, эркек көтөрө алгыс жүктү көтөрдү. 2010-жылдын июлунан тартып - Кыргыз Республикасынын Президенти Роза Исаковна Кыргызстандын алгачкы президенттери сымал качып кетпесе да, аларга окшоп 61 жашында президенттик тактыны тапшырып атат.


Алмазбек Атамбаев
1-декабрь күнү Токтогул Сатылганов атындагы Улуттук Филармонияда Кыргыз Республикасынын Президентинин иннаугурациясы болот. Белгилей кетсек, Алмазбек Атамбаев үстүбүздөгү жылдын 30-октябрында өткөн президенттик шайлоодо атаандаштарын жеңди. Алмаз Шаршеновичтин туулган жылына кайрыла турган болсок, 1956-жылдын 17-сентябрында Чүй облусунун Аламүдүн районунун Арашан айлыныда төрөлгөн. Эгер жакшы кызмат кылып, алты жылдык мөөнөтүн ийгиликтүү өтөп кетсе, Алмазбек Шаршенович да Кыргыз Республикасынын тарыхындагы 61ге чыкканда бийликти тапшырган президенти болот.

[solnyshko]

дааааа. мен билген эмесмин ,кызык экен...

[Likvidator]

Бир тараптан туура чыгып жаткандай ой калтырды .

[Likvidator]

Бир тараптан туура чыгып жаткандай ой калтырды . Анда 61 жашка жакындаган саясатчылар президенттик тактыга аракет кылбай коюшса да болот эми.

[temu]

61 жаш мучол жаш дечу беле, башкача айтканда Мухаммед пайгамбар ушул курагында каза болсо керек эле.

[Таллас]

temu (21 Декабрь 2011 - 17:40) жазган:

61 жаш мучол жаш дечу беле, башкача айтканда Мухаммед пайгамбар ушул курагында каза болсо керек эле.

Жок.

Пайгамбарыбыз Мухаммад (Ага Аллахтын саламы жана салаваты болсун) 63 жаш курагында көз жумган. 40 жашында пайгамбар болгон. 13 жыл Мекке шаарында даават кылып, анан Медина шаарына көчүп анда 10 жыл жашагандан кийин каза болгон. Ал жыл 632-жылы эле...

[Programmer]

Мен эчак эле укканмын 61 жаш жөнүндө 3 экс-президент 61 чыкканда бийликтен кетишти. ( экөөсү качып.)
Атамбаев да 61 жашка чыкканда президенттик мөөнөтү да бүтүп калат экен.

[aote]

Кызык....61?чын эле мистикалык санбы?

[aote]

Дагы кандай мисалдар бар?

[ELTYN]

Биздин Ажолор учун ошондой окшойт мистикалык сан 61 тан калыштуу.Озум да окуп тан калгамын башында.

[azamat1992kg]

61 жашка чыгып анан Алмазбек Атамбаев бийликти тапшырып калат экен да ээ?! Мына кызык!

[aminali]

Жакшы жаңылык экен,эми ар кимдин алтымыш бир жашын аңдып жүрө берем го.

[future_kg]

Билбейм,акаевтин 15 жылдан кийин жакындары,бакиевтин беш жылдан кийин, ал эми атамбаевтин жакынрары 15 күндөн кийин бийлике келди, эми ойлоп көргүлөчү 61 чыккыча ажо болобу экен?

[Shah]

Демек ушундай дегилечи.

[dina]

Мындай дал келүүлөр көп эле болот. Бирок, бул да кызыктуу экен.

[bostars]

Мындай дал келуулорго ишенууго болбойт,баары Кудайдын айтканындай эле болуп атат да....